جميع الروايات كامله

 

حامل_ليلة_الزفاف 

بقلم: فاطمة أحمد أبوجلاب 

الفصل السابع والتامن والتاسع والعاشر والحادي عشر

وارتدي يحيى ثيابه وخرج من الغرفه وهو يبحث عن أميرة 

ولم يجدها في انحاء المنزل 

الي ان استمع الي صوتها وادرك أين هي

وذهب يحيى وقتها الي المطبخ ليجلب كوب ماء 

وأثناء ذهابه الي الغرفه وجد أميرة امامه 

وهي ترتدي برنص لونه ازرق وتلف شعرها بمنشفه بيضاء وتسير ببطء علي الارض 

واتجهت أميرة الي غرفتها وهي تنظر بخوف هل خرج يحيى من الغرفه

وقال يحيى مبتسماً: متخفيش 

انا مش في القوضه

أميرة بخضه: بسم الله الرحمن الرحيم 

يحيى: ايه الحلوه اتخضت

أميرة: لأ 

يحيى: ودخلتي تاخدي شاور زيه اهو

بس ايه ده يا أميرة 

أميرة: ايه فيه ايه 

يحيى: هو انتي ده بجد.. يعني انتي بجد انسان زينا ولا ملاك نازل من السما 

أميرة: لاء عفريت يعني اكيد انسانه 

يحيى: بس اجمل انسانه في الدنيا 

وحينها تقدم يحيى خطوات باتجاه أميرة 

وحينها اسرعت أميرة إلي الغرفه وأغلقت الباب بخوف.. 

يحيى: تصدقي يا أميرة انك جبانه

انا مكنتش هقربلك متخفيش اووي كده 

بعدين انا لو عايز اعمل فيكي اي حاجه هقدر ومحدش هيوقفني ولا الباب ده هيمنعني وانتي عارفه ده

أميرة:ممكن تمشي من عند الباب

يحيى: تمام ماشي 

ويلا اخلصي والبسي عشان نجهز الشنط 

أميرة:حاضر

وأثناء ارتداء أميرة ملابسها اتي اتصالا الي يحيى واجاب وهو يقول:حاضر يا فندم انا من بكره هكون جوه الشغل

ومتأسف علي التأخير بس لسه هوصل انهارده اسكندرية..

واغلق يحيى الهاتف

وحينها خرجت أميرة من غرفتها وهي تقول:هو مين كان بيكلمك

يحيى:وانتي مالك

أميرة:انا اسفه اني سألت

يحيى:شاطره اوعي تسألي تانى لحد ما انا اخلص اسالتي معاكي يا ام النونو

أميرة بدموع:اه فهمت وحاضر يا يحيى

يحيى:يلا روحي جهزي شنطتك

عشان انا جهزت شنطي

أميرة:حاضر

وبعد دقائق قامت أميرة بسحب حقيبتها الي خارج الغرفه ولكنها كانت مرهقه وسقطت علي الارض..

يحيى:حاسبي خلي بالك من نفسك

انتي كويسه

أميرة:ايوه

يحيى:طيب ممكن متشليش حاجه تقيله تاني

أميره:حاضر

يحيى:يلا قومي واجهزي عشان هنروح نسلم علي اهلك وبعدها هنروح اسكندريه

أميرة:ماشي بس ممكن اقولك علي حاجه

يحيى:خير اتفضلي اقولي

أميرة:انت مش هتقول لاهلي حاجه صح

يحيى بغضب:لاء مش هقول بس مش عشان سواد عينك 

ده عشان حقي هخده من الزباله اللي انتي خلتيه يلمسك وتحملي منه وبعتي نفسك ليه..عشان مش انا اللي يتختم عليا من واحده زيك

أميرة بانفعال وبكاء:انا بكره كل الرجاله وانت اولهم يا يحيى

يحيى:ممسك بقوه  بايد أميرة 

وانا اولهم ليه هو انا اللي ضيعتلك شرفك يا ست الحسن

أميرة:ابعد ايدك عني لاء عشان حيوان زيه

وبتتحول في لحظه

يحيى مبتسم ابتسامه ساخره:بتحول؟

مش فاهم بتحول ازاي يعني

أميرة: خلاص  مش مهم 

يحيى: لما اسألك عن حاجه تجوبيني وبسرعه فاهمه 

أميرة: فاهمه 

يحيى: يبقي تجوبي علي سوألي انا بتحول ازاي

أميرة: قصدي انك بتتغير في طريقتك بسرعه يعني لسه كنت خايف عليا وافتكرتك انك فاهمتني وانك شوفتني بريئه وبسرعه لقيت كل ده مجرد اوهام في دماغي

يحيى: بريئه؟. 

واحده حامل ومش عايزه تقول ده حصل ازاي تبقي بريئه ازاي

أميرة: خلاص يا يحيى 

يحيى: لاء مش خلاص ليه الحقيقه بتزعلك

أميرة: عشان مش الحقيقه 

يحيى: اومال ايه هي الحقيقه 

أميرة... 

يتبع..

#حامل_ليلة_الزفاف 

بقلم: فاطمة أحمد أبوجلاب 

الفصل الثامن.. 

يحيى: اومال ايه هي الحقيقه 

أميرة: الحقيقه انت هتعرفها من غير منا اقولهالك بس مش دلوقتي 

ويقاطع حديثهم صوت هاتف أميرة وهو يرن

يحيى:مين بيتصل عليكي

أميرة: ده ماما

يحيى: ردي ومن غير ما تبيني انك كنتي بتعيطي

وانا هنزل الشنط

أميرة:تمام ماشي 

أميرة: الو يا ماما 

والدة أميرة: انتم فين يبنتي اوعي تكوني مشيتي من غير ما تيجي تسلمي عليا

أميرة: لاء يا ماما انا جايلك اهو

والدة أميرة: هو انتي كويسه يا أميرة 

أميرة:انا بخير يا ماما

والدة أميرة: صوتك بيقول انك تعبانه

هو يحيى مزعلك

أميرة: لاء يا ماما و يحيى بيحبني وعمره ما هيزعلني

والدة أميرة: يارب يبنتي ميجيب بنكم زعل ابدا ويلا خدي بالك من نفسك وانا مستنياكي

أميرة: ماشي يا ماما 

مع السلامه.. 

وبعد انتهاء المكالمه تفاجئت أميرة بصوت 

يحيى وهو يقول: ومين قالك اني لسه بحبك 

أميرة: محدش قالني انت بس كنت بحاول اطمن ماما مش اكتر

يحيى: يعني بتكدبي عليها زي ما كذبتي عليا و طول عمرك بتكدبي

أميرة: بتعصب انا مش كدابه

يحيى: هاتي موبيلك

أميرة: مش فاهمه؟ 

يحيى: مش فاهمه ايه هاتي تلفونك عشان اشوف انتي بتعملي ايه عليه وبتكلمي مين عليه.

أميرة: لاء أنت اتجننت بجد

يحيى: اه انتي واللي عملتيه فيا خلني اتجنن

أميرة: خد الزفت اهو وعلى فكره ده الموبيل والخط اللي انت جبتهم يوم ما خطبتني يعني مفيش حاجه عليهم غيرك انت وماما وايمن اخويا

يا يحيى باشا المجنون 

يحيى: ماشي يا هانم

بس برضو التليفون هيفضل معايا

أميرة: خده مش عيزاه

يحيى: طيب يلا انزلي قدامي عشان نمشي

أميرة: حاضر 

وبعد نزول أميرة و يحيى من منزلهم وركبا العربه..

وقام يحيى بتشغيل موسيقه هادئه

وحينها لاحظ دموع أميرة..

يحيى: كفايه حزن وعياط بقي بعدين احنا قربنا من بيت اسرتك واكيد انتي مش حابه يسألوكي انتي بتعيطي ليه 

وظلت أميرة صامته لا تتحدث وهي تبكي بصوت منخفض

وقام يحيى بأمساك يد أميرة وهو يقول:

خلاص يا أميرة كفايه بقي

طيب بقولك تيجي نسمع اغنيه 

بس بشرط انك تقوليني اول مره سمعتيها كانت امتي اتفقنا

أميرة: بلاش يا يحيى عشان انا مش قادره افتكر حاجه دلوقتي

يحيى: صدقيني هتفتكري

أميرة:ماشي يا يحيى

واشتغلت الاغنيه وكلماتها تقول.. 

والله ودوبت فيه.... وخدتني بحور عينيه

سلمت لقلبي ليه... من غير ازاي وليه....

يحيى: فاكره الاغنيه دي يا أميرة 

أميرة: اكيد طبعا 

يحيى: طيب فاكره ايه

أميرة:فاكره يوم ما شغلتها في اول عيد ميلاد ليا جيت فيه لماما وقلتلها انك بتحبني

يحيى: طيب فاكره والدتك قالتلي ايه وقتها

أميرة: ايوه فاكره قالتلك ان انا لسه صغيره والحب ده كلام كبير علينا دلوقتي وقالتلك أن وصية والدي اني متجوزش غير لما اخلص جامعتي الاول. 

يحيى: وانتي الصراحه.... 

يتبع...

#حامل_ليلة_الزفاف 

بقلم: فاطمة أحمد أبوجلاب 

الفصل التاسع... 

يحيى: وانتي الصراحه نفذتي وصيت والدك بالحرف

وأكيد دلوقتي فرحان بيكي اووي

أميرة: انا مليش ذنب وربنا عالم بيا وعارف اني مظلومه 

وتساقطتت دموع أميرة وهي تتألم من حديث يحيى 

يحيى: امسحي دموعك عشان احنا وصلنا قدام بيتكم

واوقف يحيى عربته ونزل منه وظلت أميرة داخل العربه ولم تنزل فقال لها يحيى: هو انتي هتنامي في العربيه يلا انزلي

وقالت أميرة بتوتر وكانت ترتجف خوفاً 

أنا خايفه يا يحيى 

يحيى: خايفه من ايه يا أميرة احنا في منطقتكم وبيتكم 

مش في القسم يعني 

أميرة: وبدأت تبكي انا عايزة امشي من هنا يا يحيى 

يحيى: هو فيه ايه يا أميرة 

ويقاطع ايمن الكلام قائلاً 

اهلا باختي وجوزها 

يحيى: اهلا يا أيمن كويس انك جيت شوف اختك بقي عشان انا مش ناقص دلع علي الصبح

أيمن: هو فيه ايه يا يحيى 

يحيى: اسأل اختك

أيمن: مالك يا أميرة 

ونزلت أميرة من العربه وهي تنظر الي ايمن بكل حزن وهي تقول: مفيش حاجه يا أيمن بس افتكرت بابا الله يرحمه 

وكل ذكرياتنا هنا

أيمن: حبيبتي بس مفيش عروسه بتزعل كده ولو مش عايزه تسافري قوليلي وانا هخلي يحيى ميسافرش

ولا ايه يا يحيى

يحيى:اللي تشوفه أميرة انا تحت امرها

أميرة: لا يا أيمن أنا عايزه اسافر

أيمن: طيب يلا نطلع عشان ماما مستنياكم من بدري

وبعدما صعدو الي بيت والدة أميرة وبعد ضم أميرة لامها وكانت تبكي وهي تقول: 

هتوحشيني اووي يا ماما 

هتوحشيني اوووي وكل ذكره لينا هنا هتوحشني

والدة أميرة بدموع: وانتي يا بنتي هتوحشيني اووي انا مش عارفه اصدق انك هتسافري وتعملي زي مأنا عملت زمان 

وسبت اهلي في اسكندرية وجيت عشت هنا في مصر مع ابوكي

أيمن: خلاص بقي يا ماما ده مش وقت تأنيب وتذكر الذكريات الحزينه ولا ايه يا يحيى 

يحيى: لاء يا أيمن الذكريات هي اجمل حاجه في الدنيا حتي لو وحشه انا كمان مش مصدق اني هسيب المكان اللي عشت فيه سبعه وتلاتين سنه من عمري جواه

وهسافر وهمشي وهفارق بيت امي اللي عشت فيه. 

أيمن: ربنا يرحمها 

يحيى: اللهم امين يارب 

أيمن: خلاص يا جدعان بقي دي اسكندرية هنا قريبه مننا مش في اخر الدنيا يعني 

بعدين يبختك يا أميرة هتشوفي قرايب والدتنا واهلها

أميرة: بجد يا أيمن وانا هعرفهم ازاي وانا مشفتهمش ولا مره في حياتي 

يحيى: طيب انا هسيب أميرة معاكم 

تسلمو عليها وهروح أقفل بيت والدتي كويس وهستناكي تحت يا أميرة

ماشي

أميرة:ماشي يا يحيى

أيمن:طيب خدني معاك يا يحيى

يحيى:طيب يلا تعالي

وبعد نزول أيمن ويحيى

أميرة:انا هدخل اخد البوم الصور من قوضتي يا ماما

والدة أميرة: ادخلي يا حبيبتي 

ودخلت أميرة غرفتها والقت نفسها علي سريرها وهي تتذكر حياتها وذكرياتها وتبكي

ومن ثم اخذت البوم الصور للتفاجئ بوجود...

يتبع...

#حامل_ليلة_الزفاف 

بقلم: فاطمة أحمد أبوجلاب 

الفصل: العاشر..

ودخلت أميرة غرفتها والقت نفسها علي سريرها وهي تتذكر حياتها وذكرياتها وتبكي

ومن ثم اخذت البوم الصور للتفاجئ بوجود هدية مع والدتها

 وهي تقول

 تعالي يا أميرة 

اقعدي جنبي

 واتفضلي الهدية ده

أميرة: ايه ده يا ماما 

والدة أميرة: ده هديتي ليكي

صندوق دهبي ورثك مني 

أميرة: تاني يا ماما مش كنا قفلنا الموضوع ده 

والدة أميرة: اسمعي يا بنتي في الاول والاخر الصندوق ده بتاعك يعني خدتيه دلوقتي او بعد ما اموت فمفيش حد غيرك انتي هياخده 

أميرة: بعد الشر عليكي متقوليش كده تاني يا ماما وربنا يخليكي لينا وميحرمناش منك ابدا

والدة أميرة: ولا يحرمني منكم يارب 

ويلا خودي هديتي وبعدين جوزك سايب كل حاجه ليه هنا ومسافر بلد ميعرفهاش ومرحاش قبل كده فخدي الصندوق ده ممكن تحتاجو الهديه دي في يوم من الايام.. 

وقامت أميرة وضمت والدتها وهي تبكي وتودعها وثم بدات تشعر بألم وهي متعبه وبدت عليها أعراض الحمل..

وقامت والدتها بمساعدتها للجلوس وهي تقول:مالك يا أميرة ايه اللي حصل

أميرة:مفيش حاجه يا ماما 

 وحينها قالت لها والدتها ازاي مفيش حاجه دا انا لو مش عارفه انك لسه متجوزه من يومين كنت قلت انك حامل 

ده كل اعراض الحمل.. 

أميرة: بتوتر وأرتباك حمل ايه؟. لاء دي دور برد جامد مش اكتر 

وخلاص انا تمام 

وهقوم انزل عشان تلاقي يحيى مستنيني تحت 

والدة أميرة: طيب انا هنزل معاكي 

أميرة: لا خليكي يا ماما متتعبيش نفسك 

والدة أميرة: وانا مش هسيبك تنزلي وانتي تعبانه كده لوحدك 

وسيبي الحجات دى انا هنزلهالك

ويلا قومي انزلي قدامي وعلى مهلك

أميرة: حاضر يا ماما 

وسبقت أميرة والدتها ونزلت الي عربته يحيى ولكن حينها لمحت صديقتها تهاني وهي صديقة طفولتها وعمرها وأيضاً رأت ابن عمها تامر 

و اسلام صديق اخوها أيمن

وحينها شعرت أميرة بالصدمه وانهيار وذهبت اليهم وهي تصرخ وتدفع باب الصيدليه بقوه وهي تقول انتم بتعملو ايه هنا يلا غوره من صيدلية ابويا و اخويا 

اسلام: انتي بتعملي ايه هنا يا أميرة 

تهاني: ازيك يا عروسه خير ايه اللي جابك بيت ابوكي بدري كده 

أميرة: امشي اطلعي بره يا حيوانه يا سافله يا قذره اطلعي بره من صيدليتي

تامر: اهدي شويه يا عروسه وبعدين طمنيني العريس زعلان منك ولا ايه 

ولا لبس الطربوش ورضي عادي 

وحينها انهارة أميرة اكثر وقامت بامساك ملابس تامر وهي تصرخ عليه وتقول له اخرص يا زبالة ويلا غور من هنا مش عايزه اشوف وشك تاني 

وقام تامر بابعاد أميرة عنه وهو يقول:... 

يتبع...

#حامل_ليلة_الزفاف 

بقلم: فاطمة أحمد أبوجلاب 

الفصل: الحادي عشر

وابعد تامر أميرة عنه وهو يقول: اسمعي يا بنت عمي انا واسلام دكاتره زي اخوكي وهنفضل طول العمر نشتغل هنا في الصيدليه 

ولو مش عاجبك روحي واشربي من ماية البحر اللي انتي رايحه عنده 

فهمتي يا عروسه 

أميرة ببكاء انتم شياطين استحاله تكونو بني ادمين 

تهاني: وانتي اللي ملاك يا عروسه وبعدين انت نسيت يا تامر تعرف أميرة اننا اتخطبنا

اميرة: هتعرفيني انك خدتي شيطان شبهك 

اسلام: ممكن تهدي يا أميرة 

أميرة: انت تبعد عني خالص انت السبب فكل ده ربنا ينتقم منكم ربنا ياخدكم

اسلام: انا اسف يا أميرة اقسم بالله انا ندمان علي اللي عملته فيكي بس ورحمة والدك لتسامحيني

أميرة: اسامحك... اسامحك علي ايه اسامحكم علي حياتي اللي ضيعته ولا علي طموحي واحلامي اللي دفنتوها

ربنا ينتقم منكم ويحصل فيكم نفس اللي عملتوه فيا

وحاول اسلام ان يمسك با يد أميرة ليهدئها وحينها قامت بصفعه بقوه ودفعه الي الحائط وهي تلقي عليه كل ما تمسك به يدها من جميع انواع الادويه التي توجد امامها

الي ان قالت تهاني: الحقو جوزها واخوها جايين

تامر:ابعد عنها بسرعه يا اسلام

اسلام:اهدي يا أميرة

وحينها دخلا أيمن و يحيى وهما ينظران إلي تصرف أميرة ولا يعلمان ماذا حدث

وأقترب يحيى وهو يقول:ايه اللي حصل يا أميرة

واميرة لم تنصت لاحد وظلت تصرخ علي اسلام وحينها قام يحيى بشد أميرة بقوه ناحيته وهو ينظر داخل عيونها وهو يقول:ايه اللي حصل يا أميرة فهميني حصل ايه 

وظلت أميرة تبكي وهي تنظر الي يحيى

ولا تجد كلمات لتعبر عن مدي الاذي التي تعرضت له من هولاء الناس

وقامت بضم يحيى وهي ترتعش وتقول:ممكن نمشي من هنا

يحيى:حاضر هنمشي بس ممكن تهدي

أيمن:هو ايه اللي حصل يا تامر 

أميرة مالها فيها ايه

تامر:مش عارف أيه اللي حصل انا و تهاني كنا جوه بنشوف العلاج الجديد

تهاني:اه والله هو ده اللي حصل

أنا جيت علي صوت أميرة وهي بتعيط وبتتخانق مع إسلام

أيمن:انت عملت ايه لاختي يا اسلام وليه كانت بتتخانق معاك

اسلام:ضايقتها وانا مخدتش بالي اني بكسر اخت اخويا وبجرحها 

بس والله العظيم مكان قصدي

واقترب اسلام من أميرة مره ثانيه وهو يقول:انا بس نفسي تسمعيني يا أميرة

أميرة ببكاء خليه يبعد عني انا عايزه امشي من هنا 

طلعني من هنا يا يحيى

وحينها دفع يحيى بعيداً عن أيمن وهو يقول:ابعد عن مراتي لحد ما أعرف انت عملت ايه في أميرة

وحينها اقترب أيمن وامسك اسلام بقوه وهو يقول:انت عملت ايه يا اسلام في اختي وصلها انها تنهار وتعيط كده

وتدخل تامر قائلاً:معملش حاجه يا ايمن

مأنت عارف هزار اسلام الرخم

يحيى:يلا يا أميرة نطلع من هنا

يلا يا أيمن 

أيمن:مش هسيبه لحد مأعرف هو عمل ايه

يحيى:سابه يا أيمن وهنعرف و وقتها اقسم بالله مهسيبه

وهنا أتت والدة أميرة وهي....

يتبع

تكملة الرواية من هنا

تعديل المقال