رواية فلانتيمو الحلقة الرابعة بقلم الكاتب عادل عبدالله حصريه وجديده في مدونة النجم المتوهج للروايات والمعلومات

بعدها بدأت علاقتي بجميلة تكبر يوم عن يوم وساعة عن ساعة وبدأ اعجابي بيها يتحول لحب بجد .

وكلامنا في التليفون اصبح مقابلات وخروجات وفسح وكانت د.مها خفيف جدا وبتحب الضحك واللعب وعيشنا ايام جميلة بجد ، ومع الوقت شوفت ان جميلة كانت بتصرف كتير جدا وبلامبالاة وعدم اهتمام وكأن عندها بحر فلوس عمره ما يخلص !!!!!

معتز : اكيد البنت دي اما ان اهلها ناس اغنيا جدا و مدلعنها علي الاخر ، او انها وارثة فلوس كتير وعارفة ومتأكدة انها في أمان وفلوسها مش هتخلص .

تامر : يا ميزو مفيش اي حد من اهلها ظهر ولا حتي عرفت اي حاجة عنهم .

معتز : حاجة غريبة !! اومال اهلها فين وبتجيب الفلوس دي منين ؟؟

تامر : اتقل يا ميزو ، هتعرف كل حاجة دلوقتي ، فضلنا كده اكتر من شهرين نتقابل ونخرج ونتفسح ولما حسيت نفسي حبيتها قوي بجد صارحتها وقولتلها كل الكلام اللي في قلبي وكنت قلقان من رد فعلها وخوفت انها تقولي انت مش من مستوايا ، وصدقني يا ميزو لو عرفت رد فعلها هيجيلك ذهول ، زي ما حصلي بالظبط .

معتز " يضحك " : ليه ؟ ايه رد فعلها ؟ ضر.بتك مثلا ولا عملت معاك ايه ؟؟

تامر : انا كنت قاعد معها في كافيه بعيد وبنتكلم وانا باصص في عينيها ، الصراحة عينيها كانت حلوة اوي والكلام خرج من قلبي بسرعة لكن ، اتصد.مت لما جميلة قالتلي انها بتحبني من اول يوم اشتغلت انا فيه في الشركة وشافتني في العمارة !!!

معتز : انت كداب قوي !!! مش ممكن ، بنت بالجمال والحلاوة دي وغنية بالشكل ده اكيد كل يوم بيعاكسها وبيعجب بيها الف واحد مش واحد بس ، واكيد هيكون في منهم كتير احسن منك يا تيمو ، متزعلش مني انت مش احسن شاب في الكون يعني علشان بنت زي دي تحبك من اول نظرة !!!!!

تامر : ايوه صح معاك حق ، ولما قالتلي كده قولت في بالي اكيد البنت بتشتغلني وعايزة تعيش دور الرومانسية بردو ، وعملت نفسي مصدقها ، لقيتها قالتلي : شكلك مش مصدق ، انا كل يوم يا تامر كنت بنزل في نفس ميعاد دخولك العمارة علشان اشوفك وبعدها كنت اروح النادي ، وعلفكرة اليوم اللي الكلب جري مني وانت مسكته انا اللي سيبت الكلب وجريته وكنت انا قاصده اعمل ده كله علشان نبدأ نتكلم مع بعض .

معتز : دي طلعت كانت بتحبك بجد !!

تامر : ايوه فعلا ، جميلة فعلا كانت بتحبني حب فوق ما تتخيل .

معتز : و دي واحدة ممكن الانسان يضيعها من ايديه يا غبي ؟؟!!

تامر : انا فعلا عمري ما كنت اقدر افكر اضيعها ابدا من ايدي ، وقولت في بالي ان ربنا عوضني بيها خير عن كل اللي قبلها ، و طبعا كان لازم اقولها اني عايز اخطبها ، ولما قولتلها كده ملامح وشها اتغيرت وقالتلي : مش وقته يا تامر ، بعدين .

فسألتها : وليه نأجل بعدين ، علي الاقل خطوبة او دبلتين .

قالتلي : انها موافقة بفكرة الدبلتين ، وفعلا روحنا مع بعض اشترينا الدبلتين و قالتلي يلا نلبسهم لبعض .

تامر : ازاي يا جميلة ؟!! مش المفروض نلبس الدبل قدام اهلنها ؟؟

جميلة : انت اهلي وكل حاجة ليا يا حبيبي وانا اهلك وكل حاجة ليك .

تامر " بدهشة " : وباباكي ومامتك واخواتك ؟؟ كل دول مش هيحضروا خطوبتنا ؟؟

جميلة : حبيبي انا لازم اقولك الحقيقة ، ماما وبابا منفصلين من زمان اوي ، بابا عايش في ايطاليا واتجوز واستقر هناك ، وماما اتجوزت وهاجرت كندا مع جوزها من زمان بردو .

تامر : مش ممكن يكونوا كلهم أتجوزوا و سافروا وسابوكي هنا لوحدك ؟!!!

جميلة : لأ انا كنت مع بابا في البداية وعيشت كام سنة لكن مقدرتش اكمل هناك وطلبت منه ارجع مصر ، وفعلا رجعت وعيشت مع جدتي لحد ما توفيت ودلوقتي عايشة وحيدة .

تامر : معقول يا جميلة ؟!! وازاي عايشة لوحدك وبتصرفي منين ؟؟

جميلة : جدتي كتبت كل حاجة باسمي قبل ما تموت الله يرحمها .

" صوت تامر "

البت صعبت عليا اوي يا ميزو ، رغم انها غنية و جميلة وعندها مميزات ونعم كتير عايشة فيها لكن مأ.ساة انفصال باباها ومامتها في طفولتها اثرت فيا .

معتز " يضحك " : اثرت اد ايه بالظبط ؟

تامر : بطل رخامة يا ابني ، انا بتكلم جد انا فعلا حبيت جميلة جدا واي حاجة حكتهالي حسيت اني عيشتها معاها واثرت فيا .

معتز : وبعدين يا عم الرومانسي ؟؟

تامر : لبسنا الدبلتبن فعلا وبعد يومين من التفكير قولت في بالي ، مادام عايشة لوحدها واهلها مش هيرجعوا ومستواها المادي كويس جدا ايه المانع اننا نتجوز من دلوقتي ؟!!!

معتز " يضحك " : الطمع وقلة الاصل بدأوا يظهروا عليك اهو !!

تامر : لأ ابدا انا مكنتش طمعان فيها لحظة واحدة ، لكن فكرت ليه نعطل جوازنا بدون سبب ؟؟ وفعلا قولتلها اللي فكرت فيه و طلبت منها الجواز .

معتز : اكيد رفضت وقالتلك انك طمعان فيها ، اي بنت مكانها اكيد هتفكر كده .

تامر : لأ ، بالعكس وافقت نتجوز ، لكن كان لها شرط واحد ان جوازنا يكون جواز عرفي والنسختين يكونوا معها هي .

معتز " يضحك " : وطبعا انت ما صدقت .

تامر : فعلا وافقت علطول وروحنا لمحامي وكتب عقد زواج عرفي من نسختين و جميلة اخدت النسختين واحتفظت بيهم لوحدها ، وبدأنا شهر العسل .

معتز : سافرتوا تصيفوا مع بعض ؟؟ ولا روحتوا فين ،

تامر : لأ علشان مفيش قسيمة زواج كان مش هينفع نروح اي فندق مع بعض ، لكن انا كلمت ماما وقولتلها اني مسافر اسبوع في شغل وروحت قعدت معها في شقتها وعيشنا اجمل ايام عسل في الدنيا .

معتز : دخلنا في التقييييل ، احكيلي يا تيمو .

تامر " يضحك " : احكيلك ايه يا ابني ، اتجوزنا زي اي اتنين بيتجوزوا .

معتز : انتوا مش اي اتنين ، ده علي كلامك انت كان معاك صار..وخ مش بنت !!!

تامر " يضحك " : احترم نفسك ياض ، دي كانت مراتي .

معتز : طيب احكيلي ، قعدتوا كام يوم عسل ؟ و حكايتكوا دي استمرت اد ايه و خلصت ازاي ؟

تامر : احنا كنا متفقين نقضي مع بعض اسبوع عسل قبل ما ارجع الشغل والبيت ، وانا كنت اخدت اجازة من الشغل اسبوع و المفروض كنت قايل لماما اني في شغل اسبوع ، لكن الحقيقة بعد الاسبوع رجعت الشغل وانا متضايق جدا ، لكن اتصلت بامي و قولتلها اني هضطر اتأخر في الشغل اسبوع كمان ويمكن اكتر .

معتز : وكنت بتعمل ايه بعد الشغل ؟ كتت بتخرج من الشركة تدخل شقتها علطول ؟؟

تامر : لأ طبعا ، كنت بخرج من الشركة اروح مطعم متفقين عليه ، نتغدا مع بعض ونخرج نتفسح ، وبالليل كنا نرجع علي البيت لكن مش مع بعض .

معتز : وتنا.م عندها للصبح ؟؟

تامر : ايوه .

معتز : وكان بيجيلك نوم ازاي وجنبك القمر دي ؟!!

تامر : عادي يا ابني ، ما اهي القمر دي كانت مراتي .

معتز " يضحك " : يا بختك ، كمل يا تيمو .

تامر : وفضلنا مبسوطين وسعدا جدا مع بعض خصوصا اننا كنا بنحب بعض جدا ، وبعد كام يوم قالتلي معلش يا تيمو لازم ترجع البيت النهاردة !!! سألتها ليه ؟ قالتلي انت كده اتأخرت كتير علي اهلك واكيد قلقانين عليك ، قولتلها مش مهم ، المهم نكون مع بعض ، قالتلي الصراحة فيه واحدة قريبة جدتي جاية تزورني وهتبات عندي ومش هينفع تشوفك هنا !!! قولتلها معاكي حق ، وفعلا رجعت البيت وقولتلهم اني رجعت اجازة من الشغل علشان وحشت.وني وقضيت الليلة هنا في البيت وقولت لماما اني هسافر تاني اكمل الشغل ، ورجعت تاني اخرج من الشغل زاقضي اليوم مع جميلة لحد بالليل واروح ابات عندها في شقتها واستمرينا كده اكتر من شهر .

معتز : وبعدين ؟

تامر : اتكرر موضوع قريبتها ده اكتر من مره لكن اللي لاحظتوا ان كل مرة كان بيكون يوم خميس .

معتز : وليه يوم الخميس بالتحديد ؟!!

تامر : ماهو ده اللي لفت انتباهي ، وبعدين كان عندي فضول اني اشوف قريبتها اللي بتجيلها كل يوم خميس وتبات عندها ، كنت عايز اعرف هي ست كبيرة ولا شابة صغيرة .

معتز : ولقبتها ايه ؟ كبيرة ولا صغيرة ؟

تامر : لقيتها راجل !!!!!!

يتبع

بداية الروايه من هنا

إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