رواية الانسه مراتي بقلم هايدي ناصر البارت الأول حتى البارت الثامن حصريه وجديده في مدونة النجم المتوهج للروايات والمعلومات
 |
رواية الانسه مراتي بقلم هايدي ناصر البارت الأول حتى البارت الثامن حصريه وجديده في مدونة النجم المتوهج للروايات والمعلومات
يعنى ايه مش موجوده طب والناس اللى برا هنقولهم ايه
ياسر : فين العروسه ياسميره
سميره : ااص اص اصل
ياسر : اصل ايه مكسوفه تطلع
سميره : لا ياحج نور مش موجوده
ياسر : يعنى ايه مش موجوده
سميره : نور شكلها هربت
ياسر : هربت يعنى ايه العريس على وصول والمعازيم برا هقولهم ايه
على الطريق
ااااااااه
الناس اتلمت : لا حول ولا قوة الا بالله
عمر : هو أنا ناقص مصايب
ونزل من العربيه
الناس : لنا مش بتعرفوا تسوقوا ركبنها ليه البت شكلها ماتت عماله تنزل دم من دماغها منك لله
عمر : ياجماعه اهدوا شيلوا معايا نركبها العربيه نوديها للمستشفى
عمر اخد البنت وراح على المستشفى
الممرضين جريوا عليه بسرعه واخدوها على العمليات
عمر تليفونه بيرن
عمر : الو
صفاء : انت فين يابنى مش هاتيجى تاخد عروستك
عمر : أنا عملت حادثه بالعربيه
صفاء : اييه وانت عامل ايه فيك حاجه انت فين
عمر : اهدي ياماما أنا كويس أنا خبط بنت بالعربيه وهى فى العمليات دلوقتى
صفاء : طب والفرح هنعمل ايه والمعازيم اللى جت ديه
عمر بنرفزه : اتصرفوا
وقفل الموبايل
الحمدلله يارب انك انقذتنى من الجوازه دي
الدكتور خرج : لو سمحت عايزينك تملى الاستماره دى حضرتك تقرب المريضه ايه
عمر معرفش يرد عليه : أنا خطيبها
الدكتور : تمام املء الاستماره وادفع الحساب
ومشي الدكتور
عمر فى نفسه : طب لما تفوق هاعمل ايه
عمر راح ملء الاستماره وادفع الحساب
وراح عند الدكتور : هى عامله ايه يادكتور
الدكتور : النزيف فى دماغها كان ممكن يؤدى لموت لوواتاخرت عن كده بس الحمدلله انك جبتها فى الوقت المناسب
هو ايه اللى عمل فيها كده لان دى إجراءات
عمر اتوتر : عملت حادثة عربيه
هو ينفع ادخلها
الدكتور : للاسف لا لأن حالتها مش مستقره ولو مافقتش بعد يومين هنضطر نعمل الإجراءات
عمر فضل طول اليوم فى المستشفى مناظرها تفوق
عمر واقف قدام شباك الغرفه بتاعتها باليل وفجأة يشوفها وهى
ياسر : منك لله يانور سودتى وشي قدام الناس
سميره : مانت اللى غلطان ياحج رايح تجوزها غصب عنها
ياسر : يعنى اعمل ايه كل ماييجى عريس ترفضه عملالى فيها كابتن ملاكمه ومش عايزه تتجوز
سميره : برضو ماكنش ينفع تعمل كده انت عارف الدوليه بتحبك وبعملتك دى اضايقت منك اووى
ياسر : خلاص ياسميره متزودهاش عليا
سميره : خلاص ايه انا عايزه بنتى اعااااا بنتى راحت فين ياياسر اعااااا
صفاء : شوفت ابنك ياحج سود وشنا قدام الناس ولحد دلوقتى ماجاش
ايمن : اعمل ايه مهو ابنك كده على طول مش عارف اعمل ايه معاه
فجأة عمر شاف فى الجهاز نبضها وقف راح نادى الممرضين جم شافوها وعملولها تنفس رئوى ورجع النبض تانى
عمر فضل واقف وهو خائف ولما رجع النبض كان حياته رجعت تانى الممرضين خرجوا وعمر فضل واقف جنبها اول مره يشوفها وهو بيبص لملامحها البسيطه الرقيقه عمر فضل جنبها ونص الليل حصل و
الحلقه الثانيه
عمر وهو نايم فى المستشفى معاها فجأه سمع صوت انذار الجهاز وشافها وهى بتحاول تقوم وبتشيل الاجهزه اللى محطوطه بس مش قادره تتحرك عمر جري عليها على طول
عمر : انتى بتعملى ايه اهدي ده خطر عليكى
البنت : انت مين وانا بعمل ايه هنا
وجات تقوم حست بوجع فى دماغها حطت ايديها على رأسها لاقتها عليها شاش وملفوفه .البنت : أنا بعمل ايه هنا وايه اللى حصل
