رواية لم أكن اري حبه بقلم ضحي إبراهيم حصريه وجديده وكامله جميع الفصول
لسه عايز تسافر وتسيبني يا حسام
- يا ضحى افهمي مش بايدي
- ازاي طب استني أما نعمل الفرح وبعدين سافر
- للاسف هناجل الفرح محتاج اسافر واوعدك اول ما ارجع هاعملك احلي فرح هتشوفيه في حياتك بس انا دلوقتي مش معايا فلوس
- هترجعلي يا حسام اكيد وانت قلبك معايا لسه
- مستحيل حد ياخد قلبي غيرك يا ضحضوحة
- طالما قولت ضحضوحة يبقي صدقتك 😂😂
"افتكرت ضحى اخر كلام كان بينها وبين حسام خطيبها وابن عمتها في نفس الوقت وفات ٣ سنين وهو مرجعش "
- لساكي قاعده واكيد بتفكري فيه
- شيماء تعالي اقعدي
- فوقي بقا ليه دا كله انسيه
- مش قادره انسى وعده ليا وصدمتي فيه لما قعد بعد ما سافر مكالمتنا قلت وبعدين لقيته بعتلي الدبله مع مامته طلع سايبها معاها قبل ما يمشي يا شيماء يعني مكنش حاببني من الاول
- اسمعي العيب مش عليكي هو اللي شخص كداب قومي واقفلي على الماضي حسام شخص كداب جابها في السفر عشان يهرب دا مش قد المسؤولية
- طب ليه ..ليه يوجعلي قلبي بالطريقه دي انا حبيته يا شيماء دا كان كل حاجه بالنسبالي
- قلبك جميل وهو مكنش يستاهله افهمي بصي قدامك في ناس بتحبك بس انتي اللي مش راضيه ترمي الماضى وراكي
- انا نفسي اتخطي ٣ سنين وانا حاسه ان حياتي واقفه وهو ...هو اتجوز وعاش حياته
- معلش يا حبيبتي
- في نغزات في قلبي يا شيماء كل ما افتكر قلبي واجعني بطريقه مش هتتخيليها واتجوز مين اخت صاحبه اللي كانت حاضرة خطوبتنا سافروا واتجوزوا
- دا واحد خاين
- طب ليه يوجعلي من البدايه هو لو كان قال من الاول أنه مش حاببني كنت هامشي والله وهابعد بس دا كأنه طعني في ضهري كأني كنت استاهل يعمل فيا كدا وانا ..انا زي الغبيه موقفه حياتي بس والله عشان صعبانه عليا نفسي اوي وقلبي بس خلاص كفايه لحد كده
 |
- ايوا شاطره لازم تقاومي وتثبتي للكل ولنفسك الاول انك قويه ولازم ترسمي طريقك من جديد وبكره تحبي وتفتحي قلبك
- لا قلبي اتقفل ومش هدخل حد تاني ليه مش هاسمح لحد يوجعني تاني انا ...
- ضحي يلا يا حبيبتي عشان هنروح عند عمتك اسكندريه
- بس يا ماما
- حاضر يا طنط هجهز معاها الشنطه عشان تروح معاكم
" خرجت مامت ضحى وشيماء قالتلها"
- لازم تروحي وتثبتيلهم انك نستيه خلاص
- بس ازاي وانا مش قادره أواجه دلوقتي
- خلاص خلصنا يلا حضري شنطتك
- حاضر واه يمكن حبك لحسام عماكي عن ناس قريبين منه كانوا بيحبوكي
- قصدك اي
- ابقي سلميلي على زين سلام
- هي قصدها اي
#لم أكن أرى حبه
البارت التاني
ـ يلا يا ضحى
ـ حاضر يا ماما
ـ بصي يا حبيبتي طبعا انتي عارفه إن عمتك ملهاش دخل في كل اللي حصل وأنها كانت معترضه قد اي بس هو نصيب وانتي قويه وانا عارفه انك اقوي من اي حد واثبتي دا للكل
ـ حاضر يا ماما
"بترن الجرس اول ما وصلوا"
ـ ايوا حاضر يا اللي بتخبط
" بتفضل ضحى ترن الجرس وبتضحك"
ـ يالهووي حاضر هو احنا هنطير
" بيفتح زين ويلاقي ضحى بتضحك في وشه للحظه سرح في ضحكتها ومش مصدق أنه شافها وكمان رجعت تضحك"
ـ هو القمر نزل على الأرض ولا انا بحلم
ـ حبيب مرات خالك دايما سكر ولسانك سكر من يومك يا واد يا زين
ـ لا يا خالتو مش انتي انا قصدي علي القمر اللي جمبك" بص زين على ضحى وغمزلها وضحك"
" اتكسفت ضحى وضحكت بس للحظه افتكرت كلام شيماء"
"ضحى في سرها : معقول يكون زين بيحبني اكيد لا لا"
ـ هو اي اللي لا يا ضحضوحتي
ـ ها ابدا يا زين عامل اي
ـ الحمدلله بخير انتي عامله اي
ـ الحمدلله بخير أخبارك اي يا خالتو
ـ اول ما اخدت بالك يا واد
" حط زين أيده على شعره لما بيتكسف بيعمل الحركه دي دايما"
ـ قلبك ابيض يا خالتو
ـ خلاص عفوت عنك
ـ حبيبتي من يومك اتفضلوا
" دخلوا البيت وسلموا على بعض زين مره واحده قال"
ـ انتي هتفضلي قاعده كدا
ـ طب اعمل اي طيب
ـ قومي اخرجك كورنيش اسكندريه موحشكيش ولا اي
ـ بس ..
ـ مبسش قوم يا زين خرجها انت عارف هي كانت هناك مش بتخرج كتير
ـ بس يا ماما انا..
ـ خلاص يا ضحضوحتي يلا وبلاش كلام كتير
ـ حاضر
" خرج زين وضحي ومره واحده لقت ضحى نفسها قدام ملاهي "
ـ زين انت بتهزر صح
ـ لا ويلا بقا الواحد زهقان بس
" وقفت ضحى مره واحده وركزت في كلامه"
ـ بس اي مالك يا زين
ـ مش هنعرف نرجع الماضي عشان اقولك ارجعي ضحى بتاعت زمان بس هنقدر نبني المستقبل وتبقي احلي نسخه من ضحى
" ضحى بصت لزين وعيونها كانت هتدمع وزين اول ما شاف دموعها "
ـ ششش مستحيل اخلي العيون دي تدمع تاني انا جمبك انتي مش مصدقه انا فرحان بوجودك ازاي
" سرحت ضحى في كلامه وهي مش عارفه تجمع كل اللي بيحصل من ساعه ما جت معقول دا زين اللي مكنش بيتكلم ولا بيضحك هو اي اللي غيره حاسه انها بتتعرف على شخص جديد بس لذيذ"
ـ انا اللي مبسوطه انك بتضحك وبتهزر وبقيت اجتماعي يا زين
ـ ليه كنت بعض زمان ولا اي
ـ لا بس مكنتش الشخص اللي قدامي دلوقتي
" بص زين في عيونها "
ـ يمكن لما بنركز على حاجه واحده في حياتنا مش بنبقي شايفين حاجات كتير حلوه غيرها لازم ندي مساحه واهتمام لحاجات كتير في حياتنا مش حاجه واحده بس الا لو كانت تستاهل ويمكن كنت زمان كدا والسر فيكي
" بصتله ضحى بنظره مش فاهمه قصده اي من اخر جمله "
ـ انتي مش فاهمه حاجه صح
" ضحكت ضحى "
ـ بصراحه اه
ـ مش مهم المهم ضحكتي يلا بينا نلعب
ـ يلا
ـ هنبدا بسفينة نوح
ـ لا يا زين بتوجعلي قلبي
ـ لا عاش ولا كان اللي يوجعلي قلبك بلاها يلا نركب العربيات
ـ 😂😂😂😂😂والله انت عسل اووي
ـ دي اعتبرها معاكسه ولا شايفاني ابن اختك انا
ـ ابن اختي اه 😂😂😂😂
" قعدوا يلعبوا وضحى كانت مبسوطه اووي خلصوا روحوا"
#لم أكن أرى حبه
🌿 البارت التالت🌿
ـ طمنيني عليكي يا عايشة
ـ انا الحمدلله بخير يا ام زين
ـ اوعي تكوني لسه زعلانه مني والله انا..
ـ عيب عليكي بجد تقولي الكلام دا انتي اختي واللي عمله حسام اينعم وجعلي قلب بنتي اللي معنديش غيرها بس انا عارفه انك ملكيش دخل وانك بتعتبريها بنتك
ـ ربنا يعلم بعز ضحى وبعتبرها بنتي اللي مشالتهاش بطني واني لسه زعلانه من حسام بس اعمل اي دا ابني بردو
ـ عارفه يا حبيبتي
ـ بس انا عارفه ان ضحى قويه وبكره ربنا يعوضها بالاحسن والله
ـ رغم إن ضحى بتبينلي انا وباباها انها كويسه الا اني عارفه اللي جواها وأنها بتعمل كدا عشانا انا قلبي واجعني على بنتي قوي يا سميره
ـ صدقيني عوضها جاي وبكره ابني يندم أنه فرط فيها ومش هيلاقي ظفرها
" في وقت كلامهم دخل زين وضحي وهما بيضحكوا وفرحوا مجرد ما شافوا ضحى رجعت تضحك تاني "
ـ حمدالله على السلامه يا حبايب قلبي انبسطوا في الخروجه
ـ اووي اوي يا ماما زين موتني من الضحك
"زين حط أيده علي شعره من ورا وقال"
ـ بعد الشر عنك انا داخل يا ماما ارتاح شويه
ـ وانا كمان عايزه انام شويه
ـ طيب يا حبايبي ادخلوا
" بعد ما دخل زين وضحي على اوضهم قالت مامت زين "
ـ عارفه يا عايشه اول مره اشوف ابني زين بيضحك من قلبه كدا
ـ وانا من ساعه ما حصل اللي حصل وانا مشوفتش ضحى بتضحك وفرحانه كدا
ـ ربنا يكتبلهم الخير ويعوضهم
" تاني ضحى واقفه في البلكونه بتاعت اوضتها بتشرب قهوة وبتبص على الشجر اللي في الشارع "
ـ احنا فيما من الخوانه دي قهوة من غيري
ـ زين صباح الخير
ـ مش هرد الا لما تعمليلي قهوة وبلاش الحركات دي انتي مش صغيره عيب
ـ 😂😂😂😂😂ولو مبطلتش هتعمل اي يعني
" بصلها زين في عيونها اللي بيسرح فيهم كل مره "
ـ هخطفك ومحدش هيعرف يعترض من الناس اللي بره دي
ـ 😂😂😂😂زين انت عسل والله بس يا بابا الكلام دا مش ليا
" طلعت ضحى لسانه ليه وجريت"
ـ كدا طب تعالي بالذوق دا انتي كلك على بعضك ١٥٨سم
ـ بس يا ابو طويله اي الطول دا كله هتحارب بيه
ـ الله .. مش عشان اساعد مراتي لما تعوز حاجه بدل ما هي قصيره كدا
" غمزلها زين بعد ما قال الكلام دا وقال"
ـ متنسيش القهوة انا بقولك اهو
" دخل زين الاوضه وضحي سرحت في كلامه واتكسفت وللحظه قلبها قعد يدق جامد "
ـ انت بتدق ليه دلوقتي قولتلك قبل كدا مستحيل تدخل حد تاني كفايه وجع بقا زين اخويا افهمي يا ضحى هو مجرد اخوكي وبس
" دخلت ضحى تعمل قهوه ودخلت عليها مامت زين "
ـ انتي بتعملي قهوه تاني ليه غلط عليكي
ـ لا يا عمتو دا لزين
ـ زين!! بس دا مش بيشرب قهوة بقاله ٣ سنين
ـ بس هو اللي قال كدا
ـ خلاص يا حبيبتي دخليهاله هو قاعد في البلكونه
ـ حاضر
" خدت ضحى القهوة وهي مستغربه هو ليه مش بيشربها وقالها اعمليلي"
ـ لما انت مش بتشرب قهوة طلبت مني اعملها ليه
ـ عشان اللي كنت بسهر عشان اشوفها مكنتش موجوده
" ضحى لوهله حست بنغزه في قلبها لما قال كدا"
ـ ليه هو انت بتحب يا زين
ـ هو انا مش انسان وعندي مشاعر ولا اي
ـ هي مين
ـ قريب هقولك عشان انا مقرر اخطبها ومضيعهاش من ايدي تاني
ـ يا بختها بيك يا زين
ـ تفتكري أنها بتحبني
" بصتله ضحى وقالت "
ـ انت تتحب من غير مجهود يا زين
" بصلها زين بنظره حب وضحي بصتله بنظره أنها حتي لما قلبها رجع يدق لحد طلع هو كمان بيحب "
#لم أكن أرى حبه
✨البارت الرابع✨
ـ ماما انا خارجه شويه
ـ هتخرجي لوحدك يا ضحى
ـ معلش يا ماما محتاجه اقعد مع نفسي شويه
ـ في حد ضايقك يا حبيبتي ؟
ـ لا انا بس حابه أخرج لوحدي شويه
" خرجت ضحى واشترت قهوه وراحت تشربها قدام البحر وقاعده عيونها مره واحده بتدمع وبعدين انهارت"
ـ انا تعبت .. تعبت من كميه الوجع اللي جوايا يارب أنا مش بايدي بس انا مبقتش فاهمه حاجه نفسي دماغي تتوقف شويه عن التفكير
" كان في اتنين بيحبوا بعض ماشين وماسكين ايدين بعض افتكرت ضحى حسام وقتها "
Flash back
ـ عارفه يا ضحضوحة نفسي الف الدنيا دي كلها معاكي واقول للناس كلها قد اي انا بحبك
ـ عارف يا حسام عمري ما كنت اتخيل انك تطلع بتحبني الحب دا كله
ـ ليه بتقولي كدا
ـ عشان مامتك وباباك دايما كانوا بيقولوا انهم عايزين يخطبوني لزين وبصراحه مكنتش حاسه انك بتحبني الا لما جيت اتقدمت
ـ لا كنت بحبك بس كنت خايف تكوني بتحبي زين
ـ بس زين دايما ساكت طول الوقت هو أكبر مني بس عمري ما حسيته انسان زينا وعنده مشاعر اللي هتاخد زين هتتعب معاه كتير عشان تحرك مشاعره اكيد هتبقي مميزه ساعتها
ـ سيبك من زين عايزين نروح نوزع الدعاوي عشان الخطوبه
ـ قبل كدا لازم توعدني انك هتفضل تحبني يا حسام
ـ اوعدك اني عمري ما هحب غيرك يا قلب حسام
Back 🔙
"في اللحظه دي نزلت دموع ضحى وهي بتفتكر وعده ليها "
ـ مش قولنا نبطل نكد يا نكدو شويه
" اتخضت ضحى من الصوت اللي جه فجأة طلع زين"
ـ في حد يخض حد كدا
ـ ما انتي خرجت وسيبتيني
ـ كنت بره هاقولك ازاي
ـ رني عليا يا ناصحه
ـ افرض كنت مع البنت اللي بتحبها
ـ لا كنت بفكر فيها بس
ـ هي مين يا زين وبتحبها من امتي
ـ على فكره انتي عرفاها
" ابتسمت ضحى لأنها حست انه بيتكلم عليها وقلبها قعد يدق جامد"
ـ بجد مين قولي
ـ شيماء صاحبتك
" اتصدمت لأن شيماء عمرها ما قالتلها حاجه عنه وتداركت الموقف ومسكت دموعها"
ـ بجد صاحبتي جميله وتستاهل تتحب بجد عرفت تختار يا واد يا زين
" بصلها زين وضحك "
ـ بس تفتكري بتحبني
ـ مش عارفه بس انت تتحب يا زين وهي اكيد لو عرفت انت هتعرف تخليها تحبك وو
ـ وو اي سكتي ليه
ـ طب ليه مخطبتهاش ليه استنيت دا كله
ـ كنت براقبها وحافظ كل تفاصيلها كنت بدوب من ضحكتها بحسها مش بتعمل مجهود عشان تدخل قلبي
ـ ايوا 🥲
ـ الحب رزق يا ضحضوحتي ربنا بيزرعه جوانا ياما ناس بتعافر عشان تبقي مع اللي بتحبهم بس للاسف بيفشلوا عشان الحب مش إجبار بس عارفه عرفت إن لازم يكون الحب من طرفين عشان يكون حب إنما اللي من طرف واحد دا عمره ما كان حب المشاعر وقتها بتكون ابتلاء فردي لازم نعالجها ونتعامل معاها لوحدنا مش لمجرد أننا حبينا حد إنه بالضرورة يحبنا زي ما احنا بنحبه هما كمان عندهم اللي بيحبوهم فهماني
ـ بس ساعات النصيب بيكون ليه رأي تاني
ـ دي اكتر حقيقه وجعالي قلبي يا ضحى بتمني قلبي ياخد البنت اللي حاببها حرام اظلم حد تاني واعيش معاه وانا مش حابه
ـ عارف قرأت جمله وجعتني اوي " ياما دبل كتير في الصوابع والقلوب في حتت تانيه" النصيب غلاب يا زين مهما عملنا في ناس على قد ما حبيناهم على قد ما وجودهم بيكون مجرد ذكري ومحطه في حياتنا
ـ بس بردو منفقدش الامل وافتكري زي ما قالت حسناء عز قبل كدا شوارع قلبك الفاضية مسيرها في يوم هتعمر
ـ انت بتقرا لحسناء
ـ ايوا كتباتها حلوه وعميقه
ـ ربنا يكتبلك الخير ويجعل اللي بتحبها من نصيبك يا زين
ـ مش هتزعلي أنها هتاخدني منك ومش هنخرج كتير
" ضحى عيونها رغرغت بالدموع بس رفضت انها تنزل"
ـ عارف يا زين رغم إن الحب حلو بس مش كل الناس محظوظين أنهم يلاقوه آخرهم يبصوا عليه من بعيد عشان ميتوجعوش ..ياما ناس كانت روحها في ناس وبيحسوا بيهم حتي من قبل ما يظهروا في المكان حواليهم بس في الاخر القلب وما يريد يطلعوا بيحبوا ناس تانيه واحنا اللي نتوجع في الآخر
ـ وقتها لازم نحب نفسنا ونبص حوالينا يمكن في ناس بتحبنا واحنا مش واخدين بالنا
ـ يمكن بس احنا مش هنستني الناس دي تتشجع يا زين ويجوا يصارحونا
ـ بس ساعات بنبقي مش متأكدين أنهم بيحبونا يا ضحى
ـ صدقني يا زين اللي بيحب بيحارب ويحاول مهما حصل مش بيقف يتفرج اي المغزى من انك تحب حد من بعيد لبعيد ومش بتبينله بل بالعكس في ناس بيظهروا قدام اللي بيحبوهم أنهم مفيش حاجه اصلا من ناحيتهم .. اللي بيحب بجد بيشوف إن حبيبه يستاهل يبينله ويقوله بكل الطرق أنه بيحبه وجمبه مش يقف مكانه مش بيتحرك وفي الاخر بقولك اصل النصيب
ـ عارفه الحب محتاج اي
ـ محتاج شجاعه اللي بيحب بيحارب الدنيا كلها عشان بس يكون مع اللي بيحبه
ـ وانتي شايفه نفسك مين فيهم
ـ شايفه نفسي دلوقتي اني اخري ابص على الحب من بعيد اللي جرب وجع الحب مستحيل يرجع يعيشه تاني في ناس بتحب الحب ووجعه عشان بس الشخص يستاهل بس في ناس طلعت متستاهلش تتحب يا زين على رأي الست لما قال " العيب يا فيكم يا في حبايبكم أما الحب يا روحي عليه"
ـ والله ما حد يستاهل يتحب غيرك بحسك هربانه من افلام زمان
ـ وانت اي بقا
ـ ادعيلي تطلع بتحبني أو حتي اقدر اكون حركت حاجه في قلبها انا عيشت طول عمري مش شايف غيرها يا ضحى بس هي شكلها مش شيفاني
ـ بلاش نحكم على مشاعر اللي قدامنا من وجهه نظرنا مش دايما اي حد بيحب بيبين
#لم أكن أرى حبه
🌿البارت الخامس والأخير 🌿
" اول ما ضحى وزين وصلوا وداخلين بيهزروا اتصدموا من اللي شافوه"
ـ مش ناووين تدخلوا ولا اي
ـ حسام جيت امتي
" حضنوا بعض وحسام عينه متشالتش من على ضحى "
ـ لسه واصل بس مكنتش اعرف إن عمتي هنا
ـ اه وصلوا من اسبوع
ـ عامله اي يا ضحى
" حسام مد أيده يسلم على ضحى بس زين مسك أيده وسلم عليه وقالوا اصل ضحى مش بتسلم يا حسام "
ـ معلش انا لازم ادخل ارتاح شويه
ـ وانا كمان
ـ اي يا زين مش هتقعد مع اخوك ولا اي
ـ الايام بينا كتير يا حسام
" دخل زين الاوضه وراح على البلكونه لقي ضحى واقفه"
ـ انتي قويه ومتأكد إنك مبقتيش تحبيه بس الوجع والزعل على نفسك هو اللي مأثر فيكي
" بصتله ضحى هو ازاي قادر يفهمها كدا وبعدين افتكرت لما قال إنه بيحب بنت غيرها "
ـ انا هكلم ماما ونرجع بيتنا
ـ وتسيبني دا انا مصدقت حد يعملي قهوة
" يا سلام عايزني اقعد عشان كدا "
ـ ضحى بصيلي في عنيا عايز اقولك حاجه
" بصتله ضحى"
ـ انا بحبك ....
" بصتله ضحى"
ـ زين بطل هزار انت لسه قايل انك بتحب صاحبتي
ـ كنت عايز اشوف رد فعلك واطمنت عارفه لما قولتي انك هترجعي حسيت اني ممكن اخسرك تاني مش عايز حد ياخدك مني تاني يا ضحى هموت المرادي بجد انا بحبك والله
" فجأة الباب انفتح "
ـ انت اتجننت مستحيل تتجوزها
ـ انت ازاي تدخل كدا من غير إذن وبعدين انت دخلك اي
ـ دخلي أنها البنت اللي بحبها
ـ والله واللي قاعده بره دي اي انت اللي جرحتها وسيبتها عشان انت واحد مستهتر كنت عارف اني بحبها من الاول ومع ذلك خطبتها
ـ انت بتقول اي
" زين بص لضحى وقالها"
ـ ضحى يوم ما كنا عندكم كنت انا اللي هتقدم بس مره واحده قال إنه بيطلب ايدك
ـ كداب متصدقيش اي حاجه يقولها
ـ ضحى انتي الوحيده اللي عارفه اني مش بكدب والله محبتش حد غيرك هو اللي اناني ومن زمان
ـ ايوا يا بنتي صدقي زين مش عارفه حسام ليه دايما بيعمل كدا في اخوه
ـ خلاص خلصتم طلعت انا الوحش
"بص حسام لضحى وقالها"
ـ ايوا يا ضحى انا مبحبكيش ولا عمري حبيتك عملت كدا عشان هما دايما مفضلين زين عليا كنت عايزه احسسه باللي انا حاسه لما عرفت أنه بيحبك وهيخطبك قررت أوجع قلبه زي ما دايما مفضلينه عليا ووجعت قلبك انتي كمان لما خطبت صاحبتك واتجوزتها
ـ كفايه ..كفايه بقا مش عايزه اسمع حاجه
"ضحى اتصدمت ووقعت مره واحده أغمي عليها واللي لحقها زين "
ـ ضحى قومي بالله انا مقدرش اعيش من غيرك
" شالها زين وراح بيها على المستشفي "
ـ دكتور طمني عليها
ـ للاسف انهيار عصبي نتيجه صدمة نفسية
ـ اي🥲 طب هي عامله اي دلوقتي
ـ محتاجين نبعدها عن اي تعب أو ضغط
ـ ممكن ادخل اشوفها
ـ اتفضل بس متضغطش عليها
" دخل زين لقي ضحى نايمه"
ـ وحياتك عندي لاندمه على اللي عمله فيكي بس انتي قومي عشان خاطري مش عايز اخسرك تاني يا ضحى قومي بالله
" فتحت ضحى عيونها لقت زين قاعد وماسك ايديها وبيعيط "
ـ مكنتش اعرف اني غاليه عندك اوي
ـ واكتر ما انتي فاكره دا انا مفيش حد مهم في حياتي غيرك يا ضحضوحتي
ـ زين بصلي عايزه اقولك حاجه
" بصلها زين في عيونها"
ـ انا بحبك
ـ يا فرج الله اخيرا يلا قومي عشان نتجوز واعملك احلي فرح في الدنيا لاحلي بنت في الدنيا
" الباب خبط مره واحده وبصوا على الباب وكان حسام"
ـ ممكن ادخل
" زين كان هيقوم يخرجه قالتله ضحى "
ـ استنى يا زين
ـ انا اسف يا ضحى على كل الوجع اللي سببتهولك اسف ليك يا زين واتمني تسامحوني انا كان الحقد مالي قلبي
ـ اهم حاجه انك فوقت يا حسام وشكرا انك بسبب اللي عملته خلتني اعرف قد اي بحب زين ومكنتش بحب حد غيره
ـربنا يهنيكم ببعض
" خرج حسام وبصلها زين "
ـ هو البنج لسه مأثر منين الكلام الحلو دا
ـ بس بقا
تمت
أدخلوا واعملوا متابعة لصفحتي عليها كل الروايات بمنتهي السهوله بدون لينكات من هنا 👇 ❤️ 👇
❤️💙🌺🌹❤️💙🌺🌹❤️💙🌺🌹❤️💙🌺🌹❤️💙
تعليقات
إرسال تعليق