روايه عشقي الابدي الفصل الاول حتى الفصل التاسع حصريه وجديده
روايه عشقي الابدي الفصل الاول حتى الفصل التاسع حصريه وجديده
في احد الاحياء الراقيه في مبني ضخم جدا
تظنه للمره الاؤلي احد المولات التجاريه الضخمه
ولكنه المبني الاداري لإمبراطوريه الألفي
اكبر شركااات المقاولات في الشرق الأوسط بلا منافس
ولا منااازع
كانت الشركه في حاله من الاستعداد والمموظفين
في حاله من تحضير نفسهم أوراقهم واستعدادهم
لاستقبال المالك والمدير الاساسي لشركات الالفي
وأخيراً وصلت سياره ضخمه جدااا يتبعها
سياره اخري مليئه بالرجال الحراسه ال نزلوا
بسرعه كبيره جدااا وفتحوا باب العربيه الضخمه
وينزل شاب وسيم قاسي الملامح ممشوق القوام
رياضي الجسد ليدخل شركته في هيبته المعهوده
الحابسه للأنفاس والخاطفه للأنظاار
ولما لا فهو حازم عز الدين الالفي المالك الأساسي الامبراطوريه الالفي
حازم دخل في هيبته المعروفه لشركته وتوقف الموظفين لحظه دخوله وتوففت الهمسات بين الموظفين وتبقي الصمت هو السائد بينهم كان الكل واقف في
استعداد واحترام لمديرهم الأساسي
حازم دخل بنظره سريعه علي كل الموظفين
ووصل عند الاسانسير الاساسي لرئيس مجلس الادراه
وطلع لغايط مكتبه ال بيتواجد في الدور الاخير
من الشركه دخل بهيبته لمكتبه وقعد علي مكتبه الضخم
يباشر اعماله بجديه كعادته لغايط اما قاطعه خبط ع الباب
حازم بجاديه/ ادخل
جميله/ اتفضل يابشمهندس حازم دي الفيلات ال حضرتك طبتها ودي الفلاشه بشمهندس عمر سابها لحضرتك امبارح
حازم/ تمام اتفضلي انت
جميله اتحركت ووقفت لما حازم ندهلها تأتي
جميله/ نعم يابشمهندس
حازم/ هو بشمهندس عمر لسه موصلش
جميله/ لسه يافندم
حازم/ تمام ابعتيلي القهوه بتاعتي
حازم كمل شغله وخلال ساعتين كان عمر وصل
وعمر هو الصاحب الاقرب والوحيد لحازم
حازم بص للملفات ال جميله جابتها ورفع راسه ونده لجميله بصوت زي الرعد
جميله دخلت بخووف/ نعم يافندم
حازم/ في ظرف ثانيه تجيبي المهندس المسؤل عن المشروع ده
جميله بصتله بخوف/ حاضر يافندم
جميله خرجت بسرعه وفي ظرف دقايق استدعت المهندس المسؤول وخبط ودخل لحازم
حازم بغضب وبصوت زي الرعد/ اي ال انت مهببه ده ممكن تفهمني
الموظف/ يافندم انا مش زنبي
حازم بزعيق/ مش زنبك انك موقف مشروع هيتسلم كمان عشر ايام
الموظف كان لسه هيتكلم بس اتفزع من خبطه حازم ع المكتب وصوته ونظرته الجاده... انا مش عايز اسمع اي تبرير في خلال ٩ ايام المشروع ده يخلص وإلا انت عارف انا ممكن اعمل اي اتفضل علي شغلك
الموظف خرج وحازم قعد يكمل شغله وبعد وقت كبير
عمر دخل علي حازم من غير مايستأذن ولا يخبط
وحازم بصله ورفع حاجبه علي حركه عمر
عمر/ صباحوووو يازومااا
حازم/ زومااا جرا اي يلا واي ال جايبك متأخر ان شاء الله
عمر بتمثيل التعب/ اخوووووك تعبااان ياحاااازم متعرفش انا بتعب قد اي في الصفقات دي
حازم بصله وسكت وبعدين قام قعد قدامه وحط رجل علي رجل وضحك... صفقات اي بقه ضفقاتك في بار
سوزي ولا صفقاتك ال في شقه الاؤنس والفرفشه
ال كنت فيها لوش الفجر
عمر / انت مش هتبطل تراقبني ولا اي ياحازم
حازم/ لا طبعاً مش هبطل لغايط اما تضبط كده
وتلتفت لشغلك وفلوسك
عمر / مانت موجود اهو وانا مأمنك ع نفسي مش فلوسي
حازم بضحك/ وانت مراتي يلا مالك كده انت سكران ولا اي
عمر بضحك/ اسكت ياحازم ده انا كنت مع مزه انباررح ياخراااابي ع الدلع والجمال والاؤنثه حاجه كده تفتح النفس
حازم بصله بتنهيده ... ربنا يهديك ياعمر انا مش عارف
انا ال مصبرني عليك بجد
عمر بضحك/ مش عارف علشان صاحب عمرك وعلشان مليش غيرك يا صاحبي
حازم/ في دي عندك حق وانا كمان مليش غيرك
عمر/ ياعني انا ال ليا غيرك منا مقطوع ذيك اهو
فاكر ياحازم زمان كنا مبسوطين اوي اوي
حازم بحزن/ هي الايام بتتنسي ياعمر فاكر كل حاجه
وفاكر ان لولا ابوك علمني ودخلني الجامعه كنت ضعت
وكنت ضيعت شركه ابويا
عمر بحزن/ الله يرحمهم كلهم ياحازم انا ابويا
كان بيحب ابوك اوي كان بيعزه بالرغم ان كان بيشتغل
ياعني عندكم
حازم قام بسرعه لعمر وسكته ... متقولش بيشتغل
عندنا دي انت والدك كان الكل في الكل في الشركه
انت ناسي ان بعد ماابويا وامي اتقتلوا
فضل خمس سنين ممشي الشركه وموقفها ع رجلها
عمر / واهو هو كمان اتقتل
حازم بص لعمر وعيونه كلها شررر.. صدقني ياعمررر
صدقني هنتقم لموتهم بطريقه تشفي كل الحزن
ال حسينه هاخد بالتاااار ياعمر بس الصبر
عمر/ وانا معاك يا صاحبي
حازم/ طيب يابشمهمدس عمر ممكن تتفضل تشوف
شغلك علشان انت متاخر ساعتين ورغي ساعه
صدقني كده كتير بجد
عمر/ ياساتر عليكككك مسكها لي بالساعه فكها شويه
يازوماااا
حازم/ ع مكتبك بسرعهههه
عمر مشي خطويتين ورجع تاني..
بقولك متسبلي المشروع ال في الشريك الروسي ده
حازم / لأ
عمر بطفوله/ والنبي والنبي البت صاروخ سبهالي
وانا هطلعلك أخلي شغللللل
حازم/ يلا ركز في الشغل شويه
عمر/ قولي يابشمهندس مهو مش معقول خمس سنين هندسه وتقولي يلااا سيبلي المشروع الروسي بقه
وافقت اوكي يااحلي حازم هاخد الفلاشه من جوجو
تيك يير ياحازم
عمر خرج وبص لحازم وضحك
- ربنا يهديك ياعمر بجد
حازم كان بيحب عمر جداااا زي اخوه واكتر كانوا جيران وهما صغيرين وعمر٩دايما بيعتمد علي حازم في كل حاجه وحازم برضو بيعتمد علي عمر بالرغم من استهتاره وعلاقاته النسائيه ال ملهاش اخر من اول بس عمر كان مهندس شاطر جداا جداا جداا في شغله وبيخلص اي صفقه في ثواني وخصوصي لو فيها ستات
في مكتب جميله
- صباحووو ياجوجو ياقمر
جميله بضحك/ صباح النور يابشمهندس
عمر/ عايز كل الملفات بتاعت الصفقه الروسيه
تبقي ع مكتبي ومعاهم فنجال قهوه مضبوط من ايدك الحلوه دي وسندوتشين كده دلعي اخوكي بقه
جميله بضحك/ حاضر يابشمهندس
عمر مشي ورجع لجميله تأني ..
انتي محلوه كده ليه النهارده رايحه تقابلي خطيبك ولا اي
جميله بكسوف/ حضرتك عرفت منين
عمر بضحك/ ده انا بابااا يابنتي انتوا كده تفضلوا مصدرين الوش الخشب واول متشوفوا قره عنيكم
تبقوا مزز كده يلا بقه بلاش لككك هخصملككك
جميله/ لا في عرضك انا ورايا مصاريف كتييير
عمر راح ع مكتبه علشان يشوف شغله بقه
وفعلاً بدأ يشتغل كتير وبعدين بص في ساعته
وقام بسرعه لمكتب حازم زلقاه مش موجود
عمر بضيقه/ كل مره اقوله استناني مش عارفه ماله بصراحه دايما يروح لوحده غريب حازم ده
في احد المقابر في مدينه القاهره مقابر عائله الألفي
كان حازم قاعد قدام قبر ابوه وامه وبيفتكر
حياته معاهم ودموعه نزلت من غير ميحس
فلااااش بااااك
صفاء والده حازم... مش معقول ياعز هتودينا اسكندريه اكيد
عز/مش حازم عايز يروح واحنا عندنا كام حااازم
حاااز/ يعيييش بابا أخيرا بقه هنصيف ده انا صحابي
بيسافروا كل سنه وانا ببقي نفسي اسافر زيهم
عز/ اديك هتسافر يابطل الحمدلله كسبت صفقه
كبيره اوي اوي وهنحتفل اي رايك بقه
حازم/ شاطر يابابا انا عايز ابقي مهندس شاطر ذيك كده
عز/ هتبقي اشطر مني ان شاء الله انا عايز شركه الالفي دي تبقي اكبر شركه في مصر
حازم/ اوعدك يابابا هتبقي اكبر شركه في العام
عز حضن ابنه وكلهم اتحركوا وسافروا وحازم كان
فرحاان جدااا جدااا وقضوا كذا يوم
وفي يوم حازم كان بيلعب قدام الشاليه واتفاجأ بناس
داخله الشاليه بتاعهم جري استخبي وبص من بعيد٨
وفجأه شاف الناس بتضرب نار علي ابوه وامه
حازم كان واقف مصدووم ومش عارف يتحرك خاايف
واحد من الواقفين بص لابو حازم وهو بيطلع في الروح
- علشان تحرم تاخد صفقه مش ليييك تاني يلا يارجاله
حازم جري علي ابوه وامه وابوه كان بيموووت
عز بتعب/ اتصل بعمك احمد ابو عمر خليه يجي ياخدك ياحازم
حازم٩بص لابوه بعيااااط/ بابااااااا متسبنيييييش
متسبنييييييش
باااااك
حازم فاق من شروده ع صوت عمر
عمر/ مش هتبطل بقه حراكاتك دي مش قولتلك ميت
مره قولي علشان نيجي نعيط سوااا ونعمل الواجد
منظري اي قدام عمي وطنك عايزهم يقولوا عليا واطي
حازم ابتسم بحزن وحضن عمر جاامد
عمر/ انسي بقه شويه ياحازم مش معقول كل مره بتيجي هنا بتنهااار كده حرام عليك نفسك الموت علينا حق
حازم بغلل/ نفسي ياعمر بس مش قادر قبل منتقم ليهم علشان يناموا في سلام
عمر بحب/ هننتقم ياحازم والله هناخد حقهم اكيد
يلا نقوم الوقت اتأخر الساعه داخله علي ١٢ بليل
يلا احسن يطلعلنا عفريت ولا حاججه انا مش مستغني
عن نفسي انا حلو وفيا الطمع
حازم بتريقه/ حلو وفيك الطمع يابطه
عمر بسخريه/ اوعي كده مش هتلمسني غير اما نتجوز
حازم بضحك/ يخربيتك ده انت مصيبه يلا قدامي يابطه
يالي فيكي الطمع يلا
عمر حضن حازم ومشيوا سواا ووصلوا للعربيه
حازم/ خلي حد من الحرس يجبلك العربيه واركب معايا يلا
عمر/ علم وينفذ معاليك
عمر ركب مع حازم وحازم كان مشغول بشغله علي اللابتوب وعمر جنبه بيلعب ع تليفونه
وفجأه العربيه وقفت
حازم/ وقفت ليه ياعم علي
علي/ في واحده ست وقفت قدام العربيه ياباشااا
حازم بص ناحيه البنت شاف بنت شابه يمكن في منتصف العشرينات هدومها مرتبه وعلي وشها علامات الإجهاد
البنت قربت من العربيه وخبطط ع ازاز العربيه بكل جهدها وكانت شبه بتصرخ الحقوني والنبي خدوني معاكم لاي طريق عمومي بالله عليك ركبني بس ابعد من هناااااااا
حازم نزل من عربيته وبصلها وكانت بنت في منتهي الجمال وملامحها مش باينه والدم نازل من وشها
وحجابها مش مضبوووط
حازم بصلها بجديه/ انتي مين
- ارجووووك لوسمحت انا بنت نااااس أنا في حد بيجري ورايا انا مش هسببلك اي مشااااكل ابعد بس من هنااا
مفيش اي عربيه عدت ارجوووووك لو سمحت مش هسبب اي مشكله
حازم بص لعمر ورجع بص للبنت تاني
- انتي مييين
البنت بصتله بتعب وقتلت بصوت متقطع... ليياااان
ليان فجأه اغمي عليها وحازم لحقها قبل متقع ع الارض وشالها دخلها العربيه وعمر مستغرب من حازم اوي
لان حازم عمره موثق في حد ابدااا غيره
حازم / اركب بسرعه ياعمر يلا
عمر ركب والسواق اتحرك وحازم كان بيحاول يفوق ليان
- فوقي ياانسه معاك برفن ياعمر
عمر،/ لا يا حازم همشي برفن ليه اطلع ع المستشفي ياعم علي
حازم بسرعه/ لا اطلع ع البيت عندي
عمر بصله يإستغراب،/ البيت ع طول كده يا شقي
حازم بعصبيه/ مش وقت هزارك ده البنت في حد بيطاردها فلازم تكون تحت عنينا وبعدين لازم تكون قدام عنيا افرد طلعت حد راميها علينا انت عارف اعدائنا كتييير
عمر بشك/ لا طبعا طبعاً اومال اي
حازم وصل قدام بيته ال كان عيباره عن دوبليكس صغير
جدااا في عماره راقيه جدااا وفي مكان راقي جدااا
وشال ليان بنفسه وطلع بيها وطلب من عمر يجيب دكتور
حازم دخل بيته وهو شايل ليان وقابلته رجاء مديره الخدم
رجاء/ مين دي يابشمهندس حازم
حازم/ معرفش يارجاء ارجوكي تعالي ساعديني
وامسحي وشها كده وضبطي حجابها عقبال
ما الدكتور يجي ويشوفها ونغرف مين دي
رجاء راحت ليان وضبطت حجابها ومسحت وشها من اثار الدم وكان في اثار تعذيب علي جسمها كله
وفي ظرف نص ساعه كان عمر والدكتور وصل
الدكتور/ اذيك يابشمهمدس حازم
حازم/ تمام يادكتور اتفضل وطمنا
الدكتور دخل يكشف علي ليان وحازم كان قاعد وباصص عليهم من بعييد وعمر عيونه ع حازم ال عيونه ع ليااان
الدكتور خلص وبص لحازم
حازم بجديه/ مالها يادكتور
دكتور/ هي عندها إغماء نتيجه هبوط حاد في مستوي السكر الواضح كده ان هي بقالها فتره كويسه مش بتاكل اي حاجه وبعدين في اثار تعذيب باينه ع جسمها واثار حروق كمااان
حازم بعصبيه/ حرووق وتعذييب ليه كل ده
الدكتور/ معرفش يابشمهندس دي الادويه وياريت اول متفوق تاكل ضروري تاكل
عمر/ تمام يادكتور اتفضل انت متشكرين جدااا
عمر وصل الدكتور ورجع لحازم تاني
عمر/ ياتارا مين دي ياحازم واي ال حدفها علينااا
حازم/ هنعرف بس تفوووق
عمر بغمز/ بصراحه البت مزه صاروووخ خساره في البهدله
حازم بعضبيه/ اتلم ياعمر ويلا ترأنا وانزل ع شقتك يلااا
عمر يغمز/ متخليني معاكو انت شاب وهي مزه والشيطان شاااطر
حازم بعصبيه مسك عمر وخرجه بره البيت خالص
عمر بضحك/ بتطردني يازومي خد بالك انا قاعد
في الشقه ال تحتك اي صوت كده صوت كده هتلاقيني
قدامك تصبح علي خير يازومي
حازم ضحك علي صحبه ال مبيتغيرش ده وبيهزر اي ان كان الظرف وراح٨ناحيه ليان ال نائمه وكل ملامحها
مشدوده حازم بصلها بتمعنن ليااان كانت بشرتها بيضه
زي الاطفال بالضبط وكانت بريئه جدااا وهي نايمه
حازم بص لجروح أيدها وايده غصب عنه لمست جروحها
وهو مستغرب مين ال عمل فيها كده
في مكان تاني
- هربت ازاي يعني اومال انتوا لزمتكم اييي وانت ميعتمدش عليك ابدااا ابدااا
وليد بنرفزه/ انا حطيتها في بيتنا القديم وكل
حاجه كانن تمام غبت نص ساعه وسيبت جوز البهايم دول رجعت ملقتهاش ازاي ياعني واحده تهرب وانتوا
واقفين كده غورووو من وشي كتكم القرف
عبد الله والد وليييد / هربت ازاااي ياوليييد
انت تطلع تنزل البت دي تيجيييي البت دي لازم
ترجع لااااااازم
ولدي بشر/ هي لااااازم ترجع فعلااا مش ههدي غير
اما اجبها من شعرها وارجعها هنااا
في بيت حازم حازم كان قاعد وباصص ناحيه ليان ال بدأت تفوووق وكانت بتتألم وبتقول كلام مش مفهوم
- لأ والنبي لأ سيبونيييي لااااااااا
ليان قامت فجأه وهي بتصرخ وحازم جري ناحيتها
- متقلفيش انتي في امااان متقلقيييش
ليان بصتله بعيونها الخضراا البريئه زي الأطفال
وافتكرت ان هو ده نفس الشاب ال وقفته ونزل من العربيه
ليان بتعب/ انا فيينا
حازم / في بيتيي
ليان بخوف/ اي انا لااازم امشي
حازم بجديه/ متقلقيش احنا مش لوحدنا وانتي لازم ترتاحي
الاكل يادادا رجااء
ليان بصتله بإستغراب وبصت شافت ست داخله بصنيه
مليانه اكل وخطتها قدامها
ليان بتعب/ شكراً انا مش عايزه اكل انا عايزه امشي
حازم بجديه/ كولي الأول ياانسه علشان في كلام
كتير لازم اعرفه وبعدين تمشي
ليان بعياط/ هو انا في استجواب ولا اي بالضبط
حازم بصلها وشاف دموعها ال حركت قلبه لأول مره
وقعد قدامها وحاول يرسم الجديه ... لا مش استجواب
بس لازم تأكلي ومتقلقيش الاكل مفهوش حاجه
وعلشان تتأكدي ان هو تمام
حازم مسك المعلقه واكل من كل الاطباق وبس لليان
بجديه٨... كده تقدري تاكلي وانتي مطمنه
ليان بدأت تاكل لان هي كانت جعانه جدااا جدااا
وكانت بتبص ع حازم من بعيد لبعيد ومستغربه
هدووئه ده
ليان في نفسها/ ده وشه ده ولا لوح خشب
حازم ابتسم لانه سمعها
وهي انكسفت وكملت اكل لغايط اما شبعت
ليان/ الحمدلله انا شبعت خلاص مش قادره
الدادا دخلت وشالت الصنيه
- بالف هنا ياحبيبتي
ليان بتعب/ ميرسي ياطنط
رجاء خرجت وسابت حازم باصص ناحيه ليان
ليان/ هو حضرتك هتفضل باصصلي كتير
حازم/ مستني اسمعك
ليام بخوف/ انا ليبيه
حازم/ باعني واحده انسه بنت ذيك كده تجري في الشوارع في نص الليل وشكلك هربانه من حاجه او من حد ياعني ممكن تكوني عامله مصيبه او عامله
ليان بعياط/ لا طبعاً انا معملتش كل ال بتقوله ده انا من عيله محترمه والله
حازم بهدووء/ طيب ممكن تفهميني انتي مين واسمك اي
كونتي بتهربي من أي طيب
ليان بهدووء/ انا والدتي متوفيه من سنين ووالدي هو ال بيربيني انا ووالدي كنا عايشين في دبي هو طول عمره بيشتغل هناااك ومن كذا شهر بس رجع هنا لأهله وكده
وكان تعبان وتوفيي هو كان في خلافات باين بينه وبين اهله لأن اخر اسبوع قبل وفاته كنت بسمع زعيق كتير جداا بينه وبين اخوه الله يسامحه وفجاه والدي طب ومات ولقيت نفسي متحاصره ومحبوسه عمامي
حبسني ومش عايزين حتي يخلوني اسافر ارجع دبي
عايزين يجوزوني غصب عني لواحد انا معرفوش
كانوا كانووو
ليان بدأت تعيط وهي خايفه وحازم قرب منها ومسك ايدها بهدووء حاول يطمنها
- اهدي ياانسه ليان اهدي وكملي
ليان بخوف/ حبسوني في مكان مهجور كانوا بيحرقوني
ويعزبوني ومامعين عني الاكل ومكتفيني دايما
والدي جابني علشان مكونش لوحدي واروح اعيش وسط اهلي لاكن دول مش اهل دوول مش اهل الخيوااان
ال اسمه ابن عمي كان كااان عايز يتعدي عليااا
لما رفضته
حازم بصلها بصدمه ومكنش عارف هو ليه مصدقها
او عايز يصدقها
حازم بجديه/ طيب انا هتأكد من كلامك ده وأشوف
هنتصرف ازاي
ليان بخوف/ صدقني انا مش كدابه سيبني امشي ومتشكره جدااا علي كل ال عملتوا
حازم/ أولا انتي تعبانه ثانياً لازم اتأكد من كلامك
انا اي يضمنلي انك مش كدابه ولا حد من اعدايي مسلطك عليااا
ليان بخوف اكتر/ ليه انت مين أصلا
حازم برسميه/ حازم عز الدين الالفي
ليان / انا معرفكش أصلا صدقني معرفككش
حازم/ هنعرف هنغرف قولتيلي اسمك اي بقه
ليان/ اسمي ليان
حازم بتنهي.ه/ ياماما اسمك اي كامل وعندك كام سنه
ليان/ اله انا عندي٢٤ سنه وبدرس في كليه الطب
حازم/ دكتوره ياعني طيب اسمك اس بقه
ليان / اسمي ليان احمد الحديدي
حازم بصلها بجديه وفي عيونها بحده ... من عيله الحديدي
ليان بحزن/ انا مش منهم انا اسمهم ده مش عيزاااه
ارجوك يا استاذ هو حضرتك اسمك اي
حازم بجديه/ بشمهندس حازم
ليان/ ارجوك أتأكد من معلوماتك بس خليني امشي انا خايفه يعرفوا ان انا هنااا
حازم بجديه/ لا متقلقيش انتي هنا في امان محدش يقدر يوصلك اتفضلي نامي واستريحي
حازم مشي وساب ليان بصاله وهي مستغربه الشخصيه
ال قدامها دي وكل نظراته الغامضه وسكوته ومكنتس قادره تفسر كل ده
حازم فضل يفكر كتير وكان بيحاول ينام وابتسم لما افتكر ملامح ليان ورجع كشر تاني لفابط اما راح في النوم حازم نام وصحي تاني يوم زبص علي ليان من بعيد وكانت نايمه حااالص ابتسم ابتسامه بسيطه ونزل راح شركته بهيبته المعروفه وطلع مكتبه وطلب قهوته
-اول ما بشمهندس عمر يجي خلي يجيلي فورااا
حازم شاف بقيت شغله وقطع دخول جميله السكرتيره
- خير ياجميله
جميله/ وليد الحديدي بره يافندم
حازم ابتسمم بمكر... دخليه فوراا
جميله خرجت ووليد دخل وسلم هلي حازم
- بشمهمدس حازم فينك يا راجل مش شايفينك ياعني
حازم بجديه/ الشغل بقه وكده ياوليد باشا تشرب اي
وليد/ لا ابداا انا كنت جاي بس علشان الصفقه هي تخصك يابشمهندس
حازم / لا لا الصفقات دي انا مليش فيها
وليد/ طيب كده تبقي تلزمني انا انا٨برضو قولت استأذن
حازم/ لا خدها
حازم سكت شويه وبص لوليد... الباقيه في حياتك عرفت ان عمك مات
وليد بتمثيل الحزن/ حياتك الباقيه يايحازم باشا اهو كان عايش طول عمره بره وجاي يموت هنا يلا بقه ربنا يرحمه ويقدرنا ع شيلته
حازم بمكر/ ليه بس هو كان عنده اولاد وكده
وليد/ بنت واحده بس الظاهر هتخصل ابوها قريب
حازم بهدوء... تعبانه برضو
وليد بسرعه/ اه جدا ادعلها عن اذنك
وليد خرج في داخله عمر
عمر بقرف/ يادي الصباح الازرق انا ملطقش الشخصيه اللزجه دي ولا بطيق العيله كلها
حازم/ كله بوقته ياعمور
عمر بغمز / اخبار المزه اي
حازم بغضب/ اتلم علشان نعرف نتكلم
عمر/ خلاص سكت اهو اتكلم
حازم/ عارف البنت دي تبقي مين
عمر/ مييين
حازم/ ليان أحمد الحديدي
عمر بص لحازم بصدمه وقال بزعيق... من عيله الحديدي
بارت ٣ ( روايه عشقي الابدي )
حازم / اهدي ياعمر مش كده
عمر بعصبيه/ هما عيله الحديدي بيجي من وراهم
خير انت ناسي أن هما السبب في موت اهلنا
هما السبب في موت ابوك وامك وموت ابويااا
لاياحازم البت دي حد راميها عليناااا خليها تغور
من بيتك ونبقي احنا كده كرمناها ان مقربناش منها
ولا اذنيها
حازم/ اهدي الأول علشان نعرف نتكلم طيب
عمر/ اهدي اي بس انت عصبتني بقع الملاك البريء دي تطلع من عيله الاشباح دي
حازم بغضب/ اتلم مش هقول اتلم كتير
عمر/ يوووه اتلميت خير بقه انا مش فاهم انت قاعد ازاي كده ده انا اعرف انك بتكرهم كره العمي ازاي سايبها في بيتك كده
حازم بهدوء/ اولا ليان بنت احمد الحديدي وال اعرفه
ان طول عمره عايش بره البلد انا انأكدت بنفسي
غير كده دي بنت ومينفعش نسيبها في الشارع
ياعمر وبعدين أهلها هما ال معذبنها كده البنت
في كليه الطب وانا اتأكدت بنفسي من كل ال قالته
عمر/ انا خايف ياصاحبي تكون فيها شر عيله الحديدي دي عيله كلها شر ياحازم
حازم/ اديها تحت عنينا اي تصرف هي ال هتتحمل عواقبه
عمر/ طب وهتتصرف معاها ازاي
حازم بحيره/ معرفش البنت في حاله مش كويسه
كانت محبوسه وكان الزفت ال اسمه وليد ده بيحاول
يعتدي عليها عايز ينجوزها علشان يضمن ورثها اكيد
مهم دول اهم حاجه عندهم الفلوووس
مش عارف اوديها فين بصراحه
عمر بخبث/ خليها عندك احسن تحت عينك احسن منروح كده ولا كده
حازم/ هشوف بس أكيد هلاقي ليها حل
في بيت حااازم
ليان قامت بتعب وخرجت من الاؤصه وهي بتتفرج علي البيت بعيونها والبيت كان حلو جدااا وشيك جدااا
لغاط اما خبطط في رجاء
ليان بغضه/ خضتيني يادادا
رجاء/ معلش ياحبيتي صباح الخير تحبي اجهزلك الفطار
ليان/ بليز يادادا انا عايزه اخد شاور بس معنديش هدوم
رجاء/ متقلقيش حازم بيه وصي السواق يجبلك كام
حاجه تغيري فيهم وحطهم في الاؤضه عندك
ادخلي غيري وخودي شاور اكون جهزتلك الفطار
ليان دخلت للاؤضه وشافت الهدوم بسرعه وكانت حلوه جدااا نفس استايل لبسها تقريباً ودخلت تاخد شاور
ليان بتعب/ يااااا أخيرا اخدت شاور الواحد مش مصدق
نفسه بجد
ليان لبست وخرجت بشعرها من غير حجاب وراحت ع السفرع علشان تاكل
رجاء/ ماشاء الله زي القمر ياليان هانم
ليان/ ميرسي يادادا بس اسمي ليان بس
رجاء/ ماشي ياليان
ليان بصت لرجاء بفضول .. هو بشمهندس حازم عايش لوحده فين أهله وكده
رجاء/ بشمهندس حازم والده وولدته متوفيين من زمان
ليان/ ياعيني ياربي زيي ياعني هو ع طول وشه كده زي لوح الخشب مبيضحكش خالص اصل من ساعت مشوفته مبوظ
رجاء بضحك/ هو انسان عملي وجد شويه بس
ليان بضحك/ لا جد كتيييبر مش شويه الحمدلله اكلت
ممكن بعد اذنك كوبايه نسكافيه او اي حاجه تفوقني كده
رجاء/ طيب ادخلي ارتاححي
ليان دخلت ترتاح شويه ورجاء دخلتلها بالنسكافيه
ليان/ ميرسي يادادا
رجاء/ الف هنا ان شاء الله
ليان بصت لرجاء وكأنها افتكرت حاجه وقالت بسرعه
- هو انتي عندك فيسبوك يادادا
رجاء بصتلها بإستغراب/ فيسبوك اه طبعاً هو حد
دلوقتي معندوش فيسبوك
ليان/ طيب ممكن تليفونك اعمل منه مكالمه
رجاءا/ حاضر هيشحن بس وهجبهولك من عنيا
في شركه حازم الألفي
حازم كان موجود في قاعه الاجتماعات وصوته واصل لاخر المبني
- ده اسموا تسيب ده مسموش شغل مش قد وظايفكم
سيبوهااا لاكن شغلكم ده ميعجبنييش
احد المهندسين/ يافندم حضرتك ادينا وقت٩بس
حازم بزعييييق/ وقت وقت اي أنا رقم واحد في مجالي
اي تقصير هيدفعنا كلنا كتييير اتفضلوا يابشمهندسين
اسبوع والفندق يكون خلصااان ومش عايز نقاش
ولا عايز أسمع اي اعتراض اتفضلوا ع مكاتبكم
المهندسين كلهم خرجوا وحازم كان متعصب وعمر
دخله
- اي ياحازم صوتك جايب اخر الشركه ليه
حازم بعصييع/ كان لازم يتشدوا دول بيستهتروا
وكله عندي إلا الاستهتار
عمر / ريح اعصابك بسس كده ياجميله ياجميلع
جميله دخلت بسرعه وهي خايفه من عصبيه حازم
جميلع بخوف/ نعم يابشمهندس
عمر/ هاتي لمون لبشمهندس حازم بسرعه
جميله شاورت براسها وخرجت
حازم/ انت بارد كده ليه يلا اس برود اعصابك ده
عمر يضحك/ اهدي ياحبيبي عصبيتك هتتعبك انت بس
ممكن تهدي كده علشان عندي خبر مش عارف اقوله أصلا
حازم / اشجيني اشجيني ماهي ناقصه اخبارك الهباب دي
عمر طلع ملف وحطه قدام حازم
حازم بإستغراب/ اي ده
عمر/ ده ملف للست ليان من يوم متولدت واظن في حاجات تخصك انك تعرفها
حازم/ حاجه اي ياعيني
عمر قام وقف ومسك نضارته وقال وهو بيتحرك
- مع نفسك انت بقه انا ورايا مشوار سلام
عمر نزل من الشركه وساق عربيته بسرعته المعتاده
ووقف فجأه لما عربيته خبطت عربيه قدامه
عمر نزل من العربيه وراح ناحيه العربيه وشاف فيها
راجل سائق العربيه وبنت قاعده ورااا بس للسواق٨
ولسه هيتكلم
البنت نزلت من العربيه وهي متعصبه
- انت حيوان ولا اي ماشي في الطريق لوحدك
عمر بص لصاحبه الصوت وكانت بنت قصيره
ولابسه بنطلون جينز وبلوزه
عمرو بصلها بإستغراب أن هي صغيره جدا ع الزعيق ده وفاق من شروده ع صوتها
- هااا صورتني كام صوره عوكده
عمر/ انتي بتكلميني انا كده .
البنت/ اه بكلمك انت كده
عمر بغضب/ انت متعرفيش انا مين
البنت بسحريه،/ رئيس الجمهورية وانا معرفش
انا اصلا مش فضيالك تصلح بقه للسواق عربيته
ده ملوش ذنب في تهورك
عمر / كده كده هعوضه واعوضك
البنت/ تعوضني ليه دي مش عربيتي دي تبع ؤبر
عمر كان لسه هيتكمل لقاها بتلم حاجاتها وكانت
شايله كتب كتير ونسكافيه في ايدها وشنطه ايدها
وسألته ووقفت تاكسي ومشيت٨
عمر مكنش مصدق أن الحجم ده يهزقه ويقل
منه كده
عمر/ ده انتي لبط اوي والله لو وقعتي تحت ايدي تاني مش هرحمك
عمر أتلفت السواق وطلع شيك
عمر بجديه/ انا شايف الخساير هتتكلف حوالي ٢٠ الف
دول ٣٠ الف ومعلش ع الخساره
السواق/ ياباشاا ده كتير كتر خيرك ربنا يرزقك يارب
عمر/ تسلم تسلم بس متركبش الاشكال دي تاني معاك
هو انت جايبها منين
السواق/ هي كانت نازله من عماره كده في شبرا
عمر بضحك/ شبراا مهي شكلها شبرا فعلااا
اتفضل انت
عمر ركب عربيته ورجع الشركه تاني وحازم شافه
لما رجع واستغرب ان رجع بسرعه وراح مكتبه
- رجعت ياعني مش قولت مستعجل
عمر بغضب/ اسكت ياحاازم ربنا خبطني في حتت بت
حازم/ يخربيتك انت مش راحم
عمر بغضب/ لأ والله دي اعوذ بالله منها راديو مبتغصلش
المحها تاني بسسس خلتني بتكلم وسابتني ومشيت
ولا كأني حمار قدامها
حازم/ احسن تستاهل علشان تبطل تعاكس بتات تاني
عمر بسخريه/ وهي دي بنااات دي حاجه كده ميداليه ماشيه ع الارض مش نوعي أصلا بس المحها برضووو
في بيت حازم
رجاء/ خودي ياليان الموبايل اهو ياحبيتي
ليان/ شكرا جداا يادادا شكراً
ليان اخدت التليفون وفتحت الفيسبوك وفضلت تسيرش علي الاكونت بتاعها ووصلتله وبعدين فتحت اكونت
لواحده صحبتها وبعتتلها ماسدج
-انا ليان اول متفتحي ابعتيلي ضروري
ليان مسكت التليفون وفضلت رايحه جايه بتوتر
لغايط اما سمعت صوت رساله وجريت فتحتها بهفه
- ليااان حبيبتي عامله ايه واكونت مين ده
انتي مختفيه فين كده
ليان بلهفه/ رني عليا عاشان نعرف نتكلم هبعتلك رقم ترني عليه
ليان/ يادادا يادادا
رجاء/ نعم
ليان/ قولي رقم تليفونك بسرعه كده
رجاء ادت رقم تليفونها لليان وليان ادته لصحبتها
- الووو
ليان بلهفه/ هنا عامله اي
هنا/ اخبارك اي وتليفون مين ده انتي في مصر
ليان بحزن/ اه ياهنا في مصر ويارتني منزلت مصر
هنا،/ ليه كده انتي فين انتي عند اهلك
وبعدين لما انتي في مصر مقولتليش ليه ياليان ده انا نفسي اشوفك
ليان بعياط/ هنا انا في مصيبه كبيره
هنا بخوف/ طب انتي فين وانا اجيلك
ليان/ مش هينفع ياهنا انا في بيت حد معرفوش
أصلا هربت من اهلي والدي توفي وحبسوني
وخدو كل حاجه مني اوراقي وتلفوني وضربوني
وكانوا عايزين يجوزوني بالعافيه
هنا بعصبيه/ ليه هي سايبه ولا اي احنا
مش في غابه البلد فيها قانون انتي ازاي ساكته
ليان بعياط/ انا كنت هموت ياهنا كنت هموت
ومصدقت هربت انا نفسي اسافر وارجع لحياتي
تاني انا مش عايزه اقعد هنا
هنا/ اهدي ياليان واديني عنوانك ونشوف هنتصرف ازاي انا مش هسيبك طبعا ده انا مصدقت تنزلي مصر واشوفك
ليان بخوف/ حاضر ياهنا. هشوف همشي امته
من المكان ده واعرفك
هنا بحب/ خودي بالك عونفسك يالياان ومتخافيش من حد ياحبيبتي
ليان قغلت مع هنا صديقتها الوحيده ال تعرفت عليها صدفه ع الانستجرام وساعتها فضلوا يتكلموا كتير
وكانوا صحاب سوشيال ميديا بسس واكتشفوا ان اهتمامتهم واحده وبيدرسوا نفس الدراسه٩ كانوا
في نفس السن ولغايط دلوقتي ليان مشافتش هنا
خاالص في الواقع ولا هنا شافت ليان
قطع تفكير ليان ع صوت حازم ال بينده عليها بحزم
- انسه ليان تعالي هنا
ليان بخوف/ نعم حضرتك اتاكدت من كلامي ولا لسه٩
حازم برسميه/ هو انا اتأكدت انك من عيله الحديدي
عيله الحديدي دي ليها شغل معايا كتير
ليان بخوف وبصوت مرتعشة/ ارجوووك بالله عليك مترجعنيش ليهم سيبني اهرب انا بطريقتي
حازم بص لدموعها ال نازله وشي جواه حركه نحيتها
وقعدها بهدووء وجابلها ميه علشان تهدي
حازم/ اهدي متقلقيش انا مش هرجعك لأهلك
بس في حاجه مهمه لازم تعرفيها
اثناء كلام حازم كان عمر وصل وبص لليان ال كانت خايفه جدااا وعيونها مليانه دموع
عمر/ خير في أي
حازم/ استني انت ياعمر دلوقتي
حازم بجديه/ انسه ليان انتي في السجلات في قسيمه جواز ليكي بوليد عبد الله الحديدي
ليان برقت جامد لحازم وكانت مصدومه ومش بتنطق
وفجأه اغمي عليها وحازم لحقها وحاول يفوقها
عمر/ هو كل مهنتكلم جد هيامي عليها ولا اي
حازم بعصبيه/ مهي مش بارده زيك انسانه حساسه
هات برفن من بتوعي قوم اتحرك يلاا
عنر جاب البرقن وحازم رش منه وليان فاقت وشافت حازم وملامحه باين عليها القلق
حازم/كويسه ولا نحيب الدكتور
ليان بخوف/ كويسه كويسه بس حضرتك انا مش متجوزه والله مش متجوزه
عمر/ اهدي بس ياليااان
حازم بصله بعيونه وعمر خاف وسكت
حازم/ متقلقيش باين ان هو مزوره لان نفس تاريخ وفاه
والدك ومتقلقيش هنتصرف
ليان بعياط/ ازاي ياعني هنتصرف ازاي
عمر بصلها وبص لصاحبه ال شكله٩قلقان بسببها /
الحل انكوا تتجوزا
