روايه مراهقه أوقعتني في حبها البارت الحادي والثلاثون حتى البارت الرابع والثلاثون بقلم أمل أحمد حصريه وجديده على مدونة النجم المتوهج
 |
البارت ال31
باسل واتسعت عينيه : مييييي ..!!
وقام من مكانه بسرعه وشدها من على السلم وحضنها ومى كانت بصاله باستغراب
باسل وهو بيضمها ليه بشده وكأن روحه رجعتله : الحمدلله الحمدلله يارب ..وباس راسها
باسل خرجها من حضنه وهو بيتكلم بقلق
باسل :انتى كنتي فييين يا ميي
مى باستغراب :كنت كنت فوق
باسل : فووق فييين أنا قلبت عليكى الڤيلا وملكيش اى اثرر حرام عليكيي يا شيخه
مى ببرائه :أنا كنت فى اوضتك
باسل بعصبية :وايييه إلى خرجك من اوضتككك هو أنا مش قولتلك بلاش خروووج
مى سكتت بإحراج لأن يوسف كان قاعد
باسل بعصبية :ردى عليااااااا
مى بإحراج شديد وصوت واطى :كن..كنت خايفه وقعدت فى اوضتك ..وسكتت بخجل شديد
يوسف قام من مكانه
يوسف :خلااص يا باسل الحمدلله انك لقتها هنا احمد ربنا
باسل شدها لحضنه تانى وهو بيحمد ربنا وافتكر فجأة الرقم الى كلمه
باسل خرج مى من حضنه وبص ليوسف
باسل :اومال مين الى رن دااا؟!!
يوسف باستغراب :ايوه صح طالما مى معاك اهى مين الى كلمك وهددك بيها
باسل بتفكير :هو مقالش اسم حتى بس ازاااااى وهى قدامى اهى
مى ببرائه :هو مين دا يا باسل إلى كلمك وهددك بيا
باسل مسك ايديها وباسها : متشغليش بالك انتى يا روحى واهم حاجه تسمعى كلامى ماااشى
مى بطاعه :حاضر
يوسف : يمكن الواد بيهتش عشان يقلقك وياخد منك فلوس وخلاص سيبك منه
باسل بتفكير :بس ازاى أنا هتجنن
يوسف بتنهيده :ربنا يعينك والله
باسل : ابن الكلب داا لازم اعرف هو مين
يوسف شاور بعينه لباسل على مي وهو بيقوله
يوسف :مش وقته بقى يا باسل خلاص الحمدلله أن مى هانم بخير ..وبص لمى وابتسم
مى ابتسمت بكسوف
باسل بصله بحده وفريده خبطته بكوعها فى جنبه
يوسف بوجع :ااااه وربنا ما قولت حاجه
فريده قربت من مى وحضتنها
فريده : الحمدلله يا حبيبتى انك هنا قلقتينا عليكى يا ميوش
مى : والله أنا مش فاهمه حاجه أنا كنت فوق عشان هو قالى متخرجيش
فريده :اهم حاجه أنك بخير يا حبيبتي خلى بالك من نفسك
مى هزت راسها بابتسامه
يوسف :يلا هسبقك أنا بقا على المستشفى نطمن على رباب
باسل :ملوش لزوم يا يوسف روح انت وخطيبتك عشان أهلها ميقلقوش عليها وعشان اخوك كمان وانا هروحلها دلوقتي
يوسف :لا أنا كدا كدا هروح فريده وهاروح على المستشفى معاك
باسل :واخوك؟
يوسف :ياعم دا زى الجحش هيعرف يتصرف
باسل :خلاص ماشى يا چو
يوسف :يلا سلام
يوسف : يلا يا فرى
فريده :سلاام يا ميوش ابقى طمنينى عليكى
مي بابتسامه :حاضر يا فري
وخد فريده ومشيوا
وهما خارجين كانت داليا (أم باسل)داخله الڤيلا ويوسف ابتسم لها ومشى من غير اى كلمه
داليا لنفسها : ودا اي إلى جابه تانى دااا ..ودخلت بعصبية وشافت مى واقفه مع باسل فاتعصبت اكترر
داليا بحده :بااااسل
باسل لف و بصلها باستغراب :نعم ...اى دا انتى كنتى برا يا امى
داليا بتكبر :اه كنت براا يهمك فى حاجه
باسل بضيق :وخرجتى امتى وازاااى
داليا :انت هتحاسبنى ولا ايه
باسل :لا العفو بس حضرتك كنتى عرفتينى على الأقل ك نوع من التقدير
داليا : مجاش فى بالى
باسل فونه رن وكان خالد وخرج برا فى الجنينه عشان يكلمه
و قعدت على الكرسى بتناكه وحطت رجل على رجل وبصت لمى بسخريه واتكلمت بحده :
داليا بتكبر : روحى يابت هتيلى كوبايه مياه ..
_______________
عند باسل
رد على خالد
باسل :الو يا خالد
خالد بقلق :باسل هى شمس ماشيه من عندكوا من امتى
باسل باستغراب :بقالها كتير يجى ساعتين كدا ليه
خالد : شمس لسه مرجعتش يا باااسلل !
باسل بصدمه :اييييه ازاااى دى المفروض انها روحت من بدرييي
خالد بقلق شديد :أنا هتجنن وبرن عليها موبايلها مقفول
باسل وهو بيمسح على شعره بعصبية :ازاااااى يعنى هتكون راحت فين وانت ازاى يا خالد متكلمنيش كل دااا !
خالد :أنا رنيت عليها كتير وقولت يمكن فى المواصلات والدنيا زحمه
باسل خبط بإيده على رأسه وافتكر أنه نسى يخلى حد يوصلها
باسل بعصبية شديده :اقفل يا خالد دلوقتيي
خالد : وبعديين يا باسل شمس راحت فييين
باسل :اقفل دلوقتيي لحد ما اشوف هعمل ايه ..وقفل
وحاول يكلم شمس لكن بردو رقمها غير متاح فكلم واحد صاحبه فاهم فى الاتصالات وطلب منه يعرف مكان رشمس من خلال رقمها ..
__________________
عند مى
مى وهى بتبص حواليها على أمل امها بتكلم واحده تانيه وشاورت على نفسها باستغراب :حضرتك بتكلمينى أناا !
داليا بعصبية :اه انتي هو فى حد غيرك فى الڤيلا روحى هاتيلى مياه
مى بحرج : طيب وهو مش ممكن حضرتك تطلبيها بطريقه احسن من كده
داليا نزلت رجل من ع التانيه بعصبيه :وانتى بقا يا مفعوصه هتقوليلى اتكلم ازاى
مى بضيق :اولا انا مش مفعوصه ثانياً أنا مش بقولك تتكلمى ازاى أنا بقول لحضرتك تطلبى بطريقه احسن
داليا ببردو : ودى طريقتى يا عين امك ولا اااه نسيت أن مامتك ميته ..وابتسمت بخبث
مى عيونها دمعت اول ما سمعت كلمه مامتها واتعصبت جداً وكانت لسه هترد عليها لكن شافت باسل داخل فسكتت وخاصه أما لاقته متعصب
باسل شد مى من ايديها وطلعوا فوق بدون اى اهتمام لمامته ودخل غرفته وقفل
مى باستغراب :فى ايه يا باسل مالك
باسل بعصبية :ميي سيبنى فى حالى الله يرضى عليكى عشان مطلعش عصبيتى فيكى
مى بهدوء قربت منه و مسكت أيده وقعدته على الكنبه وطبطبت عليه بحنيه وقدرت فعلاً تهديه شويه واتكلمت بهدوء
مى :مالك يا حبيبى
باسل اتنهد ببطئ :مفيش حاجه يا مى متشغليش بالك
مى : طيب ممكن تقولى ايه الى حصل يمكن اقدر اساعدك أو اقترح عليك حل مكنش فى بالك مثلا
باسل باصلها بحزن :شمس مش لاقينها يا مي
مى بصدمه :مش لاقينها ازاى هى مش كانت تحت لما جيت من المستشفى
باسل بضيق :و بعدها مشيت وهى متضايقه منى على أساس انى هتجوز چيسى
مى باستغراب وهى بتضيق عينيها :چيسى مين؟!
باسل :اها انتى متعرفيش أن الحلوه طلع اسمها چيسى مش ساره
مى بصدمه :بجدد وانت عرفت منين
باسل :ياه دا انتى نايمه فى العسل خالص
مى :هو فى حاجه جديده حصلت
باسل بسخرية :عارفه چيسى طلعت تبع مين يا مي
مى :ميين
باسل ضحك بسخرية : والله مش عارف هتصدقى ولا لاء
مى بقلق :فى ايه يا باسللل قول تبع مييين
باسل :تبع طارق ..ابوكى
مى اتسعت عينيها بصدمه ..
_____________________
فى مكان مجهول
شمس كانت قاعده على كرسى مربوط ايديها ورجليها فيه ودايخه ولقت نفسها فى اوضه فاضيه وكانت سامعه اصوات ضحك رجاله وكلام لايصح أن يُقال خافت جدا وفضلت تحاول تفك نفسها لكن معرفتش وبدأت تفتكر ايه الى جابها هنا
شمس يصوت عالى : انتوا يا بهايم ياللى هناااا حد يرد عليااااا
دخل راجل عريض وطويل جداً واتكلم بنبره زعيق :صوتك طالع لييييه يا بتتتت
شمس بصدمه :بت ! بت أما تبتك يا بعيد أنا قد امك يا بهيم انت
الراجل بسخريه : ما تحترمى نفسك يا بت وبعدين قد امى ميين انتى هتمثلى هو أنا امى بالحلاوه دى يا بخت باسل والله ..وبصلها من فوق لتحت بخبث
لتستوعب شمس : امممم و ايه كمان يا عين امك
الراجل وبيقرب منها :ايه يابت الجرأه ديي دا انا على حسب معلوماتي انك قطوطه بتخافى من خيالك
شمس بسخريه :مين الحمار بن الحماره إلى قالك كدا يا عين امك ما هو طبيعى تصدق عشان حمار زيه
الراجل بضيق وعصبيه : وربنا لو ما احترمتى نفسك هعمل معاكى الغلط
شمس بشهقه :غلط مين ياض إلى تعمله معايااااا دا انا اعمله معاك ومع إلى جابوك
الراجل بصدمه :تعملى معايا أنا الغلط !
شمس :ولاااا اندهلى حد كبير أكلمه أنا عايزه اعرف أنا بعمل ايه هناا
الراجل قرب منها بخبث:تحبى اقولك جايبنك عشان نعمل فيكى ايه هنا .. وبدأ يقرب من وشها
شمس فى اللحظه دى تفت عليها
شمس :ابعد يا ابن الوارمه
الراجل غمض عينيه بعصبية وقرف وفتح عينه ببطئ وكان لسه هيضربها على وشها
لكن وقفه صوت غليظ جاى من وراهم ..
بقلمى أمل احمد✍🏻
__________________
فى المستشفى
فى غرفه رباب
رباب كانت نايمه على السرير بتعب وملامحها بهتانه
*موصفتش رباب قبل كدا نوصفها بقى (رباب عيونها مائله للأسود بشرتها بيضه ومناخيرها وشفايفها صغيرين جسمها مليان شويه وطبعا محجبه)
جه الدكتور عشان يطمن عليها
الدكتور بابتسامه بشوشه : عامله اي يا هانم دلوقتيي
رباب بتعب : الحمد لله تمام ..وبصت حواليها واتضايقت أما ملقتش حد جنبها
رباب :هو أنا مين الى جابنى هنا
الدكتور بنفس الابتسامه :الإسعاف
رباب باستغراب :ومحدش جه مع الاسعاف
الدكتور :لا بس أهلك قالوا إنهم جايين وراكى والى مسؤول عن حالتك شاب اسمه باسل
رباب بسخرية :اهلى! تمام يا دكتور شكرا تعبت حضرتك معايا
الدكتور بإعجاب :لا تعب ولا حاجه متقوليش كدا دا شغلى
رباب :الله يباركلك يارب
الدكتور بابتسامه :عن اذنك ولو احتاجتى اى حاجه او حسيتى بتعب رنى الجرس دا ..وشاورلها علي مكانه
رباب بابتسامه : تمام
___________________
عند باسل ومى
مى بصدمه : باسلل انت بتتكلم بجدد بابااا هو اليي ازااااى ولييييه
باسل بضيق وتوعد :مش وقته دلوقتى يا مى أنا هفهم كل حاجه بالتفصيل بس الاقى اختى بس
مى بدموع :أنا آسفه
باسل وهو بيبص لعيونها بعطف :اسفه على ايه يا حبيبتى
مى :أنا إلى جيبالك المشاكل دى كلها كل الى بيحصلك بسببى أناا .. وبدأت تعيط
باسل وهو بياخدها فى حضنه : شششش ميييي أنا مش عايز اسمع الكلام دا انتى مش سبب حاجه لو هتبقى سبب حاجه فى حياتى ف هتبقى سبب سعادتى وضحكتى وكل حاجه حلوه مش عايزك تقولى كدا تانى مااشى
مى هزت راسها فى حضنه بطفوله
*خليكوا انتوا حبوا فى بعض والوليه مخطوفه هناك🙂
باسل وهو بيخرجها من حضنه ومسح دموعها :ينفع العيون القمر دى تعيط كدا ينفع
مى ضحكت بكسوف وافتكرت شمس
مى :شمس !!
باسل قام بسرعه : ينهار اسوح دا انا نسيت البت يخربيت إلى يقعد معاكييى
مى وهى بتربع ايديها بضيق : شكراً
باسل رن على يوسف
يوسف :اي يا شقق
باسل :يوسف تقريباً كدا الرقم الى رن عليا طلع خاطف اختى
يوسف بصدمه :ايييه شمس
باسل :اه دلوقتيي عايزك تكلملى اللواء وتطلب منه الاذن نروح نقبض على الناس دى فى سريه تامه
يوسف :بس الحوار دا صعب اوى يتم بسرعه انت عارف يعنى هياخد وقتت
باسل بعصبية : وبعديييين اسيب اختى مع الزباله دوول .. يوسف اسمعنى كويس انا هترن على الرقم الى رن عليا وهسجل المكالمة وهنروح أنا وانت للمكان إلى هيقول عليه وهروح على أساس انى رايح لهم لوحدى وانا فى الوقت إلى هسلم لهم الفلوس واخد شمس هتكون القوات وصلت تماااام
يوسف :يا باسل مش هينفع تدخلهم لوحدكك ممكن يعملوا فيك حاجه
باسل : متقلقش اعرف بس مييين دول يلا بسرعه يا يوسف ..وقفل
باسل بص لمى الى كانت سامعه كل حاجه ومش عارف يسيبها فين
باسل قرب منها وهو بيملس على شعرها :ميوش ممكن تقعدى هنا لحد ما اخلص الحوار دا واجى
مى بدموع :أن أنا خاي خايفه
باسل :متخافيش يا حبيبتى انتى هتقعدى هنا مع ماما مش حد غريب ولو عوزتى حاجه اتجنبيها واعمليها بنفسك البيت بيتك
مى :أنا خاي خايفه عليك انت
باسل باسها من جبينها : متخافيش يا قلبى هرجع بخير أن شاء الله وبعدين اسد يلااا فى اييه ..وضحكوا
باسل :هقوم اجهز أنا بقا
مى هزت راسها بمعنى ماشى
وباسل قام لبس وجهز وكان خارج من الأوضه
باسل : يلا أنا ماشى
مى :سلام يا سولى خلى بالك من نفسك
باسل بابتسامه خبث :طيب مفيش اى حاجه لسولك قبل ما يمشى ..وغمز
مى بكسوف :يا باسل انت ف ايه ولا ف ايه
باسل :طب بوسه حتى
مى بخجل شديد :باسلل عيب كدا
باسل بقرف :طب يختى
مى بضحك :ربنا معاك يارب عشان خاطرى ابقى طمنى على شمس وعليك
باسل حضنها :حاضر يا حبيبتى
ونزل باسل وداليا شافته وبصتله بقلق
داليا :انت رايح فين
باسل بسخرية وضيق :مش مهم
داليا بحده :ايه الى مش مهم بقولك رايح فين و واخد معاك الشنطه دى
باسل قرب منها :معلش يا امى ملكيش فيه و زى ما انتى مش مقدرانى أسف أنا كمان مش هقدرك ..ومشى من غير ما يستنى رد فعلها
_____________________
فى المكان المجهول
الراجل غمض عينيه بعصبية وقرف وفتح عينه ببطئ وكان لسه هيضربها على وشها لكن وقفه صوت غليظ جاى من وراهم
عزت بصوت غليظ :صااااااااالح سيبهاا وتعالى هناااا
صالح لف وهو بيبص لشمس بتوعد وقرب من عزت
عزت :هو انا مش قولتلك متقربش منها دلوقتيي ناخد الفلوس وابقى اعمل فيها إلى أنت عايزه
شمس واتسعت عينيها واتكلمت من وراهم : تعمل فين يا ابن الب.هيم أنت وهوو
عزت واتسعت عينيه بصدمه
صالح بضيق :شوفت بت صعرانه وعايزه رباااايه
عزت غمض عينيه بغموض :اطلع برا يا صالح
صالح :لا يا باشا انت مش ..
عزت بصوت غليظ وزعيق :أطلععع برااا يا صااااااااالح
صالح خاف من نبره صوته وخرج وهو بيتنفخ بضيقق
عزت قرب من شمس وابتسملها واتلكم وقال
عزت :عارفه لولا أن المعلومات إلى عندى انك ملكيش حد كنت دفنتك حيه
شمس بتحدى :راجل ابن راجل اعملهااا و عمك باسل يخليك تشوف النجوم في عز الظهر
عزت بضيقق : أنا هفرجك عمى باسل دا هعمل فى اييه وحياه امى لاخليكى تعيطى عليه بدل الدموع دمم ..وسابها وخرج ورن على باسل
شمس بدأ الخوف يتملك منها وكانت بتدعى ربنا يحفظه
___________________
عند باسل
عزت رن عليه (الرقم الى كان بيكلمه هو عزت) باسل حط الإيربوتس و رد عليه
باسل :الوووو
عزت :انت فين
باسل :أنا فى الطريق والفلوس جاهزه ونتقابل بقا راجل ل راجل تدينى مراتى اديك الفلوس
عزت بضحك :دا انت طيب اوى بالسهولة دى
باسل :اه يا روح امك بالسهولة دى واى حركه غدر هتشوف منى رد فعل هيزعل إلى جابوك ..وقفل بعصبية
خالد رن علي باسل و رد
خالد :اي يا باسل مفيش اخبااار
باسل : متقلقش يا خالد عرفت مكانها وانا فى طريقى وهاجبها
خالد بلهفه :هى فييين
باسل : مخطوفه
خالد بصدمه :اييييه مخطوفههه انت بتتكلم جدددد
باسل :ايوه يا خالد تلاقى حد من ولاد الكل.ب اعدائى إلى خاطفنها عشان يساومونى بيها وخاطفنها على أساس أنها مي كمان
خالد بعصبية : يا ولاااد ال **وانت ترووح لوحدك يا بااااسل مش تعرفنييي اجى معاااك
باسل :يا خالد أنا كدا كدا متفق مع يوسف هياخد إذن ويجيب القوات ويجى يقبض عليهم بس بعد ما اديهم الامان انى لوحدى
خالد بقلق :وانت يا باسلل
باسل : متقلقش عليا أن شاء الله خير
خالد :بالله تخلى بالك من شمس ومن نفسك
باسل : حاضر حاضر سلاام ..وقفل
______________________
فى الفيلا
مى كانت قاعده قلقانه وصلت وكانت قاعده بتقرأ قرآن وسمعت صوت بينده عليها
مى افتكرت نفسها بتتخيل أو بيتهيئلها لكن اتأكدت لما سمعت صوت داليا بتزعق من تحت وبتقول
داليا :انتى يا زفتهه يا إلى اسمك مييييييييي
البارت ال32
بقلمى أمل احمد🖊️
فى الفيلا
مى كانت قاعده قلقانه وصلت وكانت قاعده بتقرأ قرآن وسمعت صوت بينده عليها
مى افتكرت نفسها بتتخيل أو بيتهيئلها لكن اتأكدت لما سمعت صوت داليا بتزعق من تحت وبتقول
داليا :انتى يا زفته يالى اسمك مييييييييي
مى خرجت اوضتها باستغراب ونزلت تشوف داليا ولاقتها متعصبه جدا
داليا بعصبية :بقالى ساعه بنده عليكى اييي طارشه مبتسمعيش
مى اتنهدت بضيق :مكنتش سامعه كنت بصلى خيير فى حاجه
داليا :اتكلمى عدل يا حلوه
مى بتحدى :وانا مبتكلمش غير عدل الدور والباقى على الناس الى قليله الذوق وبتجرح مشاعر الناس
داليا :انتى بتلقحى على مين يا بت انتيي
مى : والله أنا مبلقحش على حد كل واحد عارف نفسه كويس اوى
داليا بعصبية اكترر : اممممم فعلاً كل واحد عارف نفسه ..وقربت منها بخبث طيب اسمعى بقا يا حلوه انتى هتطلعى كدا زى الشاطره تجبيلى الحاجات دى لزوم تجهيزات الفرح بتاع ساره وباسل اصله مستعجل اووى
مى بضحكه سخريه :ضحكتينى والله
داليا :ليه يا حبيبتى هو أنا قولتلك نكته
مى بابتسامه :لا هى حاجه هتضحك اكتر ..مش سولى حبيبى طلع بيضحك عليكوا
داليا باستغراب :انتى بتخرفى تقولى ايه يا مفعوصه انتيي ..اااه ولا صحيح ما انتى ماسمعتيش حاجه
مى : والله انتى إلى ماسمعتيش حاجه ولا تعرفى حاجه اصلا ..واتكلمت بسخريه بصى يا داليا هانم ساره إلى هي چيسى طلعت نصابه وباسل قصدى سولى طلب من البودى جارد بتوعه أنه يرميها وسورى مش هقدر اقولك فين عشان دى اسرار بردو بينى وبينه وهو بصراحه مبيخبيش حاجه عليا خالص وسورى تانى مره مش هقدر اقول اكتر من كدا بس عشان حضرتك تبقى فاهمه إلى فيها بس ..وبصتلها بصه اخيره عن أذنك ..وطلعت اوضتها بكل هدوء وسابت داليا غرقانه فى صدمتها ومش عارفه تستوعب حاجه
داليا قعدت على الكرسى بصدمه وهى بتحاول تستوعب إلى قالته مى وندهت على رباب بضيق :رباااااب ربااااب انتى يا زفتههههههه
لكن لارد لأن هى متعرفش أن رباب فى المستشفى
داليا قامت بعصبية واتجهت للمطبخ وملقتهاش ودخلت اوضتها لكن بردو ملقتهاش واستغربت جدا
داليا بعصبية :راااحت فيين ديييي هى ناقصاها لااااء دا شكل فى حاجات بتحصل فى الفيلا بدون علميييي .. واتكلمت بتهديد ماااشى أنا هوريكى يا بنت طااارق واتجهت لغرفه مى وهى ناويه نيه سوداء ..
