رواية أحببتك يا صغيرتي الحلقه الرابعه والخامسه والسادسه والسابعه بقلم رائد عبد الحميد حصريه وجديده على مدونة النجم المتوهج
رواية أحببتك يا صغيرتي الحلقه الرابعه والخامسه والسادسه والسابعه بقلم رائد عبد الحميد حصريه وجديده على مدونة النجم المتوهج
قصه احببتك يا صغيرتى قصه كامله
ورجعت بطلتنا هدى تانى تقعد معانا .
وقالت : ممكن زى غيركم تقولولى ان حسن متحكم فيا
زياده عن اللزوم ؛وانه مش من حقه يعمل كده ويمكن من
حكايتنا هتحسوا بده اكتر .
بس هو فعلاهو من صغرى محتوينى وكان اقرب صحابى.
كان بيهتم بيا جدا وبكل اليخصنى؛
من اكل لشرب للبس ومدرستى؛ وتعبى ومذاكرتى .
عارفين مع انه كان بيذاكرلى فى الاجازه كل المواد؛
بس دايما بيبقا متابعنى فى الدراسه .
يعنى عارف وانا فى المدرسه جدولى؛ وايه الخدته؛ وايه
الفاضل؛ واسماء مدرسينى؛ ودرجاتى؛ وواجباتى؛ وكان
بيسمعلى لو انا بذاكر وبيعدلى شرح النسيته .
وكتير كنت باسمع عمو وخاصه لما كان فى الثانويه
يقوله:انه شهاده وانه لازم يسيبنى اذاكر لوحدى؛
وهو يركز فى مذاكرته عشان يجيب مجموع .
بس هو دايما عنيد ومش بيرضا .
وقاله انه هو المسئول؛ وانهم ليهم فى الاخر انه يجيب
الدرجات التعجبهم وانى مش ماثره فيه .
انا كنت باتكسف لما اسمع الكلام ده.
وقعدت مره واتكلمت معاه وقلت: انى هانقل مكتبى
اوضنى عشان ياخد راحته ويذاكر .
بس هو زعل منى وخاصمنى وبالعافيه عرفت اصالحه
وحرمت افتح الموضوع ده تانى .
وكان كل سنه يشتريلى هديه كجائزه ليا لما باطلع من الاوائل .
ولو طلعت الاولى بيعملى برنامج تحفه من الفسح
والهدايا واللعب .
فعشان كده كنت باحب اذاكر اجازه ودراسه عشان اطلع الاولى .
وعلى كتر الهدايا الجابهالى فى عمرى كله؛الا انى ما
استعملتش ولا واحده .
عملت درفه مخصوص ليها فى دولابى .
وكنت باشيل فيها الهدايا وكل فتره اطلعهم اتفرج عليهم
واشيلهم كنت بخاف يضيعوا منى او يبوظوا فكنت باحتفظ بيهم .
كمان لينا كذا البوم صور مع بعض. كنت كل ما اجيب طقم
جديد يصورنى بيه ولو فى مناسبه يصورنى.
ولو نجحت يصورنى .
اصل حسن كان بيحب التصوير؛ وانا كمان كنت بحب اتصور
معاه؛ والالبومات العندى كلها بتاعتنا .
انا وهو بس .
وعندنا البومات للعيله؛ بس مش قد بتاعتى انا وحسن
وكل صوره كاتب عليها مناسبتها والتاريخ عليها.
كنت وانا صغيره كل فتره نروح اوضتى وياخدنى فى حضنه
على السرير ونقعد نطلع كل الصور ونتفرج عليها.
ونفتكر مواقفنا فيها .
بس لما كبرت بقينا بنقعد على مكتبه جنب بعض ونتفرج.
وضحكت وقالت : اصل كل حاجه بينا ليها طريقتها وشكلها ونظامها
الخاص بينا انا وحسن .
الحلقه الخامسه
قصه احببتك يا صغيرتى قصه كامله
وضحكت وقالت : اصل كل حاجه بينا ليها طريقتها وشكلها
ونظامها الخاص بينا انا وحسن .
بصوا كده عليه شكله رياضى صح .
اصل فى السطح عامل اوضه فيها ادوات الرياضه وباقى
السطح عامله زى ساحه رياضيه لينا.
اقصد طبعا انا وهو .
حتى النضافه مش بيخلى حد بنضفه الا انا وهو؛
حتى ماما وخالتو والشغالين ممنوعين من طلوع فوق
حتى لو هينضفوا .
