expr:class='data:blog.languageDirection' expr:data-id='data:blog.blogId'>

رواية الحكايه فيها عشق الفصل التاسع بقلم نرمين هاني حصريه وجديده على مدونة النجم المتوهج للروايات والمعلومات

رواية الحكايه فيها عشق الفصل التاسع بقلم نرمين هاني حصريه وجديده على مدونة النجم المتوهج للروايات والمعلومات 

رواية الحكايه فيها عشق الفصل التاسع بقلم نرمين هاني حصريه وجديده على مدونة النجم المتوهج للروايات والمعلومات 

إنها كارثة أن تعتقد أن الحياة ستتوقف يوما ما مهما كانت كارثية الموقف

يا بنيتى ، أن الحياة تسير و الأيام تتلاشى مهما ظننت غير ذلك ، صفحة تجر صفحة دون توقف ، تركض سريعا حيثُ لا مكان للهرولة ، فلا تعتقد يوما أنها ستقف مهما إشتدت و مهما بدت مأساوية ، لا تعتقد أن حزنك الصغير سيوقف جزءاً من كوكبنا حدادا عليه ، و أن دموع عينك ليلا ستُغير شيئا من الأمر ، و أن رحيل أشباه الأحبة سيجمد الحياة شهورا حتى يعودوا ، و أن الحياه ستنتظر كل من لن ياتِ قط .

و أن الحياة لا تربت على كتِف أحد بالمواساة أبدا ، و لا تأخذ بأيدينا إلى حيث الأمان من كل شيء ، بل تقذفنا و تسير بنا إلى أعماق الهاوية ، واللبيب من يخرج فـ ينجو منها ، إن الأيام لا تبالي و تمضيَ حتى على من فقدوا بالأمس أباء ، تتابع السير مهما كان الأمر صعبا ، ولا تشهق على حزن أحدنا قط .

يا بنيتى ، قسما إن الشمس تشرق مهما بدى الليل دامسا ، و أن الله يرزقنا بالنسيان كما رزق كل الذين من قبلنا ، و أن اصعب الأمور التي ظننتها لن تنته ، إنتهت و جاء الأصعب منها ، و أن الحياة ستسيرُ دوماً شئنا يوما أم أبينا ❤️

............................................

.................فى الفيلا...................

............فى غرفة شذى .............

رقيه وهى تحاول السيطره على نفسها وعلى دقات قلبها قائلة بتوتر.........

- شذى انتى بتحبى عمار ؟!🤔

رمقتها شذى باستغراب قائلة......اشمعنى بقى ؟!

رقيه بغضب شديد......هو ايه اللى شمعنا ما تجاوبي وخلاص

رمقتها شذى بصمت تتأمل وجهها لدقائق ثم قالت بلؤم........ دا هيهمك فى اى ياروكا🤔😉

رمقتها بلا مبالاة مصطنعة قائله وهى تشيح بيدها :

- عادى عايزه اطمن عليكى مش اكتر

قهقهت شذى قائله بغمزه....... ياسلام طيب والغضب اللى فى عنيكى دا من ايه

رقيه وهى تشيح بعينيها بعيدا عنها......ولا غضب ولا حاجه دا بيتهيئلك

شذى وهي ترفع حاجبيها قائلة........اممممم فعلا طيب تمام وانا هتجوز عمار ياروكا

نظرت لها رقيه سريعه والغضب والغيره اجتمعت فى مقلتيها بدون وعي منها مقتربه منها بسرعة الصاروخ قائله....

- نعم !!!!😡😡

قهقهت شذى قائله بلؤم........انتى بتغيرى منى ياروكا وبتحبى عمار مش كدا

رقيه وهى تتنهد وتبعد عيونها عنها وتحاول السيطره على دقات قلبها قائلة.......

- شذى ممكن تجاوبينى اتى بتحبيه ولا لا ؟!

نظرت لها شذى وقالت بهدوء......

