 |
سجين عينيها
الحلقه الخامسه والسادسه والسابعه
(في شركه الشرقاوي)
انهي ادم اجتماعه ثم ذهب الي القصر ليبدل ملابسه..ويذهب لها لكي يطمئن عليها وبينما هو عائد في طريقه..وقف بسيارته فجأه..فقد لاحظ سياره تسير خوفه من وقت ما خرج من الشركه..عندما وقف بسيارته..غيرت السياره الاخري طريقها ..ف اكمل ادم طريقه الي القصر
.......
(في منزل ساره)
كانت تصلي العصر..وفجأه هاتفها دق..سلمت من صلاتها واخذت الهاتف وجدته كريم..ردت عليه
ساره:السلام عليكم
كريم:وعليكم السلام.
ساره بجديه:خير في حاجه ولا ايه
كريم:لا انا اتصلت اعرف قرارك
ساره بعدم فهم:قرار ايه
كربم:اننا نرجع تاني
ساره:ارجع لمراتك ولنتك يا كريم..انا مش هرجعلك..عن اذنك سلام..وغلقت الخط..وبكت بحرقه..فكريم حبها الاول والاخير وما زالت تحبه
ثم تذكرت ما فعله بهاا
فلاش بااااك...
الضابط ذهب اليهم واخبرهم انهم لم يجدوها .. ثم ذهب..بكت ساره جدا
ساره:لا لا انا عايزه بنتي لاا....ثم وقعت علي الارض تبكي
كريم بغضب:عاجبك كده..شايفه اهمالك وصلنا لفين.
ساره:.......
كريم صفعها علي وجهها ثم قال:ردي يا هانم
ساره:.........
كريم:انتي طالق
ثم تركها وذهب وخلال اسبوع بعث لها ورقة طلاقها
بااااااك.....
سميره دلفت الي الغرفه
سميره:مالك يا ساره..بتعيطي ليهه..
ضمتها ساره ثم بكت بشده
ساره ببكاء:عايز يرجعلي بعد كل اللي عمله..بيقولي لسه بحبك
ثم اكملت بكائها
سميره:هو مفيش حد قادر يلمه..ما يحل عننا بقا
ساره:انا تعبت...تعبت اووي يا ماما تعبت
ضمتها ساره وبكت هي الاخري علي حال ابنتها
........
(في مكان مهجور)
سمير:هاا يا ميار .. جمعتينا ليه
ميار:عايزه اقتله بايدي...عايزه اشوفه وهو بيموت قدام عيني
سامح:بس يا ميار احنا خططنا وخلاص..وبعدين في كلتا الحالتين هيموت
ميار:لا انا هقتله بايدي واللي يحصل يحصل
سامح:خلاص اعملي اللي يريحك المهم نخلص منه
ميار:هاا بقا اي الخطه الجديده
سامح:-----------------------------.
ميار:يبقا اتفقنا .. يلا سلام
..........
ذهب ادم الي المستشفي وفي طريقه لغرفه ريم وجد دكتورها
ادم:يا دكتور بعد اذنك..ريم هتخرج امتا
الدكتور:ان شاء الله احتمال تخرج بكره..بس تقعد في السرير 3 ايام متتحركش
ادم:تمام يا دكتور..عن اذنك
وتركه وذهب الي غرفتها
ادم:مساء الخير
ادهم ورقيه:مساء النور
ادم:ادهم انتا هنا..عرفت ازاي
ادهم:سيف كلمني..وجيت اطمن عليها..وبعدين مرات عمو مني وبيبو مشيو مرضتش اسيبهم لوحدهم..ودلوقتي ريم نامت...ف استنيت مع رقيه.
ادم:طيب روح انتا علي شغلك وانا هستني هناا
ادهم:تمام..يلا عن اذنكو
ادم:استني يا ادهم..خد رقيه معاك
رقيه:لا يا ابيه انا هبات معاها
ادم:يلا يا رقيه مع ادهم..انا هبات معاها.
ادهم:ادم انتا مهتم بينا ليه كده..يكونش بتحبها
ادم نظر لأدم نظره اخرسته
ثم نظر الي رقيه:يلا يا رقيه ادم هيروحك
خرجت رقيه مع ادهم..وادهم يكاد ان ينفجر..فهو اعجب بريم جدا..لكن المصيبه لو كان ادم احبهاا..وظل يفكر حتي وصلو الي القصر
رقيه:يا ادهم انتا عديت القصر..ادهم
ادهم فاق من شروده:هاا بتقولي اي
رقيه:احنا عدينا القصر يا ادهم..بتفكر في ايي
ادهم:لا مفيش منمتش بس من امبارح..الشغل في العياده كتير..ثم عاد بها الي القصر
.......
(في المستشفي)
ادم وجد ريم ترتجف كثيرا فعلم انه كابوس ذهب اليها وبدأ يوقظها
ادم:اصحي اصحي دا كابوس..ريم قومي دا كابوس كابوس
.......
(في منزل عزت والد جناا)
عزت وزوجته هدي وجناا ابنته كانوا يتناولو عشائهم معا .
جنا:بابي..انا مبسوطه اوي
عزت:ربنا يبسطك كمان يا قلب بابي .. بس اي السبب
جناا:علشان انتا ومامي متخانقتوش انهارده..انتو كده مش هتطلقوا صح
نظر عزت الي هدي وكذلك نظرت له هدي بذهول من كلامها ثم نظر الي جنا وابتسم
عزت :لا يحبيبتي مش هنطلق
جناا:هيييييه انا مبسوطه اوي
وقامت ضمت والدها ووالدتها
.........
(في عيادة ادهم)
ظل يفكر ب ريم وكم هي خلوقه وطيبه ومتدينه وجميله ثم قرر انه سوف يتقدم لها عندما تشفي من اثار الحادثه
دلفت الممرضه للداخل وحدثته لكنه كان شارد بذهنه فلم ينتبه لها
الممرضه:يا دكتور ادهم
ادهم:هاا ياريم في اي
الممرضه:ريم اي يا دكتور
ادهم:اسف قصدي يا رضوي خير
الممرضه:المدام صفاء بره..حضرتك محدد ليها ميعاد هتولد انهارده
ادهم:ايوه ايوه فاكر..دخليها اوضه العمليات.
ثم ذهب هو الاخر الي غرفه العمليات
.......
(في المستشفي)
ادم:ريم قومي دا كابوس .. اصحي
فزعت ريم ثم قالت :مامااااا
وظلت ترتجف جدا
جلب لها ادم كوب ماء وشربته..وبعدها بدأت تهدا..ثم بكت
ادم بقلق:في ايه مالك..ايه اللي بيوجعك..ثواني هنادي للدكتور
ريم بصوت ممزوج بالبكاء:انا كويسه..انا تمام..انا مش مخطوفه لا مش مخطوفه
ادم جلس علي الكرسي بجانبها ثم قال :اهدي اهدي ياريم ثم اكمل:في اي مالك..فيه ايه الكابوس ده
ريم ببكاء:حلمت ان انا اتخطفت تاني
ادم باستغراب:اتخطفتي تاني..انتي اتخطفتي اولاني
........
(في قصر الشرقاوي)
دلفت رقيه الي الداخل..وجدت الجميع
رقيه:مساء الخير
الجميع:مساء النور
مني:ريم عامله ايه يارقيه..انتي سيبتيها ليه .. انتي مش قولتي هتباتي معاها.
عواطف:تبات معاها ليه ..هي كانت من بقيت عيلتنا .. دي بنت من الشارع .. الله اعلم ادم لقاها فين.
مني:يا شيخه حرام عليكي .. انتي مبتحسيش
عواطف:ايه مبحسش دي يا مني .. ما تحترمي نفسك .. كل ده علشان قولت عليها بنت من الشارع.
