فيلم_العفاريت(٢)..الحلقه ال والتاني والنهايه تأليف: حماده فاروق هاشم...

 فيلم_العفاريت(٢)..الحلقه ال والتاني والنهايه

 تأليف: حماده فاروق هاشم...

مشهد 1 في المستشفي... 

الكتعه ماتت قبل ما تقول مين بنت ماما كريمه بعد ماكانت خلاص هتنطق لكن للاسف روحها طلعت قبل ما تقول.... 

تموت الكتعه وماما كريمه تحضن البنتين وبتعيط..... 

الضابط حسام واقف وطبعا حزين بسبب اللي حصل.... 

الظابط حسام... 

مش عارف اقولك ايه يا مدام كريمه بس علي الاقل في بنت من دول هي بنتك...

وهم الاتنين معاكي وهيتربو في حضنك... 

وربنا اخد منك بنت ورجعهالك اتنين... 

تبص ماما كريمه للضابط حسام والدموع ماليه عنيها.... 

انا بشكرك جدا علي وقفتك جمبي وانك منستش المرحوم رفعت...

الضابط حسام...

متشكرنيش يا مدام كريمه

رفعت الله يرحمه مكنش زميل لا...

ده كان صاحب واخ بجد...

الله يرحمه....

وفي اللحظه دى يدخل عمرو...

ويستأذن الضابط حسام ويمشي...

عمرو...

مدام كريمه...ايه اللي حصل...

عرفتي مين فيهم بنتك...

تبص ماما كريمه لعمرو ودموعها علي عنيها....

للاسف...ماتت قبل ما تقولنا مين فيهم بنتي....

عمرو....

علي كل حال هم الاتنين معاكي وتقدري تعتبريهم هم الاتنين بناتك...

تبص ماما كريمه لعمرو وتهز دماغها.....

............... 

مشهد 2.....الاصلاحيه...

الاطفال اللي كانو مع الكتعه البوليس اخدهم كلهم ودخلهم الاصلاحيه.....

ميعاد الفطار....

ابو نص لسان وسقراط قاعدين وبياكلو جمب بعض....

ابو نص لسان....

يعني بليه ولوزه دلوقتي زمانهم هايصين مع ماما كريمه واحنا محبوسين في الاصلاحيه دي...

سقراط...

علي الاقل الاصلاحيه دى احسن من الحبسه اللي كانت حابساهلنا خالتك الكتعه بيأكلونا ويشربونا ويعلمونا....

ابو نص لسان...

برضو حبسه يا فيلسوف....

بقولك ايه....

تيجي نهرب....

سقراط...

نهرب....

نهرب نروح فين....

لا ياعم اهرب انت لوحدك....

ابو نص لسان....

هنبقي حرين ونعمل اللي احنا عاوزين ونشوف بليه ولوزة 

انا عاوز ارجع لشغلتي

مش عاجباتي القعده هنا....

سقراط...

طيب هنعمل ايه....وهنعيش فين....

ابو نص لسان....

المطرح اللي كانت قاعده فيه الكتعه انا معايا المفتاح بتاعه شايله...

انت نسيت انها خالتي...

سقراط...

اه صحيح..

طيب هنهرب ازاي....

ابو نص لسان...

ملكش دعوة انت...

استعد بس ولما يجي وقت النوم انا هصحيك....

سقراط...

ماشي....ربنا يستر....

.........................

مشهد 3.....السجن.....

شمندى قاعد في السجن وتجيلو زياره.....

تدخل واحده لابسه عبايه سوده وطرحه لف ولابسه علي وشها شبكه مغطيه بقها.....

يقوم شمندى اول ما يشوفها....

شمندي...

زينات...

ايه اللي جابك يا زينات....

مش قولتلك انا مش عاوز اشوفك تاني....

زينات....

يا راجل....

ياراجل كفايه دانت حبله المشنقه علي رقبتك...اعمل لاخرتك ورجعلي بناتي....

شمندى....

انسي يا زينات...

وبعدين بناتك دلوقت عايشين احلي عيشه ومع انضف ناس....

عيشه مكانوش يحلمو ولا تحلمي انتي بيها...

زينات...

توطى علي رجل شمندي....

ابوس رجلك....

ابوس رجلك يا شمندى 

قو لي بناتي فين 

 ومع مين ابوس رجلك....

شمندي يمسكها من شعرها

 ويشدها وهي بتسوط

 ويدخل العسكري ويحوش شمندي عنها...

زينات العسكري يسحبها لبره وهي بتصرخ...منك لله ياشمندي...

منك لله ياظالم...

ربنا ينتقم منك....

.....................

مشهد 4......فيلا ماما كريمه...

ماما كريمه نايمه علي السرير وواخده بليه ولوزة في حضنها وبتحكيلهم حكايه.....

تخبط الشغاله وتخل علي ماما كريمه....

الشغاله...

استاذ عمرو بره يا مدام وبيسأل علي حضرتك اقوله ايه....

ماما كريمه لسه هتنطق...

تقوم بليه من علي السرير جري 

ولوزه مكانها في حضن ماما كريمه....

تنزل بليه جري من علي السلالم وعمرو قاعد تحت....

بليه وهي نازله...

عمرو...عمرو....

انت جاي تاخدني معاك البروڤا صح...

يقوم عمرو من مكانه وبليه تقف قدامه....

عمرو...

ايه يا ستي بليه....

بعدين بليه ايه ده احنا لازم نختارلك اسم يليق علي فنانه زيك...

بليه...

من الناحيه دي متقلقشي يا سيدي...

ماما كريمه سبقتك وسمتني اسم ايه اااااخر حلاوة....

عمرو وهو مبتسم....

ومش اسمك بس اللي كانت عاوز يتغير...

وطريقة كلامك كمان....

دي مش طريقة كلام فنانه......

بليه...

طيب ياسيدي....ايدي علي كتفك...

انت بس علمني وانا هحفظ علطول..

انا لهلووووبه

ماما كريمه نازله علي السلالم ومعاها لوزة....

ماما كريمه...

صاح الخير يا استاذ عمرو...

عمرو...

صباح النور يا مدام كريمه....

انا كنت وعدت بليه...اقصد

ويبص لبليه صح انتي مقولتليش ماما كريمه سمتك ايه....

بليه....

الكلام خدنا ونسيت اقولك...

انا بقي اسمي....بقي اسمي. 

يووووه نسيت.....

ويضحك عمرو ويقولها...

ايه نسيتي....

امال ايه لهلوبه دي وبحفظ...

ترد ماما كريمه....

ناريماااان...ناريمان يا حبيبتي...

بليه...

ااااه ناريمان شوفت...

اسم صعب اوي...

وماااااله بليه بس...سهل وبيجري علي اللسان...

تضحك ماما كريمه وعمرو...

عمرو...

ياستي بكره تتعوديه عليه...

وبعدين احنا اتفقنا علي ايييييه...

لازم تنسي كووووووول اللي اتعلمتيه وشوفتيه...

احنا هنبدا من جديد....

..................

مشهد 5.....زينات....

زينات قاعده في نفس البيت اللي كانت قاعده فيه الكتعه وكان شمندي متجوزها في السر ايام ما هجم علي بيت المقدم رفعت  وخطف بنت ماما كريمه.....

زينات سمعت صوت باب بيتفتح وطلعت تبص لقت ابو نص لسان ومعاه سقراط بيفتحو الباب ويتخضو اول ما يشوفوها....

زينات....

ابو نص لسان....انت بتعمل ايه...

وكنت فين الوقت ده كلو يا وااااد....

ابو نص لسان...

اااا خالتي زينات...انتي هنا....

زينات....

انطق يا واااد...ومين اللي معاك ده....

................

يتتتبع...

#فيلم_العفاريت2 حلقه 2 النهاية

#تأليف:حماده فاروق هاشم

زينات قاعده في نفس البيت اللي كانت قاعده فيه الكتعه وكان شمندي متجوزها في السر ايام ما هجم علي بيت المقدم رفعت  وخطف بنت ماما كريمه.....

زينات سمعت صوت باب بيتفتح وطلعت تبص لقت ابو نص لسان ومعاه سقراط بيفتحو الباب ويتخضو اول ما يشوفوها....

زينات....

ابو نص لسان....انت بتعمل ايه...

وكنت فين الوقت ده كلو يا وااااد....

