رواية زهرة البيت الفصل السادس والأخير بقلم روان الشبلاق حصريه وجديده
رواية زهرة البيت الفصل السادس والأخير بقلم روان الشبلاق حصريه وجديده
وسام خبر روعة اللي صار معهم
وكان الخبر صدمة بالنسبة الها وظلت يومين عم تبكي ع حظها
وسام ماقدر يستقر بالبلد لأن تعود ع العيشة هنيك
كان يطلع الصبح ع الشغل ويرجع العصر
ياخد روعة ويروحو يسهرو ببيت اهلها
وايام يروح مشوار ع حديقة او يتمشو او ع الملاهي
هون مو عارف شو يعمل
لا قادر يقعد بالبيت ولا قادر يطلع لعند مرتو
وكل الوقت معصب
ابو وسام. قلتلك يا وسام اطلعو ومارديت عليي
وسام. لك انا بعرف انو بدو يصير هيك
وسيم. هاد اخر شي كنا منتوقعو
ايمان. هي بلدكم هلأ بطلتو تقدرو تعيشو فيها
وسام. المشكلة انو روعة هنيك مابعرف شو بدي اعمل
ايمان. اكيد رح تخليها ترجع .. ولا ناوي تبقى لوحدك هون
وسام. خليني بحالي مشان الله .. ماهيي حامل كيف بدها ترجع وغير هيك معها البنت ولوحدها رح ترجع
ايمان. اي بتدبر حالها
وسام. اتطمني لو رجعت رح استأجر بيت واسكن فيه
ايمان. اي عادي المهم ترجع لك ما اشتقت لبنتك
احكي معها وخليها ترجع
وسام. مو هلأ خليها بعد اسبوع بلكي صار شي وقدرنا نطلع
بعد اسبوع اتصل وسام بروعة وخبرها مشان ترجع
وكانت صدمة كبيرة بالنسبة الها
كيف بدها تترك اهلها
وكيف رح ترجع وهيا حامل ومابتقدر تمشي خطوتين
في الاردن
روعة عم تبكي وتحاكي امها
روعة. امي شو رح يصير فيني هلأ وسام بدو ياني ارجع وانا مجرد فكرة انو ارجع ع سوريا بتخليني موت خوف كيف لو رجعت
مشااان الله يا امي لاقيلي حل
احكي مع وسام خليه يخليني هون
او خلي ابي واحمد يحكو معو
مابدي ارجع والله بخاف ع بنتي
ام احمد. لا حول ولا قوة الا بالله من وين اجتنا هالشغلة ماسدئنا انو ارتحنا واجتمعنا كلنا سوا بمكان امن
روعة. الله يوفقك يا امي مابدي ارجع
ام احمد. يعني شو طالع بأيدي يا امي اذا زوجك عم يقول بدو ياكي
رح خلي احمد يحكي معو ويقلو انو تبقي هون
روعة. والله مارح يرضى وسام كتير متعلق ببنتو وكل يوم كان يقلي اديش مشتاقلها ومو مسدء ايمتى يشوفها
مارح يقدر يقعد بدونا
وانا مافيني كون بعيدة عنكم
اتصل وسام بروعة مرة تانية
وسام. روعة شو صار معك ايمتى رح ترجعي
روعة. وسام مافيني ارجع هلأ والله كتير بتعب والدكتورة قالتلي لازم ظل مرتاحة كيف بدك ياني ارجع ونوال معي مابقدر مستحيل
وسام. يعني عندك حل تاني انا رح جن هون مو قادر اتحمل ولا دقيقة
روعة. ياحبيبي طول بالك عليي بس لأولد وبعدين بنشوف شو بصير
وسام. من كل عقلك بدك استنى شهرين
روعة. يعني شو اعمل
مابكفي اني قبلت ارجع
وسام. لك افهمي عليي ماقادر عيش هون لوحدي
لا تخافي اذا رجعتي مارح سكنك مع ايمان رح ناخد بيت النا
روعة. طيب بس والله هلأ مابقدر اصبر عليي فترة
وسام. اسمعي روعة معك مهلة اسبوعين لترجعي ومن هون لوقتا انا رح استأجر بيت وافرشو وانتي بتكوني جهزتي حالك
روعة. اوففف يا الله منك
سكرت روعة ورجعت تبكي
بالليل
احمد. حكيت مع وسام مشان تبقي هون وما وافق
روعة تبكي. ليش هيك عم يصير معنا
ام احمد. وهلأ مارح تقدر ترجع ولا بدو ياها تموت ع الطريق
روعة. ان شاء الله بموت وبرتاح من هالعيشة
كل ماقول فرجت بترجع بتسكر بوجهي
شو عاملة انا ياربي حتى هيك عم يصير معي
احمد. يعني شو نعمل قال انو رح تسكنو ببيت لحالكم
روعة. لك انا وين وهوا وين مو هي مشكلتي
المشكلة انو هون تعودت عالهدوء ع الامان ع حياة جديدة بتختلف تماما عن اللي كنا عايشينها
وبدو ياني ارجع بعد اسبوعين بكون فتت بشهري التامن
لك والله اذا عم بمشي خطوتين بتعب
احمد. مافي حل الا انو انتي تحكي معو وتقنعيه انك تظلي هون حتى تولدي ومن هون لوقتا بنكون لقينا حل
روعة. رح جرب بعد يومين بحكي معو بلكي يكون غير رأيو
ام احمد. ان شاء الله
بعد يومين اتصلت روعة بوسام
روعة. والله هلأ رجعت من عند الدكتورة وشرحتلها وضعي وقالت خطر ع اللي ببطني ويمكن اخسرو
وسام. طيب والحل
تعي شوفي حالتي هون
الكل عايش ومبسوط الا انا
لك والله اشتقتلكن .. معقول انتي ما اشتقتيلي
روعة. الله وحدو بيعلم اديش اشتقتلك .. بس انت بترضى يصير ع ابنا شي بس مشان ماتصبر هالشهرين
وسام. اليوم عم يمر عليي كأنو سنة الوقت ماعم يمشي
عم بقعد بالغرفة دقيقتين بختنق فورا بطلع منها
عم بشوف العاب نوال بمسكهن وبتذكرها
يا الله اديش اشتقتلها وحابب شوفها
مابدي بنتي تكبر ولا يوم وهي بعيدة عني
روعة. ياعمري انت ياريت ما رجعت
وسام. نصيبي
روعة. هلأ ببعتلك صور نوال وببعتلك مقاطع فيديو الها
وسام. اي ياريت
روعة. طيب هلأ شو مشاني
وسام. خلص خليكي بس بعد ما تولدي بأسبوعين بترجعي
روعة. اكيد ان شاء الله
سكرت روعة وبعتتلو صور نوال صار يشوفهن ودمعو عيونو
ابوه شافو وزعل عليه
ابو وسام. شو صار مع مرتك بدها ترجع
وسام. هلأ مابتقدر لبعد ماتولد
ايمان. بس حرام عليها هالشي ليش هيا انانية بدها تبقى عند اهلها وانت هون محروم من شوفة بنتك
وحتى ابنك رح تكون بعيد عنو
وسام. هني شهرين وبيمرقو
ايمان. ليش ما يجيبها اخوها
وسام. مابيقبل
ايمان. ليش جربت
وسام. لا
ايمان. لك بهالشهرين يمكن نوال تنساك وتتعلق بخالها اكتر منك
وسام......
ايمان. لا تزعل مني بس انا عم بحكي مشانك خلص خليها ترجع واستقرو هون
وسام. ان شاء الله
ايمان. بنتك بلشت تحكي
وسام. بتقول ماما وبابا ههههه
ايمان. ورجيني صورها .. ياعمري شو حلوة لك دخيل قلبها .. كيف قادر تصبر وهي بعيدة عنك
وسام. رح بحكي مع اخوها وبشوف شو بصير معي
ايمان. اي اصر عليها خليها ترجع
شو يعني ماحدا جاب اولاد غيرها
هي اسراء جابت ولدين وكانت وهي حامل تشتغل كل شغل البيت وتغسل سجاد وبلشانة بالعيلة كلها
بس روعة عم تضحك عليك عم تتحجج بحملها مشان ماترجع بدها تبقى عند اهلها
وسام. لا من لما كنت هنيك كانت تتعب وماكانت تقدر تهتم بنوال كانت تبعتها لعند حنان تهتم فيها
ايمان. ايواا لكن بكرا بتصير تقول لخالها احمد بابا
وسام ترك ايمان ودخل ع الغرفة واتصل بروعة
وسام. روعة اسمعيني منيح من هون لأسبوع بدك تكوني هون
كيف مابعرف المهم بدي ترجعي
روعة. شو صرلك مو حكينا وقلتلي عادي ابقى هون
وسام. لا مو عادي بكرا بس يجي الولد بتصيري تقولي لحتى يكبر شوي
روعة. لك مو انا وعدتك انو بعد ما اولد بأسبوعين ارجع
وسام. وانا مابدي بدي ترجعي هلأ بأقرب وقت
خلي احمد يجيبك اذا خايفة ع حالك
روعة. اهاا ما اشطرك واحمد كيف بدو يرجع لهون
وسام. لا تجننيني لكن بترجعي لوحدك
شو انتي الوحيدة بهالدنيا اللي حامل
شو رح يصير عليكي يعني
روعة. امانة مو ايمان هي اللي اقنعتك بهاد الحكي
وسام. لا مادخلها انا مالي قادر عيش بدونكم
روعة. وانا مارح ارجع لحتى اولد
وسام. هاد اخر كلام عندك
روعة. اي اخر كلام
وسام. ماشي ياروعة لكن كنتي تضحكي عليي مشان تبقي عند اهلك
روعة. لا اله الا الله لك والله مو هيك
وسام. الاسبوع الجايي بتكوني هون عم تقهمي
روعة. لااا واللي بطلع بأيدك اعملو
وسكرت الخط
ام احمد. يعني زوجك كل دقيقة بعقل
روعة. كلو من ايمان هيا عم تعبي برأسو علي
ام احمد. لا تظلميها بلكي مو هيا
يمكن عنجد مو قادر يقعد بدونكن
روعة. بعرف هالشي بس هيا عم تزودها عليه
وانا ماعم بظلمها لأن طريقة حكيو كأنها هيا اللي عم بتحاكيني
ام احمد. قلت لأخوكي اني ارجع انا وابوكي وانتي بس مارضي قال اذا رجعنا رح يرجع معنا
والاولاد صارو يبكو مابدهم يرجعو
بخاف اذا رجعنا وصار عليهم شي تكون خطيتهم برقبتنا
روعة. مو عارفة شو اعمل
ام احمد. الله يصلحو زوجك لو يستنى كم شهر لحتى تولدي ويكبر الصبي شوي وبعدين بترجعي
روعة. مو راضي تخانئنا وسكرت الخط بوجهو
مفكرني عم اضحك عليه قال شو مافي غيرك بالدنيا حامل
ام احمد. هلأ اتركيه فترة وبس يروق احكي معو واقنعيه
روعة. ماشي
مرق شهر وهني ع هالحالة كل يوم بيتصل وسام عشر مرات بدو ياها ترجع
