جميع الروايات كامله

اعلان اعلى المواضيع

 قصة عشق صعيدي 

البارت الثاني  والثالث والرابع عشر

.........

وعشان كلامكم الجميل3بارت اهو ملحوظه سريعه كده  عشان اللي  بيزهقوا من نهاية الروايات لما بتكون حزينه  الروايه اخرها صعب جدا   

.........

فتحت عيوني لقيت نفسي في مكان مظلم مفيش فيه نور غير لمبه مضيئه المكان اللى انا فيه بس وفى شخص قدامي بس مش شايفه ملامحه لان هو كان مغطى وشه 

الشخص: حمد الله على السلامه نورتي مصر يا اميرتى الحلوه 

كان صوته مش غريب عليا واول ما رفع القناع لقيته إسلام هعرفكم عليه

اسلام الصياد  ٢٨ سنه رجل اعمال مشهور برغم صغر سنه اخو صحبتى الانتيم التوينز بتاعى كنا بنحب بعض وكان واعدنى بالجواز وان هو هيكلم بابا اول مانرجع من الصعيد

نكمل القصه

اسلام: ازيك يا لوسي نورتى مصر

لوسيندا: اسلام

اسلام: اممممم الصياد اللى بعتيه واتجوزتى غيره وياترى فاكراه ولا نسيتيه 

لوسيندا: انا ما بعتكش يا اسلام

زين اتجوزنى غيابى 

اسلام : هههههه ايه دا بجد والله احلفى كده

لوسيندا: صدقني دى الحقيقه

اسلام: لا بجد كلام جميل جدا وياترى حبتيه ولا لا أه انتى قولتى اتجوزك من غير ما تعرفى قوليلى لما سافرتى الصعيد لقيتى عندكم ولاد ولا لسه

لوسيندا: انت ليه مش مصدق كلامى

اسلام: لا مصدق مصدق هو انا قولت بتكدبى بس جه الوقت اللى لازم تبقى معايا انا صح ولا ايه

لوسيندا: مش فاهمه حاجه

اسلام: يعني زي ما اتجوزك غيابى هيطلقك غيابى بردوا

لوسيندا: ازاى يعنى

اسلام: لا ازاى دى سيبيها ليا

لوسيندا: هههههههه

اسلام: بتضحكى على ايه

لوسيندا: مش هتقدر 

اسلام: هقدر وهتشوفى رجالتى في الصعيد وهيمضوه ومن غير ما يعرف وهتشوفى

لوسيندا: زين القناوى عمره ما يعرف حاجه اسمها الهزيمة أو حد ياخد حاجه تخصه

اسلام: لو هو زين القناوى انا اسلام الصياد اللى بردوا ما يعرفش الهزيمة أو حد ياخد حاجه تخصه وانتى تخصينى انا وبس وزين ده قريب جدا هقتله قدامك

#بقلم_أيات_عبدالرحمن

لوسيندا: صدقني مش هتقدر زين مش غبي زين اذكى من كده بكتير اوى لو فاهم أن هو هيمضى على أوراق الطلاق من غير ما يعرف وهيمضى احب اقولك انا سبقتك بالخطوه دى  بس ماقدرتش لأنه كشفنى حاولت اهرب ومسكنى حاولت انتحر فشلت لعبت دور الحب عليه عرف انى بمثل عليه يعنى ما تحاولش 

اسلام: الظاهر أن انتى فهماه أوى لا ووقعتى كمان في حبه بس اقسم باللى خلقنى وخلقك لاقتله قدامك 

ماستناش يسمع منى حاجه ولقيته خرج

#بقلم_أيات_عبدالرحمن

#البارت الثالث عشر

فضلت يومين ما اشوفش اسلام ولا اسمع صوته مش ده المهم المهم أن طول اليومين دول كل الكلام اللي زين قاله هو اللى فى دماغى واول ما افتكره اكتفى بإبتسامه ويوقفها وعد اسلام أن هو هيقتل زين قدامي 

زي ما اتفقنا أن اليومين مروا وما شوفتش اسلام خالص فيهم لحد ما باب الاوضه اتفتح ودخل اسلام  وقعد قدامي ومااتكلمش خالص

لوسيندا: في ايه انت ساكت ليه

اسلام: مفيش 

لوسيندا: زين مضى

اسلام: مستعجله على ايه 

لوسيندا: مش مستعجله ولا حاجه

اسلام: اممممم طب ايه رأيك لما نتجوز دلوقتي هو كده كده هيطلقك

لوسيندا: انت بتقول ايه

اسلام بصوت عالي: بدر

بدر دا واحد من رجالته: ايوه يا باشا

اسلام: الباب ده يتقفل وممنوع حد يدخل هنا فهمت

بدر: حاضر يا باشا هنيئا ليك

اسلام: هههههههه ماشي يا بدر اخرج بقى

بدر: حاضر وخرج وقفل الباب

اسلام بدء يقرب بس كان في الفاضي ماقدرش يعمل حاجه لانى كنت بقاوم بعد عنى وقال: انا هربيكى وراح ضاربنى بالقلم وقعت على الأرض ونزل ضرب بكل قوته لحد ما قربت انتهى في أيده وبعد كده سابنى وطلع كان كل يوم ييجى يعمل كده ويخرج 

هو زين ربنا يهديه وانت تتجنن منك لله ياريتنى ما عرفتك ولا قابلتك 

مر اسبوع ومفيش خبر عن زين وكل شويه اسلام يدخل يحاول مفيش نتيجة يضربنى

كنت بحول افك الحبال اللى مربوطه بيها لحد الحمد لله ما قدرت وكمان قدرت اهرب بس ماكنتش قادره أجرى كنت بضغط على نفسي وبقيت أجرى دخلت في مكان كله اشجار وزرع  كنت خايفه حد يشوفنى 

وانا بجرى وقعت على الأرض رجلى اتجرحت وبدءت تنزف قطعت العبايه اللى كنت لبساها ما انا لبست صعيدي وربطت رجلى بيها وبقيت اضغط على نفسي واجرى لحد ما شوفت المصيبه الاكبر واكتر حاجه بخاف منها وبترعبنى شوفت ثعبان 

كنت واقفه مخضوضه هجرى مابقيتش قادره خلاص هقف هيموتنى اعمل ايه بدءت ارجع خطوه بخطوه وتلقائي لقيتنى بجرى وهو ورايا وانا مرعوبه وهو ورايا بردوا 

ضغطت على نفسي وجريت لحد الحمد لله ما قدرت اتفاداه لكن رجعت وقعت في ايد رجالة اسلام

ماحسيتش بنفسي غير وانا مربوطه على الكرسي في نفس الاوضه اللى كنت فيها واسلام قدامي

اسلام: ايه يا بطل حلوه المغامره اللى عملتيها دى بجد حلوه 

لوسيندا: انت عايز ايه منى سيبنى في حالى بقى

اسلام: تؤتؤتؤتؤ مش بالسهوله دى 

ولسه هيكمل كلامه تليفونه رن

بعد ما خلص مكالمه جه عندى وقال: وحياة امه لاربيه هو فاكر نفسه ايه 

لوسيندا: مش قولتلك زين مش غبي زين اذكى من كده بكتير اوى كل ما اقول قدامه الجمله دي يتجنن هيرد بقى فجاه سمعنا ضرب نار عالى اوى كان ضربات قلبي بتزيد مش عارفه ليه مش خايفه من ضرب النار لكن قلبى بيذيد دقاته لحد ما اسلام جه وقالى حبيبك شرف بس مش هيقدر ياخدك منى وفكنى وخدنى معاه غصب عني رجلى بتنزف جامد ومابقيتش قادره أجرى 

وقفت 

اسلام: يلا قومي يلا 

لوسيندا: مش قادره أجرى 

اسلام: قووووومى

زين: هي مش قالت مش قادره تجرى انت مابتسمعش 

#بقلم_أيات_عبدالرحمن

#البارت الرابع عشر

وهوووووب زين هجم على اسلام وفضل يضرب فيه واسلام مستسلم خالص 

لحد مااغمى عليه ولقيت زين جه عندى وشالنى وجرى 

لوسيندا: انت بتجرى ليه

زين: افضل واجف لحد ما يجتلونا 

لوسيندا: زيزو اتكلم مصراوي

زين: هو الخطف اثر على عقلك

لوسيندا: بليييييز

زين: ابوس ايدك اسكتى مش وقته

لوسيندا: شوف لما بتتكلم مصراوي بتبقى كيوت ازاى 

زين: كيوت ايه وكتكوت ايه اخرسي بقى

فضل زين يجرى مسافه طويله اوى 

لوسيندا: انت عرفت مكانى ازاى

زين بنهجان: مش وقته

لوسيندا: لا قولى دلوك

زين: د ايه 

لوسيندا: لوك 

زين: هههههههه والله انتى رايقه

ارتاح شويه وشالنى تانى وجرى لحد ما شوفنا تعبان كمان 

لوسيندا: زييين تعباااان انا خااايفه اوووى

زين: هههههههه ياجبانه انتى جعانه

لوسيندا: ايوه اوى وهو شكله كمان جعان بس هو هياكلنا واحنا هناكل ايه

زين: هناكله

لوسيندا: يعععع هزر شكلنا هنتحظر دلوقتي من على الدنيا

زين: أهدى بس 

وراح خالع قميصه 

لوسيندا: ايه انت هتغتصبه

زين: هششش

وحدف القميص على الثعبان ونزل ضرب على دماغه لحد ما قضى عليه

لوسيندا:انت بطلى المفضل

زين: ماشي يا قطتى دا انا هغديكى غدوه تحلفى بيها العمر كله 

لوسيندا: ايه هتغدينا كباب مثلا بص انا عايزه سمك فيليه وسمك بورى مشوي ومعاهم رز صياديه اسكندرانى والسلطات والمقبلات والمشروبات الغازية بص انا هموت من الجوع

#بقلم_أيات_عبدالرحمن

زين: دا انا اللي هموت من الضحك 😂😂😂😂😂

عايزه كل ده واحنا فى غابه 

انا مش قصدي الحاجات دي اللى هاكله ليكى دلوقتي اكله هايله اوى 

لوسيندا: امممم معاك اكل يعنى

زين: ايوه

لوسيندا: طب مستنى ايه يلا يا زوزه 

زين: هههههههه حاضر وراح مطلع سكينه من جيبه

لوسيندا: ايه انت هتقتلنى ولا ايه

زين: اصبري بس 

لوسيندا: ايه يابيبى اهون عليك 

زين: بيبى اممم انا عارف السهوكه دى آخرها ايه آخرها هروب بس المره دى لو هربتى منى هتقابلى اخوات الاخ اللى نايم ده ومش بعيد مراته وولاده

لوسيندا: لا يا اخى دا شكله لسه سنجل 

زين: لا يااختى دا كان متجوز ومعاه ولاد كمان 

فلو قررتى تهربى انتى حره هيموتوكى

لوسيندا: وانت هتسيبهم يموتونى

زين: ما اقدرش يا قلب زين انتى قمر كده ليه النهارده

لوسيندا: هو دا وقته 

زين: احنا فينا من كده

لوسيندا: تلميذتك يا زوزه 

زين: هههههههه مش عايزه تعرفي هتاكلى ايه

لوسيندا: اكيد 

لقيت زين بيشاور بحاجبه تجاه الثعبان

لوسيندا: مش فاهمه

زين: هناكل الثعبان ده مش هو كان هياكلنا احنا هناكله قبل أهله ما يشوفونا 

ماكنتش اعرف ان زين بيبقى اهطل ساعات كده دا عايز يأكلنا ثعبان

طبعا انا اعترضت لكن هو مسك سكينته وحدد مكان السم وشاله وجاب كم حاجه كده عشان يشوى بيهم وعمل نار وشوى 

زين: يلا تعالي

لوسيندا: لا كل انت مش جعانه

زين: هتندمى 

لوسيندا: لا شكرا

زين: انتى حره

كان بياكل في الثعبان كإنه بياكل في حلويات مثلا منظره وهو بياكل كان حلو اوي اكله نظيف جدا وهادى اوى 

زين: بطنى وجعتنى تعالى بدل ما اموت من كتر ما بتبصى عليا 

لوسيندا: انا جعانه اوى

زين: تعالى هنا وفضل يكلمنى وانا سرحانه في عيونه

بدء يقطع من الثعبان ويأكلنى 

زين: حلوين

لوسيندا: هما مين

زين: عيونى

لوسيندا بتوهان: اوى 

زين: عاجبينك يعنى 

لوسيندا: اوى 

زين: تاخديهم

لوسيندا: ازاى 

زين: بهزر هههههههه كلتى 

لوسيندا: اممممم خلاص كده عايزه ميه بق ولسه هكمل بلعت ريقى وقولت

هو انا كلت منه

زين: اممممم دا انتى كالتيه كله انتى كنتى جعانه اوى كده 

لوسيندا: يعنى انا كلته 

كنت حاسه اني هموت 

زين: ما تخافش انا حددت مكان السم 

خلصنا اكل وزين شالنى تانى ومشي 

هو انت فعلا بتحبنى

زين: بحبك انا عمري ما حبيت غيرك

لوسيندا: ليه

زين : مفيش حد بيختار اللى بيحبه 

لوسيندا: حبتنى وانت ما تعرفش عنى حاجه

زين: انا اعرف عنك اكتر ما تعرفى عن نفسك

لوسيندا: بجد تعرف ايه بقى

زين: اعرف ان انتى بتحبى الاسماك بأنواعها اكتر من عمى اللى هو والدك بتحبى الورد البلدي الوانك المفضله الاحمر والاسود بتحبى تسمعى الكرتون اكتر من الافلام والمسلسلات 

بتحبى رقصة سلو بتحبى لعبة تلبيس بنات على الموبايل بتحبى التنس وكرة السلة 

بتحبى الاغاني القديمه ام كلثوم وعبد الحليم حافظ وعبدالوهاب وشاديه وبتكرهى الاغانى الشعبيه 

لوسيندا: كل ده عارفه

زين: واكتر بكتير

لوسيندا: طب كمل لسه زين هيتكلم انضرب علينا نار وكانوا رجالة اسلام

نسيبهم بقى ونروح عند بيت القناوي

الجد عرف بجواز فراس وورد ازاى بقى 

تابعوا معايا

فراس كالعاده خدر نعمه ضربها على رأسها المهم أن هى اغمى عليها وخلاص غفير من الغفرا شافه فبلغ الجد ولما فاقت خافت من الجد وحكت ليه كل حاجه فأمر بتقييد فراس وبدء يجلده 

نعمه كانت زعلانه اوى وبتعيط كتير 

زيد: بتعيطى ليه انتى زعلانه علشانه 

نعمه ببكاء هستيري: لااا زعلانه عشان مش هيجيب لى كراميله تانى اعععععع 

زيد: بسسسسس انتى زعلانه عشان كده

نعمه: اهيييييييء 

زيد: البيت كله هنا مبنى على المصالح أوف 

نعمه: هاتلى انت الكراميله

زيد: مفيش معايا فلوس 

نعمه: من يومك بخيل يامخ الچاموسه 

زيد: نععععم هو مين ده اللي مخ البافلوا 

نعمه: ايه بلفوا ديه 

زيد: بلفوا اخرسي خالص

نعمه: واه واه بتشتمنى يابجره 

زيد: هو مين ده اللي بجره يابجره قوليلى يعنى ايه بجره شتيمه ولا عادى 

نعمه: لا عادي

زيد: يبقى سماح 

نعمه: سماح مين تكونشي مرتك 

زيد: تكونشي ايه تكونشي دى كمان

نعمه: اهو كلام وخلاص 😂😂😂

زيد: انتى بتضحكى على ايه

نعمه: انت الواحد يضروبك بالجزمه ولا كإنه ضربك مابتفهمش حاجه واصل

زيد: الچزمه ويضروبك وواصل دا انا هوصل الكهرباء بيكى

نعمه: لا انت شكلك طيب كده 

بتبص حواليها  وبعدين تقول  بجولك 

زيد: جولى

نعمه: ماتجيب بوسه 

زيد: يلا 

نعمه: ولولو عليك ساعه يابعيد 

زيد: ليه بس 

نعمه: عايز تبوسنى

زيد: مش انتى اللى قولتى

نعمه: كت بضحك معاك 

زيد: انتى عندك كم سنه

نعمه: اممم يعنى انا عايشه بجالى كتيير جوى.

زيد: يعنى من امتى كده

نعمه: عندى٢٢ سنه

زيد: لسه صغيره اوى انا ٢٨سنه 

نعمه:العمر كله ليك

زيد: بس انتى هنا من زمان اوى

نعمه: دى حكايه طويله جوى 

البارت اللى جاى هنحكى حكاية نعمه وهنعرف زين ولوسيندا هيهربوا ولا هيتمسكوا تانى 

تابعوا معايا البارت الجاي 

ناااااار

تكملة الرواية من هنا 👇👇👇

من هنا

بداية الروايه من هنا 👇👇👇

من هنا

ادسنس وسط المقال

ادسنس اسفل المقال