- لأ ولا فى احتمال انى احبه لان مش انا اللى هحب واحد اختى بتحبه ومش بس بتحبه لا دى بتعشقه كمان

رمقتها رقيه بفرحه وابتسمت بشده قائله.....اومال وافقتى عليه ليه حرام عليكى ياشيخه

ضحكت شذى قائله......انا فرحت انه اتقدملى وكان ممكن اوافق بس لما شفت شكلك خفت على نفسى بصراحه احسن اموت على اديكى

رقيه بصدمه.....يعنى انتى كنتى هتوافقى عليه فعلا ؟!!!

اقتربت منها شذى قائله......

- ياروكا عمار انسان كويس بس مشكلته انه جد اووى وبعدين اللى متاكده منه انه عايز اى عروسه وخلاص لان عمره ماقرب منا او كلمنا فهيحبنى ازاى بقى.... لعلمك عمار شبهك جدا بس الفرق الوحيد انه مهتم بنفسه وبمظهره فرحتى بيه بس كانت مجرد ان اتقدملى عريس بس مش اكتر من كدا وبعدين ياستى خلاص انا هقول لماما انى مش موافقه عادي جدا

نظرت لها رقيه بحب قائله وهى تحتضنها براحه.......انتى مش عارفه عملتى اى فيا بكلامك دا انا كنت ممكن استحمل اى حاجه غير دى كانت ممكن تموتنى فعلا مش متخيله احساسى هيبقى اى واختى مع الانسان اللى بحبه ........ مش هبقى لا مبسوطه ولا مرتاحه ولا حتى كنت هعرف اتقبل دا انا كان جوايا نار وكانت صعب تنطفى لو كانت اى واحده تانيه غيرك مكانش هيهمنى زيك

ثم احتضنتها بقوه قائله بدموع بسيطه......متزعليش منى انا اسفه

ابتعدت شذى عنها باستغراب قائلة......انتى بتعيطى يارقيه

رقيه وهى تمسح دموعها قائله بهزار.....مين دى اللى تعيط لا مش انا ياماما ولعلمك بقى انا هطلع عينه على اللى عمله فيا دا !!

ضحكت شذى قائله.......مشكلتك انك بتمثلى القوه على اخت ياروكا وانتى اضعف من كدا بكتير

رقيه بابتسامه شاحبه.......الضعف بيولد القوة ياشذى اهم حاجه منقعش طول مافينا نفس هنقوم ونقع هى دى الحياه بس المهم مهما اتوجعنا نقوم بكل قوه ونواجه ودا اللى بعمله بالظبط عشان كدا مهربتش وواجهتك لو كنت هربت كان ممكن اتعذب اكتر من كدا ميت مره بعدين فهمتى

اومات شذى براسها وهى تقف قائله......

- فهمت يااختى وبعدين خلاص كفايا نكد انا هروح اقول لماما انى مش موافقه عليه

امسكتها رقيه سريعا قائله بضحك........هههههههههههه نعم يااختى لا طبعا انتى هتوفقى وهتخليه يجى هنا كمان

رمقتها شذى بذهول فاغرة فاهها من الصدمه.........انتى بتقولى اى ؟!!

رقيه بغمزه.........اتقلى انا هعلمه الادب بصى بقى ياستى ونفذي كل اللى هقولهولك بالحرف الواحد

شذى باهتمام........قولي

قصت عليها رقيه خطتها وشذى تنظر لها بذهول غير مصدقه ما تقوله اختها قائله لنفسها بشفقه......الله يرحمك يا عمار دخلت للموت برجلك يابنى مش هتلحق تخش دنيا ياضنايا !!!!

......................................................................................................................................................................................................................................................................................................................................................................

....................فى الاسفل..................

نظرت كريمه لشروق قائله........اومال فين جوزك يا حبيبتى

نظرت لها شروق وهى تبتلع ريقها بصدمه قائله بارتباك شديد......ججوزى !!!😳

كريمه باستغراب.....مالك يابنتى

ادم وهو ينظر لهم قائﻻ....