بقلمى أمل احمد
_____________________
فى المستشفى
فى غرفه رباب
رباب كانت متضايقه جداً أن لسه مفيش حد زارها وقاعده لوحدها ودخل الدكتور وقطع شرودها واتكلم بابتسامه المعتادة
الدكتور :هاا اخبارك ايه حاسه بتعب ؟!
رباب :لا الحمد لله مفيش حاجه
الدكتور :طب الحمد لله وسحب كرسى وقعد
الدكتور :ممكن اسالك سؤال
رباب وهى خايفه لا يسألها عن أهلها :أت اتفضل
الدكتور :هو حضرتك متجوزه
رباب اتصدمت من السؤال وردت بهدوء :احم لاء ليه
الدكتور والفرحة ملئت عينيه : بجدد طب الحمد لله
رباب بصتله باستغراب وحده
الدكتور وقد أدرك الى قاله : ااااه احم اقصد يعنى الحمد لله لأن الجواز دا مشقه وتعب والله ..وغير رياكشنه لغزل
بس ساعات بيبقى حلو اووى
رباب بحرج :الله فى اي يا دكتوور مااالك
الدكتور وهو بيعدل البالطو :احم طب هستأذن أنا دلوقتي
رباب بتنهيده :اتفضللل
وخرج الدكتور
رباب لنفسها :اى الدكتور الغريب داا بس أنا ليه حاسه انى فرحانه اي الشعور داا فى اييي يا ربااب انتى هتكبرى تخرفى ولا ايه لا فوقى كدا انتى خلاص كبرتى على مواضيع المراهقين دى ..
وفضلت تقرأ قرآن من المصحف الصغير إلى مبيفارقش جلبابها
______________________
عند شمس
كانت بتحاول كل شويه تفك نفسها وفجأة دخل صالح واتكلم بسخرية
صالح :متحاوليييش كدا كدا مش هتعرفى تزوغى مننا
شمس بقرف : اطلع براا ياض يا اهبل انت
صالح بصدمه : ياض وبرااا لااااا دا انتى جبتى اخرك معايااا
شمس وهى تتدعى القوه :هتعمل ايه ياروح امك
صالح بخبث :هتعرفى دلوقتي روح أمه هيعمل اييييه يا رجااااااله
ودخل كذا شاب
صالح :فكوها وهاتوهالى على الاوضه ..ومشى
الشباب بدأوا يفكوها وجم عشان يشيلوها شمس زقت أيديهم بعنف شديد واتكلمت بحده مخيفه
شمس :ايدك جمبككك منك له بدل ما ازعلكوا منيييي
شاب من الشباب :طب انجرى قدامنا بدل ما نستعمل معاكى العنف
شمس :بس ياض روح خلى امك تربيك جتكوا القرف جيل قذرر
الشباب كانوا واقفين مصدومين من طريقتها ونبره صوتها الحاده إلى متلقش على شكلها
ومشيت معاهم لحد ما وصلوا قدام غرفه منوره بضوء خفيف و شمس كانت خايفه تخش لحد ما واحد زقها جوا بحركه سريعه وخرج وقفل الباب وراه بسرعه .. وشمس اول ما دخلت ...!
_______________________
عند باسل
رن على يوسف ورد
باسل : الو يا يوسف انت فين
يوسف :أنا وراك تقريباً بمسافه ٥ كيلومتر
باسل :تمام خلى بالك كويس اوى عشان شكله ناوى يتاخد أجله النهارده واستعد لأى حركه غدر منه وخلى حد فى ضهرى اول ما توصل يوصلك الاخبار بسريه تامه اقولك خلى عمرو هو الى يتولى المهمه دى هو شاطر فيها
يوسف :تمام يا باسل ركز بس فى الطريق كويس واحنا معاك .. وقفلوا
____________________
فى الفيلا
داليا وصلت قدام غرفه مى وخبطت عليها
مى عرفت أن هى إلى بتخبط و فتحت الباب بضيق ولسه هتتكلم لكن وقعت كلمات داليا عليها مثل الصاعقه
داليا بحده :تلمى هدومك دلوقتي حالااا وتطلعى برا الفيلااا ..قدامك ١٠دقايق تلمى فيهم حاجتك وما اشوفش وشك هناا تااانى انتى فااااهمهه
مى كانت بصالها بصدمه وعدم استيعاب
مى :انتى بتطردينى !!
داليا ببردو :بالضبط يا حبيبه امك تلمى هدومك وتغورى برا الفيلااا ومشوفش وشك هنا تانى انتى فاااهمه
مى كانت حاسه بإهانه واحراج رهيب واتكلمت وهى بتحاول تمسك دموعها
مى :أنا لحد الآن نفسي افهم اي السبب إلى مخليكى بتعاملينى بالطريقه البشعه دي وتعايرينى بأمى الميته وباهلى أنا عملتلك ايه عشان تعاملينى كداا هااااه قوليلييييي
داليا بعصبية :عشان مبطقيييش انتى مش مناسبه لابنى ابنى يستاهل أنه يتجوز واحده تاريخها نضيييف
مى بعصبية وصوت عالي :و الست جيسييييي هى دى إلى تاريخهاا نضيييييف وبعدين ثانيهه ماله تاريخى أن شاء الله هو انتى تعرفى حاااجه عنى اصلااا عشان تحكمى تاريخى نضييف ولا لااااء
داليا بانفعال :اه اعر ...وسكتت
مى باستغراب : تعرفى ايييه قولييي
داليا بحده :خمس عشر دقايق وتكونى مش فى الفيلا ..وسابتها ومشيت
مى كانت واقفه مستغربه من كلامها وبتفكر فيه بشك وقلق وبتحاول تفتكر ذكرياتها كلها لكن مش قادره تفتكر حاجه وأدركت أنها لازم تدور على مكان تقعد فيه بعد ما داليا طردتها وقررت تكلم خالد
مى بدموع :الو يا خالو
خالد بحزن :الو يا حبيبتى في حاجه ولا إيه عرفتى حاجه عن شمس وباسل؟!
مى بدموع اكتر :لا
خالد سمع صوت دموعها وقلق عليها هى كمان جداً
خالد :مى مالك يا حبيبتى انتى بتعيطى ؟!
مى وهى بتحاول تمسك دموعها : ل ..لاء ..ي .. ياخالو أن ..أنا كويسه
خالد :كويسه اييه مالك يا ميييي فى اييييه اتكلمييي
مى :دا ..داليا طردت ..طردتنى
خالد بصدمه :ايييييه طردتك ازاااااى واي الى حصللللل عشان تطردكك
مى :هب.. هبقى.. احكيلك بعدين المهم دلوقتي أنا هركب واجي..
خالد :لا لا لاء خليكى عندك أنا هاجى اخدك
مى :يا خالو أنا هعرف اجى متخافش
خالد بعصبية :مييييي أنا قولت أنا جااااى متتحركييش
مى :ح .. حاضر
وقفلوا ..
_________________________
عند شمس
شمس اول ما دخلت الغرفه لقت عزت بيشرب سجاير ومديها ظهره والدخان مغرق الأوضه شمس اتكلمت بضيق
شمس وهى بتكح :يخربيت القرفف بقااا
عزت لفلها وابتسامه خبث على وشه :اي بتتخنقى من ريحه السجاير
شمس :ااه اووى بس مش اكتر من ريحه الوس.اخه الى شماها من ساعه ما جيت المكان داا
عزت اتعصب ورمى السيجاره من أيده وداس عليها بجزمته وهو بيقرب من شمس وشمس بتحاول تكون ثابته
عزت بخبث :بصى يا بت انتى هتنفذى إلى اقولك عليه كويس اووى لانك مضطره تنفذيه ..اول ما حبيب القلب يجى هتقابليه انتى اول واحده وفى الاوضه دى على أساس أننا مش موجودين هنا وانتى بتحاولى تهربى لحد ما وصلتى هنا واحنا
شمس ببرود : وبعدين
عزت :الباقى دا بتاعنا ملكيش دعوه بيه
شمس :ولو افترضنا يعنى انى طلعت غداره وغدرت بيكوا هيحصل اي
عزت بضحكه عاليه :عاجبتى جرأتك الزياده وثقتك بنفسك
شمس :الله يحرقك تسلم
عزت بجز على سنانه :ساعتها هتترحمى عليه يا حلوه .. وبصلها بابتسامه سمجه عن اذنك اصلى ورايا طار من حبيبك ولازم اخده
وخرج عزت وقفل الباب ونده على صالح
عزت بحده : عايز حراسه على الباب داا لحد ما الزفت يوصلل واول ما يجى تختفوا من قدام الباب وطبعا عارفين اماكنكوا
صالح : طبعاً
عزت وهو بيمسك صالح من ياقه القميص واتكلم بتهديد :عااارف لو عملت حاجه من غير علمى هيحصل فيك ايييي
صالح بضيق :عيب يا باشا
عزت سابه واتكلم بسخرية :جتك داهيه قذر ..وسابه ومشى
وصالح بص لأثره بضيق وهو مصمم أنه هينفز إلى فى دماغه ..
______________________
فى الفيلا
مى لبست بلوزه وچيبه والطرحه ونزلت من غير ما تاخد اى حاجه وداليا بصتلها بسخريه
داليا :اي يا حبيبتى هو انتى مجبتيش حاجه ساعه الجواز ولا اي
مى بثبات :لاء
داليا بسخريه :طب خديلك اي حاجه استرى نفسك بيها
مى بضيق :ليه هو انتى شيفانى عريانه لاسمح الله عموماً أنا سيبهالك وكدا كدا كنت هسيبها من غير ما تقولى بس ماشاء الله ذوق حضرتك مغطى عليا وسبقتينى وهريحك من وشى إلى مضايقك خالص مع انى كنت مفكراكى هتحتوينى زى بنتك وتعاملينى بما يرضى الله لكن للاسف ربنا مبيديش البنى ادم كل حاجه ..وسابتها وخرجت قعدت فى الجنينه تستنى خالد وانفجرت فى العياط
ودقايق وكان خالد وصل
مى اول ما شافته جربت عليه وحضنته وهى منهاره فى العياط
مى :اسفه بجد تعبتك معايا اووى
خالد وهو بيرفع وشها بحنيه :بس يا بت اى إلى بتقوليه دا وبعدين أهدى اي إلى حصلل
مى وهى بتمسح دموعها : مش مهم المهم نمشى دلوقتي بالله عليك يا خالوو أنا مش عايزه ارجع الڤيلاا دى تااانييي
خالد :طب اي إلى حصلل فهمينيي تعالى ندخل اكلم داليا و ..
مى بانفعال :لااا مش عايزه اكلمهااا يا خااالوووو بالله عليك عايزه امشى من هنااا
خالد :يابنتى مينفعش نمشى من غير ما افهم في اييييه
مى :خالوو لو عايز تشوف فى ايه مكنش معاكوا عشان بجد مش عايزه ابان ضعيفه قدام الست دي عشان خاطرى روحنى وشوف فى اي بعديين
خالد لما شاف حال مى الى كانت أول مره تصمم على رأيها بالشكل دا ومتضايقه خدها ومشى وطول الطريق كان بيحاول يهديها
أثناء الطريق ..
خالد :يابنتى بطلى عياط واحكيلى إلى حصل
مى :مش مش دلوقتي عش عشان هعيط اكتر والله
خالد :طب اهدى كدا وبطلى عيااط ولو ليكى حقك أنا هاخدهولك يا مى بس الصبرر اعرف بس مين الحيوانات إلى خطفوا شمس وانا هروقلك والله يا بنتى
مى بتذكر :ااااه صحح شمس هو باسل مكلمكش تانى
خالد بقلق : لا وحاولت أرن عليه وانا فى الطريق مش بيرد أنا قلقان أووى
مى بحزن : متقلقش يا خالو أن شاء الله باسل هيرجع هو وهى بالسلامة بس ادعيلهم
خالد بقلق شديد :يارب يا مى يارب ربنا يستررها عليهم يارب
وبعد وقت وصل مى وخالد البيت وكانوا قاعدين بيحاولوا يتواصلوا مع باسل لكن مش عارفين وكانوا فى نوبه من القلق..
_______________________
عند شمس
كانت قاعده فى الاوضه و واخده حذرها جداً وخايفه من تخطيطهم والنيه إلى ناوينها لباسل وفجأة سمعت الباب بيتفتح بهدوء ودخل صالح وقفل الباب وراها بالمفتاح
شمس :الله يحرقك فزعتنييي اي إلى جابك هنا يالا
صالح وهو بيقرب منها بخبث :عااايزك
شمس بدأ الخوف يتملك منها واتكلمت وهى بتحاول تكون قويه
شمس بحده : ما تحترم نفسك ياض يا زباله انتت دا انت قد ابنى يلااااه
صالح وهو مازال بيقرب :قد ابنك اي بقا انتى هتصيعى علياا ..وبدا ينزع ملابسه
شمس دورت وشها بسرعه وخوف :انت يا حيوواااان لم نفسك والله هزعل إلى جابوك منيييي لو ما احترمت نفسككك
صالح بخبث :وانا نفسى ازعلل ..وكان لسه هيعتدى عليها وشمس صوتت بصوت عالى وغمضت عينيها بخوف وكانت بتضربه بأقصى ما فيها لكن فجأة حست أن أيده اتشالت من عليها وسمعت صوت هى حافظاها كويس
: دي عشان تبقى تلمس حاجه تخص باسل مكرم يا زباااله ..وضربه بأقصى قوته فى معدته ولوح له رأسه بطريقة احترافية لحد ما اغم عليه
وفتحت شمس عينيها بخوف بعد ما سمعت صوت ضرب بعنف
شمس :اعااااا باسللللل ..
❤️❤️❤️❤️❤️👆👆👆
مراهقه أوقعتني في حبها
البارت ال 32/33
بقلمى أمل احمد🖊️
شمس : اعااااا باسللللل ..وجريت عليه حضنته
باسل بقلق :انتى بخيرر !
شمس :اه يا حبيب اختك الحمد لله متقلقش
باسل قبلها من جبينها : الحمدلله يا حبيبي .. وبص على الرجل إلى أصبح شبه الجثه وطى وخد فونه من جيبه .. تعالى
شمس شاورتله ينزل لمستوى طولها بسرعه وهمست له :خلى بالك عشان فى مؤامره عليك
باسل بهدوء :متخافيش عامل احتياطى
شمس غمزلته :ايوا بقا شغل ضباط
باسل ابتسم ومسك ايديها و وقفوا ورا الباب و وفتحه وقفلوا جامد
شمس بهمس :بتعمل اييي كدا هيجوا
باسل شاورلها تسكت وكان ماسك ايديها جامد
وفجأة سمعوا صوت رجاله برا والباب اتفتح بعنف والراجل إلى فتحه أنصدم لما شاف منظر صالح ولسه هينطق ..
باسل وهو ماسك طرف المسدس من وراه :صوت المرأة عوره عييب ..وضربه بقوه فى رأسه ولفله رأسه بنفس الطريقه إلى عملها مع صالح واغم عليه وقفل باسل الباب بهدوء
*ملحوظه صوت المرأة مش عوره هو بيقول كدا تريقه عليه
شمس بانفعال وهى مركزه مع حركاته :اوباااا دا انت طلعت جامد ياض يا باسل
باسل وهو بيحط أيده على بوقها :بس بس اسكتى هتفضحيناا
سمعوا فى اللحظه دى صوت عزت وباسل كان حاسس أنه يعرف الصوت دا
عزت بصوت منخفض بعض الشئ : فين صالح الزفت
واحد من الرجاله بهمس :أنا بعت واحد يشوفه ولسه مجاش لحد دلوقتي
عزت بجز على سنانه :هيودينا فى داهيه ابن ال** دااا
:أنا هروح اشوفه يا باشا
عزت :بسرعهه قبل ما الزفت التانى يجييي
باسل وشمس كانوا سامعين الحوار كله وأدرك باسل أنه عزت
(عزت يبقى اخو شخص باسل قتله لما كان فى مهمه قبض على تجار السلاح وعزت شافه وهو بيقتله ومن ساعتها وهو حالف ياخد بحق اخو)
شمس بهمس :هنعمل اي دلوقتي
باسل قرب منها واتكلم بصوت واطى جداً :بصى
شمس باهتمام :امممم
باسل بنفس الهمس :انتى هتقعدى هنا ولا كأنك شوفتينى وانا هقف ورا الباب واول ما اى حد يدخل أنا هتصرف معاه بس انتى تلهيه عشان نعرف نخرج من ام الاوضه ديي تمام
شمس : مش فاهمه يعنى أنت عايز اي دلوقتي
باسل وهو بيخبط بأيده على رأسه :لا يا شمس ركزى معايا الله يرضى عليكى انتى هتقعدى هنا عشان اى حد يجى تلهيه واول ما يتلهى هضربه تمااام
شمس :طيب طيب
باسل :فهمتى يا شمسسس
شمس :ايوه ايوه تمام
باسل :يلا
شمس اتحركت ناحيه الكنبه إلى فى الغرفه ولقت واحد من الى واقعين ع الأرض بدأ يفوق شمس شاورت لباسل بسرعه
باسل مسك المسدس و راح ناحيته وضربه تانى
باسل فى سره :يا أخى انتوا جبلات
وفجأة سمع صوت اوكره الباب بيتفتح ..جرى بسرعه وراه الباب وراجل عريض وطويل جداً دخل واتفاجئ أما شاف الاتنين ع الأرض
الراجل :اييي دااا انتى عملتى فيهم اي يابتتتتت
شمس وهى تستغل الفرصه عشان تلهيه واتكلمت بصوت حاد :ابعد يلااا بدل ما اخليك تالتهم
الراجل باستغراب :وانتى بقا هتقنعينى انك انتى الى عملتى فيهم كدا صحيح
شمس :لو مش مصدق قرب وانا اوريك
الراجل كان مستغرب وقرب من شمس وهو حَذر جدا واول ما بقا قصادها باسل خرج من ورا الباب وكان هيضربه لكن الراجل حس بحركته ولف بسرعه وراه وشاف باسل وباسل ضربه بالبوكس فى وشه
باسل بعمليه لشمس :يلااااا
وشد شمس بسرعه وخرج من الاوضه وكان فيه مجموعة من رجاله عزت واقفه وشافوهم باسل خد باله منهم ولف بسرعه لكن اتفاجئ بعزت فى وشه !
باسل مسك شمس كويس جداً وكان شبه ضاممها ليه
عزت ضحك بشر بصوت مرتفع
عزت : والله و وقعت يا باسل يا مكرم
باسل بثبات : والله توقعت أن انت لان مفيش حد يقدر يخطف حد من أهلى من وراياا ومن غير حتى مايواجهنى أو يواجهه رجالتى زى الرجاله معذور بردو اصلك راجل فى البطاقه بس
عزت بابتسامه : والله بقا راجل فى البطاقه مش راجل فى البطاقه مش هيغير حاجه ..واختفت الابتسامه من على وشه واتكلم بغلظ فين الفلووووس
باسل :مفيش فلوس غير أما مراتى تمشى من هنا واطمن عليها وساعتها نبقى نتكلم
عزت بعصبية :ودا مكانش اتفاقناااا
باسل بصوت عالى :ولا عمر هيكون فى اتفاق بينى وبين واحد وس.خ زيكك
عزت :انت كدا بتعلن حرب معايا انت مش قدها
باسل بنص ابتسامه :وانا قبلت الحرب بس مراتى تخرج الاول برا الموضوع دا لو انت بقا عايز تواجهنى بحق وحقيقى
شمس كانت بتشدد من امساك باسل وخايفه عليه جدا
عزت الرجاله :خرجوهااا
باسل بسرعه :لااااء يا حيلتها مراتى أنا الى هخرجهاا ومحدش هيلمسهااا
عزت رفع حاجبه وبص لحراسه بمعنى سيبوه يخرج وشاورلهم يكونوا ورا باسل
وفعلاً باسل خد شمس ورجاله عزت كانوا وراهم لحد ما وصلوا للباب الرئيسيى و واحد من الرجاله فتح الباب
: اخرجيي
باسل مسكه من هدومه :كلامك معايا أنا يا روح امك انت فاهممم ..قالها وهو بيضربه بخفه على وشه
وطبعا الراجل مقدرش بكلمه لانه عارف مين باسل
باسل لما الباب اتفتح كان شايف عربيه سوداء من بعيد ودى تبقى العربيه إلى فيها يوسف وخرجت شمس وهى مش عارفه تعمل ايه واول ما شمس خرجت قفلوا الباب ومشيوا وباسل كان قدامه اتنين و وراه ثلاثه لحد ما وصلوا لعزت
عزت :اظن نفذت إلى أنت عايزه وزيادهه جه وقت الحساب
باسل :وماله طلباتك ؟
عزت : ال ١٥مليون الى اتفقنا عليهم وتنازل عن كل املاكك
باسل وهو بيضحك :ههههه وبعدين
عزت :واهم طلب تقدم استقالتك عن المهنه
باسل وهو بيحط أيده فى جيبه :اممم طب بص بقا يا حبيب اخوك انت مش هطول منى ايتها حاجه ليه تقدر تقول كدا أنا مفيش حد بياخد حاجه غصب عني ولا حتى يؤمرنى اعتبرها بقا خياانه اعتبرها غدرر إلى تشوفه
عزت وهو بيقوم من مكانه وقرب من باسل بتحدى :دا اخر كلام عندك
باسل وهو بيهزر رأسه ببردو :اممم بالضبط
عزت بابتسامه :شكلك عايز صالح يدخل على حبيبتك قبل ..
عزت مكملش الجمله وكان بوكس من باسل نازل على وشه بطريقه وحشيه وهجم على عليه وقعه ونزل فيه ضرب ورجاله عزت كانوا بيحاولوا يشيلوه باسل من عليه وبعد محاولات كتيره قدروا يمسكوا باسل وكتفوا ايديه
باسل بعصبية :وحياه امييييي لاحبسكك وهطلع عين اهلك عشان تعرف انت بتتكلم مع مين يا ابن ال****
عزت وهو بيمسح فمه من الدم :خدووه واربطوه كويسسس
: تمام يا باشا
_______________________
وقت ما شمس خرجت
كانت واقفه خايفه ومحتاره تعمل اي ومشيت خطوتين حست ان فى حد مراقبها وبدأت تسرع فى مشيها كان الشخص بيسرع اكتر وفجأة وهى ماشيه خبطت فى شخص
شمس اتخضت وبصت بسرعه للى خبطته واتصدمت أما لاقته يوسف
شمس :يوسف بتعمل اي هنا
يوسف وهو عارف ان الشخص بيراقبها :ابدا يا حبيبتى كنت بشترى شويه حاجات خير فى حد مضايقك ولا اي
شمس : ااه الواد المهزق إلى ورايا دا بيراقبنى من ساعه ما خرجت من ..
يوسف بسرعه :طب تعالي تعالى اوصلك فى طريقى
شمس بفهم :ماشى يلا
شمس مشيت جمب يوسف وكان لسه الشخص ماشى وراهم ويوسف واخد باله وتجاهلوا لحد ما وصل للعربيه ووقف الشخص على جمبك عشان يراقبهم
يوسف وهو بيفتح باب العربيه لشمس : ادخلى انتى وانا دقيقه وجاى
شمس :رايح فين ياض
يوسف بهمس :هعمل الواجب مع الحيوان دا
شمس :اشطا اديلوو هو اصلا عايز يتربى
يوسف ضحك وقفل العربيه واتجه ناحيه الراجل
يوسف :الا قولى يا عم الروش انت كنت ماشى وراها ليه
الشخص بعجرفه :أنا ممشتش وراه حد انت جاى تتبلى عليا
يوسف وهو بيمسح فى دقنه :امممم يعنى انت عايز تقنعنى انك مكنتش بتراقبها
الشخص :يعم هو انا أعرف انت بتتكلم عن مين ولا اعرفك اساسااا
يوسف :طب بص أنا لو مشيت ولمحتك بس ماشى ورايا أنا هندمك على اليوم إلى جيت فيه الدنيا وهخليك تقول اضربونى بحنيه الدنيا جايه عليا تمام يا روح ماما
الشخص : انت بتهددنى ولا ايه
يوسف :لا مبهددش بنفذ على طول
وعدل لبسه وبصله ببردو ومشى للعربيه
وشمس كانت بتتفرج عليهم
يوسف ركب العربيه
شمس :اي مشوفتش يعنى ضرب ولا دم يا عم يوسف
يوسف :لا اله الا الله هو انتى عايزانى اضرب وخلاص يا شمس متقلقيش كدا كدا الضرب جاى
شمس :صحيح هو انت عرفت مكانى ازاى
يوسف :أنا وباسل متفقين مع بعض بصى بقا خليكى هنا وهجبلك واحد من الرجاله يوصلك عشان خالد ميقلقش عليكى اكتر من كدا وانا وباسل هنتصرف مع الناس دى
شمس :طيب خلي بالك يا يوسف وادخل لباسل لحسن زمانهم عملوا فيه حاجه
يوسف : متقلقيش احنا هندخله
وجه واحد من الرجاله عشان يوصل شمس ..بقلمى أمل احمد
_______________________
فى بيت خالد
كان قاعد هو ومى قلقانين وبيدعوا والباب خبط
خالد قام يفتح وملامح الحزن على وشه واول ما فتح
خالد بصدمه :شمس !
وخدها فى حضنه وهى كانت مبسوطه اوى أنها رجعتله
مى اول ماسمعته جريت عليهم بلهفه وفرحت اوى لما شافت شمس ولكن عيونها كانت بتدور على باسل
خالد خرجها من حضنه وحاوط وشها بإيده بحنان :انتى ..انتى كويسه حد عملك حاجه
شمس بابتسامه : أنا كويسه يا خالد الحمد لله متقلقش
خالد :طب تعالى تعالى ..ودخلوا
مى حضنت شمس : الحمدلله انك رجعتى يا شموسه الحمدلله
شمس قبلت جبينها :حبيبتى يا مى متقلقيش يا روحى أنا بخير
مى خرجت من حضنها واتكلمت بقلق : اومال فين باسل
شمس بتوتر :ااه جاى جاى ورايا هو بس قالى أنه هيخلص كام حاجه وجاى متقلقيش يا روحى
مى بشك وقلق :يخلص ايه هو ليه مجاش معاكى شمس انتى مخبيه حاجه عليا
شمس : لا يا حبيبتي بس هو قالى أنا هعمل حاجه واجيلكوا متخافيش هو بخير
مى :بجد يعنى انتى شوفتيه كان كويس وقالك أنه جاى
شمس :اه والله يا حبيبتى كويس متقلقيش
مى اتنهدت بحزن وكانت خايفه جداً عليه وحاسه أن شمس مخبيه حاجه عليها وسكتت ودخلت اوضتها إلى في شقه خالد وقفلت الباب وفضلت تعيط
خالد :احكيلى اي إلى حصل بالتفصيل يا شمس ومين إلى خطفك بالضبط
شمس بهمس :وطى صوتك عشان مى متقلقش علي باسل اكتر من كدا
خالد :شمس باسل فييين
شمس بحزن :عندهم
خالد باستغراب :عند مين ؟!
شمس :عند الزباله إلى كانوا خاطفينى طلب منهم يخرجونى ويواجهم هو
خالد : ينهار ابيض وهو هناك لوحدهه !!
شمس :لا متفق مع يوسف وفى رجاله تبعهم معاه بردو ربنا يسترها عليهم يارب أنا خايفه اوى لا يجراله حاجه
خالد بقلق يحاول يخفيه :متخافيش عليه يا شمس باسل راجل وميتخافش عليه وأن شاء الله ربنا هيحفظه
شمس :يارب يا خالد يارب
وفجأة سمعوا صوت شهقات مى إلى سمعت كل حاجه
خالد وشمس قاموا بسرعه وفضلوا يخبطوا
خالد بقلق :افتحى يا مييي
شمس :مى يا حبيبتى افتحى الباااب
صوت مى اختفى
خالد :مي مييي ردى علياااا
خالد بص لشمس :البت زمانها اغم عليهاا هاتى سكينه يا شمسس
وجريت جابت سكينه وخالد قدر أنه يفتح الباب ودخل لقاه مى نايمه على السرير و وشها مصفر ودموعها على وشها خالد وشمس اتصدموا وشمس جابت لها كوبايه مايه بسكر وخالد كان بيحاول يفوقها ويشربها الميه لكن مفاقتش
شمس :استنى هجبلها برفان
خالد رش على أيده وفضل يشممهولها وبعد محاولات بدأت مى تستجيب وتفوق تدريجياً وفتحت عينيها بصعوبه وبطء
خالد بلهفه :مى فوقى يا حبيبه خالوو فوقى
شمس :انتى سمعانه يا حبيبتى
مى كانت بصالهم بتعب ومش قادره تتكلم
خالد :يابنتى قولى اى حاجه متقلقنيش عليكييي
شمس :خلاص يا خالد هى مش قادره تتكلم
خالد :أنا خايف عليها يا شمس دى وشها مصفر خالص ومبتتكلمشش
شمس بهدوء لمى :طيب يا مى يا حبيبتى لو انتى سمعانه اتكلمى قولى اى حاجه عشان نطمن عليكى
مى بتعب :عا.. عاي.. عايزه.. ب.. باسل
خالد :حاضر يا حبيبتى حاضر ..وبص لشمس بحزن
شمس طبطبت عليه وفضلوا قاعدين جمب مى يراعوها
_____________________
عند باسل
كان قاعد مربوط قدام عزت وباصصله بغموض
عزت :هااه مش ناوى بردك تنفذ إلى قولتهولك
باسل ببردو : وحياه امك لو اتقلبت شمبنزى مش هطول منى حاجه واقولك اعلى ما ف خيلك اركبه يا عزت يا اخو المقتول
عزت اتعصب جداً وعينه بقت حمراء :انت بتقولها فى وشيي كمان يا بجححح ..وقام من مكانه وضرب باسل بوكس فى وشه
باسل بسخرية : ما انت لو راجل بصحيح تفكنى ونتواجهه راجل لراجل إنما اقول ايه طول عمرك مرا حتى يوم ما قتلت اخوك كنت مستخبى وخايف تدافع عنه
عزت :أنا لو مسكتك هفعصك تحت ايدى يا باسل يا مكرم
باسل بضحكه سخريه :طب منا قاعد قدامك اهو بقالى ساعه مفعصتنيش ليه اقولك ليه عشان انت بوققق
عزت وجاب آخره من الغيظ : رجاااااااله ادبوه ..وقرب من باسل بضحكه انتصار..ابقى ورينى بقا مين الى هيلحقق من تحت أيديهم اصلهم مبيرحموش ..وخرج وهو بيعدل هدومه وقالهم :عايزكوا تتوصوا بيه كويس اصله غالى عندى اوى ..و خرج وقفل الباب وكانت رجالته كلها جوت واول ما خرج لقاه شخص قدامه
عزت باستغراب :انت مييين ودخلت هنا ازااى يا جدع انتت
:احب اعرفك بنفسي يوسف الشناوى ..وضربه بالروسيه بغلّ
عزت بوجع :اااه انت يا حيوان انت ازاى تتجرأ وتضرب عزت ال ..كان بوكس نازل على وشه
يوسف :عارفك عارفك عزت القلة عمروووووو
عمرو :افندم
يوسف :خد البغل دا على البوكس يلا يا رجااااله
وكسر باب الاوضه بعنف إلى فيها باسل
وكانوا لسه هيضربوا باسل
يوسف :عندكككك انت وهو وحياتكوا ما انتوا تاعبين نفسكوا
وهجم رجاله يوسف عليهم ودخلوا فى عاركه شديده بين رجاله يوسف ورجاله عزت ويوسف فك باسل وقاموا ضربوا معاهم وكان مهارات باسل ويوسف فى الضرب حديثه ومحترفه جداً وأثناء العركه وباسل مش واخد باله جه واحد وجرح دراع باسل وباسل مسك دراعه و أتألم لكن مسك مسدسه بسرعه وضرب عليه وباسل بدأ ينزف لكنه طنش وكمل ضرب بحذر واللواء كمال عرف بالموضوع وبعت عساكر ليهم وتم القبض على عزت ورجالته كلهم ..
يوسف وخد باله أن باسل اتصاب :باسل انت كويس
باسل بسخريه : اه كويس يا يوسف كويس انتتت شاايف ايييييه واحد دراعه مفتوح وغرقان فى دمه
يوسف :خلاص خلاص متجعرش قوم طب ..وبدأ يسنده
باسل بوجع :اااه ااه براحه يا يوسف
يوسف :ياعم قوم بقا انت هتمثل
باسل وهو ماسك دراعه :وربنا افوقلك بس يا يوسف وهزعلك
يوسف بضحك : خلاص خلاص ..شويه والاسعاف جايه
باسل :لا لا أنا عايز اروح على الڤيله
يوسف :فيلا ايه يا ابنى انت دراعك متبهدل
باسل :مش هينفع والله لازم اروح لمى زمانها قلقانه عليا
يوسف :طيب نروح المستشفى وهى تجيلك
باسل :لا لا هتقلق اكتر لو عرفت انى فى مستشفى أنا بس هعدى على دكتور يخيطلى دراعى واروح ع الفيلا
يوسف بتنهيده :إلى تشوفه يا صاحبي
باسل بابتسامه :تسلم على وقفتك جمبى مش عارف من غيرك كنت هعمل ايه والله
يوسف بمرح :كنت هتاكل ضرببب
باسل بضحك :على رأيك والله بس متتنفخش اوى كدا
يوسف :بطل هبل ياض انت اخويا ..وضربه بخفه على دراعه المصاب
باسل بوجع : اااااه ايه يا يوسفف
يوسف :اسف وربنا نسيييت
باسل :دا مفيش كدا يا اخى
وضحكوا الاتنين ..
بعد ساعات
مى كانت على نفس الحاله رافضه تتكلم أو تاكل او تشرب وخالد قاعد جمبها
خالد :يا بنتى هتفضلى عامله كدا لحد امتى
مى :لا رد
شمس وهى خارجه من المطبخ : طيب بصى كدااا اي رأيك عملتلك صينيه بسبوسه بالقشطه هتاكلى صوابعك وراها واهى بدل إلى اتحرقت المره إلى فاتت
خالد : يلا قومى كلى بقا يا حبيبتى
مى بتعب :مش ع .. عايزه
شمس قعدت جمبها :بقولك اي يا بتتت يا ميييي انتى هتاكلى البسبوسه يعنى هتاكليهااا ويلا قومى كدا .. وبدأت تقومها
خالد : بر براحه يا شمس
شمس بمرح :اسكت انت بلا براحه بلا زفتت يلا يا بت قومييي
خالد :حاضر ..وبص لمى محاوله أنه يضحكها ..بصى بتعاميلنى ازاى كلى بقا لحسن تاكل دراعك دلوقتي
مى ضحكت ضحكه خفيفه وقامت
شمس : ايوه كدا شوفى وشك بينور ازاى لما بتضحكى والله لو مش بتضحكى حتى انتى قمر فى كل حالاتك طالعه لامك يخربيتك يلا بقا خدى دوقى وقوليلى رأيك
مى ابتسمت واتكلمت بحزن :بس انا مليش نفس والله صدقونى
خالد : معلش يا حبيبتى لازم تاكلى حاجه عشان ميحصلكيش زى إلى حصل من شويه
مى :مش هقدر اكل حاجه والله ولا هيبقى ليا نفس طول ما انا معرفش حاجه عن باسل .. وبدأت تعيط
شمس اتنهدت وخدتها فى حضنها :أهدى يا حبيبتى اهدى هو أن شاء الله هيرجع وهيبقى زى الفل
مى بعياط :رن عليه يا خالوو
خالد : والله يا بنتى رنيت عليه كتير اوى ومبيردش
شمس :طب جرب تانى كدا يمكن يرد المره دى
خالد :حاضر ..و كان لسه هيرن عليه لقا باسل بيرن عليه
خالد بصدمه وفرحه :بيرررن
شمس بسعاده : والله طب الحمدلله
مى واتسعت عينيها بفرحه :بجددد! هات ارد عليههه بالله عليك يا خالوو
خالد :طب استنى ارد عليه الاول
مى وهى بتشد منه الفون :لا معلش هرد عليه أناا الاوللل
مى :باااسل حبيبييييي
باسل بلهفه :ميييي ازيك يا روحى
مى بدموع : أنا كويسه الحمدلله انت فيييين كل دااا حراام عليك
باسل :أهدى يا حبيبتى أنا فى الطريق وجاى اهو والله قدامى عشر دقايق أن شاء الله واكون فى الفيلا
مى بتوتر ودموع :بس انا..مش..مش فى الفيلا
باسل باستغراب :مش فى الفيلا ازاااى اومال فييين
مى :عند خالوو
باسل :وايه إلى جابك عندك خالد
مى بدموع اكتر :لما..لما ترجع هحكليلك
باسل :ماشى يا حبيبتى متعيطيش بقا عشان خاطرى أنا خلاص جاى اهو
مى :ح حاضرر ..خالو عايز يكلمك
باسل :اديهولى
خالد :الو يا باسل يا ابنى أنت كويس
باسل : الحمدلله يا خالد اطمن أنا كويس
خالد :طب الحمدلله الحمدلله أنت فين كدا
باسل :أنا كنت فاضلى عشر دقايق واوصل الفيلا بس كدا هضطر اغير طريقى واجى على عندكوا على طول
خالد :طب ما تعدى على امك تطمن عليها الاول
باسل بسخرية :مش لما هى كانت تطمن عليا الأول لا يا خالد مش هعدى علي حد أنا جاى عشان اشوف اختى ومراتى إلى قلقانين عليا بصحيح وبيحسوا بغيابى
خالد بتنهيده :ماشى يا ابنى ربنا ييسر لك الأمور
باسل :يارب سلام .. وقفلوا
شمس :شوف الواطى إلى مسلمش عليا
خالد بضحك : هو اصلا خلاص جاى يا شمس
شمس :بردك كان عبر اهلى دا انا حتى زى أخته
خالد :يا شيخه اقعدى دا كل الى هو فيه دا عشانك اصلاا
شمس :ايوا صح لاء إذا كان كدا ربنا يحفظه يارب
خالد ومى ضحكوا وبعد دقايق الباب خبط ومى جريت تفتحه وكان باسل
باسل بابتسامه :حبيب قلبييي وشالها وهو حاضنها جامد
مى بفرحه متتوصفش :حمدالله على سلامتك يا سوليييي
باسل نزلها :الله يسلمك يا قلب سولى عامله اي يا حبيبى
مى : الحمدلله والله كنت قلقانه وخايفه عليك اووى الحمدلله انك رجعت ..وحضنته تانى
باسل بوجع عشان خبطت دراعه :ااع براحه يا ميوش
مى خرجت من حضنه :مالك اي إلى بيوجعك
باسل مدلها دراعه المصاب
مى بصدمه :اعااااا اي دااا مال دراعككك
باسل :متخافيش يا حبيبى جرح بسيط
مى :لا طبعاً مش بسيط انت انت كويس طيب بيوجعك
باسل بابتسامه :لا مبيوجعنيش عشان انتى حطيتى ايدك عليه
مى :باسللل بطل بقا بجد والله بيوجعك
باسل : شويه بس هيروق أن شاء الله متقلقيش و باس راسها وضمها ليه باشتياق
خالد وشمس :احممممم
خالد :طب احترمونا طيب احنا واقفين
باسل بضحك :سورى يا خالوده مخدتش بالى ..وحضنوا بعض
خالد :حمدالله على سلامتك يا ابنى
باسل :الله يسلمك يا خالد
شمس :وسع بقا دورى لوسمحت
باسل بضحك :تعالى ياللى مجننانى ..وحضنها
شمس :الف حمدالله على سلامتك يا حبيب اختك
باسل خرجها من حضنه :الله يسلمك يا حبيبتى انتى كويسه
شمس :كويسه والله ماتخاف الحمدلله تعبتك معايا اووى يا حبيبى
باسل :انتى اختى يا شمس يعنى لو اطول احارب الدنيا كلها عشانك هعمل كدا انتى حته منى ..وقبل جبينها
شمس :ربنا يخليك ليا يا باسل وتفضل راجلى وسندى طول العمر
خالد بغيره :واما هو راجلك انا وركك يعنى ولا ايه
شمس بضحك :لا طبعاً يا خالوده انت كمان راجلى ربنا يخليكوا ليا يارب ..وبصت لباسل والف سلامه عليك يا حبيبى
خالد : يلا يا باسل خد مى وخشوا ريحوا
باسل : لا يا خالد أنا هاخد شمس ونروح الفيلا
مى وريأكشنات وشها اتغيرت لضيق :لا أنا مش هروح
باسل باستغراب :ليه يا مى
خالد وهو بيحاول ينقذ الموقف :ااه لو كدا ريحوا النهارده هنا ونبقى نتكلم بكره إن شاء الله
باسل باستغراب اكتر :نتكلم فى ايهة أنا مش فاهم حاااجه هو في حاجه حصلتت؟
خالد :اه يا ابنى بس انت دلوقتي تعبان والمفروض ترتاح ومش وقت حكاوي ف خش ريح ونتكلم بكره
باسل :لا يا خالد أنا كدا قلقتت فى ايه ..وبص لمى وانتى مش عايزه تروحى الفيلا ليه يا مي فهمينيي
مى بدموع :عشان خاطرى بلاش نتكلم دلوقتي وسيبنى فرحانه شويه
باسل :الله هو اي الي حصلللللل
خالد بنفاذ صبر :امك طردتهاا يا باسل ارتحتتت
باسل بصدمه !!
New part 🥺♥️
تفااااعل وكومنتس كتيير♥️♥️
روايه
مراهقه أوقعتني في حبها
البارت ال34
بقلمى أمـل أحمـد🖊️
باسل بصدمه :اييييه طردتها ازاااى ؟!
خالد :أهى عندك اسألها هى حتى محكتليش حاجه بسبب انها كانت منهاره لما جيت اجبها
باسل بص على مي إلى انفجرت فى العياط ووشها احمر وقرب منها
باسل :احكى يا مييي ايه الى حصلل وطردتك ازاااى
مى كانت بتعيط بس ومش قادره تتكلم وصوت شهقاتها بيعلى اكتر واكتر
باسل خدها فى حضنه وهى كانت بتمسك فى جامد وبتعيط اكتر
باسل وهو بيملس على شعرها بحنيه :شششششش بس يا ميوش أهدى خلاص نتكلم بكره
شمس شاورت لباسل ياخدها ويدخل الاوضه وهو قام فعلاً وشال مى ودخلوا وقعدها على السرير وخدها فى حضنه وفضل يطبطب عليها لحد ما هديت وصوت عياطها وشهقاتها وقف
باسل بهمس :مي ميوش ..ورفع وشها ليه ولقاها نامت وخدودها كانت حمرا جدا وعيونها كانت وارمه من كتر العياط باسل صعب عليه منظرها وبقا عايز يدخلها جوا ضلوعه وكان بيضمها ليه اكتر وهو حاسس بالذنب من ناحيتها جدا واتولد كرهه أمه فى قلبه اكتر من الاول وقام براحه من غير ما يصحى مى وغير هدومه ونام من كتر التعب ..
_____________________
فى صباح يوم جديد
فى بيت فريده
صحيت من النوم ومسكت الفون لقت يوسف كان متصل بيها ١٥مرات
فريده اتنفضت من مكانها واتصدمت أنها مسمعتش ولا رنه
فريده بخضه :نهاااار اسوووح عليا ١٥مره ومسمعتش
وقررت تكلمه بسرعه
يوسف بنوم :الوو
فريده بتوتر :اااه الوو يا چو
يوسف :ميين
فريده :نهار اسوح انت نسيتنى كل دا عشان رنيت عليا ١٥مره بس ومسمعتش
يوسف وبدأ يفوق :طب اقفلى يا فريده بدل ما اهزقك ع الصبح اقفلييي
فريده :وليه ليه انا هقفل بالذوق احسن بس انت مقولتليش كنت عايزنى فى ايه
يوسف وهو بيتاوب :أما اصحى أما اصحى ..وساب الفون على الكومودينو
فريده :الوو الوو يوسفف ..يا ابن ال اجدع واحد يسيب الى بيكلم ع الخط وينام حسبى الله مامااااا
والده فريده :عايزه ايييه
فريده :اي يا ماما المعامله دى دى معامله عروسه فرحها كمان كام يوم
والده فريده :وانا مالى يختى هو أنا عريسك
فريده :اه والله عندك حق إذا كان الى هو عريسى سابنى وانا بكلمه ونام
والده فريده بضحك : والله يوسف دا حكايه طب يلا يلا تعالى عشان تفطرى
فريده :حالاً ...
____________________
فى بيت خالد
شمس قامت بدرى تحضر الفطار وخالد خد اجازه اليوم دا
شمس :بقولك اي يا خالد ما تقعد النهارده من الشغل
خالد :منا لازم اقعد
شمس :اه صح أنا بجد مش مصدقه ازاى ماما تعمل كدا
خالد :امك مبطقش مى يا شمس وانتى عارفه بس متوقعتش أنها توصل لدرجه انها تطردها
شمس بحزن :أنا آسفه يا خالد بجد على الى بيحصل لمى أنا حاسه بالذنب اوى
خالد :بس يا شمس اي إلى بيتقوليه داا دا لولا اقتراحك مكانش زمان مى قابلت باسل
شمس : يمكن لو مكنتش قابلته مكنش هيحصل كل دا
خالد بعصبية : شمسسس انتى ملكيش ذنب فى حاجه وبعدين الحمدلله انها قابلته انتى عارفه هي غيرته قد ايييه باسل بقى بيحبها يا شمس وبقى عايش عشانها وهى كمان اتغيرت بسببه ولبست الحجاب وبدأت تتجرأ وتحب الحياه عشانه وفى الآخر تقوليلى لو مكانوش اتقابله.. مش عاارف ايه
شمس :مقصدش والله يا خالد بس انا بتكلم على داليا امى إلى تقريباً كرهت مى في عيشتها وهى يا حبيبتى ساكته ومش عايزه تتكلم عشان باسل ودا باين اوى من عينيها
خالد بتنهيده طويله : ربنا يجازيها ويعوضها خير والله البت دى شافت كتيير وان شاء الله لينا قاعده مع امك
شمس بحزن :أن شاء الله خير ربنا يستر ...
فى نفس الوقت عند باسل
باسل صحى من النوم وبص على الفون لقى الساعه 10.5 وبص على مى لقاها غرقانه فى النووم وكان شكلها تعبان اوى وعينيها لسه وارمه قرب منها وملس على شعرها وكان متضايق جداً لحالها ومن إلى أمه عملته فيها وبدأ يشك فى كل لحظه سابها فيها مع امه وأثناء شروده الباب خبط بهدوء وكانت شمس وقام فتح
شمس بهدوء : صباح الخير يا حبيبى
باسل : صباح الفل يا شموسه
شمس :قلقت ولا حاجه
باسل :لا لا أنا صاحى
شمس :ومي ؟
باسل :لسه نايمه وشكلها تعبان اوى يا شمس أنا متضايق من الى امك عملته بس قسماً بالله ما هسكت
شمس :طب اهدى بس وانا نفسى مش هسكت وهنكلمها بس صحى مى دلوقتي عشان ناكل الفطار جاهز
باسل :لا سيبيها نايمه
شمس :طب تعالى كل انت ولما مى تصحى تبقى تاكل
باسل :مليش نفس
شمس :لا بقولك اي متعمليش زى مراتك امبارح فضلت مش راضيه تاكل حاجه خالص عشان خايفه على سيادتك
باسل بصدمه :اييي مي مكالتش حاجه خالص امبااارح!
شمس :مرضيتش تاكل والله اتحايلت عليها كتير أنا وخالد ومفيش فايده
باسل :يخبر ابيض لا أنا هصحيها تاكلل
شمس بضحك :ماكان من الاول يلا صحيها وتعالوا ناكل سوا ..وخرجت شمس وباسل راح يصحى مى
باسل قرب منها بهدوء :ميوش مي اصحى يا حبيبي
مى وهى بتتقلب بنعس : نعم
باسل :اصحى يا روحى عشان تفطرى
مى بصوت نعسان :تؤ مش جعانه
باسل :لا يا مى مينفعش انتى مكالتيش حاجه من امبارح يلا قومى
مى :يا باسل مش جعاانه
باسل :طيب لو مقومتيش مش واكل أنا كمان وخلينى جعان كدا
مى قامت بسرعه وهى بتفرك فى عينيها :لا لا خلاص هقوم اهو
باسل بابتسامه :جدعه يلا
مى :طيب اسبقنى هخش الحمام واجيلكوا
باسل :ماشى يا حبيبي ..وخرج
خالد :صباح الخير يا باسل
باسل : صباح الخير يا خالوده
خالد :نمت كويس
باسل وهو بيقعد :اه الحمدلله كنت هموت وانام من امبارح
خالد :طب الحمدلله مى لسه نايمه ولا ايه
باسل :لا صحيتها وجايه
خالد :باسل انا خدت اجازه من الشغل النهارده عشان مش هسكت على الى امك عملته أنا اه بحترمها من زمان وكل حاجه وكمان بحكم انها حماتى لكن متوصلش أنها تطرد بنت اختى هنا الكلام هيتغيرر
باسل :وفكرك يعنى يا خالد أن أنا هسكت لما الاقى مرااتى مطروده بسبب امى ومنهاره بالشكل دا بسببها هسكتتت ! استحاله يا خالد ومبقاش راجل لو سكت ورضيت بالى امى عملته بس برضو دى امى ولازم اعرف كويس أنا هقول ايه وافهم بالضبط ايه الى حصل
خالد :اصيل يا باسل
مى خرجت من الاوضه
مى برقه :صباح الخير
خالد وباسل :صباح النور
خالد بابتسامه وهو فاتحلها دراعه :تعالى يا حبيبه خالوو ..وجريت مى لحضنه
خالد :عامله اي يا حبيبتى النهارده
مى : الحمدلله
باسل وهو بيشدها بغيره :خلاص هى كويسه متقلقش
خالد بضحك :ياض بطل رخامه
باسل بصوت عالى :ياعم بطل انت حضن فيهااا انت كل ما تشوفها لازم تحضنهااا
شمس خرجت بسرعه من المطبخ وماسكه السكينه في ايديها : هى مييييييييييين دييييي
خالد :وربنا بيتكلم عن مى
شمس :ااااااه احسبب
خالد :روحى روحى كملى دايما ظلمانى كدا
شمس بصتله بقرف وبعدين بصت لمى بابتسامه :ميي عامله اي يا حبيبي صح النووم
مى بابتسامه : الحمدلله يا حبيبتى بخير والله ملحقتش انام بردو
شمس بمرح :يختى يعنى هاتفضلى نايمه اليوم كله
خالد :ما تنام براحتها يا شمس
شمس :اسكت انت
باسل بتمثيل :اسكت انت يعنى اي اسكت انتاااا ..وبص لخالد دى بتقولك اسكت انتااا
شمس :بس يا شعله وتعالوا يلا على السفره الاكل جاهز
وقعدوا كلهم وباسل كان مهتم جدا بأكل مى ..
____________________
فى المخزن
چيسى كانت محبوسه و راحه جايه ومكالتش حاجه من امبارح يدوب بيدخلها المياه بس
واحد من الحرس دخل
چيسى جريت عليه بسرعه واتكلمت بمياعه : ارجوك ارجوك خرجنى من هنا
الحارس :لاااء استحاله
چيسى وهى بتقرب منه اكتر وبتحط ايديها على صدره :عشان خاااطررى وهديك كل الى أنت عايزه بس خرجنى من هنا
الحارس وهو بيحاول يتماسك :اااه قولتك لااء ممنوع
چيسى وبدأت تستخدم سياستها القذره لأغراء الحارس لحد ما اقنعته يخرجها مقابل مبلغ كبير ومقابلتها وفعلاً خرجها بعد ما وعدته بوصل امانه وهربت چيسى للفندق إلى كانت قاعده فيه
______________________
فى بيت خالد
خلصوا أكل كلهم وكانوا قاعدين مع مي عشان تحكيلهم
باسل قعد جمبها وكانت نايمه على كتفه وهى مبسوطه وحاسه بالراحه والاطمئنان وسط أهله
باسل : ميوش
مى وراسها لسه على كتفه :نعم
باسل :ممكن بقى تحكيلى إلى حصل امبارح براحه ومن غير عياط
مى اتعدلت وخدت نفس طويل واتكلمت وهى بتحاول متعيطش :بص يا باسل.. وحكتله إلى حصل وكان خالد وشمس قاعدين وسامعينها باهتمام
باسل :وانتى ليه يا مى نرفزتيها بالكلام
مى بانفعال :نرفزتها ! هو أنا كدا نرفزتهاا وهى لما كانت فى الرايحه والجايه تعايرنى انى مليش أهل وامييي !! بتعايرنى بأمى الميته يبقى مين فين إلى بينرفز وبيدمر التانى يا استاذ باسللل ..واتفتحت فى العياط لكن عيونها كانت جامده المره دى ومسحت دموعها بغل وكملت تحت نظرات باسل المصدوم بكلامها ومتوقعش ابدا ان أمه ممكن تعمل كدا
مى :واقولك على حاجه كمان اليوم إلى وقعت فيه فى حمام السباحه أنا وقعت بسبب العياط إلى كنت معيطاه بسببها مكنتش شايفه قدامى بمعنى الكلمه بسبب كلامها إلى يسم البدن ..وفضلت تمسح فى دموعها وباسل مركز مع كلامها جداً
باسل باهتمام وشفقه على حالتها :قالتلك ايه ساعتها كملي
مى :اول ما نزلت من اوضتى وكنت معيطه بسببك ساعتها بصت عليا هى وچيسى وكالعادة سخنتها علياا ولما روحت اقعد فى الجنينه جتلى ومش هقدر انسى إلى قالتهولى ساعتها لما قالتلى خلى عندك دم وسيبى باسل لانه مش عارف مصلحته وان مينفعش واحده تتجوزه غير جيسى الى هو بيحبها ولما عيط قولتلها نفسى اعرف سبب كرهك ليا قالتلى الدمعتين ..دول
.. مش.. مش هياك ..هياكلوا معا ..معاياا .. وقالتلى أنه يس..يستاهل واحده.. أهل ..أهلها يشر يشرفوا ..هنا مى كانت بتعيط جامد وهى بتحكى وباسل كان بيطبطب عليها
باسل وخدها فى حضنه وبيطبطب عليها بحزن :حقك علياا أناا حقك عليا يا حبيبتى بقا كل دا يحصل ومتقوليلش يا مي ينفع كده
مى بشهقات العياط :م..مكنتش..عاو..عاوزه اشغلك كفايه الى أنت فيه
شمس بدموع :بس يا روحى أهدى أهدى والله يا مى انتى بنت جدعه واصليه والف مين يتمناكى اوعى تتأثرى بكلام امى والله أنا معرفش هى ازاى قالتلك كدا هى مهما كانت قاسيه لكن مش للدرجادى واحنا لينا كلام معاها بس أهدى يا حبيبتى دموعك غاليه عندنا
خالد :خلاص بقا يا حبيبه خالوو متعيطيش واحنا هناخدلك حقك
باسل بعمليه :قومى البسى يا مى
مى :هنروح فين
باسل : الفيلا يلا قومى
مى بدموع :مش عايزه اروح
باسل :لاء هنروح وهتيجى معايا
مى :لا يا باسل بالله عليك مش عايزه اروح لها تانى هى طردتنى
باسل بعصبية :وانااا مرااااتى متطردش من بيتى وانا عااااايش
مى :بس..بس دا مش بيتى دا بيتها هى
باسل :حتى لو بيتها ميدلهاش الحق انها تطردككك قووومى
خالد :باسل مى فعلاً مش هينفع تروح بعد ما طردتها
باسل : وانااا هردلها كرامتهااا يا خااالد قدام اميييي بس تقوم وتيجى معايا
خالد :وهى مش هقدر تروح هناك تانى دى بنت اختى وانا عارفها احنا دلوقتي نروح أنا وأنت نكلمها ونفهم ليه عملت كده
باسل :يا خاالد ..
خالد :خلاص يا باسل بلاش كلام كتير
باسل بضيق :مااشى يا خالد أنا هسبق أنا ع الفيلا وابقى حصلنى
وخرج باسل بضيق و قفل الباب وراه بقوه
شمس بتنهيده :شكله اتضايق اوى يا مى
مى بحزن ودموع : والله مش هقدر اروح الفيلا دى تانى صدقيني غصب عنى مش هقدر انسى طريقتها معايا وهى بتكلمنى كأنى بنت من الشارع
شمس وهى بتاخدها لحضنها :حقك عليا أنا يا حبيبتى حقك علياا
خالد قام يجهز وبعد دقايق كان خلص و راح على الفيلا وشمس قعدت مع مى عشان متبقاش لوحدها
____________________
فى الفيلا
قبل مجئ خالد
باسل وصل وركن عربيته والحرس استقبلوه و هو مردش عليهم بسبب الغضب والغيظ إلى جواه ودخل الفيلا بعصبيه وهو بينده على داليا
باسل بعصبية :امييييييييي
داليا وهى خارجه من اوضتها بفزع :فى اييييه صوتك عالى ليه
باسل وهو بيقرب منها : والله ؟! يعنى هو حضرتك مش عارفه انتى عملتى ايييييه
داليا ببردو مصحوب بحِده :البنت دى متناسبكش نهائى وانا امك وعارفه مصلحتك
باسل بنص ابتسامه :ااه تقومى تطرديهاا صح؟! انتى ايييييه بتكبرى تخرفييي
داليا بصدمه :انت ازاااى تكلم امك كدااا أنت اجننتتتتت
باسل بصوت عالى :انتى إلى اجننتيييي لما تذلى بنت بريئه ملهاش أهل بأمها الميته تبقى اجننتى لما تطردى مرات ابنك من البيت وفى عدم وجود ابنك لمجرد انك مبتحبيهااش تبقى اجننتيييي انتى ايييييه إلى حصلككك نفسى افهم عملتلك اييييه عشان تعملى فيها كداااا كلت ورثك اذتك فى حااااجه لو اذتك فى حاجه قوليلى وانا اكسرلك رقبتها إنما متعامليهاش كدااا من غير سبب وحتى لو فى سبب تقوليلى وانا اتعامل معاها بطريقتى
داليا كانت سامعه الكلام ومصدومه مش دا باسل ابنها إلى كان بيحترمها وبيخلى باله من كل كلمه بيقولها لأمه وكانت لسه هترفع ايديها تضربه بالألم ..
خالد من وراهم :دالياااااااااا
داليا نزلت أيدها وبصت لباسل بحزن
باسل :اييييه متضربى ما هو دا الى ناقص معلش اصل الحقيقة بتوجع اووى وللاسف يا امي حقيقه طبعك انك انانيه ومبتفكريش غير فى نفسك خاصه بعد موت بابا حتى مفكرتيش فى مستقبل ابنك ولا فكرتى فيه اصلاا سافرتى عشان تحسنى نفسيتك وابنك إلى مستقبله بيتبنى ومحتاجك جمبه يولع
داليا بدموع :بسس بقااااا اسكتتت مش عايزه اسمع حاااجه
باسل بزعيق : لاااا مش هسكتتت و ...
داليا بدموع :انت مش فاهم حاجه !!
_______________________
فى الفندق
عند چيسى
رنت على طارق
چيسى :الوووو يا طارق
طارق :الوو مين؟!
چيسى :أنا چيسيي
طارق :الو يا زفته انتى فين برن عليكى من امبارح فونك غير متاح ومش عارف اوصل باخبار الزفت باسل خااالص
چيسى :أنا لازم اسافر ألمانيا حالاً
طارق :انتى اتهبلتى ولا ايه احنا لسه مخلصناش وبعدين انا مروحتش امبارح الفيلا بسبب ام الشغل ومعرفش اي إلى حصل واطلقوا فعلاً ولا لاء وسيادتك قافله فونكك و اااه...
چيسى :باسل عرف الى بيناا
طارق بصدمه :يا ليلتك المهببه انتى بتقولي ايييييييه عرف ازااااى انطقيي!
چيسى وهى بتلم حاجتها وبتنهج :مش وقتههه أنا عايزه اسافر ألمانيا حالاً احجزلى أول طياره
طارق :لا يا حلوههه انتى مش هتمشى من مصر غير أما ننفذ اتفاقناااا انتى هتستعبطى ولا ايه
جيسى :ننفذ ايييه بقولك عرف الى بيناا وبعدين اقولك على مفاجأة كمان هو إلى قايلى انى اقولك أنهم هيطلقوا وهما مش هيطلقوا ولا حاااجه وبنتك هتفضل معاه يبقى الحل أننا نسافر ونرجع لحياتنا الطبيعية يا طااارق
طارق بعصبية :وانا مش هساافر غير وبنتى معايااا
چيسى بزعيق :وانا مليش دعوه بحوراتك انت وبنتكككك أنا عايزه اسااافر قبل ما الاقيهم داخلين عليااا يحبسونى تاانى
طارق :مااشى يا چيسى أنا هحجزلك الطياره بس أنتى كدا ملكيش عندى اى حاجه!
جيسى بضيق :نعمممم يعنى كل الى عملته معاك ولا حاااجه
طارق :اه ولا حاجه لانك محققتيش إلى عايز أوصله لاء وايه كمان كشفتى لعبتناا يا حلوه
جيسى :خ خلاص مش عايزه حاجه المهم اسافر وأمشى من هنا
طارق :تمام يا جيسى ..
_____________________
فى الفيلا
باسل باستغراب :حاجه ايه الى مش فاهمها ؟!!
داليا سحبت كرسى وقعدت واتكلمت بحزن :طارق ابو مي هو إلى قتل ابووك !!
باسل وخالد اتصدموا من الى سمعوه من داليا
خالد :انتى بتقوليي اييييه طارق مين الى قتل ابوهه
باسل بعدم استيعاب :اميييي بالله عليكى ركزى انتى واعيه انتى بتقولى ايييه
داليا بدموع :ايوه واعيه كويس ومتأكده كمااان
باسل :ازاااى يا امى إذا كان أنا نفسى لسه معرفتش مين الى قتله مين الى قالك الكلام ده وبعدين اي علاقه طارق ب بابا اصلااا أنا مش فاهم حاااجه؟!
داليا :أنا هحكيلك ..من ٣شهور أما كنت فى أمريكا جاتلى رساله من رقم مصرى واتصدمت أما عرفت انه سعيد إلى كان شغال مع ابوك وسابه واللى ابوك كان عايز يحبسه والقصه دى وآلى انا كنت مفكراه هو إلى قتل ابوك واستغربت أما لاقيته بيقولى فى الرساله "أنا عرفت مين الى قتل جوزك يا داليا هانم" اول ما قرأتها رنيت عليه لكن مردش رديت بسرعه برساله قولتله "انت مين وتعرفنى منين وعرفت ازاى ياريت ترد عليا! " وبعتلى رساله قالى "أنا سعيد يا داليا هانم اكيد فكرانى وحبيت اعرفك أن إلى قتل جوزك هو (طارق الصاوى) من تجار السلاح فى ألمانيا بس فى السر طبعاً وانا بالرغم من انى سبت امير بيه لكن عمرى ماهان عليا العيش والملح وكان لازم اعرفك" ف رديت وقولتله "وانا ايه الى يأكدلى أن كلامك صح وان الجدع إلى بتقول عليه دا هو إلى قتله" ف رد بمسدج وقالى "لأن معايا دليل بصوته" وبعتلى ريكورد فيه صوت طارق وهو بيتفق مع راجل على قتله
باسل بعدم تصديق للى بيسمعه :معاكى الريك دلوقتي
داليا :اه ..وطلعتله الفون وسمعته الريك ومكنش مصدق أن دا صوت طارق فعلاً بس كان هو للاسف
باسل بصدمه :طيب وهو ليه عمل كدااا اي العداوه إلى كانت بينه وبين بابا
داليا :ما هو دا الى نفسى اعرفه ليه يعمل فى ابوك كدااا وعشان كدا اول ما عرفت كل دا نزلت مصر واتصدمت اكتر لما لقيتك متجوز بنت اسمها (مى طارق على الصاوى) واتأكدت انها بنته والى فهمته من خلال الأحداث إلى حصلت فى اليومين إلى قعدتهم أن ابوها لسه ميعرفش انك ابن أمير إلى قتله
باسل كان قاعد بيحاول يستوعب الكلام ومش عارف يستوعب اى حاجه وحط رأسه مابين ايديه الاتنين ومبقاش عارف يفكر وفجأة رفع رأسه وبص لداليا بحزن
باسل :عشان كدا كنتى بتعاملى بنته كدا طب دى بنت طيبه ومعاشتش معاه حتى ليه كنتى بتعمليها كداا وفضلتى تزليها بأهلها كلهم وهى متعرفش ولا فاهمه حاجه
داليا بدموع :غصب عنى والله يا ابنى
باسل :وليه سكتى كللل دااا ليه ما قولتليش الكلام دا من بدرييي دا انا وأبوها اصلا فى حرب مع بعض ولسه مكتشف أن إلى اسمها ساره دى طلعت جيىسى ومتفقه معاه أنها تفرق بينى وبين مى عشان نطلق ومى ترجعله وتقعد مع ابوها
داليا بصدمه :يلهووووى ساااره
باسل بسخرية :ااه ساره إلى حضرتك طحنتى خاطر مي عشانها عشان واحده رخصيه وزباله
داليا :أنا اسفه يا ابنى حقك عليا انت وهى
باسل قام وقف :بعد ايييه بعد ما عكيتى الدنيا وسكتى عن الحق كللل داا
داليا :طب طب حاول تتصرف يا باسل خد حق ابوك وهات مى اعتذرلها بنفسى
باسل خد كل الرسايل والدلائل من داليا ومشى من الفيلا هو وخالد وهو ناوى ينتقم اشد انتقام من طاارق ...
____________________
فى المطار
چيسى كانت واقفه ومستنيه الطياره توصل بسرعه وبعد دقيقتين وصلت الطياره وركبت بالفعل
چيسى براحه :ااااه ياربى الحمدلله انى خلعت من الحوارات دييي ..وغمضت عينيها عشان تنام لكن جت المضيفه وقالتلها
المضيفه :لوسمحت
جيسى بضيق :ايوه فى حاجه
المضيفه :اه يا فندم اتفضلى معايا
جيسى باستغراب :اتفضل معاكى ليه؟
المضيفه :حضرتك ممنوعه من السفرر !!
🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹
ادخلوا بسرعه حملوه وخلوه علي موبيلاتكم من هنا 👇👇👇
وكمان اروع الروايات هنا 👇
انضموا معنا على تليجرام ليصلكم اشعار بالروايات فور نزولها من هنااااااااا
🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺
تعليقات
إرسال تعليق