 |
الحرام
( الجزء الحادي عشر والثاني عشر والثالث عشر )
البيدج الاصليه حكآآيآت مآآهى
بقلمي مآآهي آآحمد
نور : لا بس انا كان معايا اللي احسن من التليفون
امل : مين
نور : _______
_ كان معاها أنا
امل : ممدوح 😳😳
ممدوح : أيوه ياستي ممدوح اي مالك مستغربه ليه
امل : مش انت صاحب ماهر الانتيم
ممدوح : ايوه
امل : يعني صاحب عمره وكده
ممدوح : ماقولنا ايوه احنا هنفضل نعيد ونزيد كل شويه
امل : طيب بتعمل معاه كده ليه
ممدوح قعد جنب نور وامل وجاب السكينه من علي الطرابيزه وبقي يقشر برتقاله
ممدوح : ممممم والله بقي كل واحد ولي اسبابه
امل : مافيش سبب يخليك تبيع صاحب عمرك مهما حصل طيب ونور وبتحبه وعايزاه ليها انت بقي عايزه يتفرق عن ماهي ليه انت كمان بتحبها وعايزها ليك
نور بصت لممدوح كده ورفعت جاجبها اليمين
نور : ماترد
ممدوح اتضايق ومبقاش يرد
امل : اوبااااا .. ده باين كده فعلا
ممدوح : اكيد مش كده انا أه بحب ماهي وماهر اخدها مني بس مش دي الحاجه اللي تخليني عايز انتقم منه
بقلمي مآآهي آآحمد
نور : ( باستغراب ) ازاي بقي انت مش كنت قايلي انك عايز تفرق ما بينه وما بين ماهي عشان بتحبها وعايزها ليك
ممدوح : ده سبب من الاسباب
نور : طيب وايه الاسباب التانيه
ممدوح : مالكيش دعوه دي حاجه تخصني انا وبس
بقلمي مآآهي آآحمد
نور : خلاص .. خلاص ماتقولش وانا مالي انا المهم عندي اتفاقنا يبقي ماشي زي ما هو وماهر يبقي ليا في الاخر
امل : لاااا ما انا مش هرتاح الا لما تقولولي انتوا عرفتوا بعض ازاي واتجمعتوا ازاي وليه ماقولتليش
نور : ممدوح كان منبه عليا ماقولش لحد عليه
بس دلوقتي بعد ما ماهر شافك معايا بقيتي واحده مننا
امل : طيب طالما بقيت واحده منكم بقي احكولي اتعرفتوا علي بعض ازاي
نور : بصي ياستي
(Flash back)
نور دايما وهي في الجامعه كانت بتبص لماهر من بعيد وتفضل تمشي وراه وتراقبه تشوفوه راايح فين وجاي منين
حاولت كتير انها تلفت نظره بس ماهر مكانش بيشوف حد قدامه غير ماهي وبس مره خبطت في كتفه ووقعت الكتب بتاعتها في الارض
نور : مش تخلي بالك
ماهر حتي مابصلهاش ولا رد عليها وسابها ومشي
كانت بتفضل تبصله كتيييير جدا بس هو عنيه مكانتش بنتشال من علي ماهي عشان كده مكانش شايف غيرها حرفيا
بقلمي مآآهي آآحمد
ممدوح كان واقف في مره مع ماهر ولاحظ دايما ان نور بتبص عليه واستغرب من اهتمامها بي ماهر اوي كده
وفي مره كانت نور بتتكلم مع امل وهما واقفين وممدوح كان واقف وراهم وسمع نور وهي بتقول لأمل
نور: وبعدين ده مش شايفني خالص يا امل .. اعمل اي تاني عشان يشوفني
امل : يابنتي ارحمي نفسك بقي هو الواد حلو وكل حاجه بس مش للدرجه دي يعني هتموتي نفسك عليه
نور : (ضمت حاجبها وفكرت ) أموت نفسي .. ايوه صح انتي عندك انا لو رميت نفسي قدام الموتوسيكل بتاعه هيبقي ده الحل الوحيد اللي هيخليه يقف ويتكلم معايا
امل : والله العظيم انتي مجنونه
ممدوح كان وراهم ولما سمع كده قال بس هي دي اللي مستعده تعمل اي حاجه عشان ماهر
نور وهي مروحه ممدوح وقفها
ممدوح : يا أنسه .. يا أنسه
نور : أيوه ..
( نور اول ما شافته عرفته علي طول )
ممدوح : اناااا ..
نور : أيوه .. ايوه عارفاك انت صاحب ماهر بشوفك دايما معاه
ابتدي ممدوح يرسم احلام واماني لنور وان ممكن انه يخليه يسيب ماهي ويبقي معاها هي
نور : طيب وانت هتستفاد ايه
ممدوح : كتيييير واولهم ماهي
نور : ايوه بس احنا هنعمل كده ازاي
عن طريق هدي حبيبه اخوه القديمه بس الاول انا هعرفك هي بتروح فين وتيجي منين وتتعرفي عليها ويوم خطوبته هنكد عليه ونطربق الفرح علي دماغه
نور : ازاي ..
ممدوح حكي لنور علي كل حاجه حرفيا هتعملها مع هدي وفعلا بقت تروح النادي اللي هدي بتروحه
وبقوا صحاب جدا لدرجه فظييعه وبقت هدي تحكيلها كل حاجه عنها .. وانها زمان كانت بتحب ماهر بس سابته عشان واحد تاني ولما حاولت ترجع لماهر كان اتعرف علي ماهي وعشان تفضل جنبه بقت مع مازن اخوه
هدي : تعرفي ان مازن اخوه كان تعبان بالقلب طول عمره وكان عارف انه هيموت
ومن كتر ما كان بيحبني جمد الحيوانات المنويه بتاعته عشان يخلف مني اطفال وكل سنه بعد ما مات بيجيلي طلب بأجراء العمليه حتي وهو ميت بيحبني
نور : بس يبقي لقيناها
هدي : هي ايه دي
نور حكت علي الخطه اللي هيعملوها علي ماهر عشان يطربقوا الفرح عليه وعلي ماهي
وقالتلها دورها في الخطه اللي ممدوح محفظها لنور
هدي : طيب وانتي ليه هتدخلي في اللعبه دي
وليه عايزه تقنعيه انك بتشوفي الغيب
هدي : عشان اقنعه انه يتجوزك واقنعه ان اللي في بطنك ده ابن مازن فعلا او انه لو ماتجوزكيش حد هيموت اي حاجه ماهر لو صدق اني بشوف الغيب هيعمل اي حاجه انا اقوله عليها
هدي : برضوا هتستفادي ايه غير انك عايزه تساعديني
نور : ايه .. اه .. هستفيد انك اكيد لما تبقي حرم ماهر السنوسي هتبقي تشوفيني بمبلغ كده يعني اللي تشوفيه بقي كلك نظر
بقلمي ماهي احمد
هدي كانت متغاظه وهتموت حرفيا ان ماهر هيخطب وطول عمرها ماحبيتش غيره وبقت تفكر شويه
وهي بتفكر هدي لاقت ماهر وماهي ماشيين في النادي سوا وماهر حاضن ايد ماهي وماشي مش شايف غيرها نور خبت وشها بسرعه
هدي بصيتلهم وهما ماشيين بصه غيظ وخدت نفس كده وهي عنيها بطلع شرار من كتر غيظها
هدي : ماشي انا موافقه علي كل حاجه هتقوليلي اعملها هعملها طالما ماهر هيبقي معايا في الاخر وماتخافيش اللي انتي عايزاه هتاخديه
-------------------------بقلمي مآآهي آآحمد----------------------------
( في الوقت الحالي )
امل : ياولاد اللعيبه .. كل ده حصل
ممدوح : شوفتي بقي
امل : ده انتوا طلعتوا داهيه وعلي كده بقي لما هدي تعرف ان انتي اللي ورا كل ده وبتعملي كل ده عشان ماهر يبقي ليكؤ مش ليها هتعملي فيها ايه
ممدوح ( ضحك ) : هي لسه هتعمل ما عملت خلاص
امل : مش فاهمه حاجه
نور ( بتوتر ) : تقصد .. تقصد اي ياممدوح
ممدوح : علينااا برضوا .. انا شايفك بعنيا دوول ماهر لما زق هدي علي السلم الزقه كانت بسيطه بس انتي حطيتي رجلك وراها وكعبلتيها من غير ما حد ياخد باله خليتي البت وقعت من علي السلم عشان الجنين ينزل وبرضوا ما نزلش
نور : ( اخدت نفس وبقت تكلم نفسها ) الحمدلله معرفش اني حاولت اموتها
بقلمي مآآهي آآحمد
مره واحده الباب خبط
التلاته بصوا لبعض برعب
نور : مين
ماهر : افتحي يانور انا ماهر 😳
نور : ماهر 😳😳
--------------------------بقلمي مآآهي آآحمد-------------------------
( في نفس الوقت )
اللي خطف ليان اتصل بالمعلم بتاعه
اللي خطف ليان : الو ايوه يامعلم الدكتور هرب
المعلم : ____________
اللي خطفها : يامعلم اللي تؤمر بي انا هعمله
المعلم : __________
اللي خطفها : ماتقلقش يامعلم هي معايا
المعلم : _________
اللي خطفها : خلاص مستنيك
ليان : اوعي بقي سيبني سيب شعري
اللي خطفها : مش ناويه بقي تقوليلي الدكتور راح فين 😡
ليان : معرفش .. معرفش الله يخربيته طلع جبان وسابني ومشي
اللي خطف ليان ربط ايدها ورجليها وقعدها في الارض
وفضل باصصلها
اللي خطفها : اه ياولاد الاغنيه انتوا لو تعرفوا انتوا في نعمه قد اي عشان معاكم فلوس
ليان : انتوا لو خاطفني عشان الفلوس انت ممكن تسيبني امشي وانا هديك اللي انت عايزه
اللي خطفها : لا ياشيخه صدقتك انا كده
انتي هتفضلي هنا لحد ما ناخد اللي احنا عايزينه من اهلك والمعلم هيديني نسبتي اللي خطفها سابها ومشي اداها ضهره ىاح يعمل كوبايه شاي
ليان بتبص لاقت اللي بيفتح الباب بالراحه جدا من بره بالمفتاح دخل راسه بالراحه لاقيته احمد