-انتو هتتكلمو وانتو واقفين كدا ياﻻ اقعدو اﻻول وجهزي لهم حاجة ياكلوها ياماما وانا هروح العيادة اشوف النظام اى واجى على طول مش هتاخر

كريمه....عندك حق يابنى معلش مخدتش بالى من فرحتى بيهم

نظر لهم ادم قائﻻ وهو يتجه نحو الباب...

- طيب همشى انا بقى لو عزتو حاجة اتصلوا بيا ياﻻ مع السﻻمه

راقبته كريمه بناظريها قائله....سﻻم ياحبيبى

ثم نظرت لهم بلهفه قائله وهى تمسك يد شروق...

- ياﻻ تعالى يا شوشو بقى ادخلك اوضتك على ما تغيرى هجهزلك الغدا ونبقى نرغى براحتنا

عشق بطفوله....بسيعه عسان كحانه يا تيتا ( بسرعه عشان جعانه ياتيتا )

ابتسمت كريمه وهى تقبلها من خديها قائله....ياروح قلبى من عيونى

نظرت لها شروق بحرج قائله...بس انا مش معايا هدوم

كريمه بحب....ياحبيبتى انا عندى بنتين هشوفلك حاجه منهم وان كان على عشق هدوم عيالى وهما صغيرين موجودين اصل انا محتفظه بيهم لحد دلوقتى هجبلها منهم لحد ما اقول لادم يجيبلها هدوم ياﻻ بقى

ابتسمت شروق وهى تحتضنها قائله بحب....ربنا يخليكى ليا

كريمه وهى تربت على كتفها برفق قائله : ويخليكى ليا يابنتى

ثم صعدوا الدرج متوجهين الى غرفة شروق المجاوره لغرفة ادم وادخلتهم اياه قائله وهى تفتح الشباك الموجوده بها

-اى رايك بقى ياحبيبتى فى اﻻوضه عجبتك ؟!!!!

تأملتها شروق باعجاب وابتسامتها تتسع شيئا ف شئ فكانت غرفه من اللون الوردى واسعه يرافقها حمام اساسها غالى الثمن قد ﻻ تحلم بدخولها يوما ما !!!

نظرت لها شروق بانبهار...دى حلوه جدا بجد 😍😍

ضحكت كريمه قائله....طيب كويس انها عجبتك ياﻻ هروح اجيبلك الهدوم وانتى اتفرجى عليها براحتك

تنهدت شروق قائله ببتسامه.....تمام

وخرجت كريمه مغلقه الباب خلفها بينما نظرت شروق لعشق قائله ..

- اى رايك فى اﻻوضه ياحبيبتى ؟!!

عشق بفرحه.....حيوه اووى وتيتا كمين حيوه بس ايدم وحيس مش حيو اووى يحنى

( حلوه اووى وتيتا كمان حلوه بس ادم وحش مش حلو اووى يعنى )

ضحكت شروق قائله وهى تقترب منها وتزغزغها قائله....

- ايدم يخﻻثى على العسل دا

قهقهت عشق قائله وهى تحاول اﻻبتعاد عنها....هههههههههه خﻻص هههههههه خﻻص

احتضنها شروق قائله بحب.....انا بحبك اووى ياعشق مش عارفه لو مقبلتكيش كنت هتضحك تانى ازاى

بادلتها عشق اﻻحتضان قائله....وانا كمان بيحبك يا مامتى بس انا كحانه اووى

ابتعدت عنها شروق قائله......فصلتينى ياشيخه

ضحكت عشق بسعاده بينما نظرت لها شروق بتامل قائله لنفسها اقولهم الحقيقه وﻻ دا هيبقى خطر عليا وعليكى ياعشق ثم هزت راسها رافضه..ﻻﻻﻻ انا ﻻ يمكن اقولهم ابدا احسن ياخدوكي يرجعوكى لبوكى المفترى دا تانى !!!!!!!

.............................................................................................................................................................................................................................................

.....................فى شركة ادهم.........................

....................فى المكتب.........................

يقف شخص امام المكتب قائﻻ وهو يعطيه ملف :

- تمام يافندم انا جبت لحضرتك كل المعلومات اللى تخصها بس للاسف اللى عرفته انها سابت البيت خالص

نظر ادهم للملف امامه ثم نقل نظره له مذهوﻻ :

-سابت البيت😳

اومأ براسه مؤكدا....ايوا حضرتك اصلها كانت عايشه مع مرات ابوها فى حاره شعبيه و خطيبها سابها ومرات ابوها طردتها من البيت ومحدش عارف هى فين

رمقه ادهم بجديه وهو يستند بمرفقيه على المكتب امامه قائلا .......تمام روح انت

اوما براسه قائلا......عن اذن حضرتك وتوجه للخارج بهدوء

بينما امسك ادهم هاتفه ضاغطا على عده ارقام ثم وضعه على اذنه منتظرا الاجابه ليأتي صوت ادم بعد دقائق قائلا :

- ازيك ياوحش

- اهلا يا خويا طول عمرك نحس انا عارف

ضحك ادم قائلا.....ليه بس يابنى دا انا الخير بيجيلى من حيث لا ادرى

ادهم قائلا بستهزاء........لا مهو واضح قريبتك يافالح سابت البيت اللى قاعده فيه ومحدش عارف طريقها

قهقه ادم حتى ادمعت عيناه قائلا وهو يحاول السيطره على ضحكاته :

- لا ما هى جاتلى بنفسها

ذهل ادهم قائلا........جاتلك ازاى يعنى

قص عليه آدم ماحدث

ضحك ادهم بذهول قائلا.........سبحان الله بجد دا ولا فى الخيال

ضحك ادم.........هههههههههه فعلا

ادهم..........طيب سألتلى على شركه عندك

ادم..........يابنى هو انا لحقت انت مستعجل كده ليه

ادهم بتنهيده.......عشان بنتى انت عارف من ساعة ما والدتها اتوفت وهى لوحدها وانا مليش حد على الاقل عندك تقعد مع مامتك اهى تعوضها شويه

ادم........والله انا هموت واشوف بنتك دى مشوفتهاش خالص وعموما ياسيدى اوعدك انى هخلصك الموضوع دا فى اسرع وقت

ادهم.........تمام يلا غور بقى مش فاضى واغلق الهاتف متنهدا وهو يراجع احدى الملفات باهتمام

بينما مسك ادم الهاتف ناظرا له بصدمه.........اتفووو عليك بتقفل فى وشى عيل واطى فعلا

.............................................................

............فى المساء.................

..........فى فيلا ادهم..............

يحاوطون الرجال ميرفت ناظرين إليها بتفحص....

رجل الامن بصرامة........ انطقى انتى رايحه فين واى الشنطه دى وفين عشق هانم

ميرفت بتوتر.........انا

قاطعها الاخر قائلا وهو يهرول فى اتجاههم........ البنت مش فى الفيلا كلها لازم نبلغ ادهم باشا بسرعه

امسك الهاتف متوترا ليبلغ رئيسه بالعمل وهو يتصبب عرقا

ادهم بصرامة...........فى اى ثم انتفض واقفا بفزع وهو يخرج من المكتب سريعا قائلا...... اوعوا تسيبوها وانا جاى حالا

وانطلق خارج الشركه ليصعد سيارته ويقودها باقصى سرعه وهو قلقا للغاية ويتوعد لهم بأشد عقاب على اهمالهم فى حماية ابنته ولكن مهلا هل هم المسئولين عن هذا ام انت ؟!!!

..........................................................

..............فى فيلا ادم ................

بعد ان أبدلت شروق وعشق ملابسهم توجهوا للاسفل ليتعارفوا على العائلة التي لم تقابلهم شروق مطلقا !!! ف اى اقارب الذين لا يعرفون بعضهم لسنوات ولا يلتقون ولكن كل هذا غير مهم الان الاهم انها وجدتهم فهم من انقذوها من مستقبلا محطم كانت غريقه به !!!

وبعد التعارف جلسو ليتناولوا طعامهم ثم توجهو للصالون ليجلسو معا فى تجمع عائلى افتقدوه لسنوات !!!

عمر بمرح وهو يحمل عشق قائلا وهو يمسك خدودها .......ايه العسل دا ياختى كميله

عشق وهي ترمقه بتذمر قائلة.....مي العبيت دا ( مين العبيط دا )

قهقه الجميع بسعاده فعشق اجتماعيه للغايه وتلقائيتها وطريقه نطقها يجعل من يلتقى بها يحبها دون ادراك منه

شروق ببتسامه احراج قائله......معلش ياعمر

عمر وهو ينظر لها بضحك........لالالا ولا يهمك انا متعود على الإهانة هنا مبيقولوليش غير ياحيوان

ادم ضاحكا............هههههههههههههههه طيب اخرس يا حيوان

شذى بحب......بس عسل عشق والله ربنا يخليهالك ياشروق

شروق بابتسامه شاحبه........يارب

وقفت كريمه قائله وهي تمسك يد شروق........تعالى ياشروق عايزاكى خلو بالكو من عشق ياولاد

رقيه بمرح......متقلقيش الدار أمان

توجهت كريمه الى احدى الغرف وشروق خلفها فهى تعلم عن ماذا تريد ان تتحدث مرات عمها !!!

اجلستها كريمه قائله وهى تنظر لها........قوليلى بقى ياحبيبتى فى اى

شروق بتوتر.....فى اى مفيش حاجه

كريمه بلؤم.......بت انتى بتستهبلى اومال اى نظرة الوجع اللى فى عنيكى دى اى هو انتى فكرانى هبله ولا اى فين جوزك ياشروق

شروق بارتباك وهي تبعد عيونها عنها قائله بتوتر........مات

ضربت كريمه على صدرها قائلة.....مات و ازاى دا حصل

ابتلعت شروق ريقها بصعوبة قائلة بتوتر.....هه حادثه

احتضنتها كريمه بأسى على حالها قائلة......ربنا يصبرك يابنتى ان شاء الله يجيلك اللى يعوضك

احتضنتها شروق بقوة متذكره حازم وما فعله معها......غصب عنى سامحينى انى كدبت بس عشق هى الحاجه الحلوه اللى طلعت بيها فى حياتى ومش هقدر اتخلى عنها ابدا !!!

...................................................................................................

فى فيلا ادهم

يدور ادهم حول نفسه كالمجنون محطما كل شئ حوله بهيجان كيف حصل هذا وهو لا يعلم.... الهذا الحد اهمل ابنته ؟!...... لدرجة ان تختفى من منزله يومان وهو لا يعلم عنها شئ !!!!

نظر للجالسه امامه مكبلة الايدين قائلا بعنف وقسوه..........مقولتليش ليييه

ميرفت وهى تنظر له ووجها ملئ بالكدمات من اثر ضربه لها

- والله والله ياباشا انا خفت اقولك

أدهم وهو يضربها على وجهها بقوه........خفتى انا هحاسبك على كل دا

ثم نظر لرجاله وهو يصرخ بهيجان.......وانتو عايزكو تقلبو البلد كلها عليها لغاية ما تلقوها لو بنتى مرجعتليش انا هولع فيكو فاهمين

هزوا رؤوسهم بفزع وخوف وانطلقوا للخارج للبحث عنها اما هو توجه لغرفتها ينظر لها بأسى مطلقا الصراح لدموعه لتهبط على وجنيه نادما على ما فعله فى حق ابنته

جلس ادهم فى غرفتها مهموما قائلا لنفسه بوجع.........يترى انتى فين ياعشق !!!


تكملة الرواية من هنا


بداية الروايه من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺



تعليقات



CLOSE ADS
CLOSE ADS
close