رواية زوجتي من الريف الحلقه الاولي والتانيه

 زوجتي من الريف

الفصل الاول.والتاني😍

الفصل الاول

كان فارس غاضبا جدا من تصرفات والده وتدخله في أمور تخصه 

فارس بنظرات غضب وصوت جهوري:

_ يا ماما ليه بابا بيتصرف منغير ما ياخد رأيي حتي ليييييه

فاطمه وهي تجلس بجانبه وتهدئه :

_يا فارس اهدي بس والدك مش عايز غير مصلحتك

فارس بصراخ :

_ مصلحتي فين مصلحتي ديه هاااا عايزني اتجوز واحده من الارياف لا وايه كمان مش متعلمه وجهله هي ديه مصلحتي صح 

هو أهم حاجه بس يراضي اخوه ويراضي اخوه على حسابي انا ايه ها

فاطمه بشده:

_ ولد مينفش تتكلم عن ابوك بالطريقه ديه سامع ولا لا

_ لا سيبيه ما أنا ربيته علي كده فاكر نفسه كبر علينا 

قالها الشناوي بصوت صارم ونظرات غضب

انتفضت فاطمه بخضه وهي تهتف قائله:

_ لا يا اخويا معلشي هو ميقصدش هو مضايق شويه بس 

ونظرت لفارس نظرات رجاء وتحذير قائله:مش كده بردو يا فارس ولا ايه

فارس بغضب يحاول أن يخفيه:

_ أنا آسف يا بابا مقصدش 

بس حضرتك عايزني اتجوز واحده من الارياف وجاهله ومبتفهمش حاجه ده انا اكبر مهندس بترول اخرتي اتجوز واحده من الارياف

الشناوي بنظرات ناريه:

_ اتكلم عن بنت عمك بطريقه احسن من كده وبعدين ايه التكبر ده كله ها الظروف هيا اللي خليتك في اسره غنيه كان ممكن تبقي زيها ومتبقاش ده كله 

وبعدين متبصش لتعليمها ولا مستواها بص لأحترامها واخلاقها وتعاملها مع الناس بكل ادب بص لطيبه قلبها اللي مش هتلاقيها في اي بنت تانيه بلاش تبص للمظاهر لأنك هتخسر كتير

فارس بلا مبالاه:

_ يا بابا انا مش عايز اتجوزها ارجوك متغصبش عليا الجوازه ديه

الشناوي بغضب:

_ولا اكني كلمتك يا ابني البنت ديه مش هتلاقي احسن منها

فارس بعصبيه :

وانا مش عايزها

الشناوي بنظرات ناريه:

_وانا بقولك هتتجوزها يعني هتتجوزها انا خلاص اديت كلمه لعمك ومش هارجع فيها سامعني ولا لا واعمل حسابك احنا رايحين لهم بكره نخطبها ونحدد معاد الجواز

فارس بغضب وصراخ:

_ كل ده حددته من ورايا ولا همك حتي رأيي ايه ده انا مش عارف انت بتعمل كده ليه واكني ابنك حرام بجد انا زهقت ومش هتجوزها يعني مش هتجوزها ............ قاطع كلامه هذه الصفعه التي هبطت بقوه علي خده 

انتفضت فاطمه واسرعت بجانبه تحاول تهدئته 

الشناوي بغضب:

_ القلم ده علشان تتعلم تتكلم معايا بإحترام 

ويا تتجوز فرحه والا ولا انت ابني ولا انا اعرفك 

ديه وصيه جدك وانا هنفذها

قال الشناوي كلامه وخرج من الغرفه صافقا الباب خلفه بقوه 

فاطمه بشده:

_ينفع كده بردو يا فارس انا عمري ما شوفتك بتكلم ابوك بالطريقه ديه 

فارس اسمع كلام ابوك واتجوزها متغضبهوش عليك اسمع كلامي بلاش تعاند علشان ما ترجعش تندم

فارس بحزن شديد:

_ حرام عليكم هو انتم ليه بتعملو كده 

ليه بتتصرفو منغير ما تخدو رأيي حتي

فاطمه وهي تربت علي كتفه:

_ فارس ابوك عارف مصلحتك كويس صدقني هتعرف بعدين ازاي أن كل ده من مصلحتك 

ونصيحه مني مضيعش البنت ديه من ايدك ديه بنت مفيش زيها في الدنيا اخلاق واحترام مشفتش زيهم

فارس بزعيق:

_ مش عايزها مش عايزها اشمعنا هتجوزوهالي انا

متجوزها لمؤيد

فاطمه بهدوء:

_ مراد اصغر منك مينفعش شكلنا هيبقي عامل ازاي قدام عمك 

انا هسيبك دلوقتي تفكر بس نصيحه مني متغضبش ابوك واسمع كلامه علشان انت عارفه لما بيزعل من حد 

وروح راضيه سمعت

خرجت فاطمه من الغرفه وذهبت لإعداد الطعام وتركته في غرفته يتحسر علي حياته

فارس بغضب شديد وهو يخبط علي المكتب:

_ هيضعولي كل حاجه هيضيعولي سمعتي لما الناس تعرف اني اتجوزت واحده من الريف وجاهله كمان اوووف 

ماشي هتجوزها بس هخليها اطلب الطلاق باللي هعمله فيها هما اللي اجبروني علي كده انا عمري ما كنت وحش في حاجه

***************************************

في مكان آخر في الريف المصري

استيقظت فرحه صباحا بنشاط وحيوية كعادتها

فرحه بصوت رقيق:

صباح الخير يا ابويا 

صباح الخير يا امي

فريد وسعاد بنظرات حنونه:

_صباح النور يا فرحتي

فرحه بصوت مرح :

_انا نازله يا ابويا هروح اساعد عم مجدي في الزرع

فريد بمواقفه:

_ ماشي يا فرحه بس متتأخريش وكمان عشان عايزك في موضوع كده

فرحه بإستغراب:

_ موضوع ايه خير إن شاء الله

فريد بإبتسامه:

_ خير اكيد يا حبيبتي بس لما ترجعي ابقي اكلمك

فرحه بإيجاب:

_ان شاء الله مع السلامه بقا مش هتأخر ان شاء الله

نزلت فرحه من البيت وذهبت إلي حقل العم مجدي

فرحه بإبتسامه:

_صباح الخير يا عم مجدي انا جيت عشان اساعدك

مجدي بنظرات شكر :

_شكرا يا بنتي بجد انت الوحيده اللي بتساعديني اكتر من ولادي كمان والله ربنا يبارك فيك يا بنتي

فرحه بصوت رقيق:

_ الشكر لله يا عمو يلا بقا قولي هنعمل ايه النهارده في الزرع وهنزرع ايه جديد

مجدي :

بصي يا فرحه احنا النهارده هنحصد القطن بقا بس مش هنعمل حاجه تاني لان حصد القطن متعب جدا

فرحه بنشاط:

_ ماشي يا عم مجدي انا هبدأ بس حط في ايه القطن

مجدي وهو يعطيها السله الكبيره:

هنحصده هنا يا بنتي خدي اهو

فرحه بإبتسامه:

_ ماشي شكرا يا عمو انا هروح بقا سلام

مجدي بنظرات شكر:

_ مع السلامه يا بنتي ربنا يكرمك يارب

ذهبت فرحه بكل نشاط وبدأت بحصد القطن بكل حب وابتسامه فهي تحب مساعده الناس بدون مقابل

****************************************

في احد العيادات بمنطقه الزمالك

السكرتاريه بصوت ناعم:

_ دكتور مؤيد في واحد بره عايز حضرتك ضروري بيقول أنه مش مريض هو بس هيقولك علي طلبه بس

مؤيد بإستغراب:

_ مين ده طيب وطلب ايه 

طيب دخليه

ذهبت السكرتارية مي الي الرجل وأخبرته أن يتفضل 

دلف الرجل الي الداخل

ماهر الجندي:

_السلام عليكم ازيك يا دكتور عامل ايه

مؤيد بإبتسامه مجامله:

_وعليكم السلام الحمدلله تمام حضرتك

ماهر الجندي برجاء:

_ انا اسف اني مدخلتش في دوري بس انا مش مريض انا بس هطلب من حضرتك طلب وياريت توافق

مؤيد بإستغراب:

_ اتفضل حضرتك قول طلبك ولو لقيته مناسب اكيد مش هتأخر عن الخدمه

ماهر بحزن:

انا بنتي مريضه نفسيا ومتدمره جدا وجيبتلها اكتر من دكتور نفساني بس طفشتهم كلهم ومقدروش يعالجوها انا بجيبهم البيت علشان هي مش بترضي تروح عند دكاتره 

وسألت ناس كتير وقالولي انك دكتور كبير جدا وفي ناس كتير خفت علي ايدك بتمني انك توافق تعالج بنتي ومتطفش زي الباقي

مؤيد بإبتسامه:

_ شكرا لحضرتك 

اولا انا لما بوافق اعالج اي حاله عمري ما بسيبها لاني من الاول وافقت عليها فمتقلقش مش هطفش بس عايز اعرف نوع الحاله اللي معايه ياريت تكلمني عن حالتها بإختصار

بدأ ماهر يقص علي مؤيد حالة ابنته مرام بإخصار

ماهر بحزن:

هو ده اللي حصل ومن ساعتها وهي بتكلم حد ولا بتكلمني انا أساسا وعلي طول بتكلم نفسها وكل يوم تجيلها حاله وتفضل تكسر كل حاجه حواليها ده غير أنها حاولت تنتحر كتير ولو شافت اي حاجه في التلفزيون اتنين بيحبو بعض أو أي حاجه من ديه ممكن تكسر التلفزيون وبتقلب الدنيا علي الاخر ورافضه تنزل جامعتها هي في اخر سنه كليه بس طبعا مكملتش من ساعة اللي حصل 

وكل دكتور ييجي يعمل معاها كل حاجه ويحاول يعالجها وبردو مش بيكمل هو يوم ويعتذرلي أنه مش هيكمل مش هيقدر علي حالتها وانا بجد مش عارف اعمل ايه معاها 

بس انا عايز حضرتك تيجي الفيلا عندنا وتقعد تعالجها هناك لان هيا مش بتروح اي حته مبتطلعش من غرفتها اصلا

مؤيد بتفكير:

طيب حضرتك ممكن نمرتك وهتصل بيك بليل اوعدك هفكر اقدر افضالها وكده علشان حضرتك بتقول اني هاجي الفيلا عندك

اسرع ماهر وأعطاه نمرة هاتفه قائلا:

_ اتمني أن حضرتك توافق ارجوك فكر كويس وانا هديك اللي انت عايزه

مؤيد بنظرات ضيق:

_ حضرتك انا مش بتهمني الفلوس انا بيجيلي هنا ناس وبيبقو غلابه ومش باخد منهم فلوس علي جلسات العلاج انا بعمل كده لاني بحب عملي بس

ماهر بإعتذار:

_انا اسف يا دكتور متتضايقش انا بس زعلان جدا علي بنتي ومستعد اعمل اي حاجه عشانها انا مليش غيرها في الدنيا

مؤيد بتفهم:

ربنا يخليهالك ويشفيها وانا هظبط اموري وهكلمك إن شاء الله اوعدك بجد

ماهر بنظرات امتنان:

_ شكرا بجد يا دكتور عن اذنك اسف لو عطلتك

مؤيد بإبتسامه :

_لا مفيش تعطيل ولا حاجه اتفضل

رجع مؤيد البيت كانت فاطمه أعدت الطعام ووضعته علي السفره 

كان الجميع جالسون حتي فارس ولكنه كان غاضب وحزين

فاطمه بإبتسامه:

يلا يا حبيبي بسرعه لسه حطين الاكل حالا تعالي كل يلا

مؤيد :

حاضر يا ماما هاجي دلوقتي

جلس مؤيد علي أحد الكراسي

مؤيد بإبتسامه:

_ازيك يا بابا ازيك يا ماما عاملين ايه

فاطمه والشناوي:

_ الحمدلله يا حبيبي

نظر لفارس فوجد نظراته حزينه ولا يتكلم ولا يمازحه كما يفعل

مؤيد بإستغراب:

_ مالك يا فارس في شكلك مضايق

فارس بضيق:

_ مفيش حاجه يا مؤيد اسكت دلوقتي

مؤيد بمزاح:

_ اسكت ماشي انا اللي بسأل عليك انا غلطان

لم يرد عليه فارس فعلم أن هناك أمر بينه وبين والدهم

سرح مؤيد كثيرا يفكر في كلام ماهر

فاطمه :

مؤيد مؤيد مش بتاكل ليه في ايه

مؤيد بإبتسامه:

لا لا مفيش يا ماما سرحت شويه

فاطمه بشده:

_ عشان انا بقولك بقالي قد ايه سيبك من الشغل ده كل يوم حاله نفسيه تجيلك انت اللي نفسيتك هتتعب مينفعش كده

مؤيد بضحك :

_ والله يا ماما مفيش حاجه مضايقاني انا بس بفكر في حاجه انا اصلا بفصل بين حياتي وشغلي مش بيأثر عليا خالص

فاطمه بغضب:

_ براحتك يا مؤيد

انتهت الحلقه رأيكم يهمني جدا ناقشوني😘 توقاعتكم للحلقه القادمه

زوجتي من الريف

الفصل الثاني 😍

كان فارس يجلس في شرفه المنزل يحتسي قهوته وهو شارد الذهن يفكر ماذا سيفعل وماذا سيحدث عندما يتزوج من هذه الفتاه الريفيه هي ابنة عمه ولكنه الآن لا يفكر في اي شئ سوي أنه سيتزوجها رغما عنه كان يشعر أن مكانته ومنظره امام أصدقائه سوف تنهار عندما يعلمون أنه تزوج من فتاه ريفيه وجاهله ايضا 

كان يشعر بالضيق الشديد والغضب .

جاءت إليه فاطمه وهتفت بصوت حنون:

_ فارس يا فارس قوم يلا تعالي راضي ابوك مش معقوله كده انت عارف ابوك بيحبك قد ايه وزعلان أنه ضربك بالقلم غصب عنه بس انت اتكلمت معاه بطريقه مش كويسه 

فارس بنظرات غاضبه:

_وانا عمري ما كلمته بالطريقه ديه بس هو ظلمني لما يضيع مستقبلي وحياتي علشان كلمه قالها لعمي منغير ما ياخد رأيي حتي عمري ما شوفت كده في حياتي حد يتجوز بإختيار أهله مش اختياره ليه طيب ليه مفكرتوش في منظري قدام صحابي لما يعرفوا اني اتجوزت واحده جاهله ومتعرفش اي حاجه ها مفكرتوش فيا 

فاطمه بشده:

_ مش معقوله كده يا فارس تاني بتتكلم في الموضوع ده 

باباك عارف مصلحتك كويس سامع ولو كانت مش كويسه مكنش اجبرك تتجوزها ............ قاطعها فارس بغضب وصياح:

_ مش عايزها برضو مش عااايزها انا مش طايق اشوفها حتي 

فاطمه بغضب:

_ فارس شيل الكلام ده من دماغك وحاول تتأقلم مع الموضوع لان النهارده انت وباباك هتروحو تخطبوها فاهم وانت عارف باباك قالك لو موافقتش علي الجوازه هيغضب عليك ازاي انت عارفه لما بيزعل من اي حد 

فارس بحزن عميق:

_ حاضر يا ماما حاضر هروح اصالحه دلوقتي واراضيه وهتجوز بنت عمي خلاص كده هترتاحو صح ماشي 

تمتمت فاطمه بصوت هامس قائله:

_ ربنا يهديك يا فارس 

ونهض من علي الكرسي وذهب الي غرفه والده وطرق الباب 

الشناوي بصوت جهوري:

_ أدخل 

دلف فارس الي الداخل ووقف أمام والده وانحني إليه وقبل يده ورأسه قائلا بصوت حزين:

_ اسف يا بابا حقك عليا مقصدش اتكلم مع حضرتك بالطريقه ديه متزعلش مني وانا موافق اتجوز بنت عمي 

الشناوي بفرحه:

_ خلاص يا فارس انا مش زعلان منك طول عمرك محترم وبتسمع كلامي وحقك عليا اني ضربتك 

فارس بحزن يحاول أن يخفيه:

_لا يا بابا ولايهمك عارف انك اضايقت اني اتكلمت معاك بالاسلوب ده 

الشناوي بنظرات سعادة:

_ يعني هتيجي معايا بليل نروح نخطبها 

فارس بحزن دفين:

_هاجي حاضر يا بابا بس لازم النهارده يعني متخليها كمان اسبوع 

ولا حاجه

الشناوي بإعتراض:

_ لا مش هينفع يا فارس لازم النهارده علشان انا بلغت عمك وهو اكيد قال لمراته وكده وبنته مينفعش 

فارس مبوافقه:

_ماشي يا بابا مفيش مشكله 

الشناوي:

_ ماشي يا فارس ياريت تبقي جاهز علي الساعه سته علشان ننزل 

فارس بحزن يحاول أن يخفيه:

_ حاضر يا بابا عن اذنك علشان هروح اكلم صاحبي أقوله اني مش جاي الشغل النهارده 

الشناوي بإيجاب:

_ ماشي يا فارس ربنا يوفقك يا ابني 

خرج فارس من الغرفه وذهب الي مكتبه وهو حزين جدا كان يشعر أنه انهار نهائيا 

جلس فارس علي مكتبه وظل يخبط علي المكتب بقوه وهو يهتف بعصبيه:

_ لييييييه كل ده ليه انا عملت ايه في حياتي علشان اتجوز واحده جاهله مبتفهمش اوف 

فارس لنفسه بصوت مبحوح:

_ ماشي صدقوني لخليها تطلب الطلاق من اللي هعمله فيها. 

*************************************

عند فرحه في الريف 

رجعت فرحه بعد وقت طويل عند العم مجدي كان مرهقه قليلا ولكنها ذهبت لتساعد والدتها بالمطبخ 

فرحه وهي تحتضن والدتها من الخلف:

_ بتعملي ايه يا ست الكل 

سعاد بإبتسامه:

_ فرحه انت رجعتي خلاص 

فاضل اعمل الرز بس واكون خلصت الاكل 

فرحه :

_ خلاص يا امي اطلعي انت وانا هعمله 

سعاد بإعتراض:

_ لا مش هطلع روحي انت ارتاحي شويه لحد ما احط الاكل انت بتتعبي اوي مع عم مجدي كفايه عليك

فرحه وهي تجذبها من يدها وتخرجها من المطبخ بهدوء:

_ انا قولت هعمله خلاص يا امي كفايه عليك انت 

سعاد وهي تدعو لها:

_ ربنا يحفظك يا حبيبتي ويباركلي فيك يا قلبي

فرحه بسعاده:

_ حبيبتي يا امي يارب 

أعدت فرحه الأرز وانتهت من طهيه ووضعته علي الصينيه هو باقي الطعام 

فرحه بصوت عالي:

_ يلا يا جماااعه الاكل جهز بسرعه تعالو 

جاءت سعاد وفريد ايضا ومحمود اخوها 

وجلسوا ليتناولوا الغداء 

محمود بمزاح :

_ ايه يا بت انت مش هتبطلي صوتك ده 

فرحه بضحك :

_ مالو صوتي مش بنده عليكم علشان تسمعوني وتيجو قبل ما الاكل يبرد 

محمود بمشاكسه:

بس صوتك عامل زي الجرس ايه ده 

فرحه :

_ بجد والله تصدق انا غلطانه بعد كده هنده عليكم بصوت منخفض وانت اول واحد مش هتسمع عارف ليه لأنك علي طول قافل باب اوضتك 

محمود بضحك:

ماشي ماشي عادي بس وطي انت صوتك بس 

فريد بإبتسامه:

_ ربنا يخليكو لبعض يا ولاد 

فرحه ومحمود:

_ ويخليك لينا انت وامي يارب 

فريد بإبتسامه:

_ اه صحيح يا فرحه عمك وابنه فارس جايين النهارده بليل علشان يتقدمولك ويخطبوكي 

فرحه بسعاده ولكنها اخفتها لأنها كانت معجبه بفارس وتحبه:

_ عمو الشناوي وسي فارس جايين النهارده بجد 

فريد بإبتسامه:

_ اه يا فرحه معلشي قولتلك متأخر بس كنت مشغول والصبح لقيتك رايحه لعم مجدي فمعرفتش اكلمك فجهزي نفسك بقا 

فرحه :

_ حاضر يا بابا 

كانت فرحه تشعر بسعادة غامرة لأنها كانت تعتقد أن فارس يحبها مثلما تحبه هي وقد اتي ليطلب يدها للزواج 

كانت تشعر أنها كالفراشه التي تطير بفرحه حول الازهار 

كانت تشعر بأنها اميره جاء الأمير ليتزوجها 

كانت تشعر بأنها ستفقد عقلها من الفرحه 

انتهت من تناول الطعام وحملت الاطباق وقامت بغسلها وذهبت الي غرفتها وهي سعيده 

فرحه لنفسها وهي تنظر لسقف الغرفه:

_ انا بجد مش مصدقه نفسي سي فارس جاي يخطبني النهارده انا هموت من الفرحه ده طلع بيحبني زي ما بحبه يا احلي حاجه في حياتي بجد انا فرحانه اوي يارب 

وقامت بسرعه لتختار ما سترتديه عندما يأتي فارس أحلامها كما كانت تعتقد 

لم تكن تعلم ما ينتظرها من حزن هذه المسكينه الرقيقه التي لا تفعل أي شيء إلا لإسعاد من حولها 

******************************

في عياده الدكتور النفسي مؤيد الشناوي 

كان يجلس في مكتبه يفكر هل سيستطيع أن يذهب الي والد هذه الفتاه المريضه ويعالجها هناك ولكن عقله وقلبه وافقوا على ذلك لأنه طيب القلب ويحب مساعده الناس ولا يستطيع أن ينسي نظره الرجاء في عيني هذا الرجل الذي كان يترجاه أن يوافق علي علاجها لأنها ابنته الوحيده وليس له غيرها 

امسك مؤيد هاتفه واتصل علي النمرة التي أعطاها له ماهر ليتصل به إذا وافق 

كان ماهر يجلس بجانب ابنته التي لا تتكلم يحاول التخفيف عنها رن هاتفه فأمسك الموبايل بسرعه رأي اسم الدكتور مؤيد نهض بسرعه من جانب ابنته وخرج من الغرفه ورد عليه 

ماهر بتوتر منتظر رد مؤيد عليه :

_ السلام عليكم ازي حضرتك يا دكتور مؤيد 

مؤيد بإيجاب:

_ وعليكم السلام الحمدلله تمام حضرتك 

انا بتصل علشان اقول لحضرتك اني وافقت اجي اعالج بنتك 

ماهر بفرحه شديده:

_ بجد يا دكتور شكرا شكرا ليك بجد 

مؤيد بإبتسامه:

_ العفو ده واجبي حضرتك 

بس لازم اقولك علي الخطه اللي هنعملها علشان هي مش لازم تعرف اني دكتور اصلا 

ماهر بإهتمام:

_ تمام صح عندك حق بس ايه هي الخطه 

مؤيد بإيجاب:

_ مش هينفع اقول لحضرتك في الموبايل لازم نكون قاعدين قدام بعض علشان نعرف نتكلم 

ماهر بموافقه:

_ تمام تمام انا هاجي لحضرتك دلوقتي حالا 

مؤيد بإبتسامه:

اوكيه تمام هستني حضرتك 

أمر ماهر الخادمه بالاهتمام بمرام حتي يأتي هو وارتدي ملابسه وركب سيارته وانطلق بسرعه نحو عياده مؤيد 

وصل ماهر الي عياده مؤيد في وقت قصير ودلف الي الداخل 

ماهر وهو ينظر السكرتاريه:

_ لو سمحتي ممكن تدخل للدكتور ولا عنده حد 

السكرتاريه نورا:

_ مش حضرتك ماهر بيه ؟

ماهر بإيجاب:

_ اه انا 

السكرتاريه نورا:

_ ايوه حضرتك تقدر تتفضل دكتور مؤيد منتظرك جوه 

دلف ماهر الي الداخل وسلم علي مؤيد 

مؤيد :

علشان معطلش حضرتك انا هشرح لحضرتك الطريقه اللي هعالجها بيها 

ماهر بإهتمام :

_ تمام اتفضل انا سامع حضرتك

مؤيد وهو يشرح لماهر الطريقه أو الخطه بالأصح:

_انا هاجي عندك اكني ابن صاحبك القديم وكنت عايش بره ونزلت مصر لظروف طارئه ومعنديش بيت هنا في مصر وهستأذنك اني اقعد معاك لحد ما الاقي بيت وهبدأ انا بطريقتي اعالجها 

ماهر بإهتمام:

_ تمام جدا انا فهمت حضرتك 

حضرتك هتبدأ من أمتي 

مؤيد بإبتسامه:

_ إن شاء الله هاجي من بكره بس في أيام هبقي هنا في العيادة حضرتك هتقولها اني قعدت في شغلي ونمت هناك وكده 

ماهر وهو ينهض من علي كرسيه ويصافحه:

_ إن شاء الله يا دكتور بجد شكرا ليك جدا 

مؤيد بإبتسامه:

_ العفو علي ايه 

**********************

عند فارس كان في غرفته يرتدي ملابسه ليذهب مع والده اجبارا 

ارتدي فارس قميص اسود وبنطلون جينز وصفف شعره 

ولكن ملامحه كان غاضبه وقاسيه جدا 

كان يشعر بالحزن والضيق الشديد 

خرج من غرفته وجد والده جهز ووالدته ايضا 

الشناوي بإبتسامه:

_ خلاص جهزت يا فارس 

فارس بضيق:

_اه يا بابا خلاص 

الشناوي وهو يخرج من الشقه:

_ طيب يلا يا فارس يلا يا فاطمه 

نزل الجميع وركبوا السياره واتجهوا نحو بيت فرحه 

بعد وقت طويل وصلو الي هناك 

وطرقوا الباب 

فريد وهو يفتح الباب:

_ اهلا وسهلا نورتوا يا جماعه اتفضلو 

الشناوي بإبتسامه:

_ ده نورك يا اخويا عامل ايه واحشني بجد 

فريد :

وانت كمان والله يا حبيبي 

ازيك يا فارس عامل ايه 

فارس بضيق يخفيه:

_الحمدلله يا عمي كويس 

جلس الجميع وبدأوا بالحديث في مواضيع كثيره 

ووضعت لهم سعاد الكثير من الحلويات والمشروبات 

الشناوي بإبتسامه:

_ اومال فين فرحه مش شايفنها ليه 

فريد بإبتسامه:

_ اه صح ناديها يا سعاد هتلاقي بتلبس ولا حاجه انت عارف يا اخويا البنات بقا 

الشناوي بضحك:

_ هههههه عندك حق والله بس فرحه ما شاء الله بنت مفيش زيها ربنا يخليهالك يا فريد بجد 

دخلت سعاد علي فرحه 

سعاد :

_ يلا يا فرحه بتعملي ايه ده كله عايزينك بره 

فرحه بخجل:

_ مش عارفه بس مكسوفه اطلع يا امي 

سعاد بضحك:

_ لا يا حبيبتي متتكسفيش يلا انا هطلع معاكي 

خرجت فرحه مع والدتها 

فرحه بإحراج:

_ السلام عليكم 

الشناوي بإبتسامه:

_ وعليكم السلام فرحه حبيبتي عامله ايه وحشتينا خالص 

فرحه وهي تقبل يده:

_ ازيك يا خالو بجد حضرتك وحشتني اكتر 

وسلمت ايضا علي فاطمه 

فاطمه بسعاده:

_ ماشاء الله فرحه كبرت وبقت زي القمر 

فرحه بإبتسامه:

_ متشكره يا عمه 

فارس في سره :متشكره وعمه يارب ايه الواقعه السوده ديه 

فرحه بدون أن تصافحه:

_ازيك يا سي فارس 

فارس بضيق:

_ الحمدلله تمام 

فارس في نفسه :سي فارس كمان ارحمني يارب ده انا صحابي مش هيرحموني من التريقه لو شافوها 

لا وايه الفستان اللي لابساه فظيع شكله بلدي جدا ايه القرف ده انا لما اتجوزها همشي جمبها ازاي كده 

ظل الجميع يتحدثون حتي قال الشناوي :

_احنا جايين النهارده علشان نطلب ايد فرحه لفارس 

كانت فرحه ستطير من الفرحه 

بينما كان فارس يشعر بالضيق والغضب والحزن وكل شئ

فريد بسعاده:

_ واحنا اكيد موافقين مش هنلاقي احسن من فارس لبنتنا 

فارس لنفسه:

_ياريت كنتو لقيته حد احسن مني اوف 

سمعته فاطمه فوكزته وهي تهمس :

_ بس يا فارس لحسن الناس تسمعك 

فارس بضيق:

_ ماشي 

ياريتهم يسمعو اصلا 

كان فارس ينظر لفرحه نظرات احتقار من فوق لتحت 

لملابسها التي ليست علي الموضه وليست متحضره 

فرحه لنفسها :

_ هو بيبصلي كده ليه 

اه صح اكيد علشان الروج اللي ماما صممت احطه اوف شكلي اكيد عفريته 

الشناوي :

واحنا جايبين معانا الدبل وكل حاجه عارفين انكو هنا مش بتحبو الخطوبه وكده 

فريد بإبتسامه:

تمام يا اخويا كلك ذوق 

الشناوي بإبتسامه:

طيب يلا البسوا الدبل 

البست فاطمه فرحه الدبله وارتدي فارس دبلته بكل ضيق وحزن وغضب 

سعاد بفرحه :

الف مبروك لولولولولي 

كان الجميع سعيد جدا وقدموا الشربات والبيبسي بفرح 

وكانت فرحه سعيده جدا وتنظر لفارس نظرات فرح وحب 

كان هو يبادلها بإبتسامه مجامله فقط 

انتهت الحلقه رأيكم يهمني 😍 توقعاتكم للحلقه القادمه ناقشوني 

لا تنسو قراءه سوره الكهف والصلاة على سيدنا محمد 💖الفصل الثاني 😍

كان فارس يجلس في شرفه المنزل يحتسي قهوته وهو شارد الذهن يفكر ماذا سيفعل وماذا سيحدث عندما يتزوج من هذه الفتاه الريفيه هي ابنة عمه ولكنه الآن لا يفكر في اي شئ سوي أنه سيتزوجها رغما عنه كان يشعر أن مكانته ومنظره امام أصدقائه سوف تنهار عندما يعلمون أنه تزوج من فتاه ريفيه وجاهله ايضا 

كان يشعر بالضيق الشديد والغضب .

جاءت إليه فاطمه وهتفت بصوت حنون:

_ فارس يا فارس قوم يلا تعالي راضي ابوك مش معقوله كده انت عارف ابوك بيحبك قد ايه وزعلان أنه ضربك بالقلم غصب عنه بس انت اتكلمت معاه بطريقه مش كويسه 

فارس بنظرات غاضبه:

_وانا عمري ما كلمته بالطريقه ديه بس هو ظلمني لما يضيع مستقبلي وحياتي علشان كلمه قالها لعمي منغير ما ياخد رأيي حتي عمري ما شوفت كده في حياتي حد يتجوز بإختيار أهله مش اختياره ليه طيب ليه مفكرتوش في منظري قدام صحابي لما يعرفوا اني اتجوزت واحده جاهله ومتعرفش اي حاجه ها مفكرتوش فيا 

فاطمه بشده:

_ مش معقوله كده يا فارس تاني بتتكلم في الموضوع ده 

باباك عارف مصلحتك كويس سامع ولو كانت مش كويسه مكنش اجبرك تتجوزها ............ قاطعها فارس بغضب وصياح:

_ مش عايزها برضو مش عااايزها انا مش طايق اشوفها حتي 

فاطمه بغضب:

_ فارس شيل الكلام ده من دماغك وحاول تتأقلم مع الموضوع لان النهارده انت وباباك هتروحو تخطبوها فاهم وانت عارف باباك قالك لو موافقتش علي الجوازه هيغضب عليك ازاي انت عارفه لما بيزعل من اي حد 

فارس بحزن عميق:

_ حاضر يا ماما حاضر هروح اصالحه دلوقتي واراضيه وهتجوز بنت عمي خلاص كده هترتاحو صح ماشي 

تمتمت فاطمه بصوت هامس قائله:

_ ربنا يهديك يا فارس 

ونهض من علي الكرسي وذهب الي غرفه والده وطرق الباب 

الشناوي بصوت جهوري:

_ أدخل 

دلف فارس الي الداخل ووقف أمام والده وانحني إليه وقبل يده ورأسه قائلا بصوت حزين:

_ اسف يا بابا حقك عليا مقصدش اتكلم مع حضرتك بالطريقه ديه متزعلش مني وانا موافق اتجوز بنت عمي 

الشناوي بفرحه:

_ خلاص يا فارس انا مش زعلان منك طول عمرك محترم وبتسمع كلامي وحقك عليا اني ضربتك 

فارس بحزن يحاول أن يخفيه:

_لا يا بابا ولايهمك عارف انك اضايقت اني اتكلمت معاك بالاسلوب ده 

الشناوي بنظرات سعادة:

_ يعني هتيجي معايا بليل نروح نخطبها 

فارس بحزن دفين:

_هاجي حاضر يا بابا بس لازم النهارده يعني متخليها كمان اسبوع 

ولا حاجه

الشناوي بإعتراض:

_ لا مش هينفع يا فارس لازم النهارده علشان انا بلغت عمك وهو اكيد قال لمراته وكده وبنته مينفعش 

فارس مبوافقه:

_ماشي يا بابا مفيش مشكله 

الشناوي:

_ ماشي يا فارس ياريت تبقي جاهز علي الساعه سته علشان ننزل 

فارس بحزن يحاول أن يخفيه:

_ حاضر يا بابا عن اذنك علشان هروح اكلم صاحبي أقوله اني مش جاي الشغل النهارده 

الشناوي بإيجاب:

_ ماشي يا فارس ربنا يوفقك يا ابني 

خرج فارس من الغرفه وذهب الي مكتبه وهو حزين جدا كان يشعر أنه انهار نهائيا 

جلس فارس علي مكتبه وظل يخبط علي المكتب بقوه وهو يهتف بعصبيه:

_ لييييييه كل ده ليه انا عملت ايه في حياتي علشان اتجوز واحده جاهله مبتفهمش اوف 

فارس لنفسه بصوت مبحوح:

_ ماشي صدقوني لخليها تطلب الطلاق من اللي هعمله فيها. 

*************************************

عند فرحه في الريف 

رجعت فرحه بعد وقت طويل عند العم مجدي كان مرهقه قليلا ولكنها ذهبت لتساعد والدتها بالمطبخ 

فرحه وهي تحتضن والدتها من الخلف:

_ بتعملي ايه يا ست الكل 

سعاد بإبتسامه:

_ فرحه انت رجعتي خلاص 

فاضل اعمل الرز بس واكون خلصت الاكل 

فرحه :

_ خلاص يا امي اطلعي انت وانا هعمله 

سعاد بإعتراض:

_ لا مش هطلع روحي انت ارتاحي شويه لحد ما احط الاكل انت بتتعبي اوي مع عم مجدي كفايه عليك

فرحه وهي تجذبها من يدها وتخرجها من المطبخ بهدوء:

_ انا قولت هعمله خلاص يا امي كفايه عليك انت 

سعاد وهي تدعو لها:

_ ربنا يحفظك يا حبيبتي ويباركلي فيك يا قلبي

فرحه بسعاده:

_ حبيبتي يا امي يارب 

أعدت فرحه الأرز وانتهت من طهيه ووضعته علي الصينيه هو باقي الطعام 

فرحه بصوت عالي:

_ يلا يا جماااعه الاكل جهز بسرعه تعالو 

جاءت سعاد وفريد ايضا ومحمود اخوها 

وجلسوا ليتناولوا الغداء 

محمود بمزاح :

_ ايه يا بت انت مش هتبطلي صوتك ده 

فرحه بضحك :

_ مالو صوتي مش بنده عليكم علشان تسمعوني وتيجو قبل ما الاكل يبرد 

محمود بمشاكسه:

بس صوتك عامل زي الجرس ايه ده 

فرحه :

_ بجد والله تصدق انا غلطانه بعد كده هنده عليكم بصوت منخفض وانت اول واحد مش هتسمع عارف ليه لأنك علي طول قافل باب اوضتك 

محمود بضحك:

ماشي ماشي عادي بس وطي انت صوتك بس 

فريد بإبتسامه:

_ ربنا يخليكو لبعض يا ولاد 

فرحه ومحمود:

_ ويخليك لينا انت وامي يارب 

فريد بإبتسامه:

_ اه صحيح يا فرحه عمك وابنه فارس جايين النهارده بليل علشان يتقدمولك ويخطبوكي 

فرحه بسعاده ولكنها اخفتها لأنها كانت معجبه بفارس وتحبه:

_ عمو الشناوي وسي فارس جايين النهارده بجد 

فريد بإبتسامه:

_ اه يا فرحه معلشي قولتلك متأخر بس كنت مشغول والصبح لقيتك رايحه لعم مجدي فمعرفتش اكلمك فجهزي نفسك بقا 

فرحه :

_ حاضر يا بابا 

كانت فرحه تشعر بسعادة غامرة لأنها كانت تعتقد أن فارس يحبها مثلما تحبه هي وقد اتي ليطلب يدها للزواج 

كانت تشعر أنها كالفراشه التي تطير بفرحه حول الازهار 

كانت تشعر بأنها اميره جاء الأمير ليتزوجها 

كانت تشعر بأنها ستفقد عقلها من الفرحه 

انتهت من تناول الطعام وحملت الاطباق وقامت بغسلها وذهبت الي غرفتها وهي سعيده 

فرحه لنفسها وهي تنظر لسقف الغرفه:

_ انا بجد مش مصدقه نفسي سي فارس جاي يخطبني النهارده انا هموت من الفرحه ده طلع بيحبني زي ما بحبه يا احلي حاجه في حياتي بجد انا فرحانه اوي يارب 

وقامت بسرعه لتختار ما سترتديه عندما يأتي فارس أحلامها كما كانت تعتقد 

لم تكن تعلم ما ينتظرها من حزن هذه المسكينه الرقيقه التي لا تفعل أي شيء إلا لإسعاد من حولها 

******************************

في عياده الدكتور النفسي مؤيد الشناوي 

كان يجلس في مكتبه يفكر هل سيستطيع أن يذهب الي والد هذه الفتاه المريضه ويعالجها هناك ولكن عقله وقلبه وافقوا على ذلك لأنه طيب القلب ويحب مساعده الناس ولا يستطيع أن ينسي نظره الرجاء في عيني هذا الرجل الذي كان يترجاه أن يوافق علي علاجها لأنها ابنته الوحيده وليس له غيرها 

امسك مؤيد هاتفه واتصل علي النمرة التي أعطاها له ماهر ليتصل به إذا وافق 

كان ماهر يجلس بجانب ابنته التي لا تتكلم يحاول التخفيف عنها رن هاتفه فأمسك الموبايل بسرعه رأي اسم الدكتور مؤيد نهض بسرعه من جانب ابنته وخرج من الغرفه ورد عليه 

ماهر بتوتر منتظر رد مؤيد عليه :

_ السلام عليكم ازي حضرتك يا دكتور مؤيد 

مؤيد بإيجاب:

_ وعليكم السلام الحمدلله تمام حضرتك 

انا بتصل علشان اقول لحضرتك اني وافقت اجي اعالج بنتك 

ماهر بفرحه شديده:

_ بجد يا دكتور شكرا شكرا ليك بجد 

مؤيد بإبتسامه:

_ العفو ده واجبي حضرتك 

بس لازم اقولك علي الخطه اللي هنعملها علشان هي مش لازم تعرف اني دكتور اصلا 

ماهر بإهتمام:

_ تمام صح عندك حق بس ايه هي الخطه 

مؤيد بإيجاب:

_ مش هينفع اقول لحضرتك في الموبايل لازم نكون قاعدين قدام بعض علشان نعرف نتكلم 

ماهر بموافقه:

_ تمام تمام انا هاجي لحضرتك دلوقتي حالا 

مؤيد بإبتسامه:

اوكيه تمام هستني حضرتك 

أمر ماهر الخادمه بالاهتمام بمرام حتي يأتي هو وارتدي ملابسه وركب سيارته وانطلق بسرعه نحو عياده مؤيد 

وصل ماهر الي عياده مؤيد في وقت قصير ودلف الي الداخل 

ماهر وهو ينظر السكرتاريه:

_ لو سمحتي ممكن تدخل للدكتور ولا عنده حد 

السكرتاريه نورا:

_ مش حضرتك ماهر بيه ؟

ماهر بإيجاب:

_ اه انا 

السكرتاريه نورا:

_ ايوه حضرتك تقدر تتفضل دكتور مؤيد منتظرك جوه 

دلف ماهر الي الداخل وسلم علي مؤيد 

مؤيد :

علشان معطلش حضرتك انا هشرح لحضرتك الطريقه اللي هعالجها بيها 

ماهر بإهتمام :

