رواية اسيا البارت الثامن والعشرون والتاسع والعشرون بقلم فاطمه صلاح حصريه وجديده على مدونة النجم المتوهج للروايات والمعلومات
 |
رواية اسيا البارت الثامن والعشرون والتاسع والعشرون بقلم فاطمه صلاح حصريه وجديده على مدونة النجم المتوهج للروايات والمعلومات
في منزل كارمه
آتت الاخري بعد ان بدلت ملابسها واخذت كل تحتاجه في اقامتها مع كارمه،،اتت لتجدها ما زالت نائمه،،الجميع ذهب ولم يتبقي سوي أخيها وأبيها،،دلفت للداخل وهي تقف مع الاخر
مراد:أسيا!!نا قولت هتباتي وتيجي الصبح!،اتاخرتي كده ليه!
اسيا بتعب:ما فيش عقبال ما جيت!!
مراد بمرح كاذب:امال انتي شاربه حشيش عينيك حمراء كده ليه؟
اسيا بكذب:لا ما فيش عشان منمتش بس!
مراد:هتفضلي لحد امتا كده!
اسيا بجمود:هفضل ايه!
مراد:هتفضلي لحد امتا تكتمي جواكي وترفضي ترجعيله وتباني قويه وانتي هتتعمي قريب من كتر العياط!!
اسيا:مراد خليك ناو في كارمه ومتشغلش بالك بيا!
مراد:اسيا انا مش هكرر كتير قد ايه انتي غاليه عندي بس انا مش هسيبك تضيعي نفسك!!
اسيا وهي تحاول تغير الموضوع:انت هتنام فين!
مراد بحزم:سمعتي مش هسيبك تضيعي نفسك!
__________________________
لا يصدق ما تفعله!،لما لا تضع نفسها بمكانه،لماذا تصر علي فراقهما،توقفت حياته منذ تركها له لم يذهب لعمله،لم يحاول النجاه من الاعيب كمال وملاك،، لم يفعل أي شيء سوي التفكير بها!!،،هي تحاول ان تصف له كم هي ممزقه بين قلبها وعقلها كم هي في صراع بينهما ولا تدري عن صراعه في كل لحظه!فـَ عقله يخبره في كل لحظه أن يعود للقاهره وينغمس في عمله وسينساها كما نسي حب حياته"سيلينا"أما قلبه فيخبره في كل لحظه انه لا يستطيع العيش بدونها يخبره أنه لا يود سوي العيش علي قيدها،أن ينتهي بين ذراعيها عن عمر يناهز مائه وعشرون عاماً أو أكثر،لا أن ينتهي وهو يتخبط بين موجات النسيان العنيفه!!
دلف لشقته الخاصه فهو لا يقوي علي التحدث مع اي شخص كان وخصوصاً إستجوابات ”لين“ التي لا تنتهي!
ارتمي علي المقعد وهو يزفر بكبت!وضع يده علي وجهه وهو يحاول ان يهديء،يشعر الان أنه قد مر دهر منذ أن غابت لا سبعه عشر يوماً،أي أسبوعين وأكثر،ربعمائه وثمانيه ساعه،،أربع وعشرون ألفاً وربعمائه و ثمانون دقيقه،،مليون وربعمائه وثمانيه وستون ألفاً وثمانمائه ثانيه!! يمر الوقت بهذه السرعه،مازال لا يصدق انهما إنتهيان،لا يصدق انه اصبح لا يعلم عنها أي شيء سوي من اخته بعد ان كانت تخبره بأدق تفاصيلها ويختم كلامها بجملته المعهوده"بتحبي تهري كتير أوي انتي!!"وللأسف قد اشتاق بشده لما كان يسميه "هري!" منذ قريب!! ،كيف استطاع ان يقضي يومه بدون أن تظل تتحدث معه عن أدق تفاصيل يومها بدون ثرثرتها المعتاده بدون استفزازها وكلماتها اللاذعه بدون مرحها!،كيف أصبح يعيش في حياه هي ليست بها وتبعد عنه بمسافات،كيف أصبحوا غرباء لهذا الحد!؛ أفاق من ذلك التفكير وهو يحاول ان يبعد تفكيره عنها بأي شكل قبل ان يجن!!ولكن علم انه بالفعل قد فقد عقله بعد ان ذهب بعيداً وهو يتذكر كيف التهمت شفتيه تلك الحيه بجوع لا يليق بها "او هكذا كان يعتقد" تذكر كيف لم يشعر بأي شيء بل شعر بالتقزز منها ومن صدمته الذي انسته ما تفعل!! ليذهب بعيداً وهو يقارن بين جرأتها وخبرتها التي قاربت علي ان تكون فجوراً وبين الاخري ونقائها وبراءه الاطفال التي تمتلكها!!
فلاش باك
في الثالثه فجراً وقبل ان يسافر قرر توديعها،،،هاتفها لتفتح له المنزل ودلف لحجرتها كانت ترتدي بيجامه قصيره باللون الأخضر وترفع شعرها في كعكتان وتبدو كطفله شهيه
ليقترب منها وهو يقول:بصي لو عايزاني مسافرش واقضي فتره امتحاناتك كلها هنا نفذي الطلب؟
اسيا بترقب:طلب ايه!!
اكرم بخبث:بوسه!
اسيا ببرود :اطلع بره هصوت واصحي بابا وماما!!
اقترب بضحك:صحيهم
ظلت تهرب في حجرتها الكبيره يميناً ويساراً حتي اصطدمت بخزانه ملابسها لتسبه بعنف!!
اقترب الاخر وهو يتحسس ظهرها بحنان:اتخبطي فيه جامد!!
اسيا بعنف:اهه عقبالك!
اقترب منها وهو يقول:قدامك دققتين لو البوسه عجبتني هقعد؟!
اسيا:احلف الاول!
اكرم:والله العظيم هفضل!
اسيا بطفوله:طب بص غمض عينك جامد جامد كإن هتنام!!
انفجر ضحكاً وهو يغمض عينيه لتمسك وجهه بين يديها وهي تطبع قبلات رقيقه علي شفتيه يظهر عليها انعدام الخبره بوضوح ليقول بسخريه:نتي بتبوسي ادهم كده صح؟
اسيا باستنكار:اكيد لا!!
اكرم بضحك:يبقي عمر؟
دفعته بعيداً وهي تهتف بإحراج: ده اللي عندي،اطلع برهه!
ليقربها منه وهو يقبلها بحب ويبثها كل اشواقه لتتجاوب معه بنقاء!!
انتهيا ليودعها وهو يردد لها انه سياتي بعد انتهاء اختبارتها!!
اسيا وعينيها تبرق:بس انت حلفت بربنا!!
اكرم بتمثيل:انا!!حلفت قولت ايه!
اسيا ببراءه:والله العظيم هفضل!
اكرم بضحك:اقصد اني هفضل معاكي لحد اخر عمري،،انما الاعمال بالنيات!!
باك
ترددت في اذنه اصوات سبها وشتائمها له واصرارها علي انها لا تود معرفته مره أخري!!كم اشتاق لطفولتها؟!
كم كانت استثناء طفله وانثي،، عقلانيه ولكن قلبها يتحكم بها كثيراً،كتله من الثلج ولكن تذوب بين يديه وتتجاوب مع اشواقه،نقيه وواعيه،طيبه وشرسه،كئيبه ومرحه،قادره علي اسعاده واحزانه بحرف،اقوي من رأت عيناه واضعف مما تخيل الشيء ونقيضه!!،ورغم كل ذلك هو أُعجب بقوتها منذ أول مره رأها!!قوتها التي لا تتناسب بتاتاً مع سنوات عمرها القليله!!
