مش هتجوزها مش عايز اتجوزها

مش هتجوزها مش عايز اتجوزها

 "بس أنا عايزة اتجوزه يا جدي... ده أنا بنام وبحلم بيه! فيه حد عاقل يجيله واحد بعيون رمادي وغمازات ويرفضه?!" قولتها وأنا ببصله وبارمشه بعيني وبغمزله.

اتغاظ عمر وقال بـغـضـب: ـ "شايف يا جدي بتبصلي إزاي؟! دي واحدة معندهاش خجل! إزاي عايزني اتجوزها؟! دي اللي هتربيلي عيالي?!"

قربت منه وقولت بدلع: ـ "هنربيهم سوا يا عمري!"

الجد بحزم: ـ "كرمة.. استني شوية."

ـ "حاضر يا جدي."

بص جدي لعمر وقال بنبرة قاطعة: ـ "عمر.. ملكش اختيار! أنت هتتجوز كرمة، مش هسمحلك تغلط غلط أبوك وتتجوز واحدة من برة العيلة وأقل من مستوانا... وهي البنت راضية بيك، لاما كده لاما لم هدومك واطلع برة بيتي، وعيادتك اللي أنا عاملها هاخدها!"

مشي جدي، فقعدت على الأنتريه وأنا حاطة رجل على رجل وقعدت أغني بروقان. 

فجأة مسكني عمر من هدومي وقال بـعـصـبـيـة: ـ "وليكي نفس تغني كمان؟! ده أنا هقطع خبرك!"

ـ "عمر عمر متتهورش! مفيش راجل محترم هيتعامل كده مع خطيبته اللي هي هتبقى مراته أم عياله."

ـ "انتي يا ست معندكيش دـ،ـم?!"

ـ "ولا إحساس وحياتك!"

ـ "ده انتي زيرو كرامة خالص على كده!"

حطيت راسي على كتفه وقولت: ـ "شطبت كلمة كرامة من قاموسي لما حبيتك يا سيدي يا أبو عيون جريئة!"

بصلي بـغـضـب، فقولت: ـ "متبصليش كده هحبك أكتر وأنا مش ناقصة!"

ـ "انتي مبتحبنيش يا كرمة... انتي بس همك الفلوس اللي جدك هيكتبهالك لما تتجوزيني!"

بعدت وقولت بجدية: ـ "ما أنت ذكي أهو... أومال بتتصرف زي الغبي من الصبح ليه؟! ببساطة احنا شبه بعض، أبوك رماك لجدك وأمي كمان عشان تتجوز رمتني، لولاه كنا هنعيش في الشارع.. أنا دخلت في السابعة والعشرين ومش مؤمنة بالحب، وناوية اتجوز جواز تقليدي.. وأنت حلو ووسيم ودكتور قد الدنيا، صحيح عيادتك بفلوس جدك بس مقدرش أنكر أنك ناجح وشاطر... وأنا جميلة، جوازنا هيكون مثالي فيه احترام وثقة ومودة بس مش حب... زود إننا هنعيش في الثروة دي لوحدنا وبكده نأمن مستقبل عيالنا، قولك إيه يا عمري؟"

ـ "مستحيل!... أنا مش بحبك ومستحيل اتجوز بالطريقة دي... مستحيل! انتي مفروض لو عندك كرامة متقبليش بواحد مش عايزك!"

ـ "وأنا كمان مش بحبك يا عمر، بس هتجوزك برضاك... مش هتخلي عن الثروة دي عشان واحد عايش في أوهام الحب.. حبيبي الحب مش موجود دي مجرد خرافة!"

ـ "مين قالك؟! أنا بحب واحدة على فكرة وناوي اتجوزها!"

ـ "سها صح؟"

بصلي بـصـد مـة، فضحكت وقولت: ـ "أنا عارفة، كنت بشوف نظراتك ليها... أنت معجب بيها بس مكانش عندك الشجاعة عشان تعترفلها، وأهي هتتخطب! عشان كده بقولك أنا الأحسن ليك يا عمري."

ـ "برضه لا يا كرمة! لو كنتي آخر واحدة في الكون مش هتجوزك... ولو عايز يطردني يطردني عادي!"

راح عمر لغرفة جدي وهو متعصب، جريت وراه ومسكت إيده بسرعة! خرج جدي فجأة، فبعدت عن عمر المـصـد و م وصرخت بدموع تمثيلية: ـ "جدي! عمر كان بيـ،ـضـا،ـيـ،ـقني!"

عمر بذهول وصدمة شلت لسانه: ـ "نعم يختي?!"❤️