رواية حين تقع في الحب البارت الواحد والعشرون حتى البارت السادس والعشرين بقلم الكاتبه ندي علي حبيب حصريه وجديده
بليل حوالي الساعه 6 المغرب وصل قاسم بعربيته قدام منزل منير ومعاه نسمه اول ما سمعو صوت العربيه الكل نزل غسان ومحمد وعمر اللي كانو علي القهوه ايجو
نفين :يلا يا نسمه شدي حيلك علي ما تنزلي من العربيه يا حبيبتي
نسمه بتعب :انا مش قادره اتحرك يا ماما مش عرفه خالص
سكينه ايجت جري عليها حضنتها :يا نن عين امك من جوا يا نسمه عمله ايه يا حببتي
نسمه بدموع :وحشتيني يا سوسو بس انا مش قادره اتحرك
قاسم :طيب يا حبيبتي اهدي وانا هنزلك براحه خالص والله بس اهدي ومسك ايدها ونزل رجليها براحه علي الارض وشالها وطلع بيها علطول ونور ونورهان وراها
سكينه بصت علي زهره اللي في ايد نفين :بسم الله مشاء الله تبارك الخلاق ايه الجمال دا تعالي تعالي يا ان غسان اطلعي بيها الناس عينها سم
نفين اديتها زهره وسكينه طلعت بيها علي فوق علطول
غسان فونه رن
غسان :الووو ازيك يا سعدة الباشا اخبارك ايه
اللواء امجد :حبيبي اللي وحشني انا بخير انت عامل ايه وولادك عملين ايه
غسان :فل الفل والله
امجد :يارب علطول المهم الموضوع اللي انا عاوز اقولك عليه انك بإذن هتبقي سيادة المقدم
 |
غسان عقله وقف من الفرحه :نعمم سيادة المقدم ازاي اترقيت
امجد ببتسامه :انت صحيت كتير اووي علشان البلد والكتيبه يا غسان ومحدش يقدر ياخد المنصب دا غيرك
غسان بفرحه :مش مصدق ولا هصدق غير لما النجمه يكون جنب النسر
امجد بضحك :بإذن الله مدريه امن القاهره عملة حفلة كبيره لتكريمك يوم 21/3 يعني كمان شهر بالظبط
غسان بفرح :دا شرف كبير اووي وقفل الفون والفرحه علي وشه واحساسه بإنجاز رهيب وكبير
غسان بغموض:21/3 التاريخ دا بيفكرني بإيه ..... بأغلي يوم في حياتي واغلي شيئ في حياتي كلهاا يبقي نعمل الفرحه دي مفجأة للكل
*****************
نور كان قعده جنب نسمه بتلاعب زهره
نور ببتسامه :انتي روح خالتو انتي قلب خالتو انتي نور عيوني
عاصي واقف وفرحان اووي بيها حاسس انها حاجه غريبه اووي :ماما انا اول مره افرح بحد مولود حلوه اووي
اسر :ايوا جميله اوووي
عاصي :اسر لو سمحت ملكش دعوه بيها هي تخصني انا بس مش كل حاجه عوزه بطل طمع
نور ونورهان ونسمه ونفين وقاسم وسكينه ماتو من الضحك
قاسم :ايه ياعم عاصي انت حاطت عينك علي بنتي من دلوقتي
عاصي ببراءه :قاسم علشان خاطري لما تكبر جوزها ليا وانا عمري ما هاخد لعبه منها ابدا والله
قاسم بضحك :ام عاصي احنا مهرنا غالي متقدروش ليه
نور :دي روحي دي والاقي اغلي منها فين بقااا
نسمه بتعب :انتو بتجوزو بنتي لمين لعاصي اللي بيحب البت غزل مستحيل
عاصي بسرعه و طفوله:لالالا يا نسمه دا اعجاب بس انا بحاول اتجاهلاها والله
سكينه :نور اعملي لنسمه كوياية ينسون وهاتيهت ليها ترد روحها الاول
نور هزت راسها وقامت علي المطبخ
**********
في المطبخ
نور وقفه قدام البوتجاز بتعمل الينسون ايجة غسان عليها وحضنها من ضهرها
غسان برومانسيه :وحشاااااني اووووي
نور لفت بتبعد غسان بضحك وهمس :ابعد مش عوزين حد يشوفنا كدا عيب بجد
غسان قرب اكتر :وما اللي يشوفنا يشوفنا انا بعمل حاجه حرام مراتي وانا حر فيها
نور بضحك :طب ابعد شويه علشان خاطري حد من الولاد ممكن يشوفنا كدا
غسان حط ايده علي وسطها :بوسه وابعد خالص
نور ضربتة في كتفه :ايه الشرط القليل الادب دا هات شرط محترم شويه
غسان رفع حاجبه :اممم ...خلاص ياستي هاتي بوسه من شفايفك القمر دول وخلاص انا راضي بقليل
نور بكسوف :دا المحترمه صح اومال قليلة الادب بتبقي فين بقااا
غسان غمز ليها :هبقي اقولك وانا براجع في قوضتنا بقاااا .... المهم متوهيش انا مش متنازل عن البوسه يلااا
نور قربت من شفايفه وباسته بوسه رقيقه ايجت تبعد غسان حط ايده ورا راسها وقربها اكتر واتمعن من البوسه اكتر واكتر
نور وهي بتنهج :غسان ... ابعد .... كفايا بقااا
غسان بتوهان وهمس :مش ... قادر
نور بهمس :مينفعش هنا علشان خاطري ابعد يلااا
غسان بعد بصعوبه وقبل راسها :وانا هطلع الشقة خلصي اللي وراكي وتعالي عوزك
نور وهي حطه ايدها علي قلبها :ح ... حاضر وبصت علي الينسون لقيته قرب يغلي عملته وظبطة نفسها وطلعت ليهم
************
في غرفة محمد
محمد :ياروحي غصب عني انا مفحوت هنا مع العمال كل يوم وعايز اخلص الشقة علشان نتجوز في خلال اسبوعين
يمني بصدمه :اسبوعين اسبوعين ايييه بسه بدري انت مستعجل ليه كدا
محمد :ومستعجلش ليه انشاء الله انا راجل النهارده عندي 36 سنه مش هتجوز غير لما اكمل 40 ولا ايه مش فاهم دا انا زمايلي معاهم عيال قدي دلوقتي
يمني بتوتر :مش قصدي بس يعني انا بقول ان انا يوووووه مفيش
محمد :انا فاهم دماغك والله بس بقولك متخافيش انا بحبك وانتي في قلبي وهتبقي مراتي يا يمني وعمري ما هقبل عليكي حاجه تضايقك او توجعك ثقي فيا با روحي
يمني :انا مش خايفه انا متوتره من فكرة ان هكون مع راجل في بيت واحد طول عمري عايشه لوحدي ولا عمري قعدت مع راجل غريب في الدنيا
محمد :انا مش غريب انا هكون جوزك يا حببتي هكون امانك وسندك وحمايتك واي حاجه تضايقك مش هعملها مهما كانت
يمني بحب :انا بحبك اووي يا محمد ربنا يخليك ليا يارب
محمد :ويخليكي ليا يارب
ماهر اللي واقف ورا يمني هيطق من الغيره :والدكتوره اللي سيبه امها وعماله تحب في التلفون دي كمان
يمني برقت ليه دنيا ايجت ليه :هي بتحب في مين مش خاطبها ريح نفسك انت بس وتعالي هنا
ماهر :بس استني دا بتقوله :بحبك اووي
دنيا بتكتم بؤقه :مش خاطبها وبكرا هيبقي جوزها انت مالك انت
يمني ومحمد ماتو من الضحك عليه وكملو كلام
******************
عند سلوي واحمد
احمد قاعد سرحان في سلوي وفي قصتك معاها
احمد :النهارده هنهي كل القصص والحورات دي هرتاح النهارده
الباب خبط
احمد بجديه :اتفضل ادخل
سلوي مسكه ورق كتير في ايدها وباين عليها الزعل :انت عاطيني ورق كتير ودا فوق طاقتي ومقدرش افضل اترجم في كل دول واطبعهم بجد حرام عليك كدا
احمد بستمتاع :بس دا نظام الشغل هنا يا سلوي والمفروض قبل ما تيجي تكوني عرفه ان دا الشغل عموما
سلوي بتعب :يعني هترجم 40 ايميل واطبعهم يا كدا يا اسيب الشغل وطبعاً الايميل بيترجم في ساعه مع الطبع
احمد ببتسامه :بالظبط كدا
سلوي بزعل:فين المكان اللي اقدم فيه استقالتي
احمد بص ليها شاف الحزن :طيب انتي عيونك حزينه ليه
سلوي بحزن:كنت عوزه اخد درجه في الماجستير اللي بعمله بس الظاهر مليش حظ في اي حاجه في الدنيا
احمد :اعتبري نفسك ناجحه فيه السنه دي ويلا روحي علشان انا جي النهارده افض الموضوع بتاعنا دا
سلوي الصدمه والحزن اتجمعو عليها :ح حاضر تنورنا وطلعت والدموع متحجره في عيونهاااا اخدت شنطتها ونزلت في المصعد الخاص بشركة وهي تاااايه
سلوي بدموع :هيطلقني النهارده هينهي كل حاجه بينا النهارده
***********
ادهم اخيرا بعد تعب طول اليوم علشان يحاول يفتح باب الكهف اللي كان حابس ياسمين فيه طلعو
ادهم ببتسامه وهو ماسك ايدها :ايه رأيك في الدنيا يا ياسمين
ياسمين اخدت نفس كبيررر وهي مغمضه :مش قادره اصدق ان طلعت من الكهف دا انت مش مصدقه انا طلعت فعلا انا حره دلوقتي حررررره
ادهم بحب : بكرا هنروح الفيلا عندي واحلي فرح هيكون ليكي بعد بكرا
ياسمين الخوف بدء يظهر علي وجهها وقالت في نفسها :الحمد الله ان طلعت من هنا لازم اعمل جهدي علشان اقدر اهرب منه هو كمان
ادهم بحب :حببتي مقولتيش رد
ياسمين بتوتر :رد علي ايه
ادهم :ان اخيرا هنتجوز
ياسمين بصت حوليها لقت بعض ناس ماشيه بعربياتهم وباين عليهم الغني
ياسمين بصويت :ياعااااااااااالم انا مخطووووووفه ارجوكم ساعدوني خلصوني منه
ادهم واقف بجمود وبرود
ياسمين لقت الناس بتقرب منها فرحت ضربت صدر ادهم ومع الضربه بيرجع ورا :اخيرا هخلص منك انا مستحيل هتجوزك ولا عمري هبص ليك علشان انت واحد مريض الحب عندك استغلال الاضعف مني اتفو عليك وعلي امثالك
نزلو الناس من العربيه وكلهم وطو راسهم لادهم ودا صدم ياسمين وشلها من الحركه
ادهم بجمود :اركبي
ياسمين بصدمه وبتهز راسها :لالالالا مستحيل دول رجالتك
ادهم بصوت مخيف :انا قولت كلمه اركبي وشدها من ايدها وحطها في العربيه
ادهم بأمر :يلاا امشو علي الفيلا اخلصوووو
حين تقع في الحب 3
البارت الثاني والعشرون
للكاتبه /ندي علي حبيب
قاسم قاعد وماسك ايد نسمه وبهمس :اجيب ليكي حاجه تكليها بقاا
نسمه بتعب :لاء انا عوزه انام بس
سكينه :خلاص تعالو يا جماعه نعد برا ونسبها ترتاح شويه
الاكل بدء يطلع يعد برا في الصالون
نور وهي شايله حبيبه:طيب استأذن يا جماعه هطلع احمي حبيبه وانيمها شويه يلا يا عاصي
عاصي جري علي سكينه :لاء انا هعد مع سوسو اطلعي انتي
نور :يابني اطلع انا مش هفضل طالعه نازله كل شويه اخلص
سكينه :خلاص سبيه وانا هبقي اطلعه واجي اعد معاكي شويه
نور :خلاص ماشي يا ماما بس اوعي يا حيوان القيك نازل الشارع
عاصي بعدم اهتمام :حاضر حاضر
نور طلعت الشقه ودخلت
سكينه :اومال البت نورهان فين
نفين :راحو يشوفو الشقه بتاعتهم مع محمد علشان التشطيب الاخير
سكينه :ربنا معاهم ويعنهم يارب الا قوليلي هو المحروس محمد خاطب مين
نفين :خاطب ياختي دكتوره من المهندسين
سكينه :ايواااا حلوه يعني
نفين :ايوا حلوه هو اختاره والله يختي لقناه جي فجأة بيقول انا رايح اخطب
سكينه :ايواا وجاب دهب بكام ليها
نفين :جاب طقم تقيل كدا وحلوه 60 الف وجاب محبس بالدبله جاب في حدود 70 كدا
سكينه :بسم الله مشاء الله هيتهني بيها يارب واليله الكبيره امتي بقااا
نفين :اهو مستني الشغل في الشقه يخلص علشان هيحدد كتب الكتاب بقااا
وفضلو يتكلمو في الامور العائليه للعيله
**********
في شقة نور
نور كانت بتحمي حبيبه خلصت ونيمتها ودخلت اوضتها اتصدمت من شكل غسان
غسان كان لابس قميص اسرد علي بنطلون اسود وساعه بني وحزام بني وجزمه بني ومسرح شعره وفاتح اول 3 زراير من القميص وشكله فوق الخيال وريحة برفانه الجنان
نور بصدمه :نعمم يعني انت خارج ولا ايه
غسان قرب عليها :تؤتؤ احنا خارجين انا وانتي فقط
نور بتوهان وهي فتحه بؤها :هااا احم خارجين ريحين فين بقااا
غسان رفع حاجبه اليمين :امممم انا كنت واعد مراتي بخروجه من كام اسبوع كدا وانا بصراحه انشغلت جامد والنهارده ليقت ان احسن يوم اخد مراتي جوله ايه رائيها بقااا
نور من الفرحه حضنت غسان وبسبب فرق الطرل كانت وقفه علي طراطيف صوابعها وباست رقبته :علي فكرة بقااا انت اجنل واحن زوج في الدنيا دي كلها كفايا انك منستش حاجه كنت عوزاها وانا كمان عمله ليك مفجأه
غسان بادلها الحضن ببتسامه :اوباااا ايه اليوم اللي هيبقي كله مفاجأت دا المهم يلا البسي بسرعه علي ما اتصل بقاسم يخلي باله من عاصي وامك هنا تخلي حبيبه معاها
نور بسرعه :ماشي ماشي ودخلت اوضه الهدوم ووفقت والابتسامه علي وشها فتحت الدولاب طلعت منه علبه حمرا وفتحتها وحطيتها علي جنب وطلعت فستان اسود بكمام ومنفوش ولبست عليه طرحه بيج وجزمه بيج وميكب بسيط وجميل ومسكت العلبه وشنطه بيج وطلعت لغسان برا اللي انصدم من جمالها
غسان وقف وبص ليها ولجمالها وجمال ابتسامتها مسك ايدها وباسها :انا فعلا مش حاسس بنعمه اللي ربنا عطيها ليا ربنازيخليكي ليا
نور بحب :ويخليك ليا يا حبيبي يارب ومسكت العلبه وفتحتها وطلعت السلسه اللي عليها اسم غسان هااا ايه رأيك فيها
غسان بفرحه مسك السلسله :واووو ايه الجمال دا انتي اللي جيباها
نور هزت راسها ببتسامه وغسان قرب منها وباسعا بحب ومسك السلسله ولبسها ليها وهي باستها
غسان قرب من ودنها :يلا ننزل بقااا ومسك ايدها ونزل ركبو العربيه ومشو
عاصي من البلكونه :ااااااه دا امي وابويا الله هما لبسين كدا وريحين فين ... الله اومال مخدناش ليه ..ياسوووسوو
سكينه :نعم يا عاصي تعالي يا حبيبي في ايه
عاصي :هي بنتك خدت ابويا وراحو فين وسبونا ااااه يارتني طلعت معاها كنت عرفت التخطيطات اللي بتحصل دي بس
سكينه :زمانهم جاين روح العب مع زهره هي صحت روح شوفها يلا
عاصي بلهفه :صحت طيب انا رايح ليها وجري عليها
***************
في شقه عمر ونورهان
العمال بيحطو العفش في البيت وبيظبطو
نورهان :طيب الصالون الدهبي دا هاته في الصاله لكن التاني خليه في الركنه
العامل :طيب يا مدام احنا مش عرفين السرير يتحط ازاي
نورهان راحت علي الاوضه :طيب بص يا معلم حط السرير تحت الشباك علطول والدولاب يكون ومواجهة ليه والسراحه خليها في الجنب الشمال لسرير علشان هي فيها اضائه ولو اتحطت في المور الإضائه هيكون ملهاش لازمه
العالم :خلاص تمام
الكل كان مشغول جدا بشغله ومحمد وعمر اللي بيحاسبو في العمال ومحمد الناس بترتب في الشقه بتاعته
ويمني وولدتها مشغولين في مجايب جهزها
يمني :يماما متحوليش انا مش هجيب قمصان زفت
دنيا :اللي هو ازاي هتعدي لجوزك ازاي مش فهمه
يمني :هعد بالجامه لكن مش جايبه الحجات اللي ولا بتستر ولا تعر دي
دنيا :طيب هاتي واحد بس لليله الاولي وخلاص
يمني :لاء مش جايبه ولا واحد ولا اتنين خلاص بقااا
دنيا بغضب :انتي حره بس لما جوزك يشكي منك مليش علاقه
يمني :لما يبقي بقااا
****************
غسان نزل قدام كافيه من افهم كافيهات القاهره ونزلو
نور بنبهار :واو المكان فوق الخيال بس دا غالي اووي
غسان مسك ايدها :مفيش حاجه تغلي علي عيوني ودخلو الكافيه واول ما دخلو الكل سقف
نور بهمس :غسان هما بيسقفو ليه
غسان بهمس :تقريبا مفكرين اننا عرسان في حفلة الخطوبه
غسان شكرهم واخد نور وقعدو علي تربيزة خاصه بيهم وكل العيون عليهم
نور :غسان هما مركزين علينا اووي كدا ليه
غسان ببتسامه :انا عوزك تنسي وتسيبي الدنيا دي كلها وراكي الساعتين دول وتركزي معايا وبس ممكن
نور ببتسامه :ممكن
غسان :احنا نطلب قهوه كدا نفوق واطلب ليكي ايه
نور :بصراحه يا غسان انا نفسي اجرب الشيشه اووي
غسان بصرامه :لاء يا حبيبتي انتي شكلك عوزاها ليله سودا شكل الفستان بتاعك النهارده شيشه ايه يا نور اللي تجربيها شكلي مش باين قدامك
نور بضحك :اهدي خلاص كنت بهزر خلاص ياعم هات ليا ملك تشيك وخلاص
غسان طلب الجرسون وطلب المشروبات
نور :غسان عارف انا عمري ما فكرت ان في يوم من الايام هحب حد الحب اللي بحبه ليك دا
غسان ببتسامه :في يوم جدي الله يرحمه قالي هيجي يوم من كتر الحب هتحس انك مش في الحياه وقتها صحكت عليه اووي وقولتله وقتها هكون متخلف عقليا وحاليا انا مش راضي اتكلم في الموضوع علشان محدش يقولي دلوقتي متخلف عقليا شوفتي المعناه اللي جوزك فيها
نور اتفتحت في الضحك :دي الخروجه الرومانسيه اللي انت مخرجها ليا حقيقي برسفور اهنيك
غسان :اعمل ايه مليش في جو الرومانسيه دا انا طول عمري عايش بين العساكر والظباط وفجأة طهرت نور نورت الحياه كلها ومن وقتها وانا بتعلم يعني ايه عاشق ولهان
نور بضحك :وانا صغيره كنت بقول علي كلمة ولهان دي عشاق ولعان
غسان ضحك عليها :عادي انا كنت مفكر ان البقره بتتجوز الجموسه لحد 6 ابتدائي
نور بضحك :منين يودي لفين دا
غسان قام من مكانه ونور استغربت ومد ايده ليها :قومي تعالي هوريكي مكان حلو
نور :والمشروبات
غسان :تعالي بس هنرجع تاني
نور قامت وغسان اخدها في مكان في الكافيه في الدور الاخير للكافيه كان الهوا مالي المكان وشكل البحر قدامها والزرع والمكان تحفه
نور بتوهان :واو فعلا المكان جميل اوووي ومريح نفسيا كدا
غسان :يلا روحي اقفي علشان اصورك
نور وقفت وهو صورها واتصورو كتير وكانو فرحانين اووي
نور حضنت غسان والهوا بيهز شغر غسان:انا فرحانه اووووي
غسان :فرحتك دي بالدنيا عندي
وقعدو علي النجيله وطلبو الاكل وجالهم مكانهم وقعدو في جو رائع وجميل
**********************
في شقة نسمه
قاسم شايل زهره وهي ساكته معاه خالص
نسمه بغضب طفولي :علي فكره انا اللي ولدتها
قاسم :ايواا ما انا عارف عوزه ايه
نسمه :وهي بنتي وانا حاسه ان هي عوزاني هاتها بقااا
قاسم :انا هستلها شويه وبعدين خديها خااالص ياستي
نسمه :لاء هات دلوقتي
قاسم :خدي بس مش عاوز اسمعك تقوليلي اشتالها والجرس رن
قاسم فتح
عاصي بغضب :انت ازاي تاخد زهره وتطلع كدا
قاسم بضحك :طيب كنت عاوزني اعمل ايه ياعم عاصي
عاصي :انت كنت لسه هعترف ليها بحبي وانت اخدتها وانا كنت بسرح
قاسم :بس انا ميتحيل اناسب ابوك علشان كدا انت مرفوض
عاصي :انا مش ابن ابويا هو ابويا بس مدا هتوافق
قاسم ضحك اوي اشتاله ودخل جوا
*************
في قوضة كبيره يوجد الا لمبه صغيره تضيئ المكان
كانت ياسمين متربطه في الكرسي
ياسمين بعياط :ادهم علشان خاطري طلعني من هنا علشان خاطري انا خايفه اووي
ادهم وهو وافق قدامها بطوله وصرامته فتح النور :عوزه تهربي مني مش عوزاني ولا عوزه تتجوزيني
ياسمين بخوف من هدؤه :ايوااا
ادهم رفع سلا'حه في وشها :يبقي ننتهي سوا يا ياسمين ولا ليا ولا لغيري واطلق الرصاصه
حين تقع في الحب 3
البارت الثالث والعشرون
الكاتبه /ندي علي حبيب
في حدود الساعه 4 الفجر قامت نور وبصت علي غسان بحب وابتسامه
غسان وهو مغمض :صاحيه ليه دلوقتي
نور بخجل :هاخد شاور علشان الصبح مبحبش شعري مبلول ومبحبش وحبيبه بتخاف من صوت الاستشوار
غسان بخبث :اااه قولتي مبتحبيش تنزلي وشهرك مباول ولا بتتكسفي تنزلي
نور بخجل :ماعلينا انا هقوم اخد شاور هلي بالك علي حبيبه لتصحي في اي وقت ولمحت قميص غسان في الارض لبسته وجرت علي الحمام تحت نظارات غسان المتفحصه
وبعد ما طلعت غسان دخل اخد شاور ونامو في احضان بعض براحه
في الصباح في منزل غسان الالفي
نور صحيت بكسل لقت حبيبه بتعيط قامت بسرعه و اخدتها من سريرها واشتالتها بس حبيبه بتعيط وبتشد هدوم نور
نور :روحي انتي جعانه حبيب ماما جعان انتي عوزه تكلي تعالي واخدتها وراحت قعدت علي الكنبه وبدأت ترضعهاا
غسان صحي علي رنة المنبه بص جنبه ملقاش نور اتدور لقاها بترضع حبيبه
نور ببتسامه خجوله :صباح الخير
غسان بستغراب من خجلها :صباح النور وقام فتح فونه وفضل يقلب فيه
نور خلصت رضاعه لحبيبه :روحي لبابا شويه علي ما ماما تعمل اصحي عاصي والبس وننزل نفطر واديتها لغسان
حبيبه لما شافت غسان ضحكت :به به
غسان ببتسامه بحب حضنها والغريب ان حبيبه احتوائها ممزوج بحنان :روح بابا وعقل بابا وعيون بابا وفصل يلاعبها ويضحك ليها ويزغزغها في بطنها وهي تضحك بصوت
نور دخلت قوضة عاصي
نور فتحت الستاير :استاذ عاصي قوم مش لازم موال كل يوم يتعاد
عاصي بنوم :انا صاحي بس اقفلي النور
نور :علي فكره بابا لسه برا مرحش الشغل قوم يلا علشان نفطر
عاصي بنوم :انا... انا فطرت امبارح
نور قعد علي السرير :يلا يا عاصي قوم
عاصي :لاحول الله ايه العيله اللي بتضايق لما انام دي
غسان دخل عليهم وهو شايل حبيبه :في ايه
نور راحت تاخد حبيبه :هات حبيبه وصحيه مش راضي يصحي معاه وايجت تاخد حبيبه عيطت جامد وماسكة في غسان
نور بغيظ :ماشي يا واطيه دلوقتي يمشي ويسبيك
غسان ببتسامه :روحي بس البسي خلينا ننزل نفطر وسيبيها معايا عااااصي قوم يلاااا اخلص
عاصي قام بسرعه من علي السرير :انا صاحي والله بس نايم كدا وخلاص
غسان :انا هطلع برا لو مجتش ورايا انت عارف هجيبك ازاي
عاصي بغيظ:حاضر وقام طلع هدوم ورزع الدولاب بقوه
غسان من برا بصوت عالي :في ايه ياحيوان اجيبك ارزعك قلمين دلوقتي
عاصي ابتسم بفخر وهمس :اهم حاجه انه اضايق ودخل يغير هدوم النوم
نور في قوضة نومها بتلبس قميص بيتي زي عاديتها وحطت الطرحه عليها وطلعت
نور :لسه عاصي مصحاش
غسان بص ليها من فوق لتحت وحبيبه نايمه علي كتفه وهو بيمشي ايده علي ضهرها بيمشي بيها في الصاله :ادخلي البسي الطرحة زي الناس
نور :يا غسان الجو حر تحت وخصوصا ان انا هكون في المطبخ لوحدي النهارده وانا بمووت من الحر سيبها بس كدا واول ما لاقي حد هعدلها علي شعري والله
غسان :خلصتي يلا ادخلي اعدلي الطرحة وخبي شعرك دا ومش عايز اشوفه تحت خالص وانا مبحبش قصص حرانه ومش حرانه انا قولت كلمة تبقي تتعمل وانسي فكرة انك تنزلي تحت حتي لو قدام ابويا بشعرك والا اقسم بالله العظيم اقصة ليكي
نور دخلت بسرعه وبغيظ عدلت الطرحه وعاصي طلع وحبيبه شبطه في غسان مش راضيه تروح لحد ونزلو علي تحت
*****************
كانت نورهان ايجت من بيتها الجديد هي وعمر وفرحه الاكل اتجمع وقعدو في الصالون وسكينه مع نسمه في شقتها ونورهان ونور بيجهزو فطار
محمد :يجدعااان انا شقتي خلصت
كلهم بصو ليه ومحدش رد
محمد بغيظ:يارجاااله بقولكم شقتي خلصت خلاص
عمر بص ليه بغيظ :مبروك نعمل ايه داوقتي برضو
محمد :ولاااا اسكت انت متتكلمش ياحج انا خلصت الشقه وكل التجهيزات عايز اتجوز بقااا
منير :بإذن الله نحدد كتب الكتاب والدخله مع بعض خد معاد من نسايبك انت
محمد بفرحه قام باس دماغه:شوفت العقل والدين بقااا
غسان اللي حبيبه مكلبشه فيه :الشقه خلصت خالص ولا لسه حاجه
محمد :تؤ كله خلص التكيف الراجل بس هيجي هيركبه النهارده المغرب وخلاص كدا نيجي يمني ترتب حاجتها بقاا
*************
في المطبخ
نور بتقطع السلطه ونورهان وقفت جنبها نورهان ركزت في ايد نور علشان نور كانت مشمره كمام القميص
نورهان نزلت كمامها بضحك :نزلي يا ماما كمامك هتفضحي نفسك
نور بستغراب :ليه في ايه
نورهان :انتي مش داريه بحاجه ورفعت اكمامها نور لقت علامة بنفسجي علي ايدها افتكرت ليلتها مع غسان واتكسفت اووي
نور بص لنورهان بخجل :بتحصل صح !
نورهان اخدت الطبق بتاع السلطه وطلعت حطيته علي السفره
نور بكسوف :طب اعمل ايه في المصيبه دي لو حد اخد باله شكلي هيبقي زفت واخدت باقي الاكل وطلعته
نفين :يلا يا رجاله الفطار جاهز الاكل قام قعد مكانو وبدؤ يفطرو
عاصي :ماما عاوز لبن وسندوتش مربي
نور مسكة كمام القميص وخايفه تبان ودا لاحظه غسان
غسان بستغراب :مسكه كمام القميص ليه سبيه علشان تعرفي تكلي يا حببتي
نور بصت ليه وبرقت انه يفهم :عادي انا باكل اهو
غسان استغرب هي برقت ليه بس كمل اكل
نور :هي ماما فين
قاسم :فوق مع نسمه مش عوزه تسيبها لوحدها
وبعد الاكل الشباب سربو الشاي والبنات شالو السفره
غسان :نور تعالي عايزك
نور راحت وهو اخدها علي جنب :في ايه وكنتي بتبرقي ليه مش فاهم
نور كشفت ايدها ووريته العلامه ابتسم هو :ايوااا بتخبيها ليه
نور بغيظ:هو ايه اللي ليه يا غسان حاجه زي كدا عيب تبان
غسان بهمس:عيب لما تكون من حد غريب لكن انا جوزك وانتي مراتي .....المهم خدي حبيبه علشان اتاخرت
نور ايجة تاخد حبيبه متعلقه في رقبة غسان
غسان :ياعمري والله حقك عليا بس لازم اروح الشغل ولما اجي هشيلك وادبها لنور بالعافيه وهي صرخت وراه وهو مشي زعلان اووي انه سابها ونور بتحاول تهدي فيهااا
نفين :حبيبه مالها يا نور بتعيط ليه
نور :بتعيط علشان اخدتها من غسان هرضعها واكيد هتنسي
*****************
في مركز المخابرات في القاهره
غسان قاعد في مكتبه وقدامه اوراق كتير وملفات مركز فيها مسك ملف من حوالي 9 سنين وفتحه لقي استوانه مسك الاب توب وحط الاستوانه اشتغلت وصورة ياسمين ظهرت لسه غسان هيكمل دخل اللواء امجد
غسان قفل الاب وقام ببتسامه :اللواء امجد بنفسه هنا وانا اللي بقول المركز منور ليه
امجد ببتسامه :نقول يا حضرت المقدم بقااا الف مليون مبروك تصدق بالله انا لما وزير الدفاع كلمني عليك كنت حاسس بفرحه محدش قدر يفرحه لحد النهارده يا غسان
غسان :حبيبي والله يا حضرة اللواء شاي ولا قهوه
امجد :قهوه
غسان مسك الفون :اتنين قهوه يابني
امجد :ها المهم هتعمل ايه الحفله هتكون كبيره اووي ووزير الدفاع متحمس يشوف غسان الالفي
غسان :تعرف ان معرفتش حد لسه عملها مفاجأة للعيله يوميها
امجد :هتكون احلي مفاجأة بإذن الله انا عطلتك عن حاجه ولا ايه
غسان :لاء دا انا كنت بشوف قضيه من 9 سنين ولسه موجوده استغربت بس مش مهم اشوفها في اي وقت
فضلو يتكلمو كتير عن الشغل
**************
في شقة نسمه
نسمه نور ونورهان وسوسو بحولو يمشوها
نسمه بتعب :مش قادره خلاص مش همشي
نور :يا حببتي لازم تمشي تاني يوم علشان رجلك عرفه انها صعبه بس علي الاقل شويه
سكينه ماشيه تهز في زهره علشان تنيمها
نورهان :خلاص كدا هي مشت وقدرت تصلب طولها ودا المطلوب سبيها تنام شويه
نيمو نسمه علي السرير وهي حسه بتعب جامد
عاصي ايجة جري عند نور :ماما ماما ماما
نور :اهدي اهدي في ايه
عاصي :حبيبه صحت وبتعيط ومش راضيه تسكت خالص
نور :انا مش عرفه اعمل ايه في موضوع تعلقها في غسان دا بتصحي نعيط عليه وتنام معاه
نورهان بمشاكسه :قولي غيراااانه
نور :بس يابت اسكتي ونزلت علي تحت
نفين بتعب :مش قادره ليها ومش راضيه تسكت خديها سكتيها يا بنتي
نور اخدتها :تعالي نكلم بابا يلا واخدتها وقعدو في الصالون ورنت علي غسان
غسان :الووو ايوا يا حبيبي
نور :ايواا ياروحي
حبيبه سكتت لما سمعت صوت غسان :به به
غسان بلهفه :هي حبيبه بتعيط لسه
نور :مموته نفسها من العياط ومش راضيه تسكت
غسان :روح بابا وعقله انا خلاص كلها شويه وراجع
نور بتعب :تعالي يا غسان فعلا مش قادره عليها
غسان :طيب نيميها شويه
نور :نيمتها ونزلت لقيتها مموته نفسها عياط
غسان: خلاص يا روحي كلها ساعه وراجع اصلا
نور :ترجع بسلامه يا حبيبي
غسان :محتاجه حاجه وانا راجع
نور :لاء يا روحي ارجع بسلامه وقفلت وبصت لحبيبه هديتي يا ختي كلمتي جوزي وارتحتي بت شيلي جوزي من دماغك يابت انتي وفضلت تزغزغ فيها وحبيبه تضحك
************
الساعه 7 المغرب الشباب رجعو من الشغل كل واحد طلع علي بيته وعمر اخد مراته وبنته وراح بيته ومحمد دخل يعد مع نفين ومنير وقاسم طلع لنسمه
وحبيبه اللي متعلقه في رقابة غسان وغسان بيبوس فيها
غسان :حببت قلبي انتي روح ابوكي
نور قاعده بتقشر فون سوداني لعاصي بتعب واضح
نفين :خدي ولادك واطلعي شقتك يا نور انتي شكلك تعبان خالص يا بنتي
نور :حاضر يا ماما
غسان شال حبيبه :يلا تصبحو علي خير يا جماعه
الكل :وانت من اهله
واخد نور والولاد وطلع بيته
نور :عاصي يلا يا روحي غير هدومك والبس لبس البيت وتعالي
عاصي :حاضر يا ماما
الباب خبط
غسان فتح لقي اسر :ادخلي يا حبيبي
اسر :هنام هنا علشان مش عارف انام من صوت زهره
نور باسته :نام ياروحي يلا ادخل انت كمان البس هدوم من اللي ليك جوا وتعالي انت وعاصي دخلو الولاد
نور بصت لحبيبه بغيظ :وانتي يا دكتوره هتفضلي متشعلقه كدا كتير مش هتيجي تغيري هدومك
حبيبه اتشعلقت في غسان اكتر ودا خلي غسان ميت من الضحك
غسان بضحك وحضن نور :روحي انتي غيرانه منها
نور بغيظ وغيره :ايوااا متشعلقه فيك زياده وانا بغير اووي
غسان ضحك وباس راسها :ياااه يا نور لو تعمليلي كوباية شاي
نور باست خده :من عيوني يلا ادخل غير هدومك انت وحبيبه علي ما اعمل شاي لينا كلنا وسندوتشات ونسهر علي التلفزيون بدام بكرا الجمعه
غسان :علي اخرة الزمن اغير لحبيبه يلا كله محصل بعضه ودخل الاوضه ونور ضحكت ودخلت تعمل اكل
وبعد وقت كلهم قعدو قدام التلفزيون ونور دخلت غيرت لبجامه صفرا وبنطلون عليه ورد اسود وطلعت
نور :هااا فكرتو هتجيبو فلم ايه
عاصي بغيظ:انا عاوز رعب واسر عاوز اكشن وبابا عاوز فلم كينج كونج واحنا حفظناه ومفيش حد موافق علي التاني
غسان :بس يلااا اسكت كدا انتي عوزه ايه يا نور
نور بضحك :انا عوزه رومانسي
غسان غمز ليها :هنا برضو
نور :احمم احمم المهم رعب لاء واكشن لاء يبقي وكنج كونج لاء انا عوزه فليم سندريلا يبقي نعمل قرعه واللي يكسب هنسمع الفلم اللي اختاره
عملو قرعه وغسان اللي كسب اتغاظو كلهم وقعدو قدام الفلم وحبيبه في ربع الفيلم نامت وماسكه في غسان وقعدو في جو جميل وامان
*************
في القصر عن ادهم
ياسمين مغمضه عينها علشان متشوفش الطلقه وهي طلعه تموتها بس اتصدمت ان مفيش حاجه قربت منها فتحت عينها لقت ادهم سايح في دمه اترعبت
ادهم بتعب :لو انا مش مهم عندك ومليش اي لازمه ولا عوزاني امشي قدامك الفرصه انك تهربي يا ياسمين
ياسمين قامت بسرعه وطلعت جري علي برا
بعد وقت
ادهم اصحي لقي نفسه في سريره في الجناح الخاص بيه والغرفه فاضيه لقي الباب اتفتح واتصدم من اللي واقف
ادهم بصدمه :......