محمد بزعيق:بسسس بطلوا خناق .. يلا كل واحد علي اوضته
وذهب الجميع الي غرفهم وبقي محمد وعبدالرحمن وسيف
محمد:ادم فين يا سيف
سيف:انا لسه مكلمه .. عند ريم هيبات معاها
محمد :طيب .. عن اذنكوا انا طالع انام
عبدالرحمن وسيف:تصبح علي خير
محمد:وانتو من اهله
........
(في المستشفي)
ادم باستغراب:اتخطفتي تاني .. هو انتي كنتي اتخطفتي اولاني.
ريم بدموع يكاد قلب ادم انا يتمزق من اجلها:لما ضيعت من ماما..فضلت ماشيه بعيط .. قابلني راجل وقالي بتعيطي ليه .. قولتله انا ضيعت من ماما .. قالي تعالي هوديكي ليها .. واخدني ركبني العربيه بتاعته وعمل بايده علي وشي ..وبعدين نمت.. وبعدها صحيت لقيت نفسي متكتفه.. وسمعته بيكلم حد في التليفون .. وبيقوله انا جايبلك البضاعه هنخلص انهارده .. وشالني وركبني العربيه وبعدها لقا لجنه ففكني ورماني في نص الطريق .. فضلت ماشيه في الشوارع ..وكان الجو خلاص ضلمه ..لقيت بيت قدامه نور .. قعدت عنده وبعدها نمت .. صحيت الصبح لقيت نفسي في بيت ماما حنان وبابا سعد حكتلهم الحكايه وقعدوني معاهم
ادم:طب ما حاولوش يوصلوكي لاهلك
ريم:ماما حنا حكتلي قالتلي ان ربنا كان حرمها من الخلفه بعد امين .. ولما لقتني اتمسكت بياا جدا .. وبابا سعد كان عايز يوديني القسم بس هي اترجته انه يسيبني معاها ودا غير انهم فقرا مش وش بهدله وربوني وعاملوني اكتر من بنتهم .. لحد ما جيه الحاج فتحي ده عايز يتجوزني .. فقولت ان ده الوقت المناسب علشان ادور علي اهلي.
ادم:طب انتي مش فاكره اسم باباكي اي
ريم:انا مش فاكره غير ان اسمه كريم .. وشغال في شركه استيراد وتصدير .. غير كده مش فاكره
ادم:احنا كده هندور كتير لحد ما نلاقيهم
ريم:قصدك انا هدور كتير .. انتا مش مضطر تساعدني .. كفايه اللي عملته معايا يا بشمهندس .. انا هطلع من المستشفي اشتغل واجمع قرشين وابدأ ادور علي اهلي
ادم بصرامه:انتي هتطلعي من هنا بكره علي القصر .. هتستني 3 ايام .. ونطلع ندور علي اهلك.
ريم:لا
ادم قاطعها:انا مش بعيد كلمتي مرتين .. انا هخرج انادي لممرضه تجيبلك اكل علشان تاخدي دواكي وتركها وخرج
........
(في منزل ساره)
كانت جالسه في غرفتها شارده في الماضي عندما علم كريم بحملها
فلاش بااااك.....
خرجت من الحمام ومعها اختبار الحمل .. ففكرت بسرعه وخبأته وراء ظهرها
ثم قالت لكريم:كريم
كريم:نعم يا روحي
ساره:انا عايزه اقولك حاجه
كريم:اتفضلي يا حبيبتي
ساره:بصراحه انا في حد تاني في حياتي .. بحبه ..بحبه اوي يا كريم
كريم بعصبيه: نعم اي اللي انتي بتقوليه ده
ثم خرج من غرفه الملابس واتجه نحوها
ساره ضحكت بشده ثم قالت:اهدا اهدا .. انا حامل
كريم تفاجأ بالخبر ثم قال بفرح: انا هبقا اب هبقا اب
ثم حمل ساره وظل يدور بها
باااااك....
فاقت ساره من شرودها علي صوت والدتها : ساره في حد رن عايزك علي التليفون الارضي
ساره مسحت دموعها: حد مين
سميره:معرفش .. بيقول انه عايزك ضروري
خرجت ساره ثم اخذت السماعه
ساره:الو السلام عليكم
يتبع....
يا ترا مين ده اللي كلم ساره .. وعايز منها ايه ؟!
هل ممكن يكون ليه علاقيه بريم ؟!
اي هي توقعاتكم للي هيحصل؟!؟
🌺🌷🌺🌷🌺🌷🌺🌷🌺🌷🌺
✨سجين عينيها✨
الحلقه السادسه
(في منزل ساره)
خرجت ساره من غرفتها ثم اخذت السماعه
ساره:الو .. السلام عليكم
فأتاها الرد :وعليكم السلام
ساره:كريم..خير في ايه
كريم:ساره انا محتاجك..رشا بعد ما بعتلها ورقه طلاقها..بعتتلي شهد بنتي وقالتلي ربيها بمعرفتك..ودلوقتي هي سخنه اوي..ارجوكي ساعديني..عربيتي بايظه ومش هعرف اروح بيها المستشفي.
ساره:خلاص انا جيالك..مسافه السكه
ثم اغلقت الهاتف
سميره:هتروحي فين .. انتي اتجننتي .. الساعه 12:30 .. وبعدين هتروحيله ليه.
ساره:يا ماما دي طفله .. مش هناخدها بذنب ابوها .. عن اذنك هلبس
دللت ساره الي غرفتها
سميره:خلاص هاجي معاكي
ساره:لا يا ماما خليكي..متقلقيش عليا..يلا السلام عليكم
سميره:وعليكم السلام..خدي بالك من نفسك.
.........
(في المستشفي)
ادم عاد الي ريم ومعه الطعام
ادم:قومي يلا علشان تاكلي
ريم :مش جعانه
ادم:هتاكلي غصب عنك علشان تاخدي الدوا
ثم وضع لها وساده خلف ظهرها .. واخذ الطعام .. وكاد انا يطعمها لكن ريم رفضت
ريم:هاكل انا
ادم:ايدك بتوجعك مش هتعرفي تحركيها
ريم:لا لا هتصرف
اخذت منه الطعام ومسكت المعلقه بيدها واكلت معلقه ثم صرخت:اهااا
ادم بخوف:قولتلك هأكلك انا .. بطلي عند بقا
وبدأ يطعمها ادم وهو ينظر في عينيها وشرد فيها
ريم:كفايه كفايه مش قادره
ادم لم ينتبه لها وظل ينظر لها .. نظرت له ريم وبقي الوضع هكذا ل 5 دقائق .. هاتف ادم دق فأفاقاهم من شرودهم .. خرج ادم من الغرفه ليجيب علي الهاتف
ريم:استغفر الله العظيم .. انا ازاي ابصله كده .. يارب سامحني يارب.
........
(في منزل كريم)
دق الباب ففتح كريم وجد ساره
كريم:اتفضلي
ساره:اتفضل يا دكتور عمر .
كريم:اتفضلوا
دلفوا سويا .. ودلف الدكتور الي غرفة شهد .. وبقي كريم وساره في الصالون
كريم:شكرا يا ساره .. انا مش عارف اشكرك ازاي
ساره:سيبك مني .. المهم اعمل حاجه للدكتور يشربها.
دلف كريم الي المطبخ .
بينما ساره جالسه في الصالون .. خرج دكتور عمر
ساره:هاا يا دكتور عامله اي
عمر:حرارتها عاليه جدا .. انا ادتها ابره .. بس مش كفايه .. محتاجه يتعملها كمادات.
ساره:شكرا يا دكتور بجد .. انك جيت معاياا ..وسيبت ابنك
دكتور عمر:العفو يا ساره علي ايه .. وابني الداده معاه هناك
واثناء كلامهم خرج كريم وجدهم يتحدثوا كاد ان ينفجر غيظا .. ثم اعطي لهم العصير وتناولوه
دكتور عمر:يلا يا ساره
ساره:تمام يلا بينا .. الف سلامه عليها يا كريم .. اعملها كمادات بقا علشان متسخنش تاني..يلا السلام عليكم
كريم:وعليكم السلام .. كادوا ان يخرجوا ولكن سمعوا صريخ شهد:ماماا انا عايزه ماما
ركضت ساره الي غرفتها وضمتها .. ثم دخل خلفها كريم وعمر
ساره : اهدي يا حبيبتي اهدي .. وبدأت تقرأ ايات الله حتي هدأت وظلت شهد ممسكه بها .. همت ساره بالوقوف .. ولكن شهد مسكت يدها :خليكي معايا ارجوكي .. واحكيلي حدوته
نظرت ساره اليها ثم نظرت لعمر: طيب روح انتا يا دكتور علشان متتاخرش .. وهي لما تنام هرجع
دكتور عمر: لا مش هسيبك لوحدك
نظر له كريم بغضب ثم قال في نفسه:الهي تتسيب علي النقاله يا بعيد
ابتسمت ساره لعمر وهو بادلها الابتسامه
.......
(في المستشفي)
انهي ادم مكالمته ثم دلف الي الغرفه وجد ريم تحاول الوقوف اسرع اليها وامسك يدها:انتي قومتي من مكانك ليه.
شدت ريم يدها منه ثم قالت:مينفعش تمسك ايدي
ادم :طب قوليلي رايحه فين
ريم:هتوضاا واصلي
ادم : مش لازم انتي تعبانه
ريم :ايه اللي مش لازم دي صلاه .. يعني صلة العبد بربه .. مينفعش نتأخر علي ربنا .
خجل ادم من كلامها فهو لم يصلي منذ مده كبيره .. فهو توقف عن الصلاه عندما بدأ يشرب الخمر
ادم: طيب هساعدك
ريم :لا انا هتصرف .. بس ممكن تشوفلي مصحف .. مقرتش الورد بتاع امبارح وانهارده .. وجيبلي سجادة صلاه
ادم : حاضر
ثم تركها وخرج وعاد بالسجاده فهو استعيرها من احد الممرضات .. واعطاها لها
ريم : ممكن تقف بره لحد ما اخلص صلاه
خرج ادم حتي انتهت من صلاتها
ريم :فين المصحف
ادم :بصراحه انا ملقتش غير ممرضه واحده في الدور .. وملقتش معاها مصحف.
ريم اومأت برأسها .. ثم بدأو يتحدثوا وفتح ادم لها قلبه واخبرها عن ما فعلته به حبيبته وحزنت ريم علي حاله
........
في اليوم
(في قصر الشرقاوي)
كان الجميع مجتمع علي فطورهم .. تناولوا فطورهم .. ثم ذهبت يارا ورقيه الي كليتهم فهذا بدايه العام الدراسي الجديد
......
(في الكليه)
جلست يارا مع اصدقائها
بينما دلفت رقيه الي محاضرتها مع صديقتها مروه .. وظلوا يتحدثوا .. ثم ضربت رقيه بشخص كان يتحدث في هاتفه
رقيه :مش تفتح يا اخينا
تركها وذهب دون اي كلمه
دلفت الي المحاضره غضبه جدا .. ومروه حاولت تهدئتها ولكن دون جدوي
رقيه : مكلفش نفسه يعتذر .. هو فاكر نفسه مين .. ميعرفش انا مين ولا اي .. انا رقيه الشرقاوي .
مروه : خلاص يا رقيه اهدي
رقيه باعجاب :بس تصدقي مز اوي
مروه : ههههه يخرب عقلك يا شيخه
ثم انتبهوا الي صوت الدكتور
الدكتور: صباح الخير .. انا دكتور احمد
نظرت رقيه اليه بذهول ثم نظرت الي مروه
✨سجين عينيها✨
الحلقه السابعه
(في المستشفي)
ادم انهي اوراق الخروج لريم ثم هاتف والدته لكي تأتي حتي تساعد ريم .. اتت مني .. ثم غادروا المستشفي متجهين الي القصر .. واثناء سيرهم لاحظ ادم السياره التي كانت تلاحقه من قبل .. فأسرع الي القصر .. ونزلت مني وريم .. ثم عاد ادم خلف السياره .. ليعرف من هذا الذي يراقبه .. ولكنه فشل في اللحاق به .. فعاد الي القصر .. وصعد الي غرفته .. واخذ حمامه المنعش .. وبدل ملابسه .. ولبس ساعته .. ووضع عطره المفضل .. ثم نزل واخذ سيارته .. وذهب الي الشركه.
.......
(في منزل كريم)
استيقظت ساره .. فلقد نامت قليلا علي الكرسي .
خرجت من غرفه شهد .. فلم تجد احد بالمنزل.
ثم نادت : كريمم
كريم ودكتور عمر نائمين في الغرفه .
ف اتجهت الي الغرفه وجدتهم .. تنهدت براحه .. ثم قامت بايقاظهم.
ساره : انا هعمل فطار .. هفطر شهد وهمشي علشان ماما .. هي بقت كويسه
كريم :تمام ماشي
ساره :انا اسفه يا دكتور .. لانك اضطريت تقعد هنا وتستناني .
عمر : اسفه علي ايه يا ساره .. دا واجبي كدكتور .. وواجبي كراجل اني مسبكيش تمشي لوحدك في وقت متأخر .
ابتسمت ساره ثم دلفت الي المطبخ لتعد الفطور .. وكاد ان ينفجر كريم من الغيظ
.......
(في الكليه)
تفاجأت رقيه به .. نعم هو الشخص المغرور .. الذي ضرب بها .. وتركها دون ان يعتذر
رقيه بتوتر : مروه الحقي .. الدكتور هو نفسه الشخص المغرور
مروه : اشش اهدي بدل ما يطردناا .
رقيه : مين دا اللي يطردنا .. ميقدرش
احمد : الاتنين اللي بيتكلموا دول .. عايزين تتكلموا اخرجوا بره
مروه بصوت عالي : اسفين يا دكتور
رقيه بصوت خافت : اسفين ايه انتي بتعتذري .. دا انسان معندوش ذرة اخلاق .. دا مغرور .. متكبر .. شايف نفسه علي ايه
وبينما هي تتحدث مع صديقتها لاحظت مروه احمد خلف رقيه .. فنظرت مروه له بتوتر .. فأشار لها ان تصمت
فأكملت رقيه : بس قمر اوي .. يخربيت حلاوته
احمد ابتسم ثم قال : احم احم
نظرت له رقيه وقد احمرت وجنتها كثيرا ..ولم تستطيع ان تنطق بحرف اخر
احمد : خلصتي شكر فياا يا أنسه
رقيه : بعد اذنك هروح الحمام .. ثم مرت من جواره .. فضربت به وكادت ان تقع لكنه امسك بهاا .. وظل ينظر لعينيها .. وجميع المدرج بدأو يتحدثوا.
مروه : احم احم .. انتي كويسه
ففاق كلا منهم علي صوتها
احمد : اتفضلي بس متتاخريش علشان نبدأ
فخرجت رقيه من المدرج وكاد قلبها ان يخرج من مكانه .. دلفت الي الحمام .. غسلت وجهها ثم ذهبت الي المحاضره .. وجلست بجوار مروه ولم ترفع عينيها عنه.
مروه :رقيه انتي كويسه.
رقيه : انتي حسابك معايا لما نخرج .
نظر لهم احمد ثم قال : نبدأ
ثم بدأ محاضرته
..........
(في شركة الشرقاوي)
سيف في مكتبه دلفت اليه السكرتيره
السكرتيره : سيف باشا
.. انا عايزه اخد اجازه .. والدتي تعبانه ولازم اسافرلها
سيف بتفهم : تمام .. شوفتي حد يستلم مكانك لحد م ترجعي
السكرتيره :بصراحه مفيش وقت .. انا هسافر انهارده .. لو عايزني اقدم استقالتي انا مستعده
سيف لمعت في ذهنه فكره ثم قال : لا لا .. بصي تعرفي آيه اللي لسه مقدمه في الشركه
السكرتيره : اللي شغاله في الحسابات ؟! اها مالها.
سيف : هتستلم مكانك لحد ما ترجعي .. هي ذكيه وهتفهم بسرعه .. وواخده كورسات كتير .. هي كويسه .. بس اطلبي انتي منها
السكرتيره : حاضر يا سيف بيه .. شكرا لحضرتكثم خرجت وذهبت الي آيه
السكرتيره: آيه .. ممكن اتكلم معاكي شويه
آيه بإستغراب : معايا انا .. اتفضلي
السكرتيره : بصراحه ماما تعبانه .. وهضطر اسافرلها .. ومحتاجه حد يمسك مكاني الشغل .. وانا ملقتش انسب منك .. انتي معاكي كورسات ايطالي وفرنساوي وصيني وكوري .. ارجوكي وافقي .. وهبقا ممنونالك العمر كله.
آيه .: بس انا مش فاهمه حاجه في الشغل ده
السكرتيره بإبتسامه : انا هعلمك عل قد ما اقدر انهارده ومعاكي سيف بيه لو اي حاجه احتاجتيها هيساعدك
آيه ابتسمت : تمام موافقه
ضمتها السكرتيره: شكرا ليكي جدا .. انا مش عارفه اقولك ايه .
آيه بابتسامه : متقوليليش حاجه .. قوليلي اسمك ايه بس
السكرتيره : اسمي نورا
آيه : طب يلا يا نورا علميني الشغل بقا
نورا : يلا يا قلبي
وبدأت نورا تفهمها الشغل .. وسيف يراقبهم من الداخل .. ويبتسم لابتسامتها
.........
(في قصر الشرقاوي)
ريم ارتاحت علي فراشها .. ثم قامت تؤدي فرضها بصعوبه .. ثم جلست علي الفراش .. وبدأت تفكر في ما قص لها ادم .. وما فعلته به حبيبته.
ثم دلفت اليها رقيه
رقيه : عامله ايه دلوقتي
ريم : الحمدلله بخير .. بس انتي مالك كده حساكي مش علي بعضك
رقيه قصت لها ما حدث معا مع ذلك المتعجرف احمد ثم اكملت بصراحه يا ريم دا مزز اوي .. حسيت قلبي بيرقص اول ما شافه
ريم بهدوء : طب انتي متعرفيش ان اللي انتي عملتيه ده حرام .. حرام اصلا انك تبصي لراجل .. مش يلمسك .. انتي لبستي الحجاب وبدأتي تصلي وتقربي من ربنا .. مينفعش اللي انتي عملتيه .. استغفري ربنا كتير علشان يغفرلك ذنبك .
رقيه بحزن : شكرا يا ريم انتي علمتيني حاجات كويسه كتير .. وخلتيني اقرب من ربنا .. وانا من انهارده .. اخترتك تبقي صحبتي
ريم بإبتسامه : وانا معتبراكي اختي
ضمتها رقيه
ريم بألم مصطنع: خلاص كسرتي عظمي .. انا لسه طالعه من عمليه..متكسره جاهز
رقيه بدموع : اسفه يا حبيبتي
ريم مدت يدها وجففت دموعها وابتسمت ثم قالت : عايزه اعمل تليفون من موبايلك .. عايزاكي ترنيلي علي ادم
رقيه بصدمه : ادم اخويا
ريم : مالك مصدومه ليه
رقيه بخبث : لا مش مصدومه .. بس هترني عليه ليه
يتبع
الحلقه الاولي والتانيه👇👇👇
الحلقه التالته والرابعه👇👇👇
