expr:class='data:blog.languageDirection' expr:data-id='data:blog.blogId'>

صدفه خطفت قلبي الجزء السادس والسابع والتامن


 صدفه خطفت قلبي 

الجزء السادس والسابع والتامن


نهله بدموع: اختار يمشي بدل ما يسمع منى ياعز قولتلك خايفه بس هو اختار وانا هكمل حياتي واشتغل ومش عاوزه احب تانى خالص 

عز: اهدي بس عشان خاطري انا جنبك وهعملك كل حاجه عايزها بس تكوني كويسه 

نهله كانت هتتكلم بس اغم عليها 

عز بقلق: نهله فوقي نهله مالك 

بس هي مش بتفوق خالص 

خدها وراح المستشفى 


عز: دكتور بسرعه 

دكتور: اهدي حضرتك احنا هنشوفها دلوقتي 

ودخل يشوف

وعز فضل بره قلقان عليها وبعد شويه خرج الدكتور 


عز بخوف: خير يادكتور مالها 

الدكتور: متخافش هى شويه وهتكون كويسه بس ياريت بلاش ضغط عليها عشان واضح انها مش هتستحمل ضغط كبير وكمان ممكن لو حصل كده تاني تدخل ف غيبوبه 

عز: تمام يادكتور ينفع ادخل اشوفها 

الدكتور: اتفضل 

عز: بعد اذنك 

ودخل قعد جنبها 

عز: ليه بيحصل معاكى كل ده بس تقومي انتي وانا اوعدك هعوضك عن كل حاجه حصلت معاكي هخليكي ترجعي نهله القويّة تانى واكتر من الاول ده وعد من اخوكي ياحبيبتي 


بعد ست شهور 

نهله اتغيرت كتير فيها واشتغلت مع عز ف الشركه بتاعته هي كانت شركة صغيره بس هما الاتنين ف الست شهور دول خلوها كبرت عن الاول بكتير والناس تعرفها ونهله بقت مش بتهزر او تضحك وحياتها كلها الشغل وبس 


ف الشركه عند نهله 

نهله بجدية: اى اللى بيحصل ده هو انا مش قولت قبل كده مش عاوزه هزار ف الشغل 

رحمه: محصلش حاجه يانهله لكل ده 

نهله بحده: لا حصل لما ادخل الشركه اشوفك بتهزري مع الاستاذ وكمان معملتيش الشغل اللي قولتلك عليه من امبارح يبق لا حصل اتفضلي ع شغلك وانت اتفضل واخر مره اشوف اللي بيحصل ده تاني ف وقت الشغل عشان لو حصل اعتبر نفسك بره الشركه تمام اتفضلو 


وخرجتوا وبعد شويه دخل عز

عز: مالك 

نهله: مفيش حاجه انا كويسه 

عز: لا انتي متعصبه وكمان سمعت انك فضلتي تزعقي ل رحمه و محمود 

نهله: مفيش حاجه وبعدين ده الشغل مفيش هزار فيه هما لازم يعرفوا كده مش عشان مخطوبين يكون عادي لا ده شغل واللى مش عجبه يمشي عادي 

عز: طب خلاص اهدى بس انا عارف ده من اى 

نهله بسخريه: هيكون من اى ياخويا 

عز: عشان عمرو هيرجع انهارده ومش لوحده كمان ده مع خطيبته 

نهله بحده: انا مليش دعوه يرجع او لا هو خارج من حياتي من وقت لما اختار يمشي بدل ما يسمع منى هو اختار وانا اختارت يخرج من حياتي خالص 

عز: اى انتى هتزعقى ليا كمان وبعدين انتي لو ضحكتي ع كل النااس مش هتعرفي تضحكي عليا فاهمه انا هروح اشوف الشغل سلام 

وخرج متعصب من عندها 


نهله بدموع: لازم اعمل كده مش عاوزه افكر فيه هو سبني لوحدي وكمان مفكرش فيا وخطب خلاص لازم اشوف حياتي لازم 