حين تقع في الحب 3
البارت الرابع والعشرون
الكاتبه /ندي علي حبيب
ادهم بصدمه :ياسمين
ياسمين بتوتر :انا ... انا مقدرتش اشوفك بتموت واسيبك مع ان اللي عملته فيا كان يستاهل ان اموتك بيدي بس دا ولا طبعي ولا تفكيري
ادهم وهو لسه في صدمته :انتي جيتي هنا تاني برجلك ليه يا ياسمين
ياسمين بدموع :تقدر تقول ان مليش مكان غير هنا مليش حد اروح ليه تقدر تقول اتعودت علي كل حاجه انت بتعمله رغم انها بضايقني
ادهم :قربي
ياسمين قربت والدموع ماليه وشها
ادهم اخدها في حضنه بقوة وبحب وبشتياق :وطول ما انتي هنا وانا هحميكي بروحي ولا عمري هقصر معاكي في اي حاجه
ياسمين :ولا حتي هتزعلني
ادهم باس راسها :اللي بيحب مبيزعلش حبيبه يا ياسمين بس عندي سؤال
ياسمين بستغراب :سؤال ايه
ادهم :تقبلي تتجوزيني
ياسمين بدموع حضنته :اقبل
**************
في منزل انتصار
سلوي كانت قعده في قوضتها
سلوي بتفكير :هو قالي روحي وانا هاجي افض الموضوع دا طب مجاش ليه طيب افهم كدا ايه ياربي همووت من التفكير
(الجرس رن )
سلوي بغيظ :طيب دا وقته بالله وقامت لبست شبشب وطلعت فتحت
سلوي بصدمه :احمد
احمد ببتسامه :ايه مش هدخل ولا ايه الحكايه
سلوي بعدم صدق :انت مش احمد مش بعيد تكون عم سعد بتاع السوبر ماركت وانا من كتر التفكير شوفتك احمد ماهو مش معقول هيكون جي يطلقني وفي ايده علبة شوكلاته
احمد بغيظ :بتشوفيني في عمك سعد بتاع السوبر ماركت يا سلوي يا خسارة علبة الشوكولاته والله
سلوي بستوعاب :يعني انت احمد بجد
احمد بصوت عالي :يحماااااتي شيلي بنتك عني الساعه دي
انتصار جت علي صوت احمد :اتفضل يابني نورتنا ادخل
احمد دخل وقعد في الصالون انتصار لسه هتقوم علشان تقدم الضيافه احمد مسكها
احمد :بصي انا مش غريب علشان الرسميات دي انا جي اعتذر علي المده اللي سبت سلوي فيها هنا وجي ارجعها بيتها
سلوي مش مصدقه اللي هي بتسمعه وفتحه بؤها
انتصار بحب :عارف انت ابن حلال والا واحد غيرك ومراته عملت عملة بنتي دي كان قتلها ولا عرفنا عنها حاجه
احمد :خلاص يام عمر نقفل الصفحات السودا دي
انتصار بحزم :قومي يا ساوي جهزي حجاتك علشان ترجعي مع جوزك
سلوي بفرحه :حمامه ودخلت علي قوضتها بفرحه شديده واحمد وانتصار ضحكو عليها واناصار فضلت تعتذر من احمد
*****************
في غرفة محمد
محمد كان بيكلم يمني فديو
محمد :بس انتي مضايقه ليه برضو النهارده
يمني بغيظ :انا مش مضايقه انا بس تعبانه
محمد :طيب ايه سبب تعبك دا في ايه
يمني بغضب :يعني انت كلمت بابا حددتو معاد الفرح ولا حتي جيت وقولت ليا واتفاجئ ب بابا بيقولي الفرح الخميس الجي دا زاي دا
محمد بغيظ:وهو انا مش اتكلمت معاكي وقولت انا خلصت الشقه وانتي قولتي وانا كمان خلصت جهازي وقولتلك بدام خلصنا يبقي نستنا ايه
يمني بغيظ:برضو دا مش مبرر انك تروح تكلم بابا من غير ما تقول ليا
محمد بغضب :يمني انا مش ناقص اقسم بالله هو ايه اللي اقولك هو انتي مش عرفه اننا هنتزفت علي عينا ونتجوز
يمني :انت بتزعق ليا ليه دلوقتي
محمد بغضب :علشان كلامك يعصب ويحرق الدم
قاسم من البلكونه :وطي صوتك يا ميدو وصل لاخر الشارع
محمد بغضب :اسكت يلا انت
يمني :فرجت علينا الدنيا اهم حاجه تكون مرتاح
محمد بغضب :يمني اظبطي ايه مرتاح دي انتي كمان
يمني سكتت
محمد :بصي علشان خطري متقوحيش معايا لما نكون بنتخانق علشان انا اكره ما عندي ان حد يقاوح معايا
يمني :اومال ابقي اعمل ايه لما الاقيك بتزعق فيا
محمد :سيبيني اهدي وبعدها هسكت
وفضلو يتكلمو لحد ما نامو علي نفسهم
*****************
في شقة نورهان
عمر وهو في الحمام بيتشطف وقافل الستاره :بس يا ستي والحيوانه سلوي ولا اتكلمت ولا قالت انهم متخانقين من بعض
نورهان وهي وقفه قدام الباب بتاكل شبسي وفرحه قعده في العجله بتاعتها :بس سلوي يمكن خافت تقولك او يمكن هما مكنوش زعلانين اصلا
عمر :لالا كانو متخانقين كنت كل ما اتصل باحمد الاقيه يكنسل مفكر ان انا عارف
نورهان :عمر ما علينا بالقصص دي كلها المهم انا عوزه اكل اكله بس مش عرفه هي ايه
عمر لف الفوطه حولين وسطه وطلع :طب ما تكلي اللي انتي عوزاه
نورهان :عاوز اكل اندومي وعليه جبنة رومي ايه رايك
عمر بستغراب:اكل الصين بتاعك دا روحي كلي لوحدك وانا عوزه اكل اكل بيتي طبيعي انا عرفه
نورهان قربت من عمر بتهديد :هتاكل معايا الاكل اللي انا هاكله يا عمر
عمر :وماله الاندومي حلو ودخل علي الاوضه
نورهان بصت علي فرحه :وانتي يا دبدوب هتكلي ايه هتكلي معانا اندومي هااا وفضلت تزغزغها وفرحه تضحك
عمر بصوت عالي :ان كنتي هتعملي اكل اخلصي الساعه 12 وعاوز انام
نورهان بصوت عالي :علي فكره بكرا الحمعه وهنسهر
عمر :طب اخلصي وحسبي احسن توقعي الميه علي فرحه زي المره اللي فاتت
نورهان دخلت الاوضه ليه كان بلبس:انت مش زي كل الازواج ليه المفروض توديني مصيف انشالله توديني جمصه حتي
عمر بستفزاز :ماهو لو طلعنا فعلا هنروح جمصه
نورهان :ايه دا بجد استني لما اقول لنور واعرف العيله يجو معانا
عمر :يخرااابي علي دي بنت تعالي يا ماما مصيف ايه اللي هنروحه واختك لسه ولده وفرح محمد الخميس الجاي اعقلي يا نورهان
نورهان بتفكير :ايوااا يا عيني نسمه لسه ولده ودخلت علي المطبخ
***************
عند نور وغسان
نور بصت علي غسان لقيته غرقان في النوم وحبيبه نايمه علي صدره وعاصي واسر نايمين
نور راحت اخدت حبيبه غسان صحي
غسان :في ايه
نور :متقلقش هنيمها في سريرها بس انت انقل عاصي واسر
غسان قام وعدل عضلات رقابته وكتفه وشال اسر براحه نيمه في سريره وغطاه وهكذا عاصي وراح علي اوضة النوم لقي نور طالعه من الحمام
غسان قرب منها حضنها :روحيييييي اللي وحشااااني
نور باست خده :انت كمان وحشني اوووي
غسان غمز ليها :طب ايه هتيجي
نور بضحك :روح نام يا روحي مينفعش
غسان كشر :اوعي تقولي اللي بالي بالك
نور راحت نامت علي السرير :بالظبط
غسان :اللهم ما اني لا اسألك رد القضاء ولكن اسألك الطف فيه وراح نام جنبها
غسان وهو بيحضنها:يعني الا ما احضنك الامر يحلو شويه
نور بوجع :غسان ارجع شويه ورا ضهري وجعني اوووي
غسان بعد شويه :كدا كويس
نور يتذمر :ايواااا
غسان بحيره :نور انتي لما بتصحي ضهرك وجعك ومصدعه وجسمك وجعك ايه شعورك
نور بضحك :بغمض عيني واقول يارب اكون بسنن
غسان ضحك عليها وشدها لحضنه ونام
******************
في منزل سلوي واحمد
سلوي كانت وقفه في الحمام متوتره ومش عرفه السبب
سلوي بتوتر :عو في ايه انا متجوزاه مش اول مره يعني علشان اخاف واتوتر كدا
احمد خبط علي الباب :سلوي انتي مطوله جوا انا عايز انام
سلوي بعفاويه :ماتنام
احمد بضحك :اطلعي يا حببتي ادخل اغسل وشي الاول
سلوي فتحت الباب واحمد اتصدم من شكلهااااا كانت لبسه قميص نوم ابيض والروب بتاعه
احمد بتوهان :اوبااااا شكلنا هنعيد من جديد
سلوي بخوف :هتعيد ايه من جديد
احمد مسك ايدها وباسها برقه :كل حاجه
سلوي بتوتر :ايوااا زي ايه
احمد شد ايدها وقعدها علي السرير وحط شعرها ورا ودنها :انتي خايفه ومتوتره ليه لو انتي مش حبه عادي خلينا ننام الاهم راحتك
سلوي بكسوف :مش حكاية كدا حكاية ان انا .. يعني ...
احمد بهمس :بس انا مش عاوز اسمع اهدي خالص وانا معاكي اهو واخدها واحده واحده حتي تغلب علي خوفها وتوترها
******************
في الصبح بدري حوالي 8 الصبح
نور صحيت علي وجع بطنها الشديد دخلت الحمام وطلعت لكن الوجع زي ما هو حاولت تقوم تعمل حاجه ليها بس مقدرتش من الوجع صوتت
غسان بقلق قام عليها جري :نوووور بت في ايه مالك وشالها حطها علي السرير
نور بعياط :بطني بتوجعني اوووي يا غسان مش قادره
غسان اهدها في حضنه :بس يا حبيبي اهدي وانا هعمل ليكي حاجه تريح بطنك بس ارتاحي انتي
نور بعياط :انا عوزه نعناع بسرعه
غسان راح علي المطبخ وعمل النعناع وفضل لحد ماغلي وراح ليها
غسان حط النعناع علي الطربيزه اللي في الغرفه وراح ليها :نورر حبيبي قومي يلا علشان تشربي النعناع
نور قامت ومسكت الكوبايه وفضلت تشرب فيهااا بتعب جامد :الساعه كام علشان ننزل
غسان :لاء ارتاحي النهارده مش نزلين
نور :لاء يا غسان مين هيساعد ماما ونورهان لازم انزل
غسان بحزم :وتمشي تتوجعي تحت يقوليلي مراتك مالها اقولهم معلش يا جماعه مراتي عندهاا **** علشان كدا مش قادره تمشي يولع الشغل وتولع كل حاجه نامي وارتاحي وبليل ننزل نعد شويه
نور ريحت ضهرها علي السرير :طيب وطي صوتك علشان حبيبه لو صحت مفيش فيا حيل امشي بيها خطوه
غسان :ادخلي نامي شويه علي ما اشوف كام قضيه علي الاب
نور هزت راسها واتعدلت ونامت وغسان مسك الاب توب بتاعه وفتحه واتصدم من المتظر اللي شايفه
غسان بغضب :......
تفتكرو ايه اللي غسان شافو خلي عصبيته كدا ؟؟
حين تقع في الحب 3
البارت الخامس والعشرون
الكاتبه /ندي علي حبيب
غسان بغضب :نوررر مين اللي لعب في الاب دا
نور اتعدلت بالم :مش عرفه بس محدش حيه حنبه خالص
غسان بغضب:ازااي الملف اللي عليه ممسوح في حد لعب فيه
نور بتعب :غسان انا اللي فيا مكفيني والله بطني وضهري مش حاسه بيهم هتسبني انام شويه ولا هتعمل ايه
غسان بحزم :اتخمدي يا نور اتخمدي
نور اتعدلت علي السرير تاني :يلا مش عايز حاجه
غسان بص ليها بغيظ :نمي من غير دوشه بقااا علشان اعرف اتنيل ارجع الملف تاني ولسه هيشتغل حبيبه عيطت
غسان بص لسقف :حرام اللي بيجري ليا دا اقسم بالله انا اقدم استقالتي واجي اربي العيال بأمهم احسن من كدا وقام اخد حبيبه
غسان باسها وحضنها :روح بابت اللي رحيتها شبه الفل دي وبيبوس فيها نور عيوني اللي جعانه دي وبتاكل في صوباعها
غسان :كان علي عيني والله يابنتي وانا ارضعك ودخل المطبخ تحت ضحكات نور وعمل الرضعه ليها وقعد وفضل يشربها وبعد ما خلصت قعدت علي رجله
غسان :ايوا يعني ايه مش نايمه تاني يعني
حبيبه بصت ليه وضحكت
غسان قعدها علي رجله وحط الاب علي رجلها وفضل يحاول يرجع الملف تاني بس اللي شغله اكتر ان ازاي اتسحب ورغم انه مش عارف فيه ايه بس بدام اتسحب يبقي فيه حاجه مهمه جدا
*************
نفين صحيت صليت الصبح ونورهان خبطت عليها
نورهان :صباح الخير يا طنط
نفين :صباح النور يا بنتي
نورهان :عندك بيض عوزه ااكل فرحه ومفيش عندي والسوبر ماركت قافل علشان النهارده الجمعه
نفين :ادخلي يا حببتي التلاجه قدامك اللي انتي عوزاه خديه ومن غير استأذان
دخلت نورهان اخدت اللي يكفيها وطلعت
نفين :بس اسلقي البيض يا نورهان متقليش علشان فرحه لسه الزيوت غلط عليها
نورهان :ماهو انا كنت هسلقه اصلا
نفين :ايواا واسلقيها نص سوي كدا علشان تكون طريه عليها
نورهان :حاضر يا طنط يلا هروح انا ومشيت ونفين قفلت الباب
نفين :طب انا هعد اعمل ايه لوحدي لما ادخل انام انا كمان ودخلت علي اوضتها ونامت
**************
ساعة صلاة الجمعه
غسان لبس العبايه البيضه وسرح شعره ورش برفانه وراح عند نور اللي حبيبه نايمه في حضنها
غسان بهمس :نور نور
نور بنوم :نعم يا غسان
غسان :انا نازل اصلي مش عاوزه حاجه
نور :لاء انا هنام بس متتأخرش علشان خاطري
غسان :حاضر ونزل علي تحت قابل عمر وقاسم ومحمد ومنير
غسان :صباح الخير يشباب وباس راس ابوه
الاكل :صباح النور
غسان :طيب يلا معدش حاجه علي الادان وخدو بعض وراحو علي المسجد صلو وخلصو وطلعو
قاسم :مالك كدا صاحي من بدري ولا ايه
غسان :ايوا صحيت اشتغل شويه واشوف كام استوانه لقضايا قديمه متجدده وملحقتش اهلصها في المركز جبتهم البيت هنا وجيت اشتغل لقيت الملف ممسوح
قاسم بستغراب :ممسوح ازاي حد مسحه ولا ملعوب فيه
غسان :دا اللي مش عارف احدده انا مش عاوز اعمل قلبان علي الافاضي وفي نفس الوقت خايف يكون حد من العيال لعب فيه
محمد :ومسألتش مراتك ليه
غسان :سألت بس قالت لاء محدش جيه جنبو بس انا قولت يمكن خايفه علي عاصي مني او حاجه
محمد :لاء بس انت لازم تعرف يا معلم علشان لو محدش من العيال لعب فيه يبقي مسح الملف متدبر ليه
غسان بغموض:نفس تفكيري دا الملف الوحيد من بين 50 ملف هوراللي اتمسح ودا اللي مخلايني مش عارف اعمل ايه
عمر :الله يخليكم بلاش نقضي الاجازه في الكلام في الشغل عوزين نقضيها مع العيله يلا
غسان :تعالو نعد تحت المخزن في الهوا هنا شويه
جابو كراسي وراحو عند المخزن وحطوها وقعدو
نورهان نور كلمتها وعرفتها انها تعبانه ومش هتقدر تنزل بدات هيا تعمل الفطار للبيت وفرحه بتلعب في العربيه بتاعتهاا
***************
في شقة نسمه
نسمه :يا سوسو معدتش قادره اكل لقمه تانيه اكلت كتير اووي كفايه كدا علشان خطري
سكينه :طيب خدي دي اخر حته
نسمه اكلتها :خلاص كدا معدتي معدتش تستحمل
سكينه راحت حطت الاكل في المطبخ ورجعت لنينهزشالت زهره :يلا يا نسمه يابنتي علشان ترضعيها
نسمه شالت زهره وبدأت ترضعها بحب وابتسامه
نسمه :سوسو البت دي ايجة تخينه لمين
سكينه :خمسه وخميسه في عينك يا نسمه الله اكبر ربنا يحميها
نسمه بذهول :ايه سوسو كل دا هو انا هحسد بنتي
سكينه :بيقولك ما يحسد المال غير صحابه واسكتي خلي بنتك ربنا بقومك بسلامته
نسمه :يارب المهم انا عوزه ادخل الحمام
سكينه شالت زهره نيمتها مكانها وسندت نسمه لحد الحمام
***************
في منزل احمد وسلوي
احمد صحي لقي سلوي نايمه في حضنه ومسكه فيه بقوة ابتسم علي شكلها وايجة يتحرك سلوي صحت
سلوي بخضه :احمد انت رايح فين
احمد :في ايه يا حببتي مخضوضه ليه انا قايم اتشطف واشوف الساعه كام
سلوي ارتاحت ونامت تاني :طيب انا جعانه اوووي
احمد طيب يلا ادخلي خدي شور علي ما اقول ليهم حضرو غدا
سلوي لمحت قميصها في الارض قامت اخدته ولبسته بسرعه من نظرات احمد اللي بتحرقها ودخلت علي الحمام بكسوف
احمد بتوهان :هحبكزلفين ولا ازاي اكتر من كدا يا سلوي وطلع يعرف الخدم يجهزو الاكل
سلوي اخدت شور ولبست البورنص وطلعت وقفت قدام الدريسنج روم تطلع هدوم ليها
احمد دخل عليها وفي ايده صنية اكل
احمد :سولي تعالي كلي الاول يلا
سلوي :حاضر ثواني هبلس بس وجايا خلصت لبس اللي عباره عن شورت وتوب وسابت شعرها وكانت جميله اووي
احمد بخبث :كان فين الحلووه دي من زمان طيب
سلوي بضحك :اصبر علي رزقك بقااا
احمد بمشاكسه :صااابر اهووو واكلو في جو من الرومانسيه والحب
********************
عاصي واسر صحو خبطو علي باب قوضة نور
نور :تعالو ادخلو
عاصي :صباح الخير يا مامي احنا هننزل سمعنا صوت بابا وكلهم هننزل نعد معاهم
نور باست عاصي وباست اسر :تمام بس تحت البيت يلا
عاصي اخد اسر ونزل جري
اسر :ايوااا هنروح فين
عاصي :هنشوف اختك الاول وبعدين ننزل نعد معاهم تحت او نلعب دور كوره
اسر :طيب نعالي يلا
نور حست نفسهت كويسه شويه قامت وحطت مخده جنب حبيبه رتبت الاوضه ووطت التكيف وطلعت وراحت علي اوضة عاصي قفلت التكيف ونصفتها وغسلت المواعين ورتبت الصاله مكانهم ودخلت اخدت شور وطلعت كانت حبيبه صحت
نور :صحي النوم يا روح ماما حبيبي صحي حبيبي شبع نووم بقاااا واخدتها غيرت ليها هدومها ونضفتها ورضعتها
ودخلت المطبخ ملقتش لبن صناعي
نور:علية البن خلصت تؤ وراحت علي الاوضه مسك فونها ورنت علي غسان
غسان :الوو ايواا يا نور
نور :حبيبي عوزه لبن صناعي لحبيبه من الصيدليه
غسان قام بعيد عن الشباب:حاضر انتي عملة ايه دلوقتي بطنك لسه بتوجعك
نور :لاء انا كويسه دلوقتي بس اسمحلي انزل اعد مع العيله شويه واشوف نسمه
غسان :طيب انزلي علشان تفطري وبعدين ابقي اطلعي ارتاحي شويه وقفل
ونور لبست هدومها واخدت فونها ومفاتيح البيت ونزلت علي تحت
والشباب طلعو علشان الفطار قعدو علي السفره كلهم
حبيبه لما شافت غسان عيطت علشان ياخدها
غسان :قلب بابا عوزاني تعالي يا عمري كله
نور دخلت المطبخ تساعد نورهان
نورهان :اعدي يا نور انتي مش قادره تقفي ارتاحي يا حببتي وانا هطلع الاكل وطلعت الاكل علي السفره ونور راحت قعدت علي السفره
غسان :هو عاصي واسر فين منزلوش معاكي ليه يانور
نور :نزلو قبلي راحو عمد نسمه يشوفو زهره
غسان قام وقف علي الباب :عااااصي اسرر
عاصي :ايواا يا بابا نعم
غسان :انزلو علشان الفطار اتحط يلاا
اسر :احنا فطرنا عند نسمه خلاص
غسان :خلاص ماشي بس انزلو علشان متتعبوش نسمه
عاصي بغيظ :هي مش تعبانه هي قالت كدا
نسمه ضحكت عليه من جوا
غسان بصوت عالي :انزل يا حيوان اخلص
سكينه بضحك :سيبه يا غسان متقلقش نسمه مبسوطه بيهم
نور اعدت اكلت اكل بيسيط وغسان غسان اكل وشرب الشاي
نور بتعب :ماما هطلع ابص علي نسمه شويه
نفين :اطلعي باقلبي
نور :اظن لو اتشقلبت حبيبه مش هتيجي ليااا اذن خليها معاك بقاااا وهات الحليب بتاعها
محمد بضحك :يعيني علي الحلو لما تبهدله الايام
غسان بغضب :اخرس يلاااا انت
نور طلعت علي فوق ونورهان ونفين لمو السفره وغسلو المواعين ودخلو ونورهان اخدت فرحه وراحت بيتها ترتاح شويه
*************
في شقة نسمه
نور :نسووووم بت
سكينه طلعت من الاوضه :اسكتي سبيها تنام مصدقت نامت حببتي تعبانه ...... مالك وحشك اصفر ايه كدا
نور بتعب :مفيش متقلقيش تعبانه شويع المهم هنزل ارتاح شويه انا
سكينه :اعدي يابت وقوليلي مالك تعبانه ازاي ومن ايه
نور :يماما متقلقيش تعب طبيعي بس المره دي تعبانه شويه
سكينه بفهم :ااااااه طيب يا حببتي انزلي ارتاحي شويه
نور :فين عاصي واسر
سكينه :جوا بيلعبو في قوضة اسر اهو
نور : طيب عوزه حاجه
سكينه :سلامتك يا قلبي اطلعي انتي
نور طلعت قلعت هدومها ولبست بجامه عباره عن بنطلون اسرد ستان وتوب ابيض كت وسابت شعرها ودخلت عملت شاي وحطت جواه نعناع واخدته وراحت قعدة قدام التلفزيون
حين تقع في الحب 3
البارت السادس والعشرين
الكاتبه /ندي علي حبيب
بعد مرور اسبوع الكل بدء يجهز نفسه لفرح يمني ومحمد ويمني رتبت شقتها وجهزتها ومحمد منفوخ في تجهيز القاعه والسيشن وبيرتب كل حاجه مع مساعدة غسان وقاسم وعمر اللي مش سيبينه لحظه
يمني اتصاحب مع نور والبنات شويه وبيجهزو ومتشوقين للفرح بشده والكل فرحان جدا
************
في منزل منير الالفي
الخيمه منصوبه تحت البيت والطباخ بيرتب حجات الطبخ في المخزن والشباب بيساعدو في ضحك وسعاده تامه
غسان بصوت عالي علشان الراجل بتاع الكراسي يسمع :نزل كل الكراسي ياعم ابراهيم
ابراهيم :انتو طلبين كراسي زياده وهي لسه جايا في العربية التانيه هنزل دول علي ما الباقي يجي
غسان :تسلم يا كبير
الطباخ لمحمد:بقولك يا باشا احنا عوزين صانيه كبيرة علشان نغسل اللحمه
محمد راح لغسان :عوزين صانيه كبيره علشان اللحمه
غسان وقف تحت البوابه :يانور نوررر
نور لسه هتطلع ترد وقفتها جدت غسان
الجده بصرامه :انتي طالعه كدا والرجاله برا حر'يم اخر زمن
نور بصت علي هدومها :مال هدومي يا جده انا لبسه طرحه وعبايه اهو
الجده بصرامه :نسو'ان اخر زمن ناقص يقلعو وبيردو كمان
نور نزلت بغيظ لغسان
نور بغيظ :في ايه عايز ايه
غسان برفع حاجب :مالك مضايقه اووي كدا ليه
نور بغيظ :انا هدومي مش محترمه يا غسان
غسان :يانور من غير اسأله لو جدتي قالت حاجه يا حبيبي قولي حاضر وخلاص معلش طرقه وتعدي
نور ابتسمت :حاضر المهم كنت بتنادي ليه
غسان :عاوز صانيه كبيره بس بسرعه ومش عوزك تنزلي هنا تاني خليكي فوق
نور :حاضر احنا اصلا بنلف محشي فوق علشان ننزلو المهم هطلع اجيب الصانيه وطلعت علي السلم
غسان من تحت ببتسامه :ايه المزه الحلوي دي انتي بتحلوي تحت ليه كدا يابت
نور بإحراج :سااافل وجريت علي فوق وغسان ضحك جابت الصانيه وبدء الطباخ في الشغل
**************
في المخزن
قاسم :محمد انت روح شوف ناقص ايه علشان يتعمل معدش غير النهارده بكرا الفرح
محمد :القاعه والسيشن خلصو والشقة اتقفلت وكل حاجه تمام بكرا الطباخ يأكل الناس واجوز بقاااا
غسان دخل عليهم :عاللللللي الديجي يلاااااااا
الديجي شغل اغنية واتجوز واتجوز غسان وعمر ومحمد وقاسم فضلو يرقصو مع فرحة الكل
غسان لطباخ :بقولك يا ريس الكوارع والفشه والحجات دي اطبخهم علشان هناكلهم احنا هنا بليل
الطباخ :حاضر ياباشا
قاسم :اسمع يا معلم انت وهو انا هاخد السان واي حد هيقرب منه هيزعل
عمر :ايييه يا ابووو زهره متعصب ليييه احنا هناخد احنا الكوارع واشبع بلسان لوحدك
محمد :الكوارع اهم حاجه الشوربه بتاعتها احنا كدا ضمانه العشي
******************
في البيت عند منير الالفي
البنات قعدين في المطبخ بيلفو المحشي والبيت مليان حريم عمات محمد والقرايب
نورهان :نور انا حق الله خايفه من الست اللي برا دي دا انا داخله وحطه الطرحه علي دماغي من غير ما الفها اتخانقت معايا
نور :هش هش اسكتي تسمعك وتيجي تعمل لينا فيلم المهم انا مقعدتش معاكي من زمان انتي عمله ايه مع عمر وايه الحكايه مش ناويه تخاوي فرحه
نورهان :اتنيلي انا قادره لفرحه علشان اجيب وحده كمان
نور :هي مرتين هاتيهم ورا بعض واسكتي وبعدين ايه مش قادره دي متحسسنيش انك عندك 40 سنه كدا
نورهان :سيبيها علي الله انا ولا باخد موانع حمل ولا اي حاجه واللي يجيبو ربنا حلو
الجده بصوت عالي :الحريم اللي في البيت دا سيبين عيالهم كدا ليه محدش فينا قادر يشيلهم
نفين عوزه تتكلم بس بتفضل السكوت
نور طلعت هي ونورهان جري عليهم كل واحده اشتالت بنتها
الجده بصرامه :انتو شغليتكم ايه في البيت لما كل واحده مش عرفه تبم بنتها جنبها احنا العواجيز اللي هنشيلها ليها
نور :خلاص يا جدتي احنا اسفين ونورهان دخلت المطبخ ونور نزلت عند غسان نور شافت عاصي واقف بسن العيال
نور:عاصي عاصي انت يلااا
عاصي :نعم في ايه
نور :خد حبيبه وديها لبابا قوله خليها معاك علشان ماما مش فاضيه وجدتي بتزعق
عاصي اشتال حبيبه ومشي
نور :اوعي تقع منك وطلعت فوق
عاصي :بابا بابا خد حبيبه اصل هتقع
غسان اخدها بسرعه وهي اتعلقت بيه :جبتها ازاي لوحدك وجبتها ليه
عاصي :ماما جابتها بس معرفتش تعدي علشان الرجاله بتقولك خليها معاك علشان الست الجديده اللي فوق بتزعق وهي مش فاضيه
غسان بضحك :شباب الظاهر ان ننتي هتعلم البنات الادب
قاسم بضحك :يحظك يا محمد هتصحي يوم الصباحيه من الفحر
محمد برفع حاجب :انا قتيل في بيتي شهر قال فجر قال
غسان :ميعرفش ان ننتي هتيجي تخبط عليك من اول خيط شمس هيطلع
عمر :ومش هتمشي قبل ما الباب يتكسر او تفتح بحترام
محمد بصدمه :انا علي الفجر دا هكون لسه باكل يا شباب احترمو الخصوصيه شويه مش كدا
الشباب اتفتحو في الضحك وفضلو في جو مرح ومساعدة والسلام علي المعازيم
****************
في بيت يمني
يمني قعده في قوضتها بتتأمل كل حاجه فيها بحزن
يمني :مش قادره اصدق ان اخر يوم ليا هنام فيها النهارده انا خايفه ومتوتره ومرعوبه بس مش هنكر ان مبسوطه اووي بس كل حاجه في قوضتي هتوحشني
دنيا دخلت عليها :ايه يا بنتي قاعده في الاوضه ليه لوحدك عماتك وخلاتك برا وعوزين يسلمو عليكي
يمني قربت من امها وحضنتها :ماما انتي هتوحشيني معقول انا هصحي بكرا علي صوتك ولا علي فطارك
دنيا :هتصحي علي صوت جوزك وعلي كلامه وعلي حنانه عليكي هتكوني مبسوطه وفرحانه بجوزك يا حببتي
يمني :ربنا يخليكي لياا بس الصبح بدري يا ماما بدري اووي تعالي لياا علشان خطري
دنيا :يابنتي خوفك دا هيضيع فرحتك مفيش حاجه انتي مش اول بنت تتجوز يا يمني
يمني بتوتر :انا كويسه متقلقيش تعالي نطلع علشان الناس ميفكروش في حاجه واخدت انها وطلعت وعماتها وخلاتها سلمو عليها وبركو ليها وفضلو يغنو ويرقصو
ماهر اللي واقف مع ابوه تحت في الطباخ والناس بتاكل والاغاني شغاله واخر فرحه وهيصه
*********^*****^
بليل عند الطباخ
الطباخ :يا شباب الكوارع جاهزه
غسان بضحك :انا بقول نطلع ناكل فوق علشان الشارع ميتفرجش علينا صح
محمد :انا بقول نفس الكلام واخدو الصانيه وطلعو فوق
نور بقرف :يعع ايه دا يا غسان انت جايب البتاعه دي هنا ليه
غسان :يع يبقي ادخلي علي جنب
الجده :يع دا احنا واحنا قدك كنا بنمووت عليها بنات مايعه
نور في نفسها :لازم اسكت ست كبيره برضو
غسان قعد هو والشباب وعاصي واسر وغضلو يكلو بتلذذ والبنات قرفانه اووي حبيبه بتعيط عوزه تلعب في الاكل
نور :لاء با بيبو دا وحشه مش هناكل منها احنا
نسمه بقرف :هرجع ايه دا بياكلو ازاي
نورهان بهمس :هموووت واكل منهااا
نور ونسمه ضحكو عليهاا اووي
نفين مبسووطه اووي عليهم وعلي لمتهم
بعد وقت كبير من الفرحه علي الطرفين والسعاده وبعد ما يمني اتحنت في البيت وسط فرح الجميع وامها وابوها انتهي يوم الحنه
*****************
الشباب قعدين تحت البيت مع الطباخ
غسان :شباب انا مش قادر افتح عيني يعني يدوب اخد مراتي وعيالي واطلع انام علشان نصحي بدري بكرا
عمر :وانا نفس الموال عاوز انام
قاسم :وانت يا عم العريس اطلع نام وراك بكرا يوم طويل وصعب
محمد :متقلقش يلااا انا جبل برضو
الشباب ضحكو وطلعو علي شقة نفين
غسان :نوررر بت
نور :ايوا يا حب.. لقت الجده بتبص ليها نعم يا غسان
غسان :يلا نطلع همووت وانام
الجدة :بس مراتك لسه قدامها شغل كتير اطلع نام انت علي ما تخلص
غسان بص لنور اللي بتبرق بترجي انه ياخدها
غسان بفهم :طيب ياست الكل بس لنل عايز مراتي يا ناس وحشاني
نور في نفسها بخجل :منك لله جيت تكحلها عميتها
الجدة ببتسامه :يانن عيني بدام عايزها خدها
غسان باس راسها ومسك ايد نور وعاصي قدامهم وشايل حبيبه وطلع علي شقته اتفتح من الضحك
نور بغيظ :اضحك اضحك انا من الصبح بسمع في كلام وانت بتضحك ماشي يا غسان وايجة تدخل علي الاوضه مسك ايدها
غسان :تعالي بس بهزر معاكي بس عمري ما شوفتك خايفه كدا ايه اللي حصل احكي
نور :يلهووووي علي اللي عملته كل شويه حريم ملهمش لازمه وكلام من دا وانا نورهان مش عرفين نتكلم وبنسكت
غسان باس خدها :معلش يا حبيبي لازم نستحملها شويه
نور :والله بستحملها بس طريقك كلامها بتخليك تتحرج والمشكله انها بتتكلم قدام الناس
غسان بعمزك :المهم نيمي العيال علي ماخد شور
نور ضحك بخجل ومشيت
**************
في شقة قاسم
قاسم نايم علي وجلين نسمه :بس ياستي فا هي معلمه البنات الادب تحت بقااا
نسمه بضحك :زمان نورهان ونور عوزين يموتو نفسهم دلوقتي
قاسم :ان جيتي للحق هي صعبه اوووي ومتشدده دا دي هتوري محمد اللي محدش شافو
زهره عيطت قاسم قام اخدها
قاسم :البت دي انا بحس ان شايل عيل عنده سنتين مش طفله عمرها اسبوعين ابدا
نسمه :الله اكبر عليك يا قاسم
قاسم :في ايه يابنتي يعني انا هحسد بنتي
نسمه بعبوث :ايواا مايحسد المال الا اصحابه هات بنتي ارضعهاا
قاسم اداها لنسمه :المهم هنزل الصبح بدري مش هصحيكي خليكي نايمه تمام
نسمه :خلاص ماشي
قاسم :هاخد شور ونام اصل فاااصل انا ودخل الحمام
***********
في بيت احمد
احمد قاعد علي السرير وحاضن سلوي وهي نايمه علي صدره
سلوي :احمد انا عوزه اخرج معاك
احمد بستغراب :تخرجي معايا فين
سلوي :اي مكان انا وانت لوحدنا نمشي علي النيل وناكل دره ناكل كشري في الشارع الحجات دي
احمد بضحك :بس انا عمري ما مشيت علي النيل ولا عمري اكلت كشري في الشارع
سلوي بثقة :ما انت هتعمل معايا بقااا صدقني هتتبسط وكل يوم هتقول تعالي نتمشي
احمد بضحك :معتقدش بس عادي نجرب بكرا نروح فرح الرائد محمد ونرجع نتمشي
سلوي:ايواا ماما قالت ان في فرح عند بيت خالو وهي هناك
احمد :ايوا هتيجي معايا ولا ايه
سلوي :والله مش عرفه يا احمد انا حاسه ان تعبانه باين داخله علي دور برد لو حسيت ان كويسه هاجي معاك اكيد
احمد شدد من احتضانها :طيب يلا ننام علشان مش قادر اقاوم اكتر واخدها في حضنه ونامو براحه
( انتظرو القادم )
الفرح بقاااا ♥️😂
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
تابعوا صفحتي عليها كل الروايات بدون لينكات علشان يوصلكم اشعار فور نزول الروايات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌹🌺💙❤️
تعليقات
إرسال تعليق