 |
الفيلم_الملعون
محمد اسماعيل
كامله
محمد: الو ايوه ي علي ايه ال ادتهرلي دي انا حياتي ادمرت
على: اسف ي محمد كان لازم اعمل كده عشان انقذ نفسي وانت لازم تعمل زي معملت عشان تنقذ نفسك انت كمان
السلام عليكم انا اسمي محمد عندي 32سنه و متزوج من ريتاج حب حياتي متزوجين من سنتين وربنا مكرمناش باولاد وكنا بنحب بعض لدرجه رهيبه وكنا متفقين في كل حاجه
كل حاجه تقريبا زي بعض فيها وانا بقولكو حكايتي عشان يمكن دي يكون تحذير ليك.....
ريتاج: صباح الخير يحبيبي الفطار جاهز
محمد: صباح الخير يقلبي هي الساعه كام
ريتاج: الساعه 9 قوم يلا عشان متتاخرش علي الشغل
محمد: حاضر...... مش عاوز اقوم واسيب القمر دي
ريتاج: قوم يلا يبكاش
محمد: طول عمرك كده بتفصلي اللحظه الرمانسيه
"وضحكنا وانا قومت عشان اخد شاور والبس عشان افطر واروح الشغل"
ريتاج: محمد النهارده الخميس
محمد: عارف ي ريتاج ومجهز كل حاجه
ريتاج: عاوزين حاجه مختلفه ومرعبه المرادي
"نسيت اقولكو انو انا وهدي من عشاق الرعب بنعشق الرعب لدرجه كبيره"
محمد: انا مجهزلك فلم رعب انما ايه مختلف عن كل مره
يلا يروحي انا همشي عشان اتاخرت علي الشغل
ريتاج: يلا يحبيبي، مع السلامه
محمد: مع السلامه
وانا روحت الشغل وزي كل يوم وقابلت اعز صديق ليا، صديقي علي
علي: اتاخرت ليه ي محمد مش عادتك يعني
محمد: مره من نفسي ي اخي
علي: ماشي اتريق اتريق
محمد: خلاص يعم مش متريق
المهم اخبار الشغل ايه الشحنه الجديده طلعت ولا لسه
علي: طلعت انبارح بليل وكان في بعض المشاكل في اوراق الشحن بس اتحلت
محمد: تمام يارب تعدي علي خير الشحنه دي هتنقلنا نقله تانيه خالص هنكون اكبر شركه استراد وتصدير في الشرق الاوسط كله
علي: متخفش ي محمد كل حاجه تمام
محمد: ان شاء الله
علي: ان شاء الله
وخلصت وروحت البيت عشان النهارده يوم مميز النهارده الخميس النهارده يوم فلم الرعب، كل اسبوع يوم الخميس بنسمع فيلم رعب
محمد: ريتاج يقلبي انا جيت
ريتاج: نورت يروحي خش غير هدومك علي محضرلك الغدي
محمد: طب بسرعه عشان انا واقع من الجوع
ريتاج: حاضر يقلبي علي متغير هيكون الاكل علي السفره
وكلنا وقعدنا لغايه م الساعه جت 12بليل عشان نسمع الفيلم وريتاچ جهزت كل حاجه
وقعدنا عشان نسمع الفيلم وانا طبعا طفيت كل النور ال في البيت ولعت كام شمعه كده عشان يكون في ضوء بسيط كده، عشان الجو يكون مرعب عشان نخاف من الفيلم
وخلصنا الفيلم وكان فيلم مرعب اوووي واليوم عدي
وعدي تلات ايام من الاسبوع التاني ومش لاقي فيلم رعب نسمعه تقريبا كل الافلام سميعناها ودورت في كل المواقع وملقيتش
وانا كنت في الشغل يوم الخميس وكنت سرحان في الفيلم ال هنسمعه النهارده هنسمع ايه؟
علي: محمد... محمد... محمد....