ابو نص لسان...

اااا خالتي زينات...انتي هنا....

زينات....

انطق يا واااد...ومين اللي معاك ده....

ابو نص لسان...

دااا داااا سقراط....

زينات...

سقراط.....سقراط مين ياواد...

ابو نص لسان...

ده من صبيان خالتي الكتعه 

البوليس قفل المطرح اللي كنا بنتاوى فيه فجبتو معايا...

زينات...

وهتعيش ازاي هنا لوحدك بعد ما خالت راحت وريحت ولسه بتكمل كلامها ييجي صوت بنت من جوه...

ماما زينات يا ماما زينات...

زينات تبص وراها وتقولوهم 

طيب خلاص ولو عوزت حاجه خالتك زينات موجوده..

وتقفل الباب وتدخل بسرعه لجوة علي صوت بنتها اللي بتانديها...

تدخل الاوضه وفي بنت صغيره عالسرير صاحيه من النوم وتاخدها زينات في حضنها...

انتي صحيتي يا حبيبتي....

وتبوس فيها وتقول...

ياتري انتو فين يا حبايبي.....

.........................

مشهد 2......المسرح....

عمرو دياب بيعمل بروڤا علي المسرح وبليه ولوزة ومعاهم ماما كريمه قاعدين بيتفرجو...

وبعد ما يخلص عمرو الاغنيه ينزل ويقعد جمبهم....

وبيسال بليه....

هاااااا عجبتك البروڤا...

ترد بليه...بتناكه....

حلوة...موش بطاله....

ويضحك عمرو وماما كريمه على ردها.....

وترد لوزة...

وانا كمان يا عمرو عاوزة اغني زيك....

يبص عمرو للوزة ويقول..

بس كده يا حبيبتي...

حااااااااااضر....أنتي تؤمري..

...............

مشهد 3

السجن.....شمندي

شمندى قاعد في السجن ولابس البدله الحمرا بدلة الاعدام 

وتظهر طرقه السجن في ضابط جاي ومعاه عسكري ويفتحو الزنزانه وشمندى قاعد علي الارض...

الضابط....

يلا يا شمندى...قوم معانا....

شمندي يبص للضابط وهو قاعد....

ويقول......خلااااص عذرائيل وصل..

يرد الضابط....

قوم ياشمندي وبلاش غلبه...

هاتو يا عسكري....

ويروح العسكري علي شمندى ويقومه من الارض....

قوم معايا يا متهم قوم....

يقوم شمندي مع العسكري مستسلم وياخدوه لغرفة الحكم.... 

الغرفه فيها فريق تنفيذ الاحكام وفيه شيخ ازهرى... 

يوقفو شمندي علي منصة التنفيذ... 

ويقف الشيخ قدامه ينطقو الشهاده ويطلب منه اذا كان نفسه في حاجه او عنده كلام عاوز يقولو..... 

ويسكت ميردش.... 

يبدأ العسكري يحط الحبل حوالين رقبتو ويبدا شمندى يحس بالرهبه والخوف ويزعق... 

استنو.... 

انا عاوز الضابط حسام.... 

يرد عليه الضابط... 

عاوز الضابط حسام ليه... 

يرد شمندى... مش هينفع اقول.... 

مش هتكلم الا قدام الضابط حسام.... 

يبص الضابط للفريق اللي معاه وياخد رأيهم ويبص الضابط للعسكري ويطلب منه يستدعي الضابط حسام بسرعه..... 

.......................

مشهد 4....بيت الكتعه...

ابو نص لسان وسقراط قاعدين وبيسال سقراط ابو نص لسان...

سقرط...

مين زينات دي يابو نص لسان....

ابو نص لسان...

خالتي زينات دي كانت مراة المعلم شمندي الله يفحمه وكان مطلع عنيها  ومخلف منها بنتين بس كان واخدهم منها بعد ماطلقها.....

سقراط...

يعني هي خالتك خالتك زى الكتعه كده ولا....

يرد ابو نص لسان....

لا مش خالتي بس انا بقولها كده...

ومش هتصدق لو قولتلك مين بناتها

دول كانو عايشين معانا مع الكتعه....

سقراط...

بتتكلم جد....مين البنتين دول....