روايه عشقي الابدي (بارت 4)
ليان بصت لعمر بصدمه وحازم بص لعمر بعصبيه
- انت بتقول اي انت اكيد اتجننت
عمر/ اهدوا بس ياجماعه هو ده ال هيحمي ليان
حازم بصله بغضب.. قصدي انسه ليان
- تقدر تقولي هتحميها بمناسبه اي لما اهلها يدخلوا القانون هياخدوها بسهوله
ليان/ اكيد في حل غير ده انا مش عايزه ابوظبكم حياتكم ولا حياه البشمهندس
عمر بسرعه/ لا متقلقيش البشمهندس معنوش حياه أصلا
حازم بصله. بعصبيه / انت كلامك ماله كده مبقاش موزون بجد
عمر/ ياجماعه هو ده الحل وانتي ياانسه ليان مش هتقدري حتي تسافري وبعدين انتي ع كلامك ابوكي
باع كل حاجه ونزل ياعني مبقاش ليكي حاجه هناك
هتروحي تعملي اي
ليان بصت لعمر وافتكرت حالها وعيطت جامد
حازم/ فكري ياانسه ليان انا مستعد احميكي بس فعلاً
مش هينفع تفضلي هنا من غير اي علاقه بينا
حازم خرج وعمر خرج وراه واول مخرج حازم ضربه بالبوكس في وشه
+ جواز اي ياعمررر انت اتهبلت ولا اي
عمر مسك وشه بإيده .. اي يااخي توور ايدك تقلت اوي اوي بجد تعالي وانا افهمك
حازم خد عمر ع مكتبه
عمر/ يابني علشام تفضل موجوده وبعدين بصراحه كده
انا مش اهبل ياخازم البنت دي حركت حاجه جواك
وانا حسيت انك مش عايز تسيبها تمشي
حازم بعضبيه/ تقوم تدبسنا كده
عمر بغمز/ بس تدبيسه جامده أنكر ان هي تدبيسه جامده
حازم/ جلمده اي وزفت اي
حازم سكت شويه وقال ... الموضوع بما فيه ان هي صعبت عليا ملهاش حد واهلها عايزين يخلصوا منها
الرجوله بتقول ان تساعدها
عمر / ياحبيبي دلوقتي انت تتحوزها ونخلصها من وليد
والقسيمه ال معاه وبعدين نشوف بقه موال سفرها
وكل ال انت عايزه انت دلوقتي هتفضل معيشها هنا
كتير اكيد لأ وبعدين ماانت مسيرك تتجوز اهي عروسه
جامده اهي مالها بقه
حازم بعصبيه/ اتجوز اي انت اهبل انا قدامي دايره
انتقام كبيره عايزني ادخل انسانه برييه فيها
عمر / هي كده كده جوا الدايره ريح٩نفسك مش عايز
تتجوزها اتجوزها انا وانت عارف ان هقدر احميها زيك بالضبط
حازم بعصبيه/ تحمي مين انت مفكرها زباله زي معارف سيادتك شيل موضوع جوازك منها دي من دماغك خالص واقولك بعد كده متجيش هنا طول ماليان هنا انا هبقي انزلك شقتك بنفسي
عمر بغمز/ الله اللله ده احنا بنغيير اهووو
حازم كان لسه هيرد عمر قام بسرعه
- انا هلحق اجيب المؤزون وانت اجهز
عمر مشي وحازم قام دخل لليان ال كانت محرجه منه
حازم برسميه/ ممكن نتكلم شويه
ليان. بخجل/ طبعاً طبعا حضرتك بتستأذن في بيتك
حازم/ إحنا هنعمل الخطوه دي علشان سلامتك
وعلشان يبقالي الحق احميكي وانا مش عايزك تقلقي
محدش يقدر يقرب لحاجه تخص حازم الألفي
ليان بصتله وابتسمت بخووف وسكتت
حازم/ أنا مش عايز اشوف نظرات الخوف دي خالص
انتي هنا في أمان ومتقلفيش جوازنا هيفضل علي الورق
والله العظيم عمري مهأذيكي
حازم خلص كلامه وجه خارج وقفه صوت ليان الرقيق
- هو ممكن أسألك سؤال
حازم/ اكيد طبعاً اتفضلي
ليان/ هو حضرتك بتعمل معايا كده ليه
حازمم اتنهد بعمق وقال/ علشان مبحبش الظلم
وعلشان حاسس بالتوهان ال انتي فيه
ليان بحزن/ مشفق علي حالي يعاني
حازم بسرعه/ لا ياليان انا خايف عليكي منهم
حازم سكت وبصلها بإبتسامه بسيطه
- وكمان علشان مينفعش بنت زي القمر زيك كده تفضل في الشارع لوحدها
حازم انهي كلامه وخرج وسابها وليان ابتسمت بخجل
واطمنت لحازم لانها حست فعلاً ان هو خايف عليها
بعد وقت قليل وصل المؤذون وكتب الكتاب بتاريخ
قديم وعمر كان مبسوط جدااا ان صاحبه اتجوز
وكان حاسس ان ليان هي ال هترجع صاحبه تاني للحياه
عمر / مبروووك
حازم/ الله يبارك فيك هنيت وباركت اتفضل بقه ع شقتك
عمر بضحك/ انت بتطردني احترمني طيب قدام الاغراب
عيب عليك
حازم/ يلا بس هوينا يلا توكل ع اللله بقه متقرفناش
عمر بغمز/ ماشي ياعريس
حازم/ عقبالك يالمض
عمر بضحك/ انت عايز عمر السويدي يتجوز انت عارف
كام واحده هتنتحر لو انا عملتها
حازم/ طبعاً طبعاً ؤمال
عمر نزل وحازم راح ناحيه ليان ال قاعده مكسوفه
وهو ابتسم علي كسوفها
رجاء جت وبصت لحازم بجديه وقالت ... العشا جاهز ياحازم بيه
حازم/ تمام يادادا يلا يالياان
حازم وليان قعدوا ع السفره وليان كانت مكسوفه تاكل
قدامه
حازم / ياريت تتصرفي ع طبيعتك البيت بقه بيتك
ولو الحجاب مضايقك فوكي علشان جروح رقبتك
متنزفش
ليان بصتله لان فعلاً الحجاب مضايقها بسبب جروح رقبتها
حازم/ فوكيه متتكسفيش في النهايه ياعني قدام ربنا انتي مراتي
ليان٩بصتله وسكتت وفكت الطرحه براحه وظهر شعرها
البني الطويل وحازم بصلها وبص لشعرها ال شكله٨
مغري جدااا وهي كلها ع بعضها مغريه أصلا
حازم سكت وليان بصتله شويه وقالت بتردد
- أنا كنت عايزه اكمل كليتي
حازم يصلها/ مممم تمام متقلقيش ورقك بكره هيكون
في جامعه القاهره
ليان بخوف/بس عمو مش هيوصلي كده
حازم يتوعد/ لو راجل ومن عيله الحديدي صحيح
يبصلك بس مش عايزك تقلقي انا هسيبلك السواق والعربيه دول خاصين بيكي تتحركي بيهم لو اتحركتي
من غيرهم مش هيحصل كويس تمام ؟!
