رواية عريس للايجار البارت الثاني بقلم الكاتبه ميادة الجزار حصريه وجديده في مدونة النجم المتوهج للروايات والمعلومات
 |
رواية عريس للايجار البارت الثاني بقلم الكاتبه ميادة الجزار حصريه وجديده في مدونة النجم المتوهج للروايات والمعلومات
رشيد : صباح الفل يا دولي
( رشيد ابن خاله حازم 26سنه وكان مسافر دبي ورجع من اسبوعين )
داليا بضيق : اسمي داليا يا استاذ رشيد ويارات يكون فيه حدود بينا
( داليا 23سنه خريجه اداب انجليزي بتشتغل من وهي في المدرسه وهنعرف قصتها مع الوقت )
رشيد بخبث يقترب منها قائلا : هيجي يوم وانتي تتمني اليوم اللي نكون فيه مع بعض
داليا بحده تبتعد عنه قائلا : ده في احلامك
رشيد بابتسامه : الاحلام ساعات بتتحقق
داليا بسخريه : مش كل الاحلام بتتحقق ، في حاجات بتكون مجرد حلم بس عمرها ما تكون واقع
نظر لها رشيد بضيق قائلا : حازم موجود
داليا : ايوه موجود
رشيد : تمام
رشيد بابتسامه : صباح الفل يا كبير
حازم بضيق : هو مفيش باب تخبط عليه !
رشيد بضحك : فين ده مش شايفوا
حازم بضيق : البس نضاره يا خفيف
رشيد بضحك : اه صح كنت فين
حازم : كنت بوصل سهيله ودعاء للجامعه
رشيد بغمزه : ايوه بقا
حازم : بطل قر انا كنت بوصلهم الجامعه مخدتش دعاء وخرجنا يعني
رشيد بضحك : لا برده ايوه بقا
حازم : امشي من اودامي يا رشيد روح شوف شغلك
رشيد : خلاص انا هرجع دبي تاني
حازم : نعم يعني ايه هتسافر تاني
رشيد بجديه : لسه بفكر هرجع تاني
حازم : ليه يا رشيد ما انت في وسطينا اهو ليه عايز تسافر تاني وتكون لوحدك
رشيد بابتسامه : يا ابني انا لسه مقررتش هسافر
حازم : وانا مش عايزك تقرر ولا تفكر في حوار السفر ما صدقنا انك ترجع
رشيد بابتسامه : يااااه علي الحب يا ابن خالتي
حازم : حب ايه ما انت عارف انك لو سافرت مين اللي هيطلع عيني
ضحك رشيد
حازم بتنهيده : انت عايز تسافر علشان داليا صح
رشيد بابتسامه : لا طبعا انا بس حاسس اني اتسرعت لما رجعت مصر تاني
حازم بحب اخوي : لا متسرعتش بالعكس كلنا فرحانين انك بقيت وسطنا
ــــــــــــــــــــــــــــــــــــــــــــــــ
سهيله : انا قررت هنزل بوستات في الجروب انِ عايزه عريس للايجار مقابل شي مادي
دعاء بصدمه : لا طبعا
سهيله : وفيها ايه
دعاء : كده هيكون فيه طمع
سهيله : بس مفيش حل غير كده واحد بس يجي ويمثل اننا هنتخطب بجد لغيط لما حسام يرجع ويتقدملي
دعاء : طب خلاص انتي ممكن تحاولي تقنعيهم
سهيله : هيرفضوا
دعاء : يعني لما يتقدملك هيوافقوا
سهيله : اه لانه هيكون معايا وقتها وهنحاول نقنعهم
دعاء بتنهيده : ربنا يستر
سهيله : متقلقيش يا دودو انا اعمل انترفيو زي ما قولتلك واللي يعجبني نوافق عليه اشطا
نظرت دعاء بضيق وهي تدعوا الله ان يهدي صديقتها
ــــــــــــــــــــــــــــــــــــــــــــــــ
نادر : صباح الخير يا عزت
عزت صديق نادر : صباح الفل
نادر باستغراب : مالك يا ابني كنت بتضحك علي ايه
عزت بضحك : علي البوست ده
نادر باستغراب نظر الي البوست : ايه ده
عزت بضحك : زي ما انت شايف بنت بتطلب عريس ايجار لفتره معينه
نادر : تلاقي بوست هزار ده اذا مكنش راجل اصلا ومنزل بوست مجهول حتي
عزت بضحك : مش عارف بس معتقدش بقولك طيب ما تيجي نعلق علي البوست ونشوف هزار ولا لا
نادر بضيق : لا طبعا وبعدين احنا مش فاضيين للكلام ده
عزت : يا ابني اسمعني الاول نتاكد اذا كان كدب ولا لا وخصوصا اني اللي منزل البوست بيقول نكتب تعليق وهي هتدخل تكلمنا وساعتها نتاكد اذا كان هزار ولا لا ولو مش هزار هتاخد فلوس
نادر بضيق : قولتلك لا انا ماليش في كده تمام ويلا نشوف شغلنا
عزت : يعني انت عجبك شغل الميكانيكه
نادر : بدل شغل حلال ف اه عجبني
هز عزت دماغه بسبب عناد صاحبه
قام نادر ليكمل شغله
ــــــــــــــــــــــــــــــــــــــــــــــــ
سهيله بفرحه : شوفي كميه التعليقات
دعاء : طب وانتي هتكلميهم ازاي
سهيله : من اكونت فيك طبعا لغيط لما هتاكد اني الشخص اللي اودامي صادق وهاخد منه العنوان بالكامل علشان هروح هسال عليه
دعاء بضيق : طب شوفي فيه شخص كاتبلك انه نصب
سهيله بابتسامه : عادي هدخل هكلموا بنفسي وهثبتلوا انه مش نصب
دعاء بضيق : انتي والله مجنونه ربنا يستر واخوكي ميعرفش
سهيله : قولتلك متقلقيش وكمان لو عرف انا استحاله هورطك في حاجه
دعاء : سهيله انا مش خايفه علي نفسي ، انا خايفه عليكي انتي
سهيله : متقلقيش عليا وبعدين انا هسال علي الشخص اللي هيجي يتقدم ده انا بس عايزه لغيط لما رامي يرجع
دعاء : طب ما تقولي لي عمو وطنط بيحبوكي واكيد هيوافقوا
سهيله بحزن : بيحبوني اه بس بابا رفض رامي قبل كده ومتاكده ان لو فيه شخص اتقدملي وعجب بابا يبقي هيوافقوا عليه علشان بس مستناش رامي فهمتي ليه بعمل كده يا دعاء
دعاء بحزن طبطبت علي سهيله : اه فهمت وانا هساعدك لغيط لما تكوني انتي ورامي لي بعض
سهيله بابتسامه : طب انا بقا هدخل هكلم الشخص اللي شاكك انه كدب
دعاء : ماشي يلا
ــــــــــــــــــــــــــــــــــــــــــــــــ
رشيد بابتسامه : مش ناويه تاكلي ولا ايه
داليا بدون النظر له قالت بضيق : ماليش نفس
رشيد بتنهيده : انتي كده هتتعبي
داليا بحده خفيفه : ممكن يا استاذ رشيد تلتزم حدودك في الكلام وبلاش تتدخل في اللي مالكش فيه
ذهبت داليا سريعا بدون انتظار الرد
نظر رشيد بضيق الي مكان داليا بعد ما ذهبت
ــــــــــــــــــــــــــــــــــــــــــــــــ
سهيله : السلام عليكم
عزت : وعليكم السلام
سهيله : ليه بتقول اني ده بوست كدب
عزت : علشان مفيش بنت اتعمل كده
سهيله : لا عادي انا عايزه عريس يمثل معايا وبعدين ايقبض
عزت بتفكير : طب وايه الدليل علي كلامك
سهيله : مبلغ تحت الحساب بس الاول اسال عن الشخص اللي ايمثل اودام الناس انه يكون خطيبي
عزت : تمام وانا مستعد اساعدك بس الاول اعرف ليه بتعملي كده
سهيله : تمام بس الاول ابعت اللوكشين
عزت : تمام بس مش انا اللي اساعدك
سهيله : اومال مين
عزت : واحد صحبي
سهيله : اسمه ايه
عزت بعت اسمه بالكامل والعنوان
دعاء : ارتاحتي كده
سهيله بابتسامة : ايوه انا ابعت حد يسال عنه انهارده
دعاء : طب واتعرفي منين انه شخص كويس
سهيله : ايبان
دعاء : طب هو انتي بجد اتقوليلهم السبب
سهيله :ايوه واظهر نفسي كمان لما اسال عليهم الاول
دعاء : وافرضي لو كدابين
سهيله : عادي
دعاء بضيق : ازاي عادي هما ممكن يبلغوا عمو
سهيله يضحك : متقلقيش انا اعرف ازاي اطلعهم كدابين المهم انا ابعت حد يسال عنهم
دعاء بخوف : ربنا يستر
ــــــــــــــــــــــــــــــــــــــــــــــــ
بسمه بابتسامه : مساء الخير يا ابيه
نادر بابتسامه : مساء النور يا بسومه عملتي ايه في الدرس
بسمه بمرح : زي الفل يا ابيه
عزت بابتسامه : اهلا بالدكتوره
بسمه بابتسامه : يارب هكون دكتوره
نادر بابتسامه : واحسن دكتوره كمان يلا بقا قوليلي حابه تاكلي ايه انهارده
بسمه بمرح : لا يا ابيه انا انهارده اللي هعمل
الاكل
نادر : لا يا حبيبتي اطلعي ارتاحي انتي علشان تذاكري
بسمه : بالله عليك يا ابيه سيبني انا عايزه هعمل الاكل بنفسي
نادر بتتهيده : ماشي يا ستي موافق
بسمه بفرحة : احلي ابيه في الدنيا
نادر بابتسامه : طب يلا بقا اطلعي
بسمه بابتسامه : حاضر
ثم نظرت الي عزت بابتسامه : وانت يا ابيه عزت ممكن تطلع تاكل معانا
عزت بابتسامه : ده اكيد
نادر بضحك : هو مش محتاج عزومه ده طفش طول عمره
بسمه بابتسامه : طب انا طالعه بقا
عزت ينظر الي نادر بضيق : خفيف
نادر ببرود : قوم كمل شغلك
عزت بضيق : نادر فكر حتي علشان خاطر بسمه
نادر بغضب : انت عايزني ادخل على اختي فلوس حرام
عزت : فين الحرام ده اذا كان صاحبه الفلوس نفسها هي اللي عايزه كده
نادر باستغراب : وانت عرفت منين
عزت بتوتر : مهو واضح انِ صاحبه الفلوس هي اللي منزله البوست ده
نادر : ده مش دليل انها صاحبه الفلوس ولا دليل انها صادقه
عزت : نادر فكر دي فرصه
نادر بضيق : من غير تفكير لا ويارات متجبش سيره الموضوع ده تاني مفهوم
عزت بضيق من عناد صديقه : تمام
نادر : يلا علشان نكمل شغل
عزت نفخ بضيق : ماشي
ـــــــــــــــــــــــــــــــــــــــــــــــ
- هي عملت ايه
بضحك = هي غبيه
بضحك هو الاخر : ليه
= علشان فيه النهايه هي اللي اتخسر بس انت اتعمل ايه
بتفكير : لسه كل حاجه بخططها
ــــــــــــــــــــــــــــــــــــــــــــــــ
رشيد : مش اتمشي ولا ايه
حازم : نص ساعه كده اخلص بس الشغل ده
ثم نظر له قائلا : هو انت اتمشي دلوقتي !
رشيد : ايوه
حازم : طب اعمل حسابك انك اتتغدا معانا انهارده ومش اقبل اعتذار
رشيد بابتسامة : هو انا قولت حاجه دلوقتي ماشي يا عم
حازم : بقولك بس قبل ما تعتذر ها
ضحك رشيد
باب المكتب بيخبط
حازم : ادخل
داليا دخلت ولم تنظر الي رشيد
داليا : اتفضل يا فندم الملف اهو
حازم ينظر الي رشيد الذي ينظر الي داليا
ثم نظر الي داليا مره اخره
حازم : تمام خلصتي الشغل صح
داليا : ايوه
حازم : ماشي يا داليا امشي انتي
داليا : تمام عن اذنك
حازم : اتفضلي
خرجت داليا من المكتب سريعا
حازم نظر الي رشيد قائلا : لسه بتحبها
رشيد بتنهيده : عمري ما بطلت احبها
نظر له حازم بحزن
رشيد بابتسامة مصطنعه : يلا يا عم خلص الشغل ده علشان نمشي بقا وحشني اكل خالتو اوي
حازم بابتسامه : قربت اخلص
ــــــــــــــــــــــــــــــــــــــــــــــــ
سهيله : وحشتني
الشاب : وانتي كمان يا حبيبتي
سهيله بطفوله : اترجع امته يا رامي
رامي : قريب يا حبيبتي متقلقيش واول لما هاجي اتقدملك مره تانيه بس يارب عمي يوافق بقا
سهيله بتنهيده : يارب خلي بالك من نفسك
رامي بحب : حاضر يا حبيبتي يلا باي
سهيله بحزن : باي
دعاء : مالك يا بنتي
سهيله بحزن : رامي وحشني اوي يا دعاء
دعاء بحنيه : هانت يا سوسو هيرجعلك بالسلامه
سهيله بحزن : يارب مش لو كان بابا وافق كان زمانا دلوقتي متجوزين
دعاء : ان شاء الله يا روحي يجيلك بالسلامه علشان تتجوزوا بقا
سهيله : يارب يا دودو
دعاء : قوليلي بقا هو رامي عارف باللي انتي اتعملي
سهيله : لا بس اكيد احكيلوا
دعاء : امته
سهيله : لما الاقي الشاب المناسب الاول
دعاء : يا نهارك مش فايت افرضي لو هو رفض اتعملي ايه وقتها
سهيله : لا انا اقدر اقنعوا انتي بس اهدي شويه
دعاء بضيق : انا برده اللي اهدا ربنا يستر
سهيله : يارب
دعاء : طب انتي بعتي حد يسال ولا لسه
سهيله : ايوه طبعا بعت وزمانه بيسال دلوقتي
دعاء : ماشي
ــــــــــــــــــــــــــــــــــــــــــــــــ
رشيد بابتسامة : عامله ايه خالتو وحشتيني اوي
سعاد بفرحه حضنت رشيد قائلا ببكاء : وحشتني اوي يا ابن اختي
رشيد يبتعد عنها : بتعيطي ليه بس يا خالتو
سعاد بتضربه براحه : علشان وحشتني يا جزمه كده برده متجيش تشوفني
رشيد بضحك : اجي ازاي بس يا حبيبتي وانا بقالي سنين في لندن
سعاد بتمسك ودانه : بلاش تكدب عليا انت في مصر بقالك اسبوع
رشيد : اهدي بس يا خالتو والله كنت اجيلك بس المشاغل
سعاد : تنشغل عني يا رشيد ماشي
عادل بضحك : خلاص يا سعاد هو ندمان
رشيد بوجع ماسك ودانه : اه والله ندمان يا خالتو
عادل بابتسامه : نورت مصر يا رشيد
رشيد بابتسامه : بنورك يا عمو
سهيله بفرحه حضنت رشيد : وحشتني اوي
رشيد بابتسامة : وانتي كمان يا سوسو
( رشيد مش بس ابن خاله سهيله وحازم لا وكمان اخوهم فيه الرضاعه لان والدته كانت تعبانه ثم توفت وهو لسه طفل صغير )
دعاء : حمدالله علي السلامه يا استاذ رشيد
رشيد بابتسامة : الله يسلمك
سعاد بحنيه : يلا يا حبيبي تعال علشان تاكل عامله بايدي كل الاكل اللي انت بتحبه
رشيد بابتسامة : ربنا يخليكي ليا يارب يا خالتو
ــــــــــــــــــــــــــــــــــــــــــــــــ
عزت بابتسامة : تسلم ايدك يا بسمه
بسمه بابتسامة : بالهناء والشفاء يا ابيه
ثم تنظر الي نادر قائلا : ابيه نادر ايه رايك في الاكل
نادر بابتسامة : حلو يا حبيبتي تسلم ايدك
بسمه : تسلم يا ابيه
نادر : الحمدالله
بسمه : بالهناء والشفاء
نادر بابتسامة : الله يهنيكي يا قلبي
بسمه : انا اقوم اعمل الشاي بقا
نادر : لا انتي اتقومي تذاكري انا سيبتك تعملي الاكل
بسمه : طب والشاي
نادر : انا اللي اعملوا يلا روحي انتي ذاكري
بسمه : حاضر
ذهبت بسمه الي غرفتها
عزت : طب انا مستنيك تحت في المحل بقا
نادر : طب والشاي
عزت بابتسامة : يبقي نشرب انا وانت في المحل بقا
نادر : ماشي انزل انت
ذهب عزت
بعد نص ساعه نزل نادر له
ــــــــــــــــــــــــــــــــــــــــــــــــ
سعاد : اعمل حسابك انك اتقعد معانا
رشيد : انا قاعد في الفيلا متقلقيش يا خالتو
سعاد : لا اتقعد لوحدك ليه استحاله
رشيد : مفيش حاجه يا خالتو عادي
سعاد برفض : لا انا ما صدقت انك رجعت واتقعد معانا
عادل : ايوه يا رشيد خليك معانا احسن
رشيد بابتسامة : انا هدومي كلها في الفيلا
سهيله : عادي روح جيبهم وتعال نكون ظبطنا ليك اوضه
رشيد بابتسامة : انتم متففين عليا بقا
سعاد بحنيه : بقالك كتير بره مصر يا ابني وجيه الوقت تيجي تاني في وسطنا
رشيد بتنيهده : حاضر يا خالتو اروح بس اجيب الهدوم وهرجع تاني
سعاد بابتسامة : ماشي يا حبيبي متتاخرش
رشيد : حاضر يا خالتو
ذهب رشيد
دعاء بابتسامة : انا اقوم انام بقا
سهيله : وانا كمان يلا يا دودو
حازم بابتسامه حب : تصبحي علي خير
دعاء بكسوف : وانت من اهل الخير يلا يا سوسو
سهيله قامت وهي بتضحك عليهم
ــــــــــــــــــــــــــــــــــــــــــــــــ
بعد ساعتين
سعاد : ايه رايك في اوضتك
ينظر لها رشيد بابتسامة : زي ما هي يا خالتو ثم قال باستغراب ايه اللي مصحيكي يا خالتو
سعاد بحنيه : انا استنيتك لغيط لما عرفت من الخدم انك جيت
رشيد بابتسامة : مكنتيش واثقه اني انا راجع ولا اي
سعاد بابتسامة : لا طبعا عارفه انك اتيجي لانك بتخاف علي زعلي
رشيد بابتسامة : طبعا انتي امي التانيه مش خالتي بس
سعاد بحنيه : استقر هنا في مصر بلاش تسافر تاني
رشيد بتنهيده : احاول يا خالتو
سعاد : لا مفيش احاول في حاضر وبس
رشيد بابتسامة : حاضر
سعاد : يلا نام يا ابن اختي تصبح علي خير
رشيد : وانتي من هل الخير يا خالتو
سعاد خرجت
جلس رشيد علي السرير بشرود
ــــــــــــــــــــــــــــــــــــــــــــــــ
يوم جديد
سهيله : الو عملت ايه
الشاب : سالت عليهم يا انسه
سهيله : عرفت ايه بقا
الشاب : عنده اخت صغيره في تالته ثانوي هو وصحبه شغالين ميكانيكي بس اهله متوفين بقالهم سنين في الحاره دي بس كل الكلام اللي اتقال حلو عليهم بيتقال علي جدعنتهم والشهامه بتاعتهم
سهيله : تمام شكرا جدااا وابعتلك باقي الفلوس كاش
الشاب : تحت امرك في اي وقت يا استاذه سلام
دعاء : قالك اي
حكيت سهيله لي دعاء الكلام اللي اتقال
دعاء : طب واي اللي عرفك ان الكلام ده صح
سهيله : بفكر في خطه كده
دعاء باستغراب : اي هي
ابتسمت سهيله
ــــــــــــــــــــــــــــــــــــــــــــــــ
- ********
= ********
- ********
= *****
ــــــــــــــــــــــــــــــــــــــــــــــــ
ورجعنالكم مره تاني مع روايه عريس للايحار
انتظروني غدا في البارت الثالث
مين الاشخاص المجهوله دول ؟
اي خطه سهيله ؟
اي اللي بين رشيد وداليا وليه هي مش بطيقه ؟
اي موقف رامي لما يعرف باللي سهيله بتعملوا ؟ ايوافق ولا برفض ؟
اي سبب رفض اهل سهيله لي رامي ؟
كل الاحداث دي انعرفها قريبا .
بس لسه التشويق مجاش كل حاجه هنا ليها لغز بس حلها مش دلوقتي .
يتبع
إللي خلص القراءه يدخل هيلاقي كل الروايات اللي بيدور عليها من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
