 |
حياة_الاسد
البارت_السابع والتامن
_______________________
" الكُل يُطالبك أن تُقاوم .. لا أحد يعلم صُعوبه أنك تُحاول ولَكن لا تستطِيع.💔"
_______________________
مهاب بحزن : للاسف البقاء لله
وعد بصريخ : لاااااااا حياااااة
وعد صحيت مفزوعه من الكابوس وكانت بتعرق وبتنهج
( نعم عزيزي القارئ كانت وعد هيا الي بتحلم وضحكت عليكوا 😂😂)
ساره جريت علي اختها وطبطت عليها
ساره بصوت حنون : اهدي يا وعد
وعد بلهفه : حياة ... حياة هيا كويسه صح قولي
ساره : اهدي حياة فاقت وطلعت بس هيا في العنايه المركزه دلوقتي ،، وانتي بقالك يوم نايمه
وعد : الحمد لله ،،، هو انا نمت يوم كامل
ساره : انتي كنتي بره لما الممرضه قالت علي الدم واحنا بنفقدها وانتي اغمي عليكي وجبناكي علي الاوضه وصحيتي
** فلاش بااك **
وعد بزعيق : سبيني انا لا يمكن اسيب حياة ابعدي
ساره : انتي دلوقتي تعبانه ارتاحي شويه
وعد بصوت عالي : انا قولت ابعدي عني يا ساره انا مش هسيب حياة ابداا
ساره : اهدي حياة لسه مطلعتش
وعد زقت ساره بعيد عنها وقامت لكن فقدت توازنها وساره جريت عليها
ساره : يا وعد انتي لسه تعبانه
وعد بزعيق : انا قولت سبيني ،، وفضلت تزعق وتعيط لغايه اما الدكاتره جم وأعطوا لها مهدأ
ساره بحزن : هو اي الي حصل لها
الدكتور : هيا عندها انهيار عصبي حاد لو سمحتي ابعيدها عن اي ضغط
ساره بحزن علي اختها: طيب هيا هتصحا امتي
الدكتور : انا اديت لها مهدأ هتصحي علي بكره الصبح كداا ومشي الدكتور
** بااك **
ساره حكت كل حاجه حصلت وعد بدأت تتذكر
وعد : طيب خديني عند حياة عاوزه اشوفها
ساره بحزن: تعالي ،، سندت ساره وعد وذهبت إلى غرفة حياة
" أمام العنايه المركزه "
كان علي قاعد علي الارض بحزن شديد ،، وعفاف بتقرأ قران ،، ومحمد ونعمه مشيواا روحوا
عفاف لمحت وعد : ايه الي جابك انتي تعبانه
وعد بحزن وتعب : ماما حياة عامله ايي دلوقتي
عفاف بحزن : الحمد لله ،، هيا كمان شويه هتطلع من العناية تتنقل اوضه عاديه
وعد بحزن : طيب انا عاوزه اشوفها
عفاف: ممنوع الدخول يا بنتي ،، بصي انتي من الشباك هتشوفيها
وعد ذهبت تنظر علي حياة من زجاج غرفتها نظرت لحياة بحزن علي حالها والاسلاك المتواصله بها ثم غمضت عيونها بحزن تتذكر زكرياتها مع حياة
** فلاش بااك **
وعد بزعيق : يلا يا زفته خلصي علشان نجيب النتيجه
حياة بمرح : اهدي يا معلم انا اصلا خايفه جداا
وعد بخوف : انا خايفه لا مجبش مجموع الهندسه
حياة بإطمنان : انشاء الله هنجيب ونحقق حلمنا سواا ثم كملت بمرح دا انتي اكيد جايبه امتياز دا انتي كنتي حالة الامتحان كله صح انا مش بقر هههه
وعد بترفع ايدها في وش حياة : الله واكبر بس يا بومه
حياة بمرح : انا بومه دا انا عسل وكيوت
وعد بمرح : لا يا قلبي انتي برغوث ههههه
حياة بتمثل الزعل : بس انا مخمصاكي هيه ولفت وشها
وعد بمرح : لا خلاص هو انا اقدر اخاصم القمر ده خدي بوسه اموه
حياة بمرح : لا انا مش هقبل اقل من عزومه
وعد زقت حياة وكملت بمرح : لا انتي كداا طمعانه بالعشرين جنيه دي
حياة بمرح : لا انا عاوزه عزومه من الي انا بعزمهولك كداا
وعد بمرح : خلاص احلي خمسين جنيه ليكي يا ستي ،،، طيب يلا نجيب النتيجه
حياة بخوف ومرح : طيب اقولك بلاش نروح هناك انا مش عاوزه النتيجة
وعد : يلا يا حياة ،،، ومشيوا
بعد فتره
وعد دخلت تشوف النتيجه وطلعت زعلانه
حياة بخوف : ها طمنيني نجحنا ولا لا قولي
وعد بتمثل الحزن : للاسف وسكتت
حياة خلاص كانت هتعيط وبتقول بصوت مخنوق : خلاص فهمت
وعد بفرحه : نجحنا يا بت وهنخش هندسه لولولولولولولويي
حياة بصدمه ثم كملت بغضب : يا بنت الل بتضحكي عليا يا وعد وربنا ما انا سيباكي وجريت وراء وعد
وعد بمرح : يخربيتك احنا في الشارع طيب خلاص نتكلم في البيت
حياة لحظت ان هيا في الشارع والناس بتبص عليهم فاتكسفت
حياة بكسوف : وعد استني ومشيت بسرعه
** بااك **
وعد فاقت من الزكريات علي ايد ساره ،،، اندفعت الي حضن ساره وعيطت
ساره بحزن وطبطه : اهدي يا وعد انا مش قادره اشوفك كداا انتي طول عمرك قويه اهدي
وعد بدموع : انا ضعيفه من غيرها يا ساره اووي
ساره بحزن وبتحاول تحبس دموعها : انتي لازم تكوني قويه علشانها وعلشاني انا مستحمله علشان ماما وانتي فا انا عاوزه اخد الطاقه منك انتي
وعد بتمسح دموعها وطلعت من حضن ساره : ايوة انا لازم ابقي قويه علشانها
قاطع حديثهم صوت مهاب
مهاب بهدوء : احمم انا عاوز اتكلم معاكوا
ساره انتبهت لصوت وحست ان قلبها هيطلع من مكانه من شدة الدق
ساره ووعد اتعدلوا فاتكلمت وعد بهدوء : اتفضل
مهاب كان مركز مع ساره الي وشها باهت وعيونها ورمه اثر العياط ولكن ظهر لون عيونها الازرق الداكن
وعد بصوت عالي نسبياً : يا دكتور .. يا دكتور ،، ثم الاحت بايدها علي اعيونه
مهاب انتبه لوعد : احم انا اسف سرحت شويه كنا بنقول ايي
ساره كان متوتره ومكسوفه ووجها كان بلون الاحمر من نظرات مهاب ليها
وعد بهدوء : انت كنت عاوزنا بموضوع اتفضل يا دكتور
مهاب باحترام : بلاش دكتور دي انا اسمي مهاب ،، ثم اكمل بخبث اه صحيح انا معرفش اسمكم ايي انا معرفش غير حياة
وعد : انا وعد ودي اختي ساره
مهاب لنفسه : ياا ساره امم اسم حلو برضه
مهاب بهدوء : نخش في الموضوع انا كنت اجلت فكره ان البوليس يجي في الاول لغاية اما افهم الموضوع
وعد ظهرت دموعها وشاورت لساره تتكلم
ساره بحزن وهدوء : احنا كنا بناكل عادي فجااه " حكت ساره الموضوع كله "
مهاب بحزن وهدوء : طيب كداا كويس انا هبلغ البوليس يجي ياخد علي ويجيب حق حياة بس هستنا علشان حياة تفوق
ساره بحزن : بس هو ممكن ياذينا او ياذي حياة تاني
مهاب بغضب : محدش يقدر يازيكي طول مانا عايش
ساره بصدمه : نعمم
مهاب لاحظ الي هو قاله واتكلم بتوتر وخجل : احم مش قصدي انا قصدي ان انا اقدر احميكم انا واسد
وعد بهدوء : شكرا يا دكتور مهاب ،، هيل حياة هتطلع امتي
مهاب بيتكلم وهو ينظر لساره : هيا الحمد لله هتبقا كويسه بس يعدوا الكام ساعه الي جايين من غير اي خطر ومشي
ساره كانت مكسوفه وخدودها بقت حمراء بشده ونبضات قلبها كانت مسموعه
( البت بتموت يا كفاره وانتوا بتحبوا في بعض 😂😂)
" في قصر اسد "
كان الكل متجمع علي السفره
كارمن بهمس : بت انا عاوزه اعرف مين حياة الي كان ابيه اسد بيطمن عليها
علياء بهمس مشابه : وانا عاوزه برضه اعرف ايي رايك تسالي ابيه
كارمن بهمس : انتي عاوزه تموتيني يا علياء
علياء بهمس : امم طب اي رأيك لو رحنا نشوفها احنا كنا سيبنها امبارح لما طلعت ونتحجج بإن احنا عايزين نشوف مهاب
كارمن بضحك وهمس : يا بنت الايه دا انتي شيطان ومتنكر في حمار ههه
اسد بجمود ومقاطعه : انتوا هتفضلوا تكلموا بعض بوشوشة كداا
كارمن بتوتر : احم احناا اسفين يا ابيه
اسد : كلوا من غير صوت
كارمن بتوتر ' حاضر يا ابيه
وفضلوا يغمزوا لبعض ان حد يتكلم مش راضين
اسد بجمود وهو ينظر الي الاكل : عاوزين ايي انتوا الاتنين