الممرضين جم وادوها مهدأ ونامت وهى بتسألهم أنا ايه اللى حصل ونامت
الممرضين لاحظوا وجود عمر فى الاوضه
الممرضه : ممكن حضرتك تتفضل برا ده غلط على المريضه
عمر خرج وهو بيبص عليها وهى نايمه
فضل قاعد طول الليل قدام الغرفه بتاعتها لحد تانى يوم
الدكتور: استاذ عمر
عمر فاق من نومه وراح الكافيتريا شرب قهوة وطلع عند الدكتور
هاه يادكتور ايه الحال
الدكتور : الحاله استقرت ومستنينها تفوق ونتأكد
عمر خرج وراح عندها ووقف على الشباك منتظرها تفوق
سميره فتحت الباب
ها ياياسر فى اخبار عنها
ياسر: أنا روحت دورت فى كل مكان ومش لاقيها
كلمت كل أصحابها لكن برضو مافيش اي نتيجه
سميره : احنا لازم نعمل محضر ونروح للشرطه ياياسر ونقولهم
راح سميره وياسر عند مركز الشرطه وقدموا بلاغ أن بنتهم مفقوده
صفاء : يعنى ايه تليفونه مقفول ومش عايز يرد
ايمن : هو مقالش مستشفى ايه
صفاء : لا مقاليش حاجه غير أنه عمل حادثه
في المستشفى
عمر : الو يافندم
محمود : انت فين ياسيادة الرائد
عمر : أنا بعتذر لحضرتك جدا
محمود : تعالى بسرعه القسم حالا
عمر : بس
محمود : بس ايه الاقيك على مكتبي ياسيادة الرائد
وقفل المكالمه
عمر اتنهد اعمل ايه دلوقتى وفجأه تليفونه رن
عمر : الو ياماما
صفاء : اخيرا فتحت الفون بتاعك ايه عامل ايه
عمر : أنا كويس
صفاء : انت فاى مستشفى
عمر : ماما مش هينفع تيجي أنا جاي البيت دلوقتى اغير هدومى
صفاء : ماشي ياعمر
عمر : سلام ياماما
وقفل الفون
عمر ودعها ومشي على بيته غير هدومه ولبس ساعته واخد مسدسه ونزل
صفاء : شايف ياحج عمايل ابنك نازل الشغل فى يوم جوازه
عمر : جوازة ايه انتو رايحين تجوزوني واحده معرفهاش ولا عمري شوفتها
صفاء : يعنى ايه
عمر : يعنى سلام ياماما
ومشي ركب عربيته وراح على الشغل
دخل عمر بكل هيبته والكل بيديله التحيه
وراح على مكتب محمود
محمود : اهلا ياسيادة الرائد
عمر: اهلا بيك يافندم
محمود : عندك مهمه فى بنت ضايعه يوم فرحها واهلها مقدمين بلاغ ودي مهمتك ياسيادة الرائد وده الملف بتاع القضيه
عمر : تمام يافندم
عمر اخد الملف واتجه على مكتبه وهو هيفتح الملف جاله اتصال من المستشفى
عمر : السلام عليكم اهلا يادكتور
الدكتور : وعليكم السلام يا استاذ عمر خطيبة حضرتك فاقت
عمر : خطيبتى مين
الدكتور : خطيبه حضرتك اللى عملت حادثه ايه يا استاذ عمر أنت نسيت ولا ايه
عمر : ااااه معلش ضغط ومش مركز تمام أنا جاي
وقفل المكالمه ومشي على المستشفى
عمر : ايه الأخبار يادكتور
الدكتور: الانسه بدأت تفوق بس قبل ماتفوق كانت بتقول حاجات غريبه
عمر اتفاجئ : زي ايه
الدكتور : زي أنها بتقول لا مش موافقه وليه عملت كده وحاجات مش مفهومه
عمر : هى فين
الدكتور : احنا خرجناها من العنايه المركزه وهى فى غرفه رقم 354
عمر اتجه لرقم الغرفه ودخل ولاقاها وهى _______
البارت الثالث
الدكتور : احنا خرجناها من العنايه المركزه وهى فى غرفه رقم 354
عمر اتجه لرقم الغرفه ولاقاها وهى شايله الاجهزه وبتقوم وهى بتقوم فجأه اغمى عليها
عمر جري عليها بسرعه وسندها ونيمها على السرير
البنت شعرها كان طويل وعمر وهو بيشيل أيده من تحت رأسها ساعته مسكت فى شعرها
عمر حاول يشيل الساعه بهدوء لحد ما اتشالت و خرج برا المستشفى والبنت فاقت وهى متعصبه الممرضين جم ادوها مهدأ ونامت
عمر : الو ياسيف
سيف : انت فين ياعمر تعالى بسرعه على القسم
عمر : فى حاجه حصلت ولا ايه
سيف : تعالى بسرعه بس
عمر : تمام سلام
قفل عمر وركب عربيته ومشي على القسم
عمر : فى ايه يابنى
سيف : اللواء محمود مش عارف ماله متعصب وفى سجين هرب واحنا مرحلينه على النيابه
عمر : وده هرب ازاى
سيف : عمل سطو على العساكر وموتوهم وهربوا
عمر : افتح كاميرات المراقبه وشغل الفيديو
سيف : تمام ياعمر هروح عند سجلات كاميرات المراقبة واجيب الفيديو
عمر : تمام ورايا شغل طرقنا
سيف : ههه ماشي ياسيادة الرائد
عمر وقف فى شباك المكتب وشاف الملف راح فتحه و
صفاء : ابنك شكله هيخسرنا كل حاجه
ايمن : احنا احلى حاجه أننا كتبنا الكتاب يعنى مش هيعرف يعمل حاجه
صفاء : ده نعمه من عند ربنا
ياسر على سجادة الصلاة : ارجعى يانور أنا آسف يابنتى بي أنا عملت كده علشان مصلحتك
سميره جات من وراه وحطت ايديها على كتفه : إن شاء الله هترجع ياحج
ياسر: إن شاء الله
مافيش اخبار من الشرطه
لسه محدش قال حاجه كده ماينفعش ياياسر لازم تروح الشركه وتشوف الشغل
ياسر : مش جايلي نفس اروح الشركه خالص
سميره : سيبها على الله انزل شوف شغلك ولما يجي اي اتصال هبلغك على طول
محمود : نادي لسيادة الرائد عمر ياعسكري
العسكري : تمام ياافندم
العسكري : سيادة الرائد عمر سيادة اللواء طالب حضرتك فى مكتبه
عمر : تمام اتفضل انت
يارب استر
ذهب عمر عند محمود
عمر : اهلا يافندم
محمود : ايه الاخبار ياسيادة الرائد
عمر : فى ايه يافندم
محمود : انا عرفت أن امبارح كان فرحك
عمر بضيق : امممم اه يافندم
محمود : وبتعمل ايه هنا لازم تبقى مع عروستك
عمر : الفرح اتاجل
محمود : اااه أن شاء الله خير
عمر : حضرتك تأمر بحاجه
محمود : لا ياسيادة الرائد
عمر : تمام يافندم
عمر كان خارج
محمود : سيادة الرائد
عمر وقف عند الباب : نعم يافندم
محمود : اخبار القضيه ايه
عمر : لسه يافندم
محمود : انا واثق فيك
عمر : عن اذنك يافندم
وخرج عمر واتجه إلى مكتبه
عمر فى سره قال عروستى وفرح فرح ايه وعروسه ايه انا ناقص ماخلاص اتفكيت من الحوار ده
ياعينى مش عارف انهم جوزوه خلاص وحطوه فى قفص الزوجية
عمر دخل مكتبه وفتح الملف وطلب أهل البنت
سميره : الو
العسكري : بيت الاستاذ ياسر السيوفى
سميره : ايو مين
العسكري : حضرة الرائد طالبكم علشان القضيه
سميره : تمام حالا وهنكون هناك
راح ياسر وسميره القسم ودخلوا مكتب عمر
عمر : اتفضلوا
ياسر : يزيد فضلك ياسيادة الرائد خير حضرتك طلبتنا
عمر : خير ان شاء الله هسألكم على حاجات تفدنا فى القضيه
الانسه نور يوم ما اختفت عايز اعرف كل تصرفاتها فى اليوم ده لحد مااختفت
سميره قالتله كل حاجه
عمر : طب وايه سبب أنها تهرب من الفرح هى مش موافقه ولا ايه
ياسر : اص اصل هى ماكنتش موافقه على العريس وكده حركات بنات
عمر : مين اقرب اصحاب ليها
سميره : فرح ومليكه واسيا
عمر : اممم تمام ايه الأماكن اللى متعوده تروحها على طول
ياسر : نادي الملاكمه
عمر : ايييييه
ياسر : أصلها مدربة ملاكمه والعاب قوى
عمر : تمام تقدروا تروحو ولما يكون فى اى اخبار هنبلغكم
ياسر : تمام يا حضرة الظابط يلا ياسميره
مشي ياسر ومعاه سميره وعمر فضل يحقق في القضيه وجاب فيديو لكاميرات المراقبه حوالين بيت نور وهو بيتفرج على الفيديو شاف
البارت الرابع
البارت _ 4
عمر جاب فيديوهات كاميرات المراقبة حوالين بيت نور وقعد يتفرج عليها وفجأه شافها وهى بتنط من بلكونة الغرفه بتاعتها وجريت
عمر جاب فيديوهات الطرق اللى حوالين البيت وشاف
ياسر : اهدي ياسميره أنا حاسس أننا هنلاقيها إن شاء الله
سميره : انا خايفه اوى ياياسر أنا عايزه بنتى اعااااا
ياسر حضنها بحب وهو بيهديها
فرح: الو يااسيا انتى فين
اسيا : أنا قدام الكافية
فرح تمام احنا مستنينك
دخلت آسيا عند فرح ومليكه
اسيا : ازيكم ياشباب
مليكه : الحمدلله يازميكس عامله ايه
فرح : مافيش اخبار عن نور
اسيا : للاسف لا
مليكه : انا خايفه عليها اوى مرنتش لحد دلوقتى ومش عارفين نطمن عليها
اسيا : اهدوا يابنات نور ميتخافش عليها
ايمن : يعنى ايه ياشريف ازاي
شريف : زي ما بقول لحضرتك الشركه على وشك الإفلاس
ايمن : طيب اقفل دلوقتى
صفاء : فى ايه ياايمن
ايمن : احنا.بنخسر كل حاجه عملتي ايه مع عيلة السيوفى
صفاء : لسه ماعملتش حاجه
ايمن : احنا لازم نروح ونخلص حكاية الجواز دي باسرع وقت
عمر شاف وش نور على الشاشه وعرف أنها البنت اللى عملت حادثه فى المستشفى
راح عندها بسرعه وكانت نايمه فضل واقف يبص عليها
الممرضه دخلت : اهلا ياستاذ عمر
عمر : هى حالتها اي دلوقتى
الممرضه : عندها شوية كدمات فى دراعها ورجليها والنزيف اللى فى دماغها وقف بس فى تأثير عليها
عمر : هى هتكون احسن أمتي
الممرضه : الدكتور هو اللى يقدر يحدد ده عن اذنك يافندم
خرجت الممرضه وعمر فضل واقف وبعدها نزل الكافتيريا شرب قهوة وتتكلم مع نفسه : أنا هتعمل ايه دلوقتى نا مش هقدر اقول لاهلها حاجه دلوقتى أنا لازم استنى لما تتعالج وتقوم وبعدها اقولهم
عمر : الو
الممرضه: استاذ عمر الدكتور عايز حضرتك
عمر : تمام شكرا
عمر راح عند الدكتور
خير يادكتور
الدكتور: كل خير ان شاء الله الانسه فاقت بس مش بتتكلم مع حد
عمر : ممكن اشوفها
الدكتور : طبعا ممكن اتفضل معايا ياستاذ عمر
ذهب عمر مع الدكتور لغرفة نور
الدكتور : هى قاعده كده وعماله تعيط ومش بتتكلم مع حد
عمر راح عندها وقعد قصادها
نور شافته وبصت عليه وبعدها قالت
البارت _5
نور شافته وبعدها اتكلمت
نور : أنا عايزه امشي يادكتور
عمر : اهدي انتى كويسه
نور : وانت مين علشان تسألنى
الدكتور : هى اكيد تعبانه
نور : لا يادكتور أنا كويسه وعايزه امشي
الدكتور : تمام يا
نور : أسمى نور
الدكتور : تمام ياانسه نور هنعمل كشف عليكى وبعدها تقدري تخرجي
عمر مشي وراح مكتبه وهو عمال يفكر وشارد فى أفكاره
ياسر : الو
ايمن : الو يااستاذ ياسر عامل ايه
ياسر : بخير الحمدلله اخبارك ايه والمدام صفاء
ايمن : كلنا بخير الحمدلله
كنا عايزين نتجمع ونتكلم مع بعض علشان كده أنا عازمكم على العشاء
ياسر : بس
ايمن : خلاص بقى يااستاذ ياسر ده احنا بقينا عيله واحده خلاص
ياسر : تمام يااستاذ ايمن
وقفل ياسر المكالمه
صفاء : هاه عملت ايه
ايمن : عزمتهم على العشاء
صفاء : حلو
سميره : فى ايه ياياسر مين اللى كان بيكلمك
ياسر : ده والد عمر ياسميره
سميره : ايه وعايز ايه
ياسر : عازمنا على العشاء
سميره : وبعدين هتعمل ايه
ياسر : مش عارف
فى المساء اجتمع العائلتين على العشاء
صفاء : شرفتونا
سميره : تسلمى
ايمن : احنا عايزين نتكلم بقى فى موضوع الولاد
ياسر مكانش عارف هايعمل ايه
صفاء : اه الفرح اتاجل بس خلاص عايزين الموضوع يخلص والفرح يتم ونفرح بيهم
سميره وياسر بيبصوا على بعض ومش عارفين هايعملوا ايه
صفاء : تمام الفرح بعد ثلاث ايام
وقامت حضنت سميره : الف مبروك
وأيمن حضن ياسر وسلم عليه وبارك له
كل ده وياسر وسميره مش عارفين هايعملوا ايه
عمر قرر أنه يخبر عيلتها ويقولهم
تانى يوم جه اتصال فى بيت السيوفى والد نور
ياسر : الو
عمر : معاك الرائد عمر
ياسر : تشرفنا ياافندم
عمر : احنا عايزنكم تيجوا القسم دلوقتى
ياسر قلبه انقبض : خير ياحضرة الرائد فى حاجه
عمر : كل خير متتاخروش
ياسر : مسافة السكه
راح ياسر وسميره القسم
عمر : اتفضلوا استريحوا
ياسر : خير فى اخبار عن نور بنتى
عمر : ابشر يااستاذ ياسر الانسه نور لاقيناها
سميره : بجد انت بتتكلم جد
عمر قام وراح عندها : اه بجد ياست الكل
سميره : هى فين أنا عايزه اشوفها
عمر : حاضر هتشوفوها اخرجوا وهتشوفوها
ووخرجوا سمعوها وهى بتتخانق مع العساكر
نور : أنا عايزه اعرف أنا باعمل ايه هنا أنا عايزه امشي
انت يالوح منك لوه سبونى انت عارف انا هاعمل فيك ايه لو مسبتنيش
سميره : نور بنتي
نور بصدمه : ماما
سميره جريت عليها وحضنتها ودموعها بتنزل
انتى كويسه ياقلب ماما فيكى حاجه كده يانور تسبينى وتمشي
نور ؛ أنا كويسه ياماما اهدي خرجوني من هنا قبل ما اعمل جريمه فى الناس دي
سميره اخدتها ومشيت وياسر : شكرا ليك ياحضرة الرائد أنا بشكرك على تعبك ومجهودك
عمر : لا شكر على واجب ده عملي وواجبي يااستاذ ياسر
ياسر مشي وروحت نور بيتها ودخلت اوضتها ارتاحت وباليل جم اسيا ومليكه وفرح بعد ماعرفوا أنها رجعت البيت
اسيا : براحه يابنات
دخلوا بهدوء على غرفة نور
مليكه فى اذن نور : بووووووووووووووووووووووم
نور : ااااااااااه بسم الله الرحمن الرحيم
فرح : عامل ايه ياصديقي
نور : الله يخرب بيوتكم انتوا التلاته مش هتبطلوا الاستظراف بتاعكم ده
اسيا : مالك ياجميل كنت فين كده لتقولنا ولا تطمنا بعد ماتخطط معانا ترمينا
اه على الناس اللى تاخدنا للحم وترمينا عضم
نور : اخرسي منك ليها
فرح : وسعى يابت منك ليها واحشني ياسطا
نور : روح قلبي ياناس شوفتى منك ليها المقابله
فرح : يلا قومى وارجعى النادي تانى مين هيدربني خلاص اخر سنه فى كلية الشرطه يانوري
نور : حاضر ياكابتن
الله بس واحشني اوي ياكباتن
اسيا : ايه ده وانا فين
نور : اه هو أنا أقدر انساكم عامله ايه المسابقه امتى
اسيا : بعد شهر
نور : قدامنا وقت وان شاء الله هتطلعى المركز الاول وتفوزى
اسيا : ادعيلى
مليكه : اه ماهو من لقي احبابه نسي صحابه
نور : مصيبه زي مانتى تعالى لحضن اخوك يابو صلاح
وحصنتها جامد
نور : ااه ياواد ياصلاح واحشني اوى
مليكه : قلب اخوك يابو صلاح
فرح : بنات أنا جعانه سوسو عامله اكل ايه يابت يانور
نور : هههههههه همك على بطنك كده
الكل بيضحك
فرح : اخرسي يابت منك ليها أنا هنزل عند سوسو اشوفها عامله ايه على الاكل
سميره دخلت : عمله لك مكرونه بالبشاميل ياقلب سوسو
فرح : والله انتى قلبى تعالى تعالى هاتي عنك الصينيه
نور : هههههههه يابت اتلمي شويه ايه ده
فرح : الله غيرانين ولا ايه
مليكه : انتوا هتقعدوا تتكلموا هسبقكم أنا على الاكل بقى شمر
كلهم قضوا الليل ضحك وهزار ولعب وناموا
تانى يوم
نور : اله انتى يابت يااسيا انتى مش فى قاعة المسابقه
اسيا : معلش يابو صلاح ده فرح
نور : مانتوا زي بعض استغفر الله العظيم
قومي ياقوم النهار طلع
دخلت الحمام اخدت شور وطلعت لاقتهم نايمين
والله لوريكم زى ماعملتوا فيا امبارح
نور ربطت رجليهم وجابت مزمار وصرخت بيه جنب ودنهم
الكل قام مفزوع ووقعوا على الأرض
اسيا وفرح ومليكه فى نفس واحد : والله لوريكي يانور الكلب ماشي
كلهم قاموا وجريوا وراها وهى طلعت تجري وفجأه اتخبطت فى ياسر والدها
ياسر : ايه ده يابنات فى ايه
نور : بابا
وايتسامتها اختفت
اسيا : شوفت ياانكل ياسر نور عملت ايه
ياسر : هههههه
فرح : ماشي يانور مصيرك توقعى
نور مشيت وسابتهم ودخلت المطبخ شربت عصير وجهزت شنطتها ومشيت على النادي وهى مخنوقه
نور بتحري فى النادي بسرعه عاليه وهى بتفتكر اللى حصل معاها قبل ماتهرب وفجأة انصدمت بجسد قوي و...
السادس
نور فضلت تجري بسرعه عاليه وبتفتكر كل اللى حصل معاها قبل ماتهرب وفجأة انصدمت بجسد قوي
نور : اااااه
عمر بعصبيه : ايه ده
نور بصوت مسترجل : متفتح
عمر : افتح هو أنا اعمى لسمح الله
نور : شكلك كده
عمر : لا ياانسه أنا مش اعمى ولا حاجه بس حضرتك اللى خبطي فيا
نور : انت جاي ترمي بلاك علينا ولا ايه
عمر بصدمه : بلاك دا ايه الالفاظ دي
نور : ايه مش عاجبك طب وسع كده خليني امشي
عمر وقف عند فيها
نور : متحاسب ياجدع انت الله
عمر : ولو ماحسبتش
نور : اللهم طولك ياروح حاسب من قدامي وإلا
عمر : وإلا ايه
اسيا : نووور
عمر : هى القمر بتنادي عليكي
نور : وانت مالك
نور مشيت وعمر فضل واقف يضحك عليها
عمر فى نفسه : اللى تحسبه موسى يطلع فرعون بقى بذمة ربنا دي نفسها اللى كانت زي الملاك فى المستشفى
نور : اهلا ياكباتن
اسيا : ايه يابنتي مشيتي على طول من غير فطار
نور : معلش يابنات يلا ورانا تدريب ولا ايه ياكابتن صلاح
اسيا : ماشي يازميكس يلا
ذهبت نور تعمل التمرين وعمر راح القسم
نور خلصت وكانت مروحه وعلى الطريق شباب يعكسهم
ايه القمر ده كله
نور : بت يااسيا هتروحي ولا اروح انا
اسيا : بص ياسطا احنا نلف مع بعض وننزل ضرب على طول
نور : اشطا
اسيا : 1 ،2 ،3 يلا
لفت نور واسيا وحدثت معركه طحن
نور بتخبط ايد فى التانيه
ده جزاء اللى امثالكم
اسيا : يلا بينا بقا أنا استهلكت طاقه خلاص معنديش اى طاقه جعانه
نور : معاكي حق يلا نروح مطعم نأكل حاجه
فى المطعم
نور : هتاكلي ايه
اسيا : شورما
نور : جرسون واحد عصير فريش وواحد همبرجر وواحد شورما
اسيا : استني واحد ايه خليهم اتنين
نور : اممممم
الجرسون : حاجه تانيه
اسيا : شكرا
نور : دايما فضحانا كده انتي وفرح أخص
اسيا : معلش المعده فاضيه
نور وهى قاعده : اللهم طولك ياروح
اسيا : فى ايه
نور : الجدع ده شوفته فى المستشفى وفى النادي والقسم ودلوقتي فى المطعم مش عارفه ايه ده
اسيا : مين ده
عمر قام هو سيف من على الطربيزه
نور : اللى هناك ده
اسيا لفت بس شافت سيف
نور : بطلي تبصي هيلاحظوا أننا شيفنهم
اسيا : ده حلو اووى
نور : هو مين اللى حلو يلا اكفحي خلينا نمشي استغفر الله العظيم
خلصت اسيا ونور اكل وراحوا يحاسبوا ولكن عمر وسيف هما كمان كانوا على الكاشير
نور : فى حاجه اسمها السيدات اولا
عمر : نعم
نور : لا وفهم على قده بقول أن السيدات اولا .
عمر : اه صح بس انتي ست
نور كانت هتضربو واسيا مسكتها
اسيا : اهدي ادفعي ويلا
نور : تمام
ذهبت نور واسيا
سيف : هو فى ايه
عمر : فكك ده دلع بنات استغفر الله
سيف : ههههههههههههه
عمر : طب يلا ياخفيف ورانا شغل
سيف : اه محمود زمانه هيتجنن على تأخيرنا
عمر : انت عملت ايه فى السجين اللى هرب
سيف : مسكناه تصدق كان فين
عمر : فين
سيف : كان عند المقابر الغبي مش عارف أننا هنلاقيه
عمر فى الهاتف : الو ______ تمام جاي سلام
عند نور ودعت اسيا وروحت وصلت البيت الخدامه فتحت الباب لنور ونور دخلت نور وهى داخله شافت ...
# انا شايفه التفاعل بدأ يقل ياجماعه وده بيأثر على تنزيل الروايه
الآنسه مراتي
البارت _7
دخلت نور البيت واتفاجأت لماشافت فى ناس غريبه عندهم
نور بدأت تحس بقلق
سميره : نور حبيبتي ادخلي يانور سلمي على ضيوفنا
نور : مين دول ياماما
صفاء : ايه ده عروستنا القمر عامله ايه
ثم احتضنتها
نور فى ذهول مما سمعته ومما يحدث
نور : نننعععععم بتقولى ايه ياوليه انتي
سميره : نور اهدي يانور هافهمك
نور: هتفهمونى ايه وانتوا ايه اللى جابكم هنا أن شاء الله وعروسه ايه ياوليه ياخرفانه انتي
ياسر : نوور ايه قلة الأدب دي يابنت
نور تنظر له بغضب ثم انصرفت من المكان إلى غرفتها
ياسر : أنا بعتذر جدا للى حصل
ايمن : حصل خير بس هو في ايه
سميره : لا ده سوء تفاهم بس مش اكتر
فى غرفة نور
كنت عارفه انكم مش هتتغيروا هتفضلوا كده ثم ذهبت إلى صالة التدريب الخاصه بها
تتمرن نور بغضب وبسرعه ثم توقفت ونزعت قفازاتها وغيرت ملابسها وركبت سيارتها وذهبت
ياسر : شوفتي اللى بنتك عملته
سميره : من حقها عايزها تعمل ايه لا ولسه اللى جاي لما تعرف انها اصلا اتجوزت ومكتوب كتابها دي هتقيد حريقه
ياسر : هي لازم تعرف وفهميها ازاي تتصرف بلاش تصرفاتها دي
فى الصباح
سميره : نووور يانوور
الخادمه : الانسه نور مش فى غرفتها ياهانم
سميره : اومال راحت فين يازينات
زينات : لا والله ياهانم معرفش
سميره : عم حسن ياعم حسن
حسن : ايوا ياست هانم
سميره : ماشوفتش نور
حسن : لا والله ياست هانم من وقت ماالهانم الصغيره خرجت امبارح بالليل مشوفتهاش
سميره : ايييه خرجت امبارح فين
حسن : والله مااعرف ياست هانم
سميره : طيب ياعم حسن ثم ذهبت وهى القلق يسيطر عليها
هتكون راحت فين
ياسر على سفرة الاكل : هى نور مش هتنزل تفطر ولا لسه زعلانه
سميره ؛ لا ياياسر نور مش فوق من امبارح وهي مش هنا
ياسر : يعني ايه طب رنيتي عليها
سميره : اه موبايلها مقفول أنا قلقانه عليها اوى ياياسر
ياسر : اهدي ياحبيبتى بنتنا بمية راجل زمانها راجعه بعد قليل ثم قالت زينات
زينات : الست هانم الصغيره جت
سميره : نور نور عامله ايه ياحبيبتى
نور دون رد ثم قال ياسر : نور كنتي فين
نور : دلوقتي افتكرتوا أن ليكم بنت
سميره : ازاي الكلام ده يانور ياحبيبتي احنا بنحبك احنا ملناش غيرك ياحبيبتي انتي نور حياتنا
ياسر مسك وشها : ازاي ياحبيتي انتي عندي بالدنيا كلها
نور : لو فعلا كنت بالنسبه ليكم كده بلاش حكاية الجواز دي
ياسر : _________
نور : كنت عارفه انى بالنسبه ليكم ولا حاجه ثم ذهبت إلى غرفتها
سميره : هتعمل ايه دلوقتى هتقولها ازاي خلاص الدخله قربت
ياسر : مش عارف بس لازم تعرف فى أقرب وقت
فى المساء نور كانت راجعه من التمرين والنادي
وهي داخله سمعت ابوها وامها بيتكلموا
سميره : انا خايفه اووى مش عارفه عقولها ازاي
ياسر : ياسميره نور لازم تعرف مش هينفع نتأخر كتير
سميره : يعني عايزني اروح اقولها ايه اقولها يلا يابنتي على بيت جوزك لانك اتجوزتي وإن اتكتب كتب كتابك
نور دخلت : اييييه بتقولي ايه
ياسر : نوور
نور : اه نور اللى انتو عاملين تخططوا حياتها من غير ماتعرف وتولع نور هى ايه اهم حاجه انتو انتوا مفكرتوش فيا ليه عملتوا فيا كده
ياسر : نور يابنتي
نور قاطعته : متقولش بنتي نهائي
سميره : نور اهدي هافهمك كل حاجه
نور : هتفهموني ايه هتفهموني انكم استغفلتوني واستغليتوا محبتي ليكم وحددتوا مصيري عايزني افهم ايه انكم جوزتوني من غير مااعرف الواحد فى حياتي ماشوفته ولا اعرفه وغصب عني أنا بجد بكرهكوا
ثم ذهبت سريعا إلى غرفتها واغلقتها وفضلت تكسر كل حاجه ثم دخلت تحت الدوش وشغلت المياه الساقعه وهي واقفه تحتها وبتعيط وفجأة قفلت الدوش وغيرت هدومها ونامت
فى الصباح
عند عمر : افندم
محمود : عندك مأموريه مهمه ياحضرة الظابط ولازم تاخد القوات لان هيتم تسليم مخدرات لازم تجهز انت والفريق هتروح النهارده
عمر : تمام يافندم
محمود : ربنا يوفقكم خلي بالك من نفسك ياحضرة الظابط
عمر : تسلم يافندم عن اذن حضرتك
ثم ذهب عمر إلى القوات ورتب كل حاجه
خليكم جاهزين ثم ذهب عمر إلى بيته
ايمن : اهلا بحضرة الظابط
عمر : اهلا بيك يابابا
ايمن : على فين رايح على فين كده
عمر : عند ماموريه مخدرات
صفاء : ايييه
عمر: متقلقيش ياماما تدعيلي
صفاء : ربنا يرجعك بالسلامه ويحميك من كل شر وترجعلي سالم يارب
عمر باس راسها وايديها : دعوتك دي بالدنيا كلها وعايزك تبقى فرحانه لو رجعت وانا شهيد
صفاء : بعد الشر عليك ياحبيبي ربنا يحميك وترجعلى بالف خير ثم ودعهم عمر وذهب وسط دموع صفاء
فى النادي
فرح : وهتعملي ايه
نور بشر : هوافق
مليكه واسيا وفرح فى نفس واحد : اييييييييه انتي بتتكلمى بجد
نور : اه بتكلم جد لازم انتقم منهم على اللى عملوه فيا
اسيا : لا دي مش نور اللى اعرفها خالص
فرح : نور انتي مستوعبه اللى بتقوليه
نور : اه عارفه أنا بقول ايه
مليكه : طب والعريس
نور : لا ده حاجه بسيطه هطلع روحه من اول يوم وأطلق منه
فرح : جماعه انا خايفه اوى
مليكه : وانا كمان
نور : مالكم فى ايه
مليكه : عندنا هيطلعونا مأموريات نتدرب وانا خايفة
نور : لا متقلقوش خير احنا كانوا بيطلعونا بتبقى خفيفه وشوية تدريبات مش اكتر
فرح : أن شاء الله خير
مليكه : ثانيه واحده هوانتي كنتي فى كلية شرطه
نور : هههههههه اه كنت بقى
مليكه : طب ازاي كابتن ملاكمه والعاب قوى
نور : لا دي حكايه طويله خالص أنا كنت فى كلية شرطه وكنت متفوقه جدا بعد ما خلصت الثانويه وجبت مجموع كلية الشرطه كنت مبسوطه جدا اني خلاص حققت حلمي
اسيا : وبعدين كملي
نور : دخلت كلية الشرطه اللى كانت حلم ليا من الطفوله جيت فى اخر سنه و
مليكه : وايه ايه اللى حصل كملي
نور : بلاش ياجماعه السيره دي بضايقني اوى و ...
الثامن
ايمن : احنا لازم نعمل الدخله باسرع وقت لازم الجوازه تتم بسرعه
صفاء : وعمر هنعمل ايه انت عارف أنه ماكانش موافق أنه يتجوز نهائي وكمان ميعرفش أننا كتبنا كتابه
ايمن : علشان كده لازم نعمل الدخله قبل ماعمر يرجع من مهمته
صفاء : ايه ازاى؟
ايمن : مش احنا كتبا الكتاب خلاص هنحط عمر تحت الأمر الواقع
صفاء : يعني ؟
ايمن :___
عند نور في صالة التدريب بتلعب بوكس وهي متعصبه
نور : لييييييه ليه عملتوا فيا كده ليه بس خلاص حان الوقت كل ده علشان أنا مش بنتكم علشان كده بتعملوا فيا كده بس خلاص أنا عارفه هاخد حقي ازااي
أهل عمر راحوا عند أهل نور واتحدثوا فى الموضوع
ياسر : بس
صفاء : بس ايه يااستاذ ياسر خلاص الاولاد واتكتب كتابهم وخلاص مش لازم نتأخر اكتر من كده هنعمل الدخله النهارده
ياسر : طب لما نشوف نور الاول
وتقاطعهم نور بدخولها : أنا موافقه
ياسر وسميره فى تفاجئ مما قالته نور هل حقا سمعوا ما قالته نور صحيحا ام لا
نور : اه أنا موافقه وموافقه أن الدخله النهارده كمان
صفاء : كده نقول الف مبروك
نور بضيق : الله يبارك فيكي أعتقد ان فى حاجات للعروسه لازم تعملها قبل الجواز يلا طرقونا كده مش فاضيين
صفاء وهي تجز على أسنانها : طبعا ياحبيبتي
بعد أن ذهب ايمن وصفاء كان ينظر ياسر وسميره لنور ولكن ذهبت قبل أن يتحدثوا معها
اسيا فى الهاتف : يابنتي انتي متاكده من اللى بتعمليه
نور : اه متاكده وبعدين انتي قلقانه ليه أنا برضو مش سهله
فرح فى المكالمه الجماعيه : يعني كده خلاص مش هنشوفك تاني
نور : حد يدينى طوبه اضرب بيها البت دي لا طبعا انا مش هسيب النادي ولا هسيبكم
مليكه : وهتعملي ايه
نور : _____
خلصوا اخيرا مكالمتهم
سميره على الباب : انتي كويسه يانور
نور : ليه تعبانه لسمح الله
سميره : مش قصدي يانور بس
قاطعتها نور : ملوش لزوم السؤال من امتى وانا بتسأل على حاجه تخصني
سميره : ازاي ده يانور احنا
نور بمقاطعه : بعد اذنك أنا تعبانه وعايزه انام
سميره بحزن : ماشي يانور ثم خرجت ودموعها تملأ عينيها
ياسر : مالك ياسميره فى ايه ؟
سميره : أنا خايفه على نور اوي ياياسر
ياسر : متقلقيش أن شاء الله خير ثم ضمها إليه
سميره : بس فى حاجه غريبه نور وافقت رغم رفضها اكيد فى حاجه
ياسر : نور مش صغيره نور كبرت وفاهمه كل حاجه وهى اللى قالت بنفسها وربنا يوفقها
فى الساعه الخامسه مساء أتى أهل عمر لبيت أهل نور
ياسر : اهلا وسهلا اتفضلوا
ايمن : يزيد فضلك
صفاء : اخبار عروستنا ايه
سميره : يتجهز مع البنات فوق زمانهم خلصوا هطلع اشوفهم
فى غرفة نور
فرح : يابنات أهل العريس وصلوا
مليكه : يلا ياصلاح متنساش الخطه
اسيا : خلى بالك من نفسك اكيد عارفه هتعمل ايه
نور : لا تقلقوا صاخبتكم اسد
فرح : طب يلا ياختي
نور : بس ايه رأيكم فى الفستان ههههه
البنات فى نفس واحد : هههههههههههههههه تحففففه
سميره بتخبط على الباب : يلا يانور أهل العريس تحت مستنينك
فرح : حاضر ياطنط احنا نازلين اهو
اسيا : يلا ياجامد
خرجوا جميعا ونزلوا للاسفل
صفاء بصدمه : ايه اللى انتي لابساه ده ؟😱
البارت اللى جاي تحفففه
الانسه مراتي
يتبع
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
الصفحه الرئيسيه للروايات الجديده من هنا
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق