رواية بناتي حياتي الحلقه الثامنه والتاسعه والعاشره بقلم ولاء يحي حصريه وجديده على مدونة النجم المتوهج للروايات والمعلومات
 |
رواية بناتي حياتي الحلقه الثامنه والتاسعه والعاشره بقلم ولاء يحي حصريه وجديده على مدونة النجم المتوهج للروايات والمعلومات
سليم اول ما شاف اميره فضل متنح واميره مكسوفه وبصه للارض ولما لقيته ساكت رفعت عنيها لقيته بيبصلها فبتسمت
اميره برقه : بتبصلي كده ليه
سليم عرق وارتبك وبقي مش عارف يعمل ايه : لاااا مافيش هو انتي منمتيش فكرتك هتنامي
اميره ببتسامه وهي بتعقد قريب منه : مجليش نوم جيت قعد معك شويه ونتكلم احنا متكلمناش مع بعض خالص
سليم يبصله برتباك : عاوزه تكلمي في ايه
اميره : اي حاجه عاوزه اتعرف عليك
سليم بصلها بستغراب : تتعرفي عليه ما احنا نعرف بعض من زمان
اميره ببتسامه : لا انت تعرف ميرا البنت الصغيره ال كانت بتلعب قدمكم وانت وعماد بتذاكرو ال كنت بتجبلها شكولاته
سليم ببتسامه وافتكرها وهي صغيره : كنتي صغيره ودايما منعكشه شعرك وتفضلي تنطي علي الكرسي وتروشيني
اميره بغضب طفولي : علي فكره انت ال كنت دايما تشد التوكه من شعري وتقولي سبيه منعكش يا معكوشه
سليم يضحك اوي بصوت عالي وهي تبصله بحب وتفرح اوي انها قدرت تضحكه
اميره ببتسامه : كنت بحب اليوم ال بتيجي فيه عندنا كنت بفضل مستنياك في البلكونه عشان اشوفك وانت جي من اول الشارع
سليم يبصلها برتباك ويبتسم : كنتي بتستني الشكولاته مش انا
اميره : انا حبيت الشكولاته عشان انت ال بتجيبها
سليم فضل يبص في عينها وهي كمان وقعده شويه كده لحد ما فاق
سليم وهو بيقف : انا هنزل شويه واجي
اميره تقف قدمه بحزن: هتنزل دلوقتي ليه
سليم وهو بياخد مفاتيحه وموبيله : هنزل اروح المكتب شويه وظبط الشغل وهفوت علي الماركه اجيب شويه حاجات ( ويبصلها) تحبي اجيبلك حاجه معينه
اميره ببتسامه حزينه : متشكره
سليم : نامي انتي او انزلي لشروق ومروه لو تحبي عن ازنك
ويمشي ويخرج ويسيبها وقفه وهي حزينه ومكسوره من صده ليها
لين قعده في اوضتها في فيلا اسلام وسميه وبتكلم اصحابه في التلفون وحكيت ليها ان سليم من المهندسين ال هيشتغله معها في المشروع
شوشو بضيق : وهو يشتغل معكي في مشروعك ليه يقصد ايه بلحركه دي
لين : يقصد يضايقني انا ورامي طبعا هيكون يقصد ايه
صافي : وانتي هتقبلي يشتغل معكي
لين بضيق: الشركه الهندسيه بتاعت طارق.... الهو اصلا واحد من الشركاء بتوع الفنادق هم المسولين عن اختيار فريق المهندسين ال هينفذه التصميم وانا مقتدرش اعترض غير لو حد غلط وعمل شغل مش مظبوط
شوشو : وهتعملي ايه معه
لين : زيه زي اي مهندس بيشتغل المشكله مش في سليم المشكله في حاجه تانيه
صافي : ايه هي
لين : سليم جيب مراته كمان تشتغل معنا
(صافي وشوشو شهقو وهم بيسمعه فلين تكمل) البنت رقيقه وشكلها اتصدم لما شافتني وعرفت اني هشتغل معهم بجد مضايقه عشانها اوي ومش عارفه اعمل ايه
شوشو : مضايقه عشانها ليه وانتي مالك جوزها ال عمل فيها كده
لين بضيق : بصرحه مش عارفه مش حبه اكون قدمها وتفضل مضايقه ( وتسكت شويه) الاء مالك من اول المكلمه وانتي ساكته مقولتيش رائيك
الاء بضيق واستهزاء : قول رائي في ايه انت قعده عندك تعملي ايه بعد ما عرفتي انه هيشتغل معكي متسيبي الشغل وتروحي لجوزك شاطره بس تقولي مضايقه عشان رامي ومضايقه عشان مراته لما انتي يهمك رامي قعده عندك ليه وسيبه مضايق وغيران وهو عارف انك مع سليم كل يوم لو يهمك رامي كنتي رجعتيله بس شكلك فرحانه و انتي ال غاويه ان سليم وغيره يتلمو حاوليكي وتحرقي قلب مراته من الغيره
لين بصدمه : انا ! انا ال غاويه لمه حاوليه انتي البتقولي كده يا الاء
الاء بغضب : هو دا معني وجودك في دبي بعد ما عرفتي انه هيشتغل معكي واحده غيرك هتسيب الشغل وترجع لجوزها
صافي بغضب : انتي ايه البتقوليه دا يا الاء لين موجوده في دبي عشان شغلها وتصميمها وهو ال فرض نفسه علي شغلها هو ال يمشي مش هي ولو مراته مضايقه تسيب الشغل او تسيبه هو
الاء : تسيبه عاوزينها تطلق طبعا هي تطلق وتخرب بيتها عشان لين تنجح في شغلها اصل شغلها اهم من خراب البيوت وعموما انا قولت رائي وانتي حره انا هروح اشوف ولادي سلام ( وقفلت معهم)
شوشو بضيق : سيبك منها لين وما تزعليش هي اكيد متقصدش هي بس مضايقه شوي
لين ببتسامه حزينه : واحنا من امتي بنزعل من بعض انا بس قلقانه عليها بقالها فتره وهي متغيره ومش طبيعيه
صافي : متقلقيش احنا معها خالي بالك انتي من نفسك وركزي في شغلك حبيبتي
ويعقده يتكلمه شويه ويقفله بس لين كانت مضايقه من تغير الاء ومش عارفه سبب تغيرها
اميره فضلت مستنيه سليم لحد وقت متاخر لكن هو مرجعش لحد ما نامت علي الكنبه مكانها لم سليم رجع شافها وهي نايمه فضل يبص عليها شويه
سليم بضيق : اميره اميره اصحي
اميره قامت: سليم انت اتاخرت ليه
سليم: انتي ايه ال منيمك هنا كده مش نايمه في اوضتك ليه
اميره : كنت مستنياك
سليم بغضب : و تستنيني ليه بعد كده ملكيش دعوي بيه ارجع وقت ما ارجع و نامي في اوضتك
اميره بدموع مكتومه : بس ياسليم
سليم بزعيق : من غير بس الكلام البقوله تسمعيه احنا هنا لشغل يا بشمهندسه وحلمك اتحقق وبقيتي تشتغلي في اكبر شركات لديكور ووعدي انا نفذته
اميره بعدم فهم واستغراب : وعد ايه
سليم بزعيق : مش عليه الكلام دا واتفضل ادخلي نامي ورنا شغل الصبح
ومشي وسيبها وقفه مش فهمه حاجه ودخل اوضه تانيه وقفل عليه وهي غصب عنها دموعها نزلت ودخلت اوضتها وقفلت عليها وفضلت تعيط بنهيار وضياع
ونروح القاهره وفي بيت عماد وقعد هو وهبه بيتكلمو
هبه : دلوقتي الحمد الله اطمنت علي اميره اظن نلتفت لنفسنا ولولادنا بقي
عماد : نلتفت لولادنا ازي
هبه : يعني انت كنت رافض السافر عند خالي عشان خاطر اميره دلوقتي بقي نقدر نسافر
عماد ينفخ بضيق : هو انتي متخيله ان السافر احسن من هنا وال اول ما نسافر هنلم الفلوس في شوال
هبه : انا مقولتش هنلم الفلوس في شوال بس هنعيش في مستوي كويس وولادنا هيتعمله احسن
عماد : وهنجيب فلوس السافر منين يا فالحه
هبه : نبيع البيت للحاج رمضان هو عاوزه وعارض مبلغ كويس هيساعدنا نسافر ويمشينا كام شهر هناك ان شاء الله
عماد بغضب : انتي عاوزني ابيع بيت ابويه
هبه بغضب : هو انت الاربع حيطان اهم عندك من مستقل ولادنا انت عجبك العيشه المقرفه دي
عماد : دلوقتي العيشه مش عجبكي من ساعه ما خالك كلمك عن السافر وانتي مش عجبكي العيشه
هبه : لما القي اني قدمي فرصه احسن بيها مستونا ومستوي عيالنا يبقي ليه اقول لا
عماد بغضب : انا مش هبيع بيت ابويه ومش هسافر
هبه بصوة عالي وغضب اكتر: يبقي طلاقني يا عماد طلاقني
وتمشي وتدخل الاوضه تلم هدومها هي واولادها وعماد وقف مصدوم ومش عارف ياخد قرار وبعد نص ساعه خرجه هبه وهي لبسه وواخده ولادها وشنطه هدومها
عماد بضيق: اعقلي يا هبه هتروح فين الدنيا ليل
هبه : هروح بيت اهلي هم كانو عندهم حق لما قالو انك ملكش مستقبل ومش عاوز تغير عيشتك ومستواك
عماد : هو يقبل اني اسافر يا ابقي مش عاوز اغير العيشه
هبه : ايوه يا عماد ويا تسافر يا تطلقني واختار انت
عماد ينفخ بضيق : حاضر يا هبه هسافر هكلم الحج رمضان وبيع البيت وسافر ارتحتي كده
هبه بفرحه تجري لحضنه : حبيبي يا عماد ربنا يخليك لينا يارب
وقدرت هبه تجبر عماد علي بيع بيت اهله والسافر ونجح الجزء التاني من خطيتها
وتاني يوم في شركه طارق وصلة مروه مع امجد وكانت خايفه ومخضوضه وعمله تقراء قران ودخلت الشركه ووصله لمكتب عامر
امجد ببتسامه : صباح الخير
عامر يقوم يقف ويسلام عليه : بشمهندس امجد حمدالله علي السلامه
امجد : الله يسلامك عامر ( ويشاور علي مروه) الانسه مروه السكرتيرة الجديده لمكتب مستر طارق
عمار ببتسامه : اهلا انسه نورتي دبي
مروه ببتسامه : متشكره منوره باهلها
امجد : هسيبكم ورح لشغلي وهجيلك نروح سوا ( ويبص لعامر ) مش هوصيك يا عامر مروه اختي
عامر : متقلقش يا بشمهندس ( ويمشي امجد ويبص عامر لمروه) اتفضلي يا انسه اوريكي مكتبك وعرفك الشغل
وتمشي مروه مع عامر وتدخل مكتب كبير وفخم وتلقي مكتبها عليه كومبيوتر الخاص بيها وفي باب بيودي علي مكتب طارق طبعا
عامر ببتسامه : اتفضلي دا مكتبك
مروه ببتسامه : متشكره اوي
عامر : هبداء افهمك طبيعة الشغل واي حاجه تقف قدمك فيكي تساليني في اي وقت
مروه ببتسامه : متشكره وان شاء الله مش هتعبك وهفهم بسرعه
ويبداء عامر يشرح لمروه الشغل وهي بتسمعه بتركيز وبعد ساعه يدخل طارق المكتب ويبص ليهم بستغراب
طارق : صباح الخير
عامر ومروه يقفه
عامر : صباح النور مستر طارق ( يلقي طارق بيص لمروه بستغراب) الانسه مروه السكرتيرة لسه وصله وكنت بشرح ليها طبيعه الشغل
طارق بجديه : اهلا وسهلا
مروه بنفس جديه طارق : اهلا بحضرتك مستر طارق
طارق يستغرب انها محاولتش حتي تبتسم ليه فيبص لعامر
طارق : تعال يا عامر عاوزك
ويدخل المكتب ويدخل وره عامر ومروه تبداء تبص علي الشغل ال شرحه ليها عامر
طارق وهو بيعقد : غريبه السكرتيرة دي
عامر : ليه يا فندم دا حتي واضح انها شاطره وبتفهم بسرعه وملتزمه في شغلها
طارق : ومحجبه اول مره تجيب سكرتيره محترمه كلهم كانو شمال
عامر بضحك : ما الشمال حضرتك بتطردهم فقولنا نغير
طارق : كويس ياريت ميبقاش ستاره بتستخبي تحتها وتبقي فعلا محترمه انت عارف انا مبحبش الدلع في الشغل
