جميع الروايات كامله

 

العاصي 

الفصل الثاني  والتالت

واقف في الشارع فاتح حقيبة سيارته ومطلع منها عصي غليظه طويله(شومه)

الحاجه توحه:اهو جيه اهو تعالو اما نشوفه بيتخانق مع مين النهارده ومين اللي امه داعيه عليه وركن عربيته مكانه دخلو الي شرفة بيتهم صرخت غمزه

غمزه:عربيتي يا مامي الحقي  ده هايكسرها ثم اخذت مفاتيح سيارتها ونزلت تجري لتنقذها من براثن هذا العاصي

عاصي:  وقف يلوح بعصاه وهو يصيح بصوت مرتفع انا عايز اعرف فين صاحب العربيه دي لو راجل ينزل يوريني نفسه

 

وقفت امام باب المنزل بكل خوف منه ولكنها اصطنعت الشجاعه 

غمزه: انا صاحبة العربيه انت ايه الدوشه اللي انت عاملها دي

التفتت اليها وهو في قمة غضبه ثم هتف

العاصي: انتي ايه انتي بنت مين يا شاطره روحي هاتيلي حد كبير اكلمه

غمزه: هو ايه اللي حد كبير ده وانا مش عاجباك ولا ايه قولتلك انا صاحبة العربيه وانا اللي ركنتها هنا

عاصي:تمام وانتي بقي اللي هاتتحملي اللي هايحصل فيها دلوقتي

غمزه بعناد:ولا تقدر تعمل حاجه ولو فكرت بس انك تلمسها هاعملك محضر في قسم الشرطه انا واحده راكنه عربيتي تحت بيتنا وانت مالكش اي حق في اللي بتعمله دا 

بكل عصبيه رفع العصي قاصد ان يهشم بها زجاج السياره ولكن يد اباه منعته وامسكتها من الخلف قبل ان تسقط

عاصي:سيب يا ابا اما اشوف حتة العايله اللي جايه تهددني دي هاتعملي ايه

فضالي:استني بس يا عاصي هاتعمل عقلك بعقل عايله صغيره هتفت توحه من الاعلي 

توحه: واد يا عاصي   اوعي تعمل ليها حاجه دي حفيدتي يا واد

رفع فضالي رأسه الي الاعلي بعفويه ليراها تقف بجانب والدتها تسمر مكانه للحظات ثم هتف

فضالي:خلاص يا عاصي تعالي معايا  دلوقتي

عاصي:ماشي ياستي عشان خاطرك انتي بس انا هاسكت بس ابقي عرفي المحروسه مين هو العاصي

غمزه:حصلنا الرعب يا مستر هولاكو ثم جرت من امامه بأقصي سرعه قبل ان يفتك بها 

صعدت الي الاعلي لتلقي باحضان والدتها  هتفت بها

روقيه: ايه اللي انتي عملتيه  ده  انا كنت فكراكي نازله تنقلي العربية  تقومي تتخانقي معاه

غمزه:ماهو اللي استفزني وقالي يا عايله

توحه:لاء يا غمزه ده بالذات ماينفعش توقفي قصاده ده  الشارع كله بيهابه وبيحترمه ومحدش يقدر يوقف ادامه كده وانتو من ساعة مادخلتو الشارع بقيتو في حمايتو 

ال وانتي جايه تعاديه

هتفت غزل اخت غمزه

غزل:اشمعني هو يعني يا نانا طب ما اخوه قابلنا واحنا طالعين ومش عمل زيه كده ولا هو دا بلطجي يعني ولا ايه

توحه:قطع لسان اللي يقول علي العاصي كده دا سيد الرجاله 

اما عند فضالي داخل الوكالة  قص عليه  كل ما قالته له  الحاجه توحه

فضالي: عرفت بقي ياسيدي مين دول  

عاصي:ولما هما حالتهم نيله كده مش كانو يعرفوها مين اللي طالبين منه الحمايه ويخلوها تحط واطي شويه ياابا دي كانت بتكلمني وكأنها بنت وزير

حمزه:ههههههه بس بصراحه يا عاصي ليها حق بعيونها الخضر  دول وجمالها ده تتكبر كده علي خلق  الله 

عاصي:حمززززززه لم نفسك انت اصلا لسه دورك جاي وهاطلع كل اللي فيا  عليك النهارده

حمزه:الله وانا مالي ياعم ماابوك هو اللي قالي 

اقعد معاه في الوكاله هو كل حاجه تطلعها عليا انا ولا ايه

عاصي:طب غور يالا من هنا بدل ما أقوم لك وربنا وفين زين انا مش شايفه يعني من ساعة ما جيت