_ تمام اتفضل انا سامع حضرتك

مؤيد وهو يشرح لماهر الطريقه أو الخطه بالأصح:

_انا هاجي عندك اكني ابن صاحبك القديم وكنت عايش بره ونزلت مصر لظروف طارئه ومعنديش بيت هنا في مصر وهستأذنك اني اقعد معاك لحد ما الاقي بيت وهبدأ انا بطريقتي اعالجها 

ماهر بإهتمام:

_ تمام جدا انا فهمت حضرتك 

حضرتك هتبدأ من أمتي 

مؤيد بإبتسامه:

_ إن شاء الله هاجي من بكره بس في أيام هبقي هنا في العيادة حضرتك هتقولها اني قعدت في شغلي ونمت هناك وكده 

ماهر وهو ينهض من علي كرسيه ويصافحه:

_ إن شاء الله يا دكتور بجد شكرا ليك جدا 

مؤيد بإبتسامه:

_ العفو علي ايه 

**********************

عند فارس كان في غرفته يرتدي ملابسه ليذهب مع والده اجبارا 

ارتدي فارس قميص اسود وبنطلون جينز وصفف شعره 

ولكن ملامحه كان غاضبه وقاسيه جدا 

كان يشعر بالحزن والضيق الشديد 

خرج من غرفته وجد والده جهز ووالدته ايضا 

الشناوي بإبتسامه:

_ خلاص جهزت يا فارس 

فارس بضيق:

_اه يا بابا خلاص 

الشناوي وهو يخرج من الشقه:

_ طيب يلا يا فارس يلا يا فاطمه 

نزل الجميع وركبوا السياره واتجهوا نحو بيت فرحه 

بعد وقت طويل وصلو الي هناك 

وطرقوا الباب 

فريد وهو يفتح الباب:

_ اهلا وسهلا نورتوا يا جماعه اتفضلو 

الشناوي بإبتسامه:

_ ده نورك يا اخويا عامل ايه واحشني بجد 

فريد :

وانت كمان والله يا حبيبي 

ازيك يا فارس عامل ايه 

فارس بضيق يخفيه:

_الحمدلله يا عمي كويس 

جلس الجميع وبدأوا بالحديث في مواضيع كثيره 

ووضعت لهم سعاد الكثير من الحلويات والمشروبات 

الشناوي بإبتسامه:

_ اومال فين فرحه مش شايفنها ليه 

فريد بإبتسامه:

_ اه صح ناديها يا سعاد هتلاقي بتلبس ولا حاجه انت عارف يا اخويا البنات بقا 

الشناوي بضحك:

_ هههههه عندك حق والله بس فرحه ما شاء الله بنت مفيش زيها ربنا يخليهالك يا فريد بجد 

دخلت سعاد علي فرحه 

سعاد :

_ يلا يا فرحه بتعملي ايه ده كله عايزينك بره 

فرحه بخجل:

_ مش عارفه بس مكسوفه اطلع يا امي 

سعاد بضحك:

_ لا يا حبيبتي متتكسفيش يلا انا هطلع معاكي 

خرجت فرحه مع والدتها 

فرحه بإحراج:

_ السلام عليكم 

الشناوي بإبتسامه:

_ وعليكم السلام فرحه حبيبتي عامله ايه وحشتينا خالص 

فرحه وهي تقبل يده:

_ ازيك يا خالو بجد حضرتك وحشتني اكتر 

وسلمت ايضا علي فاطمه 

فاطمه بسعاده:

_ ماشاء الله فرحه كبرت وبقت زي القمر 

فرحه بإبتسامه:

_ متشكره يا عمه 

فارس في سره :متشكره وعمه يارب ايه الواقعه السوده ديه 

فرحه بدون أن تصافحه:

_ازيك يا سي فارس 

فارس بضيق:

_ الحمدلله تمام 

فارس في نفسه :سي فارس كمان ارحمني يارب ده انا صحابي مش هيرحموني من التريقه لو شافوها 

لا وايه الفستان اللي لابساه فظيع شكله بلدي جدا ايه القرف ده انا لما اتجوزها همشي جمبها ازاي كده 

ظل الجميع يتحدثون حتي قال الشناوي :

_احنا جايين النهارده علشان نطلب ايد فرحه لفارس 

كانت فرحه ستطير من الفرحه 

بينما كان فارس يشعر بالضيق والغضب والحزن وكل شئ

فريد بسعاده:

_ واحنا اكيد موافقين مش هنلاقي احسن من فارس لبنتنا 

فارس لنفسه:

_ياريت كنتو لقيته حد احسن مني اوف 

سمعته فاطمه فوكزته وهي تهمس :

_ بس يا فارس لحسن الناس تسمعك 

فارس بضيق:

_ ماشي 

ياريتهم يسمعو اصلا 

كان فارس ينظر لفرحه نظرات احتقار من فوق لتحت 

لملابسها التي ليست علي الموضه وليست متحضره 

فرحه لنفسها :

_ هو بيبصلي كده ليه 

اه صح اكيد علشان الروج اللي ماما صممت احطه اوف شكلي اكيد عفريته 

الشناوي :

واحنا جايبين معانا الدبل وكل حاجه عارفين انكو هنا مش بتحبو الخطوبه وكده 

فريد بإبتسامه:

تمام يا اخويا كلك ذوق 

الشناوي بإبتسامه:

طيب يلا البسوا الدبل 

البست فاطمه فرحه الدبله وارتدي فارس دبلته بكل ضيق وحزن وغضب 

سعاد بفرحه :

الف مبروك لولولولولي 

كان الجميع سعيد جدا وقدموا الشربات والبيبسي بفرح 

وكانت فرحه سعيده جدا وتنظر لفارس نظرات فرح وحب 

كان هو يبادلها بإبتسامه مجامله فقط 

انتهت الحلقه رأيكم يهمني 😍 توقعاتكم للحلقه القادمه 

لا تنسو قراءه سوره الكهف والصلاة على سيدنا محمد 💖