ف مكان تانى 

خرج عمرو من المطار وكانت العربيه ف انتظاره قدام باب المطار 


السواق: نورت يافندم 

عمرو: ده نورك يلا ع الشركه 

السواق: حاضر 

وبعد شويه كان وصل الشركه وطلع فوق 

عمرو: زياد جوه 

هند: اه يافندم حضرتك نورت الشركه 

عمرو: شكرا 

ودخل 

عمرو: وحشتني ياحبيبي 

زياد قام حضن عمرو: وانت كمان اى هى عجبتك القعده هناك ياض 

عمرو: ولا عجبتني ولا حاجه بس الشغل هناك 

زياد: ماشي ياخويا امال كارما فين مجتش معاك 

عمرو: لا كارما هتنزل كمان يومين عشان بتجهز حاجات عشان الفرح 

زياد: طب روح ياخويا ارتاح شويه وكمان عشان امك هتزعل اوى منك لو مروحتش دلوقتي 

عمرو: ع اى هروح اشوفها عايز حاجه 

زياد: لا سلامتك بقولك صح مش عايز تعرف عنها حاجه 

عمرو: مين دي 

زياد: نهله 

عمرو بحزن: خلاص مبقاش ينفع انا همشي 

زياد: تمام امشي انت 


نزل عمرو يمشي بس راح عند الكرنيش مكان ما كان قعد معاها اخر مره 


عمرو بحزن: وحشتيني اوى بس هى اكيد مش بتحبك بس اعمل اى قلبي حبها هى 


عند نهله خلصت شغل ونزلت عشان تمشي بس هي متعوده من ساعت لما عمرو مشى تروح عند الكرنيش 


نهله وقفت عند الكرنيش ونزلت من العربيه وقعدت مكانها 


نهله: رجع تاني بس انا خلاص اتغيرت مش عاوزه يحس انى ضعيفه خالص لازم يشوف نهله القويّة اللي هو ميعرفهاش لسه وفضلت قعده شويه وبعدين قامت عشان تمشي وهي ماشي خبطت ف واحد 

نهله: انا اسفه 

عمرو: لا ولا يهمك 

نهله بستغرب بصوت واطي: انا عارفه الصوت ده لا لا مش ممكن 

وبتبص وعمرو بيبص

نهله بصدمه: عمرو 

عمرو بصدمه: نهله 


ان ان ان ان ان نكمل بكره 

ياترا نهله هتعمل اى دلوقتى 

وعمرو هيعرف ويرجع لى نهله تانى ولا لا 

وياترا مين كارما دى

صدفه خطفت قلبي 


꧁الجزء السابع ꧂


نهله بستغرب بصوت واطي: انا عارفه الصوت ده لا لا مش ممكن 

وبتبص وعمرو بيبص 

نهله بصدمه: عمرو 

عمرو بصدمه: نهله 

نهله بجمود: اه ازيك ياعمرو 

عمرو: الحمدلله وانتي عامله اى 

نهله: انا كويسه اه مبروك الخطوبه مش كنت تقول بردو 

عمرو ببرود: عادي مجتش فرصه يعنى وبعدين قريب هتشوفيها متخافيش 

نهله ببرود اكتر: مستني اشوفك فعلا 

عمرو: اه وانتي مش هتتجوزي بق ولا عاوزه تفضلي معاه كده 

نهله بحده: افضل مع مين احترم نفسك 

عمرو بغيره واضحه: اللي كنتي ف حضنه اخر مره ولا شكلك نسيت عشان كتير 

فجأة اتصدمت لما هي ضربته بلقلم 

عمرو بصدمه: انتي ضربتني 

نهله بعصبيه: اه واعمل اكتر من كده لما تغلط ف شرفي واحترامي عاوزه تفهم حاجه واحده بس انا لو كان عندي 1 ف الميه انى افهمك حاجه بعد كلامك ده مستحيل اقولك حاجه وخليك كده بس تغلط ف شرفي ده اللي مش ممكن اسكت عليه انت فاهم انا ممكن ادوس ع اى حاجه عشان شرفي واحترامي بس ف خليك فاهم ان لو كلامك اتكرار تانى مش هيكون قلم بس وهتندم اوى 

قالت كده ومشيت ركبت العربيه ومشيت قدامه وهو كل ده مصدم 

عمرو بصدمه: مش معقول دى اللى كانت ضعيفه قبل ما اسافر هي اتغيرت كده ليه انا مش فاهم حاجه 