يرد ابو نص لسان....

لوزه وبليه....

انا كان المعلم شمندى كان بعتني اوصله شغل ولما رجعت سمعتهم بيتكلمو عن لوزة وبليه...

وكمان كانو بيقولو ان فيه بنت مع زينات البنت دى بنت ناس اغنيا اوى كانو بيتفقو يرجعوها لاهلها ويطلبو منهم فلوس كتير اوى....

بس مقالوش البنت دى بنت مين....

سقراط...

يعني بليه ولوزه اخوات بجد وولاد زينات دي....طب ما قولتلهاش ليه...

ابو نص لسان...

منا كنت خايف من المعلم شمندي ده مفتري وكان ممكن يقتلني...

سقراط...

اهو المعلم شمندى وخلصنا منه قولها بقي معندكش حجه....

ابو نص لسان...

معاك حق...انا هقولها....

..................

مشهد 5.....السجن.....

الضابط حسام ماشي مع العسكري رايحيين غرفة الاعدام وماشيين بسرعه...

يوصل الضابط حسام ويدخل وشمندى واقف ومستني واول ما يدخل الضابط حسام....

شمندى...

حسام بيه ارجوك خلي الست كريمه تسامحني....انا خلاص هموت ومعملتش خير في حياتي وعاوز اعمل حاجه قبل ما اموت...

بس وحياة الغاليين عندك لتخليها تسامحني...

الضابط حسام...

ماشي يا شمندى طالما ضميرك صحي كده اكيد هتسامحك...

ها عاوز تقول ايه...

شمندي...

بنت الست كريمه يا حسام بيه...

بنت الست كريمه انا هقولك مكانها...

الضابط حسام مستغرب...

تقول مكانها...ازاي يعني...

بنت مدام كريم معاها فعلا...

اي نعم هي متعرفش مين فيهم بس هي واحده من البنتين....

شمندي....

لا يا سعادته البيه.....

البنتين اللي مع الست كريمه مش بناتها....

الضابط حسام....

بتقووول ايه...

انت عاوز تقول انا لا بليه ولا لوزة محدش فيهم بنت مدام كريمه....

شمندى....

لا ياسعادته البيه....

بنت مدام كريمه مع زينات طليقتي.......

الضابط حسام....

زينات طليقتك....

وهي فين دي......

..........................

مشهد 6.....منزل الكتعه...

ابو نص لسان ومعاه سقراط بيخبط علي بيت زينات.... 

تفتح زينات الباب.... 

زينات... 

عاوز ايه يا واد... 

ابو نص لسان... 

عندى كلام مهم عاوز اقولهولك... 

زينات... كلام مهم اي ده ان شاء الله اللي عاوز تقولهولي... 

ابو نص لسان.... 

بخصوص بناتك يا خالتي... 

بناتك اللي خدهم منك المعلم شمندي.... 

زينات... 

انت بتقول اييييه... 

وتسحب ابو نص لسان من ايده.... 

تعالي ادخل.... ادخل جوه وتقفل الباب.... 

انت بتقول بناتي... انت تعرفهم... 

عارف مكانهم.... 

ابو نص لسان... 

اه اعرفهم... 

وتمسك زينات ابو نص لسان من كتافه وتهز فيه قوول... قووول هم فين ومع مين.... 

والباب يخبط....  خبط قوي.... 

تبص زينات ناحية الباب وتقوم تفتح..... 

الضابط حسام علي الباب... 

انتي زينات.... 

زينات خايفه... 

ايوة يا سعادته البيه انا زينات... 

خير يابيه... انا عملت ايه... 

الضابط حسام  يبص جوة..ويسألها..... 

فين البنت اللي معاكي.... 

زينات... 

بنت.... بنت مين يابيه... 

زينات شمندي قالنا علي كل حاجه... 

البنت اللي معاكي دى مش بنتك دى بنت مدام كريمه مرات المقدم رفعت الله يرحمه... 

وبناتك موجودين عندها دلوقت.... 

زينات... 

بناااتي... يا حبايبي....

خدني ليهم يا بيه....

.........................

مشهد 7.....فيلا ماما كريمه...

