رواية عالمي الصغير الفصل 3
جبل ( بغضب) / انتي هتفضلي تبصيلنا كتير ما
تنطقي
الجد ( بحزم) / جبل عيب كده اتكلمي يا اميرة
اميرة ( بحزن) / من اول ما هربت و اتجوزت مدحت
وهو كان كويس و اول ما بقيت حامل في جنة هو
اتحول جدا بقي علي طول يضربني و يشتمني و
حاول كذا مرة يسقطني بس انا كنت بعمل المستحيل
عشان احميها و لما ولدت جنة و بقي عندها 3سنين
كان بيضربها كتير و كان بيحبسها في اوضتها لدرجة
اني كنت بدخل الاكل و شرب بالعافية لكانت بتشوف
اطفال قدها تلعب معاهم ولا تعرف مكان غير اوضتها
وفي يوم روحت لدكتور مخ و اعصاب عشان لاحظت
تصرفات جنة غريبة مش تصرفات بنت عندها 19
سنة كان كل تصرفاتها زي الاطفال جدا طريقة كلامها
حركاتها حتي لما كانت بتروح المدرسة علي طول
بيحصل مشاكل المدرسين بيشتكوا منها و زمايلها
بيتريقوا عليها و علي طول كانوا بيقولوها مجنونة
معتز / عشان كده اتعصبت لما جبل قالها مجنونة
اميرة / ايوة اول ما بتسمع الكلمة دي بيجلها حالة
هستيرية
الجد / و الدكتور قالك ايه
اميرة ( ببكاء) / عملها اشاعة علي دماغها و قالي ان
حصل شوية خلل في المخ نتيجة صدمة عصبية
شديدة و خلايا المخ وقف عند سن 8سنين عشان
كده تصرفاتها زي الاطفال
الجد / و ملوش علاج التعب ده
اميرة / الدكتور قالي انها محتاجة عمليتين في المخ
بس غالية و انا مكنش معايا فلوس
نور / طيب يا طنط هو باباها فين
اميرة / انا هربت منه اول ما عرفت انه عايزة يجوزها
رجل كبير في السن
كل هذا الحوار كان جبل يجلس بجمود ليقف فجأة
بدون سابق انذار موجه حديثه لمعتز وهو يصعد
للاعلي
جبل ( بجمود) / معتز بكرة تبقي في الشركة بدري
معتز / اشمعنا
جبل / مش عايز رغي كتير سمعت قولت ايه
معتز / حاضر
نور / هو جبل ماله طول القاعدة كان ساكت
لينظر الجد لمعتز بغموض شديد ليبادله معتز
النظرات الذي لم يفهمها غيرهم
الجد / متشغليش بالك يا نور يلا خدي عمتك وديها
الاوضة اللي جمبي
نور / حاضر يا جدو
الجد / وانتي يا اميرة متقلقيش علي جنة خلاص
انتوا بقيتوا في حمايتي و حماية جبل يلا اطلعي
نامي
قامت اميرة من مكانها لتتجه نحو ابيها لتركع امامه
اميرة ( برجاء) / سامحني يا بابا علي الكل اللي
عملته حضرتك كنت صح بس مفهمتش غير متأخر
ليربت الجد علي راسها بحنان فرغم انه سليم
الاسيوطي المعروف بجبروته الا انه اب ولم يقدر
ان يقسو علي ابنته الوحيدة المتبقية بعد وفاة ابنه
والد جبل
الجد / مسامحك و من زمان اوي كمان بس كنت
بكابر مع نفسي و يلا بقي اطلعي نامي زمانك تعبانة
لتبتسم اميرة له ثم صعدت مع نور الي غرفتها
انتظر الجد صعود ابنته و حفيدته و عندما تأكد انهم
صعدوا وجه نظره الي معتز
الجد / عملتوا ايه معرفتش اسأل جبل الكل كان
قاعد
معتز ( بثقة) / كله تمام يا جدي سلمنا البضاعة لاكرم
و خلال شهر هنسافر انا و جبل المانيا عشان في
صفقة جديدة بس شكلها تقيلة و هتبقي ناقلة كبيرة
لاسم الاسيوطي
الجد ( بجدية) / اسم الاسيوطي طول عمره كبير
و مش محتاج صفقة تكبره مهما كانت هي ايه
معتز / طبعا يا جدي
الجد / طيب يلا نطلع ننام
معتز / لا يا جدي انا هروح ڤيلتي
الجد / لا و اسمع الكلام و خليك انت عارف ان ده
بيتك و زيك زي جبل يلا اطلع
معتز ( بمرح) / والله يا جدي انت طيب كسفتني
ليضحك الجد عليه قائلا / كسفتك طب يلا نطلع
ننام
ليصعد الجد و معه معتز الي غرفهم
.....................................................................
صعد جبل الي غرفته ليقوم بخلع سترته ثم دخل إلى
الحمام لكي يسترخي كان يقف تحت الماء البارد
يجمع افكاره ويتذكر حديث عمته ظل يتسأل كيف
لأب ان يفعل هذا مع ابنته الوحيدة ليفيق من شروده
علي صوت بكاء احد ليغلق المياه سريعا ليقوم بلف
منشفة حول خصره ليخرج من الحمام ليستمع الي
صوت البكاء يصدر من غرفة جنة ليتجه نحو الغرفة
فتح الباب ولكن لم يري شيئا بسبب ظلام الغرفة
ليقوم بفتح ثم وجه نظره نحو السرير ليري جنة
نائمة تبكي بشدة و تهلوس بكلام غير واضح ليقترب
جبل نحوها حتي يستمع جيدا لحديثها
جنة ( بتعلثم) / لا باا باا ا بعد عني ب ك ر ه ك
وجه جبل نظره الي جنة ليري علي ملامحها الخوف
و التعرق ولم يعرف ماذا يفعل ليأخذ منديل من
جانبه ليقوم بمسح عرقها و يربت علي شعرها بحنان
ليقترب جبل من اذنيها ليهمس قائلا / هشششش
جنة انا جنبك متخافيش محدش هيقدر يعملك
حاجة
ليبتعد عنها لينظر اليها ليري ان ملامحها هدأت و
توقف بكاءها ليستغرب جبل كيف هدأت ايعقل انها
انتبهت الي صوته ليفيق من شروده علي صوت احد
لينظر ليري معتز يقف علي الباب مغمض عينيه
بطريقة مضحكة
معتز ( بصدمة مصطنعة ) / ايه ده انا جيت في وقت
مش مناسب ولا ايه يا نهار اسود
جبل ( بضيق) / لم نفسك و بعدين مغمض عينك ليه
ليفتح معتز عيونه تدريجيا قائلا / طب يا عم استر
نفسك و انت ملط كده قدامي بقي عايز حد يشوفك
بالمنظر ده و ميفهمش غلط طب ازاي يا راجل
جبل ( بصوت منخفض) / انت عارف لو
ليقاطعه معتز قائلا / بس لا عيب يا جبل هي اه مش
طفلة و عندها 19 سنة يعني كبيرة بس بردو انت
البوص ولا نسيت
ليتقدم منه سريعا ممسك برقبته بقوة قائلا بتحذير/
انت عارف لو قلت الاسم ده قدام حد هعمل فيك ايه
انا جبل و بس
معتز ( بإختناق ) / خلاص يا جبل بهزر والله
ليتركه جبل ليسقط معتز علي الارض يسعل بشدة
ليمد جبل له يده حتي يقف ليتمسك بيه معتز قائلا /
علي فكرة انت غبي و ايدك تقيلة
جبل ( بجمود) / الحركة دي هتفكرك بعد كده
متقولش الاسم ده غير في شغل وبس انا رايح
اوضتي اقفل الباب وراك قبل ما تصحي و روح نام
ليقوم معتز بغلق غرفة جنة بهدوء ثم يذهب الي
غرفته
.....................................................................
* في صباح يوم جديد *
كانوا جالسون كل من الجد الذي يترأس المائدة
الطعام و جانبه علي اليمين جبل و جانبه نور وعلي
الشمال يجلس معتز و اميرة
جبل ( بجمود) / جدي انت معرفتش بنتك ان في
قوانين في البيت هنا ولا ايه
لترفع اميرة راسها عن طبقها تنظر الي جبل مستغربة
حديثه قائلة / مش فاهمة قوانين ايه
الجد / جبل انهاردة اول يوم ليهم بعدين يعرفوا
جبل ( ببرود) / متأسف يا جدي اللي يدخل البيت ده
لازم يعرف القوانين و يطبقها بالحرف بصي بقي يااا
ليكمل بسخرية قائلا / الا صحيح تحبي اقولك ايه
لتدخل نور مهدأة الجو قائلة بمزح خفيف / هتكون
هتقولها ايه يا جبل اكيد عمتي
جبل ( بسخرية) / عمتي نور يا حبيبتي زمان كنا
ممكن نقولها عمتي لكن بعد ما هربت من البيت زمان
اللقب ده اتشال و كويس اوي اننا قبلنا انها ترجع و
تدخل بيت جبل الاسيوطي تاني و لولا جدي كنت
قتلتها
ليخبط الجد علي المائدة بقوة قائلا / جببببل كفاية
احترم اني قاعد و بعدين دي عمتك زمان دلوقتي
هتفضل عمتك انت سامع
.......................................................................
*غرفة جنة *
استيقظت جنة من نومها وهي تفرك عينيه ثم تأملت
غرفتها لفترة قصيرة ثم قامت لتغير ملابسها لتلبس
فستان ابيض مليئ بالورود الملونة ولكن لم تعرف
ان تسرح شعرها لان والدتها هي الذي تفعلها لتأخذ
المشط و توكة ثم هبطت الي الاسفل بهدوء ولم
تري احد
جنة ( بخوف) / ايه ده مفيث حد خالص ليه
لتأتي لها الخادمة قائلة / حضرتك عايزة حاجة
جنة / اه عايزة ماما
الخادمة / اتفضلي هما علي السفرة
لتذهب جنة مع الخادمة لتدخل الغرفة
جنة / ماما خدي اعمليلي شعري
جبل ( بغضب) / ايه المنظر اللي نزليلنا بيه ده انتي
فاكرة نفسك في الشارع
لتنتفض جنة اثر صوته الغاضب لتتحدث بغضب
طفولي قائلة / انت ملكش دعوة بجنة انا مش بكلمك
جبل ( بصوت جهوري) / قولتلك قبل كده اخرسي
خالص مش عايز اسمعك صوتك فاااهمة
معتز / جبل اسكت بقي ايه كل العصبية دي مش كده
جبل / بصوا بقي انتوا الاتنين عشان جبت اخري
منكم البيت ده ليه قوانين و طول ما انتوا قاعدين
فيه هتمشوا بالقوانين دي اولا الفطار هيتحط لو
في حد اتأخر و الفطار اتشال ملوش فطار و طبعا
ده بالنسبة لكل الوجبات ثانيا مشوفش المنظر
المقرف اللي بنتك فيه ده البيت هنا محترم مش
شارع ثالثا بقي اللي مش هيطبق القوانين دي
يتفضل بره اه صحيح بنتك اتأخرت فملهاش فطار
لتقوم اميرة من مكانها قائلة / طلما وجودنا مضايقك
يا جبل احنا هنمشي
الجد / تمشي فين يا اميرة جري ايه يا جبل
جبل / انا قولت قوانين البيت اعتقد مغلطش
الجد / انا عارف انك مش بتحب حد يخالف قوانينك
بس بردو دول اول يوم ليهم مش كده
جنة ( بحزن) / بس انا جعانة
لتنظر جنة له بدموع تلمع في عينيها ليراها جبل انها
علي وشك البكاء ليتحدث وهو يهم بالخروج قائلا /
اتفضلي افطري بس اخر مرة تتأخري يلا يا معتز
لتبتسم جنة قائلة / هييييي هاكل
ليسمع جبل وهو يخرج صوتها ليبتسم عليها وهو
يهز راسه بيأس ليركب سيارته و ينطلق و خلفه معتز
متوجهين الي الشركة
Amal_Tarek
تعليقات
إرسال تعليق