نهله رجعت البيت وهي متعصبه ودخلت الاوضه بتاعتها فضلت تكسر كل حاجه وتتعصب اكتر لما بتفكر كلامه " اللي كنتي ف حضنه اخر مره ولا شكلك نسيت عشان كتير " كل لما تفتكر تتعصب اكتر فضلت كده اكتر من ساعه وبعدين قعدت ف الارض تعيط 

نهله بعيط: ليه ليه ده انا لسه بحبك مشيت وسبتني وكمان خطبت وبتتكلم ف حقي ليه ليه 😭


وبعد شويه دخل عز جرى عشان الخدامه كلمته يجي عشانها 


عز بقلق: مالك حصل اى قولي بس حصل اى 

نهله بدموع: شوفته شوفته ياعز ومش بس كده ده غلطت ف حقي وشرفي 

عز بعصبيه: غلطت ف شرفك وحقك ازاي 

نهله بعيط: بيقولي "وحكت اللي حصل " 

عز: اهدي انتي وانا والله العظيم هخليه يرجعلك زاي الكلب ويعتذر عن كل حرف طلع منو اهدي انتي بس عشان خاطري انا ياحبيبتي 

نهله: حاضر انا عاوزه انام 

عز بحنان: قومي ياحبيبتي نامى ارتاحي انتي 

وقامت تنام وهو خرج من الاوضه 


عز بيتكلم ف التلفون: عايز الصفقه الجديد مع شركة زياد بيه 

................. 

عز: اه عارف كويس ممكن يحصل اى الكلام ده يحصل لازم يعرف انها مش ضعيفه وقويه اوى كمان 

..................... 

عز: تمام هو كده كده هيقبل الصفقه اول لما يجيلك الرد جهزي حفله كبيره ع شرف الصفقه الجديد تمام 

............... 

عز: جهزي كل حاجه و بلغيني 

وقفل


عز: هخليك تعرف مين دي اللي تغلط فيها كويس وهخليك تعيط بدل الدموع دم 


عند عمرو رجع البيت متعصب من اللي حصل وكان هيطلع فوق ع طول بس 

ولدت عمرو: اى ياعمرو ساعت لما ترجع عايز تطلع من غير متشوف امك حتا 

عمرو: اكيد مش كده ياحبيبتي بس انا كنت متعصب شويه 

ولدت عمرو: ليه ياحبيبي حصل حاجه اتخانقت مع كارما 

عمرو: لا ياامي مفيش حاجه ده موضوع قديم بس 

ولدت عمرو: اه قديم اكيد نهله شوفتها ياعمرو 

عمرو بحزن: اه ياامي وغلطت ف حقها جامد كمان 

ولدت عمرو: بص ياعمرو اللي بينك وبينها انا مليش دعوه بيه بس عايز اقولك اسمع منها يابني عشان متكونش ظلمها ف حاجه وكمان انت خطبت اكيد هي ملهاش دعوه انك خطبتها وانت بتحب غيرها فكر كويس يابني عشان متظلمش حد واطلع ارتاح شويه دلوقتي 

وطلع عمرو 

عمرو: يعنى ممكن اكون ظلمها لا لا دي كانت بتحضنه قدامي مش عارف حاسس بالذنب ليه يارب قولي اعمل اى انا تعبت 


عند زياد ف الشركه دخلت هند 

هند: حضرتك احنا وصلنا صفقه جديده من شركة......  

زياد بجدية: امم فين وراق الصفقه دى 

هند: اتفضل يافندم حضرتك ابلغهم بي اى دلوقتى 

زياد: قولهم بكره هيوصل الرد بتاعتنا هشوف وراق الصفقه الاول وهرد 

هند: تمام يافندم بعد اذنك 

وخرجت 


بعد يومين ف مطار القاهره تخرج بنت اقل كلمه توصفها ملكه جمال وهي كارما 

( نتعرف بالقمر دي 

كارما: عندها 25 سنه ممثله ف لندن وعرضه ازياء كمان هى عينها زرقه زاي البحر و شقرا وشعرها بني فاتح اوى وجسمها مظبوط جدا وهي حاجه قمر كده 

احم خلاص كفايه كده ع البت نكمل بقا) 


