رواية هو العمر وأنا الحب الحلقة الثانية بقلم الكاتبه بشري عريبي حصريه وجديده على مدونة النجم المتوهج

رواية هو العمر وأنا الحب الحلقة الثانية بقلم الكاتبه بشري عريبي حصريه وجديده على مدونة النجم المتوهج 

رواية هو العمر وأنا الحب الحلقة الثانية بقلم الكاتبه بشري عريبي حصريه وجديده 

قالولي: "فيه عريس جا يخطبك."

في لحظة، تجمّدت… كنت نتصور نفسي نضحك ونرفض، لكن 

لقيت روحي نرد ببرود:

– "خليني نجرب… نشوف شن معنى تكون البنت مخطوبة."

في مخي كانت مجرد لعبة… تجربة نضحك بيها مع نفسي.

لكن أهلي ما شافوهاش لعبة. فرحوا وكأنهم لقوا كنز: رجل أربعيني، أعزب، سمعة طيبة، مستقّر. بالنسبة لهم كان "عريس ما يتعوضش". أما أنا، كنت نضحك وسطهم ونكتم ارتباكي.

لكن الدنيا ما ترحمش. أقرب إنسانة ليا، بنت عمتي، غرست في قلبي كلمة جارحة:

–

 "قالت :تزوجتي شيباني… كل شي طايب فيه."

ضحكت قدامها باش ما تبانش دموعي، لكن من الداخل حسّيت إني وحيدة.

من البداية، ما حبيتش نتعامل معاه. هو كان يحاول يفتح كلام، لكن كل كلمة منه كانت تضيّقني. ما كنتش نحب نسمع صوته، ما حبيتش نتعلق بيه. كنت باردة، ساكتة، نرد بكلمة ونغلق الباب.

رغم هذا، صارت بعض المواقف اللي علقت في ذاكرتي:

في أول مقابلة رسمية، مدّيت يدي وسلمت عليه وأنا نقوله: "كيفك أخي؟" 😅 

هو وقف مصدوم، وأنا ضحكت في سري من جرأتي.

أول مكالمة هاتفية كانت باردة. سألني: "عندك تلفون شخصي؟

" قلت: "نستعمل تلفون ماما."

 هو ضحك وقال: "حتى أنا ما عنديش فايسبوك." 

(مع أني كنت نعرف عنده أربع صفحات 🤦‍♀️).

مرة لمحني في مركز تجاري وأنا بلا حجاب… لمّح بكلام، وأنا عملت روحي مش فاهمة. حتى أخويا ساكت دار روحو ما شافش.

بعدها جاء موضوع الشروط. 

قلت له بوضوح:

– "أنا نحب نكمل قرايتي ونخدم، ولبسي نحب نلبس روبات وسراول وليكات."

هو وافق بهدوء، لكن في الكواليس كان أخويا يلعب لعبة ثانية:

 يقولي أنا "وافق"، 

ويقول له "هي وافقت على الستار.

" الحقيقة كانت ضايعة بين الطرفين.

وفي وسط التجهيزات، صارت مشكلة:

هو منعني من حضور حفلة عائلية. 

قلت له: "حاضر." 

لكن في الليل سكرت الهاتف، وطلعت للحفلة. هو اتصل بأختي

، ردت: "جمانة نايمة ومريضة."

 بينما أنا كنت نضحك ونغني فالحفل

كل هذه التفاصيل خلتني نعيش صراع داخلي. مرات نسأل نفسي: "أنا ليه مكملة؟ هل هو قدري؟ ولا مجرد لعبة كبرت عليا؟"

كنت صغيرة، تائهة، محاصرة بين ضغوط العيلة وكلام الناس، وبين قلب ما حسّش بأي حب.

وفي هدوء ليالي الخطوبة، كنت نسمع صوت داخلي يلح عليا:

"لو كان عندي فرصة نوقف كل شيء… هل كنت راح أجرؤ؟"

الحلقه الثالثه من هنا

بداية الرواية من هنا

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