رواية لعبة القلوب المحرمه الفصل الثاني والعشرون بقلم الكاتبه أماني السيد حصريه وجديده على مدونة النجم المتوهج

 رواية لعبة القلوب المحرمه الفصل الثاني والعشرون بقلم الكاتبه أماني السيد حصريه وجديده على مدونة النجم المتوهج 

رواية لعبة القلوب المحرمه الفصل الثاني والعشرون بقلم الكاتبه أماني السيد حصريه وجديده

دخلت صفا غرفه شعيب عشان تعرف ناداها ليه

ـ اتفضل يا شعيب بيه حضرتك استدعتنى 

ـ أه يا صفا بالنسبة لفلوس العمليه انا خليت مدير الموارد البشرية يتواصل مع شركة التأمين وهما هيدفعوا فلوس العمليه للشركه مره تانيه مش عايزك تقلقى خلاص منها 

المفروض لو ماهر كان قدم كارنيه التأمين مكنش حد هيدفع حاجه 

ـ بجد ؟؟ 

اماء شعيب رأسه بنعم 

ـ شكرا لحضرتك أوى يا شعيب بيه بصراحه مافيش كلام اوفى بيه حقك 

وبعدها خرجت من المكتب عشان تكمل شغل وقابلت ماهر فى وشها 

افتكرت خضته عليها وإزاى شالها وخرج بيها وافتكرت لما رمت نفسها فى حضه وحست بإحراج شديد وقررت انها تهرب من المواجهة وتعمل نفسها ناسيه أو مش فاكره 

حس ماهر بتوترها أول ما شافته وقرب منها عشان يطمن عليها 

ـ أهلا يا انسه صفا اخبار صحتك ايه 

ـ أنا بخير الحمدلله 

ـ الحمد لله العمليه عدت على خير انتى ازاى كنتى قادره تستحملى الوجع لحد ما وصلتى للمرحله دى 

ـ كنت باخد مسكنات بس للأسف مابقتش تجيب نتيجه بعد كده

ـ بعد كده أى حاجة تحسى بيها تكشفى فوراً وبلاش مسكنات تانى خطر جداً على فكره المره دى عدت وانا كنت موجود اللهم اعلم المره الجايه هيحصل ايه ....

عشان كده عايزك تهتمى بنفسك 

حست صفا انه مصمم يحرجها ويفكرها بأنه شالها وخرج بيها وقررت انها تشكره وتنهى الموقف المحرج بالنسبالها 

ـ شكرا يا مستر ماهر على سؤالك وكنت حابه أشكرك على مساعدتك ليه شكرا جداً وبالنسبة للفلوس شعيب بيه قالى إن التامين هيتكفل بيهم وهيرجوا مره تانيه لحضرتك 

ـ ياستى لا شكر على واجب ومكنش ليه لازمه ده كله أهم حاجة صحتك 

سكتت صفا وبصتله مش لاقيه كلام تقوله ليه وهو فضل ساكت شويه مش هايز يمشى ومش عايز الكلام يخلص بس للاسف مافيش حاجه تانيه يقولها كل حجج كلامه خلصت 

ـ هو شعيب جوه 

ـ أه اتفضل 

دخل ماهر لشعيب وبدأ يتكلم معاه بخصوص أداره الشركات والمصانع وأشار ليه ماهر إنه يجيب موظفين جداد هنا وياخد الناس الثقه من هنا ينقلهم هناك  وافق شعيب على فكره ماهر وطلب منه إنه يمسك معاه الفرع الرئيسي لحد ما يشوف مين اللى ممكن يثق فيه ويمسكهوله 

وكان شعيب بيفكر فى هشام اللى كلمه وقرر إنه يقابله وقبل مايمسكه أى فرع او شغل لازم يتأكد الأول من كفائته وأنه لازم يكون قدها ولعل العزله اللى كان فيها قدرت تغيره 

مر يومين وكانت مروه على نفس وضعها وبلغت صفا انها مش هتكمل شغل فى الشركه معاها وده اللى خلى صفا تضغط عليها لحد ما تفهم السبب 

ـ أنا مش هسكت يا مروه غير لما اعرف مالك 

ـ مافيش يا صفا 

ـ لأ فيه وانتى عارفه أنه فيه انا  ... اختك وهخاف على مصلحتك واى كلام تقوليه هيكون بينى وبينك ليه خايفه تتكلمى 

اتملت عيون مروه دموع وبدأت تحكى كل حاجه لصفا وحكتلها عن شرين واللى عملته معاها 

اتنهدت صفا بضيق وبدأت تنصح مروه 

ـ بصى يا مروه احنا بشر وبنغلط وانا لازم ابقى مرايتك 

أولا يا مروه انتى لسه فى العده بتاعتك يعنى ماينفعش تفكرى فى أى حد المفروض تدى لنفسك فرصه تانيه قبل ما تفكرى فى اى ارتباط او حد ابنى نفسك وحياتك وبعد كده فكرى فى الارتباط 

ثانياً 

شعورك تجاه شعيب ده ممكن يكون انبهار بشخصية ماقبلتهاش قبل كده أنا نفسي منبهره بيه بسبب . سنه صغير ويمتلك الشركات والمصانع دى كلها وبيدرها بالكفاءه دى  وتحت ايده كل الموظفين دول أكيد هنبهر بيه وخصوصاً لما ساعدك كذا مره 

تالت حاجه بخصوص خطيبته 

هى أه زودتها وبالغت بالكلام بس ده عشان تضايقك يعنى كلامها مش صح  وعلى فكره انا عذراها يا مروه ده خطيبها وشايفه واحده تانيه بتبصله باعجاب ومن وجهه نظرها انتى عايزه تاخدى حاجه تخصها وبتقرب منه تفتكرى هتعمل إيه ؟؟

عشان كده الصح إنك تبعدى وتركزى فى مستقبلك ولو سبتى الشركه عندنا دورى على مكان تانى تشتغلى فيه وأنا هساعدك 

سكتت مروه تفكر في كلام اختها هى عندها حق بس هى عارفه مشاعرها للاسف هى حبته من طرف واحد عشان كده لازم تبعد عنه يمكن تتغلب على مشاعرها

تانى يوم فى الشركه وصلت صفا ومروه وقدمت مروه استقالتها وقررت أنها تسيب الشغل وتبعد عن مكان شعيب 

وصل شعيب الشركه وكالعاده قبلته مروه بتجاهل وده خلى شعيب يتضايق من جواه وقرر إنه يراجع الكاميرات اليوم اللى كانت فيه شرين موجوده فى الشركه ويعرف شرين عملت ايه لمروه خلاها كده 

قرب شعيب من مروه وبدأ كلام معاها .

ـ على فكره مشكله فلوس عمليه صفا احتلت واللى هيتحملها التأمين الصحي بتاعها

ردت مروه وهى بتبعد عنيها عنه 

ـ أه صفا قالتلى شكرا جدا على تعبك 

ـ العفو ولو احتاجتى أى حاجة تقدرى تطلبيها أى وقت 

ابتسمت مروه وشكرته ومن جواها قلبها مش راضي يهدى 

كأنه بيجرى فى ماراثون... 

بصت لظله بدموع وبتكلم نفسها

أنا لو عشت حياتى كلها أدور على راجل يملى عينى مش هلاقى زيك  بتصعبها عليه يا شعيب ليه

طلع شعيب مكتبه واتصل بهشام عشان يقابله 

وطلب  من صفا تدخله الملفات والورق اللى محتاج يتمضى عشان يلحق يخلص قبل ما هشام يجيى لانه قرر إنه ياخده وخرجوا 

وفى وسط الورق اتفاجئ بوجود استقاله مروه   حس بضيق من جواه أنه مش هيقابلها ولا يشوفها الصبح ويبدأ بيها يومه وفى نفس الوقت مش هيقدر يكلمها ويعرف السبب .