وايمان عم تقنعو انو روعة عم تضحك عليه
روعة صارت بشهرها وسام بدو ياها ترجع قبل ماتولد ومو طالع بأيدو يعمل شي
روعة. لك مليييت واللهي مليت
ليش هيك عم يعمل معي كل يوم خنائة ع التلفون انو ماكان يمل ويقتنع انو مارح ارجع هلأ
حنان. طولي بالك عليه وحطي حالك مكانو
روعة. لك انا شو ذنبي انا قلتلو يرجع ويظل شهر هنيك
لك لو بعرف هيك كنت رجعت معو وماصار فيني اللي عم بصير
لك جنني كل دقيقة بيتصل ماكان يمل
حنان. معليش حبيبتي فترة قصيرة وبتمرق اتحملي تلفوناتو حتى لو عصب عليكي اتحمليه وحاكيه بالمنيح لا تخلي ايمان تلعب بعقلو وتقلبو عليكي
روعة. هه ما كل هاد بسبب ايمان
في بيت وسام
ايمان. يخربيتها لروعة شو طلعت قوية وماحدا بيقدرلها
لك اصبر كم يوم والله مابقى اصلا ترد ع تلفوناتك
وسام. رح اصبر وشوف اخرتها معها
مرق 3 اسابيع وولدت روعة وجابت صبي
وخبرت وسام وسموه محمد
بعد ماولدت ماكانت صحتها منيحة ابدا وكل يوم كانت تتعب وياخدوها ع المشفى
مرق 3 اسابيع و وسام رجع يفتح موضوع الرجعة
وروعة تقلو اي واتفقو انو بعد اسبوعين ترجع
بس اللي صار انو روعة حتى بعد ماولدت ما ارتاحت وكل الوقت تعبانة وماتعرف شبها
كانت تفكر انو بسبب الولادة
ومرقو الاسبوعين التانيين وروعة حالتها للأسوأ وماتعرف شبها
واهلها كلهن لاحظو عليها كيف نحفت كتير فجأة بشكل مو طبيعي
بالليل
روعة تبكي. يا امي تعبانة ماعم بعرف شبني كل يوم بقول يلا بكرا بتحسن بس يبدو مافي امل خدوني ع الدكتور
ام احمد. واخيرا وافقتي تروحي ع الدكتور
روعة. لأن ماعم بقدر امشي ع رجليي
بكرا بس يتصل وسام مابعرف شو بدي قلو
ام احمد. بكرا ان شاء الله رح ناخدك ع الدكتور
روعة. ان شاء الله .. انا رايحة نام تصبحو ع خير
ام احمد. وانتي بخير
دخلت روعة ع غرفتها ونامت
بعد ساعة دخلت امها لتطمن عليها
قربت منها لتغطيها
وكانت روعة عرقااانة كتير
ام احمد. يي ليش هيك كل جسمها مي
ماعليها حرارة غريب شو القصة .. روعة .. روعة يا امي
روعة. نعم امي
ام احمد. قومي حبيبتي قومي بدلي تيابك انتي كتير عرقانة
روعة. مو قادرة قوم يا امي
ام احمد. سلامة قلبك ياعمري .. شبكي شو فيكي
روعة. مابعرف بس اللي بعرفو اني كتير تعبانة
ام احمد. الحق علينا اللي ردينا عليك لازم اخدناكي غصبا عنك عالدكتور
ام احمد نادت لأحمد واخدو روعة الساعة 1 بالليل ع الدكتور
وحنان بقيت عند الاولاد
دخلت لعند الدكتور وفحصها وحولها ع المشفى
ام احمد. خير دكتور بنتي فيها شي ليش حولتها ع المشفى
الدكتور. لأن هنيك احسن لوضعها بصراحة مافي شي ممكن قوللكم ياه هلأ لانو بدنا نعمل فحوصات وتحاليل وانا بكرا الصبح موجود بالمشفى
بتعملو هدول الفحوصات وبتجيبولي ياهن
احمد. تمام دكتور شكرا الك
روعة. احمد ساعدني ماعم بقدر امشي
احمد. اعطيني ايدك
ام احمد صارت تبكي
لك ريت المرض الي ولا الك يا امي
روعة. امي شبكي يعني طبيعي اللي عم بصير معي كل هاد بسبب الحمل لأن كل الوقت كنت تعبانة وما اخد ادوية
ام احمد. الله يشفيكي ياعمري
طول الليل روعة ماقدرت تنام والسعلة مافارقتها
كانت تسعل والدم يطلع من تمها بس ماخبرت اهلها
تاني يوم عملو الفحوصات واعطوهن للدكتور
وسألها الدكتور كم سؤال
الدكتور. بتحسي بخمول بجسمك كل الوقت وبتظلي تعبانة
روعة. اي دكتور
الدكتور. وقت عم تسعلي عم يطلع دم مرافق للسعلة
روعة. اي
ام احمد. شووو دم
الدكتور. لو سمحتي ممكن تهدي شوي
الدكتور. بتتعرقي بالليل وبتحسي بألم بصدرك
روعة. بتعرق وبتعب بالليل اكتر من النهار بس وجع بصدري مافي
الدكتور. وزنك هيك كان ولا نزل من بعد ولادتك
روعة. لا نزل كتير كتيررر
الدكتور. طيب خير ان شاء الله
روعة. شو طلع معي دكتور
الدكتور. هلأ اول شي بدي قلك ياه انو مابقى ترضعي ابنك من صدرك
روعة. ليش
الدكتور. بعد التشخيص لحالتك والفحوصات والاعراض اللي عم تعاني منها بتدل ع مرض السل
روعة. السل !!
ام احمد. لا لااا قول غير هيك يا دكتور
الدكتور. لا تخافي اكيد الو علاج ورح تشفي منو ان شاء الله
روعة. كنت اسمع عن هالمرض بس بالمدارس وماكنت سدء انو موجود اصلا
احمد حكا مع الدكتور وسألو عن وضع روعة وقلو الدكتور انو وضعها مو منيح ولازم تبلش علاج فورا
وانو مايقربو منها كتير ومايستعملو الادوات اللي بتستعملها
طلع احمد من عند الدكتور ورجعو ع البيت
ام احمد. مشان الله يا امي طمني ع اختك شو حكيت مع الدكتور
احمد.لا تخافي امي قال روعة منيحة وبس لازم تتعالج واتطلع بعيون روعة ودمعو عيونو
ام احمد. يعني في علاج لهاد المرض
احمد. اكيد في والدكتور قال انو لازم تبلش علاج بأسرع وقت بس في شغلة بسيطة لازم نعملها .. انو مانقرب من روعة كتير بس اول فترة
وابنها محمد ممنوع ترضعو
والادوات اللي بتستعملها ما نستعملها نحنى
لأن المرض معدي
ام احمد عم تبكي ومحروق قلبها ع روعة
روعة. خلص امي انا منيحة مانك شايفتيني ما فيني شي
ام احمد. مو متطمنة والله مو متطمنة حاسة نار وشاعلة بقلبي
روعة صارت تبكي مع امعها لأن هي درست وبتعرف خطورة مرض السل بس مارضيت تخوف امها اكتر من هيك
وحاولت ماتفكر بالمرض
بس رجعو ع البيت خبرو حنان
حنان. شوووو السل مستحيل كيف هيك
احمد بصوت واطي. خلص حنان مانك شايفة حالة امي كيف
حنان. ياويل قلبي عليكي ياروعة
احمد. انا رايح ع الصيدلية جيب حليب لمحمد لانو مابقى فيها ترضعو
ام احمد. ياريت متت قبل ما اسمع هالخبر
ياريت ماعشت لهاد اليوم
روعة. يا امي مشان الله لا تبكيني
روعة سمعت صوت محمد يبكي
شالتو حنان وكانت بدها تعطيه لروعة بس روعة ماقبلت تشيلو من خوفها عليه وصارت تبكي
سكتتها حنان وحاولت تهديها
روعة. وين نوال
حنان. نامت من شوي
رن تلفون روعة وكان المتصل وسام
حنان. بدك تخبريه
روعة. مابعرف
ردت ع التلفون وحكت معو
وسام. كيفك روعة
روعة. الحمدلله انت كيفك
وسام. منيح كتير .. كيف الاولاد
روعة. بخير الحمدلله
وسام. بلشت دور ع بيت مشان استأجرو .. ماقلتيلي ايا يوم بالزبط راجعة
روعة. هلأ هي الفترة ماني راجعة
وسام. روعة لا تجننيني هي عمر محمد صار شهر لأيمتى بدي استنى يعني
روعة. يا وسام افهم عليي انا تعبانة مافيني ارجع
والله هلأ اجينا من عند الدكتور
وسام. سلامتك شو مرضك
روعة. مابعرف
وسام. لك انتي عم تضحكي عليي كل يوم عم تطالعي حجة شكل وبعدين يعني
لأيمتى بدي ظل استنى
انتي عم تتهربي وعم تتحججي بالمرض
روعة. والله بشو احلفلك اني مرضانة
وسام. اي هون بتتعالجي اذا كنتي مرضانة
روعة. لك اي بس كيف بدي ارجع مع الاولاد مافيني والله مابقدر
وسام. اسمعي روعة بكرا بتروحي بتسجلي ع الرجعة وبعد بكرا بترجعي فهمانة
روعة. قلتلك لا بدي اقل شي شهر حتى اتعالج
وسام. لك تتعالجي من شو
لسا كل الوقت تعبانة ومرضانة
وكل هاد مشان تبقي عند اهلك
وانا مانك سائلة عليي
ابني صار عمرو شهر ولسا ماشفتو وبنتي مابسمع صوتها ولا بشوفها الا حتى تحني عليي وتبعثيلي صورها
روعة. طيب وسام بعدين بنحكي عنجد تعبانة باي
وسام. اي الله معك لشوف شو اخرتها
ايمان. شو قالتلك
وسام. مابدها ترجع عم تقول مرضانة وبدها شهر حتى تتعالج
ايمان. وانت سدئت طبعا
لك شو هوا المرض اللي بدو شهر علاج
هي اذا كان في مرض من الاساس
ليش عم تعطيها وجه حطلها حد
لانو سدئني اذا ظليت هيك اولادك بحياتك مارح تشوفهم
وسام. رح اعطيها فرصة اسبوع بس وشوف بعدين شو حجتها
كل يوم عن يوم كانت تسوء حالة روعة اكتر
و وسام مايتركها بحالها وكل ماتقنعو انها مريضة وعم تتعالح
ايمان تقلو انو كذب ومافيها شي
وكل يوم كان يتصل وايام ماترد عليه لأن تعبت قد ما شرحتلو وما كان يسدء
الايام عم تمر وروعة كل مالها للأسوأ
نحفت كتير لدرجة انو شكلها صار يخوف
وبنتها مابقى تقبلتها
والعلاج ماعم يجيب نتيجة
وبالليل كانت توصل للموت وبالنهار ترجع تعيش طبيعي ومافيها شي
بعد شهرين اتصل وسام
وسام. والله العظيم غير خليكي تندمي يا روعة
ع اللي بتعمليه فيني
روعة. طيب ماشي
وسام. شو مانك مهتمة
روعة. يعني شو بدي قلك
وسام. لك حرام عليكي اللي بتعمليه فيني كل هالقد بتكرهيني حتى مابدك ترجعي
روعة تبكي. لك لو تعرف اديش بحبك واديش انا بحاجتك جنبي
وسام. طيب تعي لعندي انا والله اشتقتلك واشتقت للأولاد
لك شكل ابني مابعرفو غير بالصور
والله مليت قد ما قلتلك ارجعي
بيرضيكي هيك عايش لوحدي
ليش انتي هيك بتعملي
لك اسراء مرت وسيم بس عرفت انو راجعين اسبوع ع سوريا مارضيت تترك زوجها وانتي اكثر من خمس شهور وكل يوم عم توعديني انو ترجعي وبيطلع حكيك كذب
روعة. انا هون مالي مرتاحة
وماني حابة كون بعيدة عنك
بس الدكتور ماعم يعرف شو مرضي وكل يوم عم يعطيني دوا شكل بس بدون فائدة
وسام. وبعدين مع هالحالة يا الله
سكر الخط وسام وايمان استلمتو
ايمان. شو لساتها عم تضحك عليك وانت متل الاجدب عم تسدئها
وسام. هم تقول انو مرضانة والدكاترة مابيعرفو مرضها شو
ايمان. بدك نصيحتي .. لا تعطيها وجه اكتر من هيك وهددها انك تاخد الاولاد منها وهيا تظل عند اهلها
وسام. اي وانا كيف بدي جيب الاولاد
ايمان. لك بس تهديد بلكي تخاف وترجع
وسام. بلكي عنجد مرضانة
ايمان. لك حاجتك غباء يعني لو مرضانة مافي علاج هون
بعد اسبوعين
في بيت روعة
روعة. شو بتمنى ضمو اولادي وبوسهم شو بتمنى لو وسام جنبي
حنان. حبيبتي يا روعة الدكتور ماقال ممنوع قال الافضل انو مايقربو منك
ومارح يصير شي لو ضميتيهم
روعة. لا مستحيل
حنان. حسبي الله ونعم الوكيل
بعد اسبوع اتصل وسام فيها
وسام. اذا مابدك ترجعي ابعتيلي الاولاد
روعة. لا تخاف بس موت رح تاخد لولاد طول العمر
وسام. ليش عم تحكي هيك
روعة. لأني عم بموت
وسام. لك شبك شو صايرلك
روعة. وسام انا معي السل
وسام. شو السل وعنجد بتحكي ولا متل العادة
روعة. والله عنجد من لما ولدت لهلأ وانا عم اتعذب
اولادي ماعم بقدر قرب منهم
ياريتك معي ياريتك جنبي
وسام. روعة حلفتك بأغلى شي عليكي تحكي الحقيقة
روعة. والله العظيم انا معي السل
وسام. اي وشو حكالك الدكتور
روعة. عم بتعالج
وسام. طب كيف وضعك احكيلي
روعة. بالنهار بكون منيحة وبالليل بتعب كتير
وسام. طيب والاولاد كيفهن
روعة تبكي. بخير امي وحنان عم يهتمو فيهن .. يلا بدي سكر مو قادرة احكي اكتر من هيك
بعد اسبوعين حنان اخدت الاولاد ع الحديقة مشان يلعبو
وبس رجعو
روعة. حنان ابعتي الصور لوسام حرام بكون قلبو محروق بدو يشوف الاولاد
حنان. خليني ابعتلو صورة الك
روعة. لا اصحك تعمليها مانك شايفة شكلي كيف بخوف مابدي يشوفني بهالحالة
حنان بعتت الصور لوسام وشافتهن ايمان
ايمان. من هالصور لازم تبين معك كزبة روعة
وسام. مافهمت
ايمان. لك روعة مانها مرضانة وكذابة شوف اولادك واولاد احمد كيف مبسوطين بالحديقة
وشف تيابهم
هلأ معقول لو روعة مريضة بيطلعو هيك طلعة
انت مجنون بتسدء كل شي بتقلك ياه
بتعرف ليش ماعم تبعثلك صور الها
وسام. ليش
ايمان. حتى ماتشوفها اديش مبسوطة هه مسكين يا وسام عم تتسلى فيك
شوف ابنك اديش صار عمرو
وانت لسا ماشفتو
وسام. كيف بدي اتأكد
