الحلقة_الأولى رواية_جاسر_وحياة بقلم الكاتبة_ملك_إبراهيم حصريه وجديده

 الحلقة_الأولى رواية_جاسر_وحياة بقلم الكاتبة_ملك_إبراهيم  حصريه وجديده 

الحلقة_الأولى رواية_جاسر_وحياة بقلم الكاتبة_ملك_إبراهيم  حصريه وجديده 

"نزلت من بيتها الساعة 6 الصباح عشان تروح الجامعة" 

في نفس الوقت كانت فيه مطاردة جامدة بين الشرطة وشوية مجر..مين في المنطقه اللي هي ساكنه فيها.

الشرطة قدروا يقبضوا عليهم كلهم.

بس في واحد منهم قدر يهرب.

والظابط المسؤول عن الحملة ماسبوش يهرب بالساهل كده وفضل يجري وراه في الشوارع لحد ما دخلوا منطقة شعبية سكنية.

وكان الظابط خلاص قرب يمسكه بس المجر..م ده لقى بنت خارجة من بيتها فمسكها بسرعة ووقف وراها وهو حاطط سلا.. حه في نص راسها وبص للظابط وتكلم بكل قوة : " سيبني يا باشا أمشي واروح لحالي وانا اسيبها تعيش "

بصله الظابط وابتسم بسخرية وهو بيكلمه بحدة وقوة : " دا علي أساس انها مراتي ياروح أمك وهخاف عليها.. دا انا اقتـ.. لك واقـ.. تلها دلوقتي حالا "

البنت بصتله بصدمة ور..عب وهي شايفه الظابط بيرفع سلا.. حه وبيوجهه عليها هي.

بس خوفها ماكانش أقل من خوف المجر..م ده اللي اتأكد إن الظابط مش بيهزر وهو فعلا هيضر..ب نار عليهم هو واللي مستخبي وراها.

الظابط استغل قلقه وخوفه وضر. ب رصا صه على ايده اللي كان ماسك بيها البنت.

البنت بصتله بصدمة بعد ما شافت الرصا صة وهي طالعة من سلا.. حه بكل ثقة ومن غير ما يهتم.

لقت ايد المجر.. م ده بترخي من عليها بشويش.

ومن وراها جه شوية من رجالة الشرطة ومسكوا المجر.. م ده وخدوه بسرعة ووقف الظابط ده يبصلها كام لحظة بس مشي بسرعة من قدامها بكل برود ولا كأنه عمل حاجة.

البنت حاولت تقف على رجليها بس كانت خلاص هتقع من طولها وهتفقد الوعي. 

دخلت بيتها تاني ببطء وهي بتخبط على الباب بتعب.

والدتها الست كريمة فتحتلها وصر.. خت بعلو صوتها لما لقت بنتها بتقع قدامها وبيغمى عليها.

رواية جاسر وحياة بقلمي ملك إبراهيم. 

دخل مديرية الأمن بكل ثقة وغرور وهو لابس نضارته الشمس اللي مدياله هيبة فوق هيبته وكان رايح على مكتبه وهو عمال يستقبل تهاني من كل افراد الشرطة.

الكل كان بيهنيه على نجاحه الدايم في القبض على المجر..مين فهو معروف دايما انه لو طلع في حملة يقبض على مجر..مين ومسجلين بيرجع بيهم كلهم وماحدش يقدر يهرب منه، ازاي حد يقدر يهرب منه وهو.

جاسر الشافعي.

أهم وأقوى رجالة الشرطة اللي معروف بذكائه وقوته، وقلبه مايعرفش يعني ايه تعاطف فهو دايما بينفذ القانون ومابيعترفش بكلمة روح القانون.

أخد ترقيات بسرعة وفي فترات قليلة من ساعة ما دخل الشرطة لنجاحه الدايم في كل مهمة بيتكلف بيها.

دخل مكتبه وقعد بثقة وبعد لحظات قليلة دخل ظابط صاحبه اسمه هيثم وكلمه وهو بيهنيه زي الباقيين : " الف مبروك يا وحش الدخلية دايما رافع راسنا "

ابتسم له جاسر و رد عليه بثقة : " يا بني دي اقل حاجه عندي "

ابتسم هيثم وهو بيهز راسه واتكلم بتأكيد : " طبعا طول عمرك وحش من أيام الكلية المهم قبل ما نسى عصام بيه عايزك في مكتبه "

بصله جاسر باستغراب واتكلم بتساؤل : " عايزني ليه "

هز هيثم كتافه بعدم معرفة وهو بيتكلم : " معرفش هو سأل عنك ولما عرف ان انت خرجت في حملة للقبض علي مسجلين طلب انك تروحله مكتبه اول ما ترجع "

قام جاسر من مكانه وهو رايح للعميد عشان يعرف هو عايزه في ايه.

بعد لحظات قليلة دخل جاسر مكتب العميد بعد ما ألقى التحية وقعد قدامه باحترام بعد ما أذن له.

العميد ابتسمله واتكلم بثقة : " مبروك يا سيادة الرائد دايما بتتفوق علي نفسك "

ابتسم له جاسر واتكلم بثقة : " تلاميذك يا فندم وكلنا بنتعلم من حضرتك "

العميد ابتسم برضا وهو بيتكلم بثقة : " انت فعلا دايما متفوق يا جاسر ودا اللي شجعني اكلفك بالقضية الجديده "

بصله جاسر بحماس وهو مستني يكمل باقي كلامه.

العميد : القضية تجارة مخد.. رات وتجارة اعضـ... اء 

بصله جاسر بحماس كبير وهو سامع باقي التفاصيل.