ليان/ تمام
ليان راحت ؤضتها تنام ولاحظت ان حازم نام في المكتب
ليان بإستغراب/ هو هيناام فين كده
ليان٩راحه خبطت ع باب المكتب
- ادخل
ليان/ هو حضرتك هتنام هنا انا ممكن انا انام في أي مكان تاني وحضرتك تنام ع سريرك
حازم ساب ال في ايده وبصلها / أولا بلاش حضرتك دي انا مش كبير اوي للدرجه قولي حازم
ليان بصت لحازم بخجل/ بص حضرتك هو انا عندي رهاب اجتماعي مش باخد ع الناس بسرعه فانا٩اسفه
اني بقول حضرتك ده عادي بالنسبالي
حازم قرب منها وبص في عيونها بحب ظاهر.. قولي حازم وبس
ليان بصتله وهمست .. حااازم وبس
حازم بضحك جامد ودي كانت اول مره ليان تشوفه بيضحك
حازم يصلها تاني/ أصلا هطلع انام في ؤضتي ملوش لزوم نومتي هنا ومتقلقيش انا ع اتفاقي معاكي جوازنا ع ورق وبسسس
حازم ساب ليان مصدومه منه ومسحوره من كلامه
ليان في نفسها/ انا حاسه ان ساحرني بكلامه
ده مجرد مبيتكلم بحس اني مطمئنه جدااا غريبه بجد
ليان راحت ع ؤضتها ونامت ع طرف السرير وحازم
نام جنبها وهي قلقانه من قربه مش متعوده
حازم/ مالك انتي خايفه مني
ليان اتقلبت وبصتله/ لا مش بالضبط
حازم/ ؤمال مالك
ليان/ مش متعوده بس مش اكتر يعاني
حازم/ لا اذا كان كده هتتعودي قريب
ليان ادورت الناحيه التانيه وكانت عماله تتقلب كتير
لغايط اما راحت في النوم وفجاءه قامت تصوت بعلو
صوتهاااا لاااااااااا باباااااا لااااااااا
حازم قام بسرعه ع صوتها وحاول يهديها
- اهدي يالياان اهديييي
ليان حضنته بشده وكانت مكلبشه في جامد
ومش عايزه تبعد عنه لغايط انا انفاسها هديت
وحازم نام وهو حاضنها ويحاول يهديها
حازم بشر/ انتوا مش راحمين حد والله العظيم
لهخليك تتمني الموت ومطلهوش
عدي اليوم من غير احداث وحازم صحي ع صوت المنبه
وليان صحيت وشافته بيلبس وخارج
حازم/ صباح الخير
ليان/ صباح النور
حازم/ افطري بقه وخودي ادويتك وانا جبتلك تليفون٨
علشان لو في اي حاجه تكلميني من عليه وحطتلك رقمي كمان
ليام/ ميرسي ياحازم ميرسي جدااا
حازم/ مفيش شكر اوكي؟!
ليان/ اوكي
حازم خرج وكلم عمر ع موبايلي
- صباحيه مباركه ياعريس انا قولت هتاخد اجازه
حازم بغضب/ والله صباحيه مباركه لسيادتتك اتفضل قوم واخرج من المكان الزباله ال انت فيه ده وتطلع ع المشتشفي في مشكله ومحتاجين خد من الاداره وانا مش فاضي
عمر بنعاس/ ياباشااا طلبات٨طلبات ع الصبح ارحم شويه
حازم/ الساعه ٩ بالضبط تكون هناااك
حازم قفل مع عمر وعمر قام رجع شقته غير هدومه ونزل بسرعه راح ع المستشفي
عمر نزل اشتري نسكافيه علشان كان عايز يفوق وراح للمستشفي ومشي بكل هيبته زشياكته وفجاه
خبط في بنت كانت ماشيه بسرعه وهو مشفهااش
والنسكافيه بهدل هدومه وبهدل هدومها
البنت بعصبيه/ مش تفتح
عمر بص للبنت بصدمه
- هو انتيييي !!!
عشقي الابدي ( الفصل ٥)
البنت بصتله بعصبيه وبصت لهدومها ال باظت
-هو انت حد مسلطك عليا بجد
عمر بسخريه/ اعمالك السوده وبعدين مانتي ال ماشيه زي القطررر كده
- ع اساس ان حضرتك ال ماشي مركز مانت لو مركز مش هتبوظ هدومي كده امشي ازاي كده
عمر/ بت بت افصلي شويه اي داخله زي السواق لاعمي كده بكلامك انتي متهرفيش انتي بتكلمي مين
البنت بسخريه/ يخربيت النرجسيه ياشيخ هو اي انتي متعرفيش انتي بتكلمي مين انتي متعرفيش انتي بتكلمي مين انت مش حافظ غيرها
البنت جت تمشي عمر مسكها من ايدها جامد
البنت رجعت رفعت حاجبها بعصبيه وبصتله بغضب
- ايدك لتوحشك بجد
عمر بضحك/ هتوحشني ليه
- علشان لو مشلتهاش هقطعهااالك بجد
عمر / ايوا كده خرجي ال جواكي مانتي من شبرا
البنت بصتله بإستغراب/ طيب اوعي من وشي علشان
موركش بتوع شبرا بيعملوا اي لما حد بيقطع طريقهم
عمر بعند/ مش باعد وريني
البنت بصتله بتحدي وخرجت ازازه عصير من شنطتها
وحدفتها في وشه غرقته وسابته ومشيت
عمر بعصبية/ وديني مهسكتلك
عمر راح الرسبشن ... البنت دي كانت جايه ليه هنا
- يافندم دي جايه تقدم علي تدريب هنا
عمر / تمام تمام
عمر رجع البيت يغير هدومه وطلع ع الشركه وهو ع اخره
من البنت ال بتطلعله تعكنن مزاجه دي
حازم راحله وشافه متعصب
- مالك ياعمر بتخانق دبان وشك ليه ان شاء الله
عمر بعصبيه/ بقه انا تقولي ايدك لتوحشك وتغرقني
عصير وكمان فراوله
حازم/ مالك يابني انت اتجننت اي ال حصل
عمر حكي لحازم كل ال حصل وحازم مكنش قادر ميضحكش
عمر بعصبيه/ متضحكش ارجوك متضحكش علشان
مصورش قتييل هنااا هتروووح مني فين والله مش هرحمها
حازم كان بيحاول يكتم ضحكته... لما تشوفها متسكوتش المره دي ممكن بقه نشوف شغلنااا
عمر/ شغل اي انا مش رايق انا مزاجي اتعكر خلاص
ااااه ياناااااري البت تقولي تيدك لتوحشك
حازم/ ياعني هي دي ال مضيقاك ومش مضايقك هقطعهالك
عمر/ مثلاً ياعني انا عمر ال الستات بتموت علشان بس ابصلها دي تقولي ايدك لاقطعهالك
حازم بضحك/ لا طبعاً دي لا عاشت ولا كانت
عمر/ ايوا طبعاً
عمر سكت وبص لحازم بعصبيه ... انت بتهاودني ليه
حازم/ علشان تهدي مش كل البنات شمال ياعمر امسك نفسك شويه
عمر بعصبيه/ لا كلهم شمال كلهم زي السيجاره تاخد نفسين وتحطها تحت جزمتك
حازم بجديه/ عمر مش علشان تجربه منجحتش لإنسانه
ثوره تعمم علي كل الناس٩كده
عمر بعصبيه/ حازم حازم انهي الموضوع ده خااالص بجد
حازم/ تمام في ميتنج دلوقتي ممكن تجهز طيب
عمر/ حاضر منا ريحتي فراوله صح ؟!
حازم بضحك/ لا والله انت زي الفل يلل
ليان جهزت ولبست وانصلت ع حازم ال قلبه دق اول مشاف رقمها ع تليفونه
-الووو
حازم/ ايوا في حاجه
ليان بخجل / انا عادي انزل الكليه صح
حازم/ متقلقيش ياليان السواق والعربيه هتلاقيهم تحت متقلقيش من حاجه وانا هفضل متابعك
ليان/ تمام سلام
ليان قفلت مع حازم وحازم ابتسم وفتح اكونت الانستجرام بتاع ليان وشاف صور كتير اوي ليها
وشاف ان هي تقريباً معندهاش صحاااب وشاف
صورها في الكليه وقد اي هي انسانه رقيقه جدا جدا
وبدأ يشوف كل صوره ويوضحها ويبتسم للصور ال بتبتسم فيها وناسي ان في الشركه لغايط اما عمر دخل عليه
- امسك حرااامي قفشتك الابتسامه دي ياعني فيها واحده تلفونك يلاااا
حازم/ عمرررر متنرفونيييش فين الملف ال طلبته منك حضرتك
عمر/ الملف اهو وريني التليفون
حازم/ يابني كنت بشوف عليه الاخبار وكده
عمر بغغمز/ ياعني مش هاري الاكونت بتاعها وتشوف صورها وكده بصراااحه هي مزه والاكونت بتاعها حوار
حازم وقف بغضب/ عمر راعي ان هي شايله اسمي دلوقتي واتلم
عمر / مش قصدي انت عارف ان هي بقت ذي اختي بالضبط
حازم/ ولو تتلم شويه
عمر بضحك/ ماشي ياعم اتلمينااا وسكتناااا اهو ياروميووو
حازم بص لعمر باصه قاتله سكتت عمر ورجع بص للاوراق
ليان ركبت العربيه واتصلت بصحبتها هنا
هنا بفرحه/ بتهزري ياعني انتي رايحه جامعه القاهره
ليان/ اه والله ياهنون انا فرحانه اوي أن هشوووفك
هنا/ ده انا ال هطير من الفرحه بوصي هستناكي
ع البوابه انا لابسه دريس بينك كده
ليان/ ماشي دقايق وهتلاقيني قدامك
هنا راحت بسرعه ناحيه البوابه وهو مبسووطه
جدااا ان أخيرا هتشوف لياااان
ليان بالفعل وصلت ونزلت من العربيهه وشافت هنا
واقفه ع جانب بفستانها البينك
ليان جريت عليهااا وحضنتهااا... اخيرااا شوفنااا بعض
هنااا بفرحه/ ياااااا خش٩في حضن اخووووك يافوااااز
ليان بضحك/ بس انتي طلعتي قصيره اوي
هنا بسخريه/ حوش النخل ال قدامي ده هما كام سنتي فرف يالولو مدوقييش
ليان/ بس بصراحه زي القمر ماشاء الله
هنا يغمز/ ده انتي ال احلي من القمر اي يابنتي الجمال ده كله طنط كانت مصنع حلوياات ولا اي
ليان بخجل/ بس بقه
هنا/ صدقي مش مصدقه ان شوفتك اقرصيني كده علشان اصدق
ليان بضحك/ لا صدقي صدقي
هنا/ صحيح٩انتي جيتي٩ازاي مش خايفه حد يشوفك
ليان يتنهيده/ ده موضوع طويل اوي احكهولك بعدين علشان محاضرتنا
هنا/ لا في ساعه ونص لسه ع المحاضره تعالي نقعد في كافتريا الجامعه واحكيلي كل حاجه بالتفصيل الممل
ليان/ يلا بينا
هنا خدت ليان وفضلت ليان تحكلها كل حاجه
حصلت بالتفصيل من ساعه مشافت حازم وجوازها منه والقسيمه المزوره وقعادها في بيت حازم
هنا بصدمه / يانهار اسود كل ده حصل لا لا ياليان لمي
هدومك وتعالي اقعدي معايا في البيت ازاي تتحوزي واحد متعرفهوش ازاي
ليان بحزن/ ياعني هيجرالي اي اكتر من ال جرا
انا من ساعه مجيت وانا بندم ع اللحظه ال جيت بيها هنا
وبعدين هو شكله محترم كفايه ان مسبنيش مرميه في الشارع
هنا / افرد عمل فيكي حاجه
ليان/ يابنتي يعنل اي منا مراته كده او كده كتبنا الكتاب ولو كان عايز يعمل كان عمل من زمان
هنا / هو قولتيلي اسمه اي
ليان/ حازم الألفي
هنا بصدمه اكبر/ متقوليش ان صاحب شركات الالفي
ليان/ اه هو ليه هيبه كده وقالي ان هو محدش يقدر يقربلع انتي تعرفيه
هنا يضحك/ هو في حد في مصر ميعؤفش شركه الالفي
دي اكبر شركه هندسيه في مصر بل في الشرق الاوسط
دي هي ال ماسكه البلد كلها فنادق تلاقي مشتشفيات تلاقي مصانع تلاقي شركات متلتله تلاقي
ليان/ ماشاء الله كل ده
هنا/ واكتر ياختي ومولات تلاقي
ليان/ للدرجه دي انتي خوفتيني لييه
هنا/ اخوفك ليه ده انتي هتلاقي البلد كلها حسداكي أصلا
ليان بضحك/ مش للدرجه ياعني
هنا بضحك/ لا للدرجه والله ربنا يخرجك من مشاكلك دي علي خير
ليان/ وانتي اخبارك اي واخبار صحتك اي
هنا بضحك/ بيسلموا عليكي بس بابا مضيقها عليا اوي بجد الدخول بحساب الخروج بحساب النفس بحساب
تحسي مش وراه غيري
ليان/ حقه ياحبيتبي مش باباكي
هنا بحزن/ لا ياليان انا بحس دايما ان بيشك فيا مش قادر ينسي ويعييش بقه تعبني بجد حاططني دايما
في محل الشككك بجد
ليان/ معلش ياهنون استحملي باباكي برضو
هنا / اوك استحملنا يلا محاضرتنا هتبدأ
ليان وهنا خضروا محاضرتهم وليان مكانتش فاهمه حاجه
خااالص
ليان/ انا كده هسقط انا مش فاهمه
هنا/ ولا يهمك احنا ممكن نقعد كل يوم شويه واشرحلك ال فاتك متقلقيش
ليان/ انا حياتي باظط اوي بجد
هنا/ تعالي نقعد في مكان هادئ واشرحلك
ليان بخوف/ لا طبعاً استني طيب لو كده تيجي معايا البيت
هنا/ ماشي مفيش مشاكل
ليان مسكت تليفونها واتصلت بحلزم
- الو انا اسفه ع الازعاج والله
حازم بضحك/ مفيش ازعاج ولا حاجه خلصتي محضراتك
ليان/ اه بس هو في واحده صحبتي معرفه كده ممكن تيجي البيت تشرحلي حاجات فاتت
حازم/ انتي مش محتاجه تستأذني خالص ياليان ده بيتك دلوقتي وتجيبي في ال انتي عيزاه
ليان/ شكرا جدااا بجد
حازم بضحك/ يادي شكرا
ليان ابتسمت وقفلت مع حازم وبصت لهنا بفرحه
- تمام ياهنون تعالي عادي تيجي البيت
هنا ركبت مع ليان العربيه وكانت مبسوطه بالعربيه
- ؤمال لو شوفتي البيت ده وهم ياهنون وهم
هنا/ ادينا هنشوف يارب ناس يخطغوني واقابل واحد زي حازم ده ويعيشني في العربيه دي انا راضيه
ليان بضحك/ يابنتي بس بقه يلا وصلنا
هنا انبهرت من جمال العماره وشياكتها وطلعت وكانها طالعه قصر مش عماره لغايط أما وصلت لشقه ليان
وفضلت تتجول فيها بإنبهاااار
- ماشاء الله بجد المكان جميل اوي
ليان/ اه فعلاً البيت حلو اوي اوي
هنا/ طب يلا قبل ما الوقت يسؤقنا
ليان/ اوكي يلا
هنا وليان فضلوا يذاكروا وقت كبير وليان فهمت من هنا
كل ال قالته وبعد وقت حازم كان وصل وعمر معااه
- استناني هنا ياعمر هجبلك الملفات واجي
هنا/ انا لازم امشي بقه يالولو اتاخرت
ليان/ تعبتك معايا اوي ياهنا تسلميلي ياروحي
هنا/ عيب كده يلا انا نازله
ليان/ استني اوصلك
هنا بضحك/ بيت اختي ياست متقلقيش
هنا نزلت واتفاحأت بعمر واقف في نص البيت
وفضلت واقفه شويه وهو لمحها نازله ع السلالم وقف مره واحده وغمض عيونه وفتخها يتأكد أن دي نفس البنت ال نفسه يشوفها عشان ينتقم منها
عمر بصدمه ..... انتي تاني ...
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
تعليقات
إرسال تعليق