ايمان. مابتقدر تتأكد رح تظل تكذب عليك
لأنك بتظل تسدئها
وسام. شو الحل برأيك
ايمان. هددها انو بدك تتزوج عليها وشوف كيف رح ترجع من تاني يوم
وسام. مليت من الكذب مليت من الانتظار مليت من كل شي
تعبت روعة كتير واخدوها ع المشفى ظلت هنيك 3 ايام
شكلها تغير كتير
حتى عظام جسمها كلها بينت ع قد مانحفت
حتى ابتسامتها الحلوة راحت وجها مافيه الا الجلد
طالعوها من المشفى وحالتها امها كانت بتبكي ليل نهار تبكي
ع بنتها
وحنان بتهدي فيها
وسام بعت مقطع صوت لروعة وحكالها روعة انا بعرف انو مافيكي شي وانو كل هاد خطة مشان ماترجعي بس واللهي اذا مارجعتي غير اتزوج وخليكي عند اهلك خليهن ينفعوكي
روعة ماكانت بحال انها تقدر تحكي
سمع مقطع الصوت احمد واتصل فيه وماسلم عليه
احمد. لك انت مابتستحي ع حالك مرتك كانت نايمة بالمشفى وابنك ماعم يرضع من امو وانت عم تهدد انو بدك تتزوج
انقلع اتزوج وخلصنا منك
وسام. كزبتكن مارح تمشي عليي .. اعطني روعة احكي معها
احمد. روعة مابتقدر تحكي .. وسكر بوجهو
ايمان كانت قاعدة جنبو وسامعة حكيو
ايمان. يالطيف وصلت معو انو يبهدلك
وهيا بطلت تحكي معك وخلت اخوها يحاكيك مشان يهددك ويحطلك حد
وسام. ليش ماخلاني احكي معها
ايمان. اكيد مشان ماتقنعها
لكن يا حبيبي هي بنتهم الوحيدة مارح يستعنو عنها بهالسهولة
خلص انساها احسنلك
وسام. لك شو انساها طب اذا مابدها اياني اولادي كيف بدي شوفهم
ايمان. انت ليش مابتتزوج عليها
وسام. لا مستحيل
ايمان. ليش مستحيل
اصلا روعة من حالها رح تطلب الطلاق
في الاردن
احمد. روعة رح ابعت صورك لهالحيوان خليه شوفك ماعم يسدء
روعة ويادوب قادرة تحكي قالتلو مشان الله يا احمد مابدي حدا يشوفني بهالحالة واهم شي وسام
احمد. طيب شو الحل معو هاد
روعة. مرت ابوه هي السبب
كانت تحكي والدمعة ع خدها
مابدي تبعتلو الصور وتشوفني مابدي حدا يشفق عليي ومابدي ياها تشمت فيني
هي السبب بكل شي صار فينا
هي الي كانت تدعي علي و ع بنتي
هي سبب تعاستي
يا امي ماخلتني اتهنى ولا يوم بحياتي
ام احمد تبكي. حسبي الله ونعم الوكيل فيها
حنان تبكي. وسام مو مشكلة هلأ انتي اتحسني وماعليكي كل شي بلتقالو حل
روعة. وسام اشتاق لاولادو انا مابلومو .. بحبو لو شو ماعمل بحبو كنت بتمنى نعيش كل العمر مع بعض
شو رح يصير بأولادي
احمدعم يبكي ع حالها. لا تحكي هيك الله يخليكي فوق راسهم
روعة. اولادي امانة برقبتكم كلكم انت وبابا وماما وحنان
ولا تحرموهم من ابوهم
ام احمد ماقدرت تسمع حكيها واغمي عليها
صحوها وكانت تعبانة كتير
بعد اسبوع في سوريا
ايمان. لك اتزوج شو عم تستنى لهلأ
لك حتى ع اتصالاتك مابقى ردو
وسام. وروعة
ايمان. لسا بقول روعة .. روعة لو بدها ياك كانت رجعت
او ع الاقل ردت ع تلفونها
وسام. بس انا بحبها واذا عرفت بتجن
ايمان. دخيلك عأساس هيا سائلة عنك
انت اذا تزوجت عليها بتكون قهرتها وكسرتها ورديتلها اللي عملتو فيك
وسام. انا موافق اني اتزوج بس مو مشان جاكر روعة لا
انا بدي استقر خلص اذا مابدها اياني هيا حرة
مابقى اتصل فيها تسطفل هي اختارت هيك
مارح اجبرها ع شي
ايمان. اي هاد احسن شي بتعملو بحياتك
وانا رح شوفلك عروس وخلال اسبوع رح كون مزوجتك
في الاردن بعد اسبوع
تعبت كتير روعة واخدوها ع المشفى وماكان في ايا اتصال من وسام
في سوريا
ايمان. وسام لقيتلك عروس حلوة ومؤدبة واهلها موافقين وعمرها 24 بس ارملة
وسام. خلص انا بطلت شيلي الفكرة من رأسك
ايمان. شو الشغلة لعبة صرت حاكية مع الجماعة
وسام. خلص انسي بلكي روعة رجعت رح استناها
ايمان. لك والله انت مجنون
وسام. ليش
ايمان. اديش صرلك ما اتصلت فيها سألت عنك شي
لك هلأ بتكون مو عاطية فرحتها لحدا لأنك حليت عنها
وسام. ضايع ومخربط وكل شي فيني مو منيح
ياااارب
ايمان. رح احكي مع ابوك مشان نروح نطلبلك البنت .. شو قلت
وسام. اعملي اللي بدك ياه
ايمان. ايه ان شاء الله خير
وسام. بس بتخبريهم انو بدون عرس وبدون شي
ايمان. لك لا بنفس اليوم بتكتبو الكتاب وبتزوجو
اصلا هني مو مسدئين ايمتى يزوجو بنتهم
بعد مرور 5 ايام وسام تزوج من البنت ياسمين اللي شافتلو ياها ايمان
تاني يوم بالأردن
روعة دخلت بغيبوبة
واهلها كلهن يبكو حواليها
الدكتور قال احتمال ضعيف جدا انو تصحى من الغيبوبة
بعد 3 ايام وسام بعث مقطع صوت لروعة
وسام. روعة انتي اخترتي طريق تكفي فيه حياتك لوحدك
وانا اخترت طريق سامحيني ع الشي اللي بدي قولو بس انتي بدك هيك
ماعاد سألتي عني ولا رديتي ع تلفونك
يمكن كان بدك تبقي جنب اهلك وانا ضغطت عليكي بس كان بدي ترجع وتبقي جنبي انتي والاولاد
كنتي بتتخيلي كمية الشوق لأبني اللي صار عمرو ست شهور و13 يوم ولهلأ ماشفتو
ولبنتي اللي كبرت بعيد عني
ورغم كل هاد كنتي تتسلي فيني يوم مريضة ويوم تعبانة خلص كل واحد راح بحال سبيلو انا تزوجت من 3 ايام
انتبهي ع الاولاد وظلك ذكريهم فيني يلا سلام
للأسف رسالة وسام ماوصلت لروعة لأنو روعة بنفس اليوم ماتت
في الاردن
الدكتور. ان لله وانا اليه راجعون .. العمر الكم
احمد. روعة ماتت
ام احمد صرخت صوت سمعوه كل اللي بالمشفى لاااااااااااااا
ياربي ليش
ياااااااربي ليش بنتي ليش بنتي يارب
احمد يبكي. امي وحدي الله .. استهدي بالله
ام احمد. لا اله الا الله بس ليش بنتي ليش وحيدتي
ياربي ليش اخدت شمعة عمري
ليش اخدت زهرة بيتي لك روووووعة يا امي يا امي مافيني عيش من دونك
يا امي يا روعة
حنان وابو احمد عم يبكو بحرقة
ام احمد. لك يا روعة ارجعيلي يابعد عمري ارجعيلي
يا امي اولادك بحاجتك ليش رحتي وتركتيهم
ياروعة محمد بحاجتك ونوال عم تسأل عنك وعم تنادي ماما ليش تركتيهم لك ليش
يا ااااااالله يا الله
ياربي راحت بنتي راحت وحيدتي
ليش ما اخدت روحي وتركتها يارب
يابعد عمري يا روعة
احمد. حسبي الله ونعم الوكيل
بنفس اليوم بعد الدفن احمد سمع مقطع الصوت اللي باعتو وسام
اتصل فيه احمد وقلو
احمد. يا وسام روعة اليوم الصبح ماتت ان شاء الله تكون سدئت هلأ
وسام. شوووو لك شو عم تحكي
احمد.مابعرف شو بدي قلك بس حسبي الله ونعم الوكيل بمرت ابوك وفيك
روعة الله يرحمها كانت مسامحيتك قبل ماتموت والحكي اللي باعتو ماسمعتو لأن كانت بغيبوبة
اتحمد الله انو ماكانت سامعيتو
لوسمعتو قبل ماتموت ماكانت سامحتك
هلأ رح ابعتلك صورها ياريت تشوفهن مشان تحس بعذاب الضمير
و وصية روعة كانت انو مرت ابوك ماتشوفها وهي بهالحالة
سكر احمد التلفون و وسام كان بحالة صدمة وماقدر يوقف ع رجليه
بعد مرور 3 ايام العزا
ام احمد مانشفت دمعتها لا ليل ولا نهار
وحنان كانت تهتم بأولاد روعة
في سوريا
وسام كان بحالة صعبة كتير وبصدمة قوية ماقدر يستوعب اللي صار وبس شاف صورها اتذكر كل حياتهم مع بعض الايام الحلوة والايام البشعة
تذكر كل الحكي اللي كان يحاكيها اياه
كل كلمة وكل حرف
كيف ماسدئها وسدء ايمان وتزوج وهي بأخر ايامها وهي ع فراش الموت
ماكان يطلع من غرفتو وحالتو صعبة كتير
واسراء ليل نهار تبكي ع روعة رفيقتها واختها وتذكرت كل ايامهم مع بعض
بعد اسبوع رجع وسام طبيعي بس من جوا كان عم يبكي دم
طلع من غرفتو معصب وراح لعند ايمان كانت ع البرندا
وسام بصوت عالي ومسك ايمان من كتفها لك انتي السبب الله ينتقم منك الله لا يوفقك
ايمان. هي لا تجن علي انا كنت مفكرة انو عم تكزب علينا حتى تظل هنيك وماترجع
الله يرحمها يعني شو نعمل خلص عمرها
وسام. ماشي الحال
طلع من البيت وسكر الباب بقوة
كان كتير متضايق وصار يمشي بالشوارع
بعد ساعتين بلش القصف ع المدينة وسام كان ع الطريق راجع ع البيت
بس ماكان مكتوبلو هالشي لأن القذيفة اجت بجنبو وقضت ع حياتو
مات وسام مات بهدوء بدون مايودع حدا
بدون مايشوف ابنو وبنتو
بدون مايعرف انو مرتو لجديدة طلعت حامل
لحق روعة وترك كل شي وراه
لهالدرجة كان مشتاقلها حتى لحقها بعد 15 يوم
طب واولادو لمين تركهم هيك بدون ام وبدون اب
واخوه وسيم كيف تركو
ترك وسام الدنيا كلها ولحق روعة
خبر استشهادو كان متل الصاعقة ع ابوه و وسيم اخوه
ابوه تعب ونقلوه ع المشفى
وسيم دمعتو مانشفت ع اخوه
اهل روعة زعلو عليه كتير وزعلو ع الاولاد اللي ظلو بدون ام واب
راح بهدوء بهدوءءء كتيررر
بعد عشر ايام الحزن كان كبير ع وسام وروعة بالعيلتين
ومرتو لوسام طلعت حامل
اسراء اخدت رقم حنان مشان تحكي معها وتطمن ع الاولاد
وحاكتها ع الواتس
حنان. مين كان يقول يا اسراء انو رح يموتو بنفس الشهر
اسراء. لك اخ اخ والله كل ما اتذكرهم بصير ببكي كل الوقت عم فكر فيهن
لك ليش راحو ليش تركو اولادهم
حنان. الله يرحمهم يارب والله زعلنا كتير ع وسام المسكين ماشاف ابنو وابنو التاني ع الطريق
كل يوم بسمع مقاطع الصوت اللي كان يبعتها لروعة كان يقوللها اديش مشتاق لنوال وحابب يشوفها
سبحان الله ما الو نصيب يشوفهم لا حول ولا قوة الا بالله العلي العظيم
اسراء. وام روعة كيفها
حنان. المسكينة الله يعينها الدمعة ماعم تنشف ع خدها وكل الوقت تنادي بأسم روعة اذا ظلت ع هالحالة بعيد الشر رح تموت من قهرها ع روعة
اسراء. الله يصبر قلبها هي بنتها الوحيدة
وابوه لوسام كمان هيك حالتو كل مايتذكر وسام بصير يبكي
و وسيم حابس بقلبو وعم يبين انو قوي
ومرتو لوسام رجعت ع بيت اهلها
حنان. الله يكون بعونهم ويصبرهم وجعنا و وجعكم واحد
بعد 9 شهور ولدت ياسمين مرت وسام وجابت ولد وسمتو وسام ع اسم ابوه
وام روعة هي وحنان عم يهتمو بأولاد روعة وماعم يخلوهم يحتاجو
كبرو الاولاد
ومحمد صار ينادي لحنان ماما لأن هي الي عم تربيه
ام روعة اللي مصبرها لحد هلأ هني اولاد روعة عايشة مشانهم
وكل يوم بتذكر روعة وبتبكي
حنان بتعامل نوال ومحمد كأنهم اولادها بتموت عليهم ومابتحرمهم من شي وطلباتهم اوامر
ايمان ماتابت بعد كل شي عملتو وطالبت بالأولاد وقالت انو هيا بدها تربيهم مشان تلم عليهم مصاري لأنهم ايتام الام والاب
بس اهل روعة رفضو يبعثوهم واحمد هدد ايمان ومابقى استرجت تطلبهم
وهلأ نوال تخرجت من الروضة وحمودة طالع ولد ازعر وكل الوقت يعمل مشاكل ويضرب الاولاد التانيين وبدو كل شي الو لحالو
وبالشكل طالع بيشبه ابوه كتير نسخة عنو
حمودة ونوال وقت يسألو عن امهم وابوهم بتحكيلهم ام احمد حكاية انهم بالجنة هلأ وانهم مبسوطين وهني مع بعض
وانو ابوهم ماترك امهم تروح لحالها وراح معها ... 💔
( النهاية )
القصة واقعية يا صبايا وبتوجع القلب
ياريت ماتنسو تعبي وتعطوني رأيكم فيها
الاسماء كانت مستعارة واولاد وسام وروعة هلأ عايشين مع حنان وام روعة
ومو مقصرين عليهم بشي والله اعلم المستقبل شو مخبيلهم
انتهت
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
إرسال تعليق