علياء بتوتر : احم احنا عاوزين نروح عند مهاب علشان هو مجاش من امبارح
كارمن بتوتر : ايوة يا ابيه احنا محدش لحق شافه او سلم عليه
اسد ببرود وهو ينظر الي الاكل كما هوا : لا مهاب هيجي كمان ساعه فمش لازم
كارمن بإلحاح : والنبي يا ابيه وحياتي عندك يا ابيه
علياء بإلحاح مشابه : والنبي يا ابيه اخر طلب والنبي
اسد بزعيق وغضب : انا قولت اييي
علياء وكارمن زعلوا واتكلموا بصوت واحد : احنا اسفين ولسه هيمشوا قاطعهم صوت اسد
اسد بجمود: انا قولت لكم امشوا
اتعدلوا كارمن وعلياء ولووه بوظهم وكملوا اكل وهما زعلانين
اسد اتنهد ووافق على طلبهم لانه مش متعود على زعلهم
اسد بإبتسامه : خلاص هتروحوا انا مش متعود ارفض لكم طلب
كارمن وعلياء فرحوا جداا وذهبوا يحضنوه
كارمن بفرحه وابتسامه : احلي ابيه في الدنيا
علياء بابتسامه : ربنا يخليك لينا يا ابيه ،، يلا يا كارمله نلبس
ورد من خلفهم : الله الله علي الاحضان من غيري
أسد بضحك : هو انا اقدر انسي وردتي برده تعالى في حضني يا ستي هيه
ورد حضنت أسد : هيه احلي اسوده في الدنيا
كارمن بضحك: طيب نسيبكم احنا ونطلع نلبس
ورد بإستغراب : انتوا رايحين فين
علياء بفرحه : رايحين المستشفى عند مهاب
ورد بإلحاح : اجي معاكوا والنبي
كارمن بضيق : هو احنا رايحين رحله امشي يا بت بعيد
ورد بتمثل الدلع : والنبي يا اسوده خليهم يخدوني
اسد بضحك : وانا اقدر ارفض طلب ليكم كلكم هههه ،، خلصوا انتوا التلاته علشان اوصلكم خمس دقائق
ورد بمرح : هيههه وانا راحه هييه
علياء بمرح : يا بارده يلا نلبس احسن يغير القرار الي طلع وجريوا التلاته
" في غرفه حياة "
'حياة في خيالها كانت بتحلم باليوم المشؤم '
حياة بدموع : يا عليي انقذ بابا وماما طيب يا عمي انقذ اخوك
علي ومحمد كانوا بيضحكوا بخبث وشر
علي قرب من حياة واتكلم بخبث : اخيراا بقيتي بتاعتي محدش هيقدر يحوشك مني هههههههههه
حياة بدموع : والنبي ابعد عني يا علي سبني وانا مش هقول اي حاجه عنك والله بس سبني
علي قرب منها اكتر : تؤتؤ مش هسيبك انتي بتاعتي ،، وبدأ يقطع لها هدومها
حياة بصريخ : لااااا ابعد عني
علي بضحك : ههههه عمري ههههه
فجاة ظهر شخص لكن وجه مش باين وشد علي فضل يضرب فيه كتير
_ اهدي انا جمبك مش تخافي طول ما انا عايش ثم حضنها
حياة حست بالامان اكتر وقالت بصوت ضعيف : هتقدر تحميني منهم
_ عمر اي حد يفكر ياخدك مني بس انتي قومي من هناا
حياة بدموع : مش قادره
_ مفيش حاجه اسمها مش قادره طول ما انا جمبك حركي ايدك براحه
حياة بدات تحرك ايدها ثم جسدها
' في الواقع '
حياة حركت ايديها ثم بدات تفتح عيونها البندقية ببطئ
كانت وعد واقفه تنظر علي حياة من الزجاج ولمحت ايدها بتتحرك
وعد بزعيق ولهفه : يااا دكتور .. ياا دكتور مهاب
مهاب خرج بسرعه من الغرفه : ايوة يا وعد في ايي
ساره بإستغراب : في ايي يا وعد
وعد بفرحه : حياة حركت ايدها وفتحت عينيها وقفلتها
ساره بفرحه : بجدد
مهاب دخل يشوف حياة صحيت ولا لا
مهاب بدأ يقيس لها النبض ويكشف عليها قاطعه صوت حياة
حياة بتعب : انا فين ااه
مهاب بفرحه : اخيرا صحيتي ،، اهدي مش تتكلمي انتي تعبانه دلوقتي
حياة بتعب : انا عاوزه وعد وساره وماما عفاف
مهاب بهدوء : اهدئ هما كلهم بره احنا هنقلك اوضه عاديه وبعدين هتشوفيهم براحتك ،، وخرج
علي اندفع له واتكلم بلهفه : هيا حياة كويسه هيا بخير صح
( الواد علي ده يقتل القتيل ويمشي في جنازته 😂)