ماما كريمه وبليه ولوزة  ومعاهم عمرو قاعدين في الجنينه وعمرو بيلاعب البنات ويطلب من ماما كريمه انه عاوزها لوحديهم وتطلب ماما كريمه من بليه ولوزه يقومو يلعبو في الجنينه...

عمرو...

انتي عارفه يا مدام كريمه اني الحمد الله قدرت احقق هدفي وخلاص عاوز استقر....

وانا بصراحه كنت عاوز اصارحك من زمان بس كنت مستني الفرصه المناسبه....

مدام كريمه...

تصارحني بايه يا عمرو مش فاهمه...

عمرو...

انا يا مدام كريمه بصراحه معجب بشخصيتك وانتي عارفه اني لوحدي ومعييش حد...

تسمحيلي وهكون سعيد جدا اني اتقدملك واطلب ايدك...

مدام كريمه في خجل...

انت بتقول اي يا عمرو...

معقول...انت مش واخد بالك اني اكبر منك...

عمرو...

يامدام كريمه ده كله ميهمنيش...

وبعدين انتي في عز شبابك...

المهم عندى انك انتي اللي انا ارتحتلها ومحتاجها في حياتي...

ها يا مدام كريمه قولت ايه...

مدام كريمه....

والله ياعمرو مش عارفه اقولك ايه...

انت بصراحه فاجئتني...

طيب سيبني بس يومين كده اجمع افكاري وهرد عليك....

وفي الوقت ده يدخل عليهم الضابط حسام ومعاهم زينات والبنت الصغيره....

ماما كريمه وعمرو يقومو ويقابلو الضابط حسام وزينات...

ماما كريمه اشوف البنت الصغيره وملامح وشها تتغير كأنها حست بحاجه...

ماما كريمه...

خير......

خير يا حسام بيه...

الضابط حسام....

انا عاوزك تمسكي اعصابك كده يا مدام كريمه عشان الخبر اللي هتسمعيه...

ماما كريمه...

خبر ايه يا حسام بيه قلقتني...

الضابط حسام...

بنتك...

بنتك يا مدام كريمه...قدامك اهي...

وتبص ماما كريمه علي البنت وتبص لورا علي لوزة وبليه...

وملامح وشها كلها تتغير ومصدومه وتقف متسمره لثواني وتبص علي البنت وتنزل علي ركبها علي الارض وتبص في عنيها....

البنت ملامحها قريبه جدا من ماما كريمه...

ماما كريمه ماسكه البنت وعمال تحط ايدها علي وشها وتملس علي شعرها وتبدأ تتنهد بصوت عالي وكان قلبها وقف لثواني واشتغل...

تمسك البنت وتاخده في حضنها...

بنتي....

بنتي...بنتي..بنتي وتبكي وهي عمال تحضن البنت وتبوسها في جميع اجزاء وشها وايديها....

زينات تبص ناحية بليه ولوزة وتجري عليهم وتحضنهم وهي بتعيط...

احمدك يارب...رجعتلي بناتي...

الحمد لله....الحمدلله...

البنات متسمرين ومش عارفين ايه اللي بيحصل.....

وفي النهايه توصل ماما كريمه لبنتها الحقيقيه...

وترج زينات لبناتها...

تطلب ماما كريمه تقعد معاهم في الفيلا لانها اتعلقت بلوزة وبليه....

وتوافق علي جوازها من عمرو....

ويعملو فرح كبير في الفيلا...

والكل فرحان ويتجمعو كلهم مع بعض في حب وسعاده.....

ابو نص لسان وسقراط يرجعو الاصلاحيه تاني ويلتزمو بتعليمهم  وبليه بتزورهم من وقت للتاني هي ولوزه......

تقرر ماما كريمه تعمل دار ايتام وتجمع فيها كل الاولاد اللي كانو مع الكتعه و اتربو مع بليه ولوزة  ويرجعو يتجمعو من جديد في مكان جديد وحياه جديده.... 

...... 

النهايه...... 

أتمني اكون قدرت اسعدكم بتكمله العمل العظيم ده اللي هيفضل في ذاكرتنا.... 

وانتظرووني مع عمل اخر بأذن الله وهيتم اختيارة بناءا علي رغبتكم... 

تحياتي 

اقرأ كأنك تشاهد....