خرجت كارما من المطار وكان عمرو ف انتظارها 

عمرو: نورتي مصر 

كارما: بنورك ياحبيبي 

عمرو: يلا هنروح البيت عشان تتعرفي ع ماما وحبيبه مرات زياد 

كارما: تمام يلا


عند نهله ف الشركه

نهله بعصبيه: انت ازاي تعمل كده من غير مااعرف حاجه 

عز: عملت اى يعنى هو انا مش قولتلك حقك هيرجع خلاص سبيني انا اتصرف بطريقتي 

نهله: تمام ياعز بس محدش يدخل ف حاجه هعملها وخرجت بعصبيه وهي نزله خبطت ف واحد 

نهله بعصبيه: انت غبي مش بتشوف 


ان ان ان ان نكمل بكره 

ياترا نهله هتعمل اى 

ومين ده اللي خبطت فيها

صدفه خطفت قلبي 


꧁الجزء التامن ꧂


نهله بعصبيه: انت غبي مش بتشوف 

الشاب: اسف يااستاذه مخدتش بالى 

نهله بعصبيه: تخد بالك بعد كده 

ومشيت 

الشاب: يخربيتك ده انا خوفت منك ربنا ع المفتري ياشيخه 


عند عمرو ف الشركه 

عمرو: مقولتليش ليه ان ف صفقه جديده وكمان واقفت عليها 

زياد: والله حضرتك كنت مسافر ورجعت منزلتش الشركه افضل قعد عشان حضرتك ترجع وبعدين فيها اى وافقت عليها صفقه كويسه فيها اى 

عمرو: مفيش حاجه يازياد الشركه دى بتاعت مين 

زياد: استاذ عز 

عملت بستغرب: مين عز ده 

زياد: ده صحب شركة كانت لسه صغيره لما انت سافرت بس من ست شهور وهو واخته اشتغلو ع الشركه لحد لما بق ليها اسمها وكبرت وان احنا نتشتغل معاه الفتره دى مكسب لينا وليهم بردو 

عمرو: تمام انا همشي دلوقتي عشان كارما هناك لوحدها وانت عارف ماما

زياد بضحك: اكيد عرفها روح انت بس اعمل حسابك بكره عندنا حفله ع شرف الصفقه 

عمرو: تمام سلام 

زياد: سلام 


رجع البيت تانى كانت كارما قعده مع حبيبه

عمرو: اهلا ع اجمل بنات 

حبيبه: يابكاش اكيد قصدي ع كارما بس قولت نخد حبيبه بالمره 

كارما: لا ياحبيبتي انتي قمر بردو 

حبيبه: ازاي بس ده انا بطيخه قدامك اهو

عمرو: اه صح هتولدي امتي 

حبيبه: كمان شهر اهو ربنا يسترها 

عمرو: متخافيش كده هتقومي بالسلامه ان شاءلله 

كارما: فعلا ربنا معاكي انا سمعت ان الموضوع ده بيكون صعب 

حبيبه: حبايبي عقبال مافرح بيكم كده 

عمرو: ان شاءلله كارما بكره عندنا حفله ماشي 

كارما: اوك عادي نحضر 

عمرو: تمام انا هطلع انام شويه تصبحو علي خير 

حبيبه: وانت من اهل الخير 

كارما: وانت من اهل الخير ياحبيبي 


عند نهله رجعت البيت وفضلت متعصبه وبعدين قامت تكلم رحمه 

نهله: اى يازفته 

رحمه: اى ياختي مالك من ساعت لما سمعتى حوار الصفقه دى وانتي متعصبه يابنتي خليكي قويه واكسرى منخيره اللي طلعه ف السماء دى 

نهله: مش عارفه كنت هضعف لما شوفته بس كلامه خليني بدل ما اتكلم معاه اضربه بالقلم خايفه وكمان هتيجي معاه خطيبته يارحمه مش عارفه اعمل اى 

رحمه: بت بت انتي هتشليني انا هجيلك بكره واظبط اخليكي تاكلي الحفله كلها لوحدك اكتر من خطيبته دى ميت مره كمان اصبري عليا بس 

نهله: ربنا يستر منك هستناكي بكره سلام دلوقتي 

رحمه: سلام 


تاني يوم عند عمرو 

صحى من النوم ونزل تحت كان كلهم ع الفطار 

عمرو: صباح الخير 

الكل: صباح النور 

زياد: كل ده نوم حضرتك اعمل حسابك بكره هتنزل الشركه تانى كفايه دلع لحد كده 

عمرو: هنزل ياخويا هنزل بلاش صداع ع الصبح وبعدين الحفله دى امتي 

زياد: الساعه 7 كده هتبدا ولازم تكون موجود بدري عشان نمضي الوراق ف اول الحفله 

عمرو: خلاص ياعم هكون موجوده متخافش 

كارما: حبيبي عاوزه اروح المول عشان ف حاجات عاوزه اجبها 

عمرو: تمام قومي البسي ونروح 

كارما: حاضر 

وطلعت تلبس


عند نهله صحيت من النوم وصلت ونزلت تحت كان عز موجود 

نهله: صباح الخير 

عز: صباح النور ياحبيبتي 

نهله: هتروح الشركه 

عز: اه عشان اجهز وراق الصفقه وهاجي ع طول مش هتاخر 

نهله: تمام 

وبعد شويه جت رحمه 

رحمه: اى يابت لسه ملبستيش 

نهله: هلبس من دلوقتي ليه لسه بدري 

رحمه: لا ياختي هنروح المول نشوف الفستان 

نهله: فستان مين ياختي انا مش هلبس فستان 

رحمه: قومي يابت ده خطيبته مزه قومي خلينا نعملك حلوه يلا 

نهله: افففف خلاص هقوم بطلي زن زن 

وطلعت لبست ونزلت خرجت مع رحمه راحت المول تشوف فستان 

نهله: انا مش هلف كتير تمام 

رحمه: تعالي بس تعالي 


عند عمرو كارما خلصت للبس ونزلت 

كارما: انا خلصت يلا 

عمرو: يلا 

وراحو المول 

كارما فضلت تلف ف المحلات عشان تشوف فستان و نهله كمان فضلت تلف 


نهله: بت انا زهقت يلا بقا 

رحمه: طب خلاص تعالي نشوف الفستان ده بس 

نهله: ده اخر حاجه هشوفها تمام 

رحمه: حاضر حاضر يلا بقا 

نهله: يلا ياختي 

ودخلت تشوف الفستان 

رحمه: يخربيت جمال امك اى ده ده انتي مزه مزه 

نهله: بس مش شايفه انو قصير يعنى 

رحمه: قصير قصير بس قمر خلاص هنخد ده 

نهله: ماشي هدخل اغير 

ودخلت غيرت الفستان وخرجت خدتو ومشيت من المول 

"كنتو فاكرين هيشوفو بعض لا مش دلوقتي بليل" 

وكارما بردو فضلت تشوف فساتين كتير لحد لما جابت فستان ومشيت مع عمرو 


بليل عند عمرو 

عمرو: يلا ياكارما عشان هنتاخر 

كارما: خلاص انا خلصت 

عمرو: زاي القمر يلا عشان هنتاخر 

كارما: اوك يلا 

ونزلت مع عمرو و زياد ومشوا راحوا الحفله 


عند نهله ف الاوضه 

نهله بزهق: بقالك ساعتين بتعملي اى هموت واعرف 

رحمه: خلاص خلصت اهو 

نهله قدام المرايا: شكلي حلو 

رحمه: قمر قمر فعلا يلا عشان هنتاخر كده 

نهله: يلا 

ونزلت تحت مع رحمه كان عز مستنيها تحت 

عز: وااااو اى القمر ده يخربيتك 

نهله: مرسي ياروحي انت اللي قمر 

عز: طب يلا مش عارفه امى ترضاعك ليه يعني مش زماني دلوقتي متجوزك بس نقول اى يلا ياختي يلا 

نهله ضحكت عليه ومشيت 


ف الحفله 

عمرو: هما فين ده الساعه 7ونص 

زياد: خلاص اكيد الطريق 

كارما: فعلا عادي ياحبيبي 

عمرو كان هيتكلم لسه بس الحفله كلها ظلمت فجأة والنور كان عند الباب بس 

كارما: مين اللي بيحصل عشانه كل ده 

عمرو: مش عارف 

زياد: يمكن عز بيه الله اعلم خلينا نشوف 

وعمرو بيبص اتصدم لما شاف نهله دخله مع عز الحفله 

عمرو بصدمه: مش ممكن 😳


ان ان ان ان نكمل بكره ياحلوين 

ياترا عمرو هيعمل اى

تفاعل حلو ياجماعه 


ʂԋαԋԃ

تعليقات



CLOSE ADS
CLOSE ADS
close