هو لما يشوف المكان اتوسخ .
يتفق معايا ويقولى اعملى حسابك بكره انه عندنا
حمله نضافه؛
وانا اعرف انه عايز ننضف اوضه الادوات الرياضيه والسطح .
على فكره هو مقفل السطح من ساعت ما دخلت
اعدادى عشان لو طلعت محدش يلمحنى من الفلل
الجنبنا او الشارع .
عارفين حتى مفتاح السطح ده انا الوحيده المعايا نسخه
منه .
حتى خالتوا حاولت تاخده منى مره او اعملها نسخه .
بس كانت بتحلم لانه موصينى محدش ياخده منى ولا يدخله غيرى .
لان ده المكان الوحيد المحدش بيدخلوا الا انا وحسن
فعايزه خاص بينا وبس .
وانا فرحت بالفكره وعجبتنى .
وجبنا صور لينا علقناها فى كل مكان فيه وكلها خاصه
بالمكان الرياضى ده بس .
عارفين فى يوم النضافه بتاع السطح؛
بنصحى الصبح عادى نفطر وتلقائى نقوم سوا نروح نجيب
كل واحد جردل ومساحه ومكنسه وقماشه ونطلع .
اهلنا لما يشوفونا كده يعرفوا انه يوم النضافه النهارده .
اصلا احنا بنقضى اغلب الوقت لعب وضحك ونرش ميه على بعض
ونجرى ورا بعض لغايه لما نتعب .
ومن وقت ما كبر وطلعله شنب وانا اضحك عليه فى يوم النظافه .
واقوله ياسلام عليك وانت لابس طرحه زى الشغالين
ونازل تنضيف شغاله بشنب .
بيبقا شكله يفطس من الضحك .
تخيلوا واحد طول بعرض وعضلات ما شاء الله وشنب غير
انه فى طبورابط دماغه
وشغال زى ذنوبه الشغاله شغال بالمكنسه والمساحه .
بس بصراحه احيانا مش بيبقى ليا مزاج للنضافه فبعمل
شويه صغيرين معاه .
واقوله :يا حسن تعبت .
فيضحك عليا ويقو ل: ماشى اقعدى استريحى.
انا اصلا عارف انك مش عايزه تشتغلى بس خليكى معايا
مش عايز اكتر من كده .
وفعلا اغلب اوقات التنضيف بابقا قاعده وهو البيعمل كل حاجه ؛
بس المهم انه كان عايزنى ابقى موجوده معاه وبس .
حتى جاب تلفيزيون وكرسى كبير لو حد فينا ينفع ينام
عليه وكرسيين صغيرين نقعد عليهم .
وخلاهم فى اوضه الاجهزه الرياضيه.
وبقينا واحنا طالعين ننضف بناخد معانا شيبسى ولب
وحاجات حلوه وساقع وكاننا فى فسحه مش بنضف.
اصله عارف انا باعمل شويه والباقى دلع؛ فعليه هو يكمل
وانا اقعد اتفرج على التلفزيون.
احنا واحنا صغيرين عملنا كل حاجه حلوه ممكن تخطر
على بالكم ؛يعنى مثلا:
احيانا بننزل تحت فى الجنينه بالليل وننمام على النجيله ونقعد
فتره كبيره نشوف القمر ونعد النجوم ونتخيل انها باشكال معينه
ونختلف مع بعض ونتخانق بس طبعا بهزار .
عارفين فى مره من الكنا قاعدين بتامل القمر والنجوم قالى:
عارفه يا هدى انا كل مره بشوف القمر بافتكرك وبحس
انه بيعكسلى صورتك.
فقلت:ازاى ؟
فقالى: بصيله كويس وركزى وانتى هتعرفى وتفهمى.
فقلت : عارف يا حسن احنا كده شكلنا عاملين زى
الحبيبه.
فضحك وقال: مين عارف يا هدى يمكن واحنا مش واخدين بالنا.
عارفين حسن دايما محسسنى انى حاجه غاليه قوى..
وبحب احترامه ليا .
ودايما بحب اخد بالى من تصرفاتى عشان ما انزلش من نظره .
حتى النادى مش بروحه من غيره .
حتى لوماما وخالتو راحوا لازم وجوده او برفض اروح .
وهو كل فتره كان بيودينى .
بس كان مربى الرعب لاصحابه من ناحيتى؛ محدش
حتى يقدر يقولى ازيك من صغرى .
ولا يتكلم معايا خالص بالرغم من صغر سنى .