عامر : متقلقش واضح انها ملتزمه
طارق : المهم اخبار المهندسه لين ايه
عامر : وصلت امبارح ورحت علي منتجع دكتور اسلام هتعيش هناك مع بنت عمها وبعتنلها عربيه الصبح هتحيبها عشان الاجتماع
طارق : وليه تسكن مع بنت عمها مش انا قولتلك جهزلها فيلا تعيش فيها
عامر : حصل وبعتنلها ان الشركه مجهزه ليه سكن طول فتره شغلها بس هي رفضت وقالت انها مش محتاجها
طارق بغيظ : عنديه ومش سهله بس ورها لما تستسلم ( ويبص لعامر) اخبار الدكتور رامي ايه
عامر : مش مديها وش ومش عارفه توقعه شكلنا لازم ندخل
طارق : يبقي نفص الخطه ال اتفقنا عليها وخلي الجارد يتفق مع ال ممرضه ويبداءه ينفذه
عامر : تمام هتصل بيه وابلغه يبداء ينفذ
طارق وهو بيفتح ملف قدمه : روح دلوقتي جهز للاجتماع واول ما يوصله عرفني وخلي السكرتيرة تجيبلي القهوه
عامر : تحت امرك
ويخرج عامر ويروح لمروه
عامر : انسه مروه خدي القهوه لمستر طارق وتعالي مكتبي عشان نجهز غرفت الاجتماعات
مروه : حاضر ( وتروح مروه تعمل القهوه وتاخده وتدخل مكتب طارق وتقف بعيد وتحتها قدمه) القهوه يافندم اي اومر تانيه
طارق يرفع عينه ويبصلها يلقيها بتبسله بجديه شديده من غير اي ابتسامه
طارق : لا لو عوزت حاجه هندهلك
مروه : تحت امرك ( وتخرج وتسيبه وهو بيبص عليها من فوق لتحت ومستغرب طريقتها ولبسها)
طارق لنفسه : محجبه بس شيك وحلوه بس جد اوي ياتري تمثليه وبترسم الدور وال هي فعلا محترمه (ويبتسم بخبث) هيبان كله في وقته
ويرجع لشغله و مروه تروح لعامر وياخدها ويروحه اوضة الاجتماعات ويبداءه يجهزوها
وعند سليم صحي ولبس وخرج لقي اميره لبسه وجهزه وبتحضر الفطار
سليم : صباح الخير
اميره ببتسامه : صباح النور ثواني والفطار يكون جهز
سليم : مكنش له لزوم تتعبي نفسك انا مش بفطر
اميره وهي بتقرب منه وببتسامه : دا كان قبل ما انا اكون موجوده لكن من واجبي دلوقتي اني اهتم بكل شيء يخصك ومينفعش اسيبك تنزل من غير فطار ممكن بقي نروح نفطر عشان منتاخرش
سليم يبتسم ويمش معها ويعقده يفطره
سليم ببتسامه : بيض بطماطم انا بحبه جدا ماما كانت دايما تعمله عشاني
اميره ببتسامه : طيب يارب يعجبك ويطلع زي بتاع طنط الله يرحمها
سليم ياكله ويعجبه جدا ويفضل ياكل لحد ما يخلص البيض كله واميره بصله وبتبتسم وفرحانه
سليم ببتسامه : ااااااه مش قادر بطني اتملت من زمان مفطرتش كتير بشكل دا
اميره بحب : بالف هنا ثواني ويكون النسكافيه جهز
سليم بستغراب : انتي عرفتي منين اني بشرب نسكافيه بعد الفطار
اميره ببتسامه : واجبي اني اعرف كل ال بتحبه وكل البيسعدك وجهزهولك
وتمشي من قدمه وهو بصص عليها ومستغراب كلامها ونظرتها
سليم لنفسه : فوق يا سليم هي هنا عشان الشغل والفلوس بطل اوهام
وتيجي اميره بنسكافيه تلقي سليم بياخد اورقه وحاجته
اميره : النسكافيه ياسليم
سليم بضيق : احنا مش فاضين يلا عشان اتاخرنا هستناكي في العربيه متتاخريش
وينزل سليم ويسبها وقفه محتاره وتاخد شنتطها وتنزل وره
لين كانت صاحيه ولبست وكلمت رامي واهلها واطمنت عليهم وخرجت لقيت سميه واسلام علي الفطار
لين ببتسامه : صباح الخير
الكل : صباح النور
اسلام : ايه يابنتي النوم دا كله
لين : منمتش والله فضلت طول اليل اجهز الشغل لحد الفجر وبعدها نمت
سميه : هتتعبي كده يا لين ومش هتقدري تكملي اليوم
لين : النهارده اجتماع بس هخلصه ورجع نام برحتي ( وتبص لاسلام) اصل عندي معاد مهم النهارده الساعه 6
اسلام يبصلها ويفهم كلامها : الملف بتعك ال اخده من دكتور يحيي في الاوضه جوه ( لين تبص لسميه فاسلام يكمل) سميه عرفت مش هينفع نخبي عليها لانك هتحاجيها معكي وبعدين انا مبخبيش حاجه عن مراتي ياختي
سميه تضحك وتبص للين : متخافيش محدش هيعرف بس ممنوع تروحي من غيري فهمه رجلي علي رجلك مش هتكوني لوحدك ابدا في علاجك
لين ببتسامه : ربنا يخليكم ليه خالص اجهزي الساعه 5 هنمشي
سميه : ان شاء الله ربنا يكتبلك الخير ياحبيبتي
لين وهي بتوقف : همشي انا عشان متاخرش
اسلام : هتروحي ازي خدي عربيتي انا مش محتاجه النهارده
لين ببتسامه : ميرسي يا دكتور الشركه بعتلي عربيه بسواق
سلام بضحك : ايوه يا ستي مين قدك
لين بضحك : صباحو قر يا دكتور عاوزه اوصل سليمه ارحم
وتخرج وتسيبهم وهم بيضحكه
وفي المستشفي في القاهره ومكتب دينا وهي قعده بتكلم مع سمر
سمر : يعني خالص هتسبيه استسلمتي
دينا بضيق : لا طبعا بس مبقتش عارفه اعمل ايه مش مديني اي فرصه
سمر : اجبريه
دينا بستغراب : اجبره ازي
سمر ببتسامه : نعمل فضيحه صغيره كده ونطلع عليكم اشاعه ونوصلها لاهله ولخطيبته وساعاتها نجبره يتجوزك
دينا بضيق : انتي اتهبلتي عاوزني اطلع سمعه علي نفسي واتفضح
سمر : مهو عشان توصليله لازم تتلسعي بنار هو دا ال هيخليه يوافق انه هيتجوزك دكتور رامي ميقبلش سمعه واحده تضيع بسببه
دينا : اشاعة ايه ال هطلعيها دا الكل شايف انه مش مديني وش ومحدش هيصدق عليه حاجه
سمر بخبث : ماهو لازم نخليهم يشوفه بنفسهم عشان يصدقه
دينا : يشوفه ايه انتي عاوزني اعمل ايه بظبط
سمر : استني يومين ارتبها في دماغي وارسملك خطه كويسه عشان تنجح و نلعبها صح
وفي بيت الجده وفي الجنينه سها كانت قعده تعيط ورشا قعده جمبها بتهديها فيخرج سالم ويشوف سها وهي بتعيط
سالم بقلق : مالك ياسها بتعيطي ليه
سها تبصله بقلق وخوف : مافيش تعبانه شويه
رشا : احكيله يا سها متخبيش عليه سالم هو الهيقدر يتصرف
سالم بضيق : اتصرف في ايه ما تنطقي
سها بدموع : ماما يا سالم
سالم يوقف بغضب : احنا مش قولنا سيرتها متجيش في البيت دا تاني
رشا تقرب منه : اهدي يا سالم واسمع وافهم ومتنساش انها امك مهم حصل وهي محتاجك دلوقتي
سها تقوم تقف قدمه : ماما تعبانه اوي ياسالم عندهم سرطان ومرات خالك مش بترحمها ومبهدلها في شغل البيت انا رحت زورتها لقيتها تعبانه اوي اخزتها لدكتور وعملتلها التحليل وعرفت الناتيجه ومش عارفه اعمل ايه ومقدرش اسيبها دي امي برده امي
وتكلم وهي بتعيط فتقرب منها رشا وتاخدها في حضنها وسالم لما سمع الخبر اتصدم وبان علي وشه الحزن فقرب من اخته
سالم يقرب منها : متزعليش ويلا تعالي نرحلها وناخدها للمستشفي
سها بفرحه تمسح دموعها : بجد يا سالم هنرحلها ونعالجها
سالم ببتسامه حزينه : ايوه دي امي ومش هسيبها يلا بينا
سها : ثواني هجيب شنطتي واجي بسرعه ( وتجري عشان تجيب شنطتها)
رشا : انا هاجي معكم
سالم : لا يا رشا بلاش انتي عشان عمي فريد ميزعلش
رشا بتصميم : بابا عمره ما هيزعل وطنط سلوي دلوقتي ام حبيبي وخطيبي وواجبي اني اقف معها
سالم ببتسامه يقرب منها : قولتي ام مين تاني كده
رشا بكسوف وابتسامه : ام حبيبي وخطيبي
سالم : وقعه وقعه يعني ما صدقتي انتي تلقي حد يعبرك
رشا تبصله بغيظ وتخبطه علي كتفه : انا غلطانه تصدق وهروح اقول لبابا دلوقتي اني غيرت رائي ومش عاوزك
سليم يشدها من ايدها : اعمليها كده عشان ادبحك انتي فكرها سهله كده تسرقي قلبي وتمشي
رشا بكسوف : ياسلام ال يعني الواد بيحس وعنده قلب
سالم بحب : اه والله حتي عمل يقول رشا رشا رشا قربي كده هتسمعي
رشا تزوقه بضحك : لا يا خفيف سامعه من غير ما قرب
سالم بحب : ربنا يخليكي ليه يا حبيبتي ويقدرني اسعدك
رشا تبصله بحب ويفضله كده لحد ما سها جيت وخرجو كلهم ورحو لسلوي
تفتكرو رد العيله هيكون ايه مع تعب سلوي ورجوع ولادها ليها وخطت سمر هتنجح وهيقدره يوقعه رامي نعرف الحلقه الجايه
روايه بناتي حياتي الحلقه (9)
لين وصلت شركه طارق ودخلت وطلعت الدور ال فيه الاجتماع وهي دخله قابلت مروه علي الباب
لين بستغراب : مروه بتعملي ايه هنا
مروه ببتسامه :سكرتيره مستر طارق ما هنا شغلي الجديد
لين ببتسامه : كويس اوي ربنا يوفقك حبيبتي (وتقرب منها بصوة واطي) بس خالي بالك طارق مش سهل
مروه تتنهد : ربنا يستر انا اصلا قلقانه اوي
لين :متقلقيش خاليك واثقه من نفسك وخالي تعملك في الشغل وبس واعملي حدود معه
مروه : انا ناويه علي كده ان شاء الله
لين : ربنا معكي حبيبتي هدخل انا عشان متاخرش
مروه ببتسامه : اوكي ربنا يوفقك
تدخل لين الاجتماع تلقي سليم واميره ومجموعه من المهندسين فيهم ال تعرفهم وفيهم متعرفهمش
لين بيتسامه : صباح الخير
الكل : صباح النور
يقرب كريم من لين : حمدالله علي السلامه يابشمهندسه
لين ببتسامه : الله يسلامك كريم وصلت امتي
كريم : النهارده الصبح
لين : داليا معك وال لوحدك
كريم : لا داليا علي وش ولاده بقي سيبتها عند مامتها
لين ببتسامه : ربنا يقومها بسلامه ومتقلقش هنزلك تحضر الولاده احسن داليا ممكن تموتني
كريم بضحك : دي منبها عليه اني لازم اكون عندها بعد 10 ايام وال مش هتولد
لين بضحك : مجنونه وتعملها ان شاء الله هتنزل في المعاد المهم طمني العمال وصله
كريم : كل العمال الطلبتيهم وصله معايه ووصلتهم لسكن المخصص ليهم مع بقي العمال بس بصرحه السكن مش مناسب خالص مافيش سراير ومافيش مايه و العمال اديقه مش واخدين منا ان نسكنهم في مكان زي دا وليهم حق
لين بضيق : انا هتصرف في الموضوع دا متقلقش واتصل بيهم خلي شنطهم زي ما هي و خليهم يبلغه كمان بقي العمال انهم هيتنقله
كريم ببتسامه : اوكي
وهم وقفين بيتكلمه كان عين سليم عليها واميره كانت شايفه نظرته وغيرته عليها فكانت بتبصله بكل حزن وضيق
دخل طارق الاجتماع فكل وقف ليه وهو راح ل لين ببتسامه