مابقيتش مصدقه ان احمد رجع عشانها ابتسمت وبعد كده شافت الراجل اللي خاطفها جاي وعمل الشاي وجاي عليها بقت تشاور لاحمد انه يرجع بسرعه عشان هيشوفه
بس هو دخل بسرعه واتخبي وراه الحيطه
ولقي جنبه خشبه واول ما اللي خاطفها جه عليها وهو ماسك كوبايه الشاي احمد بسرعه خبطه علي دماغه بأقوي ما عنده الراجل دماغه اتفتحت ووقع في الارض
ليان : يانهار اسود الراجل مات
احمد حس علي النبض اللي في رقبته
احمد : لا ماتقلقيش لسه عايش
ليان : عادي ما يموت هو كان من بقيت عيلتنا فكني بسرعه عشان ده قال للناس اللي معاه ييجوا وهما جايين ياخدوني دلوقتي
احمد بقي بيفك ليان بسرعه جدا وطلعوا من المخزن اللي كانوا فيه كان مخزن في الدور الارضي مخزن سماد لسه بيطلعوا لقوا المعلم بتاعه جه
احمد اخد ليان بسرعه ومسك ايدها واستخبوا ورا شكاير السماد
ليان : اف الريحه هنا وحشه اوي
احمد حط ايده علي بوق ليان
احمد : هوووووش ماتتكلميش
احمد كان مقرب منها جدا لدرجه انهم كانوا سامعين نفس بعض وبقي وشه في وشها ومره واحده شاف المعلم الكبير بتاعهم وهو داخل وبقي سامع صوتهم من جوه
المعلم : وبعدين راحوا فين هما اكيد قريبين من هنا لسه ما بعدووش
قوم البهيم ده وفوقه بسرعه خليه يحكيلنا هربوا امتي وازاي 😡😡
-------------------------بقلمي مآآهي آآحمد----------------------
( في نفس الوقت )
نور : ( بتوتر ) يانهار اسود ماهر هنعمل اي بسرعه
ممدوح خللي امل عندك ودخليه جوه واعملي انك بطلعي امل وانا هستخبي في المطبخ وهطلع معاها بسرعه
ممدوح استخبي في المطبخ
ونور فتحت الباب
نور : ( بتوتر ) ماهر انت .. انت بتعمل اي هنا
ماهر : انا عارف اني جيتلك في وقت مش مناسب
بس .. بس انا محتاج اتكلم معاكي شويه
نور : طيب اتفضل اكيد مش هنتكلم علي الباب
ماهر : معاكي حد
نور : اه دي امل صحبتي.. تعالي نقعد جوه احسن
ماهر قعد في الاوضه جوه
امل : طيب انا ماشيه بقي يانور
نور : طيب يا امل سلام
امل مشيت ومن غير ما ماهر يشوف موح مشي معاها بسرعه
ماهر : انا عارف ان جيتلك في وقت متأخر
نور قعدت جنب ماهر وابتسمت وبصت في عنيه
نور : ماتقولش كده .. انت تيجي في اي وقت ياماهر
ماهر : انا جاي .. انا جاي عشان اعرف حاجه واحده بس
نور : قول ياماهر انا سمعاك
ماهر : هي هدي هتموووت
نور ( اتنهدت ) : ماهر انا قبل كده قولتلك ان انا مابعرفش الحاجه الا قبلها بحاجات بسيطه ومش كل حاجه بعرفها ناس معينه
ماهر ( بتوتر) : بس انا محتاج اعرف اذا كانت فعلا هتموت ولا هتعيش
نور : للدرجه دي هدي تهمك
ماهر : للدرجه دي تهم امي .. انتي مش فاهمه يانور
ماهر ابتدي يفتح قلبه لنور ولاول مره يحكيلها حاجه عن نفسه
نور : مش فاهمه اي فاهمني
ماهر : امي دي مش امي الحقيقيه هي تبقي مرات ابويا امي ماتت وهي بتولدني ومش هكذب عليكي عمرها ما عاملتني وحش وجابت مازن وبعديه ليان اللي انا معرفش عنها حاجه دلوقتي
بقلمي مآآهي آآحمد
ماهر : انا عارف هي دلوقتي هتموت علي مازن اخويا ونفسها ان يبقي في حاجه من ريحته معانا بس انا هدتلها كل ده بتهورى عمرها ما فرقت بيني وبين اخواتي في كل الاحوال كنت بحس انها امي الحقيقية ومش معقول بعد كل اللي عملته معايا اردلها الجميل بأني اموت ابن ابنها
ماهر وقف والدنيا كلها كانت سودا في عينه ونور كانت من جواها في قمه السعاده والفرح انه بقي يفتحلها قلبه
نور بصت لماهر وقربت منه
نور : ( بكل براءه ) ماتخافش ياماهر ان شاء الله هدي هتقوم منها وقربت منه واخدته في حضنها وماهر كمان ارتاح وهي معاه
الحرام 💞
( الجزء الثاني عشر )
البيدج الاصليه حكآآيآت مآآهى
بقلمي مآآهي آآحمد
نور : ( بكل براءه ) ماتخافش ياماهر ان شاء الله هدي هتقوم منها وقربت منه واخدته في حضنها وماهر كمان ارتاح وهي معاه
بقلمي مآآهي آآحمد
ماهر لاحظ انه بقي في حضن نور بعد عنها خطوه وانتبه لنفسه
ماهر : انا .. انا اسف
نور : ( اتضايقت وقعدت علي الكنبه )
نور : اسف .. اسف علي ايه
ماهر : ان ..
نور : انك ايه .. انك حضنتني يعني وكده
ماهر : يعني حاجه زي كده
نور: ولا يهمك انا عارفه انت بتمر بأيه الايام دي كويس اوي وحاسه بيك
بس عارف اي اللي مستغرباله بجد
ماهر : ايه يانور
نور : انك صدقتني .. واخيرا صدقت اني ممكن تكون عندي موهبه اني بشوف الحاجه اللي هتحصل
ماهر : بقي عايزه بعد كل اللي عرفتيه ده ماصدقكيش يانور طيب ازاي
نور : نفسي اساعدك ياماهر بس والله مش بأيدي .. نفسي اعرفك مكان ليان واجاوبك علي سؤالك عن هدي بس انا بعرغ الحاجه قبل ما تحصل بحاجات بسيطه
ماهر : ( بتنهيده ) مصدقك يانور .. انتي ماتعرفيش انا بقيت بثق فيكي قد اي
نور ( ضحكت بخبث ) مبسوطه اني اخيرا قدرت اكسب ثقتك ياماهر
ماهر بص في ساعته
ماهر : الوقت اتأخر اوي انا لازم امشي
نور (بلهفه وقامت من علي الكنبه ) ليه ماتخليك شويه
ماهر : معلش الوقت اتاخر
نور حطت ايدها علي ايد ماهر
نور : طيب هتيجي تاني
ماهر بص لايد نور وهي محطوطه علي ايده راحت نور شالت ايدها بسرعه واتكسفت
ماهر : اكيد يانور هاجي تاني انا خلاص اتعودت عليكي
نور ابتسمت وماهر طلع من عندها واول ما قفلت الباب بقت تتنطط من الفرحه حرفيا
بقلمي مآآهي آآحمد
ماهر سمعها وهي مبسوطه وبتتنطط من الفرحه راح ابتسم ونزل علي السلم ومشي
-------------------------بقلمي مآآهي آآحمد----------------------------
( ماهي اول ما ممدوح وصلها البيت طلعت وبقت تفتح الباب بالرااااحه خااالص )
بقلمي مآآهي آآحمد
ماما ماهي : اهلا .. اهلا باللي مش محترمه اللي بقالها اكتر من اربع ايام بره البيت
ماهي : ( غمضت عنيها وداست علي شفايفها ) اوبس .. ماما انتي لسه صاحيه
ماما ماهي : امشي اطلعي بره
ماهي : ( باستغراب ) ماما انتي بتقولي ايه
ماما ماهي : طالما انتي مابتسمعيش كلامي يبقي تطلعي بره انتي فاهمه 😡
مش عايزه اشوفك في بيتي مره تانيه بقالك اكتر من اربع ايام مع اللي اسمه ماهر ده ومعرفش عنك حاجه
ماهي : ماما انتي مش فاهمه حاجه ماهر كان محتاجلي
ماما ماهي: يقربلنا اي ده اللي محتاجلك يبقالنا ايه عشان تقعدي بره البيت اربع ايام عشانه
ماهي : خطيبي ياماما وهيبقي جوزي في يوم ..
ماما ماهر: خطيبك .. وجوزك
طيب اسمعي بقي اطلعي بره روحي لجوزك ولا خطيبك ده انا معنديش بنات تقعد اكتر من اربع ايام بره البيت معرفش عنها حاجه ونزلتي غصب عني وعصتيني وبعدتي عني
ماهي : ( بدموع ) ماما انا كنت بتصل بيكي كل مره واقولك علي كل حته كنت بروحها
ماما ماهي بقت تزقها بره الباب
ماما ماهي: بره ..بقولك اطلعي بره انتي فاهمه
ماما ماهي طلعتها بره وقفلت الباب بالترباس من جوه عشان ماهي ماتفتحش بالمفتاح مره تانيه ..
ماهي بقت تخبط علي الباب وبقت تعيط
ماهي : ماما افتحي .. افتحي ياماما حرام عليكي .. طيب اروح فين دلوقتي
ماما ماهي: روحي للي كنتي معاه الاربع ايام دوول انتي من هنا ورايح اعتبري ان امك ماتت
ماما ماهي قالت الكلام ده وهي قلبها واجعها حرفيا علي ماهي بس صدمتها في ماهي كانت كبيره انها تقعد اربع ايام بره البيت دي اول مره تعملها
----------------------------------------
( بقلمي مآآهي آآحمد)
ليان : ( بهمس ) احنا هنفضل في الريحه المقرفه دي كتيييىر
احمد : هووووش اسكتي خالص بدل ما يشوفونا وتبقي مصيبه
المعلم : البهيمه اللي جوه ده فاق ولا لسه
اللي معاه : فاق يامعلم
المعلم : هاتوه بسرعه
اللي كان خاطف ليان واحمد جه وهو حاطط ايده علي راسه من كتر الدم اللي طالع منها ومبقاش قادر
المعلم : هربوا منك .. مش مكسوف علي دمك واحد شحط زيك اتنين زي دوول يهربوا منك
اللي خطفهم : يامعلم بس ...
المعلم : ( بزعيق ) مافيش بس .. كل واحد فيكم يفتش المنطقه كلها طلعوا العربيات علي الشارع وكلوا يدور عليهم هما اكيد دلوقتي علي الشارع بيدوروا علي عربيه عشان يمشوا من هنا
كل الرجاله وقتها مشيوا وطلعوا علي الشارع بعربيتهم وبقوا يدوروا علي احمد وليان وبعد ما مشيوا
ليان : وبعدين هنعمل اي دلوقتي وهنروح ازاي
احمد : مش هنطلع علي الشارع هنمشي في الغيط
ليان : اي الغيط اللي هنمشي فيه ده
احمد : اقصد .. الزرع .. الزرع .. كده حلو
بقلمي مآآهي آآحمد
ليان : ايوه كده فهمت بس هنمشي في الزرع يعني ايه وافرض توهنا
احمد : مذ هنتوه دي بلدي وانا حافظها ماتقلقيش
ليان : ( بزهق ) طيب
-----------------------------------------
( ماهر بيفتح الباب )
بقلمي مآآهي آآحمد
ماما ماهر: كنت فين لحد دلوقتي ياماهر
ماهر : ماما .. اي اللي مصحيكي لحد دلوقتي
ماما ماهر: اللي مصحيني اني مستنياك عايزه اعرف هتعمل اي مع اختك لحد دلوقتي مانعرفش عنها حاجه
ماهر : ( بلهفه ) ايه.. حد اتصل بيكي
ماما ماهر : ماحدش اتصل ولا حد زفت وده اللي قلقني اكتر
معرفش عنها حاجه ياماهر مابقيتش اعرف عن اختك حاجه وابن اخوك ياعالم هييجي علي الدنيا ولا لاء
( بعياط ) الدنيا كلها اتطربقت فوق دماغنا شركات ابوك من وقت ما راح في الغيبوبه وبقي كل من هب ودب ينهب فينا شويه وانت طبعا مش فاضي للكلام ده كله كل همك ست ماهي بتاعتك وبس
ماهر : واي اللي جاب سيره ماهي في الكلام دلوقتي ياماما
ماهر لسه بيتكلم لقى ماهي بتتصل بي
بقلمي مآآهي آآحمد
ماما ماهر: ادينا جيبنا سيره القط
ماما ماهر قعدت علي الكرسي وبقت تعيط ماهر بص لمامته وبص علي فونه راح قافل الفون
ماهر : خلاص يا امي انا مش عايزك تقلقي وليان بخير ماجرالهاش حاجه انا متأكد
ماما ماهر: متاكد من ايه انت اتجننت اختك مخطوفه
ماهر : انا هعرف اوصلها قريب واذا كان عالشركه ماتشيليش هم من بكره هبدأ انزلها واتابع كل حاجه بنفسي
--------------------------------------
بقلمي مآآهي آآحمد
ماهي بصت علي الفون لاقيت ماهر كنسل عليها جت تتصل تاني لاقيته مقفول اتصدمت حرفيا
ومابقيتش عارفه تعمل ايه ولا تروح فين وبعدها فكرت تتصل بصحبتها بس هتقول اي لاهل صحبتها جايه بيتهم الساعه اتنين بالليل تعمل ايه
بتبص علي الواتس لاقت ممدوح فاتح وبيبعتلها مسيج بيطمن عليها وبيسالها وصلت ولا لاء
ماهي انهارت وبعتتله فويس باللي حصل وانها مش عارفه تروح فين
ممدوح اتصل بيها
ماهي : الوو ايوه ياممدوح
ممدوح : اوعي تتحركي من عندك انا جاي حالا
ممدوح ركب عربيته واتصل بنور
ممدوح : ايوه يانور الفرصه جت لحد عندنا
نور : فرصه اي
ممدوح : هقولك
بقلمي مآآهي آآحمد
------------------------------
ممدوح طلع علي السلم بتاع بيت ماهي لقاها قاعده علي السلم
ممدوح : ( بكل حنيه ) اي ياماهي حصل ايه
ماهي حاكيتله علي كل اللي حصل
ممدوح فضل يخبط علي ماما ماهي بس مارضيتش تفتح ابدا وقالتله
ماما ماهي: لو مامشيتش من هنا .. انا هتصل البوليس واقول انكم بتتهجموا عليا
ممدوح : تعالي معايا ياماهي .. تعالي مش هتفضلي قاعده علي السلم كده مش هينفع
بقلمي مآآهي آآحمد
ممدوح اخد ماهي ومشي وركبوا عربيته
ماهي : هنروح علي فين دلوقتي
ممدوح : ( وهي بتعيط ) هوديكي علي شقتي اللي في المعادي
ماهي : انت بتقول اي ياممدوح انت اتجننت
ممدوح : ( بزعل )ماهي انتي افتكرتي ايه .. انا هفتحلك الباب ومش هدخل الشقه وهديكي المفتاح تقفلي علي نفسك من جوه
ماهي: انا اسفه ماقصدش
ممدوح :( اتنهد وعمل نفسه زعلان
ممدوح : لا عادي
ماهي كانت كل دقيقه تتصل بماهر بس تليفونه مقفول
ومكانتش ينفع تروحله عشان مامته هتقول عليها اي لو راختله في وقت زي ده ففكرت ان هو سواد الليل وهاترزحله الصبح
ممدوح وقف بالعربيه جنب سوبر ماركت
ماهي : وقفت ليه
ممدوح : هجيبلك ازازه مايه ومناديل عشان تمسحي دموعك وتشربي
ممدوح نزل اشترى ازازه مايه وحط منوم لماهي في الازازه
واول ما دخل العربيه اداها المناديل والازازه
ممدوح : اتفضلي
ماهي : انا بجد مش عارفه اقولك ايه انا مهمت قولت مش هيكفي حقك
ممدوح : ماهي عيب ماتقوليش كده انتي ماتعرفيش انتي غاليه عندي ازاي
ماهي بقت تشرب من المايه واخيرا وصلوا الشقه وهي بتطلع الشقه حست ان دماغها تقيله
ممدوح : مالك ياماهي
ماهي : مش عارفه حاسه اني دايخه
ممدوح : ده اكيد بس من التعب والارهاق انتي بقالك يومين مانمتيش
ممدوح سند ماهي وطلعها فوق وفتح الباب ودخلها علي سريره وماهي راحت في النوم خالص
نور بقت تتصل بماهر كل دقيقه طبعا فونه مقفول
راحتله البيت
بقت بتخبط علي الباب جاامد جدا واخيرا لاقت ماهر
نور : ( بتوتر وهي قلقانه ) ماهر لازم تيجي معايا دلوقتي
ماهر : في اي يانور حصل اي شوفتي حاجه عن ليان
نور : لاء مش ليان للاسف
ماهر : اومال مين
نور : عن ماهي
ماهر : ماهي 😳😳
ماهر كان بيفتكر ان ماهي جرالها حاجه
نور : ماهر تعالى انا هخليك تشوف كل حاجه بعنيك
ماهر نزل مع نور وركب الموتوسيكل بتاعه وركبها وراه
نور ودته شقه المعادي
ماهر : احنا بنعمل اي هنا يانور دي شقه المعادي
ممدوح وقتها قلع ماهي هدومها وبقت بالبرا مش اكتر وقلع هو كمان ونام جنبها وفرد دراعه واخدها في حضنه وغمض عنيه
ماهر فتح الباب هو ونور
نور : تعالي من هنا
ماهر : انا مش فاهم حاجه
نور : هتفهم كل حاجه دلوقتي
ماهر فتح باب اوضه النوم بيبص لقى نور نايمه في حضن ممدوح وقتها اتصدم
الحرام 💞
( الجزء الثالث عشر )
البيدج الاصليه حكآآيآت مآآهى
بقلمي مآآهي آآحمد
ماهر فتح الباب هو ونور
نور : تعالي من هنا
ماهر : انا مش فاهم حاجه
نور : هتفهم كل حاجه دلوقتي
ماهر فتح باب اوضه النوم بيبص لقى نور نايمه في حضن ممدوح وقتها اتصدم
ماهر : ماهي 😳😳
بقلمي مآآهي آآحمد
ممدوح قام بسرعه ولبس قميصه
ممدوح : ماهر انا هفهمك .. ماهر انت مش فاهم حاجه
ماهر بص لماهي ومكانش شايف قدامه حرفيا وخصوصا انها بالبرا مش اكتر
بقلمي مآآهي آآحمد
مسك ممدوح كان هيموته في ايده ضربه في كل حته من جسمه ماسابهووش .. كان هيموته في أيده
نور: سيبه ياماهر ماتضيعش نفسك عشانه ده مايستهلش
ماهر مكانش سامع ولا شايف اي حاجه غير انه كسر ممدوح من كتر الضرب ممدوح عمل نفسه انه خلاص مش قادر وجاب الاخر واترمى في الارض ومبقاش قادر يقوم ولا يتحرك كان لسه ماهر هييجي علي ماهي وهي نايمه وقتها نور شافت كده خافت لا يقرب منها ويعرف انها متخدره راحت عملت نفسها اغم عليها بسرعه ووقعت في الارض وبقت تترعش ماهر اول ما شافها كده طلع بره الاوضه بسرعه وراح لنور وبقي معاها
ممدوح قام ولبس ماهي التي شيرت بتاعها بسرعه وماهر كان مشغول مع نور وبقي يفوء في ماهي ويصحيها
بقلمي مآآهي آآحمد
ماهي قامت وهي مدروخه ومش شايفه غير خيالات قدامها
وهي بتطوح ومش حاسه بنفسها مشيت راحت عند الباب
نور وقتها ابتدت تفوء
ماهي: ماهر .. ماهر انت جيت
بقلمي مآآهي آآحمد
ماهر سابها وراح لماهي تف في وشها علي طول وضربها بالقلم
ماهر : مكنتش اعرف انك رخيصه اوي كده
ماهي من كتر القلم اللي ما هر ادهولها وقعت علي السرير وشفايفها جابت دم ومابقيتش عارفه تتحرك من تأثير المخدر عليها
نور : يلا ياماهر .. يلا دي ماتستاهلش
ماهي قرب من ماهي وهو كله حقد وغيظ من ناحيتها
ماهر : لييييييييه.. ( ومسكها من شعرها ) ليه عملتي كده انطقي
ماهي :__________
نور : انت .. انت .. عايزها تنطق تقول ايه سيبها .. تعالي نبعد عنهم
نور بقت تشد ماهر لحد ما طلعته من الاوضه وممدوح كل ده عامل نفسه انه مرمي في الارض
واخيرا نزلوا من الشقه وهو في صدمه شديده ومش مصدق كل اللي بيحصله ده
بقلمي مآآهي آآحمد
ماهر ركب الموتوسيكل بتاعه ونور جت تركب وراه راح سابها ومشي
نور ( بتنادي علي ماهر ) مااهر .. ماااهر .. استني
بس ماهر مكانش شايف قدامه وسابها ومشي
نور رفعت حاجبها واتنهدت بغيظ
نور : بقي كده ياماهر 🤨😏 طيب انا مش عارفه عاجبه فيها اي دي
بقلمي مآآهي آآحمد
ماهر ركب الموتوسيكل بتاعه ومبقاش عارف يروح فين او ييجي منين فضل سايق .. سايق بأسرع ما عنده واخيرا وقف في المقطم وطلع فووووق في حته عاليه جدا
وطلع سيجارته وولعها وبقي ينفخ فيها وهو باصص قدامه ومافيش حد معاه
وبقي كل شويه يتخيل ماهي وهي في حضن ممدوح وبقي بيشرب سيجاره في التانيه في التالته
و من غير ما يحس لقى ان في دمعه نزلت منه علي خده مع انه مكانش بيعيط حط ايده علي خده وفرك الدمعه بصوابعه
استغرب دي أول مره دموعه تنزل فيها حط ايده ناحيه قلبه وحس بكسره قلبه وقتها وعرف ان قلبه هو اللي بيبكي صدمته في ماهي مكانتش طبيعيه ماهي اخر حد في الدنيا ممكن تخونه بس ليه ومع مين .. ممدوح .. طيب ليه .. وامتي .. وازاي اسئله كتييييير كانت بدور في دماغ ماهر مالهاش اجابه
ومره واحده حس ان دماغه هتنفجر من التفكير
بيبص قدامه في الارض لقي ازازه اخدها من غير تفكير وكسرها ورفع الازاز علي دراعه
وبقي يجرح ايده وهو بيجرح ايده بيحس براحه كبيره اوي
غمض عنيه وبلع ريقه واتنهد والدم بقي ينزل من دراعه الجرح كان عميق في دراعه بس مش قد الجرح اللي في قلبه وحس لاول مره لما يجرح انه لسه مارتحش رفع الازازه وفتح جرح في دراعه مره تانيه بس المره دي اكبر واعمق وقتها بس حس بجرحه ودموعه نزلت منه وبقي يبكي .. يبكي قعد علي ركبه ورمي الازازه جنبه وبقي يصرخ بأعلي صوته في المقطم ومكانش حد سامعه ولا سامع جرح قلبه غيره هو وبس 😔😔
بقلمي مآآهي آآحمد
-------------------------بقلمي مآآهي آآحمد-------------------------
المعلم اللي كان خاطف ليان سابهم وطلع بسرعه هو والعصابه اللي معاه عشان يدوروا عليهم علي الشارع
وقتها احمد اتحرك بسرعه جدا ومد ايده لليان
ليان وقتها رفعت ايدها ومدتها لاحمد وايده حضنت ايدها
وبقت بتمشي وراه
بقلمي مآآهي آآحمد
احمد بقي بيستخبي بالراحه جدا وليان بتمشي وراه لحد ما اتأكد انهم مشيوا خالص ووقتها بقي يدخل ما بين الزرع هو وليان
احمد وهو بيشد ليان وراه
ليان : بالراحه يادكتور البهايم انت مش عارفه اتحرك
احمد : دكتور بهايم .. اسمها دكتور بيطرى .. لمي لسانك شويه انتي فاهمه
ليان : يعني غلطت في البخارى يعني ولا ايه
وبعدين انا مش عارفه امشي في الطينه والزرع ده انا لابسه كعب عالي وكل شويه يغرز في الارض بتحرك بصعوبه
احمد بصلها كده ونفخ راح موطي عند رجل ليان
ليان : اي في اي انت بتعمل اي ياجدع انت
احمد قلع ليان البووت اللي كانت لبساه وكسرلها الكعب بتاع البوت
احمد : افتكر كده تقدرى تمشي والكعب مش هيغرز تاني
ليان : انت ازاي تعمل كده انت عارف البووت ده بكام ده اورجينال ده انت لو قعدت طول عمرك تحوش مرتبك ده كله مش هتعرف تجيب تمنه
احمد بصلها بغيظ
احمد : تعرفي انتي لو ماكنتيش ست اقسم بالله كنت سيبتك ان شالله يقتلوكي علي لسانك اللي بينزل دبش ده
ليان : علي فكره انا اه ست بس اقدر كويس اوي اتصرف لوحدي
احمد : بس كده الحمدلله جت منك اتصرفي لوحدك بقي
ليان : اي ده انت رايح فين
احمد : سايبك تتصرفي لوحدك
ليان : انا .. انا ماقصدش .. انا اقصد يعني انك لازم تطلعني من الزرع ده عشان اقدر اتصرف لوحدي
احمد : اللهم اطولك ياروح
طيب اسمعي احنا قدامنا مش اقل من اربع خمس ساعات عشان نطلع من الزرع ده ونوصل لابويا ممكن بقي ماسمعش صوتك
ليان : تمام ممكن
-------------------------بقلمي مآآهي آآحمد-------------------------
تأثير المخدر راح خالص من ماهي وابتدت تفوء وتقوم من علي السرير لاقت الاوضه متكسره حرفيا قامت وبصت في المرايه لاقت صوابع ماهر معلمه علي خدها وقتها ابتدت تفتكر اللي حصل
فاقت لنفسها وبرقت عنيها
ماهي : يانهار اسود ماهر 😳😳
ماهي فتحت باب الاوضه لاقت ممدوح قاعد في الصاله وبينفخ في سيجارته ومضروب في كل وشه
ماهي : حصل اي ياممدوح مال وشك كده
ممدوح : ودا وشه الناحيه التانيه وبقي بيخبي وشه من ماهي
ماهي : ( بتوتر ) ممدوح انطق احكيلي اي اللي حصل انا فاكره حاجات بس بسيطه اوي
ممدوح : سبيني لوحدي دلوقتي ياماهي من فضلك
ماهي قعدت قصاد ممدوح ورفعت وشه بأيديها
ممدوح : اه .. ااه .. خللي بالك بتوجع
ماهي : طيب ممكن تفهمني اي اللي حصل
ممدوح : كنت انا وانتي طالعين لاقيتك حاسه بدوخه ومش قادره بقيتي مش قادره تقفي علي رجلك .. وغمضتي عنيكي
ولاقيتك بتعيطي وتقولي مش مصدقه ان ماما تعمل معايا كده وتطردني من البيت
وقتها من كتر تعبك اغم عليكي سندتك وطلعتك لحد هنا
دخلتك الاوضه ونزلت علي طول ما قعدتش دقيقه واحده في الشقه معاكي
بقلمي مآآهي آآحمد
ببص لاقيت نفسي نسيت الموبايل طلعت عشان اخده بسرعه لاقيت ماهر في وشي وبيقولي حد معاك جوه واول ما سافك نايمه علي السرير مادنيش فرصه انطق حتي وفضل يضرب فيا انا مارضيتش اقاومه وقتها لانه صحبي .. صاحب عمرى .. انا مش مصدق ازاي ماهر يصدق حاجه زي كده
ماهي :( باستغراب) يصدق اي
ممدوح : يعني ان انا وانتي
ماهي: اخرس قطع لسانك ماهر لا يمكن يفكر فيا بالطريقه دي
ممدوح: حتي انتي ياماهي جيتي عليا 😔
ماهي : ممدوح انا ماقصدش .. بس ماهر اكيد فاهم الوضع غلط انا هاروح وافهمه علي كل حاجه
ممدوح مسك ايد ماهي .. ماهي بصيتله كده
ممدوح ساب ايد ماهي بسرعه
ممدوح : اقصد انا خايف عليكي دلوقتي سيبيه لما يهدى
ماهي : يهدى اي ..انا لازم اشوفه ازاي يفكر فيا بالطريقه دي
لازم اعرفه اي اللي خلاني ابات هنا
ممدوح.: براحتك ياماهي انا قولتلك وانتي حره
ماهي : انا اسفه ياممدوح علي اللي حصل هو ماهر لما يفهم كل حاجه اكيد هيتأسفلك علي اللي عمله
ممدوح: انتي طيبه اوي ياماهي .. انتي شايفه صوابعه معلمه علي خدودك ازاي
ماهي : شايفه وعارفه بس انا برضوا عارفه ماهر كويس اوي هو اكيد اتضايق اني كنت بايته عندك وعنده حق
وطالما انت مكنتش في الشقه خلاص
ممدوح : اللي يريحك ياماهي
--------------------------------------
ليان : احمد انا تعبت اوي بقالنا ٣ ساعات ماشيين
انا عطشانه وجعانه وكمان رجلي بتوجعني
احمد : اعملك اي تحبي اشيلك يعني
ليان : انا ماقولتش كده انا بقول اني بجد تعبت جدا
رجلي بتقولي ارحميني
احمد : طيب تحبي نقعد شويه
ليان : ياريت
احمد بقي يقطع الزرع شويه عشان يعرفوا يقعدوا شويه
وليان قعدت وخلعت جزمتها
ليان وهي بتبص لاحمد من تحت لتحت
ليان : انا اسفه
احمد : ايه .. بتقولي ايه .. اسفه مره واحده
ليان : تصدق انا غلطانه
احمد : ياستي لا غلطانه ولا حاجه .. بس اسفه علي ايه بقي
ليان : يعنؤ مكانش ينفع اقولك دكتور بهايم وكده
احمد : لا ليه اسفه ما انا فعلا دكتور بهايم هنجملها شويه ونقول دكتور بيطرى هي هي .. في الاخر برضوا بعالج البهايم
ليان : ههههههههههه حلو اوي التصالح مع النفس ده
احمد : بص لضحكه ليان ولقى ضحكتها حلوه اوي وفضل باصصلها
ليان : ( بتضحك ) مالك بتبصلي كده ليه
احمد : تعرفي ان رغم لسانك متبري منك بس ضحكتك حلوه اوي
ليان بصت في الارض واتحرجت وحطت شعرها ورا ودنها
ليان : تمام شكرا بقي وكده
احمد : افتكر ان ليكي شخصيه تانيه خالص غير اللي بتحاولي تبينيها للناس
ليان : وعرفت منين بقي
احمد: مش عارف حسيت
ليان : كل الناس فاكره اني شخصيه سطحيه مابهتمش غير بنفسي وبس وممكن ده اللي كنت ببينه فعلت للناس بعد ما اخويا مازن مات الله يرحمه
احمد: الله يرحمه مات من اي
ليان : مازن اخويا مولود وهو عنده القلب قلبه ضعيف جدا يعني من اقل حركه كان بيغم عليه مكانش يقدى يجري كتير او يعمل مجهود كتيىر
كنت انا وهو وماهر سوا دايما مابنفارقش بعض حرفيا بس لما مات اتفرقنا كلنا انا سافرت وماهر عاش حياه غير حياته كان هيضيع من غيره ومازن اتدفن تحت التراب بس ماهر لقى ماهي اللي قدرت ترجعه للحياه تاني انما انا لاء
وبقيت الشخصيه اللي انت شايفها قدامك دلوقتي مابحسش بأي حد ولا بعمل حساب لحد غير لنفسي وبس
ليان وهي بتتكلم احمد سمع صوت حد جاي عليهم
حط ايده علي بوقها بسرعه
احمد : هوووووش
اللي خطفنهم : انت دور من هنا وانا هدور هناك يلا بسرعه اتحركوا
احمد اخد ليان وبقوا يوطوا في وسط الزرع واخدها وبقي بيجرى بيها
-------------------------بقلمي مآآهي آآحمد----------------------------
ماهي راحت لماهر ودخلت من باب الجنينه اللي ورا
وطلعت علي السلم الخشب علي اوضته من البلكونه اللي ورا وفتحت الباب بنفس الطريقه اللي كان بيعملها زمان لما كان بييجي في وقت متأخر
بتبص لاقت ماهر ماجاش فضلت مستنياه لحد ما حست بالتعب ونامت علي سريره
ماهر فتح الاوضه ولقاها نايمه علي سريره
ماهر اتغاظ جدا اول ما شافهه
ماهي حست بي وصحيت علي طول
ماهي: ماهر .. ماهر انت اي الجرح اللي في ايدك ده
ماهر : انتي بتعملي اي هنا
ماهي مسكت ايد ماهر
ماهي : قولي الاول اي الجرح ده
ماهر : انا هقولك اي الجرح ده
ماهر شدها من شعرها وجرها علي السلم ونزلها وراه
والبيت كله صحي وماما ماهر كمان صحيت وشافته وهو ببجرها من شعرها وراه زي البهيمه بالظبط
ماما ماهر ابتسمت وفرحت اول ما شافته بيعمل فيها كده
ماهر : مش عايز اشوفك عندي تاني هنا يازباله انتي فاهمه روحي للي كنتي نايمه في شقته امبارح يا وس** اوعي اشوفك هنا تاني انتي فاهمه 😡
ماهي: ماهر حرام عليك شعري ياماهر سيبني حرام عليك
ماهر شدها لحد باب الجنينه وطلعها بره وقال للجنايني
ماهر : لو شوفت الزباله دي هنا تاني اوعي تدخلها انت فاهم 😡
ماهي وقعت في الارض وبقت تعيط وماهر سابها ودخل
ممدوح ونور كانوا قاعدين في العربيه
وبيتفرجوا من بعيد
ممدوح بابتسامه سخريه : افتكر ان كده الطريق فاضي قدامك
نور : جداااااا قولي مبروك عليا ماهر ☺️😁
ممدوح : مبروك ياروحي 😍
بكره ان شاء الله هينزل الجزء الرابع عشر من الروايه الساعه 8
الجزء الرابع عشر من هنا 👇👇
بداية الروايه من هنا 👇👇👇