العميد : الملف دا فيه معلومات عن ناس متورطه في القضيه دي والمطلوب منك القبض عليهم وعلي كل الافراد اللي تبعهم في حالة تلبس وفي اسرع وقت ممكن. 

أخد جاسر الملف وهو واقف من مكانه واتكلم باحترام : " تمام يا فندم انا هاخد الملف وهبدء شغل في القضيه حالا "

ابتسمله العميد وهو بيهز راسه بثقة وسمح له انه يمشي.

جاسر أخد الملف ودخل على مكتبه وقعد عليه وطلب فنجان قهوة عشان يعرف يركز.

وفتح الملف وشاف حاجة خلته يقوم من مكانه مصدوم لما قرأ أسم المتهم الأول. 

رواية جاسر وحياة بقلمي ملك إبراهيم. 

عند حياة. 

الست كريمة دخلت لبنتها اللي نايمة على السرير بخوف بعد ما فاقت من الاغماء.

حطت جنب السرير طبق شوربة خضار دافية وحطت ايدها على جبين بنتها.

البنت عيطت واترمت في حضن والدتها وهي بتتكلم بخوف : " كان هيقـ..تلني يا ماما رفع السلا.. ح وضرب الر..صاص قدام عنيا انا شوفت الر..صاصه وهي بتعدي من جنبي وجت في ايد المجر..م اللي كان ماسكني "

والدتها بصتلها بحزن وهي بتطبطب على ضهرها واتكلمت بحنان : " معلش يا حياه ياحبيبتي دا ظابط يا بنتي ودا شغله واكيد هو عارف هو بيعمل ايه "

بعدت عنها حياة وهي بتبص لوالدتها واتكلمت بغضب : " لا يا ماما بس دا مايسمحلوش انه يرعبني ويخوفني كدا ، شغله دا يعمله مع المجر..مين مش معايا انا "

والدتها ابتسمتلها بحب وهي بتكلمها بعقل : " يا قلب ماما وهو كان هيعمل ايه؟ مش المجر..م دا هو اللي مسكك واتحامى فيكي ودا ظابط واكيد عارف ان اللي هو عمله دا هو التصرف الصح "

حياة اعترضت على كلام والدتها واتكلمت مرة تانية وهي حاسة بغضب كبير ناحية الظابط القاسي من وجهة نظرها : " يا ماما بقولك عينه كانت في عيني وهو بيقوله دا انا اقتـ..لك انت وهي "

والدتها ابتسمت وضمتها ليها مرة تانية واتكلمت بحنان : " خلاص يا حياة اللي حصل حصل والحمد لله يا حبيبتي انها جت علي قد كدا المهم تنسي الموضوع دا خالص وتركزي في كليتك وبس وحاولي تذاكري النهارده وتستفادي من اليوم اللي ضاع عليكي ومقدرتيش تروحي كليتك بعد اللي حصل "

حياة هزت راسها بموافقة على كلام والدتها وهي بتحاول تبعد تفكيرها وغضبها عن الظابط القاسي زي ما لقبته.

وردت على والدتها بابتسامة : " حاضر يا ماما انا هذاكر وانام شويه عشان اقدر اروح الشغل بليل "

والدتها بصتلها واتكلمت بحزن : " يا حبيبتي بلاش شغل النهاردة انتي تعبانه "

ردت عليها حياه بابتسامة : " الحمدلله يا ماما انا بقيت كويسه ماتقلقيش وبعدين انا ماينفعش اغيب ولو يوم واحد ، حضرتك عارفه ان صاحب المطعم مش بيرحم وبيخصم اليوم بيومين "

والدتها بصتلها بحزن على تحملها كل المسؤولية دي وهي لسه صغيرة وكانت بتتمنى لو ماكانتش عيانة كانت اشتغلت هي وشالت الحمل عن بنتها بس هي عارفة ان ماحدش هيرضى يشغلها وهي بمرضها ده وماتقدرش تعمل اي شغل.

حياه ابتسمت لوالدتها وهي عارفة هي بتفكر في ايه عشان كده قربت منها وباستها واتكلمت بحب وهي بتدخل في حضن والدتها : " ربنا يخليكي ليا يا ماما انتي اجمل واغلى حاجه في حياتي "

والدتها ابتسمت وضمتها ليها جامد وهي بتدعي ربنا انه يحفظها ويحميها من أي مكروه.

رواية جاسر وحياة بقلمي ملك إبراهيم

عند جاسر. 

جاسر اتجه بسرعة لمكتب العميد مرة تانية، ولقاه مستنيه وهو بيبتسم.

بصله جاسر بعدم فهم وهو بيسأله بهدوء : " يعني ايه !! يعني حضرتك كنت عارف اللي في الملف وعارف اني هرجع لحضرتك تاني "

العميد هز راسه بثقة وهو بيطلب منه يقعد.

جاسر قعد قدامه وهو مش مصدق اللي بيحصل دلوقتي وبص للعميد بتركيز شديد وهو بيسمع كلامه.

العميد اتكلم بتأكيد : " ايوا يا جاسر انا كنت عارف انك هترجع تاني بعد ماتقراء ملف التحريات وتعرف ان حماك والد خطيبتك هو اول المتورطين في القضية دي ".... بقلمي ملك إبراهيم.

.... يتبع

مين هيتابع معايا الرواية القمر دي 😍

حضرة الظابط جاسر الشافعي والأميرة حياة🙈

حضرة الظابط خوف بنتنا كده من اولها🤔

أثبتوا وجودكم وشجعووووني عشان نكملها ♥️

ومتنسوش التفاعل بعد القراءة حبايبي 🌹