ولما سالته قال:عشان لما تكبرى محدش يتجرا ويكلمك .
يبقوا متعودين على كده من صغرهم وانا فرحت قوى بكلامه .
الحلقه السادسه:والسابعة
قصه احببتك يا صغيرتى قصه كامله
بس كان مربى الرعب لاصحابه من ناحيتى محدش حتى
يقدر يقولى ازيك؟من صغرى؛
ولا يتكلم معايا خالص بالرغم من صغر سنى .
ولما سالته قال :عشان لما تكبرى محدش يتجرا ويكلمك
يبقوا متعودين على كده من صغرهم وانا فرحت قوى
بكلامه .
وفى مره شفت فى صاله رياضيه والولا د بيلعبوا جودوا
فعجبتنى قوى .
فقلتله يشتركلى فيها بس ما رضيش .
ومنعنى شهر من النادى .وكان بيروح لوحده.
وانا اعتزرتله.مش مهم اللعب المهم هو ما يزعلش.
وبعد الشهر اتفاجئت انه اشترالى بدله جودوا.
وجه ادهانى وقالى :
قدامك خمس دقايق تلبسيها وتبقى فوق هستناكى
على السطح .
وانا كنت فى منتهى السعاده واتفاجئت انه فى خلال
الشهر ده
اشترك هو فى اللعبه وليه شهر بيروح يدرب واتفق معايا
انه هو الهيدرب فى النادى وهيجى يعلمنى .
عشان مش عايز حد يعلمنى ويزعقلى مثلا لو ما
اتعلمتش بسرعه؛
وخاصه انى بسكوته وبعيط بسرعه.
فمش عايز العيال يضحكوا عليا .
وكالعاده اقنعنى وبقا هوالبيروح يدرب فى النادى ويجى
ليا يدربنى فى البيت .
ولغايه لما كبرت برضوا مش باروح من غيره هو اليودينى
ويفسحنى ويرجعنى بدون اى تعامل مع حد غيره؛
وبالرغم من كده بابقى فى منتهى السعاده .
بالرغم من انه مكنتش اعرف ناس كتبر ؛وحتى الدنيا
ومعرفتى بيها كانت من خلاله .
الا انى باعتبر انى محظوظه بوجوده فى حياتى .
احساس جميل انك تحس انك مميز كده بالنسبه
لشخص معين.
وانك كل حياته وان كل هدفه فى الحياه انه يحافظ
عليكى وعلى ضحكتك .
هو عمره ما حرمنى من حاجه بس كان بيفكر بطريقه مختلفه .
يعنى انفذ رغبتى بس باسلوب حمايه حسن وتحت
اشرافه .
عارفين فكرت حمام السباحه البره كان اصلها بتاعتى .
مره كنت بتفرج مع حسن على التليفزيون وكنت صغيره
وشفتهم وهما بيلعبوا سباحه .
فعجبتنى وقلتله: يا حسن عايزه العب زيهم .
ففضل يروح النادى يلعب سباحه وانا اتفرج عليه لغايه لما
يطلع .
واتفق معايا انه هو هيتعلمها الاول وبعدها هو اليعلمنى
عشان ياخد باله منى وما اغرقش .
وفضلنا فى فتره تعليمه نزن على بابا وعمو لغايه لما
عملولنا البسين الفى الجنينه.
وهو العلمنى وقالى: عشان محدش غريب يشوفنى
بلبس السباحه وكنت دايما يعوم معايا .
ومن بعدها كان كل اجازه لازم نسافر للمصيف وننزل ابحر
سوا ونخرج سوا ونعوم سوا ولو حبيت انى ادخل لجوه
فى البحر ؛
كان بيخلينى انام على ضهره والف اديا حواليه وهو اليعوم
بيا لغايه لما يتعب ونرجع.
ولما قلتله انى باعرف اعوم واخليه يعوم معايا بدل ما
يتعب كده .
باس دماغى وقالى: فداكى يا حبيبتى.
بس جيت فى مره عشان اعوم معاه فى البسين فرفض
وخرج منه وقعد معايا .
وقالى : شوفى يا هدى انتى خلاص قربتى تكبرى وتبقى انسه جميله ؛
ومش هينفع تنزلى معايا تانى البسين وانا هاكلم بابا وعمو هاخليهم .
يغيروا المخزن ويعملوه بسين مغلق ليكى خاص بيكى.
الحلقه السابعه:
قصه احببتك يا صغيرتى قصه كامله
بس جيت فى مره عشان اعوم معاه؛ فقعد معايا .