فضالي:ماتقلقش عليه هونايم فوق

عاصي : غريبه يعني نام بدري النهارده

فضالي: اصله طلع معايا العصر واتغدي ونام جانبي شويه دلوقتي تلاقيه  هايصحي وينزل

اما يلاقي عربيتك واقفه 

المهم قولي موافق علي موضوع روقيه وبناتها ولاايه

عاصي:خلاص يابا هو انت مش اديت ستي توحه كلمه يبقي خلاص بس البت دي مالهاش عندي حمايه طلاما هي جامده اوي كده وبتعرف تحمي نفسها يبقي تكمل مع نفسها بقي

دخل زين الي الوكاله  يجري عليه:بابي انت اتأخرت كده ليه

عاصي:اهلا زينو حبيبي معلش اتأخرت عشان كان عندي شغل

زين :  طب يلا بقي انا عايز شاي بلبن من القهوه وتعالي نقعد بره

عاصي:ماشي بس هاعدل العربيه وانت هات الكراسي ومع عمك وقول للواد حمص يجبلي الشيشه والقهوه ويجبلك انت الشاي بلبن بتاعك

جري زين الي القهوه ولكنه  توقف حين رأها تخرج من بيت الجده توحه تلبس بنطلون قصير وبدي بنصف كم عليه يصل الي اسفل خصرها بقليل توقف امامها وهتف

زين:انتي مين. بقلمي/كنزي حمزه

غزل:اهلا يا جميل وانت بقي تبقي مين

زين :انا زين العاصي بابي اللي واقف جوه الوتاله ده

غزل:اهلا وسهلا وانا غزل نانا بتاعتي اللي ساكنه في البيت ده

التفت حمزه اليهم ليجد ابن اخيه يقف مع تلك الفتاه التي سرقت تفكيره بعيناها ليغضب برؤيتها بهذا المنظرونزولها ليلا لوحدها

حمزه بغضب وهو يقترب: زين انت بتعمل ايه عندك وانتي ايه اللي منزلك دلوقتي ورايحه فين بالبس ده

زين: دي اسماها غسل يا حمسه دي هاتبقي ثحبتي

غزل:اااانا كنت عايزه اروح اجيب حاجات من السوبر ماركت

حمزه:بصي يابنت الناس احنا هنا فالحته ماعندناش بنات بتنزل باليل ومعندناش بنات بتنزل بالبس ده من اصله اتفضلي علي بيتكو واكتب اللي انتي عايزاه في ورقه وهابعت ليكي حد يجبو ليكي

غزل بخوف :حاضر حاضر ثم جرت من امامه

زين:كده يا حمسه خوفت ثحبتي

حمزه: قولتلي اسماها ايه صاحبتك يا زين 

زين:قولتلك اسمها غسل

حمزه:😕غسل ايه ياض في بنت اسمها غسل

عاصي:غزل يا قفل مش بيقولك يا حمسه ههههههه

حمزه: هههههههههه غزل بس تصدق اسم علي مسمي البت جميله هي واختها

عاصي:مش عارف انت شايف اختها حلوه  كده ازاي مع اني مأخدتش بالي خالص منها وهي قدامي

حمزه وهو يضربه بخفه علي كتفه:يا عم هو انت بتاخد بالك من حد خالص غير زين

عاصي:بتمد ايدك علي مين ياواطي ولوي له زراعه خلف ظهره وسط ضحكاتهم هم الاثنان

وهم لا يعلمو ان عيون هتان الفتاتان تراقبهم من اعلي

ولكن الفتاتان لم يعلمو ان هناك عيون كارهه لهم ولوالدتهم ايضا تراقبهم من شرفة شقتها

فاطمه وهي تكلم نفسها بصوت واطي:ايه اللي رجعك تاني يا روقيه جايه بعد السنين دي كلها  تصحي الحب القديم لا والنبي مايحصل وكويس انكو وقعتو مع العاصي  بس انا برده مش هاسكت لازم اعرف انتي ايه اللي رجعك

فاطمه:بت يا حسنه انتي يا بت

حسنه:نعم يا ستي 

فاطمه:انزلي اندهيلي عاصي من تحت اجري

حسنه: لاء والنبي يا ستي ده هايفضل  يقولي يا فرج في الشارع قدام الناس اقولك اطلبيه علي المحمول

فاطمه:امشي يابت اعملي اللي قولتلك عليه 

ال محمول ال

حسنه:يوه بقي اديني راحه اهو

 وعند غزل وغمزه كتبت غزل الورقه ثم انتظرت هذا الذي يبعته حمزه ليجلب لها طلابتها

ودق الباب وفتحت لوزه

لوزه:عايز ايه يا حمص

حمص:مش عارف سي حمزه قالي اطلع عندكو واشوف طلبتكو ايه عشان اجيبها ليكو

جاءت غزل من خلفها:طيب خد الورقه دي والفلوس دي وهاتلي الحجات دي من السوبر ماركت

حمص :انتي تأمري ياست البنات دقيقتين بالظبط والحجات هاتكون عندك 

ثم نزل الي اسفل وجد حمزه ينتظره في مدخل البيت

حمزه:عارف لو كنت دخلت هاعمل فيك ايه

حمص:وربنا ياسي حمزه مادخلت دي ادتني الورقه والفلوس علي الباب 

حمزه :وبتاخد منها فلوس ليه ياحمار هات وريني عايزه ايه

نظر الي الورقه وجد طلبتها عباره عن بسكوتات وشيكولاتات وبيبسي  وشيبسهات

ضحك هو على تلك الطفلة  ثم اعطاه الورقه مره ثانيه واخذ منه مالها واعطاه مال من جيبه وهتف فيه

حمزه:خد وروح بسرعه هات الحاجه وانا مستنيك هنا يلا

ذهب حمص وجلب الطلبات ورجع له هتف 

حمزه:جدع ياض خد بقي الباقي  ليك 

وخد الفلوس دي رجعها ليها تاني اقولك استني ثم كتب في ورقه رقم هاتفه وتب تحتيه (كل ما تعوزي حاجه اطلبيني بس هابعتلك اللي يجبلك  اللي انتي عايزاه) 

ثم لف فيها فلوسها ووضعها داخل ال حقيبه البلاستيكيه  وهتف

حمزه:يلا اطلع بقي وركز اديها هي الشنطه سامع

حمص:حاضر 

صعد اليها وتوجه الاخر خارج المنزل ليجلس مع اخيه امام الوكاله هتف عاصي

عاصي:  وهو يمسك بلي الشيشه في يده ايه يا نحنوح وديت الطلبات للمدام ولا ايه

حمزه : هههههه يا ريت يا عاصي البت خطفت قلبي من ساعة ما عيني جات  وشوفتها

نظرعاصي للاعلي ليراها تجلس في الشرفه بجانب اختها يضحكون  رأها هو وكأنه يراها لأول مره ببسمتها التي اشرقت وجهها اكثر واكثر ليفيق علي هذا الصوت

حسنه:يا سي عاصي يا سي عاصي هو نام يا حمزه وهو قاعد ولا ايه ضحك حمزه علي تلك البلهاء  وهتف عاصي

عاصي:الله يخرب بيتك يا فرج عايزه ايه ياعملي الاسود في الدنيا

حسنه:طب وربنا حرام عليك اللي بتعمله فيا ده في البيت فرج وفي الشارع فرج انا اسمي حسنه وربنا

عاصي:وهو يضع يده علي عنقها :يا فرج يا بنتي انا كده بصحح اوضاع غلط طب انا راضي زمتك ده وش فيه حاجه تدل علي الحسن عشان يظلمو الاسم ويسموكي بيه

حسنه:ها😰انا مش فاهمه حاجه من اللي انت بتقوله ده

ليضحك الصغير الواقف بجوار ابيه علي تلك البلهاء

عاصي: مش فاهمه  الواد الصغير فهم وانتي مش فاهمه انطقي وقولي عايزه ايه يا فرج واخلصي وايه اصلا اللي نزلك دلوقتي 

حسنه:ستي فاطمه عاوزك ضروري طب وربنا قولتلها تطلبك عالمحمول زعقتلي وقالتلي  انزل اجيبك بنفسي 

ضحك حمزه عليها ثم هتف

حمزه: ههههههههه شوفت بنفسي دي يا عاصي سيادة الوزير  فرج نازله بنفسها تجيبك ثم هتف فضالي

فضالي:اطلعي يا حسنه علي فوق وهو هايجي وراكي يلا

حسنه:حاضر ياعم الحج 

عاصي:ايه هو في ايه يا حاج

فضالي: اكيد هاتعملك جلسة استجواب

عاصي:ههههه ماشي اما اطلع اشوفها عامله اكل ايه. 

ثم صعد اليها وهو يحمل ولده علي كتفيه ودخل به الي الشقه ثم الي الشرفة التي تجلس فيها هتفت هي

فاطمه تعالي يا عاصي يابني مش تطلع تاكل لقمه الاول وتغير هدومك وبعدين تقعد في الشارع زي ماانت عاوز روح يا زين قول لحسنه تجيب لابوك صينية العشا

زين:حاضل يا تيتا

عاصي :عامله ايه يا اما

فاطمه:نحمدو يا حبيبي اما انا النهارده عامله لك محشي ورق عنب وبط انما ايه يستهلو بوؤك

عاصي:الله الله طب يلا هاتي بسرعه  الا انا جعان

فاطمه :طب اقعد والبت هاتجبلك الاكل

الا قولي صحيح مين البت السافله اللي كانت واقفه ترد عليك وقاعدين عند الحاجه توحه دول

عاصي: انا عارف يا اما اهي بلاوي وبتتحدف علينا بيقولو بنتها واحفادها

فاطمه: ايه روقيه بقي ليها بنتين كبار او كده 

عاصي:هي اسمها روقيه

طب وبناتها ماتعرفيش عنهم حاجه لينقلب السحر علي الساحر وبدل ما هي تسأله بقي هو اللي بيسألها

وهو يقف امام سور الشرفه ويحني جزعه امامه وينظر الي تلك المتمرده التي تجلس في الشرفه التي امامه

فاطمه: ماعرفش عنهم حاجه كل اللي اعرفه ان أبوك من اكتر من عشرين سنه من قبل ما يتجوزني بكتير كان بيحبها واهلها رفضوه  وجوزوها وسافرت مع جوزها ومجاتش هنا زياره ولا مره ديما كانت بتبعت لأمها تروح ليها بس ابوك عمره ما نسيها دا كان ساعات  بيغلط في اسمي وينده لي بأسمها

التمس عاصي نبرة الحزن التي غلفت صوت والدته وتدراك امر غيرتها من تلك المرأه

وهتف

عاصي: بس خلاص بقي انتو كبرتو عالحب والحاجات دي مش كده ولا إيه يا فطوم 

فاطمه: ابوك لو طال يرجع الماضي كله عشان ميسبهاش هايرجعه انت لازم تعرف هما جاين ليه

جلس عاصي يأكل الطعام الذي امامه

ثم هتف 

عاصي: ال يا خبر بفلوس بكره يبقي ببلاش

مش يمكن وحشتها مصر قالت تيجي زياره وترجع تاني 

زين وهو يصعد علي قدمه وينظر الي الشارع

عندهم بنت حلوه بقت ثحبتي يا تيتا واسمها غسل

فاطمه:انت لحقت تتصاحب عليهم يا واد يبقي انت اللي هاتجبلينا الاخبار

عاصي بعدم رضا مما قالته امه: اما متعوديش الواد علي نقل الكلام وانت يا لمض اقعد كل وانت ساكت

زين:يووووه بقي  يعني بلاث اتلم يايعني

عاصي:لاء يا يا لمض بلاش ويلا كل كويس 

وقف حمزه في  الشارع اسفل الشرفه يحدثه

حمزه:عاصي انزل كلم ابوك عايزك

رفع الاخير نظره اليها ليجدها تتضع الهاتف علي اذنها تتحدث مع احد ما وبجورها اختها

ثم نظر الي اخيه وعلي صوته حتي يلفت انتباها

عاصي: يا بني  في ايه دا انا لسه طالع مش هاعرف اكل لقمه كمان ولا ايه

رفع حمزه رأسه والتفت ليري ما ينظر اليه اخيه  ثم استدار اليه وهتف

ياعم انا مالي انزل عشان تكلم تاجر الغله الراجل عايز يرفع السعر تاني

عاصي: نعم ليه هو اتفاق...........  انا نازل قول لابوك يقفل معاه 

حمزه:ماشي بس هاتلي طبق محشي معاك وانت نازل هههههههه

نزل عاصي الي اسفل وبيده طبق الاكل لأخيه وباليد الاخري يمسك يد زين

تحت نظرات تلك المتمرده

وقفت غمزه مع غزل يتحدثون سويا علي هؤلاء الشبان اللذان اقتحموا حياتهم من لحظة حضورهم الي هذا البيت

غزل:الحقي ياغمزه دا بعاتلي الحجات كلها ورجع معها الفلوس

غمزه:ليه ان شاء الله هايصرف علينا ولا ايه لازم نرجعله الفلوس يأما ياخد الحاجه انزلي قوليله كده

غزل:لاءياختي انا مش هاقدر اعمل كده احسن يزعقلي تاني ويقولي معندناش بنات تزل الشارع باليل لوحدها

غمزه:طب ايه هاتعملي ايه ماهو ماينفعش يجيب الحاجه ومش ياخد فلوسها

غزل: استني استني هي ايه الورقه دي

بصي كاتبلي ايه

العاصي 

الفصل الثالث

 قرأت غمزه ما كتبه حمزه لغزل وغضبت عندما رأت رقم هاتفه 

غمزه 😠:فاكر نفسه مين حضرته عشان يبعت ليكي رقم تليفونه 

ولا فاكرك انتي من البنات ايهم دا انا هانزل ابعتر بكرامته  الارض زي ماعملت في اخوه هي مامي لسه نايمه 

غزل 😕:ايوه نايمه ونانا كمان دخلت نامت بس والله انا ماليش دعوه بحاجه 

غمزه:بس اسكتي واوعي من وشي

غزل:طب بلاش تنزلي دلوقتي احسن يزعقولك تحت

غمزه:ليه ان شاء الله احنا حرين وهما لافيهم اخونا ولا فيهم ابونا عشان نخاف منهم

وان كان  علي الحمايه اللي هايجي من وراها الكلام الفارغ ده يبقي بلاها ثم نزلت بأقصي سرعه وهي تمسك بيدها تلك الورقه والفلوس كانت تلبس فستان قطني اسود طويل ولكنه لا يغطي ربع زراعها   ويكشف عنقها الطويل وجزء بسيط من صدرها تاركه شعرها  الاسود الطويل خلف ظهرها

نزلت الي الاسفل :متجه الي الوكاله عيناها تطق من الشرار

كان هو يتحدث امام الوكاله في الهاتف  ولكنه صعق حينما رأها متجهه نحوه بهذا المنظر اغلق الهاتف سريعا دون ان يرد علي الطرف الاخر واتجهه نحوهها حتي يوقفها ويرجعها من حيث اتت

عاصي: انتي رايحه فين فاكره نفسك ماشيه في بيتكو 

غمزه:لو سمحت اوعي من وشي انا ماليش كلام معاك ولا انا جايلك من اصله

عاصي:طب اجري اطلعي من قدامي دلوقتي بدل ما اكسر دماغك الناشفه دي انا عمري ما مديت ايدي علي بنت بس انتي هاتخليني اعملها

لم تعيره اي اهتمام واتجهت الي داخل الوكاله لكي تتحدث مع حمزه

غمزه:لو سمحت يا استاذ انت تاخد فلوسك وكمان الورقه اللي انت باعتها لاختي دي مش تلزمنا في حاجه ومتشكرين اوي ليك احنا لما نعوز حاجه هنعرف نجيبها لنفسنا

حمزه:في ايه بس يا انسه انا مقصدتش حاجه وحشه انا كان قاصدي انكو لما تعوزو حاجه تتصلو واحنا نبعت اللي يجبها ليكو 

غمزه:لاء والله طب ياسيدي ميرسي اوي لحضرتك بس لازم تفهم اننا مش من البنات اللي بيكلمو الشباب علي التليفونات حتي لو بحسن نيه زي مانت فاهم

كاد حمزه ان يتحدث لكن قاطعه صوت والده حين تحدث

فضالي:خلاص يا حمزه ماتكملش انتي معاكي حق تزعلي يا بنتي حتي لو كان هو اتصرف بسلامة نيه بس اللي مايصحش بقي انك تنزلي في الوقت ده وبالبس ده الشارع احنا معندناش الكلام ده

غمزه:والله احنا احرار ننزل ولا نط لم تكمل كلمتها  حين وجدت من امسكها من مؤخرة رأسها (افها لموؤخذه)  وهتف

عاصي:طب طلما احرار بقي يا عين امك يبقي تطلعي تقولي الكلام ده قدام ستك توحه عشان انا معنديش حمايه لواحده قليلة ادب  زيك ثم اللتف خارج الوكاله قاصد منزلهم وهو يمسكها كمن امسك حرامي غسيل

وصعد بها هكذا لم يعير انتباه لهتاف ابيه الذي يصعد خلفه ودق الباب بكل عنف وهي تتلوي بين يديه

فتحت لوزه الباب برعب من منظرهم وخرجت روقيه من غرفتها وايضا خرجت امها علي صراخ غمزه وصوت فضالي الذي يتوسل لابنه بأن يتركه وهتفت روقيه

روقيه: ايه في ايه انتي عملتي ايه تاني يا غمزه

اندهش للحظات عندما سمع اسمها ولكنه تماسك ورسم الغضب علي وجه مره تانيه

غمزه:يامامي انا مش غلطانه خلي الوحش ده يسيبني دا انسان مش محترم عشان يسمح لنفسه يمسكني كده 

انفعل هو اثر سبها ليه ونفرت عروق عنقه وصرخ فيها

عاصي:يعني انتي تحت رحمتي وبرضو مافيش فايده في لسانك الي زي المبرد ده والله لكسر دماغك

هتف والده:يابني سيبها بقي وكفايه اللي حصل

عاصي:والله ما هاسيبها الا لما تعتزر يا كده يا ملهاش حمايه عندي وتبقي تحمي نفسها بقي من الناس اللي بيجرو وراهم دول

روقيه بحزن :طب يا بني احنا متشكرين اوي ليك بس لو سمحت سيب بنتي وياسيدي طلما مش عايز تحمينا بلاش احنا ماغصبناش عليك

هتفت الحجه توحه:كده ياعاصي وانا اللي قولت انا ليا راجل هايحمي بناتي من اي حد يهوب نحايتهم القيك انت اللي بتقول كده وكمان تتهجم علينا بالطريقه دي

اندهش هو من كلام تلك العجوز التي قلبت كفة الميزان لصالحهم حتي لوكانت تلك الصغيره المتمرده غلطت في حقه ومما ازعجه بكاء اختها الصغيره حين وجدها واقفه في زاوية الغرفه تبكي بصوت مخنوق من وضعها يدها علي ثغرها

 توجهت روقيه الي فضالي وهتفت:قول لابنك يسيب بنتي يا عبد الرحمن هي دي حمدلله علي السلامه اللي بتقولها لينا دا انتو حتي مافكرتوش تعزونا في وفاة جوزي  مكانش العشم يا عبد الرحمن ثم بكت امامهم بحرقه

تركها من بين براثنه فجاءه واتجهت الي والدتها تحتضنها وهتفت

غمزه😡:متعيطيش يامامي احنا مش ضعفا ولا مستنين العطف من حد عشان تعيطي كده

هتف هو

عاصي: صبرني يارب يابنتي اسكتي انتي كل ما بتكلمي بتعصبيني زياده

امسكت الحجه توحه بيده وهتفت:طب تعالي ادخل وقولي ايه آللي  مزعلك كده وانتي يا غمزه خشي جوه انتي واختك يلا تعالي يافضالي هتفضل واقف كده علي الباب

انتبه لها فضالي الذي كان انجذب في دوامة عينها وعبراتها التي كانت تنزل علي وجنتيها تحرقه وهتف

فضالي: ماتأخذيناش يااما توحه الوقت متأخر واحنا ماكنش المفروض نطلع دلوقتي بس المحروسه بقي هي اللي اجبرت العاصي علي كده بنزولها للشارع دلوقتي 

توحه:طب بس سيبك من الكلام ده وادخلو نتكلم تعالي يا واد ياعاصي اقعد انا عايزه اتكلم معاك

دخلو معاها وقعدو في غرفة الضيوف  وجلست هي بجوراه ثم هتفت

توحه : قولي بقي ايه اللي مزعلك كده

عاصي:يا ستي انا مش زعلان بس هي تبعد عني دي واحده من ساعة ما جات وهي بتشاكل فيا انتي بتطلبي مننا نحميهم وهي بتقف في الوقت ده وبالبس اللي هي لابساه ده في الشارع وقدام الرجاله اللي قاعده في القهوه لاء وواقفه تقول  لأبويا انا حره ومتشكرين ليكو ومش عايزين حاجه منكم

😤طب لما انتي سبع رجاله في بعض كده يبقي تتحملي بقي كلامك وتوقفي قدام عدوك لوحدك قالها عاصي بصوت مرتفع حتي تسمعه هي من خارج الغرفه😤

 

جاءت هي بكل برود وردت

غمزه:هو انا كنت طلبت منك حاجه ولا انت مش واخد بالك من اللي اخوك عمله وعايز تجيب الغلط عليا وخلاص

عاصي:تمام اوي كده انتي ماطلبتيش مني حاجه وانا مش ملزم ليكي بحاجه ثم وجه كلامه الي توحه وقال

بصي يا ستي توحه كل اللي في البيت ده تحت حمايتي  انا أشيلك واشيل ضيوفك علي راسي من فوق ومافيش نمله تقدر تيجي عليكو معادا البت دي ملايش دعوه بيها نهاءي وماتطلبيش مني اكتر من كده سلامو عليكو

ثم وقف قاصد باب النزول دون ان يسمع ردها

توحه :استني بس ياعاصي يا واد استني

فضالي: معلش سبيه دلوقتي يا حجه انتي عرفاه لما بيكون متعصب و المحروسه مشاء الله عليها قامت بالواجب وزياده

روقيه ببكاء: هو حصل ايه عشان ده كله

فضالي بنبره متحشرجه: انتي بتعيطي ليه دلوقتي ماهو قالك انكو تحت حمايته ويا ستي حمزه مغلطش بالعكس ده عمل الواجب وجاب لهم الحاجه ولما كتب رقم التليفون كان قاصد لما يعوزو حاجه يتصلو بيه يبعتها ليهم

هي فرضت سوء النيه وجات الوكاله في الوقت داه وبالبس المكشوف ده ووقفت وزعقت وده عصبه جدا

توحه:خلاص يا فضالي محصلش حاجه ولو علي عاصي انا عارفه انو طيب ولما يهدي هيبقي في كلام تاني

فضالي:متزعليش يا روقيه ومتخافيش علي بناتك من اي حد انتي وبناتك في عنيا وتحت حمايتي انا شخصيا هتف بها وهو ينظر في عينها التي تجذبه بشده لحنين الماضي

يلا هاقوم انزل انا بقي سلامو عليكو

توحه: وعليكم السلام بس برضو قوله اني ليا قاعده تاني معاه

فضالي:ماشي هابقي اخليه يطلع ليكي ثم توجه للنزول 

وعند عاصي في الوكاله توجه بكل غضب الي اخيه الذي

 كان ينتظره وهو يعرف انه سوف يلقي حتفه لا محاله وقف امامه مباشرة وهتف 

حمزه:والله ماكنت اقصد حاجه من اللي قالته ده كله انا بعت ليهم رقم التليفون بس عشان ماينزلوش مش اكتر وربنا

لم يتكلم الثاني الا بعد ما لكمه في وجهه ثم هتف

عاصي😠👊خليت حتة بت لا راحت ولا جت تمسك علينا غلطه زي دي وتقول عليك كده 

حمزه:ياعاصي هي اللي بت تفكيرها سو

عاصي😠: لاء دي بت بمية راجل بت حره مابتقبلش الغلط ولا ان حد يفكر يمسها هي او اختها او امها بحاجه وحشه

رد عليه والده القادم من الخارج: ولما انت شايفها كده لزمته ايه الكلام اللي انت قلته فوق ده ياعني ايه هاتحمي كل اللي في البيت معادا هي

عاصي:عشان اهدها يا ابا واشوف هتخاف ولا هتفضل علي عندها  ده لازم هي اللي تطلب مني احميها 

اما عندها هي

غمزه: بني ادم جاهل ومتخلف فاكر نفسه وزير الدخليه بيهددني حضرته بعدم الحمايه فاكرني هاخاف منه وانتي بتعيطي ليه انتي كمان

غزل: كفايه بقي ياغمزه مافيش حاجه حصلت عشان تعملي ده كله

غمزه:نعم انتي كنت عايزه تاخدي رقمه عشان يقول عليكي بنت مش كويسه ولا يتصل بيكي ويشغل عقلك  بالكلام الفارغ اللي الشباب بيضحكو علي البنات بيه    

روقيه: انتي ايه مش هاتبطلي الاندفاع اللي انتي فيه ده   مابتعرفيش تفرقي ابدا بين الكويس والوحش الناس عملو كده عشان ماتنزلوش بيحمكو من القريب قبل الغريب

وانتي اول ما تتخانقي يبقي معاهم

غمزه:يا يعني كانو هيقولو علينا ايه لما بنتك تكلم ابنهم علي الموبايل لاء وكمان جايب ليها طلباتها علي حسابه

 روقيه: كان ممكن تقوليلي وانا اتصرف علي فكره مش تصرفي من دماغك وتلغي وجدنا ومن هنا ورايح انتو الاتنين تخلو بالكو من لبسكو مش عايزه حد يعلق عليه تاني ومافيش نزول بالليل انتو فاهمين

غمزه وغزل:حاضر 

😡😡😡😡😡😡😡😡😡😡😡😡😡😡😡😡

صعدو الي شقتهم بعد ان اغلقو الوكاله ودلف والدهم الي شقته فهم يقيمون هما الاثنان في الشقه العلويه (شباب بقي وعايزين يقعدو براحتهم)  هتف حمزه😃

حمزه : كويس ان زين كان نام وطلعتو قبل ما يشوفك وانت بتضربني تاني ده لسه لحد دلوقتي فاكر المره اللي فاتت

عاصي:...     

حمزه:عاصي انت مش معايا خالص روحت فين

عاصي: تصدق ان البت دي عاجبني قوي

حمزه:ها من ناحية ايه ياعني انا منكرش انها جميله بس تغور حلوتها بلسنها الطويل  ده

عاصي:اهو لسنها الطويل ده هو اللي شددني اوي 

حمزه:  يا عم دي بت مسترجله

عاصي:ههههه دي عامله زي القطه المتوحشه

كنت مساكها بأيد واحده وهي عامله تتلوي ورافضه تخضع او تسكت حتي وهي تحت ايدي

حمزه:هو انت معرفتش اسمها ايه

عاصي:وهو يشعل سيجارته ويمدد علي فراشه

ها  مركزتش  بس تقريبا كده اسمها غمزه😉

حمزه:غمزه وغزل ايه الاسامي اللي تحبس دي ياعم دول يتعاكسو من اسمايهم بس ههههههههههه😅

عاصي:تصدق اه  نام نام اما نشوف بكره مخبي لينا ايه وملاكش دعوه بيهم يا حمزه لحد اما نشوف ايه حكاية ولاد عمهم دول كمان بقلمي/كنزي حمزه

اما عند فضالي بعد ما دخل الي شقته وجلس علي اريكه في جانب غرفة نومه بهدوء لم يراها وهي تجلس علي الفراش تنتظره بكل غل وهتفت

.فاطمه 😕: اللي واخد عقلك  يا خويا مالك داخل مسهم كده ومش شايف قدامك

فضالي :فاطنه بقولك ايه خليكي في حالك وسيبني في حالي وكملي نوم يلا 

فاطمه: ماهو حالي هو حالك يا سابعي 😡

هو انت فاكرني مش واخده بالي من اللخبطه اللي انت فيها من ساعة الهانم ما شرفت ولا ايه 

فضالي😠:لا والله طب كويس انك عارفه وعدي يومك بقي ومتجبيش سيرتها علي لسانك انا  من يوم ما اتجوزتك وانتي عارفه كويس اوي ان مافيش حد في قلبي غيرها والست اتجوزت وخلفت وبناتها بقو عرايس يبقي ياريت ماتفتحيش السيره دي تاني 

فاطمه: اه وانت بقي اول ما شوفتها قولت ترجع الزكريات مش كده بس مش هاسمحلك انك

قاطعها هو 😈: اني ايه انتي بتهدديني يا فاطنه

هو انت ناسيه اصلا انا اتجوزتك ليه 

 فاكره ابوكي جوزك ليا زمان ليه ولا نسيتي

فاطمه: انت طول عمرك قاسي عمرك ماهاتنسي ابدا اناعملت ايه عشان اتجوزك في الوقت اللي هي باعتك فيه وراحت اتجوزت الغني المتعلم 

فضالي: اسكتي قلتلك مش عايز اسمع صوتك يا كده يا تقومي تنامي في اوضه تانيه

خرجت من الغرفه دامعة العينين وهي تستشيط  من الغيظ علي هذا الرجل الذي  قرب ان ينهي العقد الخامس من عمره ومع ذلك تظهر عليه مشاعره 

اشرقت شمس ثاني يوم استيقظ عاصي وايقظ اخيه ايضا لكي يتجهو الي عملهم

عاصي: حمزه اخلص عشان مش هانزل من غيرك

حمزه:بنوم ياعاصي حرام عليك داحنا نايمين الساعه ٣ تصحيني ٧ مين يقول كده بس

عاصي :انا ياض اللي بقولك  قوم عندنا شغل كتير النهارده

حمزه:ايه 😦طيب بص روح انت المكتب وانا هاجي وراك

عاصي: 😡 ماهو انت هاتنزل معايا يعني هاتنزل معايا هاتقوم ولا احميك بجردل الميه  زي كل يوم 

حمزه:لاء وعلي ايه قومت اهو اتفضل يا هندسه انزل حضرتك افطر وانا جاي وراك 

نزل عاصي الي شقة والده بالدور الثاني وجد حسنه تحضرالفطار وهتف

عاصي:صباح الخير يا فرج 

حسنه:.😯😯😯😯😯

عاصي:مالك يا فرج مش بترد الصباح ليه عالصبح

حسنه:ماهو عشان انا ماسميش فرج انا اسمي حسنه اغنيهالك حرام عليك بقي ياسي عاصي عقدتني  😣😣

تكملة الرواية من هنا

❤️❤️❤️❤️❤️❤️❤️❤️❤️💙💙💙💙💙💙

بداية الروايه من هنا

تعديل المقال