مهاب نظر له نظرت استحقار واتكلم : هيا دلوقتي عدت مرحلة الخطر وهتنقل اوضه عاديه
اتنهد علي واطمأن
مهاب بهدوء : احم لو سمحتي يا استاذه ساره انتي ووعد عاوزكوا
مهاب اخذ وعد وساره علي جنب
مهاب بهدوء : انا لازم اتصل علي البوليس فوراا لان كداا ممكن يهرب وانا كنت مستني علشان حياة تفوق بس
ساره بغضب : ايوة انت لازم تتصل علي البوليس يجوا يخدوه بسرعه يا مهاب
مهاب بتوهان : اول مره اعرف اني اسمي حلو كده ثم فاق احم انا لازم امشي
مهاب جري بسرعه وببكلم نفسه : الله يخربيتك انت بتدق كداا ليه اهدي كداا واتحكم في نفسك هتودينا في داهيه ( مهاب كان بيكلم قلبه )
ساره وشها كان احمر وبتكلم نفسها : مالك يا ساره انتي عمرك ما كنتي كداا في ايي اهدي وانت بطل دق ( كانت بتشاور علي قلبها) هو كل اما يمشي ويجي تدقق تاك داهيه في حلاوة امك ايي الي انا بقوله ده
وعد بزعيق : انتي يا زفته
ساره فاقت : ايه انتي بتنادي عليا
وعد بضيق : لا بقالي ساعه بنادي بس ،، تعالي نروح نشوف حياة هيا اتنقلت في الاوضه جديده وبطلي تسرحي كتير يا ساره هاه
ساره بتوتر : انا ... مش ... ب.س.رح
وعد بضحك : طيب بطلي توتر وتعالى نمشي يا حمرا انتي ههه ،، ومشيوا متجهين علي غرفه حياة
" في قصر اسد "
اسد بزعيق : ما تيلااا يا كارمن انتي وعلياء وورد
كارمن كانت مستنيه علياء وسمعت صوت اسد
كارمن : احيه ابيه اسد هيطلع يجبنا من شعرنا بسببك يا علياء
ورد بضحك : اه والله احنا ننزل ونقول ان علياء هيا الي متاخره
علياء بضيق : بس يا حيوانه منك ليها خلينا اخلص الشوز
كارمن بضحك : الله يرحم ههه فين ايام الجزمه
ورد بمرح : ولا لما كنا في الصعيد هيا كانت بتلبس شبشب ههه الله يرحم
علياء خلصت وقامت بضيق واتكلمت : والله انتوا كلاب بحر يلا
ونزلوا التلاته الي تحت بيضحكوا
اسد بضيق وعصبيه : والله عال انا هنا مستنيكوا وانتوا نزلين تضحكوا مش معبرين الكلب الي تحت
كلهم خافوا من أسد وعصبيته
كارمن بخوف : احنا... اسفين ... يا ابيه ثم نظروا البنات إلى الارض وعيطوا
اسد غمض عيونه يحاول يتحكم في اعصابه
اسد اتنهد واتكلم بهدوء وإبتسامه : خلاص مش تعيطوا بقي وراح عندهم وحضنهم ،، وباس راس كل واحده فيهم
أسد بإبتسامه : خلاص انا اسف اني زعقت بس انتوا اتاخرتوا وانتوا عارفين اني انا مش بحب اتاخير
ورد بدموع : والله يا ابيه احنا كنا بنلبس الشوز
أسد بضحك : خلاص بقاا بطلوا عايط ليما انا مش هويديكم عند مهاب
كارمن بتسرع وبتمسح دموعها بعفوية مثل الاطفال : لا خلاص يلا
أسد بضحك : والنعمة انا مربي اطفال ولسه بتكلم معاهم هههه ،، يلا
مشيوا ركبوا عربيه اسد
علياء وورد وكارمن بيتخنقوا انهي واحد هيركب جمب اسد
علياء بزعيق : ماليش دعوه انا الي هركب جمب ابيه
كارمن : لا انا الي هركب
ورد بضيق : لا انا الي هركب جمب ابيه
اسد بضحك : بسسس ولا حد هيركب جمبي انتوا هتركبوا وراء كلكم
البنات ركبوا وراء بضيق
كارمن بهمس : هو لو ابيه جه معانا مش هنعرف نشوف حياة
ورد بهمس : هو انتوا رايحين علشان حياة الي انتوا حكيتولي عناا
علياء بهمس : ااه يا اختي ،، بصي احنا لازم نقول له هناك
اسد : بطلوا وشوشه يا اطفلي
كارمن بضحك : هو انت مركز معانا من امتي يا ابيه
ضحكوا كلهم
" في غرفه حياة "
وعد دخلت حضنت حياة هيا وساره
حياة بضحك وتعب : ااه حسبي يا اختي انتي وهيا
ساره بلهفه : ايي انادي علي الدكتور
حياة بإبتسامه : لا يا قلبي انا بخير
وعد بحزن وعتاب : كداا يا حياة تقلقينا عليكي دا انا كنت بموت وانا شيفاكي كداا ومكنتش قادره استحمل اني اشوفك بالمنظر داا
حياة بحزن ودموع ظهرت في عيونها : يعني انتي كنتي عايزه علي يعمل فيا حاجه وكداا كنت هموت فيها فا انا مش لقيت غير البلكونه مفتوحه
ساره بحزن : خلاص بقاا اهم حاجة حياة قامت بالسلامه
عفاف دخلت وحضنت حياة واتكلمت : كداا يا حياة انتي كنتي عاوزه تسبيني زي زهره برده
حياة بمرح : خلاص بقا يا فوفه خلي قلبك ابيض وانا اصلا عمري ما اسيبكم
وعد : ولا احنا هنسيبك اصلا ،، وبعدين يلا يا اختي قومي علشان انا بقالي كتير مش اتعزمت او كلت
حياة بمرح : لا انا هفضل هنا شهر هو انا معايا فلوس يابنتي دا انا شحاته
ساره بمرح : لا يا عمري دا انتي شحاته طول عمرك
وفضلوا التلاته يهزروا
" أمام المستشفى "
نزل اسد هو وكارمن وعلياء وورد
كارمن : هو انت هتخش معانا يا ابيه
أسد ببرود : أيوه هطمن علي حد وامشي
علياء بتوتر : احم ممكن يا ابيه نشوف الي احنا متبرعين لها بدم نطمان عليها
أسد كان هيتكلم لكن انتظر برهه
أسد : تمام يلا ،، ومشي .
كارمن بصدمه : هو الي انا سمعته بجدد
ورد بضحك : اقفلي بوقك لحاجه تدخل فيه هههه
علياء : يلا لأبيه ينادي تاني
ودخلوا وراء اسد بسرعه
أسد دخل بكل شموخ وكبرياء وسط همسات الممرضين والناس
أسد ببكلم الاستقبال : هو فين غرفه حياة كانت جات امبارح وهيا وقعه
الاستقبال : غرفه رقم *** يا أسد بيه
أسد بغرور وجمود : تمام
" في غرفه حياة "
حياة : يا فوفه خدي عيالك دول كداا اصل انا هتعب اكتر
ساره بمرح : لا انا قاعده علي قلبك ومش هسيبك
حياة بمرح : لا انا انده علي الدكاتره يجوا يشيلكوا
وعد : وحشتني يا بت يا حياة اووي ووحشني هبلك اكتر .
حياة : والله انتي اكتر ،، ثم كملت بمرح اعتقد انتي كداا بتشتمني
ساره : انا مجهزه ليكم مفاجاه
وعد وحياة بفضول : اي هيا اي اي
ساره : بسس هيا زمانها جايه
الباب خبط ودخل شخص ........
....... يتبع ..........
_______________________
اسفه بجد هلي التاخير هو كان في سببين
الاول " انا يوم الجمعة مش نمت خالص وكنت بره ورجعت ١٢ بليل وصحيت الساعه ٤ 🙂🙂 معلش اصل انا غيبوبه 😂🙂 "
الثاني حلو هو " ان في فرد جديد وصل العيله ونور وطبعا دا بيبي ♥️ فعلشان كداا ملحقتش اكتب اول ما صحيت "
يلا تفاعل كتير ♥️♥️
يارب البارت يعجبكم ♥️♥️ ..... انجوووي ❤️❤️
بقلمي : Asmaa Reda ✍️💙
حياة_الاسد
البارت_الثامن
_______________________
" وأختر لنفسك شخصًا إذا قَست عليك الأيام يكن لكَ فيه عشمٌ لا يخيب..🧡"
__________________________
ساره : انا مجهزه ليكم مفاجاه
وعد وحياة بفضول : اي هيا اي اي
ساره : بسس هيا زمانها جايه
الباب خبط ودخل شخص مخبي وشه بالورد
حياة بإستغراب : انت مين
- يبقا متعرفنيش كداا يا حياة وظهر وجه
- حياة بصدمه وغضب : عليي ... انت اي الي جابك هنا امشي اطلع بره
علي بيقرب من حياة : لا مش هطلع واسيبك
ساره وقفت امام علي واتكلمت بغضب : تعرف يا علي لو قربت من حياة هعمل فيك ايي
علي بضحك : هتعملي ايي يا ساره اسكتي اصل انا ممكن اعمل حاجة مش هتعجبك بس هتعجبني انا هههههه وغمز لها
وعد بهدوء : اطلع بره يا علي
علي : لا انا هاخد حياة من المستشفى دي وامشي
حياة بخوف وغضب : انا مش هاجي معاك يا علي مش كفايه الي انت عملته
فيا ،، ثم حولت حياة تسند علي السرير لكن معرفيتش
حياة بتعب وصريخ : اااه كح كح كح
جريت عليها عفاف لأنها كانت قريبه منها ثم علي
علي بخوف حقيقي : مالك يا حياة انادي لدكتور ومسكها علشان يسندها
وفجأة اخد قلم من حياة واتسمر مكانه ،، وعد وساره وعفاف اتفجوا من رد فعل حياة الغير متوقع
حياة بتهديد : اوعا تقرب مني يا تاني فاهم
علي بغضب جحيم : انتي بتضربني انا يا بنت اللل******* ومسك ايديها
حياة رمت ايده من عليها وقالت بغضب : انت نسيت نفسك يا حيوان دا انا بابا كان بيعالجك من الاقرف الي فيك داا وكان معيشك انت واهلك بفلوسه وانت ترد الجميل دا بي ايي انك كنت عاوز تغت**صب بنته
علي بصدمه : انتي ازاي افتكرتي
حياة بسخرية : ايوه افتكرت يا ابن عمي وافتكرت كمان انك انت وابوك قاتلتوا بابا وماما ثم تكلمت بدموع علشان ايي كنا هنبلغ عنك وبعدين نتنازل ونسافر
الجميع كان مصدوم أن حياة افتكرت
علي بصدمه ثم تكلم بصوت يشبه الجحيم : انتي لازم تموتيي ،، ثم قرب اكتر من حياة وكان كلا من عفاف ووعد وساره بيحولوا يبعدوا عنها
علي مسك شعر حياة ورفعها لفوق واتكلم بفحيح الافاعي : انتي هتموتي بس لازم اخدك اعذبك الاول زي ما ابوكي عزبني ووداني المصحه
حياة كانت بتتوجع من شعرها والألم جسمها كان اكتر
عفاف : اطلعي يا ساره نادي علي حد من بره بسرعه
وخرجت ساره لتصيح في المستشفى لتطلب النجدة
" في الجهه الاخرى عند أسد "
ورد بهمس : انا عاوزه اعرف مين حياة دي الي انتوا متبرعين لها بدم
علياء بهمس : والله يا اختي لو اعرف كنت قولت بس انا حاسه ان دي وراءها حاجة علشان ابيه اسد بنفسه كان قلقان عليها
كارمن بهمس : دي كانت معجزه ان ابيه بنفسه كان واقف يطمن عليها
أسد : هو انتوا مخبين عني اييى
كارمن بتوتر : اه... لا... مفيش .. حاجه
علياء بتحاول تغير الموضوع: هي اوضه حياة رقم كام يا ابيه
أسد : احنا خلاص وصلنا اهو ،، ايي دااا
أسد شاف ساره بتزعق وبتطلب النجدة راح لها جري
أسد : فيي ايي يا ساره بتزعقي كداا ليي
ساره بدموع : إلحقنا يا أسد علي ماسك حياة وبيموتها
أسد دخل جري علي الاوضه ينقذ حياة
ورد بصدمه : هو في ايي
علياء : انا حاسه اني في مسلسل
كارمن : تعالوا نشوف في ايي
ومشيوا الثلاثة متجهين الي غرفه حياة
" في غرفه حياة"
أسد دخل اتصدم من منظر حياة الي كانت شكلها بايظ من كتر الضرب والواقعه وكانت بتنزف دم من وجهها ،،، أسد هجم على علي
أسد بغضب : تعالي يا ابن الل*******،،،،، واخذوه وفضل يضرب فيه لغاية اما نزف كتير وكل الي في المستشفى جه علي صوت علي
( يا ولاد الايه يعني البت بقالها ساعه بتضرب وتصرخ وانتوا ولا هنا 🙂)
وعد جريت علي حياة بتحاول تفوقها لكن بلا جدوي ،،، كانوا ورد وكارمن وعلياء جم واتفاجوا من منظر أسد المتوحش والقوا نظره علي حياة الذي فقدت وعيها من كثره الألم
مهاب جه واتفاجه انه شاف أسد هاجم على علي ،، جي مهاب يرفع أسد من فوق علي الذي كان شبه فاقد للوعي بسبب لكمات أسد
مهاب : خلاص يا أسد هيموت في ايدك ،، وبيحاول يرفع أسد
أسد بغضب : سبيني يا مهاب والله لطلع روحه ابن الكل***ب ده في ايدي
وفجأة الشرطة جات( لان مهاب كان طالبها لقضية حياة)
الشرطة رفعت اسد وكتفه وشالوا علي
الشرطي : احنا اسفين على التاخير يا مهاب بيه
مهاب بهدوء: المهم تربوا الكلب ده
الشرطي : احنا لازم ناخد شهادة المجني عليها
انتبه اخيرا لحياة الفاقده الوعي وكان حولها وعد وعفاف وساره
جري مهاب الي حياة ثم طلب منهم الخروج من الغرفه لكي يستطيع أن يكشف.
'في الخارج '
عفاف : انا بجد بشكرك يا بني انك ساعدنا
أسد : لا شكر على واجب
كارمن : حد فاهم حاجه
حرك الاثنين راسيها بانها تدل على (لا)
علياء : انا حاسه ان في حوار كبير اووي
قاطع حديثهم صوت مهاب ،،،،،جري عليه الكل يطمانوا علي حياة
مهاب : الحمدلله يا أسد انك جيت في الوقت المناسب وإلا كان حصل مضاعفات خطيرة واحتمال تدخل في غيبوبه
ساره بخوف : يعني حياة كويسه
مهاب : الحمد لله انا عقمت لها الجروح وهيا دلوقتي فايقه بس ارجوكم محدش يخليها تنفعل أو تتكلم كتير ممكن يحصل انتكاسه
وعد بهدوء : لو سمحت يا دكتور
مهاب بتركيز : ايوة يا انسه وعد
وعد : حياة افتكرت كل حاجه قبل الحادثة وافتكرت بردوه اليوم الي حصل فيها الحادثة وكانت بتتكلم مع علي فيه ،، كان التلات بنات بيسمعوا باستغراب
مهاب بهدوء : دا كدااا كويس انا هتصل علي دكتور مخ واعصاب هو ممتاز وهو جاي من بره انهارده وانشاء الله حياة هتبقي كويسه ،،، اسد عاوزك دقيقه
أسد : تمام ،، خليكم هنا يا بنات اوعا حد يتحرك ماشي
اومأ البنات علي طلبه ،،، ومشي اسد متجه علي مكتب مهاب
" في الداخل "
دخلوا كلهم يطمنوا علي حياة وجدوها بتبكي بشده
وعد حضنت حياة واتكلمت بصوت حنون : اهدي يا قلبي خلاص علي مشي ومش هيجي تاني اهدي
حياة بدموع ووجع : هيرجع تاني يا وعد وهينتقم مني زي معمل في بابا
عفاف بحزن : منه الله اشوف فيه يوم هو واهله كلهم
ساره بتحاول تلطف الجو بمرح : خلاص بقا يا حوحو انا معرفش انتي واخده النكد دا من مين دا انا عسوله وفرفوشه زي خالته وجوز خالته
حياة بتتكلم بتعب ومرح : ساره وحياة امك يا شيخه ابعدي عني انا تعبانه خلقه فا مش ناقصه يجي ليا شلل بسببك
ساره بمرح : كداا بردوا يا حوحو انا مقدرش ابعد ثانيه
ورد بمرح : انا بعدك ماليش في الدنيا هههههه
التفتوا الي الصوت
ساره بمرح وهيا تضرب يدها بيد ورد : كفك يا بنت الايه لا حلوه ههههه
حياة بإستغراب : انتوا مين
عفاف : دول ثم شاورت علي علياء وكارمن هما الي اتبرعوا ليكي بالدم
حياة بإبتسامه طيبه : انا بشكركم انكم اتبرعتوا ليا بدم
كارمن بضحك : متقولش كداا بس احنا كنا عاوزين نعرف مين الي خد دمنا الشربات اصل مش اي حد ياخده
ساره بمرح : علشان كداا البت مش طيقاني ههههه
وعد بهدوء : اعرفكم بينا انا وعد ودي حياة ودي ماما عفاف ودي ساره
كارمن وعلياء وورد بصوت واحد : تشرفنا
علياء بابتسامه: انا علياء ودي كارمن ودي ورد احنا اخوات مهاب وأبيه اسد
ساره اول ما سمعت اسم مهاب ضربات قلبها زادت
وعد : تشرفنا يا قمر
ورد بمرح : لا وحياة اهلك متقوليش قمر وجميل وعسل بحس نفسي ان طفله اوي اتكلمي معايا عادي ( وحياة اهلكم يا جماعه انا محدش يقول ليا الكلامات دي بحس ان انا طفله اووي 😂👍)
وعد بضحك : حاضر يا ستي
ساره بمرح : امم بما اننا كلنا قاعدين فاضين تعالوا نلعب
حياة بخوف مزيف : لا انا مش حمل ضرب تاني كفايه اخر مره
ساره بمرح : دا انا طيبه
حياة بضحك : اوويي انتي هتقوللي دا انتي ملاك علي الارض
ساره بمرح : حتي اسئلي وعد أو فوفه
وعد : انتي عاوزه الحق ولا ابن عمه
ساره بضحك : طبعا ابن عمه
وعد جريت وراء علياء واتكلمت بخوف مزيف : دا انتي مطقيش فاكره اخر مره لما كنا بنلعب ومسكتيني ضربتيني
ساره بتمثل الصدمه : انا يا ابني ،،، ثم كملت بتمثيل الزعل اخص عليكي يا وعد مكنش العشم
ورد بمرح : طيب تعالوا نلعب حاجه ونسيب حياة
حياة : تسيبوا مين يا امااا دا انا اقتلكم دا انا المعلمه فتكات والاجر علي الله
وعد بمرح : اهدي يا معلمه احنا نتويهم ومحدش هيعرف ليهم طريق
علياء بمرح : اي داا هو احنا دخلنا في ذئاب الجبل ولا ايي هههه
كارمن بضحك: امم انا لقيت حل علشان حياة متتعبش اكتر
ورد : اي هيا يا فيلسوفه
كارمن بضحك : اممم نسئل بعض شويه اسئله ومنها نبقي صحاب ومنها نلعب
ساره بمرح : لا حلوه الفكره دي انا هلعب
كلهم وافقوا علي اللعبة ،،، وظبطوا مكان للعب
" في مكتب مهاب"
مهاب بهدوء : هو ايي الي حصل انا افهم
أسد بجمود : امم ولا حاجه الحكايه وما فيها ان ...... وبدأ يحكي الي حصل
مهاب بهدوء : طيب كويس انك بجد اتصرفت لان كان الضلعين ممكن يتحركوا تاني ودا كان خطر احنا مصدقتا أنه ثبت
أسد مكنش نهتم بكلام مهاب
أسد بجمود : هتعمل ايه مع علي
مهاب : هما هيحققوا معاه بعدين يجوا كمان كام ساعه ياخدوا اقوال حياة والشهود برده
أسد : انا عاوزه يطلع في اسرع وقت
مهاب بصدمه : انت اتجنينت يا اسد ايي الي بتقوله داا
أسد حط رجل علي رجل واتكلم بخبث : انا عاوزه يطلع لانه هياخد مني هديه من بتوع الناس الي بحبهم
مهاب بإستغراب : انت ناوي تعمل في ايي
أسد بخبث وبرود : ناوي علي كل خير انا عاوزك تدخله السجن يتزبط ويطلع علطول علي المخزن
مهاب بهدوء : انهي مخزن
أسد : انا قائلك دا من الناس الي بحبهم يعني علي المخزن المهجور علطول
( حد يقرأ الفاتحة لي علي لاني انا فرحانه فيه 😂🤝)
مهاب بإستغراب : انت بتعمل كل داا ليه يا اسد علشان حياة ولا في سبب تاني
أسد بتوتر : اي ... لا عادي هو دخل دماغي
مهاب : انا عارف ليه
أسد بصدمه وتوتر : ايي عارف ازاي
مهاب بهدوء: انا ملاحظ أن في شابه كبير بينها وبين نور
أسد بتهنيده : اناا ماشي ،،،،، ومشي
" في غرفه حياة "
ورد : يلا انا الي هلف الازازه المره دي
الزجاجه لفت كتير ووقفت عند وعد
ورد بمرح : اشطااا يلا يا وعد ،،،، انا ليه حساكي ديماا حزينه وهادئه جداا
وعد بحزن وقد افتكرت الماضي المؤلم الذي غير كيانها وفرت دمعه هاربه منها
ومسحتها علطول
ورد بحزن : انا اسفه لو سؤالي ضايقك
وعد بنصف إبتسامة : لا عادي بس افتكرت حاجه وهجوبك علي السؤال بتاعك لا انا مكنتش كداا بس للأسف الظروف كانت اقوي مني
ثم لف الدور مره اخري كان علياء وساره
ساره بمرح : ولا ووقعتي تحت ايدي
علياء : ربنا يستر
ساره: امم بتحبي دلوقتي ولا ومين
علياء وشها احمر من السؤال
حياة بمرح : اوبااا شكل الحكايه فيها مزز لدام احمريتي كدا
ورد بمرح : من غير معرف يا كلبه يا خساره اللب الي احنا بنكله كل يوم
علياء بضحك : بسس بصوا انا معرفش دا حب ولا ايي
وعد : قولي واحنا نعرف يا اختي
علياء : بصي هو انا كل اما اشوفه احس ان قلبي بيقف من كتر الدق وكل اما حد يجيب اسمه اسرح وضربات قلبي تزيد أو حتي لما ينطق اسمي يااا بحس اني طايره في الهواا من كتر الفرحه هو دا حب ولا اي ،، اي دا مالكم
كارمن بضحك: اول مره تقولي كلام رومانسي يا بت دا انتي كداا دخلتي جواا معميع قلبي هيييح حب يا اختي حب عقبالي ابعت ليا ابن الفقريه دا انا استنيت كتير
فجاه الباب خبط ودخل شخص ومعاه ورد بس مش باين
كارمن بصت علي البنات واتكلمت باستغراب : هو كانت ابواب السماء مفتوحة ولا اي
علياء بضحك : اعتقد ابن الفقريه جه ههههه
فدخل الشخص وبان اكتر فصرخت وعد وحياة
ساره بضحك : هيا دي المفاجأة ههههه ..........
.............. يتبع .............
يارب البارت يعجبكم ♥️♥️....... يلا انجوووي ❤️
بقلم_غيبوبه😂
البارت الخامس والسادس هنا 👇👇
تعليقات
إرسال تعليق