وقالى: شوفى يا هدى انتى خلاص قربتى تكبرى وتبقى
انسه جميله؛ومش هينفع تنزلى معايا تانى البسين وانا
هاكلم بابا وعمو هاخليهم يغيروا المخزن ويعملوه بسين
مغلق ليكى خاص بيكى .
وليكى عليا انا مش هانزل تانى اعوم الا لما يعملوا ليكى
البسين الخاص بيكى.
انا زعلت الاول بس هو قالى انى خلاص هكبر وهبقا انسه وعيب
انى اقعد قدامه كده وخلانى ارجع اغير هدومى .
ولازم ابتدى اعود نفسى من دلوقت وكنت وقتها فى اخر
ابتدائى.
وقلت: انا لسه صغيره يا حسن؛بس هو اتكلم معايا من
ناحيه الدين.
وانا اقتنعت بكلامه بس زعلت جدا لانى كنت بحب العب
معاه وياما استمتع معاه واحنا بنعوم ولينا ذكريات حلوه
كتير فى حمام السباحه.
والليله دى بكيت كتير ورحت اوضته عشان انام معاه؛
بس هو رفض وقالى انى خلاص هابقا كبيره ومش هينفع
اجى انام جنبه تانى.
وانا زعلت جدا وفضلت اعيط ولاول مره اعيط وحسن ما
ياخدنيش فى حضنه بالرغم من انى كنت شايفه شكله
زعلان عليا بس فضل يهدينى بالكلام وخلانى امسح
دموعى وارجع اوضتى انام فيها.
قصه احببتك يا صغيرتى قصه كامله
وتانى يوم خدنى فسحنى وقالى اننا هنفضل اصحاب
واولاد عم بس؛فى حاجات هتتغير وانى هابقا كبيره ومش
هينفع نعملها.
ولما سالته عن السبب.
قالى انه بيحافظ عليا ودى حدود ربنا واننا لازم نسمع
كلام ربنا فيها.واتفقنا على كده.
وفضلنا كالعاده زن انا وهو على بابا وعمو عشان نقنعهم
بالفكره.بس رفضوا فى الاول لانهم لسه من كام سنه
عاملين البسين الخارجى .
وقالوا لما احب انزل هو ما ينزلش.
بس رفض حسن وقال:طيب لوحد صدفه شافها من الفلل
الحوالينا محدش يضمن الظروف .
وفضلنا فتره نزن لغايه لما زهقوا وعملوه .
كنت بافتقده كتير وانا بعوم بس هو ده الصح وحرام انه
يشوفنى بلبس السباحه وفعلا عملت كده .
من صغرى ما فكرتش انه يبقى عندى اصحاب سواء بنات
او ولاد؛حسن كان مالى عليا الدنيا.
كان هو صاحبى البجد كان معودنى احكيله كل حاجه
وما اتكسفش من غلطى قدامه.
ولو حد زعلنى اشكيله ولو عندى مشكله هو اليحلهالى .
انا اعرف بنات كتير فى مدرستى بس زمايل مش اصحاب
لانى متعوده ان كل اسرارى عند حسن .
ولما دخلت المدرسه اقنعنى ان ما اصاحبش ولاد لانى
جوهره غاليه مش اى حد يستحق انه يتكلم معايا مش
يصاحبنى كمان.
وانه لانى بنت يبقى لازم ان اصحابى يبقوا بنات .
فقلت طيب انت ولد يبقى ما اكلمكش تانى.
فسكت شويه وبعدها قال: انتى لو كلمتى ولاد هيقولوا
انى مش كويسه بس لانه انا قريبك وانى متربيه قدامه
وهو عارفنى كويس؛
فهو واثق انى مودبه ومش هيقول عليا انى مش مودبه.
وغير كده هو بيحبنى وبيخاف عليا فمش عايز غير انى
ابقا متصانه من كلام الناس وعيونهم .وان اقتنعت بكلامه
وفرحت بيه وفضل يرن فى ودانى لغايه دلوقت.
وفعلا لما دخلت المدرسه كان اى ولد بيجى يكلمنى
بسيبه وامشى .
وكنت بارجع احكى لحسن وهو بيبقى فرحان بيا.
ولما كبرت شويه اتكلم معايا واقنعنى انى انقل مدرسه
بنات بس؛
وفعلا انا وهو اقنعنا بابا الله يرحمه ونقلنى مدرسه بنات بس .
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
تعليقات
إرسال تعليق