طارق ببتسامه : حمدالله علي السلامه يابشمهندسه
لين : الله يسلامك
ويعقد طارق بعد ما رحب بكل
طارق بجديه : طبعا كلنا عارفين ان احنا هنصمم اكبر فندق في الشرق الاوسط والفائز بيه تصميم المهندسه لين فؤاد وهي هتبداء تشرح ليكم التصميم وتوزع علي كل مهندس الجزء ال هينفذه ( ويبص للين) اتفضلي يا بشمهندسه
لين تبصله بجديه : قبل ما اتكلم عن التصميم وازوع الشغل لو سمحت عاوزه سكن العمال يتغير
طارق بصلها بضيق : يتغير ليه
لين : لانه سكن لا يصلح للسكن مافيش حاجه ينامو عليها ومافيش مايه ازي يسكنه فيه
طارق بضيق : دول عمال بيسكنه في اي مكان
لين بضيق وغضب : العمال دي بنادمين زينا بظبط وهيشتغلو معايه ولازم يكونه مرتحين ومن حقهم ان بعد يوم الشغل طويل يلقي مكان يرتاحو و ينامو عليه ويلقو ومايه يستخدمها
طارق بغيظ : اوكي يا بشمهندسه هنشوف الموضوع دا بعدين مش هنضيع الاجتماع في الكلام عن العمال
لين ببتسامه وتحدي : وانا مش هعمل اجتماع غير وكل العمال ال بيشتغل في المشروع مرتاحين لان لو مرتحاوش فانا مش هكمل شغل
طارق بضيق : دا تهديد يا بشمهندسه
لين : لا دا مبداء انا مش بشتغل في مكان غير وكل انسان مهم كانت طبيعه وظفته مرتاح في الشغل والسكن
طارق يبص لعامر بغيظ : غير سكن العمال يا عامر
عامر : تحت امرك مستر طارق
لين ببتسامه : نبداء الاجتماع ( وتبص لعامر) وبعد الاجتماع هروح اسلم العمال السكن بنفسي فياريت تعرفني العنوان
الكل طبعا كان بيبص للين باعجاب شديد وطبعا سليم كان حاسس انه قدم انسانه تانيه غير لين ال يعرفها واميره مقدرتش غير انها تعجب بموقفها وكان جوها حزن انها مش قويه زيها وتقدر تواجه
لين بداءت شرح التصميم ومناقشه المهندسين واخد اقتراحتهم وبداءت توزيع كل بناء وجزء في الفندق علي المهندسين
لين بعد ماخلصت الاجتماع وطارق سلام وخرج وهي وقفه بتلم اورقها قرب منها سليم وكانت اميره وقفه بعيد بس شايفه
سليم ببتسامه : برافو عليكي يا لين ( فلين بصتله بستغراب) اخترتي ليه ابعد مبني وال مش محتاج شغل كتير واديتهولي لدرجتي وجودي مضايقك وعملك ازعاج
لين ببتسامه : لا ابدا يا بشمهندس بس انا محبتش اتعبك لان لسه عندك فندق ابوظبي ودا محتاج مجهودك كله
سليم : مش هتساعديني فيه زي ما هساعدك في مشروعك
لين بتحدي : انا مطلبتش مساعدتك انت فرضتها عليه ( وتبص ناحيه اميره ال عنيها اتملت دموع فتضايق وتبص لسليم بضيق ) فوق يا سليم وحافظ علي ال ربنا بعته ليك وبلاش تجرحها وتخسر مره تانيه لان مش كل مره ربنا هيعوضك
وتسيبه وتمشي وهو مضايق ويبص لاميره ال بصتله بنظرت حزن
لين وهي خرجه راحت لعامر ال نزل معها باومر من طارق لتسليم العمال ساكن تاني
ونروح المستشفي في القاهره وكان وصل سالم ومعه سها ورشا و سلوي ال فرحت جدا ان ولادها سالو عليها واخدها تتعالج
رشا: هنروح لرامي مكتبه
سالم : لا يا رشا بلاش رامي انا هحجزلها اوضه وشوف دكتور لحالتها
ويدخله ويحجزه اوضه ويدخل سالم وسها بس رشا كانت وقفه علي الباب وبتكلم سناء في التلفون
رشاء : انا مع سها وسالم يا ماما متقلقيش وشويه ورجعه
سناء : معهم فين يعني انتي خرجتي من غير ما تقولي
رشا : اول ما هرجع هحكيلك يا ماما
سناء بضيق : ماشي يا رشا متتاخريش
رشا : حاضر يا ماما مع السلامه
وتقفل رشا مع مامتها ولسه هتدخل الاوضه بس سمعت صوة بينادي عليها
رامي بستغراب : رشا ( ويقرب منها هو وشادي ودينا) بتعملي ايه هنا
رشا بارتباك : جيه مع سالم وسها
رامي بقلق : وسالم وسها هنا ليه ( ويبصلها وهي ساكته) في ايه يا رشا انتم هنا ليه
رشا بحزن : اصل طنط سلوي تعبانه اوي وعملت تحليل وطلع عندها سرطان وسالم لما عرف راح اخدها وجيبها هنا
رامي بحزن : لا حول وال قوة لا بالله ربنا يشفيها طيب ليه مكلمنيش وال جيتولي المكتب اول ما وصلتم
رشا بصتله بحزن : ما انت عارف يا رامي
رامي يخبط ويفتح الباب ويدخل هو ورشا ودينا وشادي ال مش فهمين وال يعرفو مين دول
رامي يقرب من سلوي واستغراب شكلها فتعب والحزن غير من ملامحها وكبرها
رامي ببتسامه : الف سلامه عليكي يا طنط
سلوي بتعب وابتسامه : الله يسلامك يا رامي عمال ايه يابني
رامي : الحمد الله يا طنط ( ويبص لسالم بضيق) لينا حساب يا سالم عشان متتصلش بيه اول ما تعرف بس نطمن علي طنط سلوي وهنتكلم ( ويبص لشادي ) شادي شفولي دكتور ادهم ودكتور فتحي و خليهم يجو هنا حالا
شادي : تحت امرك يا دكتور
رامي يبص لسالم وسها : فين التحليل والاشاعات العملتها
سها بدموع : اهي كلها عملتها ليها امبارح
رامي بضيق : لوحدك من غير ما تقوليلي يا سها
سها بكسوف تبص للارض : انا اسفه يا رامي بس انت عارف
رامي : هنتكلم بس مش دلوقتي ويلا اطلعو بره كلكم عشان اكشف عليها
ويخرج سالم ورشا وسها ال عمله تعيط بحزن علي مامتها
سلوي بتعب وابتسامه : طول عمرك جدع وقلبك ابيض يا رامي بس سامحهم هم كانو مكسوفين بعد العملته انت عارف
رامي ببتسامه : عشان خطرك انتي بس هسامحهم المهم تقومي بسلامه ونطمن عليكي
ويدخل الدكاتره ويعرفهم رامي بسلوي علي انها عمته ويبداءه الكشف وعمل التحليل والاشاعات مره تانيه
وبره الاوضه كان قعد سالم وسها ورشا وهم قلقانين ودينا كانت وقفه مع سمر وبصه عليهم
دينا : سمر متعرفيش مين دول
سمر : عارفهم طبعا دا سالم ابن عم الدكتور رامي والبتعيط جمبه اخته سها والجمبها دي رشا اخت الدكتور رامي الصغيره
دينا : تعرفيهم منين
سمر : ما انا كنت بروح بيتهم من فتره ادي جديتهم حقن وعرفهم كلهم ( وتبصلها) ما تروحي تسلمي عليهم وتعملي تفسك عرفهم وحاولي تفهميهم ان انتي ورامي اصحاب وقريبين من بعض
دينا بستغراب : ليه يعني
سمر : عشان وقت الاشاعه ما توصل يقولو انكم كنتم دايما اصحاب وقريبين من بعض يلا روحي قبل ما يخرج الدكتور
دينا بقلق : طيب
وتمشي دينا وتقرب منهم ببتسامه
دينا : مساء الخير انا دكتوره دينا صديقة دكتور رامي ( وتبص لرشا ببتسامه) انتي رشا مش كده
الكل طبعا بصلها بستغراب
رشا : ايوه انا
دينا ببتسامه : رامي حكالي كتير اوي عنك عشان كده عرفتك لوحدي
سالم برخمه : رامي ! وياتري حكالك ايه بقي
دينا برتباك : انها اخته الصغيره وبيحبها وبيخاف عليها يعني كلام العادي
سالم بستهزاء : لا واضح انكم اصاحب اوي طيب ليه محضرتيش خطوبت سها دي كانت من يومين فاتو وال معزمكيش
دينا : لا طبعا عزمني بس كان عندي شغل يومها ومقدرتش اروح دا حتي زعل اوي اني محضرتش
سالم برخمه : غريبه انه يعزمك مع انه مكنش موافق علي العريس ومش عجبه
دينا : ااه ما انا عارفه مهو كان حابب اقف معه عشان كان مضايق اوي ( وتبص لرشا ال كتمه ضحكتها) بصرحه يا رشا رامي عنده حق خطيبك مش مناسب ليكي خالص ورامي خايف عليكي ياريت تفكري كويس
ويفتح باب الاوضه ويخرج رامي مع الدكاتره ويقف يتكلم معهم شويه وبعدين يروح لعندهم
سالم بقلق : خير يا رامي طمني
رامي ببتسامه حزينه : هقولك تعال المكتب نتكلم سوا ( ويقرب من سها بحنيه) ادخلي انتي يا سها مع طنط
سها بقلق : طيب طمني عليها الاول
رامي يحط ايده علي كتفها : اطمني ان شاء هتبقي بخير
تدخل سها وتسيبهم وقفين فرامي ياخد باله من دينا
رامي : خير يا دكتوره في حاجه
دينا ببتسامه : لا يا دكتور دا انا كنت بتعرف علي رشا
سالم بستهزاء : وكانت بتنصحها تسمع كلامك وتسيب خطيبها ال انت مش مرتحلو
دينا بارتباك : اصل عرفت ان حضرتك مش عجبك العريس فقولت اكلمها احنا بنات زي بعض
رامي بضيق : وانتي عرفتي منين انو مش عجيبني يا دكتوره
دينا بكسوف : انا سمعت كده يا دكتور
رامي بغيظ : وياتري عرفتي مين هو خطيب رشا
دينا بارتباك : لا انا سمعت بس ان حضرتك مش مبسوط للخطوبه دي
رامي بضيق : وال سمعتي منهم مقالوش ان سالم ابن عمي هو خطيب رشا اختي
دينا بكسوف واحراج : انا مكنتش اعرف انا اسفه يا دكتور عن ازنكم
وتمشي من قدمهم وهي مكسوفه ورشا تضحك
رشا بضحك : مالها دي دا انا كنت هموت من الضحك
سالم : شكلها بترسم علي رامي
رامي بضيق : سيبكم منها انا هتصرف معها يلا نروح المكتب
وياخدهم ويمشو ودينا رحت مكتبه وهي متعصبه وغضبانه وتدخل ورها سمر
سمر : مالك حصل ايه
دينا بغضب : محصلش حاجه ( وتبصلها بضيق) انا موافقه علي الخطه وهنفذها ويا انا يا هو
سمر بفرحه : وانا رسمتلك حتت خطه الكل هيصدق ان فيه بينكم علاقه
دينا بهتمام : هنعمل ايه
سمر بخبث : هقولك
ونروح دبي وفي مكتب طارق وكان قعد علي مكتبه ودخلت مروه بورق يمضيه
مروه بجديه : بعد ازنك الورق دا عاوز يتمضي
طارق رفع عينه : اوكي هاتيه
مروه وقفت قدم المكتب وحطت الورق قدمه فطارق استغراب انها موقفتش جمبه
طارق وهو بيمضي : انتي اشتغلتي فين قبل كده
مروه : انا اول مره اشتغل
طارق : مصريه مش كده
مروه بضيق : ايوه يا فندم
طارق : متجوزه
مروه تسكت فطارق يرفع نظره ليها بستغراب
طارق بستغراب : هو سالي صعب بسالك متجوزه
مروه بضيق : لا
طارق بستهزاء : و جيه دبي عشان تشتغلي لوحدك وياتري عيشه فين هنا
مروه تسكت تاني فيبصلها بغضب
طارق بضيق : هو انا مش بكلمك مبترديش ليه
مروه بغيظ : لان الاساله دي متخصش الشغل ولو حضرتك حابب تعرف عني حاجه تخص الشغل ف السي في بتاعي موجود في الشركه
طارق رفع عينه وبصلها بغيظ : وانا عاوز اعرف ال ميخصش الشغل عندك اعتراض
مروه لسه هترد بس دخل عامر وانقذ الموقف فخرجت
عامر بستغراب من ملامح الغضب ال علي وش طارق
عامر : العمال اتنقلو يا فندم وكل شيء تمام وبلغت الجارد في القاهره انه ينفذ الخطه مع الممرضه والدكتوره يومين وهتنفذ ويوقعه دكتور رامي
طارق بغضب : عاوز اشوف السي في بتاع السكرتيره دي حالا واعرف كل المعلومات عنها
عامر بستغراب : حاضر ثواني ويكون عندك
ويخرج عشان يجيب السي في
طارق لنفسه بضيق : ام شوف دي كمان حكايتها ايه
وفي العربيه سليم واميره مروحين وسليم ساكت وبيفكر
اميره : جريئه المهندسه لين
سليم بصلها بهتمام : جرىئه ازي
اميره : يعني قدرت انها تغير سكن العمال رغم رفض صاحب الشركه بس صممت علي رائيه لحد ما اتغير
سليم ببتسامه : لين طول عمرها ال بتعوزه بتوصله مافيش حاجه بتقف قدمها
اميره بضيق : هو انتم سبته بعض ليه
سليم بصلها اوي : بتسالي ليه
اميره بحزن : اصلي شايفك لسه معجب بيها فمستغربه ليه سبته بعض
سليم بحزن : هي وماما مكنوش متفقين وكانت عاوزه تسكن بره بعيد عن ماما واخواتي وانا رفضت فنفصلنا
اميره بستهزاء : هو دا بس السبب
سليم بضيق : ايوه
اميره تبصله :يبقي مكنتش بتحبك (سليم بصلها بغضب وضيق) اصل ال بيحب حد بيعيش معه في اي مكان وتحت اي ظروف ويحب اهلو ويقرب منهم مش يضحي بيه بسهوله كده
سليم بغضب : لين كانت بتحبني جدا بس ماما كانت صعبه شويه
اميره بضيق : ومرجعتوش لبعض بعد وفاة مامتك ليه
سليم بغضب : هو تحقيق انتي بتسالي كل الاساله دي ليه
اميره بدموع مكتومه : انت اجوزتني ليه ياسليم
سليم بصلها بضيق وغضب : انتي عارفه كويس انا اجوزتك ليه واظن اني حققتلك حلمك بسافر وشغل بره وبمرتب كبير جدا
اميره اتصدمت : انت ايه البتقوله تقصد ايه
سليم بضيق : قفلي علي الموضوع دا ويلا انزلي وصلنا
وينزل ويسبها في العربيه محتاره ومش فهمه حاجه وبعد شويه نزلت وطلعت لقيته دخل اوضته وقفل عليه
وفي القاهره في بيت عماد دخل وهو مضايق ومخنوق هبه جريت عليه
هبه بقلق : هاااا يا عماد قبلت الحج رمضان
عماد بضيق وهو بيعقد : ايوه
هبه تعقد جمبه : وعملت ايه ( عماد قعد ساكت بضيق) ما تنطق يا عماد عملت ايه
عماد بغضب : اتفقنا يا هبه وهروح بكرا ابيع البيت واخد الفلوس ارتحتي
هبه بفرحه : ارتحت جدا ياااا اخيرا انا بكرا هاجي معك مش هسيبك يا حبيبي نخلص ونطلع علي السفاره ونقدم الورق ونعمل كل الاجرات
عماد بضيق : مالك مستعجله كده ليه اصبري شويه
هبه : اصبر اكتر من كده ما انا صبره بقالي كتير ايه ال هياخرنا احنا نخلص كل حاجه 10 ايام وتكون مسافر انت تظبط كل امورنا هناك وانا هحصلك انا والعيال
عماد يبصله بغضب : هو انتي مش هتسافري معايه
هبه ببتسامه : ياحبيبي انت ناسي ان احنا لازم نسلم البيت للحج رمضان الفتره دي هعقد عند ماما انا و الولاد هستنهم لما يخلصه امتحانات نص السنه واسحب ورقهم وحصلك تكون انت لقيت بيت واستلمت الشغل
عماد : طيب ما نسافر كلنا سوا في نص السنه واجل البيع
هبه بضيق : عشان الحج رمضان يرجع في كلامه و الوظيفه تكون طارت انت فكرهم هيستنوك دا خالي قالي لازم تسافر بسرعه جدا عشان تلحقها
عماد بستهزاء : الحق وظيفه الاستعلامات في مطعم
هبه بضيق : مطعم ومرتبك فيه قد ال بتاخده في الوظيفتين هنا 10 مرات ولما تبقي تروح يا سيدي ابقي شوفلك شغله تانيه
عماد يسكت وهبه قعده جمبه مبسوطه وبتبتسم
عماد وهو بيمسك التلفون : انا هكلم اميره وقولها
هبه تمسك التلفون بسرعه : استني هنا يا عماد هتقولها ليه دلوقتي استني لما تسافر وتستقر وقولها
عماد : انتي عاوزني ابيع البيت و اسافر من غير ما هي تعرف انتي ناسيه ان ليها نصيب في البيت دا
هبه تقرب منه بدلع : يا عماد احنا محتاجين كل قرش دلوقتي واميره مش محتاجه في حاجه احنا هنستلفهم منها بس لحد ما امورنا تستقر وهنبعتهم ليها علي طول وبعدين هتقلقها عليك وتخليها تشيل همك ليه سيبها فرحانه ومبسوطه مع جوزها
عماد يبصلها ويسكت وهي تفضل تدلع عليه وتشغله
ونروح بيت العيله وكانو كلهم متجمعين بعد الغدا ودخل رامي وسالم ورشا وكانو وشهم كله حزن وعيون سالم كلها دموع
رامي :سلام عليكم
الكل : عليكم السلام ورحمة الله وبركاته
الجده بقلق : مالكم يا ولاد فيكم ايه
فايز يقرب من سالم : مالك يا سالم واختك سها فين
رامي وهو بيعقد : سها مع طنط سلوي في المستشفي
الكل بص لرامي بعدم فهم
رامي بحزن : سالم جاب طنط سلوي النهارده المستشفي وبعد التحليل والاشاعات لقينا ان عندها سرطان في الرحم ولتاخير علاجو انتشر في الجسم
الكل خد الخبر بصدمه وحزن
فريد بحزن : لا حول وال قوه لا بالله ربنا يشفيها ويعفو عنها
فايز بحزن : وال علاج هيكون ايه يا رامي
رامي : الدكتور كتبلها جلسات كيماوي لمده تلات شهور وبعدها نشوف الناتيجه ازي كانت الحاله هتستجيب للعلاج وال لا
الجده بحزن : وهي هتفضل قعده في المستشفي
رامي : هي المفروض تاخد الجلسات وتروح
سالم بحزن : لا يارامي ياريت تفضل في المستشفي
فؤاد : ليه يا سالم قعده المستشفي هيتعبها نفسيا تروح احسن
سالم بحزن : هتروح فين يا عمي في بيت خالي محدش بيهتم بيها ومراته مشغلها عندهم
الجده : تعقد في شقتكم معك ومع اخوتك وكلنا هنخدمها بعنينا
سالم بص لكل بحزن : ازي يا ناناه تيجي هنا بعد الحصل
مني ببتسامه : الحصل فات يا سالم وكلنا مسامحينها هي دلوقتي مريضه ومحتاجكم جمبها هاتها هنا وكلنا هنخدمها
سالم ببتسامه : متشكرا اوي يا طنط ( ويبص لفايز) طيب وبابا هيعقد فين
فايز : انا هعقد هنا مع جددتك المهم امك تبقي وسطيكم وتاخده بالكم منها
سالم يبص لعيلته الجميله بحب : ربنا يخليكم لينا انتم احلي عيله
الجده : انا هقوم ازورها واطمن عليها (الكل يقف معها ) واحنا هنروح معكي نطمن عليها
امير يقف : وانا هطلع عربيتي علي ما تجهزو
سالم يبص لامير : خليك يا امير انت انا هوديهم
امير يقرب منه ويحط ايده علي كتفه ببتسامه : انا كمان عاوز اطمن عليها
سالم بصدمه : انت يا امير بعد كل الكانت بتعمله معك
امير ببتسامه لاخوه : انا مسامحها دا كفايه انها جيبتلي اخوات زيكم
سالم يحضن اخوه بحب والكل يجهز لزياره سلوي في المستشفي
رامي قعد في اوضته بيتكلم مع لين وحكي ليها حالة سلوي
لين بحزن: ربنا يشفيها زمان سالم وسها تعبانين اوي
رامي : سها مش مبطله عياط وسالم بيحاول يتماسك بس العيله كلها وقفه معهم
لين ببتسامه : العيله بتعتنا دي احلي حاجه ربنا رزقنا بيها بجد دايما معنا وسند لينا
رامي ببتسامه : فعلا انا دايما بحس اني عندي اكتر من اب وام وكلهم اجمل من بعض
لين بخبث : كده احنا اخوات يا دكتور
رامي بغيظ : اخوات في عينك دا انا اتبري منهم كلهم
لين ضحكة بصوة عالي
رامي بحب : وحشتيني اوي يا لين هتجنن واخدك في حضني
لين تتنهد : وانت اكتر يا حبيبي وحشتني اوووي
رامي : طمنيني عملتي ايه النهارده في الاجتماع
لين بدائت تحكيله علي كل الحصل في الاجتماع وحكيتله عن كلام سليم معها
لين بضيق : بصرحه مضايقه جدا عشانها نظرتها كلها حزن وضيق
رامي بضيق : سليم دا بجد معندوش دم لما يتجوز بنت تانيه ويبعدها عن اهلها عشان يعذبها بشكل دا
لين : عموما انا اديته مبني الشغل ال فيه قليل يخلص في تلات اربع شهور
رامي : المهم انه بعد دا يبعد عنا بقي ويفوق لحياته
لين : بصرحه البنت شكلها بتحبه ياريت تقدر تخليه يحبها
ووهم بيتكلمه باب اوضة لين يفتح فاجاه وتكون سميه
سميه : يلا يا لين هنتاخر علي معاد الدكتوره
لين برقت ليها بسرعه وسمعها رامي
رامي بقلق : دكتوره ايه مين هيروح لدكتوره
سميه عضت علي شفيفها بضيق وقربت من ال لاب
سميه ببتسامه : ازيك يا رامي دا انا ريحه لدكتوره نسائيه ولين قالت هتيجي معايه
رامي بقلق : ليه مالك يا سميه انتي كنت كويسه
سميه ببتسامه : ما انا كويسه الحمد الله دا شويه حاجات حريمي متشغلش بالك يلا باي متتاخريش يا لين
وتخرج جري من الاوضه ولين تبتسم لرامي
لين ببتسامه : هروح معها ولما ارجع هكلمك
رامي : اوكي حبيبتي وابقي طمنيني اااه لين احنا مش هنقول حاجه لسميه عن حاله طنط سلوي دلوقتي خالي بالك
لين : اوكي حبيبي متقلقش باي
وتقفل لين مع رامي وتروح هي وسميه لدكتوره وهي قلقانه وبتدعي ربنا
اميره قعده في اوضتها ومضايقه وبتعيط وقررت تتصل علي اخوها بس رديت عليها هبه بصوة واطي وهي بتبعد عن عماد ال نايم عشان ميصحاش
هبه : ازيك يا عروسه عمله ايه
اميره بعيط ودموع : انا هرجع يا هبه هسيب سليم هطلق وارجع
هبه بصدمه : انتي اتجننتي يا اميره عاوزه تطلقي وترجعي بعد تلات ايام انتي عارفه الناس هتقول ايه
اميره بدموع :مش مهم انا مش قادره اقعد هنا دا مش طايقني كل تفكيره فيها هي جيبني عشان يغظها بيا دا مبيقربش مني ويكلمني ويضحك في وشي غير قدمها
دا فكرني اجوزته عشان اشتغل هنا
هبه بارتباك : اهدي يا اميره وفكري بعقلك يا حبيبتي احنا مش قولنا اديله فرصه يعرفك ويحبك
اميره : هو مش مديني فرصه بيصدني دايما مش قابل مني اي حاجه
هبه : واحده واحده يا اميره مش في تلات ايام عاوزه يحبك ويقرب منك اصبري يا حبيبتي وفكري بعقلك انتي لو رجعتي دلوقتي محدش هيرحمك واولهم عماد ال كان رافض وحذرك عاوزه ترجعيله بعد اسبوع مطلقه وتفضحيه اعقلي يا اميره وادي لنفسك ولسليم فرصه شهرين تلاته وبعدها ابقي قرري
اميره بحزن : حاضر يا هبه هصبر
هبه ببتسامه : وانا متاكده انه هيحبك وهتعيشه سعيده معه
وتقفل اميره مع هبه بعد ما اقدرت تقنعها. انها تصبر
هبه لنفسها بضيق : لازم عماد يسافر بسرعه قبل ما اميره تعرف الحقيقه و ترجع لو رجعت كل حاجه هتضيع
ونروح للعيله وكلهم متجمعين في اوضة سلوي ال فرحت واتكسفت من نفسها
سلوي ببتسامه : طول عمركم ولاد اصول وخيركم علي الكل انا بعتذر ليكم كلكم عن كل حاجه عملتها ربنا اخدلكم حقكم وانتقم مني لاني ظلمتكم
الجده : احنا مسامحينك يا سلوي انتي بنتنا وبنت اخو الغالي الله يرحمه وولادي اخواتك وكلنا هنقف معكي لحد ما ربنا يتم شفاكي علي خير ويرجعك بسلامه لولادك
سلوي ببتسامه : ربنا يخليكي يا مرات عمي انا كفايه عليه انكم سامحتوني وولادي رجعه لحضني
سناء ببتسامه : طب شدي حيلك عشان ترجعي بيتك وتعيش وسطينا
سلوي : كتر خيركم انا مش عارفه اودي جمايلكم فين هتعالجوني وتفتحولي بيتكم
فريد : ايه الكلام دا يا سلوي دي فلوس سالم محدش بيديكي حاجه دا ابنك وهو وفلوسه ملكك
سلوي ببتسامه : ربنا يزيده ويفتحها في وشه ويسعده هو واخواته يارب
سلوي تبص لامير : امير سامحني يابني انا ظلمتك كتير وبعدتك عن ابوك
امير ببتسامه : مسامحك يا طنط وان شاء الله ربنا يشفيكي ويخليكي لينا كلنا
سلوي تبص لمني : مني انا ( بس مني تسكتها وتمسك ايدها)
مني ببتسامه : متقوليش حاجه يا سلوي احنا كلنا مسامحينك وكلنا معكي وجمبك لحد ما تعدي من المحنه دي وربنا يتم شفاكي علي خير
وتفضل العيله مع سلوي يشجعوها ويقوها علي المرض مع نظرة حب وفرحه من سالم وسها
ولين بعد ما الدكتوره شافة ملف الحاله بتعتها وكشفت عليها
الدكتوره ببتسامه : كده نقدر نبداء العلاج وننشطة المبيض بس محتاجه اعمل مناظر عشان اشوف جدار الرحم اتاثر بلعمليه بنسبه قد ايه واخد عينه منه عشان يبقي كل شي واضح قدمي
لين ببتسامه وقلق : انا معكي يا دكتوره ومستعده لاي شيء
سميه بقلق وخوف : طيب دا في تعب ليها
الدكتوره ببتسامه : كل علاج وليه تعبه وبعدين الامومه مش بسهل لين هتتعب شويه بس انا متفائله ان شاء الله ن ربنا هيكرمها
لين ببتسامه : وانا مستعده اتحمل اي الم وتعب وانا وثقه ان ربنا معايه وهيكرمني
الدكتوره : ان شاء الله تحبي نعمل المنظار امتي
لين : الخميس ان شاء الله عشان الجمعه اجازه اقدر ارتاح بعدها
الدكتوره : يبقي هستناكي الخميس الساعه 7 وهحجز غرفت العمليات
سميه بخوف : هي عمليه كبيره يعني هتعقد في المستشفي
الدكتوره : لا هي ساعه هنطمن عليها بعد العمليه وهتروح وترتاح بس تاني يوم وبعدها تبقي كويسه
لين تبص لسميه ال بتبصلها والاتنين جوهم قلق وخوف بس جوه عنين لين تصميمم
وتفوت الايام بعدها من غير تغير لين في شغلها وكل شويه سليم يحاول يتقرب منها ويكلمها وهي بتصده واميره لسه بتحاول تقرب من سليم ال اوقات يتبسط ويفرح واوقات يصدها ويجرحها ومروه لسه بتعمل طارق بجديه وحدود ودا مضايقه جدا ومستفزه لانه كل ما يحاول يكلمها تصده ومش مدياله وش ودا خاله بقي مركز معها
ويوم الاربعاء بليل رامي قعد في المستشفي بيكلم لين
رامي ببتسامه : عندي ليكي مفاجاة
لين ببتسامه : خير يا حبيبي
رامي : انا اخدت اجازه من بكرا ليوم الاحد وهحجز بكرا وهاجي اقضيها معكي
لين بصدمه وارتباك : لا يا رامي مش هينفع انا مش فاضيه خالص ومشغوله ومش عرف اقعد معك
رامي بستغراب : مش فاضيه ليه مش انتي الجمعه اجازه
لين بارتباك : بس باقي الايام مش اجازه والجمعه كمان عندي شغل كتير بره طول اليوم هحضره مش هينفع تيجي الاسبوع دا يا رامي خليها الاسبوع الجاي اكون فاضيه
رامي بضيق : بس انا عاوز اشوفك يا لين
لين ببتسامه : الاسبوع الجاي مش بعيد ياحبيبي عشان اكون فاضيه واقضيه معك
رامي بضيق وحزن : كنت مفكر انك هتفرحي واني وحشتك
لين بضيق من نفسها : انت وحشني جدا يا رامي والله بس انا فعلا هكون مشغوله جدا ومش هعرف اقضيه معك عشان كده بقولك خليها الاسبوع الجاي
رامي بحزن : اوكي يالين زي ما انتي عاوزه
لين ببتسامه : حبيبي من غير زعل والاسبوع البعده التلات ايام هكون ليك لوحدك
رامي ببتسامه : خالص يا حبيبتي هاجلها للاسبوع الجاي هقفل انا دلوقتي وسيبك تنامي وروح اشوف شغلي
لين بحزن بداريه : اوكي يا حبيبي ( وتسكت شويه) رامي انا بحبك اوي
رامي ببتسامه : وانا كمان يا حبيبتي
ويقفل رامي وهو مضايق وحاسس ان لين مخبيه عليه حاجه وبتعبده عنها ولين قفلت وهي زعلانه ومضايقه انها بتخبي عنه وانه زعل واضايق منها
سمر : فهمتي هتعملي ايه بقالي اسبوع بفهمك
دينا بخوف : البتقوليه مش سهل دي هتبقي فضيحه كبيره اوي
سمر : هي دي ال هتخليه هيتجوزك بس لازم تعمليها صح
دينا بقلق : وهعملها امتي
سمر : الاسبوع الجاي هيكون سهران في المستشفي زي النهارده رتبي نفسك علي يومها وانا هجهز كل حاجه
وهم بيتكلمه يدخل شادي ويبصلهم بستغراب
سمر وهي بتوقف : عن ازنك يا دكتوره هروح اشوف التحليل لحضرتك
وتخرج سمر وشادي بيبصلها بشك ويقرب من دينا
شادي : مش ملاحظه ان قعدتك مع سمر بقيت كتير اوي
دينا : انت بترقبني وال ايه انا حره وياريت تخليك في نفسك يا دكتور
وتسيبه وتخرج من المكتب برتباك وقلق
شادي لنفسه : حاسس ان فيه حاجه في دماغك يا دينا مش مريحاني بس مش هسيبك
وتاني يوم ولين في الشغل سليم قرب منها ومعه ورق ورسم للمواقع
سليم : لين كنت عاوزك تشوفي الجزء دا
لين تقرب منه ويفرد ورق الرسم ويبداء سليم يشرحلها وهي مركزه وبتسمعه
سليم : انا شايف لو عملنها كده هتبقي افضل وهتدي مساحه اكبره
لين : اوكي تمام نفذها بشكل دا هتبقي احسن فعلا
سليم بصلها ببتسامه : معقول وافقتي علي رائي
لين : ايوه وافقت رائيك صح وافضل للتصميم ليه ارفض
سليم ببتسامه : توقعتك هتعاندي وتصممي علي رائيك
لين : الرسم علي الورق غير الشغل في الموقع وطبيعي ان وقت الشغل اغير بعض الحاجات وانا بشتغل عشان المساحه
سليم بفرحه : اوكي انا هروح ابلغهم التغير
ويمشي سليم بس مخدش باله من اميره ال كانت وقفه وشايفه وهو بيتكلم مع لين وشافت انه مبسوط وهو بيكلمها فغارت واضيقت وقربت من لين بغضب
اميره بدموع مكتومه : انا هسيبه هسيبهولك ارجعو لبعض انا لما اتجوزتو مكنتش اعرف انه لسه بيحبك وانه اخدني وسيله عشان يغيظك وترجعي ليه (لين لسه هتكلم فسكتتها ) بس انتي ال سبيتيه زمان وتخليتي عنه وجرحتيه ولما طلب يتجوزني انا وفقت لاني بحبه وكنت عاوزه اسعده
بس هو شكله غاوي ال تجرحه وتعذبه ياريت المره دي تحافظي عليه ومتجرحهوش وتقدري حبه ليكي انا هروح اخد شنتطي وهمشي ومش هضيقكم تاني
وتمشي وتسيبها مع استغراب لين لكلامها وصدمتها
لين فضلت تفكر شويه ورحت متصله علي شروق
لين بضيق : شروق ازيك
شروق ببتسامه : الحمد الله يا لين انت عمله ايه
لين : الحمد الله شروق ليه طلب عندك ضروري جدا لازم تعمليه
شروق بقلق : خير يا لين
لين : اميره رجعه البيت دلوقتي امنعيها انها تمشي و لو سمحتي اتكلمي معها وعرفيها كل حكايتي مع سليم من الاول للاخر احكيلها كل الحصل يا شروق وياريت تقنعيها تقبلني الساعه 4 في.............. هستنها ضروري يا شروق لو سمحتي لازم تقنعيها
شروق بقلق : ليه يا لين عاوزه تعرف الحصل بينكم ليه وتقبلك عشان ايه
لين : لمصلحتهم يا شروق صدقيني لمصلحتها ومصلحت سليم لازم اتكلم مع اميره بس بعد ما تعرف حكايتي مع خوكي كلها
وتقفل لين مع شروق وهي بتفكر وناويه علي شيء هتنفذه
تفتكره لين ناويه علي ايه ومقابلتها لاميره هتجيب ناتيجه ودينا هتنجح توقع رامي نعرف الحلقه الجايه
روايه بناتي حياتي الحلقه (10)
اميره روحت البيت وهي منهاره وعمله تعيط وبقيت تلم هدومها بس الباب خبط ورحت تفتح
اميره بدموع : اهلا شروق اتفضلي
شروق بقلق : مالك بتعيطي ليه
اميره بنهيار وهي بتعقد : خالص يا شروق انامش قادره استحمل انا هسيب اخوكي هطلق و امشي هرجع مصر
شروق بحزن : هتسيبي سليم ليه كده يا اميره
اميره بدموع : اخوكي بيحبها ومش قادر ينسها مش شايف وال عايز حد غيرها مهما احاول اقرب منه بيصدني
شروق تعقد جمبها : اميره انتي تعرفي ايه عن حكايه سليم ولين
اميره بضيق : ليه السال دا انا مش عاوز اعرف عنهم حاجه انا كرهتهم
شروق : عرفيني بس تعرفي ايه عن جوزهم وطلاقهم
اميره بغضب :اعرف انه اتجوزها عن حب وفضله مع بعض شويه وفي الاخر سابته جرحته وطلبه الطلاق فهو زعل وساب مصر
شروق بستغراب : هو دا التعرفيه ان لين هي الجرحته طب جرحته ازي
اميره بضيق :عارفه ان مامتك مكنتش بتحبها وحصل بينهم مشاكل فهي كانت عاوزه يسبكم ويسكن بره بعيد ولما رفض طلبت الطلاق وصممت عليه وسابته لوحده
شروق بستغراب : انتي مين القالك كده
اميره : سمعت مره عماد بيحكي لهبه حاجه زي كده بس مفهمتش بظبط ايه الحصل فسالت سليم هو طلقها ليه فهو قالي كده وحكالي انها اتخليت عنه
شروق بضيق : بس مش دي الحقيقه وال دا الحصل يا اميره ( وتبصلها بحزن) انا هحكيلك كل الحصل بظبط
وبدائت شروق تحكي لاميره حكايه لين من الاول واميره كانت صدمتهاكبيره من البتسمعه وبعد ما حكيتلها كل حاجه
اميره بصدمه : معقول سليم عمل كل دا فيها رغم كل الحب ال حبيته ليه
شروق بحزن : لين خرجت من العلاقه دي وهي منهاره وخسرت بينتها وحياتها و كل حاجه
اميره بحزن : انا مكنتش اعرف كل دا انا جرحت لين النهارده جامد
شروق ببتسامه : لين مزعلتش منك دي هي ال اتصلت بيا وقالتلي اطلع وامنعك انك تمشي و احكيلك واطلب منك تقبليها في........ الساعه 4
اميره بستغراب : عاوزه تقبلني ليه
شروق : صدقيني مش عارفه بس انا وثقه ان لين عاوزه تساعدك هي عمرها ما هتجرحك او هضايقك اسمعيها يا اميره وبعدها قرري انتي عاوزه ايه
وتقوم شروق وتسيب اميره قعده بتفكر تروح تقابل لين وال لا وياتري لين عاوزه منها ايه
ونروح القاهره وفي المستشفي في اوضة سلوي وكان معها سها وسالم فالباب يخبط
سها: ادخل
يتفتح الباب وتدخل سيلا ببتسامه
سيلا ببتسامه : مساء الخير ممكن ادخل
سالم بستغراب : سيلا مساء النور تعالي ادخلي
تدخل سيلا وتقرب من سلوي ال كانت مستغربه زياره سيلا ليه
سيلا ببتسامه : الف سلامه يا طنط شفاكي الله وعافكي
سلوي بستغراب : الله يسلامك ازيك يا سيلا
سيلا وهي بتعقد علي كرسي جمبها : الحمد الله بخير انتي عمله ايه
سلوي بكسوف : الحمد الله بجد متوقعتش تيجي تزوريني بعد ال عملته معكم
سيلا ببتسامه : هو انتي عملتي ايه مش فاكره ( وتبص ل سها وسالم) ااااه افتكرت خلفتي البلوي الاسمه سالم ال بقي يعمل فيه كل مقلب واخوه ويطلعه من عيني ومجنن الواد يوسف ابني وعلمه يعمل فيه مقالب وكل ما امسكه يقولي خالو سالم ال قالي اعمل كده ( وتقوم تعقد جمبها علي السرير) طيب انا هشاهدك يرضيكي ااااانا سيلا ال الناس كلها كانت بتخاف مني ومن مقالبي ابنك يضيع سمعتي ويبهدلني ويعمل فيه كل مقلب واخوه قدم الناس ويفرحهم فيا ضيع برستيجي خالص يا طنط دا احمد جوزي بطل يخاف مني يرضيكي كده لا بجد مش قادره اسمحك علي العمله دي سمعتي راحت يا طنط بسبب ابنك
سلوي مقدرتش تمسك نفسها من الضحك وسها وسالم كمان فضله يضحكه وفضلت سيلا تكلم وتضحك وتضحكهم رامي كان جمب الاوضه واستغرب صوة الضحك فخبط ودخل
رامي ببتسامه : كان لازم اتوقع مدام الاوضه صوتها جايب لاخر المستشفي تبقي سيلا موجوده
سيلا ببتسامه : اخجلتم تواضعنا يا دكتور ميرسي جدا
رامي بضحك : انتي جيتي امتي يا بلوي
سيلا بصتله بنص عين : بلوي طيب اسحبها بدل ما قوم اشردك في المستشفي
رامي بضحك : لا وعلي ايه سحبنها يا سيلا هانم
ويفضله قعدين شويه يضحكو ويتكلمو لحد ما تلفون سيلا رن
سيلا ببتسامه :دي لين
سلوي حطت وشها في الارض والكل بقي يبص لسيلا بس هي فتحت الاتصال الفيديو
سيلا ببتسامه : اتاخرتي ليه انا كنت همشي
لين بتعب : الشغل كتير اوي النهارده يادوب قدرت اخد نفسي المهم فين طنط
سيلا ببتسامه: اهي معكي (وتقرب التلفون من سلوي ال بصتلها بستغراب )
لين ببتسامه : ازيك يا طنط الف سلامه عليكي
سلوي بدموع مكتومه : الله يسلامك يا لين
لين : انا اسفه اني مجتش لحضرتك بس انا مسافره والله واول ما ارجع اكيد هاجي لحضرتك علي طول
سلوي دموعها تنزل : انتي ال بتعتزري وعاوزه تزوريني بعد كل ال العملته فيكي
لين ببتسامه : انا مش فاكره ان حضرتك كنتي بتعملي غير الملوخيه ال بحبها ومحدش بيعرف يعمله زيك يلا يا طنط شدي حيلك عاوزه لما ارجع القي حله كبيره مليانه ملوخيه ومتاكليش حد منها غيري
سلوي ببتسامه وتمسح دموعها : عنيه ارجعي انتي وانا والله هعملك كل البتحبيه بنفسي
لين بحنان وطيبه : ربنا يقومك لينا بسلامه يا طنط ويطمنا عليكي
سلوي ببتسامه ودموع : تسلمي يا حبيبتي ويرجعك بسلامه ويسعدك ويعوضك خير يارب
لين : ميرسي يا طنط انا هقفل دلوقتي وهبقي اطمن علي حضرتك علي طول
وتقفل لين مع سلوي ال مقدرتش تمنع دموع الندم وفضلت تعيط وتسغفر ربنا
لين كانت قعده مستنيه اميره ال جيت في معادها ورحت ليها
اميره بكسوف : مساء الخير
لين ببتسامه : مساء النور اتفضلي (ويعقده) ميرسي يا اميره انك قبلتي تكلمي معايه
اميره بكسوف : انا جيه اعتذرلك علي الكلام القولته ليكي انا مكنتش اعرف حقيقه الحصل بينكم
لين ببتسامه : انا مش زعلانه منك ( وتبصلها) اميره انا طلبت اقعد معكي لاني حسيت بيكي وعرفت قد ايه انتي بتحبي سليم وعاوزه وهتقدري تساعديه وانا حبه اني اساعدك
اميره بحزن : هتساعديني ازي هو مبيحبنيش بيحبك انتي ومش قادر ينساكي
لين ببتسامه : سليم متوهم انه لسه بيحبني ندمو علي العمله فيه زمان مصورله انه بيحبني وانه مينفعش ينساني وفاكر ان الحل عشان يكفر عن ذنبه في حقي اني ارجعله ويعوضني ويعيشني في سعاده سليم ال بيحركه ناحيتي هو الندم وبس ( وتتنهد) بابي زمان وقت ما تخلي سليم عني قالي ان انا مع الوقت والزمان هقدر اعيش وقف علي رجلي وانسي سليم لاني مغلطتش في حقه وحاولت احافظ علي البنا قالي اني هقدر اكمل حياتي لكن سليم هيفضل ندمان ومش هيقدر يكمل حياته وهيعيش مع ندمو ودا الحصل فعلا انا قدرت اكمل واعيش واحب وبداء حياتي مع انسان تاني لكن هو عايش في الوهم ( وتبصلها بتاكيد) بس انتي تقدري تفوقيه وتساعديه ينسي الوهم ويعيش حياته معكي
اميرة بحزن : حتي لو كلامك صح فهو مش حاسس بيه عايش بس علي امل انه يرجعك ليه دا اتجوزني عشان يغيظك ويضايقك
لين ببتسامه : ودا اكبر دليل انه شايفك وحاسس بيكي كويس دا لو مكنش بيحبك فعلا بس بيقاوم سليم يا اميره اختارك انتي بزاد لانه شايف انك افضل و احسن مني لدرجه انه اختارك وعارف اني لما اشوفك هضايق واغير ( وتضحك) دا طبعا لو كنت لسه بحبه مهو الانسان يا اميره مبيغرش غير من الاحسن منه وسليم عارفني كويس وعارف ثقتي في نفسي قد ايه يعني مش هيختار اي واحده ويجيبها تضايقني هيختار واحده تكون عجبه هو شخصيا وعجبه جدا كمان
اميره تبتسم بحزن : بس انا مش حسه كده دا بيعملني باهمال وبرود مش طايقني سيبني لوحدي وهو عارف اني سيبت اخويه واهلي عشانه واني مليش حد غيره هنا (وتننهد بحزن) رغم اني بحاول اخليه يحبني ويخس بيه بعمل كل حاجه عشان اسعاده بعمل كل ال بيحبه حتي لما بيزعلني ببعد شويه وقغل عليه لحد ما اهدي عشان ميشفنيش زعلانه
لين ببتسامه حزينه : بتعمل نفسي ال كنت بعمله زمان انا كمان زمان كنت بعمل زيك كده كنت بدور علي اليسعاده هو وبس حتي لو علي حساب نفسي وكرمتي مكنتش بفكر غير في الهو عاوزه وبيحبه كنت باجي علي نفسي عشان خاطره ولما ازعل اقفل علي نفسي شويه وبعدين اروح اصالحه ( وتتنهد بضيق) بس دا غلط يا اميره لان دا ال خلي سليم يزيد في جرحه واهماله ليه لانه افتكر انه مهم هيعمل فيا انا هسامحو و هستحمل ومش هقدر ابعد عنه وال اسيبه فكان بيزيد فيها محسش اني هضيع غير بعد ما ضعت وضاع كل ال بيربطنا ببعض ومبقاش عندي القدره اني اسامحه وال استحملو تاني وانتي بتغلطي نفس الغلطه وببتعملي معه بنفس الطريقه وهتيجي في وقت مش هيبقي عندك القدره انك تسامحي
اميره : انا فعلا تعبت ومش قادره وحاسه اني مش هقدر اخليه يحبني ويحس بيه
لين تمسك ايدها : متستلميش بدري اوي كده يا اميره وحافظي علي حبك وقفي جمبه
سليم مريض و محتاج يتعالج ومحتاج حبك عشان يساعده ويستقوي بيه سليم اتربي غلط مامته ربيته علي الانانيه وحب التملك ربته انه يفضل ياخد بس وميديش فهمته ان مش من حق حد يحس بحبه واهتمامه غيرها هي عشان كده بقي مش عارف يدي الحب الجوه لحد وفاكر ان حبك ليه دا شيء طبيعي ومن حقه ومش المفروض تستني مقابل منه
اميره بستغراب : ولما انتي عارفه كده ليه مرجعتيش ليه وسامحتيه وحاولتي تساعديه يتغير
لين بحزن : مكنتش اقدر اسامحه لاني من جويه مشيله سليم ذنب موت بينتي انا عارفه طبعا ان دا قدر ربنا ومحدش ليه دخل بموت حد بس انا بشر مش ملاك ومن جويه بقول لو مكنش سليم عمل فيا كل دا وانا حامل كنت هعيش فتره حامل طبيعيه وكانت بنتي هتبقي كويسه وهتعيش ودا خالني مقدرش اسامحه وال افكر ارجع ليه انا خسرت حاجات كتير اوي ممكن مقدرش اعوضها وكان كله بسبب ال عمله فيه سليم انا قعدت فتره كبيره اتعالج بعد طلاقي لحد ما قدرت اتقبل الحصلي وارجع تاني لحياتي ( وتبتسم بحب) والحمد الله ربنا عوضني برامي ال مهما اعمل عشانه مش هقدر اسعاده زي ما بيسعدني
اميره ببتسامه : ربنا يسعدك دايما ويكتبلك الخير ( وتسكت شويه) طيب اعمل ايه انا محتاره ومش عارفه اخد قرار
لين ببتسامه : انتي بتحبيه يا اميره وعاوزه يحبك وتكملو حياتكم سوا
اميره بكسوف : ايوه بحبه اوي
لين ببتسامه : يبقي هتساعديه يتعالج ويعترف بمرضه انا هخدلك معاد مع دكتور اسلام لازم حد متخصص وفاهم هو ال يقولك تعملي ايه انتي روحي اتكلمي معها وهو هيساعدك ويعرفك ازي تتعملي معه وتساعديه ولو حبه اكون معكي انا معنديش مانع
اميره ببتسامه : انا متشكره اوي يا لين انتي فعلا انسانه جميله وصعب ان حد ميحبكيش
لين ببتسامه : وانتي كمان يا اميره انسانه جميله وقلبك ابيض وانا مبسوطه ان اتعرفت بيكي واتمني تعتبريني صديقه ولو احتاجتيني في اي وقت هتلقيني
اميره ببتسامه حزينه : انا فعلا محتاجه صديقه زيك جمبي انا هنا لوحدي هنا ومعرفش حد وكنت حسه اني وحيده بس انا دلوقتي مبسوطه اني اتعرفت بيكي وانك هتبقي معايه وجمبي
لين بيتسامه : وانا مش هسيبك لوحدك وال هتخلي عنك وهساعدك لحد ما تعيشي سعيده في حياتك
وتفضل لين واميره يتكلمو ويتفقه وبقي اصحاب وقامت لين مشيت عشان تلحق معادها
في مكتب طارق مروه كانت قعده علي مكتابها ومضايقه لانها لسه مروحتش لان طارق في اجتماع ففكرت تروح لعامر وتستاذن منه هو انها تروح وهي دخله مكتبه كان عامر بيتكلم في التلفون ومديها ظهرو
عامر : يعني فهمتها كويس هتعمل ايه انا مش عاوز اي غلط مستر طارق لو حصل غلط هيحاسبك بنفسه الموضوع دا مهم جدا هو مصمم انه يفضح دكتور رامي ويفرقهم عن بعض
الجارد : .................
عامر : كويس وانت متنساش تاخد صور كويسه ال تظهر انهم كانو سوا فعلا مش تمثيل وتبعتها علي طول علي رقم المهندسه لين لازم الخبر يوصلها منا احنا الاول قبل ما رامي يتصل بيها لاني متاكد انه هيكلمها ويحكي ليها بس ساعتها هي لازم تكون عرفت و متردش عليه وال تسمعو انا مش عاوز غلطه وممتاخروش اكتر من كده مش هنصبر عليكم كتير الموضوع دا لازم يخلص
كل دا مروه كانت بتسمعه وهي مصدومه ومش عارفه تفكر وال كانت فهمه هم بيخططو لايه ورجعت مكتبها بسرعه قبل ما عامر يشوفها وكانت قعده مضايقه ومحتاره وبتفكر في السمعتو
طارق خلص اجتماعو وخرج وشاف مروه قعده وسرحانه وقف يبص ليها شويه وبعدين قرب منها وحط ايده علي كتفها فقامت وقفه وهي مخضوضه
مروه بعصبيه : في ايه انت ازي تحط ايدك عليه
طارق بصلها بستغراب لصوتها العالي : لقيتك سرحانه بفوقك
مروه بغضب : ممكن تنادي تكلم لكن متلمسنيش
طارق بضيق : خالص خالص اتفضلي ممكن تروحي اتاخرتي
مروه مسكت شنطيتها بغضب ومشيت من قدمها بعض ما بصت ليه بكل غضب وضيق وهو فضل بصص عليه واول ما خرجت ابتسم ومكنش عارف ايه سبب الابتسامه دي ودخل مكتبه وفضل سرحان وبيفكر وهو مبسوط فدخل عليه عامر
عامر : مستر طارق ال ( ولسه عامر هيكمل رح مشاورله طارق انه يسكت ويخرج بره فلف وخرج من غير ما يتكلم)
مروه كانت مروحه وهي عمله تفكر في السمعته وقررت تكلم لين تحكيلها وتحذرها فضلت تتصل بيها بس لين كان تلفونها مقفول لانها كانت الوقت دا في المستشفي حسب معادها مع الدكتوره بتجهز لعمليات المنظار
سميه بخوف بتحاول تتدريه : ان شاء الله خير انا قريت انها عمليه سهله وبتقومي بعدها علي طول وبتبقي كويسه
لين ببتسامه :ان شاء الله انا مش قلقانه انا مستعده لاي حاجه بس يارب الناتيجه تطلع كويسه
اسلام بيطمنها : هتطلع كويسه ان شاء الله متخافيش
لين بقلق : خالي بالكم لو رامي اتصل علي حد فيكم فانا جيت و نايمه اوعي حد يقوله حاجه
اسلام : كنتي كلمتيه قبل ما تدخلي وقولتيله انك هتنامي
لين ببتسامه : كان هيعرف وهيحس بيه رامي بيفهمني من صوتي فكان هيقلق اوعو حد يقوله حاجه
سميه : اطمني يا حبيبتي محدش هيقوله حاجه
وتيجي النيرس وتاخد لين وتدخل العمليات وسميه والاسلام وقفين بره بيدعولها
اميره روحت البيت وكانت مرتاحه ومبسوطه بكلمها مع لين ال طمنتها و اديتها امل و اول ما دخلت البيت لقيت سليم قاعد وشكله قلقان ومضايق واول ما شافها دخله من الباب قام بسرعه
سليم بقلق وضيق : انتي كنتي فين
اميره بستغراب لخوفه ولهفته : كنت بتمشي شويه واعمل شوبنج
سليم بغضب : ببتمشي فين وليه مقولتيش انك خارجه
اميره ببتسامه : متوقعتش انك هتهتم اني مش موجوده
سليم بضيق : ليه انتي ناسيه انك مراتي ولازم اعرف انت بتروحي فين
اميره بستهزاء مقصود : مراتك ! عموما اسفه المره الجايه هبقي ابلغك
سليم بضيق : وتلفونك مقفول ليه
اميره : مقفول ( وفتحت شنطتها وطلعت تلفونها ال كان فاصل) مخدتش بالي اصله بايظ وبيفصل لوحده هبقي اغيره
وتمشي من قدمه وتروح المطبخ وهي مبسوطه للاهتمام ال حسيته منه وانه خاف لما رجع وملقهاش وسليم يروح وراها
سليم : هو مافيش غدا وال ايه
اميره ببتسامه : اشتريت معايه وانا جيه ثواني وهيكون جاهز
سليم : مكنش في داعي تشتري كنتي كلميني وانتي بره وانا اجيلك ونتغدا بره
اميره بصتله بستغراب وهو ارتباك ورح خارج بسرعه وسيبها وهي ابتسمت وجهزت الاكل
سليم فضل قعد وبيفكر هو ليه خاف انها مترجعش وليه كان قلقان عليها اوي كده
اميره خدت الاكل وحطيته علي السفره وناديت عليه
اميره : سليم الاكل جاهز
سليم يقوم يعقد ويبداء ياكل وهو ساكت واميره حسيت انه سرحان
اميره ببتسامه : ايه رائيك في الاكل انا عارفه انك بتحب السمك
سليم : السمك حلو بس الرز ال انتي بتعمليه طعمه احلي
اميره تبتسم وتكسف وتسكت وهو يبصلها اوي
سليم : فين الحاجات ال اشترتيها
اميره بستغراب : حاجات ايه
سليم بضيق: مش قولتي كنتي بتعملي شوبنج
اميره ببتسامه : انا كنت بتفرج النهارده بس مشتريتش حاجه
سليم بغضب : بقالك اكتر من ساعتين بره البيت ومشترتيش حاجه امل كنتي بتعملي ايه
اميره وهي بتقوم : ما قولتلك بتمشي
وقامت وشالت اكلها وسابته وهو فضل قعد مضايق وغيران وعمل يبص عليها وهي دخلت اوضتها بس كانت مبسوطه وفرحانه بلهتمام ال حسيته منه
اميره لنفسها ببتسامه : شكل كلامك صح يا لين وفيه امل انه يكون بيحبني
و في القاهره في المستشفي رامي كان قعد في مكتبه وعمل يتصل بلين وتلفونها مقفول وكان مضايق وقلقان عليها دخل شادي
شادي :دكتور رامي حضرتك فاضي
رامي : تعالي يا شادي اقعد
شادي يعقد ويحط قدمه ملف : دي اشاعات الحالة ال في اوضه.......... اول ما طلعت جيبتها لحضرتك
رامي يفتحه ويبص عليه بضيق : زي ما توقعت محتاجه عمليه قلب مفتوح وفي اسرع وقت
شادي : بس الاسبوع دا كله حضرتك مشغول وعندك عمليات كتير
رامي بضيق : يعملها يوم الخميس
شادي : بس حضرتك اجازه يوم الخميس
رامي بحزن : هلغيها مافيش حل تاني المريض حالته متسمحش يستني اكتر من كده وحياة المريض اهم من الاجازه
شادي ببتسامه : ان شاء الله تعوضها يا دكتور الاسبوع الجاي
رامي يضحك : شكلها كده يا شادي انا ولين هنقضيها شغل علي طول لما انا اكون فاضي هي تكون مشغوله ولما تكون هي فاضيه انا اكون مشغول ( ويرفع حجبه ويبص لشادي ) شكل في حد بصصلي في الجوازه دي
شادي بضحك : والله ما انا يا دكتور (ويوطي صوته) هو ممكن دينا
رامي يبصله بضيق : هي ايه حكايتها بتعمل تصرفات غريبه ومش مفهومه الفتره دي
شادي بضيق : بصرحه يا دكتور انا مش مرتاح ليها وحاسس ان في حاجه غلط بتحصل طول الوقت بتكلم هي ونيرس سمر المسؤاله عن مكتبك وشكلهم بيتفقه علي حاجه تخص حضرتك
رامي بستغراب : حاجه ايه هيسرقه المرضي بتوعي يعني (ويضحك) طب ياريت وارتاح شويه
شادي : مش عارفه يا دكتور بس انا ورهم لحد ما اعرف بيخططه لايه
رامي ببضحك : هتعمل فيها المحقق كونان ( ويبصله) متشغلش بالك انا اول الشفت الجديد هقدم طلب بتغير دينا وسمر ونريح دمغنا
شادي ببتسامه : احسن حاجه تعملها والله يا دكتور
ووهم بيتكلمه يخبط الباب
سها بكسوف : رامي ممكن ادخل
رامي ببتسامه : اااه طبعا يا سو تعالي
وتدخل سها ويقف شادي ويبصلها باعجاب ورامي يقدمهم لبعض
رامي : دا دكتور شادي ودي سها بنت عمي واختي الصغيره
شادي ببتسامه : اهلا وسهلا انسه سها (سها تبتسم بكسوف وتهز راسها ) شادي هستاذن انا يا دكتور
رامي : تمام يا شادي واحجز العمليات ليوم الخميس متنساش
(ويخرج شادي )
رامي : اقعدي يا سو وقفه ليه خير يا حبيبتي
سها بحزن : ماما تعبانه اوي وبتسال دايما علي سميه وسميه كمان كل شويه تكلمني وتقولي انها حاسه اني مخبيه عنها حاجه ( ودموعها تنزل) وخايفه ماما يجرالها حاجه وسميه مش موجوده وتزعل انها مشفتهاش ومش عارفه اقولها الخبر دا ازي
رامي يقوم يقرب منها ويحط ايده علي كتفها : متقوليش كده ماما ان شاء الله هتبقي كويسه وانا هتصل باسلام وهو يبلغها بطريقته اكيد هو هيعرف يتصرف احسن مننا
سها تمسح دموعها : انا متشكره اوي يا رامي
رامي يضربها علي وشها بهزار : متشكره علي ايه يا هبله انتي
ووهم وقفين امير يدخل ويشوف سها بتمسح دموعها ورامي بيهزر معها عشان يضحكها
امير ببتسامه : ايه يا عم الدكتور انت واخد اخواتي لحسابك وال ايه تجوز واحده والتانيه عملي فيها دور الحنين وبتمسح دموعها ( ويقرب منه وياخد سها في حضنه) انت اخدت لين لكن القطه الصغيره دي بتاعتي انا
رامي ببتسامه : بكرا يجي ال ياخدها منك وتبقي ليه هو وانت ميفضلكش حد
سها تكسف وتبص في الارض
امير بضحك : الله الله انت بتكسف يا سو عاوزه تجوزي ياقطه
سها اتكسفت وبوزت زي الاطفال : انتم رخمين علي فكره وانا زعلانه منكم
امير ورامي يضحكو
امير بضحك : طيب يلا عشان نروح طنط سناء وصلت وهتبات هنا بدالك النهارده وهابقي اشوفلك عريس في السوبر ماركه واحنا مروحين
سها تضربه علي كتفه : يا غلس بطل رخمه ( وتبصلهم ببتسامه) هروح اجيب حاجتي وسلم علي ماما
وتمشي سها وتسيبهم وقفين
امير بقلق : قولي يا رامي حاله طنط سلوي عمله ايه
رامي بحزن : الحاله متاخره اوي هنحاول بكيماوي نسيطر شويه بس مش عارفين الناتيجه هتكون ايه
امير بضيق : ربنا يعفو عنها ( ويبصله) مش هنبلغ سميه
رامي : هتصل باسلام وهقوله هو يبلغها احسن لانه هو الجمبها وهيعرف يبلغها بطريقته
امير : اوكي همشي انا سلم يا دك اااااااه صحيح طنط سناء جيبلك عشا معها
رامي ببتسامه : كويس هروح اكل احسن انا وقع من الجوع
بعد ساعه لين كانت خرجة من العمليات وفاقت بس كانت حسه بمغص والم
الدكتوره ببتسامه : عمله ايه ياقمر
لين بتعب : الحمد الله بس حسه مغص جامد شويه
الدكتوره : هديكي مسكن وان شاء الله علي بكرا هتبقي بخير
لين بقلق : طيب نتيجه العمليه ايه طمنين
الدكتوره ببتسامه : زي الفل جدار الرحم كويس في شويه التهبات بس مع الادويه هتبقي كل حاجه تمام وان شاء الله هنبداء علاج
لين ببتسامه : الحمد الله طيب هعرف امتي لو حالتي اتحسنت او لا
الدكتوره بضحك : مالك مستعجله كده احنا هنبداء العلاج وان شاء الله خير انا متفائله وبعد كام شهر اقدر اقولك حالك بتستجيب للعلاج بنسبه قد ايه بس لازم نصبر مع بعض شويه وتستحملي العلاج لانه هيبقي متعب
لين : ان شاء الله انا مستعده وهستحمل اي تعب (وتبص للدكتوره) ميرسي يا دكتوره انا تعبتك معايه
الدكتوره ببتسامه : تعب ايه طب ياريت كل المرضي عسل زيك كده انا هخليهم يدخله يدوكي العلاج ونص ساعه وممكن تروحي
اسلام ببتسامه : متشكرين يا دكتوره
الدكتوره تبصله هو وسميه : العفو انا هكتبلها شويه ادويه تمشي عليهم الاسبوع دا وهستنها الخميس الجاي
لين بسرعه : لا يا دكتوره بلاش الخميس هاجي الاربعاء لحضرتك
الدكتوره : خالص احجزي المعاد ال يريحك وانتي خارج ( وتبصلها ببتسامه) حمدالله علي سلامتك يا قمر
وتخرج الدكتوره ويقرب اسلام وسميه منها
سميه ببتسامه : حمدالله علي سلامتك يا حبيبتي
لين : الله يسلامك تعبتكم معايه
اسلام: بطلي يابت الكلام الهبل دا (ويقرب منها) اظن تقولي لرامي بقي الدكتوره طمنتك شويه
لين : لا ياسلام لسه انت سمعت الدكتوره قالت ان العلاج هيبقي متعب وانها كمان كام شهر هتقولي حالتي بتستجيب للعلاج وال لا وقتها هقول لارمي
اسلام يتنهد : ال يريحك يا لين
لين تاخد علاجها وتروح للمنتجع مع اسلام وسميه
لين اول ما وصلت دخلت اوضتها وسميه ساعدتها تغير هدومها وقعدت علي سريرها وفتحت تلفونها واسلام كان دخل يديها علاجها فتلفونها رن وكان طبعا رامي ففتحت واسلام وسميه وقفه بعيد وهم سكتين
لين ببتسامه وبداري تعبها : حبيبي ازيك
رامي بقلق : انتي فين يالين وتلفونك مقفول ليه بتصل بيكي بقالي كتير
لين : معلش حبيبي كان فاصل لما رجعت حطيته يشحن ونمت ولسه صاحيه دلوقتي
رامي بقلق وخوف : مالك يا لين وشك اصفر كده ليه انتي تعبانه
لين بارتبك : شويه برد وارهاق بس مافيش حاجه
رامي بضيق : لا انتي شكلك تعبان انتي مش بتاخدي بالك من نفسك وببتعبي في الشغل ( ويكلم بغضب وزعيق) بصي يا لين لو الشغل دا هيتعبك كده يبقي تسبيه وترجعي فورا
لين تبص لسميه واسلام ال وقفين وسمعين كلامه وبصه لبعض لما سمعه وابتسمو
لين ببتسامه : انت رجعت في كلامك وال ايه انت مش قولتلي مسيبش الشغل عشان خاطر اي حد حتي انت
رامي بضيق : بس هتسبيه لو هيتعبك ويخلي وشك اصفر بشكل دا انا مش هسيبك تتعبي نفسك عشان خاطر اي حاجه ولو الشغل دا هيتعبك يبقي بلاش منه خالص
لين : ياحبيبي متكبرهاش اوي كده انا كويسه دول بس شويه برد واخدت علاج وسميه رحت تعملي لمون هشربه وهرجع انام والصبح هبقي كويسه
رامي يتنهد بضيق : ماشي يالين هسكت المره دي بس والله لو لقيتك تتعبانه كده تاني هاجي اخدك وهارجعك بلعافيه
لين تبتسم : والله انا مش عارفه انت دكتور ازي بقلبك الضعيف دا
رامي بحب : قلبي مبيضعفش غير معكي انتي بس مبقدرش استحمل اشوفك تعبانه او ببتالمي
لين ببتسامه: عارفه ياحبيبي ومتخفش انا كويسه وهبقي احسن لما هشوفك الاسبوع الجاي
رامي بكسوف : مهو للاسف انا مش هعرف اجي الاسبوع الجاي عندي عمليه كبيره
لين ببتسامه : شوفت بقي ازعل انا بقي زي ما انت زعلت لما قولتلك عندي شغل
رامي يضحك : لا ياحبيبتي مقدرش علي زعلك بس هنعمل ايه شكلنا هنقضيها تلفونات
لين كانت عندها مغص وببتالم وبتحاول تتدريه بس سميه واسلام كانو شايفنها وهي بتشد في السرير فسميه جريت خبطت علي الباب
سميه قربت من التلفون واخدته من لين وبعدت عنها عشان رامي ميشوفهاش وقرب اسلام منها واديها حقنه المسكن في الكالونه ال في ايدها
سميه ببتسامه : ازيك ياروميو
رامي ببتسامه : انا اتخطفت فين مراتي ( ويضحك هو وسميه) الحمد الله يا سمسمه بس انا زعلان منك جدا علي فكره
سميه : ليه بس
رامي : شكلك مبتاخديش بالك من لين وهي تعبانه
سميه ببتسامه : ظلمني طيب دا انا لسه جيبلها لمون اهو ومديها الدواء واخدته
رامي : بشفا يارب امل هي راحت فين مش شايفها
سميه : اخدت منها التلفون عشان تشرب العصير قولي االاخبار عندكم ايه اخواتي كويسين حسه ان فيه حاجه
رامي بارتباك : الحمد الله كلهم كويسين هو اسلام فين كنت عاوزه
سميه : بره انديهولك
رامي : لااا خليكي مع لين انا هقفل اتصل بيه وهرجع اكلم لين تاني
سميه : اوكي باي
وتقفل سميه وهي بتتنهد براحه واسلام يضحك
اسلام بضحك : احنا نقدم في معهد التمثيل ونعمل مسرح خاص بينا دا احنا هكسر الدنيا
ويضحكه ورامي اتصل باسلام باخد تلفونه وخرج يكلمه بره بعيد عنهم
في مصر في بيت عماد ال كان فاضو وعماد وقف بيبص حاوليه وهو حزين هبه تقرب منه
هبه بتعب : كده خالصنا كل حاجه
عماد بحزن : انا مش قادر اتصور ان البيت ال تربيت فيه هيتهد وكل ذكرياتي فيه هضيع
هبه بضيق بس تتبتسم : لما يبني برج مكانه ابقي خد شقه فيه ويلا عشان نلحق نرتاح انت مسافر الفجر يا حبيبي
عماد بحزن : مش كنا قولنا لاميره انا حسس انها هتزعل ان احنا خبينا عليها وبعنا البيت من ورها
هبه بضيق وزعيق : هتزعل علي ايه ياعماد علي الشقه الكانت قد الحك هي دلوقتي عايشه في فيلا وربنا فتحها عليها من حقنا احنا كمان نفكر في نفسنا وعيالنا انا نزله هستناك تحت
وتمشي عماد يقف يبص حاوليه بحزن والم ويمشي
تاني يوم الصبح مروه كانت في اوضتها بتغير هدومها وتلفونها رن برقم متعرفوش
مروه : سلام عليكم
طارق ببتسامه : عليكم السلام ازيك يامروه
مروه : مين معايه
طارق بستغراب : انا طارق مديرك معقول رقمي مش معكي
مروه بضيق : هيكون معايه اعمل بيه ايه
طارق ببتسامه بيدريها: انتي السكرتيره بتعتي يعني لازم يكون معكي ارقمي كلها لاني ممكن احتاجك في اي وقت
مروه بغضب : لا طبعا انا مش تحت امرك في اوقات لشغل وساعات عمل و دا الوقت الوحيد ال مسموح ليك تكلمني فيه غير كده مش مسموح لحضرتك تتصل بيه في اي وقت تاني
طارق باعجاب : بس فيه شغل ضروري النهارده وكان لازم اكلمك
مروه بضيق : شغل ايه دا
طارق بارتباك: اجتماع مع رجال اعمال علي الغدا ولازم تكوني معايه وتكتبي ملاحظاتك
مروه برخمه : متاسفه جدا انا اجازتي النهارده حضرتك ممكن تاخد مدير مكتبك معك مع السلامه
وقفلت في وشه وهو ارتسمت علي وشه ابتسامه ال اتقلبت مره واحده لضحكه عاليه جدا
وعند اميره ال كانت وقفه بتحضر الفطار فسليم خرج من الاوضه وهو لبس هدومه
اميره ببتسامه : صباح الخير
سليم بضيق : صباح النور ( ويروح لباب الشقه)
اميره بستغراب : سليم انت رايح فين
سليم يبصلها ويقرب منها بغضب : وانتي مالك انا اروح اجي زي ما حب انا حر انتي فهمه
ويخرج ويقفل الباب بقوه وهي وقفه بصه عليه ومش فاهمه ايه سبب تغيره بس قررت تتصل بلين
لين بنوم وتعب : ايوه
اميره بحزن : صباح الخير يالين انا اميره اسفه لو صحيتك
لين وهي بتقوم : صباح النور ياحبيبتي انا كنت هصحي دلوقتي اصلا
اميره : لين انا عاوزه اقابل الدكتور القولتي عليه ممكن اجي امتي
لين ببتسامه : انتي تقدري تخرجي امتي
اميره : ممكن اخرج دلوقتي سليم نزل وشكله مش هيرجع بدري
لين : خالص هستناكي تتغدي معنا وتتكلمي مع اسلام برحتك هبعتلك العنوان في مسيتج
اميره ببتسامه : متشكره يالين انا هلبس وهاجي علي طول سلام
وتقفل اميره وتروح تلبس
سليم نزل علي السلم فمروه فتحت الباب
مروه ببتسامه : صباح الخير ياسليم انت خارج
سليم ببتسامه : صباح النور زهقان قولت انزل اتمشي شويه عاوزه حاجه
مروه : كنت عاوزه اشتري عربيه صغيره كده اروح بيها الشغل لان مواعيد غير امجد و باخد تاكسي وانا مش حبه كده فكنت عاوزك تروح معايه اشتريها
سليم ببتسامه : طيب البسي بسرعه علي ما طلع العربيه تكوني نزلتي
مروه بفرحه : عشر دقايق وهنزلك
وينزل سليم ويخرج مع مروه واميره لما جهزت فضلت تتصل بيه عشان تقوله انها خارجه بس هو طنشها وقفل تلفونه
اميره بغيظ : ماشي متردش وابقي ارجع بقي قول خرجتي من غير ما تقولي ليه
وتخرج اميره من غير ما تقول لسليم (تفتكرو سليم هيعمل ايه)
في المستشفي في القاهره شادي كان وقف في الكافيتريا وبصص علي سمر ال وقفه بتكلم مع واحد شكله غريب
الجارد : الكاميرتان دول تحطيهم في المكتب بس في امكان واضحه انا هبقي معكي علي الموبيل وهشوف اي مكان الصوره هتظهرلي احسن علي ال لاب وهقولك
سمر : ماشي بس استني لما الدكتور رامي يبقي في العمليات عشان اعرف ادخل المكتب برحتي وهبقي ارنلك
الجارد : المهم تكوني عرفتي بتشغليها ازي و تخبيهم كويس اوعي يتكشفو
سمر بدلع : متخافش دا انا سموره
سها كانت وقفه قريبا من سمر بتشتري شاي وسمعتهم بس مفهمتش حاجه وهي ماشيه وتبص عليهم خبطت في شادي
سها بخضه : ااااااه انا اسفه جدا
دكتور شادي : وال يهمك (ويبصلها ببتسامه) ازيك يا انسه سها
سها بكسوف : الحمد الله
شادي ببتسامه : ماشيه وبصه وراكي ليه
سها وهي سرحانه وبتبص علي سمر : سمعت سمر بتكلم عن كاميرات ومكتب رامي فكنت ببص اشوفها بتعمل ايه
شادي بستغراب : كاميرات ايه
سها فاقت واخدت بالها انها وقفه معه لوحدها فتسكفت : هاااااا مش عارفه عن ازنك
شادي يقف قدمها بسرعه : انسه سها هو انتي مخطوبه او مرتبطه
سها برقيت واتخضت فشادي بصلها وابتسم
شادي ببتسامه : انا كنت عاوز اكلم دكتور رامي بس خوفت تكوني مرتبطه
سها بكسوف تبص للارض : لا ( ولسه هتمشي فشادي وقف قدمها)
شادي : لامش مرتبطه وال لا مكلموش
سها ببتسامه: ال تشوفه انت بقي
وتمشي من قدمه بسرعه وهو يبتسم ويفرح وبعدين يفتكر سمر فيرجع يبص عليها يلقيها مشيت
ونروح الكويت وفي جناح عدي والاء ال دخلت لقيت عدي بيحضر شنطته
الاء بستغراب : بتحضر شنطتك ليه ياعدي
عدي بضيق : هكون بحضرها ليه يعني غير عشان مسافر
الاء : ايوه مسافر فين يعني وهتعقد قد ايه
عدي بزهق : مسافر دبي هعقد يومين تلاته
الاء بضيق : ومسافر دبي ليه محدش اتكلم علي ان فيه شغل تسافرله دبي
عدي: وهو حد قال اني مسافر شغل انا مسافر اريح راسي
الاء بغضب : يبقي خدنا معك انا والعيال
عدي بغضب : بقولك اريح راسي تقولي العيال
الاء تقف قدمه : يبقي خدني انا وهسيب العيال هنا مع شوشو وخالتي
عدي بزعيق : هتسيبي عيالك لناس عشان تتفسحي انتي اتهبلتي
الاء بغضب : مهو سافر دبي لوحدك مافيش ياعدي يا اسافر معك يا مافيش سفر
عدي يقرب منها ويلوي دراها ورها فتصرخ من الالم : انتي شكلك اتجننتي اني فاكره اني مستني منك الاذن اسافر وال لا طيب انا مسافر وريني هتعملي ايه
ورمها بقوه علي السرير واخد شنطته وخرج فقامت جري وراه وعلي سلم البيت ال بيجمع كل اهل عدي رحت مصرخه بكل صوتها
الاء بصريخ وصوة عالي ال خرج كل ال في البيت عليه : عدددددي لو سافرت دبي لوحدك هترجع البيت مش هتلقيني انا والعيال
عدي وقف علي السلم وهو غضبان وبيبص عليها بغضب وضيق ولسه هيقرب يضربها سمع صوة ابوه
حمد بزعيق : عدددددي
تفتكرو ايه الهيحصل وعدي هيسافر وال الاء قدرت تمنعو وسليم هيعمل ايه مع اميره لو عرف انها خرجت
ورامي حد هينقذه قبل ما يقع في الفخ نعرف الحلقه الجايه
يتبع
الحلقه الحاديه عشر والثانية عشرة والثالثة عشره من هنا
تعليقات
إرسال تعليق