رواية اسيا البارت السادس والعشرون والسابع والعشرون بقلم فاطمه صلاح حصريه وجديده على مدونة النجم المتوهج للروايات والمعلومات
 |
رواية اسيا البارت السادس والعشرون والسابع والعشرون بقلم فاطمه صلاح حصريه وجديده على مدونة النجم المتوهج للروايات والمعلومات
اسيا وهي تتنهد بكبت:انا قررت اني هسافر!!
عزيز :اتاكدتي ولا هترجعي تقولي لا!
اسيا بحزن:لا اتاكدت
ثم رددت بداخلها:اللي كنت هفضل عشانه سبته فمعدش في حاجه افضل عشانها
....................................
بدلت ملابسها ودلفت للخارج لتجد والدها يقرأ في الجريده ووالدتها تساعد "أم حسين" في إعداد الفطور
اسيا بهدوء:صباح الخير
سامر بحب:صباح النور يا حبيبتي!!
اسيا:بابا عايزه اتكلم معاك في موضوع مهم؟
سامر:خير؟
اسيا وهي تقص عليه قرار سفرها: واول ماحس اني بقيت تمام هخلي الشركه تحولني هنا تاني!
سامر:اكيد مش عايزك تبعدي عننا بس انا متاكد ان السفر هيفيدك!!
اتت والدتها وهي تصرخ وترفض بشده وتبكي تاره وتستعطفها تاره وتردد:هتسبينا لوحدنا،اهون عليكي،انا مريضه مش هستحمل بعدك
وفي نهايه المطاف اقنعها سامر انها ستاتي متعافيه تماماً من كل ما حدث لها وسيساعدها العمل بالخارج للترقيه اعلي واعلي..
................................
قضت المتبقي من يومها بين مقابله عزيز والتسوق واخيراً جلست تتدون ما تشعر به في مذكراتها
____________________
قرر بعد عده ساعات من التفكير المتواصل في اسيا وعزيز الخروج مساءً
دلف للخارج وظل يجوب بسيارته فهذه عادته عندما تضيق به الدنيا،
ثم ذهب اخيراً لملهي ليلي كان ياتي اليه مع يزن صديقه القديم رغم انه قد ابتعد عن كل ذلك منذ زمن وجلس يتناول الخمر وينظر لصورتهما معاً في محفظته ويبكي صادف وجوده وجود يزن ليجلس معه وهو يقول بصدمه:يااه اكرم!!
اكرم ببكاء:بحبها اوي يا يزن بحبها!!
يزن باستغراب:سيلينا!؟
اكرم ببكاء:اسيا!مش عارف اعيش دقيقه من غيرها!!
يزن بشفقه:طب هي فين!!
اكرم ببكاء كالاطفال:سابتني!!
يزن:طب حاول ترجعها؟
اكرم بيأس:تفتكر ينفع!!
____________________
دلف لمنزله ليجد لين بانتظاره:اخيراً انت سكران!!
اكرم بعدم توازن:اسيا سبتيني ليه والله ما خونتك!!
دمعت عين الاخري وهي تحتضنه بشده:اكرم يا حبيبي حاول تنساها!
اكرم ببكاء:انسي مين!!دي اسيا يا لين اسيا انا هروحلها الصبح!
لين بعدم اقتناع:مش هيفيدك بحاجه!
اكرم:لا هيفيدني انا هرجعها ليا باي طريقه اللي بينا مستحيل ينتهي!
................................................
اشرقت شمس يوم جديد لتستيقظ اسيا وهي تشعر بالارق لتدلف الي المرحاض وتبدل ملابسها وهي تدلف للخارج في طريقها للبحر
وجدت اكرم وهو يستند علي سيارته ويظهر علي وجهه الارهاق كانت عينيه محاطه بالهالات السوداء ولحيته طويله كما لم تكن من قبل تفحصته ثم ابتعدت لينادي عليها وهو يقف امامها:اسيا!!
اسيا ببرود:افندم!!
اكرم:ينفع نقعد في مكان نتكلم!
اسيا:لا مينفعش,بعد اذنك!
اكرم برجاء:اسيا اسمعيني لازم نتفاهم انتي حتي متعرفيش السبب اللي مشاني!!
اسيا بسخريه:لا اعرفه وشوفته بعيني!!
اكرم:صدقيني والله ما خونتك وحياتك عندي ما خونتك ما تعمليش فينا كده يا اسيا!!
اسيا بسخريه مريره:محدش يعرف الخيانه زيي وانت اللي عملت فينا كده بافعالك!!
اكرم وهو يكاد يبكي:اسيا انا مشيت لانها كانت مخطوفه من الناس اللي بيطاردوني وروحت انقذها والله!!
اسيا بضحك:يا راجل!!
اكرم:ودين الله مش بكذب!
اسيا بصراخ:نت تعرف ربنا عشان تحلف بيه!!
اكرم:اسيا ما تتسرعيش واسمعيني متدمريناش يا اسيا، انا ما صدقت لقيتك!!!
اسيا بدموع:اكرم انا مش قادره انسي المنظر،،انا عايزه اصدقك بس عقلي مش عايز،،سبني براحتي ويمكن مع الوقت نقدر نبقي،،صحاب!
اكرم باستنكار:صحاب!!بعد كل ده صحاب!!
اسيا بدموع:مش سهل عليا اني اقولك كده بس اسفه ياكرم صدمتي فيك كانت صدمه عمري،عمري كله!
اكرم بدموع:اسيا اديني فرصه اوضحلك واثبتلك اني مستحيل اخونك و...
اسيا بجمود:مش هقدر!!
اكرم بصدمه:ايه القسوه دي؟
اسيا:يمكن انت بتشوفها قسوه واني بقيت واحده تانيه غير اللي حبيتك بس مش ذنبي كل ده ذنبك وبسببك!!انت اللي خونتني وحسستني شعور مفيش بني ادم يستاهل انه يحسه!!
اكرم بكبت:مخونتكيش!!والله العظيم!
اسيا:انا اسفه يا اكرم اني مش عارفه انسي ولا هعرف اسفه اني مش هعرف اسامحك ولا اصدقك،انساني وانا هحاول انساك!!
تركته وهو يقف في ذهوله واستنكاره!!
وذهبت بجمود بينما تبكي من الداخل!!قرأت كثيراً فيما ماضي جمله يرددها بعضاً من الحكماء"الحب مش كل حاجه"لم تقتنع بها!!الحب يجعلنا أسعد ما يكون،يجعلنا نشعر بقيمتنا!نشعر بالامان!يجعلنا أفضل!ولكن الان علمت انها صحيحه مائه بالمئه هي تحبه بل تعشقه بل اكثر من ذلك ولكن لا تستطع ان تنسي وتتجاهل الامها منه وتعود له من جديد!! قلبها لم يعد يقوي علي جروح جديده كُسر مئات المرات ولصمته بقوه ونهضت ولكن هذه المره لا تقوي علي تلصيمه ولا تقوي علي النهوض ولا علي المسامحه لذا اختارت اسهل الطرق بنظرها وهو الرحيل فهي لا تملك سواه!
_____________________
ذهبت الي ملجئها وهي تجلس علي ساق شجره مكسور كحال قلبها تساقطت الامطار عليها ولكن المطر الحقيقي كان دموعها لترحل بعيداً وهي تتذكر بدايتهما معاً
فلاش باك
كانت نائمه ذلك اليوم في منزل ليلي كانت ليله رعديه والامطار شديده بها
ليلي:اسيا ممكن اطلب منك طلب!!
اسيا:لا انا هنام!
ليلي برجاء:ينفع تروحي تجيبي ادهم من عند لين!
اسيا باستنكار:في الجو ده!!
ليلي:يا بنتي اركبي تاكس،وو انتي جايه كريم هيوصلك!
اسيا باستفهام:وليه متروحيش انتي،،انا جايه اريح دماغي عندك ما اتعبهاش!؟
ليلي:عشان عمر وكمان مصطفي زمانته جاي وهيتخانق معايا لو نزلت!!
اسيا:سيبي عمر معايا!
ليلي:والنبي يا اسيا والنبي!!
اسيا بحنق:هو قلبي الطيب ده،حاضر
ذهبت علي مضض وهي ترتدي بنطلون من الجينز الضيق اكثر من اللازم و بلوفر خفيف باللون الاسود قصير وتركت شعرها ضفيره كما كان
_____________________
وقفت وهي تاكل في اظافرها المنعدمه في مظهر كالاطفال لتجد باب المنزل يفتح!
اكرم ببرود:مش محتاجين شغالين للاسف بس ممكن نديكي اللي في النصيب؟
اسيا وهي تبرق:خدامين!!انت فاكر نفسك مين ده انا بابا ممكن...
اكرم بضحك:بابا!!؟طفله منعدمه الشخصيه!
اسيا ببرود وهي تبعده عن باب المنزل:طب وسع عشان اخش!!
دلفت وهي تنادي علي ادهم
ليلاحقها الاخر بمشاغبه:هو البيت بيتك وانا معرفش؟؟
اسيا بملل:ادهممم ادهمم لتنزلق الاخري في مكعبات اطفال وهي تقع علي وجهها!
انفجر الاخر ضحكاً ليقع فوقها فجأه!
اسيا بضحك:احسن!!
غرقت في عينيه الرماديتين وشعره الناعم ذو الخصل الكستنائيه المائله للسواد!
لتدفعه فجأه من فوقها وهي تعاتب نفسها علي ذلك التفكير وتأخذ الاخر وتدلف للخارج،،،ظلت تبحث عن سياره تقلها للمنزل ولم تجد وملت من كثره المعاكسات التي تتلقاها لتجد صوت يردد من خلفها:ما هو لو خلتيني اوصلك مكنش هيجرا كل ده!!
اسيا علي مضض:طب يلا هي فين الزفته العربيه!!
اكرم:ركنتها قريب عشان امشي وراكي يزفته!
ظلا يتمشيان وهما قريبان جداً وجاكيته يظللهما من المطر وهو يحمل الاخر
باك
ارتسمت علي وجهها ابتسامه مكسوره وهي تردد:يمكن تحصل معجزه ونرجع ويمكن متحصلش الاكيد مش هتحصل زمن المعجزات انتهي!!
_____________________
مر سته ايام لم يحدث في حياتها اي تغير سوي ان حبها للاخر يزداد وسعادتهما كذلك بمرور الوقت قضت اليوم الخامس مع اسيا في التسوق وتوديعها فهي ستغادر بعد الغد،،لذا قررت تعويض الاخر عن اليوم الذي قضته بعيداً عنه بمفاجأته..
استيقظت ظهراً وهي تشعر بحاجتها للنوم ثانيه فهي لم تنم البارحه سوي صباحاً بعد ان قضته مع اسيا ولكن قررت النهوض حتي تعد لمفاجأه المساء..
والذي اعدتها بعد تفكير دقيق لاسعاد الاخر!
امسكت هاتفها وهي تبتسم بخبث
مراد بحب:وحشتيني!
كارمه بضحك:وانت كمان!
مراد:معتش في بيات بره البيت سامعه!
كارمه باستنكار:بيات!!نت جيت خدتني من عند اسيا ٥الصبح يا مراد!
مراد:ماشي قاعده من١٠الصبح ل٥شوفي كام ساعه١٩!!
كارمه بضحك:خلاص خلاص!المهم عايزه انهارده نتغدي بره!
مراد:نتغدي فين يا حبيبتي؟
كارمه:في مطعم******
مراد بابتسامه:ده اول مره قابلتك فيها واتكلمنا بعد مكنت هخبطكم بالعربيه؟
كارمه بكذب:مش فاكره!
مراد:تمام!
كارمه:خلاص انت هتخلص امتا؟
مراد:انهارده الاحد هخلص٧
كارمه:ماشي يا حبيبي هنزلك بقي اما تيجي
_____________________
في المساء
ارتدت فستان باللون السمائي مطرز باللون البيج بنفس اللون الذي ارتدته في اول لقاء لهما وارتدت حجاب باللون التطريز وحقيبه وحذاء عالي باللون الجملي وكذلك احمر شفاه!!
_____________________
بعد مرور اسبوع قضته بين التسوق فهي قد قررت ترك جميع اشيائها لان معظمها يذكرها "باكرم" ومتابعه اجراءات سفرها التي جرت بسهوله نظراً لمعارف والدها ومعارف عزيز ووالده
استيقظت وهي تنظر لغرفتها بوداع وتقول:هتوحشيني اوي بجد نتي كمان الايام جرت اوي وهسيبك!!
قفزت وبعد ان دلفت للمرحاض ،تممت علي شنطه سفرها ووضعت اخيراً مذكراتها وحدثها قلبها بترك كل شيء وأخذ برواز صورتهما الصغير وجوابه الاول الذي بعثه لها وودت لو تأخذ "دبدوبها الكبير" الذي اتي به لها ولكن لم تستطع،جلست أرضاً وظلت تبكي وهي تكتب شيئاً ما في هاتفها وتحتضن ذاتها تاره وتمسح دموعها بألم وهي تشعر بعيونها تحرق قلبها بشده..
_____________________
في الثانيه عشر
ارتددت فستان قصير ضيق باللون "الروز" وجاكيت ثقيل باللون الكحلي وحذاء وشنطه باللون الأبيض ورفعت شعرها كعكه ثم دلفت للخارج بعد ان اغلقت غرفتها وهي تودعها بنظرات أخيره
................................
في المطار
احتضنتا"لمياء"ببكاء:خلي بالك من نفسك وكلي كويس عشان خطري!
سامر بتماسك فهي ابنته الصغيره ومدللته الوحيده:لو قررتي ترجعي في اي وقت متتردديش وخلي بالك من نفسك،قراراتك نصها من عقلك والنص من القلب اوعي تمشي بواحد بس عشان متتخسريش
ليلي بدموع: هتوحشيني!!
مصطفي بحب اخوي:خلي بالك من نفسك واخوكي موجود في اي وقت!
اما الصغير ادهم ظل يبكي بشده وهو يقول:اسيا متسبنيش خوديني معاكي والنبي!
اما عزيز فكان يقف دون ان ينبث بحرف
اسيا بجمود:لو عايزني ابقي تمم احلفوا دلوقتي واوعدوني متعرفوش اي حد مكاني وخصوصا انتي يا ليلي!!
لم ينبث احد بحرف لتقول:اقسمبلله لو حد عرف مكاني ونتو عرفين الحد ده مين هختفي!
كان اول من تكلم والدتها وهي توعدها ليوعدها الجميع وتضيف ليلي:مع اني قولتلك ١٠٠مره انك مش في باله
نظر لها الجميع شزراً سوي عزيز كان يود احتضانها علي تلك المعلومه
عزيز قبل ان تذهب:هاجيلك كل فتره وبالمره اطمن ع الشركه،،وكلميني اما توصلي
ودعتهم وهي تدلف بانتظار الطائره وهي تفكر كم كانت تود ان يأتي ويمنعها من الذهاب وهو يطلب منها الزواج امام جميع الحاضرين في "المطار"بشكل رومانسي افاقت وهي تبكي و تردد بحسره:ده مشهد ينفع اوي لافلام وروايات وممكن نادراً في الحياه بس اكيد مش في حياتك نتي ولا حظك نتي يا اسيا !!
ثم أضافت بسخريه:لسه بتستني منه مفاجأه بعد اللي عمله فيكي فعلا تستاهلي
ليرد عليها الرجل الذي يجلس بجانبها:what?
اسيا باستنكار:nothing!!
.........................................
جالس يفكر في ما اكتشفه في هذا الاسبوع وذلك الشخص الذي يحاول تدميره!!لا يصدق ان من تساعده في كل ذلك اكثر واحده كان يشعر انها وبصدق اتت من الجنه!!ولا يصدق ان من تسانده بعد كل ذلك من كسرته بالماضي!!يفكر بالاخري الذي لم يراها منذ اسبوع كم اشتاقها وكم منعه ذلك الكبرياء اللعين والاخري لين من مقابلتها والتضرع لها ان تعود له!! لتأتي له رساله ليفتحها ليجد المرسل" آسيا"استغرب بشده وارتسمت علي وجهه السعاده وعدم التصديق في ان واحد!! ليقرأ"أكرم يا حبيبي!عارفه انها مش من حقي دلوقتي ومش متأكده اصلا لو كانت فيوم من حقي بس حبيت اقولهالك للمره الاخيره،طيارتي بعد اربع ساعات هسيب البلد اللي مليانه بذكرياتنا وههرب يمكن اعرف انسي اتصدمت اني هسافر صح؟اعذرني صدمتي فيك اكبر،اكتر كابوس كنت بخاف منه اتحقق وخذلتني يأكرم،ليه يا حبيبي؟ليه خونتني واضطرتني اسيبك وامشي!،انت وعدتني انك مش هتبعد ولا تكذب ولا تخوني؟ليه دخلت حياتي وخلتني أحبك حبيتك أضعاف ما حبتني واتعلقت بيك؟ ليه حببتني فيك ونت هتسبني ده نا لو عدوتك مش هتعمل فيا كده!،عارف يعني اي تخوني يوم فرحي!!عارف يعني اي اكذب الناس واصدقكك!!
تعرف اني اتمنيت لو كنت عاميه عشان مشفش المنظر دهه،تعرف يعني اي منامش بالايام عشان بفكر ليه خونتني فجأه؟بعد كل ده تخوني!!!،،انا قلبي بيوجعني اوي وعارفه اني هتعب قدام اكترر بس مفيش حل الا اتي امشي،،تعرف يعني اي اقف قدام المرايه اشوف عيوبي لللي خليتك تسبني وتخوني؟،تعرف اني كرهت نفسي عشانك محبتنيش،طب عارف احساسي كل ماليلي تقول انك نستني بحس ان قلبي بيتقطع مليار حته بكسينه تلمه،تعرف ياكرم اني كنت اتخليت عن أحلامي وشيلت حكايه الماجستير من عقلي عشان كل احلامي بقت انت!تعرف اني اتدمرت من غيرك وولا عدت باكل ولا بنام!كنت واقف جنبي اما كارمه خذلتني مين هيوقف جنبي دلوقتي بعد ما مشيت مين هيوقف جنبي ونت خذلني مين هيهتم بيا!مين هيضحكني؟مين هيشاركني أغانيا!!مين هيحضني ونا بعيط نا دلوقتي بعيط وحاضنه نفسي بس مش حاسه بامان عشان انت اماني؟؟اكرم انا وحشه؟انا وحشه صح عشان كده سبتني وروحتلها؟انا دلوقتي مش وحيده انت عايش جوايا,انا عايشه بذكرياتنا؟فاكر اما قولتلي بحبك؟نسيت اقولك ساعتها اني بحبك اكتر من نفسي،فاكر اول مره خرجنا بعد مجبنا الدبل تعرف انا لسه مقلعتهاش رغم انك رميت دبلتنا، تعرف اني هفضل احبك لحد اخر يوم في عمري رغم انك عمرك ما حبتني؟،تعرف اني مت في غيابكك والفارق بيني وبين الميتين النبض بس!!رغم انك لسه عايش عادي جداً،كنت بخاف دايماً انك تبعد وتسبني بس كنت بتطمني وبتوعدني وادي خوفي اتحقق،انا مبقتش حاسه بطعم الحياه عشان انا معرفتش السعاده الا معاك،معشتش الا بيك،عارفه انك مش هترجع ولا انا هرجع بس حبيت اعرفك بكل اللي جوايا في اخر رساله،انا عمر ما حد حسسني انه بيحبني قدك حتي لو طلع حبك كذب عمري ما حبيت حد زيك بس الحلو مبيكملش،نت دلوقتي في المكان الصح بعيد عني وعارفه ان ده قدري بس انا بتمني من ربنا انه يخفف عني وجع فراقك بس مش عايزه انساك عشان انا عايشه علي كل حاجه فيك وكل لحظه معاك،عايزه اقولك اني حبيتك جدا اكتر من نفسي حتي،، وحتي لو نت عارف تعيش مع غيري انا عمري ما هحب غيرك))،وحشني حضنك وصوتك وكلمه بحبك وحشني كلكك،معتش باقيلي الا الصور ومعدش بايدي دلوقتي الا اني اكلم صورك لان دي اخر رساله بينا،يارب تكون سعيد منغيري ويارب اعرف اعيش من غيرك،عمري ما اتمنيت اني اودعك بس جت اللحظه،سلام!
*ملحوظه*اسفه اني طولت عليك رغم اني عرفه انك بعد متقراها هتقول بطلي هري يا اسيا او بعيداً عن هريك الكتير اوي اللي ملوش لازمه ده....،،
اديك ارتحت منه ومني"انتهي من قرائتها وردد باستنكار:ارتحت منك!ظل يبكي بهستريه حتي تبلل الهاتف وهو يهز رأسه بإنكار!!
_____________________
دلفت له في السابعه والنصف وهي تبتسم بإشراق نظر لها ببلاهه كان في طريقه للنزول من السياره لفتح الباب لها ولكن سبقته وهي تركب اغلق الباب علي اصبعه من كثره شروده بها ليسب نفسه بصوت عالي!
كارمه بضحك:في اي!!
مراد:مفيش بس رجعت في كلامي يلا نطلع!!
كارمه باستغراب:ليه!؟
انطلق بالسياره وهو يردد بهمس:شكلي انهارده هبات في السجن!
_____________________
وصلا اخيراً للمطعم ليقرأو كلمه"closed"
مراد باستغراب:مقفول ليه!!
امسكت الاخري بيده وهي تدفع الباب وتدلف للداخل اضاءت انوار خفيفه وجميع الحوائط تنير بعضها بكلمه"love you"والاخري بصور لزفافهما!
مراد بدهشه:في ايه!!
اقتربت منه الاخري وهي تحضنه:مفيش حاولت احققلك امنيه صغيره سمعتك بتتمناها من٤سنين!!
فلاش باك
دلفت لاسيا لتجدها تجلس مع دكتور مراد صديقها
اسيا:اقعدي يا كارمه اخر سؤال في اللعبه بس!
مراد بسعاده:كارمه ازيك نورتي!!
كارمه:ازي حضرتك يدكتور مراد ده نورك!
اسيا بمرح:لو بتتمني ان مراتك او حبيبتك تفاجئك ايه التفاصيل؟
مراد بتفكير:عايز المفاجئه تكون بتعبر عن تفاصيلنا يعني مثلا تعملي مفاجئه في اول مكان اتقابلنا فيه تلبس نفس اللبس؟،،مثلا تهاديني بحاجه اتكلمت اني بحبها قبل كده!!
باك
مراد بعدم تصديق:انتي لسه فاكره!!
كارمه بحب:لسه فاكره!مراد انت شخص مثالي كنت دايماً بقول يا بخت اللي هتحبها بس كان عاميني...
قاطعها وهو يردد:انا بحبك اوي والله انتي نعمه ربنا رزقني بيها!
كارمه بحب:وانت عوضي
مراد:بس مكنتيش تصرفي فلوسك في انك تحجزي اغلي المطاعم!!
كارمه بضحك:فلوسي!!دي فلوسك يابني اصلا!!
قضو وقتهما بين تناول العشاء والتمايل علي انغام هادئه عاطفيه ونهوا اليوم بتناول البيتزا التي تعشق في مطعهما المفضل!
_____________________
دلفوا للمنزل وضحكاتهما تتعالا وهي تصرخ به:الناس نايمه يا بني ادم احنا الفجر!!
دلفوا لغرفه نومهما ليفك حجابها وهو يقوم بفتح السحاب الخاص بفستانها
لتجد هاتفها يرن بينما هي تبعده عنها بضحك
مراد وهو يضع رأسه في رقبته وهو يستنشق عبيرها:اقفلي الزفت ده
كارمه بضحك شديد:مش قادره علي منظرك!استني اشوف مين بيتصل ناو!
مراد بحنق:هي اسيا الحقوده مفيش غيرها!
لم تكاد تضحك علي ما تفوه به لتجد رقم اخيها"محمود"!
نظرت للهاتف باستنكار فهي تزوجت منذ اكثر من سبعه اشهر ولم يهاتفها ولم يكلف نفسه بالاطمئنان عليها سوي مرات قليله لا تتعدي اصابع اليد الواحده وبعد اصرار من والده!!قلقت بشده وهي ترد عليه بخوف
كارمه بقلق:محمود!!
محمود ببكاء:.......
اسيا
البارت السابع والعشرون
محمود ببكاء:ماما تعبانه اوي يا كارمه وعايزه تشوفك!
تساقطت الدموع من عينيها:تعبانه مالها يا محمود؟
محمود:مش عارف وقالت مش عايزه دكاتره عايزاكي بس!!
كارمه بخوف:انا هتصل بدكتور مجدي"الطبيب الخاص بعائله اسيا"وهاجي في ثواني!!
مراد بقلق:في ايه يا كارمه ايه حصل!!
كارمه بدموع وهي ترتدي حجابها باسرع ما يمكن:ماما تعبانه جدا وعايزه تشوفني!
مراد ببرود:تعبانه مالها وعايزه تشوفك ليه دي متعرفش عنك حاجه من اخر مره جتلنا فيها من كم شهر!!!
دلفت كارمه للخارج وهي تقوم بفتح الباب الخاص بمنزلهم وهي تهتف:مش وقته يا مراد!
_____________________
دلفت لمنزلها الذي تربت به أعوام وأعوام وقضت به عمرها ولكن لم تخطوه منذ أن تزوجت!والآن تدلف له في موقف لا تحسد عليه!
ركضت باتجاه غرفه والدتها لتنظر لها بصدمه،،، لا تصدق!المرأه التي عاشت طوال عمرها لتتفنن في تعذيبها الان لا حول لها ولا قوه،،المرأه الذي عاشت طوال حياتها تتحلي بجبروتها وقلبها المتحجر الان ترتمي علي فراش الموت بضعف شديد!!
جلست بجانبها وهي تردد بانكار وتلعثم:ماما انتي كويسه صح!!
لاول مره منذ زمن بعيد لا تصرخ بها وتهبط عليها بوابل من الدعاوي،لاول مره ترحمها من نظراتها الخبيثه الكريهه
مني بابتسامه حقيقيه لاول مره:كارمه انتي جيتي!!
هزت الاخري راسها بمعني"نعم"وهي تبكي بصمت
مني بصوت متقطع:سبونا لوحدنا!
دلفوا للخارج لتردد:كارمه يا بنتي انا عارفه اني قسيت عليكي كتير ودعيت عليكي اكتر وشوهت نفسيتك بس ربنا هيخدلك حقك مني!
قاطعتها الاخري وهي تمسك يدها:متقوليش كده يا ماما!مهما عملتي وهتعملي!!
مني بتعب:في ورق ف الدولاب اللي فوق اقريه وروحي اسحبي كل الفلوس اللي فالبنك هما باسمك اعملي اي حاجه لنفسك عشان تتسندي عليها!!
كارمه بذعر:ايه لازمه الكلام ده يا ماما فلوس ايه بس!!
مني بتعب:دي تحويشتي من سنينن محدش يستحقها غيرك،بس هطلب منك..
ابتلعت ريقها وهي تضيف بانهاك:تسامحيني
كارمه ببكاء:اسامحك علي ايه يا ماما!،عادي كل الامهات بتوجع عياالها و...
قاطعتها الاخري:تعالي نامي في حضني!
انهمرت دموعها بغزاره وهي ترتمي بحضنها لا تصدق انها الان بين احضان والدتها،، في ذلك الحضن الذي لم تتذوقه منذ ان كانت طفله في الخامسه!!سمعت طوال حياتها عن جمال ذلك الاحساس الذي يشعر به الجميع في احضان والدتهم ولكن لم تحظي بتزوقه والان بعد مرور تلك السنين تتزوقه في ذلك الموقف!!
كارمه بسعاده:ماما انا مش مصدقه انك رضيتي عليا اخيراً،،اول ما تبقي تمام لازم تيجوا تعيشوا معايا انتي وبابا!
ثم امسكت بيد الاخري التي تحاوطها وهي تنهض:هروح انده بقي دكتور مجدي زمانه م..
لتجد يد الاخري ترتمي في الهواء!!
كارمه بتأفأف:لحقتي تنعسي يا ماما!
ثم اقتربت مره أخري وهي تهزها:طب قومي ربعايه بس د/مجدي يطمنا عليكي ونامي تاني!!
لم تتلقي رد!!
كارمه بصوت عالي:ماما!
اتي جميع من بالخارج
مراد:في ايه يا كارمه!
كارمه باستغراب:ماما مش بترد عليا!!
تجمعت الدموع في عيون الجميع
دكتور مجدي:البقاء لله يا كارمه!
كارمه بضحك:انت بتقول ايه؟
حاوطها الاخر وهو يردد بحزن:البقاء لله يا حبيبتي كلنا لينا عمر وبينتهي وبنروح لخالقنا ده قدر!!
انهمرت الدموع من عينيها بغزاره:عايزه اتكلم معاها لوحدنا!
جلست بجانبها وهي تردد بألم:دي اول مره أتكلم معاكي فيها ومترديش!نفسي تزعقي حتي او تضربيني بس تفوقي،،قومي يلا وادعي عليا!!اقولك اضربيني حتي!بس ما تسكتيش!قومي اقتليني وعيشي ارحملي!قومي يلا وهقطع علاقتي باسيا,قومي وهعيشك معايا انا ومراد،قومي يا ماما متسبنيش انا عرفه انك صاحيه بس عايزه تعرفي غلاوتك عندي!!
مسحت دموعها التي تنهمر بغزاره:زمانتك هتقوليلي دلوقتي اعملي حاجه تفدني بدل كلامك الخايب ده طيب يستي انا مش هعيط اهو و...
انخرطت في البكاء من جديد بانهيار:عارفه ان دي اخر مره هشوفك فيها بس مش مصدقه انا عايزه افضل ماسكه فيكي مش عايزاكي تبعديي عني يا ماما،،ماما انا مسامحاكي علي اقل كلمه قولتيها وزعلتيني عشان انتي امي ودي لوحدها كفايه،،ارتاحي خالص انا هزورك دايما وهعملك صدقات وهفتكرك في كل ثانيه،،انا بحبك اوي يا ماما والله انتي اغلي حد في حياتي وكنت بتمني اعبرلك ونتي عايشه بس كنتي بتمنعيني!!هتوحشيني اوي وهيوحشني شكلنا حتي،البقاء...
لم تكمل انفجرت في البكاء وهي تتمسك بيديها بشده كالاطفال وتلقي برأسها علي صدر الاخري:متسبنيش!!متحرمنيش من حضنك بعد ما اخيراً جربته!!قومي يلا عشان تزوريني وتعمليلي كل اللي اتحرمت منه،قومي يا ماما!
ولكن لم ترد الاخري!ذهبت لخالقها وتركت الحياه بسلام!دائماً نقع في شخص يتفنن في تغذيبانا،،شغله الشاغل المنا!!ولكن رغم كل ذلك نحبه بكل ما اوتينا من قوه ونصادف بان يكون ذلك الشخص اغلي نا نملك،وكان في حياتها والدتها!؛الله وحده يعلم كم المها فراقها الان!!تشعر ان قلبها غادرها بموت الاخري!!تشعر ان موتها سيترك بها امراض مزمنه ويكلفها الكثير والكثير سيتركها اشلاء لتلصم نفسها من جديد،،سيتركها ميته ويفرق بينها وبين الاموات النبض!!
_____________________
نهضت من مقعدها وهي تستمع للنداء لطائرتها!!
"علي جميع الركاب المسافرين علي الرحله رقم(...)التوجهه الي البوابه رقم(...)والاستعداد للركوب علي متن الطائره
لا تصدق انها سترحل الان ستطير احلامها الذي بنتها مع الاخر مع الطائره!لماذا يحدث كل ذلك معها لماذا يتخلي دائماً عنها أقرب المقربون!تحتاجه الان وبشده لا يهمها سوي هو،، ان تلقي رأسها علي صدره ويصمت العالم تصمت الضوضاء الذي احدثها بعده داخل قلبها!قلبها لا يتوقف عن الرجاء بان تبقي هنا بجانب الاخر!!يمليها ان تهاتفه وتبكي له،،ان ترمي بالكبرياء والكرامه في سله المهملات وتردد" اشتقت لك اكثر من أي شيء"لا تريد اي شيء الان سوي ان تستند برأسها علي كتفه وتشكو له قسوه العالم منذ رحيله ولكنها وللأسف الشديد لا تقوي علي التحدث،لا تقوي علي العوده!.كانت تشعر دائما عندما تقع في مصيبه انها لا تحتاج سواه حتي لو سيصمتان معاً ولكن هي الان في أصعب مراحل حياتها واين هو؟،ألقت نظره أخيره علي هاتفها علي امل ان تجد اي رساله منه يخبرها انه اشتاقها او انه لا يقوي علي فراقها،، يتضرع لها ان لا تذهب!ولكن أصيبت بخيبه أمل قد اعتادتها مؤخراً معه!لتجد رساله من مراد نظرت لها بتجاهل فهي تشعر بالغضب اتجاهه هو وكارمه فهما لم يكلفا نفسهم ان يودعاها ولو بالهاتف ولكن أخيراً قرأتها"اسيا,أم كارمه ماتت الفجر و كارمه جالها انهيار عصبي وتعبانه جداً محتاجاكي جنبها ياسيا!،ياريت تحاولي تيجي وتلغي السفر!،كارمه ملهاش غيرنا"
نظرت بصدمه للهاتف وهي تضع يدها علي فمها باستنكار!!والده كارمه كانت بصحه جيده،لا تشكو من اي الالام فهي أفضل منهما حتي ماذا حدث!؛وما حال كارمه الان!هي تعشقها بشده ولا تلقي بال لكل ما احدثته الاخري من ثقوب في قلبها فبلأخير هي والدتها!!
لم تفكر للحظه حتي في ان تصعد للطائره بل عادت في طريق الخروج وهي تركض كأنها تهرب من عقلها!!
_____________________
جلست في مقعد بعيد حتي تهديء من ضربات قلبها لتفكر هل عادت فعلاً بسبب موت والده كارمه التي تكره!!أم عادت لكارمه الذي أصبحت تكتفي بمراد!أم أخذت تلك القصه كسبب وهمي حتي تعود ولا تبتعد عن،،،أكرم!!
_____________________
لملم أشيائه من المنضده وهو يغادر بسرعه من غرفته في مظهر يرثي له
لين:اكرم في ايه!
اكرم بسرعه:اسيا مسافره فين!!
لين بتوتر:معرفش
اكرم برجاء:اسيا مسافره فين يا لين مافيش وقت!!
لين بتردد وتلعثم:لندن،بس متمنعهاش و..
تجاهلها وهو يدلف خارج الفيلا ويستقل سيارته في طريقه للمطار علي اعلي سرعه!!
_____________________
وصل أخيراً للمطار ذهب بسرعه هائله للاستعلامات
اكرم:لو سمحتي طياره لندن لسه قد ايه عليها!!
الموظفه:حضرتك دي بقالها نص ساعه...
لم يستمع لحرف بعد ذلك بل ترك الموظفه وهو يقف في منتصف المطار بضياع!!كيف رحلت بتلك البساطه!وتركته لا يصدق!وضع يديه اعلي راسه وهو يشعر ان قلبه يتوقف للحظات من فرط الالم!دلف للخارج وهو يفتح باب سيارته حتي يستقلها وهو يغمض عينيه برفض،،ليجد فتاه تضع وجهها في يديها وتبكي بشده!!تذكر طريقه اسيا في البكاء ليقترب من الاخري ويدقق في النظر ليجدها!،،آسيا!
____________________
ظلت قرابه ربع ساعه تبكي بشده!!يجب عليها ان تهرب بعيداً عنه لا ان تحتاجه في ذلك الوقت،،يجب ان تتحكم بمشاعرها كفتاه ناضجه لا طفله في الخامسه عشر!
اسيا بصوت عالي:بصي يا اسيا انتي دلوقتي ترجعي تقفي مع صحبتك،،وتشوفي لو مبقتيش احسن سافري لو اتحسنتي اشتغلي هنا،،اما اكرم فسيبي الموضوع للصدفه الي جمعتكم!!تمام انتي بتحبيه اكتر من اي حاجه بس هو خانك وبكده هان كرامتك فمتتراجعيش!!
رفعت وجهها من يديها وهي تردد لنفسها:اتفقنا؟
اكرم بضحك:اتفقنا!!
نظرت برعب لمصدر الصوت لتجد الاخر يجلس بجانبها بارتياح!!
اسيا وعينيها تبرق بشده:أكرم!!
اكرم:ايه شوفتي عفريت!
اسيا بابتسامه:انت جيت!!
اكرم بضحك:اهه شوفتي!
افاقت وهي تنهض بعصبيه:ايه اللي جابك!اوعي تفكر اني رجعت عشانك انا رجعت عشان ماما كارمه ماتت و...
قاطعها الاخر وهو يقف مقابل لها،احاط وجهها بين يديه:مش كفايه كده يا اسيا!!نص شهر بعيده عني عشان سوء تفاهم!!،اسيا انا بحبك!ونتي بتحبيني بس زي ماقولتي فالرساله اللي بعدك الخيانه وانا واالله ما خونتك!!
برقت عينيها بشده وهي تتذكر الرساله الذي كتبتها في اشد اوقاتها ضعفاً واحتياجاً واشتياقاً له!!
اسيا بتعب:اكرم مش قادره اتنفس اهه الحقني!
ثم سقطت مغشياً عليها!!
اكرم بخوف:اسيا!!مالك يا عمري!!
فتح حقيبتها واخرج عطرها وهو يضعه علي أنفها!!
اسيا بداخلها:فوقي يا بنتي قبل متتكشفي!
اكرم بخوف:اسيا!!
فتحت عينيها ببطيء شديد:انا ماشيه!
اكرم بحزم:هوصلك ياما مش هتتحركي من هنا!!
تأفأفت وهي تغلق باب السياره بعصبيه حتي كاد ان يتحطم او ينخلع من مكانه ايهما اقرب!.
_____________________
جالسه وهي تبكي بغزاره لا تصدق ما حدث كيف فارقت والدتها الحياه بتلك السهوله!!كيف سيصلون عليها الان لا تصدق!!!
دلفوا بعدها للمقابر
اكثر الواقفون شامتون بها،القليل يبكي،القليل جداً يضحك..
اتت اللحظه الحازمه وهم في طريقهم لاغلاق التربه لتبعدهم الاخري بشراهه وهي تصرخ بجنون!
كارمه بصراخ:ادفنوني معاهاا اهه يا ماما متسبنيشش يا ماما
والدها:حرام كده يابنتي استهدي بلله!!
محمود وهو يحاول ابعادها:انتي كده بتعذبيها!!
ابعدتهم عنها وهي تحاول النزول للتربه ليمسك بها مراد قبل ان تقع بالداخل ولكن اصطدمت راسها لتسقط أرضاً مغشياً عليها..
___________________
وصلت الي منزل كارمه بعد الكثير من الوقت فاالاخر كان يسوق علي أقل سرعه
اسيا بملل:أخيراً
اكرم بجديه:ناويه تسمعيني وتفهمي امتا!!
اسيا:مفتكرش ان في حاجه لسه هتتسمع!
اكرم:اسيا اسمعيني ونا مستعد اعملك ايه حاجه تطلبيها!
دلفت خارج السياره اكرم
تنظر له ببرود:طيب ودي الشنط لعم عبده البواب وخليه يعرفهم بموت ام كارمه وجبلي كولدير وكم كارتونه ببس!
اكرم بغباء: بعيداً عن انك فاهمه غلط انا مش الخدام بتاعك!،،بس هتسمعيني!
اسيا ببرود:لا بردو!
_____________________
انطلق بالسياره الي منزل اسيا وهو يزفر بضيق علي عنادها هي تعلم جيداً انه لم يخونها ولن يجرؤ من الاساس هي لن تهون عليه في جميع الاحوال!!ولكن لا تقوي علي فهم ان كل ما حدث كان سوء تفاهم لا أكثر
_____________________
فتحت له لمياء وادخلته بعد ان ارتسم علي وجهها ملامح الاستغراب والدهشه!
لميا باستغراب:أكرم!!
تنحنح الاخر:ازي حضرتك يا طنط؟
لميا:الحمدلله!
قص عليها كل ما حدث منذ قليل ثم اضاف:عمي موجود؟
لميا:في مكتبه؟
اكرم:اقدر ادخله!
لميا:اكرم انتوا اطلقتو ليه!
اكرم:انا عايز ادخل لعمي بخصوص الموضوع ده واوعدك قريب هتعرفي كل حاجه
___________________
بعد ان رحب به والدها
أكرم:بص يا عمي,أنا هحكي كل ده وهاخد من وقتك ووقتي عشان عارف ان حضرتك معتبرني ابنك وواثق فيا!!
سامر:طبعا يا اكرم ونعم الابن!
قص عليه كل ما حدث يوم الزفاف:بعدها هي طلبت اطلقها واصرت ومشت انا عشت ٤ايام مش قادر انام مبفكرش الا فيها وف ال٥اتقابلنا ورفضت ترجع بردو،،بعدها..
فلاش باك
تركته الاخري وذهبت!ذهبت هكذا بمنتهي البساطه وقف وهو يشعر بالضياع ذهبت سعادته وامانه!!جلس في سيارته وهو يفكر في اي طريقه كانت لاسترجعاها لا يقوي علي بعدها،لن يستطيع التعايش!!
ليجد هاتفهه يرن
سيلينا:اكرم كويس انك رديت اوعي تقفل فوشي واسمعني!!
اكرم بملل:قولي اللي عندك بسرعه!
سيلينا:لازم نتقابل انا نزلت بورسعيد مخصوص عشان نتقابل
اكرم:فين؟
سيلينا:في*****
تقابلا بعدها في المقهي المتفق عليه
سيلينا:اكرم
اولا انا عايزاك تسمعني كويس في كل كلمه هقولها
اكرم وهو يزفر بضيق:خلصيني!!
سيلينا بارتباك:اكرم انا مرات كمال الزيني!
اكرم باستنكار:كمال مين!!!!!!
سيلينا بارتباك زائد:كمال،بابا جميله!
اكرم بصدمه:ابو جميله الزيني!
سيلينا بتذكر:بعد موتها من٥سنين ضميري كان بيأنبني جداً نحيته مكونتش بنام!! اتواصلت معاه وبقينا صحاب فضلت جنبه وبصبره لحد ما وقف تاني علي رجله وهو اصلا مراته"بنت عمه"كان متجوزها غصب وماتت وهي بتولد جميله!كان الفرق بينا٨سنين هو كان٣٦ونا٢٨وبعيدا عن السن انا كنت معجبه بيه وهو حبني،،المهم اتجوزنا بعد الموضوع ده بسنه وسافرنا، فضلنا عايشين تمام،،حياه اي حد بيتمناها فلوس وخروج وسفر حياه perfect،،عمره ما نسي بنته بس كان واثق فيا وانا كنت بأكدله انه قدر مش خطأ طبي،لحد ما من سنه وكم شهر واللي عرفت بعديها انك بكم يوم خطبت اتبعتله رساله"دكتور أكرم رؤوف راضي هو اللي قتل بنتك جميله ولو مش مصددق دور عنه وهتعرف انه ساب الطب من ساعت موتها"يومها مصدقش!انا مأكداله انه قدر!!ضربني واتشاكلنا جامد وكانت اول خناقه حقيقيه بعد جواز ٣سنين،طبعا دور وعرف ان كلام اللي بعت صح،و،،أنا أسفه يا أكرم أقسم بالله أنا أسفه بس يومها كان هيقتلني لو ما اعترفتش بالحقيقه واضطريت اعترف انه انت!!"
اكرم بصدمه:انتي اللي بتحكي ده بجد!!
سيلينا:انا اسفه تاني يا اكرم بس مكنش بايدي اعمل اي حاجه تانيه،،السكرتيره بتاعتك عرفت بعدين انها هي اللي بتجيبله كل أخبارك!!
اكرم بعدم تصديق:ملاك!مستحيل!
سيلينا:انا قولت سكرتيرته هتستفاد ايه من كل ده!وليه تدور عليك وتقولك وكده!!،بس اما عرفت ان السكرتيره تبقي ملاك فهمت!ملاك كان شرطها انك تدمر في اي حاجه الا انه يموتك،شرطها الاساسي انه يبعدك عن اسيا نهائياً بأي طريقه!،يوم كتب كتابك عملوا المستحيل عشان اجي ابوظه بس انا عملت نفسي تعبانه وهو حبه تغلب ع انتقامه بس بعتني بردو بليل!لما نت جتلي القاهره كان الهدف انك تبعد عن اسيا فتره وبعدين اما انا اجي ونا بحضنك وببوسك اصورنا وابعتهالها وانا رفضت،،خيرت كمال بين خروجي و وجودي في اللعبه دي ياما الطلاق!!واختار خروجي،،بعدها بدأ هو ينتقم منك من ورايا بطريقته!مره شالك فرامل العربيه ونت حسبت ان انا،واخر مره اما بعتلك واحد يضربك!في دي ملاك كانت هتروح تبلغ عنه!بس طبعا هددها وفنفس الوقت وعدها انه هيبعدك عن اسيا!!،،ظبطو الموضوع ده اول ما عرفت بفرحك ان هو وعصابته يخطفوها ونت طبعا هتيجي جري تنقذها!بس هي عشان تحبكها موتت نفسها ضرب زي ما شوفت!!
اكرم بصدمه:انتي اكيد بتكذبي!!ملاك مستحيل تبقي مريضه كده!
سيلينا:كانت الخطه انها تشربك منوم وتنام جنبك و،،،،هو يتصل باسيا تيجي تشوفكم!بس القدر اختار اللي حصل وصدقني اللي حصل كان أخف!اسيا اول ما تفوق من كل ده هتبدا تفكر بالعقل وتفتكر كلامك اللي قولته ونت مش شايفها حتي، وقد ايه انت بتحبها!!
اكرم بضياع:انا مش مقتنع بكل اللي بتحكي ده!!يعني جوزك وملاك متفقين عليا!!هو بهدف تدميري عشان جريمه معملتهاش وهي بهدف حبها المريض!!طب ايه اللي يثبت!!
سيلينا:اكرم انا نزلت بورسعيد بالعافيه!اظن شايف وشي عامل ازاي من الضرب عشان دافعت عنك بس!!كل اللي اقدر اوريهولك هي بطاقتي الشخصيه واللي فيها انه جوزي!
اكرم بتفكير:ونتي ايه مصلحتك في انك تفضحي جوزك!!
سيلينا بصدق:مصلحتي اني دمرتك مره!!ومش هسمح الثانيه تبقي بسببي!!انا وانت عارفين كويس مين اللي قتلها!!
اكرم:هما ناوين علي ايه دلوقتي!!
سيلينا:بعد ما انت طردت ملاك!هي عايزه تنتقم منك بأي طريقه الا الموت طبعا
أكرم باستنكار:دي مريضه!
سيلينا:اكرم انت لازم تهرب بأي طريقه!
اكرم:مستحيل!!،هما ناوين علي ايه
سيلينا:بعد ما اتشاكلت مع كمال معتش اعرف اي حاجه!
باك
سامر بعدم تصديق:ده ازاي!!انت بتقول البنت بتحبك من اما كنتم في ثانوي مستحيل تأذيك بالطريقه دي!!
اكرم بتفكير:انا نفسي مش متخيل!!
سامر:لازم تعرف اسيا!،والاهم انك تثبت ان الخطأ كان من سيلينا مش منك!!
اكرم: مستحيل اعرفها،انا عرفت حضرتك عشان تساندني،،ملاك و كمال حسابهم تقيل معايا!!
سامر:هتعمل معاهم ايه!!
اكرم:.......
_____________________
دلفت لمنزل كارمه لتجد المنزل به القليل من السيدات الذين يرتدين الاسود وتختلف تعابيرهم من الحزن للشماته للامبالاه ولكن لم تجد كارمه،،دلفت لغرفتها بعد ان طرقت الباب لتجدد كارمه تتسطح علي الفراش ويظهر علي ملامحها التعب والاخر يجلس بجانبها وهو يلمس علي يدها بحنان
اسيا بحزن:هي نامت!
مراد بصوت منخفض:تعالي نتكلم في البلكونه.
اسيا:ماتت ازاي!!كانت فل!
مراد:موته ربنا ومتنسيش انها كان عندها السكر والضغط!
اسيا:يالله ربنا يسامحها ويغفرلها بلاويها اللي كانت بتعملها في الناس واولهم بنتها!
مراد بصدمه:اذكروا محاسن موتاكم يا اسيا!
اسيا بتأفأف:المهم كارمه عملت ايه وحالتهاايه!طمني!
مراد بخنقه:بعد ما ماتت فضلت تصرخ وبعدين اغمي عليها والدكتور قال انهيار حاد وعطاها مهديء،من اول الجنازه وهي قاعده تهلوس بانها لسه عايشه لحد ما دفناها رمت نفسها في التربه فدماغها اتخبطتت في طوبه وبردو ومش عايزه تسيبها مش عارف لو كنتي موجوده كان حصلك ايه!
اسيا ببكاء:يا عمري،وبعدين!
مراد:اغمي عليها و عطتها مهديء ونايمه اهي هتصحي علي بليل خالص!
اسيا بتأثر:يارب تبقي كويسه بجد،وانا معاها مش هسيبها!
مراد:عارف،المهم انتي هتعملي ايه مع اكرم!
اسيا باستنكار:هو ده وقته يا مراد!
مراد:اسيا انتي زي اختي ويمكن اكتر مش هسيبك تضيعي نفسك!
اسيا بتعب:انا مش عارفه انا لسه هضيعها ولا هي ضاعت خلاص!
مراد:اديله فرصه!
اسيا:سيبها للظروف!
المهم انا هروح اغير واجيب هدوم وهاجي بسرعه!
مراد:لو عايزه تباتي وتيجي الصبح اشطا!
اسيا:لا مش هسيبها عشان ابقي جنبها اما تفوق!
_____________________
دلفت للبنايه وهي تتجه للمصعد،،وقفت وهي تنتظره بملل وتأكل اظافرها بعصبيه مكتومه من الانتظار،هبط المصعد اخيراً ليفتح بابه لتجد الاخر في وجهها!!
____________________
اسيا بصدمه:انت بتعمل ايه في اسانسيري!!
اكرم بضحك:اسانسيرك!!
اسيا بتأفأف:بتعمل ايه هنا!!
امسك الاخر يدها وهو يسحبها للداخل
اكرم:كنت عندكم!
اسيا بسخريه:بصفتك مين!!
اكرم:جوزك!!
اسيا بضحك يخلو م المرح:فوق يا بابا احنا اتطلقنا من قبل منتجوز اصلا!!
شعر انها اتت بدلو من الماء البارد وسكبته في وجهه دون أي رحمه!!،،لماذا تصر علي تعذيبه وهو لم يخطيء من الاساس!لماذا لم يكن القدر رحيماً به وكانت الان قربه تسانده ليتعدي تلك المصائب الذي وقع بها وذلك الماضي الذي يحاصره من كل اتجاه!لماذا فوق كل ذلك هي بعيده كل البعد عنه!!،،كان في ما مضي يمتلك كل شيء ولا يشعر بأي سعاده،قابلها وساءت حياته من جميع الاتجهات وكان يشعر بسعاده لا مثيل لها فقط لانها بقربه،اما الان الاوضاع تزداد سوء وهي بعيده عنه وهو اتعس ما يكون!!لماذا؟ايستحق ذلك الالم الذي لا يفارقه؟لا يظن فهو لم يرتكب اي ذنب!لم يقتل تلك الطفله؟لم يطلب من تلك الملاك ان تقع في حبه،والاهم لم يخونها!!
اسيا بقلق وهي تمسك زراعه:أكرم انت كويس!!
لم يرد عليها لتمسك هاتفهها وهي تتظاهر بالانشغال به!
اكرم وهو يزفر بكبت:انتي بتعملي كده ليه؟
اسيا باستغراب:بعمل ايه!!
اكرم وعينيه تلتمع دموعاً:ليه مصره تبعديني عنك والله العظيم ما خونتك يا اسيا احلفلك بايه ما خونتك،تعبت احلف وتعبت اترجاكي ترجعي،اسيا انا بحبك!انا عرفت الحب الحقيقي بيكي اخونك ليه!ملاك قدامي من ١٥سنه واكتر ومحبتهاش اخونك ليه معاها!
اسيا ببكاء:اوعي تفكر اني ما بحسش او فرحانه باللي بيجرالك بسببي،قرار طلقنا موتني اضعاف ما موتك!
اكملت وهي تقع ارضاً بانهيار بعد ان اوقف المصعد:انا بحبك يا اكرم يمكن اكتر ما بتحبني كمان بس انا كده؛مش بعرف اعبر،باتكلم كتير وانت بتعتبره هري،بحب الاهتمام وانت قبل الفرح بدات تهملني وكل شويه اقفلي وهكلمك وتطنش!تفتكر مليش حق اني اصدق!؟اكرم انا كنت بسجد وانا بدعي بعياط"يارب نسهوني"بس من جوايا كنت بقول"يارب يبقي نصيبي دنيا وجنه"من جوايا كنت بتمناك قلبي عايزك وهيفضل عايزك انا فعلا اتلغبطت ودعيت كذا مره بكدا!بس قلبي بيقولي ابعدي احسن
جلس بجانبها هو الاخر وهو يبكي:انتي اللي بتعذبي نفسك بتفكيرك ده!للي فات خلاص ميتفكرش فيه،ارجعيلي يا اسيا ووعد مش هجرحك باي طريقه،ارجعيلي عشان مش هنعرف نكمل من غير بعض مهما حصل!
اقتربت الاخري منه والدموع تنهمر من عينيها بألم ثم احاطت وجهه بيديها،اسندت رأسها برأسه وهي تنظر لعينيه بألم!هي غارقه بهما حد الموت!قضت ليالي وهي لا تفعل اي شيء سوي النظر لهما من خلف الشاشات ولكن لا تستطيع الرجوع شيئاً ما ثقيل علي قلبها يمنعها،رغم ذلك الحب الكبير ليس لديها القدره،وضعت قبله عاشقه متألمه علي شفتيه الذي اشتاقتها اكثر من اي شيء ثم نهضت وهي تأخذ هاتفها من الارض ثم اعادت تشغيل المصعد!
اخذ الاخر هاتفهه ومفاتحه وهو ينهض ثم اقترب منها وهو يردد بأمل:قولتي ايه!!
حاولت الحروف ان تخرج من شفتيها المرتعشتان ولكن لم تستطع الا بعد مجهود كبير!
اسيابألم:لا.
ثم تركته وهي تدلف خارج المصعد ثم لمنزلها!!اغلقت باب منزلها في ذات الوقت الذي اغلق باب المصعد به وكانوا بمثابه حوائط بُنيت بينهما!!تفوهت بكلمه واحده فقط!!حرفان!!اشعروها بألم لم تشعر به من قبل!لماذا الالم يزداد بتلك الطريقه!لماذا نصيبها الاكبر في هذه الحياه من الالم!،لماذا رحلت عنه للابد!،،بداخلها حريق لا ينطفيء وحروب لن تهديء ولن تنتهي،لماذا يحدث كل ذلك هي لم تفعل اي شيء سوي انها احبته!،احبت عينيه وقلبه!،لم تفعل اي شيء لتترك هنا وحيده،لتترك بدونه،ولكن من الواضح انه كان يجب عليها ان تمضي في طريقها منذ اول صدفه جمعتهما وتتناساه بدلاً من ان تقع في تلك الورطه!بدلاً من ان تقع في عشقه!
الفصل الثامن والعشرون والتاسع والعشرون من هنا
إللي خلص القراءه يدخل هيلاقي كل اللي بيدور عليه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق