رواية عالمي الصغير
الفصل 1
يصيح رجل عجوز في شاب قائلا / جري يا جبل
هتعصي كلامي علي اخر الزمن
جبل ( بغضب) / جدي كلامك كله مش مقنع ازاي
تجيب اللي هربت زمان من بيتك وانت شخصيا
اتبريت منها حتي بابا لما كان بيجيب سيرتها كنت
بتزعق
الجد ( بحزن) / جبل اسمعني كويس ممكن
جبل ( حاول يسيطر علي اعصابه ) / اتفضل يا جدي
الجد / زمان انا كنت قوي جدا و الكل بيخاف مني
لمجرد بس يسمعوا اسمي في الوقت بنتي حبت
شاب معاه ثانوية عامة بس وهي كانت في اخر سنة
في كلية الطب طبعا ازاي بنت سليم الاسيوطي تحب
واحد مش من مستواها منعتها من مرواح الكلية
كانت بس بتروح وقت الامتحانات بسبب الواد
الصايع ده كان بيقابلها بره الجامعة وبعد ما
اتخرجت قالتلي انه هيجي يتقدملها وانا قولتلها
مش موافق و هطرده وفعلا هو جه و هددته لو
مبعدتش عن بنتي هقتله ساعتها هو كلمها و قالها
كل اللي حصل وبعدها هربت ومن ساعتها اي حد
يسألني عليها اقوله بنتي ماتت حتي لما ابوك الله
يرحمه كان طيب و بيحب اخته جدا و كل شويه
يترجاني عشان ارجعها بعد ما دور عليها بس من
يومين في رقم اتصل بيا و كانت عمتك كنت هقفل
السكة بس كانت بتعيط جامد وقالتلي انها عايزة
ترجع و احميها وانا معرفش ايه اللي حصل ليها
صعبت عليا عايز اشوفها قبل ما اموت
جبل / بعد الشر عليك يا جدي
الجد / انا عايز ارجع بنتي عايز ارجع لو جزء صغير
من عيلتي عيلة سليم الاسيوطي متبقاش فيها غير
انا وانت و اختك وعمتك بعد ما ابوك مات وانت
وريثي يا
جبل
جبل / جدي انا هسمح انها تدخل البيت ده و تعيش
فيه عشان خطرك بس انا مش متقبلها ولا هقدر
اتعامل معاها فكرة ان بنت تهرب من بيت اهلها دي
انا بكرها و بكره اي حد كده
الجد ( بسخرية) / مش كل الناس زي امك يا جبل
علي الاقل بنتي هربت و اتجوزت مش اتجوزت و
خانت جوزها و هربت
جبل ( بعصبية) / وايه لازمته الكلام ده دلوقتي
الجد / لازمته انك جالك عقدة من الستات و شايف
ان عمتك زي امك بس لا في فرق كبير جدا و طبعا
انا لا هقولك اتجوز والكلام ده لان عارف انك عاقل
وقد المسؤلية و مسيرك تتجوز من غير ما حد يقولك
و يلا بقي اتفضل علي شغلك
قام جبل من مكانه ليتجه نحو جده ليقبل راسه
قائلا / محتاج حاجة يا جدي قبل ما امشي
الجد ( بحنان) / لا يابني خلي بالك من نفسك و
متتأخرش عشان نور بتزعل طول ما انت مش
موجود في البيت
جبل ( بضحك) / مش عارف والله البت دي لما
تتجوز هتعمل ايه عموما هي في جامعتها عقبال
ما تخلص هكون جيت انهاردة مفيش شغل كتير
الجد / طيب يلا روح
جبل / مع السلامة
- سليم الاسيوطي جد جبل يبلغ من العمر 78 عام
يعشق جبل و نور فهو الذي قام بتربيتهم بعد وفاة
والد جبل عندما اكتشف خيانة زوجته له
- جبل يبلغ من العمر 29 عام قاسي لا يرحم احد
مثل جده ولكن امام اخته فيعاملها بكل حنان و حب
لديه عدة شركات و لكن هناك عملا اخر بجانب
الشركات عمل لا يعرف احد غير جبل و معتز و جده
........................................................................
الفتاة ( بغضب) / مني متعكسيش اخويا مبحبش
كده
مني ( بضحك) / جري ايه نور والله بهزر اهدي
نور / ايوة كده لمي نفسك
مني / بس ده ميمنعش ان اخوكي جنتلمان وحلو
نور / تصوري انك باردة انا ماشية
مني / يا نور والله اخوكي زي اخويا انا بحب بس
اضايقك شوية و بعتبركم اخواتي وانتي عارفة كده
يلا بقي صالحيني
نور ( بضحك) / يا بجحتك مين يصالح مين دلوقتي
مني / عادي انا ازعلك وانتي تصالحيني هي دي
الصحوبية
نور / طيب يلا عشان ناكل يا مجنونة
مني / اوكي
- نور تبلغ من العمر 23 عام اخت جبل المدللة تدرس
في كلية الهندسة تعشق اخيها و تغار عليه كثيرا من
مغازلات البنات
- مني تبلغ من العمر 23عام صديقة نور و تحبها
كثيرا
.....................................................................
جبل ( بجدية) / اخبار البضاعة ايه
معتز / البضاعة امبارح اتسلمت لرجالة اكرم و الحمد
لله محصلش اي قلق طمن جدك بقي
جبل / تمام هخلص شوية شغل ورايا و كده كده
هنروح بدري
معتز / بقولك صحيح اكرم كان عايز الاسبوع الجاي
بضاعة جديدة
جبل ( بجمود) / قوله لا مش شكولاته هي عايزين
نهدي اللعب شوية انت فاهم
معتز /طيب همشي انا هشوف شغلي عايز حاجة
جبل / لما تخلص اطلع علي ڤيلتي جدي عايزك
معتز / خير يارب
جبل ( بسخرية) / متخافش مش هياكلك
معتز / يا عم جدك شبهك قاسي علينا لكن مع نور
تقول احمد عز في طيبة و الحنان
جبل ( بعصبية) / ولااااا لم نفسك بدل ما تشوف
الاقسي من جدي هااا جدي قدامي ملاك وانت اعرف
كده كويس
معتز ( بمرح) / عارف طبعا انا بهزر معاك يا جدع
ده انت ابليس
نظر له جبل بغضب ليتراجع معتز للخلف بخوف
قائلا / انا اسف انا خارج اهو
ليخرج معتز من المكتب تاركا جبل منشغل بشغله .
- معتز يبلغ من العمر 28 عام صديق جبل منذ
الطفولة يعتبر عائلة جبل مثل عائلته و دراعه اليمين
.......................................................................
اميرة ( بحزن) / الو يا خالد
خالد ( بلهفة) / الو يا طنط حضرتك فين بابا اتصل
بيا و قالي انك مشيتي بقالك ثلاث ايام من عند عمي
ايه اللي حصل
اميرة / خلاص يا خالد انا استحملت عمك كتير مش
قادرة استحمل اكتر من كده
خالد ( بحزن) / يا طنط حقك عليا انا والله انتي
عارفة لولا اني مسافر كنت اخدتك من عنده من زمان
بس هانت كلها شهر و هنزل بس ارجعي حتي عند
بابا وهو مش هيقدر يعمل حاجة
أميرة ( ببكاء) / مقدرش يا خالد عمك اتجنن خلاص
ولو رحت عند ابوك هو هيجيبني وساعتها جنة
هتروح مني
خالد ( بقلق) / مالها جنة يا طنط حصلها حاجة
اميرة / ابوها عايز يجوزها لراجل كبير يرضيك مش
كفاية من اول ما اتولدت وهو بيعذابها لحد ما جرالها
اللي حصل انا مش هسيب بنتي تضيع اكتر من كده
خالد ( بغضب) / يجوزها ازاي ايه الهبل ده طنط
متخافيش وانا هحاول انزل في اقرب وقت خليكي
في المكان اللي قاعدة فيه ولما انزل هاخدها اسافرها
برة و هتتعالج
اميرة / انا خلاص كلمت بابا و هروحله انهاردة هو
الوحيد اللي هيقدر يحميني
خالد / كده احسن بردو بقولك يا طنط هو عارف
باللي عند جنة
اميرة / محدش يعرف من عيلتي اني خلفت اساسا
كويس ان بابا سامحني
خالد / طيب يا طنط بكرة هطمن عليكي بردو
اميرة / ماشي يابني مع السلامة
اغلقت اميرة الهاتف لتري جنة امامها تبتسم
جنة ( بسعادة) / ماما شكلي حلو ثح
لتقترب منها اميرة و تحتضنها بكل حنان قائلة /
جميلة يا حبيبة ماما
شعرت اميرة بإرتعاش جنة قائلة بقلق / مالك يا جنة
في حاجة وجعاكي
جنة ( بخوف) / ماما انا مث عايزة الوح عند جدو
الوحث ده
اميرة / جدو مش وحش يا جنة جدو طيب اوي
و هيجبلك العاب كتيرة
جنة ( ببراءة) / بجد العاب كتيرة
اميرة / اه
جنة / طب ليه بابا قال جدو وحث
اميرة ( بحزن) / كان بيهزر معاكي و يلا بقي نروح
لجدو
جنة / ماثي يلا
- أميرة تبلغ من العمر 47 عام ابنة سليم الاسيوطي
لديها ابنة واحدة وهي جنة
-جنة تبلغ من العمر 19 عام ولكن عقلها 6 سنوات
تصرفاتها مثل الاطفال كل من يراها يعشقها ولكن
عندما تتحدث يعتقدون انها مجنونة فتاة شديدة
الجمال شعرها طويل كثيرا تبتسم طوال الوقت
بريئة لا تكره احد ماعدا والدها فهي عانت كثيرا
......................................................................
* ڤيلا جبل الاسيوطي *
جبل / جدي هي هتيجي امتي
الجد ( بإبتسامة) / المفروض دلوقتي
نور / هي مين دي اللي جاية هااا
معتز / اه صحيح مين
جبل ( بضيق) / يخربيت فضولكم اخرسوا
ذهبت نور لجبل و تجلس جانبه قائلة / جبل انت
مش ناسي حاجة
جبل ابتسم / اممممم لا مش ناسي
نور ( بتذمر) / جبل بقي انا عارفة انك فاكر
جبل ( بضحك) / اطلعي اوضتك هتلاقي الفستان
الجديد اللي كنتي عايزاه و عصير الفراولة كمان
لتحتضنه نور بقوة قائلة / حبيبي يا ناس ربنا يخليك
ليا يا احلي اخ
لتصعد نور سريعا الي غرفتها ليستمعوا لصوت جرس
الباب لتفتح احد الخدم الباب ليري سليم ابنته امامه
بعد مرور عدة سنوات وقفوا جميعا ينظروا لها ولكن
لفت انتبه جبل احد مختبئ خلفها
جبل ( بجمود) / مين دي
الجد / دي عمتك
جبل ( بجمود) / عارف قصدي اللي وراها
لتخرج جنة راسها فقط من خلف والدتها لتنظر لهم
بخوف ليقترب منها جبل ببطئ شديد ارتعبت جنة
من جبل لتتشبث خلف والدتها مخبأة راسها منه
Amal_Tarek
تعليقات
إرسال تعليق