القائمة الرئيسية

الصفحات

رواية ايلول ♕ اشرف الحلقه الثامنه والخمسون حتى الحلقه السبعون بقلم جوري حصريه وجديده على( مدونة النجم المتوهج)


رواية ايلول ♕ اشرف الحلقه الثامنه والخمسون حتى الحلقه السبعون بقلم جوري حصريه وجديده على( مدونة النجم المتوهج)

رواية ايلول ♕ اشرف الحلقه الثامنه والخمسون حتى الحلقه السبعون بقلم جوري حصريه وجديده على( مدونة النجم المتوهج)

الحلقة «58» 

وشبيه جدك لاه طيحتني _ ونتي لاه تسمعي في هدرة ملازمش تسمعيها كون عينا نخليوك تسمعيها كون محاوزاتكش جداك قعدت نقلبلو في لهدرة قريب صرفقني تولهنا لجداتي تضحك علينا حتى تولهنالها حكمت جيهة قلبها وناضت تلقف مبعد  ثم ثم ماطولتش وطاحت من فوق لفوتاي حتى لرض راح اشرف يجري حط يدو على رقبتها يشوف في نبض تاعها لقاها مزالت عايشة  انا من لخلعة طحت في بلاصتي نبكي جمدت ثم مالقيت بيها وين  _ اشرف وشبي.. ها ج.. دة اش... رف _ متخافيش ضك نديها لسبيطار اقعدي نتي توال ختك وماتفتحي على حتى واحد _ لالا اشرف تعيش اديني معاك يقعد بالي عندها _ايلووول هبطت عند رجليه _ تعيش اشرف تعيش ولا قعد يستغفر وحدو _ ازربي لبسي امل وهيا طولي شوي برك والله ماني مستنيك  وليت ماعرفتش كفاه هزوني رجليا ورحت نجري لفلفلت امل في زورتها ولحقتو لقيتو ديجا ركب جدة من لور  وليت طلعت من لقدام مستنانيش حتى صكرت لباب وطار الف ونا دموعي على خدي قدم يدو مسحهملي _ خلاص ايلول ماتبكيش مكان والو ضك نروحو لسبيطار ونشوفو وشبيها _ اشرف اول مرة يصرالها هكذا رح تعيش يخي _ بأذن الله ماطولناش ولحقنا لوحد لعيادة مش كبيرة بزاف هبط اشرف هز جدة جابولو سرير حطوها فيه وداوها لوحد شمبرة جيت ندخل محبوش يخليوني  عقبت وحك نص ساعة وخرجت لينا طبيبة _ شكون ايلول _ انا انا _ لمريضة اي تحوس عليك _ وشراهي شوي _ صراحة حالتها مكان مكان وليت خليتها على ربي ودخلت ليها لقيتها وجها اصفر حبة قارص قطرة دم مافيهش مدايرينلها تاع الاوكسجين _جدة _ ايلول بنتي _ جدة اكي مليحة؟  _ اسمعيني راني حاسة بلي مش رح نعيش بزاف _ بعيد شر عليك جدة _ متقاطعينيش شوفي نقلك اشرف راه طلبك مني كيما كنا في دار وانا والله فرحت من كل قلبي كنت متنية نحضر عرسك بصح الله غالب راكي تشوفي وش صرا....  اسمعيني مليح اشرف مش رح تلقاي كيفو حتى انو وعدني يقبل امل بنتي منيش حاباتك تقعدي وحدك علابالي ياكلوك ذيوبة

يتبع....ايلول ♕ اشرف

~قلمي جوري💮

♡ممـــــــنوع نقل بدون اذني ♡

الحلقة «59» 

 بنتي منيش حاباتك تقعدي وحدك علابالي ياكلوك ذيوبة، ـ واش دانا لهادي الهدرة ياجدة رح تبرااي وتبقااي معااناا مكانش سندي في ذي دنيا غير ـ يابنتي قتلك ونتيا شوفي واش ديري بصح ديري في بالك مش هنتهنى في قبري اذا مكنتيش معاا اشرف ونعتبرك عصيتيني ورح نكون غضباانة عليك ـ هبطوو دمووعي على هدرتها وبديت نشهق علاش عليك جدة واش دانا لسيرة المووت، فجأة دخل اشرف يطمن على جدة سقساهاا على احوالهاا قاتلو الحمدلله  ـ ربي يدومها عليك ان شاء الله  ـ ان شاء الله  يابني متنسااش شاوصيتك ـ ايه جدة ايلول راهي امانة عندي رح نديرهاا في عيني  ـ نطقت انا بغضب كيفااش هاد اماانة عندك جدة راهي مزالت تعيش معانا ثم ثم تغرغرو عينيا بدموع _ جدة ياك قلتيلي حابة نحضر عرسك ـ واش حنقلك يابنتي دنياا ماهي دايماا لا ليا ولا ليك، بعد كلامهاا خرجت براا نبكيي قعدت في كرسيي نبكي ونشهق وناس رايحا وجااياا فجأة وقف قداامي اشرف ـ نوضي ايلول علاش ديري في روحك هااك روحي شوفي اختك وزيد مكليتي والوو من قبيل رانا هنا مجعتيش؟  ـ منااكلش اخطيني ـ وامل متغيضكش مخليتهاا هكاا هاملتها من ضرووك ـ نيش هاملتها 😓🫤ـ مالا نوضي راهي تحوس عليك من قبيل تبكي شريتلها الحلوى بسيف سكتت نوضي حراام عليك ـ مسحت دمعتي ونضت  مشيت معا اشرف لطونوبيل لقيت امل مسكينة عينيها حمر من البكى مسكينة هملتها بزااف اليووم بصح ماشي قصدي فوق طاقتي رحت ليهاا حضنتهاا وحطيتها في صدري مسكينة مزال صغيرة ومتعرف والو والديهاا ماتوو وجدة في حافة الموت 😭😭😭 بقيت غير انا ليها سند وانا لاحولا ولا قوة لي 

يتيع.....ايلول ♕ اشرف

~بقلمي جوري💮

♡ممـــــــنوع نقل بدون اذني ♡

الحلقة «60» 

نعسناا انا وامل رقدناا في طونوبيل واشرف راح دخل لجدة وغلق علينا طونوبيل نضت ظهري مكرس من كوسانة  ورقبتي تعوجت لقيت امل راقدة واشرف جاياا من جهتناا يبان مش مليح ـ صباح الخير ـ صباح نور يلا نهبطوو نروحو لجدة حابة نشوفهاا 🥺ـ قومي اهبطي 😓ـ هبطت وخلينا امل رحت نمشي شفت عمتي وعمي وراجلهاا عمتي تقطع في شعرهاا هناا اناا خلااص رجليا شفلوو مش حاسة بيهم شفت في اشرف وهوا تلفت لياا ـ اشرف متلقيش بلي م.. ا... ت.. ت. 😭😭😭قول متكذبش علياا بديت نضر ب  فيه لصدروو وهوا والو محبش يحكي غير يهدي فياا ـ صاايي ايلوول مديريش في روحك هااك يااك انتي انسانة مؤمنة داهاا ربي باسكو يحبهاا، نوضي متهلكيش روحك ـ واش راك تقوول شكوون دااهاا تكذبوو كامل جدة مزاالها عايشة حبيتو تفرقوووناا عيطلي لجدة ولا خليني انا نرووح نشوفهاا رحت نجري لعمتي ـ وين راهي جدة عمتي ـ يماا ماااتت 😭😭😭ـ علاش تكذبي غير لباارح حكيت معااناا علاش كاامل هكاا جدة راهي عايشة علاش قاعديين تبكي الله يهديكم راهي حية 🥺ـ يابنتي جدااتك رااحت راااحت معادتش تولييي ـ 🥺ـ  ـ بديت غير نبكي حتى سكرت مفقتش  كي نضت لقيت اشرف راقد في الكرسيي رقبتوو رح توجعوو شحاال غاضني مسكين واقف معااياا وقفة رجااال نضت من سرير ورحت ليه ضميتوو شحاال حسيت بالوحدة لقيتو غير هوا قداامي سند حبيت غير كااش انساان يحن علياا لانوو صاااي وليت انسااانة وحيدةة  درتلو مخدة ورجعت لبلاصتي نتشقلب باسكو عطيتلو لمخدة مقدرتش نرقد تلفتت من ومن ملقيت واش ندير نضت كانت لحاالا معتمةة رحت قعدت مسامي ناافذة ودمعتي طااحت كي تفكررت جدةة 😭😭😭قعدت نشهق

يتبع...            #ايلول

#الحلقه61و62و63و64

ايلول ♕ اشرف

~بقلمي جوري💮

♡ممـــــــنوع نقل بدون اذني ♡

الحلقة «61» 

تربعت في ارض 😭قعدت نشهق علاااش علااش جدة خليتيني وحيدةة شكوون سندي في ذي دنياا بعدك 😭😭اه مكاانش ليرحمني 😭😭 ـ نووضي ايلوول ـ مسحت دمعتي وطلعت راسيي لقيتوو اشرف نااض نعساان ـ منوضش خليني ـ نوضي من لارض لبرد عليك ـ اخطيني 😭😭ـ قعد مسميا وتربع جبدني ليه وضمني ويمسح على شعري نوضي مديريش هكاا في نفسك ـ نضت مفجوعة كي تفكرت امل ـ بسم الله الرحمن الرحيم واش بيك ـ امل وينهاا ـ راهي عند عمتك داتهاا معااها كي شافتك مش مليحة ـ جداتي دفنووهاا 😓🥺ـ واه ـ هادي مرة زاوجة منشوووف لااوالدياا  لا جدة علاش ديرو هكاا ـ الله غالب يابنتي ـ 😭😭😭😭😭ـ نوضي صاايي علييك يلا نروحو لختك ـ يلا 🥺توحشتهاا بزااف ـ يلا ـ رحناا لطونوبيل طلعناا طوول طريق واناا شاردة هوا يحكي معاايااا واناا شاردة ـ ايلول واش بيك وين راهوو عقلك علاش راكي شاردة هكاا ـ واش كنت تقوول ـ صاايي مقلت والو  ـ شردناا مريرة حتى قالي راني وصلت ـ شفت دنياا معبياا بالغاااشي  رحت دخلت نسمع غير  البكي وعمتي منهيه تويل على يمااها (لجناازة داروها في داار عمي ) دخلت وقلبي مزير علياا دمعااتي يطحوو وحدهم دخلت شفت اختي مكاانش لي حااط معااها رحت ليهاا نجر ي شديتهاا عندي ورحت طلعتت لشمبرة قعدت نبكي ـ ااه يادنياا شحااال قاسية لباارح كنت في جنااح والدياا وجدة وضرووك راني وحدي باردة لكتااف معنديش سند استغفرت ونضت نصلي وندعي ربي يوديني لطريق صحيح قريت شوي قرآن حتى غفيت شفت جدة تحكي معاياا قاتلي حافضتي على وصيتي وانا نتبسم وقتلها ايه ـ نضت صبااح قلبي مرتااح 

يتبع....ايلول ♕ اشرف

~بقلمي جوري💮

♡ممـــــــنوع نقل بدون اذني ♡

الحلقة «62»

فاتوو على موت جدة 10اياام بديت نتقبل الوضع انو صاايي ماتت وبقيت بلا سند وهاهو اليوم 11 جااا،،،  نضت صبااح بكري نعااون مرت عمي في شغل دار باش ميقلووش تاكل وتشرب بلاش على اقل نرد ربع مماا عطااوني هبطت لتحت لقيت مرت عمي (لجناازة تمت في دار عمهاا اكيد رح تقعد عندو معندهاش وين تروح ) في كوزينة ـ صباح الخير خالتي ـ صباح نور بنتي صفااا بنتي رقدتي مليح ـ الحمدلله يعيشك خالتي نعاونك ـ لالا ني ندير ففطور لعمك (فطور ماشي غدا ) ـ ايه مليح عمتي اختي وينهاا ـ راهي راقدة معاا سندس ـ اني طالعة ليهم نوضهم ـ اوكي مشكيتش سندس تنوضلك شكاارة راهي ـ هههههه معليش نحاول معااها ـ (سندس بنت عمهاا ) ـ طلعت لقيتهاا راقدة رجل في شرق ورجل في الغرب هههه،  ـ سندس نوضي ـ مهاا اخطيني هادوين حلات رقدة جاية تنوضي فياا ـ نوضي نوضي ولا نقول لباباك عندهاا صاحب ـ ناضت مفجوعة 😳 شكون قالك؟ ـ اه ياستوتة ناوية تخبي علياا ـ لالا كنت حنقلك في الوقت المنااسب تعرفي اجواء العزاء ـ ايه ليسونسيال انا سمعتك كي كنت راقدة لقيتك صاهرة وانا نومي خفيف فطنتيني بلبووس تاع حبيب القلب 😈ـ احشمني،  ـ ضروك انا لنحشم ولا نتيااا 😳🩴🩴لتضلي تبوسي نوضي نوضي لوكاان ناوييك راه خطبك ـ صاااي اطلقيني غولة يخي يزي متضربينيش ـ شكون الغولة ـ انا انا ـ ايلول بدات تلعب معااها وتلحق فيهاا حتى وصلوو لدروج. تلقاات في عمها،،  تخنزر فيهاا وتلفت لبنتوو،  واش بيك نتياا تجري كيرولك عقلك لبرانية ـ بابا شكون برانية ـ اهبطي تفطري باش نديك للفااك اقرااي مليح،  ـ هبطت هياا جيت نمشي نطق ـ منزيدش نلقااك دوري حذاا بنتي حابة تجهليهاا لوكان جات فيك فايدة راكي تقراااي مي الجهل وراثة جيتي كيف امك ـ بلعت غصتي غاضتني عمري بزااف مام انا علاش منقرااش علاش منوليش كيف لبناات الله غالب ظرووفي وصلتني لهناا لوكان كملت قرايتي بصح معليش لكتبهاا ربي هاديك هياا نتقبلها لوكانت مرة ـ هبطت لتحت وخليتوو دمعتي على شفر عيني غسلت وجهي ورحت نفطر معااهم

يتبع....ايلول ♕ اشرف

~بقلمي جوري💮

♡ممـــــــنوع نقل بدون اذني ♡

الحلقة «63»

دخلت نفطر تلمت كامل العايلة باش نفطروو ومنهم عمي تاني قعدت نفطر كليت لبغرير حتا شبعت طحت عليه كي جيعاانة ـ نطق عمي وكتااش تروحي ـ هزيت راسي وشفت فيه،،  وين حنروح عمي ـ تروحي تخطي جدناا بااسكو منيش قاادر نصرف عليك وزيد راكي كثرتي علياا انا ولادتي وحااصل فيهم ليوم تلقااي حل لروحك منلقاكش في داري ـ بابا واش ها....  ـ بلعي نتياا منسمعش حسك ـ تهنااو منك اهلك كي مااتوو لاقراية لامستقبل باش يفتخروو ديجا اني رايح كي نجي نلقااك مش هناا،،  قاسني بهدرتوو بزااف نضت وطلعت لغرفتي قعدت تواال اختي كاانت مزالها راقدة باسكو نوضو بكري وزيد صهرت تلعب ـ نوضي حبيبة قلبي ناضت تتكسل،  شحال شابة غطست فيهاا نبووس ونعنق نوضي مش حنبقااو هناا صايي خلصت مهلتناا قوميي، وجدت اختي وهزيت كابة حطيتها  وقعدت متربعة نخمم حتى دخلت علياا مرت عمي،  ـ بنتي عمتك جاية بلااك تقنع عمك تقعدي ولا تديك معااهاا ـ نن خالتي منروحش معااهاا ـ اقعدي خليها تجي برك ويرحمها ربي، اوكي خالتي راني في خااطرك قااعدة،  ـ صحيتي بنتي،نوضي يلا معاايا نحضرو لغدا معاا بعض، ـ هبطت معاهاا درناا الغداا، قعدنا مدة نقصرو حتى سمعت دق في الباااب انا قلبي قريب حبس بلاك عمي جاا ناضت خالتي فتحت لقاتهاا عمتي جات سلمت عليها من فوق القلب قعدت مريرة وانا طلعت وخليتهم جلست معا اختي نحكيلهاا ونضحك فيهاا جبتلهاا تاكل تفجعت كي لقيت وراياا سندس خبطتها لكتفها،،،  الله يلعنك خلعتيني قريب حبستيلي قلبي وقتااش جيتي من لفااك ـ قبيلا برك ـ ايه جاا عمي ـ ايه دوماج ـ قولي والله ـ والله عمتي تاني هنا ـ وي علبالي بيهاا ـ ايه يلا نهبطو نتغداو ـ منيتك نتياا طيري اخطيني لوكان يلقاني عمي يقتلني

يتبع....ايلول ♕ اشرف

~بقلمي جوري💮

♡ممـــــــنوع نقل بدون اذني ♡

الحلقة «64» 

يلا ايلول ميديرلك والم مدام هنا عمتي ـ روحي نتياا منهبطش انا ـ اوكي نهبط. ونجيبلك تتغدااي ـ روحي برك ـ قعدت نستنا حتى جات وايديها فارغيين ـ علاش مجبتيش؟ ـ عمي يحوس عليك ـ علااش ـ منعرف ـ هبطت على سعدي ويدياا يرجفوو من الخلعة لقيتو كمل لغدا ـ نطق ـ روحي تتغدااي كي تكملي الحقيني لصالو ـ اوكي عمي ـ قعدت انا وسندس في طاولة نتغداو ـ سندس ـ اممم ـ زعما واش يحوس عمي؟ ـ منعرف عمتي راهي معاه ـ ايه اناا شبعت نروح نشوف واش يحوس من عندي صاايي قلبي تيخرج من بلاصتوو لوكان عندي سند ماشي مجرجرة هااك من دار لدار ـ خساارة عليك ايلوول هادي دارك ـ اممم وعمي واش قاال اه لوكاان جاا مرحب بيا لوكان راني قاعدة الاز بلا درونجموو مهم ني رايحة نشووفوو 

رحت نمشي وقبلي يضرب في تسعيين طبطبت قلي ادخلي دخلت لقيتو مجمع معا عمتي 

دخلت وقعدت عمتي تخزر فياا خزرة مفهمتهااش مي معجبتنيش،  نطق عمي وقالي، ـ نتياا ماكيش حابة تتلاوحي من دار لدار يااك ـ ايه ـ وانا لقيتلك الحل باش تبقااي في دارك خير من دار ناااس ـ ايه عمي مذاا بياا نكون في دار وحدة ماشي عند ناس كيماا قلت (ايلول في راسهاا كشما دبرولها حل او دار تسكن فيها) ـ اهيه والحل انك تزوجي محمد وتروحي لدار راجلك لمراا مامدوملها غير دار راجلهاا ـ كنت مهبطا راسي ونحكي حتى لحق قالي تزوجي محمد هزيت راسي بصدمة ـ عمي واش هادي الهدرة علبالك بلي محمد راهو متزوج حابيين تمدووني على ضرة ـ واش عليها مكيش اخر واول وحدة تتزوج على ضرة هوا طلب الحلال  غير تزوجي بيه هني روحك وهنينا معاك منهاا يسترك ونتياا تلقااي دار تأوي فيها روحك ـ كيفاش هادي يسترني منيش ق****ة باش يسترني ـ(كانت هادي اول مرة طول لسانها على لكبر منها ) خرجت مني لاارادياا ومن القلقة حتى جاني كف من حيث لا ادري

يتبع.....#ايلووول

#الحلقه65و66و67و68و69و70

ايلول ♕ اشرف

~بقلمي جوري💮

♡ممـــــــنوع نقل بدون اذني ♡

الحلقة «65» 

حتى جاني كف من حيث لاادري ـ شدلي شعري،،، واش ابنت الكلب درتي لسااني وعدتي طيحي لعمك اكلبة ـ اطلقني ـ نطقت عمتي منهيه ـ علاش حنا عايشيين معاك بلاك صح ق***ة وين نعرفو حنا جيناا نديرو فيك بليزير على اقل تنستري ـ نطق عمي يحكي معا عمتي ـ قولي لمحمد غدوة يجي يعقد ويديهاا منسحقهاااش هنا في داري ونتيا نوضي من وجهي غدوة طيري لدار راجلك ـ حسبي الله ونعم الوكيل فيك حڨاار واش درتلكم حتى ديرولي هااك بااش ظلمتكم ـ نوضي لنخبطك بكف بنت الكلب، ـ بابا ماشي كلب نتا هوا الكلب ـ قدم لياا عطااني طريحة كلاب ولا دم يسيل من جسمي راح وخلاني وعمتي قعدت تسشفى فياا ـ تستاهلي ياكلبة شكون قالك ارفضيه محمد غير ضفرو متسفايهش ـ روحي ان شاء الله  تخرج فيك هاداك الكلب لراكي تشكري فيه هوا لميلحقش ضفري ماشي اناا ـ  غدوة عرسك ماكانش مفر ـ ايه نشوفووهاا ان شاء الله نتوماا لي حبيتو هااك ـ واش حديري يابنت الكلب ـ روحي تخطيني ياك تتزوجووني صااي غدوة عرسي وتتهناااو ـ اقتنعتي ـ روحي برك محمد رح نمررلو حيااتوو اذا دااني ـ هههههه متحطيش راسك براسووو . باسكو تكوني لخاسرة غير نتياا ـ ايه كي يلحق ذاك اليوم قبل ـ غدوة عرسك متنساايش قالتها وخرجت ـ تفوو الله يلعنك خامجة دخلت ليا مرت عمي وسندس ـ اسم الله عليك واش جراا ليك ـ عمي دارلي هكاا، 😭ـ الله يكسر عضااموو علاش داار فيك هكاا ـ حابيين يزوجووني على ضرة كي مقبلتش دارلي هكاا ـ نوضي بنتي نوضي غسلي و روحي ترقدي ريحي روحك اديهاا ياسندس نروح نشوف باباك ـ اوكي ماما نوضي ايلول يالا،،  ـ تعمدت عليها ورحناا للدوش غسلتلي وعطاتني شانلبس ورقدت قاتلي نتلها بختك نتيا ارقدي ـ يعيشك سندس ربي يحفظك  ويعطيك مافي قلبك ـ ان شاء الله حنونة اجمل دعوة تلحقني 

يتبع.....ايلول ♕ اشرف

~بقلمي جوري💮

♡ممـــــــنوع نقل بدون اذني ♡

الحلقة «66» 

امشي خليني نرقد تعبانة ـ مممح اوكي حنونة ـ جاات رايحاا شديتهاا من ايدها ـ واش ايلول واش بيك ـ حبيت نقلك بلي محمد بن سلف عمتي يعني خطيبي سابق غدوة يجي يعقد ويديني يعني رح يزوجوني اجبااري علياا 😓ـ راك سور 😳ـ والله ني سيريو عمتي اقترحت على عمي وهياا ديجا تكرهني واعظم من هاداا راهو متزوج ـ تاني متزوج 😳 ـ وعندوو طفلة ـ 😳😳 وزيد فوقو جايب طفلة يعني تيزوجوك على ضرة وفوقها عندو طفلة ـ ايه قالولي باش يسترك قتلهم منيش ق... ة علبيها ضربني ـ اووو صح شحاال طلعتي واعرة شح فيهم يستاهلوو  ميستحقش يتقادرو ـ سندس راهو باباك ـ ومبعدا كي ولا باباا يااك غالط ـ ايه، ـ ايلول كل مشكل ليه حل متقلقيش روحك ـ واناا مشاكلي معندهااش حل كامل ـ ارقدي ونلقاولك حل بإذن الله ـ ان شاء الله ♥ يارب ـ راحت وانا رقدت راسي وجعني من ضرب لديتووو ليووم  رحت في سبااات منضتش لبعد العصر سندس فوق راسي تندب ـ نوضي ياشكاارة مش مليح ترقدي بعد العصر ـ امممم صاار هكاا اناا شكاارةة شكون كان ينوض فشكون ـ هههههه نوضي برك علبالي انا نرقد بزاف ـ مليح يعطيك علبالي حقاا وين راهي اختي ـ راهي معاا ماما ـ ايه زينة ـ نوضي تشربي قهوة ـ ني نايضة ـ نضت توضيت وصليت العصر هودت ليهم لقيت مرت عمي في صالو معا امل وسندس في كوزينة لحت سلام عليها ردت مرت عمي ـ صفا بنتي راكي بخير ضروك تحسنتي ـ الحمدلله خالتي ربي يعيشك ـ(شحاال حنينة مرت عمي نحسها كيف ماماا تعاملني ) ـ اقعدي ضروك نجيبلك قهوة ـ لالا خالتي ني رايحة لسندس ديرلي ولا ندير روحي ـ اوكي ـ  رحت لسندس قعدت فلكرسي وهياا جابتلي قهوة ـ سندس ـ وي ـ خممت بزااف  ولقيت الحال منااسب لياا ـ تلفتت لياا مستفسرة،،،  وشنوو هواا ـ نهرب ـ حطت يدها فمهاا ـ منيتك لوكان يسمعك بابا ـ خلي يسمع ديجا مش حابة ندمر حيااتي ونتزوج واحد متزوج من قبل وعندو بنت ومزالني صغيرة ـ في زوج الحالات خاسرة وين حتروحي الشاارع ميرحمكش ـ وي هادي المشكل معلباليش وين نروح ـ لوكان بيدي نساعدك مي الله غالب يديا مكتوفيين عاجزة منقدر نديرلك والو اسمحيلي تقدمت وضمتني ـ دخل عمي عليناا تكبشناا من الخلعة تلفتنا لبعضااناا (زعماا سمعناا شاقلنااا 😳)

تبع....ايلول ♕ اشرف

~قلمي جوري💮

♡ممـــــــنوع نقل بدون اذني ♡

الحلقة «67» 

زعماا سمعناا شاقلنااا 😳،،، ـ سندس جيبيلي فنجاان قهوة ـ اه ااا اوكي بابا ـ ونتياا غدوة ان شاء الله عند دار راجلك ـ بابا كيفاش بهاد سرعة مزهجتش وكيفاش تروح هكاا ـ دبر راسها غدوة ترووح عند راجلهاا يشريلهاا ماشي شرط تزهج قبل العرس ـ بابا ك.... ـ بلعي راكي كثرتي على ماوصاوك متزيدش تدخلي في حاجة متخصكش ديري واش قتلك وبلعي وزيد منزيدش نلقااك قاعدة معااهاا انا مربيك احسن تربية ويجوو نجااسة يقعدو معااك قليلة تربية متعرفش احترام الكبير  ني وصيتك نزيد نلقاك معاها رح يكون حديث وحدوخر(مفهمتش علاش عمي حاقد علياا لذي درجة؟) ،،،  طلع وخلااناا انا متحركت فياا والوو باسكو علبالي كلاموو هكا واش تغيير يعني ديماا يجرحني ـ سندس روحي ادي لقهوة لباباك وانا ني طالعة لختي ـ اقعدي معاياا هناا نطيبو لعشااء،  ـ مش حابة نقابل عمي ويبدا يلوحلي في الكلام القاسي وانا مش متحملة لي فياا يكفيني ـ اوكي حنونة عطاتني بوسة وطلعت تدي لقهوة لباباها... رحت لختي وجدت قشي في كابة وخبيتهاا ـ مريرة هكاا جات سندس ـ ايلوول جيبي ختك واهبطو تتعشاااو ـ اوكي ني جايا،  

هبطت معاهاا لقيتو كامل لعايلة مجمولة قعدت نتعشاا ومهبطة راسي ـ نطق عمي يحكي معا مرتوو ـ قاتلي ختي بلي حيجوو يفتوو ويدوهاا قومي بضيااف وكشما تصحقي قوليلي باش نجيب غدوة ـ ايه ان شاء الله  مايكوم غير خاطرك، تلفتت لياا كأنو في نظرتها نظرة شفقة يعني تقول بلي مقدرتش تعااوني وانا عاذرتهاا علبالي معندها مدير،،،  استأذنت ورحت لغرفة سندس (باسكو ني نرقد معاها) ـ قعدت مجمعة ونتفكر في كلام اشرف ـ غداار علاش خليتني ياك قتلي نوقف معاك ياك قالي مدامني عايش مكانش ليقيسك،  علبالي شافق علياا برك مش حبااا فياا ياك وصاتو جدة علياا علاش خلاني ملي فوتنا جنازة مشفتووش كنت املي كامل فيه يعني كي قتلو منتزوجووش رااح علاااش داا كلامي بجدية. علااااااش لوكاان حللني وداني بسيف اوموا يبادر علااااش خلاني مكسورة جناحيين شكوون اكتاافي بعد معلقني فيه رااح وخلاااني انااا مش حابة نتزوج ب محمد 😭😭😭😭😭😭😭😭😭

تبع.....ايلول ♕ اشرف

~بقلمي جوري💮

♡ممـــــــنوع نقل بدون اذني ♡

الحلقة «68» 

انا مش حابة نتزوج بمحمد 😭 فجأة دخلت سندس معا امل لقاتني بذيك الحاالا ـ ايلوول علاش ديري في روحك هكاا يزي نلقاو حل ان شاء الله ـ مكاانش حل سندس مكانش 😭ـ نوضي نلقاهلك بإذن الله ـ مسحت دمعتي وهزيت راسي ليهاا ـ صح 🥺ـ ايه امسحي دمعتك وشوفي فياا مليح يااك حاابة تهربي هكاا ـ ايه والحل وين نرووح ـ اسمعي رح نشوفلك صحبتي اقعدي عندهاا اوكي ـ صح وصحبتك تقبل؟ ـ ـ ايه تقبل ان شاء الله ـ شكرا 🥹ـ علاش شكر رانا ختاات ويلزم نوقفوو معاا بعض  ـ يعيشك حضنتهاا،  ـ ايه ايلول تروحي ليها في ليل كي يرقدو تباتي عندهاا تستضيفك. نهاراات حتى دبري امورك ـ ايه ان شاء الله  نرقد مريرة ني تعباانةة ـ كيفاش ترقدي ونتياا رايحا في ليل ـ نص ساعة برك ني تعبانة ـ اوكي تكيت حتى غفيت،،،،،، نسمع فيها تعيطلي حسب روحي نوم ـ ايلول ايلول نوضي  بالخف ليفيقوو دارناا قومي ـ اصبري دقيقة عياانة ـ مش حابة تهربي؟ 🤔ـ نضت مفجوعة شحال راهي ساعة رقدت بزااف قلت غير نريح مريرةـ تقريباا 1ـ   اووو راحت من بالي كامل هقوليها من لول 🥱هكاا باش نوض ـ هههههه مهبولة اياا نوضي ياشكاارة ـ 😑😑😑ـ ني وجدتلك فطوور قومي تفطري وصحبتي راهي تستنا فيك في دارهم ياك علبالك دارهم ـ ايه بصح خايفة وحدي ـ معندك علاش تخافي راهي غير هناا بالخف تلحقي ليهاا نحي الخوف ـ اوكي اذاا هادا الحل المنااسب رح نديرو   ـ نضت ونوضت اختي وجدنا قشناا حطتلي فطوور في بورت ـ تهلاااي في روحك ايلوول ربي يكوون معااك ان شاء الله 😓ـ يعيشك حنونة ضميتهاا🫂 نتلقااو عن قريب ان شاء الله ـ شدي هادي تنفعك (دراهم💸) ـ لالا سندس علاش عليك شديهم عندك تسحقيهم ـ لالا ايلوول نتياا اولا بيهم ـ نن منشدش ـ علاش هكاا مغرورة شدي وبلعي ـ صار هكاا انا مغرورة ـ هههههه ني نمزح شديهم ني عطيتهم لأمل ـ منشـدش ـ ماشي ليك حتى متشديش راهم امل ـ اوكي ـ ربي يكون معاك ـ ان شاء الله ـ اياا ازربي قدام مينووض بابا ـ ممممح بااااي 

خليتهاا وخرجت حسيت بنسمة برد براا شادة اختي في يدي ونمشي 

يتبع.....ايلول ♕ اشرف

~قلمي جوري💮

♡ممـــــــنوع نقل بدون اذني ♡

الحلقة «69» 

كي خرجت حسيت بذيك نسمة لبااردة لتعبر على معنااتي ولا البروود لي في حيااتي وعلى يتم لي نحس بيه حيااتي جاية هكاا باردة وقااسية علياا لا كتف نتكاا عليه لا سند يحميني 

شديت اختي عندي ضميتها نمشي ورعب سيد الموقف 🥺

مشيت حتى وصلت لدار صحبت سندس دق دقت لبااب بالعقل شوياا هكا فتحتلي   سلمت علياا ودخلتني غرفتها نطقت ـ نجيبلك تاكلي ولا تشربي كاش حاجة ـ والو يعطيك الصحة ـ متحشميش وقولي كشما يخصك ويخص ختك ـ اوكي ـ قصرت معاها شحال شابة عقليتها  عقبنا ليل كامل نقصرو وهيا تحكيلي على صاحبها وعلى حبها وهيا ويااه نعست رقدت و خليتها لعبت معا امل حتى رقدت 

صباح جديد نضت لقيت ختي ناضت تتململ رحت نبوس ونعض فيها شحال شابة كي تكون غير كي ناضت  ...نضت دخلت لدوش توضيت وصليت مريرة هكاك جاتني صحبت سندس  جابتلي الفطور قاتلي متهبطيش لتحت حتى يروح بابا ـ استغربت قتلها علاش؟ ـ قاتلي ميعجبوش الحاال لاحسن متبانيش قدامو ـ معليش ميكون غير خاطرك ـ ياك مزعفتيش ـ هههههه علاش نزعف ـ قلت برك يمكن زعفتي كي قتلك هكاا ـ لالا مزعفت ماوالو متقلقيش روحك ويعطيك صحة كحويتيني عندك ـ بلا مزية هادا واجبي راكي في مثابت اختي ـ يعيشك قاتلي عليك سندس ونسيت اسمك ممكن تفكريني ـ هههههه من صغرك حكمك زهايمر اسمي ملاك ـ الله يبارك شحال شباب ـ يعيشك معلباليش اسمي شباب هكاك هههههه ـ هههههه قصرنا حتى وصل لغداء 

يتبع....ايلول ♕ اشرف

~قلمي جوري💮

♡ممـــــــنوع نقل بدون اذني ♡

الحلقة «70» 

هبطت انا وملاك وامل نتغداو كملنا وغسلنا لمااعن وطلعنا للغرفة (ملاك امها ميتة عايشة غير معا بوها وختها متزوجة) ايلول ـ وي ملاك ـ حبيتي من قبل ـ تقدري تقولي اعجااب ـ شكون هادا سعيد الحظ لاعجبتي بيه ـ ضربتها بوسادة طيري من دسارة فجأة وحنا نحكو صوناا تيلفون ملاك ـ شفتي حبيب القلب راهو يكلملك ـ هزت شافت شكون 

لقاتها سندس ـ الو سندس صفا ـ الحمدلله ملاك سوال عليك ـ انا غاياا ـ معليش تجوزيلي ايلول ولا ديري سبيكر تسمع، ـ اوكي ـ الوو ايلول صفا ـ الحمدلله ونتياا كااش اخباار كاش جديد كاش قمبلة ـ هههههه قمبلة نواوية بابا عرف بلي هربتي راهو قلب دار سقساني قتلوو معلباليش قال لوكاان نلقااها نقتلهاا كيفاش تهرب وتهبط راسي في ارض قدام جماعة ـ هههههه شح فيه هادا ليحوس عليه يستاهل خلي عليه هادا يستحقوو باسكوو هاديك مكانتوو في لرض ـ المهم ايلول حرصي على روحك متخرجيش من عند صحبتي

اوكي بب ـ تهلاي في روحك ـ يتهلا فينا ربي ـ بااي ـ اسمحيلي اذا درتلكم مشكل ـ هههههه نن متقلقيش رانا صفا معندو ميدير ايه نسيت مقتلكش عمتي تبهدلت وراجلهاا قريب يطلقها راهي في مشااكل معااه ـ  هههههه  اففف تغيض والله  علبالك الدنياا دوارة والعود لتحرقو يعميك ـ وي خرجت فيها واش دارت فيك المهم تهلاي في روحك ـ تليكيدي فياا ـ هههههه خساارة عليك ايلول بصح نخااف يدخل بابا على غفلة ويفيق بلي نحكي معاك ـ هههه نمزح برك علبالي سندس تحبني ومتسمحش فياا يااك ولا ني غالطة ـ نحبك بعد حبيب القلب ـ تفوو بيك وجه الشر تفضليه علياا ـ كي تحبي نشوفوها هههههه ـ انا مش كيفك انانية ـ شادخل انانية نحبوو نحبوو ياهبلاا كي تحبي تفهمي ديجاا نتياا مش تاع حب ـ اممم روحي برك باااي ـ باااي ممبعدا نحكوو 

كوباات علياا شفت قاتلي ملاك نشوف بابا ونجي الا جاا خليتها وقعدت انا وامل

يتبع


بداية الروايه من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺

تعليقات

التنقل السريع
    CLOSE ADS
    CLOSE ADS