_____________________________
في الصباح
فتحت عينيها وهي تشعر بألم شديد بها لا تعلم اهو من كثره البكاء ام من الصداع المميت الذي كاد يدمر رأسها،،نظرت للسقف للحظه!لحظه واحده بهدوء وهي تحاول التذكر والاستيقاظ!!وليتها لم تستيقظ!ظلت تتردد أمام عينيها صوره والدتها بعد ان لفظت أنفاسها الاخيره لتهز رأسها برفض!
كارمه بصراخ هادر:ماما!ردي يلا عليا وقوليلي اني في كابوس وانك مستحيل تموتي وتسبيني!!
افاقت الاخري فزعه والذي كانت نائمه علي مقعد بجانبها:اهدي يا كارمه اهدي يا حبيبتي!
كارمه بصراخ:اسيا روحي اندهيهالي والنبي قوليلها كارمه مستحيل تعرف تعيش من غيرك!!
حولت نظرها للاخر الذي يقف في جانب مكتوف الايدي وهو ينظر لها بحزن!!
كارمه بابستامه:مراد مش انت بتحبني؟لو عايز تثبتلي جبهالي والنبي يمراد جبهالي!!
احتضنها الاخر بحزن علي حالها وهو يردد بهمس:خليكي مؤمنه بقضاء ربنا يا كارمه ومتعذبيهاش،،ادعيلها بس!
كارمه بنحيب:انا مش متخيله اني معتش هشوفها ولا هتكلم معاها تاني يمراد!
مراد بحنان:احمدي ربنا يا كارمه انك بعد ما اتجوزنا اتعودتي متشوفيهاش فتره كده هتتجاوزي الموضوع وكل متوحشك زوريها وكلميها وقوليلها كل اللي في قلبك!
كارمه ببكاء:ده موت يا مراد!موت مش بُعد!انا لسه مش مصدقه!
هكذا هو "الموت"يأتي علي حين غفله منا،يسرق آخر شخص توقعنا ان يبتعد يوم،الموت يأخذ قطعه من القلب،قطعه من روحنا لا تعود أبداً حتي نلتقيهم في الحياه الابديه!!
ظلت تبكي لفتره طويله وهي تاره تحتضن اسيا وتذكرها بالمواقف القليله جداً التي لا تتعدي اصابع اليد الواحده التي حاولت والدتها اسعادها بها،،وتاره تبكي لمراد وهي تطلب منه ان يحاول إفاقتها من ذلك الكابوس!حتي غفلت بارهاق..
ذهب مراد للنوم بالخارج فهو لم يغفل منذ يومان وأكثر،غرق في التفكير كان يظن انها لن تتاثر بموت والدتها او علي اقل تقدير لن تتأثر بتلك الطريقه فهو يعلم جيداً كم اذاقتها جميع انواع التعذيب منذ طفولتها!ولكن لم يضع في عقله ان "الأم"خُلق حبها بداخلنا منذ ان كنا نقطه من الدم!شيء اساسي في تكويننا مثل كل عضو ونسيج وخليه!مهما فعلت لا يتغير او يتحطم!
____________________________
شعر ان جدران المنزل اوشكت ان تنطبق علي رأسه وتودي بحياته،من هول الخنقه الذي يشعر بها!لذا قرر الخروج بسيارته بلا هدف كعادته مؤخراً،،وقف في الجراج الخاص بالسيارات في طريقه لفتح سيارته ليجد جاره شاب في منتصف الثلاثينات وهو يعنف طفله صغيره:جيسي احترمي نفسك عيب كده!
الطفله بسوقيه:هو ايه اللي عيب يا بابا بقولك عايزه العروسه الكبيره ولا مستخسر فيا!!
ابيها بصدمه:مستخسر فيكي ايه انا عمري حرمتك من حاجه!!
عادت لبرائتها وهي تقول:never!
فلتت ضحكه منه:انتي بتتحولي بسرعه جداً
ثم قام بفتح صندوق السياره وهو يخرج لها "عروسه كبيره اطول منها بكثير"
الطفله بسعاده غامره وهي تقفز عليه وتحتضنه:بحبك اوي يا بابي،انت احسن اب في الدنيا!
ظل يراقب الحديث حتي هذه النقطه وهو يستقل سيارته!كم كان يتمني ان يرزق بنسخه صغيره من"اسيا"تشبه هذه الطفله بكثير ولكن الان!!قد تخلي عن حلمه بعد ان بدأ اليأس يتسلل له ويخبره بهدوء أن أولاده سيحملون إسمه ولكن والدتهم لن تكون!!،،آسيا
اسند رأسه للخلف بارهاق وهو يتذكر الاخري في مشهد مثل ذلك لطالما كانت طفلته!!
فلاش باك
في اليوم الثاني بعد ان ابتاع لها الشبكه وقد رفضت ان يقيموا اي إحتفال ذهب ليقدمها لها
ارتدت الدبله والخاتم ثم ابعدت يدها لتنظر لهم بابتسامه:بحب الدهب الابيض اوي!!
إستغل هذه الفرصه وهو يقدم لها الطاقمان الالماس والذهب الابيض عشقتهما من النظره الاولي وهي تقول بمرح:انا كده خطيبه أكرم راضي فعلاً
انفجر ضحكاً :ماديه حقيره
اسيا وهي تقترب من اذنه وتقول بمرح:الصراحه انت لسه مشفتش حاجه
اكرم بضحك:يارب عيالي ميورثوش صفاتك دي
اسيا بغرور مصطنع:ياريت يبقوا ربعي بجد الدنيا تتحول جنه،صفه منككك بس تتحول جهنم!!
باك
........
ظهر علي وجهه التأثر من تلك الذكريات التي تزحم فكره في جميع الاوقات فيومه ينقضي بين ذكرياتهماً معاً واحلام اليقظه معها او التفكير في كيف حالها الان والسؤال الثابت هل تراها ما زالت احبه كما تدعي!!فهي في اعتقاده لو كانت تحبه لسامحته بكل تأكيد عن ذنب لم يفعل!!؟لا يعلم انه يعيش بداخلها وكأنه لم يفارقها ولكن السماح ليس بشيء هين في قاموسها بعد ما رأته بحياتها!!
ادار السياره بعد ان قام بتشغيل المسجل فهو قد اعتاد علي ذلك منذ ان عرفها لا بل منذ ان احبها!!تذكر مقولتها"الموسيقي بتحس بينا،شغلها في اي وقت هتلاقيها بتقول اللي جواك"ليتردد في الاجواء"أصعب حاجه لما حاجه تبقي كانت بين إيديك لما حاجه تبقي كانت ملك ليك فجأه تبقي وجودها رابع مستحيل كل حاجه منها تتحرم عليك!!!"أيد بشده هذه الكلمات وهو يقول:يعني ازاي ياسيا هشوفك ومش هعرف احضنك!وهل اصلا هشوفك تاني،يخبيء القدر لهما المزيد من المفاجأت تاره مفاجأت حزينه وتاره سعيده!فدائماً بعد الليل يأتي الصباح حتي ولو كان اطول ما يكون في حياتهما!
___________________________
ذهب لملهي ليلي فجراً بعد ان ارهقه المشي في الشوارع بلا هدف،،جلس وهو يحتسي الخمور ويتذكر جميع لحظاتهما معاً،افاق علي صوت هاتفهه ولكن برنه لم يضعها!!"Little do you know"استغرب بشده فهذه اغنيه اسيا المفضله!ليقرأ الاسم الذي يهاتفهه"Aziz💙"فتح الهاتف وهو يضعه علي اذنه ليجد!
عزيز بلهفه واضحه:آسيا!اخيراً رديتي،،انتي فين من الصبح وايه اللي مصحيكي الساعه٤الفجر و مامه كارمه ماتت انتي ايه اللي يرجعك!!اسيا طمنيني عليكي!
عزيز:اسيا؟مش بتردي ليه!!
اطبق علي الهاتف بغل وعنف وهو يكاد ان يسحقه في يده وهو ينهي المكالمه!!لماذا لم تقطع علاقتها بذلك الوغد!!يظهر في صوته وافعاله بوضوح انه يعشقها!!واسيا ملك له فقط لا يحق لاي شخص ان ينظر لها حتي!!،القي الحساب علي الطاوله وهو يستقل سيارته ويذهب بسرعه الريح لمنزله!
___________________________
غفلت اخيراً كارمه في السابعه صباحاً لتغلق الاخري عينيها بتعب وهي تحاول ابعاد الاخر عن تفكيرها،،غفلت بعد صراع مع قلقها والم قلبها الذي ينبئها ان الاخر ليس علي ما يرام،لتستيقظ بعد اقل من ساعه علي نومها علي رنيم هاتف،ظلت تتبع الصوت حتي وجدته هاتفها استغربت بشده من ذلك الرنين العادي والذي لم تضعه فهي عادةً تضع اغنيه!قرأت الاسم اخيراً"لين"لتعلم انه هاتف أكرم فهي تضع صوره للاخري وتكتب اسمها باللغه الانجليزيه!!لم تستغرب بوجود الهاتف هنا!!فهاتفيهما باللون الاسود ومن نفس النوع ولا يوجد اختلاف سوي بالداخل!!ومت المؤكد انها اخذته عن طريق الخطأ البارحه!!افاقت من افكارها لتجد الاخري قد انتهت من الرنين ولكن ارسلت الكثير من الرسائل!!جميعهم عباره عن"أكرم انت فين"/"اتاخرت ليه طمني عليك!"/"اوعي تكون سكرت وجرالك حاجه! /"رد طيب عليا بكلمه يا بني طمنا!"تسلل القلق لقلبها بشده ولكن تغلب شكها به علي ذلك الخوف!لتقرر تفتيش هاتفه!بدأت بمواقع التواصل الاجتماعي لتجده لم يحادث اي شخص منذ عرسهما او بمعني اقرب طلاقهما!!استغربت بشده لتدلف مره أخري للرسائل!اتسعت عينهيا بشده وهي تقرأ اخر ما ارسل له قبل رسائل لين!!!جميع الرسائل تدور حول التهديد بقتل"ملاك"ان لم يذهب في الحال!!ارتمت علي المقعد و الدموع تنهمر من عينيها لا إرادياً وهي تردد برفض:يعني انا ظلمته!!عمال يحلفلي وانا مش بصدق!!ظلت تبكي بضياع وهي تشعر انها تود الاختفاء الان من كثره الصدمات التي تتلقاها لتجد هاتفه يره مره أخري!!،اجابت بسرعه!
لين:اكرم!!انت فين يا بني انت ومجتش ليه!!اوعي تكون سكرت ولا عملت حاجه في نفسك عشانها!
اسيا:انا اسيا يا لين!؟
لين بذعر:اكرم فين!!،اكرم جراله حاجه!!
اسيا:مش عارفه هو فين،بس كلميه علي فوني وهيرد!!
لين بخوف:اتصلت علي فونك كتير اوي عشان اسالك عليه بس مفيش رد!!
اسيا بقلق:يمكن رجع القاهره!!
لين:لا كريم هناك وقال مجاش!
اسيا:طب يمكن عند حد صاحبه!!
لين ببكاء:مبيروحش عند حد يا اسيا!!
اسيا بتفكير:هطمنك عليه في اقرب وقت سلام!!
___________________________
استقلت سياره مراد بعد ان ارسلت له رساله علي هاتفهه بخبر خروجها وهي تذهب في مكان بالتأكيد سيكون به!!
فلاش باك
يجلسون امام البحر كعادتهم!
اسيا بتأفأف:اكرم معدش الا٢٠يوم ع الفرح انا خايفه حاجه تحصل!!
اكرم بمرح كاذب:ياااه عليكي فقريه!!
اسيا بدموع:مش فقريه بس احساسي مبيكذبش!!
اكرم بحب:يا ستي لو ايه حصل انا عمري ما هسيبك،،مستحيل ابعد عنك خليكي متاكده!!
اسيا ببكاء:ساعات يا اكرم بنبعد عن اكتر حد بنحبه غصب ان عننا مش شرط برغبه مننا!!
اكرم بعقلانيه:وحتي لو بعدنا يا ستي مع ان انا بقولك مستحيل اسيبك لغيري،،انتي هتفضلي في قلبي!!
اسيا بخوف:اكرم احنا لو سبنا بعض انا قلبي هيقف,الانتحار اريحلي!
اكرم برزانه:لا يا ستي مش هيقف،الحياه هتبقي زفت وطين بس مش هتقف!!هتمشي بس من غير نفس وروح وهتمشي ناقصه،وبعدين ما تنتحريش انعزلي زي ما بعمل وهترجعي فل!!
اسيا بسخريه:انت بتديني طريقه يعني عشان اتاقلم لو بعدنا!
اكرم بيأس:يا ستي اتفائلي"تفائلوا بالخير تجدوهه!!"وبعدين لا اكيد بس فعلا انك يبقي ليكي مكان تنعزلي فيه محدش يعرفه غيرك دي احسن حاجه!
اسيا:فعلا طول عمري بتمني يبقي ليا مكان كده خاص وهادي اخد في قراراتي واكتئب وانعزل وكله!،عرفني ع مكانك يمكن يبقي مكاني!!
اكرم:واللي يحققلك امنيتك!!؟
اسيا بعدم تصديق:يبقي احسن واغلي واجمل اكرم في الدنيا!!
ظل يقهقه علي طريقتها وهو يخرج من جيبه مفتاح:ده مفتاح الشقه,وقريبه من بيتك وع البحر وبصي اي خدمه!!
اسيا بعدم تصديق:اللي اسانسرها اوسع من قوضتي؟
اكرم بضحك:بالظبط
جلست اعلاه وهي تهبط عليه بأمطار من القبل خرج منها ووجه متلون باللون "الاحمر القاتم" كاللون احمر شفاهها!!
_____________________________
دلف لبيته اخيراً بعد ان تفادي الكثير من الحوادث،كان كالثور الهائج!،،اتراها رفضت البارحه العوده له بسبب هذا العزيز!!وما الذي يزعجه هي من الاساس وجودها بحياته أكبر خطر عليها!!فهو لا يعلم ما يخطط له كمال ورجاله اضافه علي ملاك!!كل انشغاله بها وبرجوعها له والعيش معها في سلام!!غير ذلك لا يهمه ولا يضعه بباله من الاساس!!ايتركها تضيع منه وتتزوج هذا العزيز ويعيش هو بلا روح!!،اما يعيدها له غصباً وبذلك ستكرهه!!،اما يحاول اعادتها ولا يستسلم ويتركها معه في الخطر!!،ثلاث حلول لا رابع لهما والثلاثه أصعب ما يكون عند هذه النقطه تساقطت الدموع من عينيه بغزاره وأعماه غضبه!،ليرفع المنضده الزجاجيه وهو يهبط بها أشلاء ثم أمسك بالشاشه التلفزيونيه وهو يهبط بها باتجاه اخر!ثم ظل يكسر بكل مل يقابله حتي امتلئت الارض بالزجاج والخشب ليهبط أرضاً وهو يشعر أنه يتفتت لاشلاء اضعاف هذه الذي قام بكسرها وهو يبكي بألم وقله حيله ويصرخ بعبارات اعتراض والم!
____________________________
دلفت الي المنزل اخيراً لتتحول نظران القلق الي صدمه!!وجدت المنزل ليس به قطعه سليمه!اضافه علي ذلك وجدت الاخر يجلش في منتصف كل ذلك وهو يدخن بشراهه ويحتسي الخمور بنظرات فارغه!
اسيا بصدمه:أكرم!!
لم يلقي لها بال لتحاول انتزاع الزجاجه من يده!
اكرم بسكر:خدتي روحي وقلبي وسبتيني ميت عايزه كمان الازازه مستخسراها فيا!
اسيا ببكاء:هاتها يا أكرم انت لسه حسابك معايا بعدين علي اللي بتعمله في نفسك ده!!حرام عليك نفسك من امتا وانت بتشرب الزفت ده!
اكرم بضحك:وانتي مش حرام عليكي اللي بتعمليه فيا!
ثم اكمل بدموع كالاطفال:مش حرام عليكي بعدك عني رغم انك عارفه اني بموت!
اسيا وهي تعامله كالاطفال:تعالي طيب الاول نغسل وشنا ونشوف جروحك دي ونشرب قهوه عشان نفوق وبعدين هنتكلم!!
اكرم:بجد!
اسندته عليها بصعوبه وهي تغسل وجهه بالماء البارد،ثم ضمدت جروحه واخيراً جلسا يحتسون القهوه!!
شعر الاخر بصداع لا يحتمل في راسه بعد ان افاق من سكره ليردد بالم:اطفي النور بقي واطلعي بره!
اسيا باستنكار:مش هنتكلم!
اكرم:نتكلم في ايه؟
اسيا:في موضوعنا!
اكرم بسخريه:موضوع ايه انتي خليتي فيها موضوع!
اسيا بارتباك:اكرم انا شفت المسدجات في فونك وفهمت كل حاجه!!،،اكرم انا اسفه اني مصدقتكش بس اي حد مكاني كان هيعمل كده!!
اكرم بصراخ:دلوقتي بس فهمتي!!،اي حد!لا أبداً لكن نتي معندكيش ذره ثقه فيا!
اسيا ببكاء:اكرم انا بثق فيك اكتر من نفسي،بس حط نفسك في مكاني!!انا شفت بعيني!!اه سمعت كلامك ليها انك بتحبني وكل ده بس شوفت عيني!
اكرم بعصبيه:اطلعي بره يا اسيا وانسيني!!،دي اقل حاجه ممكن اعدائي يعملوها وواحده مريضه زي ملاك ونتي بعتيني،لسه التقيل مجاش!هتعملي ايه بقي!
اقتربت منه في طريقها لاحاطه وجهه:هفهم وهتحمل
دفعها بعيداً عنه لتصتدم بالحائط خلفها بعد ان انفلتت منها"اه"متوجعه
اما هو فقد أعماه الغضب:كذابه!!انا اترجيتك وحلفت كتير اوي واتاسفت اكتر وكل ده عكس طبيعتي وكل ده ونا مش غلطان!ونتي متهزتيش!ولا رجعتي دلوقتي عشاني!رجعتي عشان عرفه انك ظلمتيني!!
التصقت اكثر بالحائط وهي تدفن رأسها في يديها وتبكي بشهقات كادت ان توقف قلبه!!
اقترب منها وهو يحاوطها!ويضع راسه في رقبتها وهو يستنشق عبيرها باشتياق:ماتخافيش!
اسيا بنحيب:ماتسبنيش يا اكرم!،،احنا هنقف قدامهم مع بعض،حبنا اقوي من كل ده،الحب القوي ما بينتهيش!!
ابعدها عنه وهو يقبل رأسها:طب يلا عشان نروح بيتك!!
تجمعت الدموع بعينها مره اخري وهي تردد برجاء:ماتسبنيش والنبي!
اكرم بضحك:زنانه!!يا بنتي عشان ناخد ابوكي ونروح نكتب الكتاب اللي مش راضي يتكتب ده!!
اسيا بضحك:لا يا بني اتكتب الفرح هو...
ثم توقفت وهي تدقق بكلامه:نكتب ايه!!
اكرم بسعاده وهو يغمز لها:الكتاب!!
اسيا
البارت التاسع والعشرون
فتحت عينيها علي امل ان يختفي هذا الالم الذي يسكن قلبها،المراره التي تتوسط حلقها،ان تسمع نداء والدتها وهي تنادي عليها بصراخ هادر لا داعي له،او ان تلقي عليها حتي دعوه خبيثه من خارج قلبها!،ولكن اصيبت بخيبه امل عظيمه بعد ان وجدت الالم يزداد،،ووجدت والدتها قد ماتت!!،،ماتت حقاً!،توقف قلبها عن النبض!!توقف ذلك القلب الذي قضت حياتها في التمني ان تشعر بحنانه في اوقات ضعفها،،صمت لسانها للأبد!ذلك العضو الذي كان يُفتت قلبها لاشلاء!،،توقفت عروق يديها عن النبض هي الاخري وارتخت بجانبها دون الحركه!!تلك اليد الذي تمنت بشده ان تحتضنها اوقات مرضها والامها ولكن بكل اسف كانت السبب الاكبر دائماً في المها النفسي قبل الجسدي،سكنت وسكن قلبها تماماً ورحلت للأبد!!،ظلت تبكي لفتره حتي قررت ان تنهض من فراشها فهذا اليوم الثالث علي التوالي الذي لم تفعل به اي شييء يفعله الاحياء ولكن نهضت الان مرغمه لحاجتها الشديده للذهاب للمرحاض والاستحمام أيضاً!!
___________________
شعرت بدوار شديد و طغي السواد علي رؤيتها لعده دقائق قبل ان تتماسك وهي تمشي مره أخري للخارج،،هذه المره لم تتمكن من التماسك بل وقعت أرضاً وهي تصرخ بألم!
نظرت في انحاء الصاله علّ احد يساعدها ولكن لم تجد أحد!!
ظلت جالسه أرضاً لعده دقائق وهي تبكي حتي رأت باب الشقه يُفتح ويدلف منه الاخر!
مراد بذعر:كارمه!!ايه جرالك؟
كارمه ببكاء:كنت رايحه الحمام ودوخت!!
مراد بحنق:كويس انها جت سليمه!!
كارمه بتساؤل:فين بابا ومحمود!
توتر الاخر وهو يردد:في الشغل يلا بس عشان ادخلك الحمام!!
كارمه باصرار:بابا ومحمود فينننن!!
مراد:محمود في الشغل والحاج نزل يستني صلاه الضهر!
كارمه بعدم تصديق:يستناها من الساعه١٠!!
مراد:معرفش بقي يا كارمه اما يجي اساليه!
كارمه بشك:طيب!
مراد بتردد:كارمه ايه رايك نروح بليل؟!
كارمه باستنكار:نروح فين!!
مراد:بيتنا!!
كارمه بصدمه:انت بتخرف صح؟انهارده لسه الثالث!
مراد:معتش في حد بيجي من بعد الاول يا كارمه!
كارمه باستنكار:هو عشان حد بيجي او مبيجيش؛انا عشان مسبش بابا ومحمود لوحدهم!!
شرد بعيداً وهو يفكر في تلك المصيبه الذي عليه حلّها في أسرع وقت قبل ان تعلم الاخري الحقيقه وهذه المره ستفقد الحياه ليس النطق او ما شابه!
_____________________________
اسيا بعدم تصديق:اكرم انت بتتكلم بجد!انا مش مصدقه!
اكرم بضحك:لا صدقي يالا
اسيا:لا انا في حلم اكيد اقرصني عشان اصدق!!
فعل ويا ليته لم يفعل!!فتحت فمها علي أوسع ما يكون وهي تصرخ بشده وتمطر عليه بوابل من الشتائم والدعاوي!
____________________________
بعد ان تناولو إفطارهم واحتسوا قهوتهم في المقهي المفضل لهم والذي اشتاقوه بشده،،قرروا الذهاب لمنزلها!
___________________________
في منزل آسيا
رحبت بهم لمياء بعد ان ارتسمت الدهشه علي وجهها بوضوح!!،من ثم اتي سامر وهو يرحب بهم بسعاده وينظر لأكرم نظرات فخر بقراره وتأيد فهو علم من نظرات الاخري!!ما اتوا لقوله!
اكرم بابتسامه:عمي انا جيت عشان نكتب الكتاب انا واسيا بعد موافقه حضرتك طبعا!!
سامر بسعاده:انا اسعد ما يكون بالقرار ده والله!
لميا باستنكار:هو لعب عيال!!تطلقوا من غير ما نعرف السبب ومافيش شهر ترجعوا!!
سامر بهدوء:متدخليش يا لميا بعد اذنك!
لميا بعصبيه:مدخلش!!،،سامر اسيا بنتي زي ما هي بنتك ومن حقي اخاف عليها،،ده جواز مش لعب عيال اظن كنت شايف حالتها الفتره اللي فاتت كانت تصعب ع الكافر!!
لم تتلقي رد من الاخر لتوجهه كلامها لاكرم بحزم:انت قولتلي هتعرفي كل حاجه في الوقت المناسب اظن ما فيش انسب من كده!
اكرم بحنق:حضرتك...
قاطعته الاخري فهي تعلم انها لو تركته يكمل ما ينوي قوله لكانت والدتها كرهته بالفعل،،فهو لا يحب اي شخص ان يتدخل في علاقتهما حتي لو والدته!!فالبتالي لن يرحم من يتدخل وبتلك الطريقه!
اسيا:كنت شفته هو وصاحبته ايام الكليه مع بعض وحضرتك عارفه اني بغير فاتخانقنا!!
لميا باستنكار: غيرتي فاتخانقتو تطلقوا؟!
اسيا بارتباك:اللي حصل!
لميا بترقب:وساب الفرح ليه!عشان صاحبته بردو؟
سامر بعصبيه:ما تسكتي بقي يا لميا وخليكي محضر خير،،هو في ايه بالظبط ولا عشان ساكتلك!!
تأفأفت الاخري بكبت وهي تردد بحزن:لا متسكتش قوم اضربني!
حاول الاخر تلطيف الاجواء فهو لا ينقصه ان يتعطل زواجهما بسبب هذا النقاش التافهه!
اكرم وهو يحاوط كتفها:حضرتك فوق راسنا وعمي طبعا ما يقصدش!،،وانا فاهم ان حضرتك عايزه تطمني علي بنتك وانا بقولك اطمني ولله اسيا في عيني مستحيل ائذيها محدش بيأذي روحه،،وبقولك تاني في اقرب وقت هتعرفي كل حاجه!!
_____________________________
دلفوا للمرحاض..
حاوط الاخر خصرها بيد حتي لا تقع وباليد الاخري حاول تظبيط المياه بحيث تكون دافئه!
قاطعته كارمه باحراج:مراد ما تحاولش ما فيش مياه سُخنه!
مراد باستغراب:مين قفل السخان!،طب تعالي بقي ريحي عقبال منفتحه!
كارمه باحراج اكبر:ما فيش سخان!انت ملاحظتش!!
ابتلع الاخر ريقه باحراج:لا ولله العظيم!
ثم اضاف بكذب: اصل نتي عارفه انا بستحمي بمياه سقعه فالسخان مش ضروري بالنسبالي!،المهم تعالي ارتاحي في قوضتك عقبال ما اسخنلك مياه!
وضعت الاخري يدها علي وجهها للحظه وهي تتمني فعلياً ان تنشق الارض وتبتلعها،،الان فهمت تلك المقوله الرغبه الشديده في التلاشي،في ان لا تكون،لا توجد من شده الاحراج!!
كارمه باحراج:البوتجاز بايظ!
مراد بضحك: زمانه اتصلح حببتي احنا داخلين في نص سنه متجوزين اهو!
كارمه:لا هو بايظ من زمان وماما بتطبخ عند طنط نجوي!
مراد:جارتكم!
كارمه بعفويه:اهه ام سليم وحور!!
نظر لها بكبت وهو يفتح المياه بعصبيه!
كم مره يجب عليه ان يحذرها من ذكر ذلك الكائن!لتوافق ثم تعود وتذكره حتي في ابسط الاشياء!اي غبيه هذه الذي وقع في حبها! الم تعلم ان قلبه ينكوي بتلك النار او بمعني أصح بتلك الغيره!!
اندفعت المياه بشده علي جسدها ليسري به رعشه شديده من كثره البروده فالماء كان في بروده الثلج بل اكثر!
ظلت اسنانها تخبط ببعضها وهي تحاوط جسدها ليفيق الاخر وهو يحتضنها بحنان جارف،،شعرت في تلك اللحظه بالدفء!ليس دفء المياه او الغرفه بل دفء مشاعره وقلبه..
حاوطها بالمنشفه وهما يدلفون لغرفتها،بدل لها ملابسها لملابس بيتيه مريحه قد اتي بهم من منزلهم في الصباح بدلاً من ذلك الفستان الذي ارتدته لثلاثه ايام!،انتهي اخيراً وقد مشط لها شعرها علي هيئه ذيل حصان انيق!
مراد بحب:دلوقتي بقي هقوم اجبلك اللبن والفطار!
كارمه باعتراض:مش...
قاطعها بحزم:مفيش اعتراض!
جلس بجانبها وهو يضع لُقيمات صغيره في فمها حتي انتها من اطعامها!
مراد:ها هنعمل اي دلوقتي!!
كارمه بحب:مراد!انت اكبر نعمه ربنا رزقني بيها بجد ولو عشت ١٠٠ عمر فوق عمري مش هقدر احمد ربنا كفايه انه رزقني بيك!!،،انا بجد ممتنه لوقفتك جنبي وكل اللي بتعمله وعملته معايا!
مراد بحنان:انا اللي بحمد ربنا انه حققلي حلمي بيكي,,ده وجبي بطلي كلامك الاهبل ده!
ثم اضاف:المهم،احنا دلوقتي عايزين كل واحد يقرأ جزأ يومياً صدقه علي روح مامتك،انا هبدأ بجزء "الملك" وانتي "عمّ"
نظرت له بمشاعر مختلطه جميعها تتمحور حول الامتنان والتقدير والفخر والانبهار والهيام!!،،شعرت ان الله عوضها حرفياً به عن كل ما عاشت!!،،رأت اوجاع كانت تردد دائما انها "كثيره عليها" والان عوضها الله بسعاده معه لم تكن تحلم بها!هكذا عوض الله عندما يأتي!
كارمه بابتسامه:ماشي بس عايزه اقولك حاجه قبل ما نبدأ!
مراد بترقب:ايه؟؟
نظرت له وهي تغرق في عينه:بحبك يا مراد وبموت فيك أكتر من اي حاجه واي حد
_____________________________
تناولوا غذائهما في جو عائلي قد افتقدته الاخري بشدهه من ثم جلسوا معاً فب شرفتها يحتسون"الشاي"
آسيا:أكرم هو مش عيب نكتب الكتاب في موت ام كارمه!!
اكرم:انا عن نفسي شايف انه مش عيب لان مش هنعمل فرح!ده كتب كتاب عند المأذون
تنحنحت الاخري:بس هسيبها و..
قاطعها الاخر:لا يا حبيبتي تقدري تبقي معاها واما تتحسن نبقي نعمل سنه عسل
اسيا بضحك:لا اذا كان سنه فسيبك من كارمه!
اكرم بابتسامه:واطيه طول عمرك!
اسيا:مين الشاهدين اللي هتجيبهم؟
اكرم:كريم ويزن؟
اسيا:كنت عايزه عزيز
لمعت عينيه بوحشيه:عزيز ده تنسيلي اسمه سامعه!!
اسيا باستنكار:عزيز صاحبي!!
اكرم:مفيش حاجه اسمها صحاب سامعه!!
اسيا:هعرفه اننا هنتجوز عشان يطمن عليا وبعدين هخفف الكلام!؟
اكرم بغضب:أما نشـوف!!
اسيا وهي تحاول المرح:فُك بقي يا حبي انهارده فرحنا!
اكرم بابتسامه:حُبك؟ماشي!
اسيا:الساعه٣هنروح امتا!!
اكرم بضحك:مستعجله اوي انتي،،انا هنزل دلوقتي وهجيلك ع ٦كده
اسيا بحنق:تنزل فين خليك معايا
طبع قبله سريعه علي وجنتها:ورايا كذا مشوار ولله وعشان اغير!!
_____________________________
ذهب الاخر لتقرر مهاتفه"كارمه لإخبارها والاطمئنان عليها"
كارمه:ايه يا اسيا انتي فين!
تنحنحت الاخري:حصل حاجات كتير انهارده بس انا مش عارفه اقولك اي او ازاي!انا هتجوز اكرم!!
شعرت كارمه بسعاده لم تكن تتوقعها وهي تصرخ:بتهزري!!انتي بتقولي كده عشان تفرحيني!!
اسيا بدهشه:لا ولله بجد وهو لسه نازل اصلا وقال هيجي٦.
كارمه بسعاده:الف الف مبروك يا اسيا انا كنت متاكده اصلا انكم هترجعوا,يارب متفترقوا تاني يارب!
اسيا بفرحه:يارب يا قلبي،هجيلك بليل بقي!
كارمه باستنكار:تيجي فين انا مش عايزه اشوف وشك لسنه قدام!!
اسيا:لا بجد هجيلك واكرم قالي اقعد معاكي واول متتحسني نبقي نعمل شهر عسل!
كارمه بحزم:اسيا مفيش لا،نا هخلي مراد يجيبلك حاجتك ومش عايزه اشوف وشك خالص ولالا اتصوري وابعتيلي!
اسيا بحنق:كارمه انتي اختي مش هسيبك لوحدك!
كارمه:مهما كنتوا جنبي يا اسيا الحزن جوايا مش هيخف خالص حتي لو بينت كدا،،انا هعيش ناقصه طول عمري،حتي سعادتي دلوقتي بيكي كانت ناقصه،فملوش لزوم اربطك جنبي،وكدا كدا مراد معايا متخافيش!.
اسيا:بس...
كارمه بسرعه:هستني الصور وهقرفك شات وفون!
ثم اغلقت في وجهها قبل ان تعترض الاخري
____________________________
في السادسه مساءً
ارتدت فستان من الفيزون يصل لاعلي ركبتيها بقليل وجاكيت انيق من الجلد الاسود وحذاء شتوي ذو رقبه طويله باللوت الاسود وتركت شعرها مموج واتت بنصفه يميناً وتركت المتبقي يغطي ظهرها ووضعت makeup بسيط كعادتها ولكن اعطي لها مظهر مهلك خاصهً أحمر الشفاه "باللون الاحمر الفاتح"
____________________________
دلفت للخارج وهي تبتسم لتجد الاخر لم يأتي بعد!!،،ظلت تنتظره قرابه الساعه والخوف يتسلل لقلبها تلقائيا!!
نهضت وقد قررت ان تهاتفه حتي تطمئن لتجد باب المنزل يطرق وتجده في وجهها
اسيا بحنق:كنت فين كل ده قلقتني!!
اكرم:معلش يا حبيبتي عقبال ما جيت
من ثم ابتسم لها بحب وهو يضع يده لها لتضع يدها فيها وهي تضحك له،قبل يدها ثم اقترب من اذنها لتتسع ابتسامتها في انتظار كلمات الغزل!
اكرم وهو يدقق علي حروفه:هعديهالك انهارده بس،،لكن نصيحه مني تبداي ترمي كل اشباهه قبل ما اتدخل!!
اسيا بصدمه:بدأنا!!
____________________________
تم زواجهما بحضور والديها و والديه و ليلي ولين وكريم ويزن كشهود...
تساقطت دموعها من السعاده وهي تدعي الله ان يديمه لها ويديم سعادتهما للأبد،،استأذن من الجميع بسرعه شديده قبل ان يكمل الماذون"وجمع بينكما في خير!"
_____________________________
توقف الاخر اسفل مبني شقته!
اسيا باستغراب:احنا مروحناش الفيلا ليه!!
اكرم وهو يفتح لها باب السياره:الصبر,الصبرر!
دلفوا للمصعد ليقترب الاخر منها وهو يهمس امام شفتيها:و ده اول سبب!
ليلتهم شفتيها باشتياق و عنف ينبع من جميع الالام الذي عانا منها في بعدهما.
دلفوا بعدها للشقه
اكرم وهو ينظر لساعه يده:قدامك نص ساعه تغيري عشان ننزل من هنا ٧ونص!
اسيا باستغراب:ننزل فين واغير ايه!
اكرم وهو يشير لغرفه ما:ادخلي شوفي
____________________________
دلفت للغرفه لتجد فستان زفاف للمصممه العالميه المفضله لها!!لم تصدق!!هذا الفستان تصميم قديم جداً منذ اكثر من عشر سنوات!!كيف علم!!وكيف ابتاعه لها!فبثمنه من الممكن ان يبتاع احدث موديل في السيارات!!
لتجد ورقه ملصوقه علي الحائط بجانبه:عرفت اما كنا مسافرين مطروح وكنتي بتحكيلي عن طفولتك،،اشتريته لاني رجل اعمال يا غبيه ولان ما فيش حاجه غاليه عليكي كله قليل عليكي والله!!،،اه وده تاني سبب!
تساقطت الدموع من عينيها بشده،،هكذا هو حال الحياه معها!!لا يوجد وسط!!إما ان تتالم حد الموت،او ان تُسعد بلا حدود!!
____________________________
دلفت للخارج وهي ترتدي ذلك الفستان الفخم وفوقه الجاكيت الاسود فالجو برودته لا تحتمل!
وجدته هو ايضاً يرتدي بدله فُصلت خصيصاً له سوداء اللون وفوقها جاكيت ثقيل باللون الاسود كذلك
اقترب منها وهو يُقبل رأسها!
اكرم بصوت مبحوح من كثره المشاعر الذي تدور بداخله:آسيا!!انا حبيتك من اول مره اتقابلنا فيها زمان وبصيت في عينك!!غرقت فيهم ساعتها من غير ما أعرف وبأكدلك اني مش هقدر افوق تاني او انجا بنفسي!
اسيا بتأثر:اكرم مفيش اي كلام اقدر اعبر بيه عن اللي جوايا فسيب الوقت يعرفك انت ايه عندي!!
_____________________________
اغلق عينيها بتلك الكرفته التي لطالما شهدت علي اجمل لحظاتهما معاً وعن مفاجئاته لها!
توقف بالسياره ليدلفوا للخارج معاً!
اسيا وهي تستنشق الهواء باشتياق:البحر!!
اكرم بابتسامه:اهه!
ثم ازالها من علي عينيها لتنطلق شهقه من فمها تعبر عن مدي دهشتها!!
وضع امام باب الفيلا الكثير من الورد الأسود الذي تعشق علي هيئه سجاده تؤدي نهايتها لطاوله تقع امام البحر مباشره بقليل مليئه بطعامها ومشروبها المفضل وهديه ملتفه بالستان الأحمر!! فوق كل ذلك كان يوجد بالبحر كرات صغيره تضيء باللونين الموف القاتم والازرق وهذا ما ادهشها!!
اجلسها علي مقعدها وجلس امامها وه. يمسك يديها:ثالث سبب مكنش ينفع تيجي هنا من غير فستان فرحك!!
اسيا بصدمه:اكرم انا مش مصدقه ان كل ده ليا؟!
اكرم بحنان:صدقييي!
اسيا:لحقت تجهز الفستان والمفاجئه وكل ده ازاي في ساعات!!
اكرم:الفستان ده كان المفروض هيجي يوم فرحنا الصبح وانا كتت هخلي لين تبدله ببتاعك عشان تبقي مفاجئه حقيقيه وكده بس للاسف شركه النقل حصل فيها مشاكل واتاخروا في توصيله ووصل تاني يوم فرحنا ع لين من ساعتها كان عندها،،كل دهه اخد مني ٣ساعات ونص كدا عشان كده اتاخرت عليكي!!
اسيا بسعادهه:ياا عمري انت،انا بحبك بحبك بحبك ولله!!
اكرم بسماجه:اشمعنا ٣بحبك خليهم ٥للتأكيد!!
اسيا:بارد!
قضو وقتهم بين التحدث تاره عن حبهم وتاره عن ما عاناه كل واحد منهما في البُعد،ثم تمايلا ع اغنيه من اختيارها"جوا الروح"لطالما استمعت لها في بعدهما وهي تتمني ان تجمعهم في مره ما ورأت في ذلك الوقت انه من المستحيل ان تتحق تلك الامنيه ولكن هاهي تتحقق!!
اسيا:بحب الاغنيه دي اوي
اكرم:انا بردو كنت بسمعها كتير في العربيه!!
اسيا بسعاده:الله!
ثم اضافت بطفوله:خلاص انت تغنيلي اللي بصوت الراجل ونا بصوت البنت!!
قهقه علي طفولتها وهو يردد:حاضر
انتهيا اخيراً وهم يجلسون ع الرمال
اسيا وهي تأكل الكيك بنهم:انت اللي عامله بجد!!
اكرم بضحك:حد قالك اني شيف!
اسيا وهي ترفع شفتيها باشمئزاز:مش قولتلك متهزرش عشان سم!!
نهض الاخر:خلي السم بقي يديكي الهديه!!
اسيا:لا بليز هاتها!!
اكرم:مين اللي سم؟؟
اسيا:انا طبعا!
اكرم:انا ايه بقي!
اسيا:انت اجمل حد واغلي حد و..
قاطعها:بتحبيني قد ايه؟
اسيا بملل:يشيخ اشبع بيها قرفتني!!
اكرم بضحك:خلاص خلاص تعالي
اعطا لها الهديه لتفتحها!!وجدتها"برطمان من الزجاج ذو غطاء لبني مكتوب اعلاه"370 Reasones
Why I love you?"
وبداخله الكثير من القلوب الحمراء الصغيره!!
اسيا وعينيها تبرق:ايه دهه بجد!!
اكرم بضحك:ايوه Reasones
ظلت تصرخ بشده وهي تقفز بسعاده شديده وتردد:اكرم انا في حلم!!انا بحبك اووي بحبك اكتر من نفسي!!
ثم قفزت اعلاه وهي تحتضنه وتقبله بشده!
اكرم بخنقه:الله يخربيتك كده مش هيبقي فيا نفس! ولسه الليله طويله!!
اسيا ببراءه كاذبه:لا مش طويله ولا حاجه,خُش نام انت لو عايز ونا هغير واجي اقرا the Reasones
ثم اضافت بضحك:واكمل ع الاكل!
اكرم بصوت عالي:نعم ياختي!!
اسيا باستغراب كاذب:في ايه!!
اكرم بابتسامه صفراء:لا مفيش لسه متجوزين مفيش ٦ساعات ودي عايزه تقعد تاكل وتقرا الزفت وتتفرجلي ع البحر!
اسيا ببراءه:امال انت عايزني اعمل ايه يعني!
حملها الاخر وهو يدلف للفيلا
اسيا بصراخ:طب والكور القمر دي مش هنشيلها!هتتسرق
اكرم:لا متخافيش محدش بيعدي من هنا خصوصا في الشتا!
اسيا بصراخ:طب والاكل انا جعانه!!!
اكرم:وانا ولله اكتر!!
_____________________________
دلفت لغرفتهما وهي تفتح خزانتها لتبديل ثيابها!!ولصدمتها!اختفت جميع ملابسها ولم يترك لها سوي "قمصان للنوم"فقط تركها بين خيارات اسوء ما يكون،استقرت اخيراً علي افضل السيئين وكان قميص قصير باللون الأبيض!!حاولت كثيراً ان تفتح السحاب وبكل اسف لم تعرف حتي المتها يديها!!
دلفت للخارج لتجد الاخر يجلس وهو يرتدي بيجامه من الستان النبيتي مفتوحه الازرار من اعلي في مظهر مهلك ويظهر علي وجهه التسليه!!
اسيا بصراخ:دلوقتي عرفت انت جبت الزفت الفستان ليه!
اكرم وهو يحاول كتم ضحكاته:ليه!!
اسيا بصراخ:عشان سوستته غريبه وجامده!
اكرم بضحك:خلاص تعالي افتحولك!
اسيا وهي تفكر في حل حتي تخفي جسدها فالسحاب يصل لاسفل ظهرها بكثير!
اسيا:تعالي ورايا
دلفت للغرفه وهي تجلس ع السرير!
اسيا:افتحه من فوق بس ونا هتصرف!!
اكرم:قومي اقفي احسن!!
نهضت علي مضض ليقوم بفتح السحاب وصل لنهايه ظهرها،،لتمشي خطوه للأمام بخجل:يلا شكراً اتفضل
وقف الاخر ع طرف فستانها لتقع علي وجهها ليسحب الفستان بأكمله ويجلس بجانبها وهو ينفجر في الضحك حتي ادمعت عيناه!!
اسيا باحراج وتلعثم:يا متحرششش!!
اكرم بضحك:نتي لسه شفتي تحرش!!
ثم وضع يده في شعرها وهو يقربها منه و يقبلها بنهم وشغف كأنها قبلتهما الاولي!
ثم حملها لتتسطح علي الفراش
حاولت النهوض وهي تصرخ به بخجل:اطلع بره!
اطفأ الانوار بضغطه واحده وهو يردد بضحك:استعنا ع الشقي بالله!
_____________________________
انتها من قراءه القران وبعدها اديا فرضهما!ولم يأتي الاخر!
كارمه بقلق:مراد بابا فين!
مراد:في الجامع هو قال هيقعد شويه بس بعد الصلاه!
كارمه بعدم تصديق:هيقعد يعمل ايه!
مراد:مش عارف!بس لو مجاش بعد العصر هنزل اشوفه!!
كارمه بقلق:طيب
ظلت جالسه والقلق يتأكلها!!والدها هو ما تبقي لها في تلك الدنيا حرفياً،،فمحمود لا يهمه سوي نفسه ولم يشعرها ولو لمره واحده انها أخته بصدق،،افاقت من ذلك التفكير علي مكالمه من اسيا والذي اخبرها مراد انها رحلت في الصباح الباكر بسيارته لكنه افاق في التاسعه ونصف ليجدها مكانها!،،اخبرتها بخبر زواجهاا لم تصدق شعرت بسعاده لا مثيل لها لطالما كانت تسعد لاسيا اكثر من نفسها،،فاسيا رات مالا يتحمله بشر ولكنها صامده!،شعرت بتحسن كثيراً في حالتها بعد تلك المكالمه ولكن شعرت ان شيئاً ما ناقصاً،شيئاً ما يقف في حلقها يمنعها من ذلك الشعور السعيد!!هكذا هو الموت يأخذ الاحبه ويتركنا ناقصين بدونهم يترك كل شيء ناقص حتي تلك الحياه التي لا تتأثر برحيل أحد!
_____________________________
انقضت صلاه العصر ولم يأتي الاخر ايضاً!
دلفت للخارج لتجد محمود يجلس وهو يلتهم الطعام التي اتي به"مراد"بشراهه
والاخر يجلس ويرتسم الشرود علي وجهه!
كارمه بتساؤل:بابا مرجعش!
محمود وهو يبتلع الطعام:يرجع فين لسه...
قاطعه مراد:هو تقريبا راح يزور طنط!!
كارمه باستنكار:طنط مين!!!ماما؟
مراد:اه
كارمه:مراد انهارده ٣يوم لماما في القبر
ثم اكملت ببكاء:التعفن بيطلع ريحه وحشه فحرام ان احنا نروح وبابا رجل مصلي وعارف ربنا مستحيل يعمل كده!
مراد وهو يحتضنها:حبيبتي متخافيش انا هجبهولك!!
محمود ببرود:تجبهولها فين!!الدكتور قال مستحيل يخرج دلوقتيى الراجل السكر بتاعه عالي!وكان ممكن يجيله جلطه!
كارمه بصدمه:راجل مين يا محمود!!
محمود ببرود وهو يلتهم الطعام مره أخري:ابوكي!
سقطت أرضاً ولم تنبث بحرف دموعها تحدثت بدلاً عنها!!
_____________________________
هدأها الاخر قليلاً لتجلس وهي تردد بالم:بابا ماله يا محمود قولي انت عشان مراد بقي بيكذب عليا!!
مراد بتماسك:حبيبتي شويه تعب ولله وكمان موت طنط اثر عليه و..
قاطعته الاخري:مراد بابا اول يوم كان تمام ايه اللي حصل فجأه!!
محمود بسوقيه:بصي ا أُختي انا هحكيلك اللي حصل وانتي احكمي!!
كارمه:احكي يا محمود!
محمود:بصي بعد ما الحاجه ادفنت وحزنا عليها خلاص الحزن مش هيفيد ولا هيرجعها وده نهايتنا!
كارمه:خش فاالموضوع يمحمود اعصابي مش مستحمله!!
محمود:انا ماشي في٣٠سنه اهو يعني العمر بيجري فروحت كلمت الحاج امبارح الصبح بقوله اني هتجوز واحده معايا في الشغل بت محترمه وعسليه بس شرط امها ان الجواز يتم في شهر!!
كارمه بداخلها:هتفضل اناني طول عمرك
ثم اكملت بدموع وبصوت عالي:ليك حق تفكر في نفسك وفي عمرك ولو انه مش وقته بس تمام،،هتسكن فين والشبكه وكده؟واي الغلط اللي قولته عشان بابا يتعب!!
محمود بسوقيه:مافيش بالله،انا قولت اننا سترناكي الحمدلله،والحاجه اتكلت الله يرحمها،يبقي انا اتجوز هنا لان يادوب فلوسي تكفي قوضه نوم ودبله!
كارمه بسعاده:بعيداً عن طريقتك في الكلام بس انا فرحانه اوي يا محمود انك هتتجوز مع بابا عشان تونسه!
محمود باستنكار:انتي فهمتي غلط!!اسمعي بس،انا قولتله اوديه دار مسنين محترم اللي ع البحر ده عرفاه ونتي تتكفلي بقي بيه!!
كارمه بصدمه:انت بتهزر ليه هزارك وحش!
محمود وهو ينهض:انا هقوم اريح وابقي خلي مراد يشوف الدار ده حلو ولله!!
نهضت الاخري وهي تتمسك بقميصه وتعنفه بشده:انت بتخرف بتقول ايه!!ده انت اللي تترمي فالشارع وهو يقعد في بيته معزز مكرم!
محمود:ابعدي عني عشان ما امدش ايدي عليكي!ولو مش عايزه ترميه فدار مسنين جبيله شقه من كنوز جوزك!!
ازاح مراد يدها عن رقبه الاخر:ايدك مستحيل تلمس شعرها منها طول منا عايش،،وعمتاً هو عرف يربي كارمه عشان كده مستحيل نرميه لكن يخساره معرفش يزرع فيك ذره رجوله!!
مراد:ادخلي البسي يا كارمه وجهزي الشنط عشان نرجع بيتنا ونشوف عمي!!
بدلت ملابسها واعطت الحقائب لمراد ليحملها وقبل ان تدلف للخارج نظرت للاخر باشمئزاز:انا خدت كل اللي عايزاه وكل حاجه تخص بابا وحاجه ماما كمان اشبع بالشقه يا محمود بس متنساش انك اغضبت ابوك وتعبته وامك حتي لو بقت تحت التراب والاهم انك اغضبت ربك واللي بيغضبه مش بيشوف خير يا.. اخويا
ثم اغلقت باب المنزل في طريقها لابيها..
_____________________________
لم تنم ليلتها ظلت غارقه في تفكيرها والامها الجسديه والنفسيه،،لطالما كانت مدلله أبيها الوحيده ومدلله الجميع!!،،لطالما كانت سعيده في حياتها وكل طلباتها مجابه!!لم تنقلب حياتها سوي بعد تلك اليوم المشئوم!!،،بعد ان قطلت تلك الطفله البريئه!!،،هنا كانت نقطه التغير،،افاقت علي صدمتها في انها لم تكن تحب الاخر كما كان يعشقها بل كانت مبهوره به!!،،قررت ان تواسي والد الطفله واثناء ذلك وقعت في حبه،،لم تعرف معني الحب سوي بجانبه،،منذ ان راته وقد شعرت بشيء ما يدق بعنف بداخلها ولكن تجاهلته تماماً فهي علي وشك الزواج والاخر يمسك في يده طفلته!!،تحقق حلمها وتزوجا وعاشا في سعاده!وعادت الحياه تبتسم لها من جديد لتنسي الالم القليل الذي عاشته لأيام،،لتعود الحياه مره أخري وتصفعها صفعه قويه بقدر تلك السنوات الذي عاشتهم دون حساب!!،،انقلب الاخر بعد ان علم ان موت طفلته عن قصد!!موت طفلته خطأ من الطبيب"أكرم راضي!"لم تحاول الدفاع عنه بل لاذت بنفسها وهي تؤكد للاخر انه القاتل!!حتي تحمي حبها ونفسها كما اعتقدت!ظلت طوال تلك السنه غارقه بين عنف الاخر عندما يتذكر كذبها بان موت الاخري صدفه وبين حنانه عندما تتالم!!،،هي علي اقتناع تام بعشقه ولكن جنونه يتغلب علي ذلك العشق!!،،هو الان قد تخلي عن رجاله وقرر ان يخوض الحرب مع أكرم وحيداً!!قرر قرار لا رجعه فيه قضي ليالي وهو يخطط له!!،،قرر أن"يَقتل"الاخر ويقتص منه حق ابنته الضائع حتي لو سيرمي في السجن حتي يتعفن ويتأكله الدود لا يهم!!،،لن تتركه يدمر نفسه ويدمر شخص لا ذنب له!!
سيلينا والدموع تحرق وجنتيها"زمان انت اتظلمت يا اكرم عشان تحميني ومع ذلك انا سيبتك وجرحتك!مش هاجي بعد كل ده وبعد ما ارتحت اخيراً ولقيت السعاده أدمرك!!،،انا حبيته بجد هو اول حب واخر حب في حياتي!،،بس مش هسمح يقتل حد ملوش اي ذنب!!بدال في الحالتين بُعد!!يبقي لازم احميه"،،نهضت وقد قررت ان تترك"أكرم"يعيش في سعادته الذي حرم منها طويلاً خاصه بعد ان علمت انه بالأمس تزوج وعاد لمعشوقته،،قررت ان تحمي الاخر بحياتها!!
تهبط السلالم ببطيء وهي تري "كـمال" يجلس اسفل ويبتسم لها بعشق ابتسمت له وهي تحاول ان تحفظ ابتسامته بداخلها فهذه اخر مره تراها بها!!
البارت الثلاثون والحادي والثلاثون والاخير من هنا
إللي خلص القراءه يدخل هيلاقي كل اللي بيدور عليه من هنا 👇 ❤️ 👇
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
جميع الروايات الحصريه والكامله من هنا
انضموا معنا علي قناتنا بها جميع الروايات على تليجرام من هنا
❤️🌺🌹❤️🌺❤️🌹❤️🌺🌹❤️🌺🌹❤️🌺🌹❤️🌺🌹🛺🛺🛺🛺🛺
تعليقات
إرسال تعليق