الحلقه الثانيه من عذاب الروح
امام المستشفى كان سامر يكاد يركب عربيته حتى اوقفه احد من الخلف بوضع مسدس على ظهره واقترب من ودنه وهمس
:من غير مقاومه كدا وزى الشاطر امشى معانا
لينظر دكتور سامر حوله ليجد انه محاط بمجموعه من الرجال ذو عضلات كبيرة مرتدين ملابس سوداء ووجههم يخيف ونظراتهم قاتله ليرتعب سامر ويمشى معهم الى حيث عربيتهم ليتوجهو به الى احدى الاماكن
.................................
فى فيلا على الشافعى
استيقظت سارة من نومها لتجد نفسها فى غرفه لم تعتاد عليها لتنهض مفزوعه لتتذكر ما مرت به بالامس او بالأخص الاشهر الماضيه وما قضى عليها نهائيا هو ليلة امس لتصرخ بأعلى صوتها لتستيقظ هنا من نومها واللى سارة مخدتش بالها من الاول انها موجودة
هنا:مالك بس اهدى
لتنظر لها سارة وترتعب اكثر لتنهض من ع السرير سريعا وترجع الى الخلف ناسيه آلام رجلها
سارة برعب ودموع وهى تكتف يديها امام صدرها برعب :اانتى عايزة ايه منى
هناوهى تقترب منها :اهدى ياحبيبتى انا مش هضرك
سارة :ابعدى متقربيش منى فاهمه خليكى عندك
هنا:حاضر بس اهدى انا مش هضرك انا معاكى انتى هنا فى القاهرة متخافيش محدش هيضرك احنا حماكى بعد ربنا
سارة :انتى كدابه هما اللى بعتينك
هنا وهى تقترب: هما مين
سارة :قلتلك متقربيش انتى جايه تقتلينى صح
هنا:والله مبكدب طب هقولك حصل ازاى انتى كنتى بتجرى وبابا شافك وقلتيله انقذنى وهما هيقتلونى وخدنى بعيد وبعدين اغمى عليكى وجبناكى هنا
لتتذكر سارة ماحدث لتهدأ قليلا
سارة :يعنى انتى مش عايزة تقتلينى
هنا:وهقتلك ليه
سارة برعب:ولا حاجه
هنا :طب اهدى واطمنى ايه رأيك نبقى اخوات
لتنظر لها سارة نظرة من الصعب تحديدها فهى مخطلته بالكثير من المشاعر
هنا:خلاص طب تعالى اقعدى علشان رجلك بتنزف دم
لتنظر سارة الى رجلها لتتذكر آلامها لتتأوه وترفع رجل وتنزل رجل (عارفين الحركه دى لما تكونى واقفه ع السطح ف عز الشمس من غير شبشب بنعمل كدا اثناء ممارسه فيتامين الشمس☉🌝🌞 😂😂 )
لتجرى لها هنا تسندها
هنا:معلش تعالى اقعدى وسندتها لحد السرير وقعدتها
كانت سارة تتألم من كل انش فى جسمها
هنا:معلش هروح اجبلك ميه تحطى فيها رجلك
سارة بخوف وهى تمسك يدها :لا خليكى متسبنيش لوحدى
هنا:متخافيش المكان امان
سارة بخوف ورعب :لا متسبنيش
هنااخذتها فى حضنها :خلاص ادينى معاكى تعالى ننام الوقت ليل وبكرا الصبح نتكلم
سارة :اسمك ايه
هنا:انا هنا وانتى
سارة :اسمى سارة
هنا:تعالى ننام بقى
سارة :ماشى
............................
دخل ذالك الشاب الى الغرفه واخرج الحقنه من جيبه وملأها هو وكاد يحقنها لضيا ليتفاجأ بصوت خلفه ليلتفت الى الخلف فيجد ذالك الشاب يقف بثبات وعيونه قاتمه اللون يبدوا عليه التعصب
الشاب بخوف:انت مين
عمر:انا اخت اللى جاى تقتلها كمل شغلك
الشاب برعب:انا ملييش دعوة
عمر:هنعرف لينادم بصوته الجهورى لينتفض الشاب رعبا وزعرا من صوته
عمر:معتز
ليدخل معتز الغرفه ومعه دكتورة هناء
عمر:معتز خد الواد ده وانتى يادكتورة تعالى شوفى ضيا وحوشيلها التحاليل
هناء:ماشى وغادر معتز الغرفه بذالك الشاب تحت محاولاته للحديث مع عمر ولكن عمر اسكته بنظره حادة ليسكت تماما
هناء:هى بخير ممكن حضرتك تاخدها عادى
ليقترب عمر من ضيا وحملها بين يديه وخرج بها وخلفه هناء
🕶🕶🕶🕶👓👓👓👓
وصل عمر الفيلا وصعد الى غرفة ضيا ووضعها ع السرير
عمر :اتفضلى شوفيها وعلقيلها المحاليل وخليكى معاها النهارده وخلى بالك منها
هناء:متخفش ضيا ف عنيا
عمر:شكرا وتركها وذهب الى غرفته ليأخذ شاور ولبس بنطالون ازرق وتيشرت اسود وخرج من الفيلا وركب عربيته وغادر
................
فى بدروم احدى الفلل كان سامر وذالك الشاب مربوط كل منهم فى كرسى ولكن كل واحد فى غرفه ويبدوا على وجوههم انهم اخدوا نصيبهم
سامر بصوت عالى :انتو مين وعايزين منى ايه هتندموا جامد انتو متعرفوش انا مين
ليسمع صوت يعرفه عز المعرفه
عمر :هوووووووس مش عايز اسمع صوتك ليشير الى احدى الشباب لياتى له بكرسى ويجلس عليه بالعكس ويسند يداه على ظهر الكرسى
سامر:عمر بيه
عمر:امممم قولى بقى انت مين
سامر برعب من منظره :ا اااانا
عمر:احنا هنتهته متنطق عرفنى
سامر:انت جايبنى هنا ليه
عمر:عايز اتكلم معاك فى موضوع مهم
سامر:موضوع ايه وكان لازم تعمل اللى عملته ده
عمر وهو ينهض ويقترب منه ومسك شعره بين قبضة يده واقترب من ودنه وهمس مثل فحيح الافعى
عمر:اللى يمد ايده على اخت عمر الخلانى جزاته انه يتمنى الموت وميطلهوش هخليك هنا تموت بالبطئ زيك زى اى كلب فاهم
سامر :انت متعرفش ورايا مين
ليترك عمر رأسه وضحك ضحكته الرجوليه التى هزت المكان من حوله
عمر وهو يجلس على الكرسى بهدوء :بس رأفتا بيك هحكيلك حكايه
سامر بسخريه :قول
عمر:زمان من كام سنه كان فى ولد عنده اتناشر سنه كان بيربى اخته علشان اهلهم ماتو وفى مره الولد ده قابل النمر تعرفه
سامر بخوف فهو يعرفه عز المعرفه : لا
عمر :هعديها مع انى عارف انك كداب المهم النمر بقى كان مخلي كل كلب متخبى فى جحره خايف يطلع الواد ده قابله والنمر خده وعلمه كل حاجه يعنى فيك تقول كدا انى تلميذ النمر
سامر برعب :وانا مالى بالحكايه دى
عمر:انت فاهم اقصد ايه
سامر :عايز ايه
عمر:هسألك شويه اسألها وتجاوب عليها
سامر:هههههههه شكلك تلميذه الفاشل
عمر:اتلم احسنلك
سامر:مش انت تلميذ النمر عايزنى اجاوبك ليه مالنمر كان بيعرف كل حاجه لوحده مش يخطف علشان ياخدله كام معلومه
عمر:اممممممم لسانك طول وعايز يتقص مش كدا ليشير بيده الى رجل ليقترب منه رجل عملاق
عمر:شوف شغلك ليقترب ذالك الرجل من سامر وبيده كماشه
سامر وهو ينظر الى الكماشه فى يده :انت هتعمل ايه
لو قطعت لسانى مش هتعرف اى معلومه منى
عمر:تؤتؤ مهو مش هيقطعلك لسانك
سامر انصدم واترعب اكتر :هتعمل ايه
عمر :هيقطعلك صوابعك الحلوة اللى كنت بتمدها بتمسك بيها وش اختى وتهددها بيهم
سامر :سيبنى ياعمر هتندم مش هسيبك لينظر لذالك الذى يقف امامه
سامر :ابعد انت واقف جمبى كدا ليه قله يبعد ياعمر
لينظر الرجل الى عمر لينظر له عمر نظره فهمها ليمسك بيد سامر واخذ يقطع صوابعه وسط صراخه من الالم وكان عمر ينظر لهم بهدوء
عمر:خلصت
الرجل:ايوة ياباشا
عمر:تمام خلاص امشى انتى اقف هناك علشان لما نحتاجك
كان سامر يصرخ من المه فهاهو أصبح بدون صوابع يده
عمر:طيب همشى انا لما يهدى رنو عليها
سامر وسط المه: هندمك ياعمر هتدفع التمن غالى اختك زمانها ماتت هههههههههه
عمر وهو يمط شفتيه :غبى غبى اختى فى بيتى
لينظر سامر بصدمه
عمر :ايه اتصدمت ليشير بيده ليدخل الشاب الغرفه ليرمى على الارض
عمر :ايه رأيك
سامر :هتندم مش هسيبك ياعمر هدفعك التمن غالى هحرق قلبك ياعمر
عمر :اتكلم على كدك وبعدين مين قلك انك هتخرج من هنا اصلا
سامر :قصدك ايه
عمر :شكل قطيع صوابعك خلاك تنسى بسرعه ياحبيبى انت هتخرج من هنا ع قبرك على طول
هنا دخل مراد ليجد صوابع سامر ملقاه على الارض وهناك دم كتير لينظر الى عمر بصدمه
مراد :عمر انت عملت ايه
عمر :عملت ايه دا جزء من اللى عمله ف اختى وحق الناس الابرياء اللى خد اعضاءهم وباعها
مراد : بس مش كدا
عمر :عندك حق لسه فى باقى حق اختى وحق البنات اللى باعها وحق ثم نظر الى سامر هاه اكمل ولا خلاص
سامر :لو كنت شادد ضهرك بالنمر تبقى غلطان فالنمر انت مش النمر ياعمر انت مش النمر ولا هتكون ف يوم ف ذكاءه عارف ليه لأن النمر اذكى منك مية مرة بيحسب الخطوة الف مرة قبل ميخطيها اما انتى غبى بالنسبه للنمر لو انت تلميذ النمر فعلا وشربته مكنتش خطفتنى او جبتنى هنا لان النمر رغم كرهى ليه بس بحترمه جدا شخص كدا نضيف وذكى ميتاخدش عليه غلطه كان بيعرف الحاجه قبل متحصل كان ليه عين فى كل حته اما انتى لولا هناء الكلب مكنتش عرفت حاجه وكان زمانك نايم ف العسل
عمر :مش هرد عليك عارفك مجروح بس هقولك كلمه واسمعها كويس اوى
اختى ضيا مكنتش تعبانه ولا حاجه اصلها كانت خطه النمر ليضحك بصوت عالى ارتج له المكان وخرج ترك الجميع فى صدمه عارمه ليتحرك مراد ومعتز خلفه ليفهمو ذالك وتركوا سامر فى صدمته وألمه واخذ احد الرجال الشاب الى غرفته مرة اخرى واغلقوا عليهم الأبواب
......................
مراد :عمر عمر
ليلتفت له عمر
عمر :نعم
مراد :فهمنا معناه ايه الكلام اللى قولته وطلعت ده
عمر :تعالى المديريه وهتفهم كل حاجه بس بكرا الصبح علشان عايز انام
مراد :ماشى ليركب ثلاثتهم كل واحد عربيته ويغادرو المكان
...................
فى فيلا الخلانى
صعد عمر الدرج ووقف امام غرفه اخته ليدق الباب لياتيه صوتها تسمح له بالدخول ليفتح الباب ودخل خطوتين الى الغرفه لتجرى عليه ضيا تحتضنه ليضمها هو اليه
ضيا:وحشتنى اوى ياعمر
عمر:وانتى وحشتينى اوى سامحينى ع اللى عمله فيكى الكلب ساهر بس انا زعلان منك
ضيا :ليه ياعمر
عمر:علشان مقلتليش ان الكلب ساهر بيضربك
ضيا:اسفه ياعمر بس مقلتلكش علشان كنت هتوقف المهمه
عمر:خلاص نامى دلوقت وريحى نفسك وبكرا نتكلم
ضيا :ماشى تصبح على خير
عمر:وانتى من اهل الخير
ثم التفت الى هذه الجالسه بصمت
عمر:شكرا يادكتورة هناء تعبناكى معانا
هناء:لا مفيش تعب
عمر:يلا روحو نامو
هناء:ههههههه ماشى ياابيه عمر
عمر:هناء لمى نفسك خدتى عليا جامد اليومين دول
ضيا:ابيع عمر مش كدا
عمر:والله عال صوتك على عليا ياست ضيا
ضيا:اخويا حبيبى وبهزر معاه الله كانت تقول ذالك وهى متجهه للسرير ونامت عليه وغطت نفسها كانت تفعل ذالك بطريقه مضحكه ليضحك عليها عمر وهناء معا ليغادر عمر الغرفه ليحدث نفسه :كاان عندى مجنونه واحدة اروح اتبلى بالتانيه ربنا يسامحك ياحازم ببه فعلا نمر عبالى يارب ثم دخل غرفته ونام
.................
فى صباح يوم جديد استيقظت سارة من نومها لتجد هنا بجانبها نائمه
سارة :وهى تنظر لها هى قالتلى اسمها ايه
هنا :اسمى هنا لحقتى تنسيه
لتنفزع سارة منها
سارة :بسم الله الرحمن الرحيم
هنا:ايه شوفتى عفريت
سارة وهى واضعه يدها على صدرها تهدأ من روعه :خضتينى ياهنا
هنا:سلامتك من الخضه طب يلا بينا نروح اوضتى ناخد شاور وننزل نفطر
سارة :لا انا هقعد هنا
هنا:ليه متخافيش البيت امان
سارة وهى تنظر الى رجلها بحزن ووجع مع الخوف من باقى العائله
هنا:معلش والله نسيت خالص خلاص نفطر انا وانتى هنا ماشى
سارة :مليييش نفس ياهنا
هنا:لا لازم تاكلى علشان تشربى العلاج والدكتورة زمانها جايه لازم تاخدى شاور قبل متيجى انا هروح اجيبلك لبس من اوضتى وهقول لسهيله تجبلنا الفطار هنا
سارة :بس متتأخريش عليا
هنا :فوريرة متخافيش
سارة :ماشى
هنا :وعد
سارة :وعد
................
فيلا الخلانى
كان عمر جالس على قمة الصفرة وكانت ضيا وهناء جالسين بجانب بعض
هناء بهمس :هو اخوكى ضارب بوز كدا ليه
ضيا:علشان خبيت عليه ان الزفت بيضربنى
هناء:مهو مشى امبارح وكان بيهزر عادى
ضيا :عمر مببزعلش حد قبل النوم عنده عقده
هناء:عقدة ايه
كادت ضيا ترد ولكن ارعبهم ذالك الصوت التى هز المكان
عمر بجمود :خلصتوا همس لبعض عليا ونظر لضيا قائلا وبعدين انتى حسابك معايا بعدين على اللى عملتيه ثم وجه حديثه الى هناء وانتى ياريت متحشريش نفسك فى حاجات متخصكيش علشان متزعليش ثم هب واقفا
عمر بجمود اكثر :انا رايح الشغل لو عرفت ان حد فيكم حاول يخرج من الباب ده ثم اشار الى باب الفيلا الداخلى
ضيا :حتى الجنينه ممنوعه
عمر :حاليا ايوة ممنوعه ياضيا هانم
ضيا وهى تقترب منه :خلاص بقى ياابيه عمر انت عارف مبقدرش على زعلك وتجمعت الدموع فى عيونها
عمر ووضع وجهها بين يديه وبأبهامه مسح دموعها
عمر :خلاص ياضيا متبكيش بقى
ضيا :قولى انك سامحتنى
عمر :ماشى ياضيا هسامحك بس بشرط
ضيا :قول
عمر :توعدينى متخبيش عنى حاجه تانى
ضيا :ماشى
عمر :اوعددددى
ضيا :بس لو حاجه تخصنى اوعدك بكدا
عمر :توعدينى انك تقوليلى اى حاجه تسببلك الاذى ولو شكة دبوس
ضيا :اوعدك خلاص كدا
عمر :ضيا انتى بنتى قبل متكونى اختى انا اللى ربيتك وبخاف عليكى من الهوا
ضيا :ربنا ميحرمنيش منك لتحتضنه ليحتضنها هو ايضا فقد اشتاق لحضنها وصوتها وحركاتها الطفوليه
😎😎😎😎😎😎😎😎😎😎لسه ياما هتتفاجأوا رأيكم وتوقعاتكم
وبكرا ان شاء الله هفهمكم الموضوع تصبحو على خير مين فاكر حازم يابنات واوعوا تنسو مروان دا بطل اساسى اساسى فى الروايه بس لسه مجاش دوره
للناس اللى اول مرة تتابعنى النمر ده بطل روايتى خضوعى لقسوته رأيكم يابنات وتوقعاتكم
تعليقات
إرسال تعليق