محمد: هااا بتنادي ي علي
علي: ايه يبني دا انت مش معايا خالص سرحان في ايه
محمد: مش لاقي فيلم رعب
علي: دي ال شاغلك
محمد: ايوه
علي: انا عندي فيلم رعب انا اترعبت منه اووووووي
محمد: طب هو فين الفيلم دي شوقتني ليه
علي: الفيلم عندي في البيت لما نخلص شغل هتيجي معايا هدهولك من البيت
محمد: ان شاءالله
وجبت الفيلم وروحت البيت عشان افرح ريتاچ
محمد: حبيبتي انا جبت فيلم رعب انما ايه حكايه "علي" ال مبيخفش من حاجه خالص بيقولي انا اترعبت منه وجيبته منه عشان هنسمعه النهارده ريتاچ كانت فرحانه اوووي
ريتاج: انا جهزت الفشار وكل حاجه
محمد: وانا جهزت الجو المرعب بتاعنا وقعدنا عشان نسمع الفيلم وحطيت الفيلم في الشاشه وشغلته
الفيلم كانت بدايته مخيفه جدا ودي ال شجعنا اننا نكمله البدايه انو البطل كان ماشي علي طريق هو ومراته والعربيه عطلت منهم وكان في بيت قريب منهم عباره عن دورين وقررو انهم يباتو الليله دي فيه
واحنا بنتفرج علي الفيلم ومندمجين اوووي شباك الصاله ال ورانه اترزع مره واحده الصوت كان مرعب لدرجه انو ريتاج قامت وقفت من الرعب هو الصوت في وقت زي دي وبتسمع فيلم مرعب زي ده شعور الرعب وصل لاقصي حدوده وكان شعور في غايه الروعه
قومت قفلت الشباك وقولت لريتاج انو الهوا ال فتح الشباك مع اني قافل الشباك قبل مشغل الفيلم ومفيش اي هوا خالص بس قولت كده عشان متترعبش اكتر
وكملنا الفيلم واحنا بنتفرج سمعنا صوت حاجه وقعت في المطبخ وريتاج بتبصي وعنيها كلها رعب
محمد: شباك المطبخ مقفلتهوش ريتاچ متخفيش اصل مقفلتش الشبابيك هقوم اقفله
ريتاج: ماشي
وكملنا الفيلم لغايه لما خلص بس عمرنا محسينا بالرعب دي قبل كده مع انو فكره الفيلم بسيطه بس الرعب ال احنا فيه دي حاجه تانيه خالص رعب فوق الخيال ودي كان عجبنا اوووي
خلصنا الفيلم وروحت عشان اطلع الفلاشه من الشاشه واقفل الفيلم بس كانت المفاجأه خلعت الفلاشه من الشاشه والفيلم لسه شغال مع اني معملتلهوش حفظ قولت هتلاقي الشاشه مهنجه ولا حاجه وفصلت الكهربا عن الشاشه وروحنا عشان ننام
وببص لقيت ريتاج بتصرخ
ريتاج: محمد في خيال عدي من هناك ودخل الاوضه دي
محمد: خيال ايه يبنتي دي هتلاقيها
تهيؤات من الرعب ال حساه بس مش اكتر
ريتاج: لا ي محمد دي خيال وبصلي وهو داخل
محمد: ازي
ريتاج: زي مبقولك كده ي محمد
محمد: طب يستي هثبتلك انو مفيش حاجه وروحت هقيد النور واروح اشوف واوريكي انو مفيش حاجه
ومشيت براحه نحيه الاوضه مع انو كنت مرعوب اوووي بس مش عاوز ابين دي قدام ريتاج عشان متنهارش مني وفتحت الباب براحه وقيدت نور الاوضه ولقيت انو مفيش حاجه
لفيت عشان اقول لريتاج انو مفيش حاجه اهو ملقتهاش قعدت انادي ريتاج... يريتاج... بطلي المقالب دي انا عارفك انو بتحبي تعمليها فيا
ريتاج بطلي رخامه بقي وفجأه وانا بنادي عليها سمعت صوت ريتاج جاي من الدور التاني جريت عشان اشوف ايه ال بيحصل وانا بجري لمحت خيالات سودا علي شبابيك البيت ومختش ولا اديت للموضوع اهتمام لاني كنت عاوز اشوف ريتاج وانقذها دي صرختها خلعت قلبي من مكانه
وطلعت الدور التاني وبنادي عليها وبدور في الاوض ودخلت اوضه النوم بتاعتنا وكانت المفاجأه الكبيره
ريتاج..... ريتاج... لا لا لاااااااا اكيد دي كابوس وهفوق منه
ريتاج متعلقه في السقف من راقبتها بسلك وجسمها كله عمال ينزل دم
جريت عليها عشان ارفعها واحاول انقذها وانزلها بس هيا كانت ماتت، السلك كان حاد وانا بنزلها راسها اتفصلت عن جسمها ووقعت علي الارض
انا من الرعب حريت وطلعت من الاوضه وانا مش عارف اقف علي رجلي من كتر الرعب
نزلت الدور الارضي عشان مش قادر اشوف المنظر دي وانا نازل لقيت خيالات سودا محاوطه البيت كله انا مش عارف اعمل ايه
وفجأه الشاشه اشتغلت بس ازي وانا فاصل عنها الكهربا دي في كلام مكتوب علي الشاشه كلام مش عربي انا عارف اللغه دي كويس دي لغه عبريه والكلام كان بيقول
"על מנת לדעת כיצד להיפטר מהקללה, עליך לתת לאנשים אחרים לצפות בסרט."
وبدات اترجم الكلام ولقيته بيقول:
"لو عاوز تتخلص من اللعنه لازم تشارك الفيلم دي مع اصحابك وتنقذ نفسك من الموت ولو قولت السر لحد هتكون دي نهايتك ونهايته"
اتصلت علي "علي" عشان اعرف منه الحكايه دي
محمد: الو ايوه ي علي ايه ال انت ادتهولي دي دمرلي حياتي
علي: اسف ي محمد كان لازم اعمل كده عشان انقذ نفسي وانت كمان لازم تعمل كده عشان تنقذ نفسك
محمد: طب ليه انا ي علي ليه اختارتني انا
علي: عشان انت بتحب الرعب وعارف انك هتتفرج علي الفيلم
محمد: طب ايه حكايه الفيلم اللعين دي
علي: الفيلم دي انا اشتريته من محل افلام قديم شويه وعحبني واشتريته واتفرجت عليه وكان لازم اديه لواحد صاحبي ويتفرج عليه عشان اللعنه تروح من عليه انا اسف ي محمد
وقفل الخط في وشي وعشان كده قررت اقول السر عشان انا تعبت مش عاوز اعيش مش عارف اعيش من غيرها وقررت اني اكتب حكايتي في الورقه ال بتقراها دلوقتي وانا راضي بمصيري وعارف ال هيحصل فيا وفيك عشان كده خلي بالك من نفسك....
تمت.
تعليقات
إرسال تعليق