رواية في يوم هنعود الفصل الاول والثاني والثالث والرابع والاخير بقلم بسمه أبو العلا حصريه وجديده على مدونة النجم المتوهج
رواية في يوم هنعود الفصل الاول والثاني والثالث والرابع والاخير بقلم بسمه أبو العلا حصريه وجديده
خلاص كدا هتمشي
رد بأسف:
_ للاسف اه
_ هترجع امته
_ ماعرفش بس لو مارجعتش عايزك تخلي بالك من نفسك و اعرفي اني بحبك اوي
قالت بدموع:
_ لا ماتقولش كدا عشان خاطري
_ هتوحشيني
_ وانت كمان متغيبش ارجع بسرعه هاا
_ حاضر انا لازم اركب دلوقتى بحبك اوي
_ وانا كمان
سافر و خد قلبي معاه عدى شهور و سنين و هو لسه مارجعش و ماعرفش عنه حاجه بدعي و بستناه كل سنه في نفس المعاد و المكان اللي سابني فيه بس مش بيرجع بس انا حاسه اننا هنتقابل في يوم
_ اي صاحيه لحد دلوقتي ليه
_ عادي
_ خلاص يا نسمه انسيه انتِ خطوبتك بكره
اختي عارفه كل حاجة و عارفه انا كنت بفكر في اي قولتلها بوجع:
_ مش عارفه يا ندى كل يوم حبه بيزيد في قلبي
_ بس انتِ خطوبتك بكره
قولتلها بعصبية:
_ عارفه أن خطوبتي بكره اعمل ايه يعني
حضنتني و قالت :
_ طب اهدي يا حبيبتي
قولت بعياط:
_ نفسي اشوفه و اعاتبه و اقوله ليه عملت فينا كدا ليه بتعذب قلبي و قلبك
ـــــــــــــــــــــــــــــــــــــــــــــــــــــــ
لا حول ولا قوه الا بالله العلي العظيم
بقلمي بسمه ابو العلا
خرجت من شقتها و هو كذلك قالت بابتسامة:
_ صباح الخير
_ صباح النور
_ انت نازل
_ ايوا
_ طب يلا شكراً جداً على اللي عملته معانا
_ الشكر لله انا ماعملتش حاجة و بعدين الجيران لبعضيها
_ تمام اه صح ماما عايزه تشوفك عشان تشكرك
رد بابتسامة:
_ ماعملتش حاجة والله بس حاضر بعد الشغل هعدي عليها
_ تمام يا استاذ
_ اياد و انتِ
_ سلمي
_ عاشت الاسامي يا آنسه سلمي
_ ميرسي يا استاذ اياد
ـــــــــــــــــــــــــــــــــــــــــــــــــــــــــ
سبحان الله وبحمده سبحان الله العظيم
بقلمي بسمه ابو العلا
بليل في شقه نسمه العائلتين متجمعين و نسمه قاعده جمب خطيبها بس ملامحها حزينه
_ شكلك قمر اوي
_ شكراً
_ تعرفي اني مبسوط اوى لاني اول مره اتشد لحد كدا
_ اممم
_ انا حاسس اننا نكمل مع بعض أن شاء الله
_ اممم
_ نسمه ماما بتقولك افردي وشك شويه
قولت بهمس و عصبيه:
_ لا كدا كتير اوي يا ندى مش كفايه هتخطب بالغصب و كمان عايزاني افرد وشي
_ معلش عدي الليلة دي على خير عشان خاطري
_ ماشي بس قوليلها تخلص الليله دي بسرعه
_ حاضر
ــــــــــــــــــــــــــــــــــــــــــــــــــــــــــ
لا اله الا الله
|في شقه سلمى|
_ مساء الخير
_ مساء النور ازيك
_ تمام الحمدلله و انتِ
_ مين يا سلمى
_ دا استاذ اياد يماما اتفضل
_ السلام عليكم ورحمه الله وبركاته
_ وعليكم السلام ورحمه الله وبركاته اتفضل يا بني
_ حضرتك عامله ايه دلوقتي
_ كويسة الحمدلله دا لولاك كان زماني هبقى ميته دلوقتى
_ بعد الشر عليكي والله اي حد مكاني كان عمل اكتر من كدا كمان
_ انت جديد في العماره هنا صح
_ اه ساكن من اسبوعين كدا
_ ماما يلا
_ ماشي يا سلمى يلا يا اياد
_ على فين
_ تاكل معانا و مافيش اعتراض عشان يبقى كلنا عيش و ملح مع بعض
اياد بضحك:
_ ماشي يا ست الكل
ــــــــــــــــــــــــــــــــــــــــــــــــــــ
لا اله الا انت سبحانك اني كنت من الظالمين
بقلمي بسمه ابو العلا
|في شقه نسمه|
محمود:
_ ايدك يا نسمه عشان البسك الدبله
_ لا
مين هو حبيب نسمه ؟
و هل هتبقى في قصة حب بين سلمى و اياد ؟
و ياترى خطوبة نسمه هتكمل ؟ 👇👇👇
( 2)
_ لا
الكل بص بصدمه و بدأوا يتكلموا قالت مامت نسمه :
_ معلش يا جماعه العروسه متوترة بس يلا يا نونو
نسمه و في عينيها الدموع قربت أيدها لمحمود عشان يلبسها الدبله
ـــــــــــــــــــــــــــــــــــــــــــــــــــــــــ
لا اله الا انت سبحانك اني كنت من الظالمين
بقلمي بسمه ابو العلا
|في شقه سلمى|
قاعدين على السفره بياكلوا في صمت قالت أم سلمى
_ انت عايش في الشقه لوحدك يا اياد
_ ايوا
_ اومال فين اهلك
_ أهلي عايشين في اسكندريه
_ يعني انت اسكندراني
_ اه
_ ايوا بقى تعرف يا اياد انا و ابو سلمى الله يرحمه كنا نروح اسكندريه دي علطول و ماكانش نحب نيجي هنا ابداً حتى لينا شقه هناك
_ الله يرحمه طب ما استقرتوش هناك ليه
_ كنا هنعيش هناك علطول بس عشان كان ينقل شغله صعب و كمان اهلنا موافقوش فـ بقينا نعقد هنا اسبوع و هناك اسبوعين و لما مات مابقتش اروح هناك خالص
_ امم
_ انت خريج كليه اي يا استاذ اياد
_ كليه آداب قسم جغرافيا مساحة
_ اممم حلوه بقى
_ اه فيها مجالات كتير
_ اه
اياد بابتسامة:
_ تسلم أيديكم بجد على الاكل الجميل دا
_ تسلميلي يا بني
ــــــــــــــــــــــــــــــــــــــــــــــــــــــــــــ
سبحان الله وبحمده سبحان الله العظيم
|بعد مرور ثلاث ايام|
اياد:
_ السلام عليكم عايز قهوة ساده
_ السلام عليكم عايزه اي دا استاذ اياد عامل اي
_ تمام الحمدلله و انتِ
سلمى :
_ كويسة الحمدلله
_ نازله بدري فين كدا
_ يعني هتمشى شوية و بعد كده هروح لدكتورة
اياد بقلق:
_ مالك في اي
_ لا انا الحمدلله كويسه بس بروح لدكتورة نفسية يعني صحبتي و بتعالج عندها
_ بتتعالجي من اي
_ اممم ممكن بلاش دلوقتى و صدقني هيجي يوم و هحكيلك فيه يا استاذ اياد
اياد بابتسامة:
_ ماشي بس ممكن بقى بلاش استاذ اياد دي قوليلي اياد عادي تمام
_ تمام يا استاذ اياد
اياد بضحك:
_ تاني
_ سوري نسيت يا اياد
_ ايوا كدا بقت احلى يلا شوفي هتاخدي ايه
سلمى بابتسامة:
_ ماشي
ـــــــــــــــــــــــــــــــــــــــــــــــــــــــــ
لا حول ولا قوه الا بالله العلي العظيم
بقلمي بسمه ابو العلا
|في الشركة|
دخل اياد لقى طارق قاعد على الكرسي و ماسك التليفون و رافع رجله على المكتب و الورق مرمي على المكتب بإهمال
اياد:
_ صباح الخير
طارق:
_ صباح النور
اياد باستغراب:
_ قاعد كدا ليه
طارق:
_ عادي مافيش شغل و مخنوق شوية
_ مالك
_ اوعدنا يارب
_ في اي يا هبل انت
_ اتنين اتخطبو بس ايه البت مزه
_ طول ما انت كده عمرك ما هتتجوز
_ ليه بس كده المهم جبت الفطار
_ ايوا
_ طب هات بسرعه مستني ايه دا انا وقع من الجوع
اياد بضحك:
_ عمرك ما هتتغير أبداً
ــــــــــــــــــــــــــــــــــــــــــــــــــــــــ
استغفرالله العظيم و اتوب اليه
|في العياده|
نسمه قاعده و حاطه ايديها على خدها بملل و سرحانه و محمود بيتكلم في التليفون
محمود:
_ سمسم بقولك ما تيجي نخرج انهارده … يا نـسـمــه
نسمه :
_ ايه في حاجة
_ لا دا انتِ مش معايا خالص
نسمه :
_ معلش كنت سرحانه شوية كنت بتقول ايه
_ تعالي نخرج انهارده
_ مش هينفع عشان عندي شغل كتير
_ بعد الشغل
نسمه بضيق:
_ بقولك عندي شغل كتير و ممكن اخلص متأخر
_ طب بكره
_ برضو نفس النظام
_ طب اي يوم في الأسبوع دا
_ اسيب شغلي يعني و بعدين الأيام جايه كتير
_ لكن تسيبيني انا صح
نسمه:
_ محمود عندي شغل
محمود:
_ تمام يا نسمه
محمود و هو خارج خبط في سلمى
سلمى:
_ اي دا
نسمه:
_ سلمى وحشتيني اوي
سلمى:
_ وأنتِ وحشتيني اوي بجد كنتي مختفيه فين و مين اللي لسه خارج دا
نسمه اتنهدت :
_ خطيبي
سلمى بصدمه:
_ اييي
(3)
سلمى بصدمه:
_ اييي
نسمه بضحك :
_ في اي بس
_ اتخطبتي ازاي و انتي مخطوبه ولا خطيبك رجع و ما قولتيش لحد ليه انا مش فاهمه حاجه
_ هافهمك
_ قولي
نسمه:
_ بصي يا ستي خطيبي مارجعش ولا حاجة و انا مخطوبة لمحمود بالغصب
سلمى:
_ طب و خطيبك القديم
نسمه بتعب:
_ ماعرفش عنه حاجه انا بقيت الفترة دي تايه و مش عارفه حاجه
سلمى:
معلش يا حبيبتي أن شاء الله كل حاجة هتتحل
_ أن شاء الله المهم أنتِ عامله ايه
_ كويسة الحمدلله
_ شكلك فرحانه حب دا ولا اي
سلمى بابتسامة:
_ مش حب مره واحده لا يعني شبه اعجاب
_ شبه بس عموماً دي كدا خطوة كويسه
_ لا ما هو في مشكله
نسمه باستغراب:
_ ايه هي
_ انا ساعات بفكر فيه
_ في أحمد
_ ايوا
_ يعني اي بقى ده
_ يعني بفكر في الاتنين
_ يلهوي أنتِ هتشيليني والله
سلمى بضحك:
معلش معلش
ـــــــــــــــــــــــــــــــــــــــــــــــــــــــ
اللهم صلِ و سلم على سيدنا محمد
بقلمي بســمه أبو العلا
|بعد مرور يومين|في شقه اياد|
اياد قاعد على الكنبه و بيكلم اخته في التليفون
اياد:
_ ماما عامله ايه
نادين:
_ كويسه الحمدلله
اياد:
_ و بابا و دلال
نادين:
_ كلهم كويسين الحمدلله المهم انت هتيجي امتى و ايه الأحوال عندك
اياد :
_ قريب إن شاء الله و الدنيا هنا حلوه اوي
نادين:
_ شكلك شوفت مزه
_ لا لا هي واحده بس اللي في القلب و انتِ عارفه
سلمى بضحك:
_ الله يسهله يعم خد دلال عايزة تكلمك
اياد:
_ ماشي
دلال:
_ ايه يويو
اياد:
_ ايه يا قلب القلب عامله ايه
دلال:
_ كويسه يا قلبي انا و نادين عايزين نجيلك
اياد:
_ تعالي يا حب شوفوا عايزين تيجو امتى و اجي اجيبكم
دلال:
_ ماشي هنشوف كدا
اياد :
_ طب استني كدا في حد بيخبط
اياد قام يفتح الباب و كان طارق
طارق:
_أهلاً يا زميكس
اياد:
_ طب سلام دلوقتى يا دلال
دلال:
_ ماشي باي
اياد:
_ تعالى يا تيتو
ـــــــــــــــــــــــــــــــــــــــــــــــــــ
سبحان الله و الله اكبر و الحمدلله
|في شقه |في الصالة|
_ أهلاً بدكتورة اللي مش عارفين نكلمها
_ في اي بس يا ست الكل
فريال:
_ بقى محمود يقولك تعالي نخرج في اي يوم تقولي له مش فاضيه اي كل يوم بتشتغلي 24 ساعة
نسمه بضيق:
_ بصراحه بقى انا مش عايزاه
فريال:
_ برضو مش هتنفذي اللي في دماغك يا نسمه و هتتجوزي محمود بالذوق أو غصب عنك
نسمه بصوت عالي:
_ في ايه انا زهقت من طريقتك دي انا مش بحبه مش عايزاه افهمي بقى
_ السلام عليكم ورحمه الله وبركاته في ايه صوتكم عالي ليه
فريال بتوتر:
_ وعليكم السلام يا حاج مافيش حاجه كنا بنتناقش بس
_ لا في يبابا
محمد:
_ قولي يا حبيبتي
_ انا هسيب محمود
محمد باستغراب:
_ ليه
_ عشان مش بحبه
_ ازاي ده فريال مفهماني انك بتحبيه و هو كمان
نسمه بصت لفريال:
_ فعلاً يعني ضحكتي علينا كلنا بقى
محمد:
_ في اي
_ بابا انا مخطوبة لمحمود بالغصب
محمد :
_ انتِ استغليتي اني كنت مسافر يا فريال و كدبتي عليا
_ والله العظيم ابداً انا لو كنت قولتلك الحقيقة ماكنتش هتوافق و انا مش عايزها تتعلق بحبال دايبه خطيبها القديم مش راجع تاني خلاص
_ لا راجع ما تقوليش كدا
_ اسكتي أنتِ يا نسمه دلوقتى
_ حاضر يا بابا
محمد بهدوء:
_ أنتِ غلطتي يا فريال و غلطك كبير احنا عمرنا ما بنغصب بنات على الجواز و نسمه حره في حياتها و انتِ يا نسمه لو مش مرتاحة مع محمود و عايزه تسيبه عادي
نسمه بفرحه :
_ بجد
_ بجد بس لو مش مرتاحة فعلاً يلا صالحي مامتك لانك زعقتي ليها
نسمه حضنتها:
_ انا آسفه يماما
فريال حضنتها برضو:
_ خلاص يا حبيبتي مافيش حاجه لسه زعلان مني يا ابو نسمه
محمد بابتسامة :
_ لا خلاص اومال فين البت ندى
ندى و هي بتبلع الاكل:
_ انا اهو يبابا
نسمه:
_ انتي كلتي من غيرنا
_ ما بصراحه بقى انا جوعت و انتوا بتتخانقو فــ قولت اجيب الاكل و انا بتفرج عليكم
محمد ضربها على رأسها بخفه:
_ ليه شايفه قدامك ياسمين عبد العزيز و منى زكي
ـــــــــــــــــــــــــــــــــــــــــــــــــــــــــ
لا اله الا الله وحده لا شريك له له الملك وله الحمد وهو على كل شيء قدير
بقلمي بسمه أبو العلا
| في شقه سلمى|
_ بقولك يا سلمى
_ ايه يا ماما
سمر:
_ خدي طبق البسبوسة ده و دخليه لاياد
_ ليه
سمر:
_ غلبان و مالوش حد يعمله حاجه
سلمى:
_ حاضر هاتي
" خدت سلمي الطبق من مامتها و لبست خمار و خبطت على شقه اياد "
سلمى باستغراب:
_ السلام عليكم فين استاذ اياد
طارق:
_ مافيش استاذ اياد في استاذ طارق ينفع
سلمى:
_ أولا انت مش محترم ثانياً دمك سم جداً
طارق:
_ و انتِ قليله الذوق جداً
سلمى:
_ والله انت
اياد:
_ في اي يا طارق ايه ده ازيك يا سلمى
سلمى:
_ كويسه و ماما بتقولك خد الطبق ده
اياد:
_ شكراً يا سلمي و تسلم ايد ماما
سلمى ابتسمت لاياد و بصت لطارق بقرف
طارق :
_ ما براحه ع نفسك شويه
اياد :
_ يعم ادخل بقى
طارق:
_ ده ايه البت الباردة دي
اياد:
_ معلش ادخل بقى
ـــــــــــــــــــــــــــــــــــــــــــــــــــــــــ
ربنا آتنا في الدنيا حسنه وفي الاخره حسنه و قنا عذاب النار
|تاني يوم الساعه 11 الصبح|في الكافية|
_ آسف بجد على اللي حصل من طارق امبارح
_ خلاص عادي
اياد:
_ زعلانه
سلمى بابتسامة:
_ لا خلاص عادي
اياد:
_ مالك
سلمى:
_ عادي مافيش
اياد:
_ لا في بس انا مش هضغط عليكي
"سلمى بصت له شويه"
سلمى بحزن:
_ انا اتجوزت و اتطلقت تاني يوم
اياد:
_ ازاي
سلمى:
_ من 6 سنين حبيت واحد معايا فى الكلية و طلع بيحبني هو كمان و بعد اما خلصت الكلية اتقدم و ماما وافقت و فضلنا سنتين مخطوبين و تاني يوم من كتب كتابي لقيت حد بعتلي فيديو ليه و هو مع واحده في شقتي اتصدمت ازاي حبي الاول يعمل فيا كدا روحت قولت لماما أتصلت بيه و قالتلو منكرش و قال لماما أنها مراته و اتطلقت منه بعد 6 شهور اتعرفت على دكتوره نسمه و بقت معايا خطوة بخطوة لحد ما بقيت تمام و ساعات كدا بروح ليها اتابع برضو
اياد بذهول:
_ هو في كده بجد
سلمى:
_ و اكتر من كدا والله قليل أوي تلاقي حد كويس في الزمن ده
اياد:
_معلش أن شاء الله ربنا يعوضك بــ الأحسن منه
سلمى:
_ لا خلاص كدا كويس أوي
"سلمى شافت نسمه في الكافية"
سلمى بتشاور على نسمه:
_ دكتوره نسمه اهي
اياد بصت على اللي سلمى بتشاور عليها
(4)
_ هو في كده بجد
سلمى:
_ و اكتر من كدا والله قليل أوي تلاقي حد كويس في الزمن ده
اياد:
_معلش أن شاء الله ربنا يعوضك بــ الأحسن منه
سلمى:
_ لا خلاص كدا كويس أوي
"سلمى شافت نسمه في الكافية"
سلمى بتشاور على نسمه:
_ دكتوره نسمه اهي
اياد بص على اللي سلمى بتشاور عليها
اياد بصدمه:
_ دي دكتوره نسمه صحبتك
سلمى بابتسامة:
_ ايوا هنادي عليها دكتوره نسمه
" نسمه بصت ليها و شافت اياد بس كان قاعد بضهره و سلمى شاورت بايديها أنها تيجي"
نسمه بابتسامة:
_ السلام عليكم
سلمى:
_ وعليكم السلام اعرفك يا نسمه اياد جارنا و زي اخويا
" اياد و نسمه بصوا لبعض بصدمة و سلمى استغربت"
سلمى باستغراب:
_ اياد نسمه ايه مالكم
نسمه:
_ مافيش يا حبيبتي
سلمى:
_ ماشي بعد اذنكم ثانيه
نسمه مسكت ايدها بخوف:
_ رايحه فين
سلمى بابتسامة:
_ متخافيش انا هعدل هدومي في الحمام مش هتأخر
" سلمى راحت الحمام و اياد كان بيبص لنسمه من ساعه ما جت"
اياد:
_ وحشتيني
نسمه:
_ حضرتك بتكلمني
اياد:
_ مش فاكرني يا نسمه
نسمه:
_ انا ماعرفكش اصلا
اياد:
_ مش بتعرفي تكدبي يا نسمه
نسمه:
_ انت شكلك باين كدا مجنون انا هقوم امشي احسن
اياد:
_ مجنون
" بعد شويه"