فتح شعيب الكاميرات وراجع التسجيلات وشاف الموقف بين شرين ومروه لكن الصوت مش واضح ومش باين شرين قالت ايه 

بس اللى أتأكد منه إن اكيد شرين ليها يد 

طلب شعيب من صفا تدخله المكتب مره تانيه 

دخلت صفا المكتب وطلب منها شعيب أنها تقعد

ـ خير يا شعيب بيه 

ـ بصى يا صفا أنا كنت محتاج موظفين من هنا هيتنقلوا فرع الشركة الرئيسى بتاعت جدى 

بس أهم حاجة الناس دى عايزهم يكونوا ثقه وانتى طبعاً هتبقى من اوائل الناس اللى هتتنقل 

ـ شكرا لثقتك يا فندم طيب ممكن اعرف محتاج موظفين في ايه 

محاسبه عايز ٣ موظفين محاسبه اول واحد هيكون مدير الحسابات وهحتاج معاه اتنين 

ـ ممكن تاخد ولاء شاطره جدا وممكن مروه اختى قبل ما تتجوز كانت بتشتغل محاسبه بس قعدت وكانت شاطره جداً 

ـ طيب تمام ... وانتى هتروحى سكرتاريه هناك مش هوصيكى يا صفا دبت النمله تجيلى أى ورق بيتمضى هناك يجيلى نسخه منه ماهر هيمسك الشركة لحد مانشوف مين هيقدر يسد 

ـ يعنى انا هناك هكون مسئوله عن مكتب رئيس مجلس الإدارة واستاذ ماهر هيكون المسئول

ـ بالظبط كده.... فاضل كده موظف تسويق وواحد موارد بشريه 

فضلت صفا ترشحله اسماء موظفين وطلب شعيب منها أنها تجمعهم بما فيهم مروه عشان هيعملهم اجتماع وهى هتكون معاهم وطلب منها أن الاجتماع هيكون فورى كمان ربع ساعه يكونوا جاهزين 

وفعلاً جمعتهم صفا واتصلت بمروه بلغتها واقنعتها أنها فرصة كويسه وظيفه افضل بمرتب اعلى وهتكون فى فرع تانى ده خلاها توافق 

تم الاجتماع وكان سرى وبدأ شعيب يعرفهم هو محتاج منهم ايه بالظبط وخصوصاً قسم المحاسبه لأنه هيكون عليه اغلب الشغل وطلب منهم الحسابات توصله بشكل أسبوعي 

انتهى الاجتماع وطلب شعيب من مروه انها تنتظر 

وفعلاً فضلت مروه والكل خرج بره الاوضه 

قعد شعيب فى الكرسى قدام مروه وسألها بشكل مباشر 

ـ إنتى عايزه تمشى من هنا ليه

اتكلمت مروه بتوتر ولجلجه

ـ أبدا تعبت من الشغل 

ـ الموضوع مش كده بدليل إنك هتشتغلى فى الحسابات يعنى الشغل اصعب ومحتاج تركيز اكتر

سكتت مروه ومكنتش عارفه ترد تقوله ايه ، وكمل هو كلام 

ـ شرين ليها علاقه بالموضوع ده 

ـ لأ ابدا

ـ أنا عايز الحقيقة 

ـ أنا أسفه مش هقدر اجاوب بس الموضوع ليه علاقه بيا أنا ، وحابه احتفظ بيها لنفسى 

اتضايق شعيب من ردها وقرر يسبها براحتها وكده كده وجودها فى الفرع الرئيسي مش هيبعدها عنه بالعكس 

بعد وقت بسيط وصل هشام واتجاهل مروه وصفا ودخل غرفه المكتب على طول 

بدأ شعيب يهزر معاه عشان يخرجه من المود

لان واضح على هشام التغيير الكلى ربة دقنه بشكل مهذب لبسه اتغير عن الاول بقى يلبس كلاسيك 

كلامه عن البنات تقريباً مبقاش موجود

ـ ها يا هشام بيه هنسميك الشيخ هشام بعد كده 

ضحك هشام واتكلم بهدوء.

ـ ياسيدى وأنا أطول ياريت 

ـ لأ ده الموضوع كبير ازى ايه رايك نتغدى سوا ونروح نزور جدك 

ـ ياريت لو فاضى يلا بينا 

خرج شعيب مع هشام وبالفعل زاروا جدهم وقعدوا معاه شويه وبعدين طلعوا على مطعم يتغدوا وبدأ شعيب يكلمه فى الشغل وطلب منه إنه ينزل يشتغل فى الفرع الرئيسي وهو وماهر هيعلموه الشغل 

وافق هشام وكان متحمس اوى للفكرة إنه ينزل يشتغل بجد وخصوصاً لما عرف إن ماهر وشعيب هيساعدوه 

فى منزل ايمن طليق مروه كان الوضع بقى صعب جداً 

كل واحدة من مراتات ولادها بطلوا يزروها أو يسألوا عنها 

اصبحت البنتين ولاد أيمن عبء عليها وبناتها رافضين يساعدوها 

البنات ممكن تقعد بالاسابيع من غير ما تاخد شاور 

وبالاسبوع على مايغيروا هدومهم 

مكنش حد بيهتم بيهم صحتهم بقت اضعف حتى الاكل مكنش حد بيهتم بأكلهم جدتهم ممكن تعملهم ساندوتش وتسيبوا ومابتركزش اكلوا ولا لأ 

ايمن كل فتره بيغيرهم ولكا يطلب من والدته تحميهم وتسرحلهم بتقولوا طيب وتنفض 

بنت من البنتين ظهر التعب عليها 

ومع الإهمال وضعها بقى صعب جداً 

اخدها ايمن للدكتور وأكد عليه الدكتور إنه يديها العلاج فى معاده لكنه كان دايما بينسر الجرعات ويعتمد على مامته اللى كانت بتنسى وشايفه إنه دور برد ومش محتاج علاء 

صحي ايمن فى يوم لقى البنت التانيه قاعده فى ركن الاوضه وبتعيط بانهيار 

قرب منها سالها مالها شاورتله على اختها

دخل بشوف اختها لقى جسمهة بارد حاول يفوقها لكن للأسف البنت مابتفوقش  

حس ايمن وقتها إنه أخد قلم على وشه فوقه بس بعد فوات الاوان 

وبص لاختها التانيه وعلى لبسها ووضعها المزرى 

وافتكر مروه وازاى كانوا بناتوا صحتهم كويسه قرب من اختها وحضنها جامد انها ممكن تحصل اختها 

نزل ايمن وهو شايل البنت لامه وكان حافى وبالملابس الداخليه 

سالته امه ليه نازلها كده 

ـ ايه يا ايمن مالك فى ايه ونازل حافى ليه كده 

بصلها ايمن واتكلم بعياط

ـ ماتت

ـ هى مين 

ـ بنتى 

خرح الكل من اوضه على صوت صريخ ايمن وهو بيكلم امه 

ـ منك لله ةنتى السبب خسرت بنتى وهخسر التانيه بسببك منك لله 

بهدلتى وفاء لحد ماجبتلها المرض الوحش وماتت قولتلك سيبى البنات عند أهل وفاء رفضتى عشان مابعتش فلوس ليهم شايفه إنك اولى بفلوسى 

قولت معلش 

اتجوزت مروه اللى كانت من ذوقك وانا مكنتش عايز اتجوز لكن مارضتش ازعلك اتجوزتها لقيتك بتعيدى اللى بتعمليه مع وفاء بس على اسوء لحد ما طلقتها 

ودلوقتي بنتى خسرتها بسببك وبسبب اهمالك 

انا معنديش استعداد اخسر بنتى كفايه خسرت اختها أنا هكلم ستها وخالتها هيجوا ياخدوها ويربوها واكيد هيبقوا احن عليها منى يارتنى ماسمعت كلامك فى حاجة انتى دمرتينى منك لله مش عايز اعرفك تانى 

بدأ ايمن فى الإجراءات ودفن بنته وقرر إنه يروح لمروه يبلغها ويعتذرها عن تصرفاته معاها 

مر يومين وكان ايمن حابس نفسه فى الشقه بيقضى وقته كله مع بنته بيهتم بيها بيحاول يشبع منها قبل ما يعاقب نفسها إنه يبعد عنها ويوديها عن أهل امها 

اللى ياما طلبوا منه أنهم ياخدوا البنات لكن هو كان بيرفض بسبب مامته 

فى الفرع الرئيسي اتنقلت صفا وكانت سكرتيره مباشره لمكتب ماهر 

اتفاجئ ماهر بوجودها بس حس بفرحه جواه .. فرحه مايعرفش سببها بس هو مبسوط 

فى مكان تانى كان هشام قاعد مع خطيبته فى احدى الكافيهات 

ياترى هشام هيعمل ايه مع خطيبته وهيكمل ولا لا 

وهل هيحط صفا فى دماغه تانى ولا هيتجاهلها ؟؟؟

لعبه_القلوب_المحرمه

امانى_سيد

ابتداءا من البارت القادم هنغير صوره الغلاف بالجديده