سلمى:
_ اومال فين نسمه
اياد:
_ مشيت
سلمى:
_ ليه
_ معرفش
ـــــــــــــــــــــــــــــــــــــــــــــــــــــــــ
لا اله الا الله وحده لا شريك له له الملك وله الحمد وهو على كل شيء
بقلمي بســـمه ابو العلا
|بليل|في بيت نسمه|
_ مساء الخير يا ماما
_ مساء النور يا حبيبتي
فريال بقلق:
_ اختك اتأخرت اوي
ندى:
_ اتصلي بيها
فريال:
_ أتصلت مش بترد
" لسه ندى هترد لاقو نسمه بتفتح الباب "
ندى :
_ اهي جات
فريال:
_ كنتي فين كل دا و بتصل بيكي مش بترد ليه
نسمه:
_ كان عندي شغل كتير انهاردة
فريال :
_ طب و التليفون
نسمه:
_ مسمعتهوش
_ استني رايحه فين
نسمه بتعب:
_ هنام
"فريال كانت هتتكلم تاني بس سكتت لما ندى شاورت لها بأنها هتتدخل وراها"
ندى:
_ كنتي فين يا نسمه و بصراحه
" نسمه بصت لها و اتنهدت"
ــــــــــــــــــــــــــــــــــــــــــــــــــــــــ
استغفرالله العظيم الذي لا اله الا هو الحي القيوم و اتوب اليه
|في بيت اياد|
" اياد واقف في البلكونة بيفكر في اللي حصل"
سلمى:
_ مساء النور
اياد:
_ مساء الخير
_ ممكن اسألك سؤال بس هو محرج شوية
اياد:
_ عارف هتقولي ايه اه يا سلمى اعرف نسمه و من زمان كمان
سلمى:
_ صحاب
اياد:
_ تؤ حبايب نسمه حب حياتي و عمري انا و نسمه نعرف بعض من ايام الكلية بعد اما خلصنا اتخطبنا و بعد كده سافرت عارف اني غبت كتير " و كمل بدموع" بس ماكنتش متخيل أنها تتخطب لاحظت في أيدها دبله غير دبلتي لما كنا في الكافيه
سلمى:
_ بس انت جيت متأخر نسمه حكيتلي عنك كتير علفكره هي بتحبك أوي و نسمه مخطوبة بالغصب يا اياد
اياد:
_ بجد طب تعرفي العياده بتاعتها
سلمى بابتسامة:
_ طبعاً
ــــــــــــــــــــــــــــــــــــــــــــــــــــــ
لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا
بقلمي بســـمه ابو العلا
" محمود و نسمه قاعدين في الكافية"
نسمه:
_ نعم يا محمود
محمود:
_ آسف على اللي حصل و انا قولت لمامتك عشان تشوف مالك لكن ماكنش قصدي اعملك مشاكل
نسمه:
_ بص يا محمود انت لما جيت تتقدم انا ماكنتش موافقة عليك و اتخطبت بالغصب بس بعد كده قولت أما اديك فرصه يمكن نكون مناسبين لبعض بس للاسف احنا مش شبه بعض خالص
محمود:
_ يعني ايه
"نسمه خلعت الدبله من أيدها و حطيتها على الترابيزة "
نسمه بأسف:
_ كل شيء قسمه ونصيب و ربنا يرزقك بواحدة احسن مني
" و قامت نسمه خرجت و هي بتعيط على اللي حصلها في الأيام اللي فاتت "
ــــــــــــــــــــــــــــــــــــــــــــــــــــــــــ
لا حول ولا قوه الا بالله
|تاني يوم في الشركة|
طارق:
_ مالك يا حزين
اياد:
_ لقيتها
طارق باستغراب:
_ هي مين
اياد :
_ نسمه
طارق:
_ طب الحمدلله عملت ايه بقى
اياد:
_ اتخطبت يا طارق
طارق:
_ و هتعمل ايه
اياد:
_ هروح لها طبعاً
طارق:
_ هتقولها ايه و بصفتك ايه
اياد:
_ هقولها عملتي ليه كدا فينا
طارق حط أيده على كتفه:
_ ربنا يريح بالك و قلبك يا صحبي
ــــــــــــــــــــــــــــــــــــــــــــــــــــــــــــ
استغفرالله العظيم و اتوب اليه بقلمي بســـمه ابو العلا
|بليل في العيادة|
" نسمه كانت بتلم حاجتها في الشنطه عشان هتمشي"
_ وحشتيني
"اول لما سمعت صوته وقفت و بصتله الاتنين بصوا لبعض بحب و شوق و عتاب فضلوا كده نص ساعة و بدأ يتكلم"
اياد :
_ بعد لما قفلت معاكي من اخر مره كلمتك فيها و قولتلك جاي و انا جاي في الطريق عملنا حادثه و في ناس ماتت و في اللي عاش و ساعتها تليفوني اتكسر و لما رجعت اسكندريه روحتلك البيت ناس قالولي مشيتي و اتصلت بيكي من عند دلال تليفونك كان مقفول و لما شوفتك من يومين فرحت بس فرحتي ما كملتش لما لقيت في ايدك دبله غير دبلتي عارف اني غبت كتير بس ماكنتش متخيل انك تلبسي دبله غير دبلتي
نسمه بوجع:
_ جاي عايز ايه يا اياد
"اياد ماكنش عارف يقول ايه مسح على شعره و حط أيده في جيبه و بصلها و مشي و هي انهارت"
ــــــــــــــــــــــــــــــــــــــــــــــــــــــــــ
لا اله الا انت سبحانك اني كنت من الظالمين
بقلمي بســـمه ابو العلا|على النيل|
_ هو احنا كل يوم هندور عليكي يا بنتي
_ سيبوني في حالي بقى
ندى حضنتها:
_ اهدي بس في ايه مالك
_ انا سيبت محمود
ندى:
_ زعلانه يعني عشان سيبتيه أن شاء
نسمه بمقاطعة:
_ اياد رجع
ندى:
_ ازاي و امتى
نسمه:
_ ماعرفش
ندى:
_ هسألك سؤال بس تجاوبي بصراحه
نسمه:
_ قولي
ندى:
_ انتي سيبتي محمود عشان اياد رجع
نسمه:
_ لا طبعاً مستحيل اعمل كدا انا سيبت محمود عشان انا و هو مش متفقين مع بعض و بعدين انا ولا عايزه اياد ولا غيره انا كرهتهم كلهم
ندى حضنتها و نسمه عيطت
ندى :
_ ينفع كدا اكون عاملها الكيكه و انزل أدور عليكي من غير ما ادوق حته دا يبقى حرام والله
نسمه :
_ يلهوي عليكي
ندى بابتسامه:
_ أن شاء الله كل حاجة هتتحل " وكملت بهزار" و يلا بقى عشان هموت و اكل الكيكه
نسمه ضحكت
ــــــــــــــــــــــــــــــــــــــــــــــــــــــــــ
سبحان الله وبحمده سبحان الله العظيم
بقلمي بســـمه ابو العلا
|بعد مرور أسبوع|في بيت نسمه |
"نسمه رجعت من الشغل لقت ندى في وشها"
نسمه بخضها:
_ في ايه مالك واقفة كدا ليه
ندى:
_ في ناس مستنياكي جوا
نسمه:
_ ناس مين
ندى:
_ ادخلي و انتي هتعرفي
"نسمه داخلت لقت اياد قاعد مع أبوها"
نسمه:
_ انت جيت ليه
محمد:
_ نسمه مينفعش كده اياد جالي و قالي على كل اللي حصل و كان غصب عنه
نسمه:
_ برضو عايز ايه و جاي ليه
اياد:
_ طالب ايدك من تاني لاني مش عارف اعيش من غيرك ولا عايز غيرك
محمد:
_ انا بصراحه موافق
سلمى :
_ و انا موافقه جداً
نسمه:
_ ايه دا سلمى
سلمى:
_ ايوا وافقي بقى عايزين نفرح
اياد:
_ ايه
نسمه:
_ موافقه
سلمى و فريال و ندى زغرتوا
اياد بفرحه:
_ أخيراً يا سمسم
تمت
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق