expr:class='data:blog.languageDirection' expr:data-id='data:blog.blogId'>

رواية الحكايه فيها عشق الفصل السابع بقلم نرمين هاني حصريه وجديده على مدونة النجم المتوهج للروايات والمعلومات

رواية الحكايه فيها عشق الفصل السابع بقلم نرمين هاني حصريه وجديده على مدونة النجم المتوهج للروايات والمعلومات 

رواية الحكايه فيها عشق الفصل السابع بقلم نرمين هاني حصريه وجديده على مدونة النجم المتوهج للروايات والمعلومات

.................فى صباح اليوم التالى..................

.................فى منزل ادهم الوحش..................

...................فى غرفة المكتب........................

ادهم وهو ممسك الاوراق بيده معطيا لها ظهره قائلا بصرامة للفتاة التى ترتجف خلفه من الفزع :

- عشق صحيت !!!!

رمقته ميرفت بتوتر وهي تحاول اخراج صوتها طبيعيا قائله بصوت مرتجف نوعا ما :

- هه اه اه صحيت

التفت لها و رمقها بتفحص قائلا بصوت قوى دب فى قلبها الفزع اكثر :

- مالك فى ايه مش على بعضك ليه ؟!!

ميرفت وهي تتراجع للخلف بتوتر قائله :

- مفيش حاجه

نظر لها بصمت مرعب لبضع دقائق ثم توجه نحوها ببطء فتراجعت للخلف بخوف شديد قائلة :

- والله انا مليش اى ذنب يا ادهم باشا بنت حضرتك هى اللى مبتسمعش الكلام😥

تنهد قائلا بصوت جهورى......انا عارف بس انا عايزك تقربى منها البنت فقدت امها فى غمضة عين واظن ان دى شغلتك وبتخدى مرتب على كدا سامعه

اومأت برأسها عدة مرات بفزع ويداها ترتجفان بشده فسار من جانبها قائلا :

- انا رايح الشركه خدى بالك من البنت

اومأت برأسها عدة مرات قائله بصوت متوتر .......حاضر

وراقبت اثره حتى اختفى من امامها فوضعت يدها على قلبها قائله براحه :

- الحمد لله دا انا كنت حاسه انى هموت اى البنى ادم دا هو فى كدا ؟!!

ثم التفت حولها بتوتر شديد قائلة........طيب انا هقوله ازاى ان البنت مختفيه من امبارح !!! ..... انا مش هقدر اقوله دا ممكن يدبحنى

ثم جلست قائله بتفكير......انا احسن حاجه اسيب الفيلا وامشى قبل مايكتشف غيابها ويخلص عليا !!!!

ثم ذهبت لغرفتها سريعا مقرره ترك الفيلا والاختباء في مكان آمن حتى لا يعثر عليها ويعاقبها على اهمالها فى اختفاء ابنته !!!!

................................................................................................................................................................................................................................................

...............فى محطة القطار............

ترجلت شروق من القطار حامله عشق النائمه على كتفيها ناظره حولها بتوتر فهى نزلت فى القاهره ولا تعرف احد بها ف الى اين تذهب ؟! ولا يوجد لديها المال الكافي لايجار شقه فتنهدت بشده وهي تحاول حبس دموعها قائله لنفسها......

- طيب هعمل ايه انا دلوقتى هروح فين ؟!

فتحت عشق عيونها قائله بصوت نائم وابتسامه طفوليه محببه :

- صبيح الخيي يا ماما

( صباح الخير ياماما )

ابتسمت شروق بشدة متناسية ما كانت تفكر به منذ قليل مستمتعه بهذه الكلمه الجديده على اذنيها فهى تعشق الاطفال وبشده…. وهذه الكلمة وقعت على قلبها اولا قبل أذنيها فشعرت بشعور لم تشعر به من قبل !!!

فابتسمت بحب وسعاده قائله وهى تتلمس على خديها برقه.....حبيبت قلبى كل دا نوم

رمقتها عشق باستغراب قائلة .........هو انا نمت تتيير ؟!! ( هو انا نمت كتير )

ضحكت شروق بشدة مقلدة إياها قائلة........تتيير جدا 😂

التفت عشق حولها قائلة باستغراب......هو احنا فين ؟!

سارت شروق بها قائله......والله ما انا عارفه بس احنا فى القاهره

مطت عشق شفتيها بعدم فهم قائله......طيب يايحين فين (طيب رايحين فين )

رمقتها شروق بتفكير......لسه مش عارفه

تذمرت عشق قائله.....موش انتى تبيره اساى موش عايفه😅😒

( مش انتى كبيره ازاى مش عارفه )

ضحكت شروق قائله.......منا لو عارفه هقول على طول

عشق وقد شعرت بالجوع فقالت.....طيب انا كحانه

( طيب انا جعانه )

شروق وهى تلتفت حولها باحثة عن محل لتشتري الطعام لهم

- والله انا كمان هموت من الجوع بصى احنا هنمشى شويه عشان شكل مفيش محلات هنا هنمشى لحد ما نلاقى ونجيب اكل

عشق وهو تحاول النزول على الأرض قائلة :

طيب نسلينى امثى (طيب نزلينى امشى )

هزت شروق راسها رافضه وقالت........لا مش هينفع عشان العربيات ممكن تخبطك

تذمرت عشق قائله......اشمعنى انتى

ابتسمت شروق قائله ........ياحببتى انا كبيره

عشق......لا موش انتى مش عايفه احنا فين زي تبقى صغنتته

ضحكت شروق قائله......يخربيت اللماضه اى دا دا انتى مصيبه !!!

عشق بطفولة......طيب نسلينى بقى(طيب نزلينى بقى )

تنهدت شروق وهى تضعها على الارض قائله......امرى لله بس اوعى تسيبى ايدى ماشى

عشق بفرحه وهي تمسك يدها ......ماثى

وساروا يبحثون عن محل لجلب الطعام لديهم وشروق تفكر فى مستقبلها المجهول فكل ما لديهما من اموال مئة جنيه كانت محتفظه بها فى ملابسها فشنطتها سقطت منها أمام منزل مروه ومن صدمتها لم تنتبه لها فماذا عليها ان تفعل الان والى اين سوف تذهب ؟!!!

...............................................................................................................................................................................................................................................

…………….........…فى فيلا ادم ......................

ادم وهو ينزل الدرج بسرعه شديده متوجها للخارج قائلا بصوت مرتفع نوعا ما :

- انا ماشى ياماما عاوزه حاجه ؟!

كريمة وهو تخرج من المطبخ ناظره له باستغراب قائلة :

مش هتفطر الاول يا ادم !!!

ادم وهو يتجه نحوها ويقبل رأسها قائلا :

- لا ياحبيبتى اصل اتأخرت اووى يلا دعواتك بقى

كريمه وهى ترفع يدها لاعلى داعيه له بأطيب الدعوات قائله :

- ربنا يحميك يابنى يارب ويفرحك ويرزقك الخير كله

ابتسم ادم بحب قائلا وهو يتوجه نحو باب الفيلا قائلا :

ربنا يخليكى ليا يا قلبى يلا سلامو عليكم

راقبته كريمه الى ان اختفى قائله بتنهيده.......وعليكم السلام

عمر من خلفها قائلا فى اذنها بصوت مرتفع......بقولك ياكركر😂

فزعت كريمه مبتعده للامام واضعه يدها على قلبها قائله بغضب :

- يا نهارك اسود انت عايز تموتنى ياحيوان مش هتبطل بقى😡😨

ضحك عمر بشده على منظرها قائلا :

- هههههههههههه ابطل مين والناس نايمين والنبى دا كلام عايزه تبوظيلى مبادئي ولا اى !!!

رمقته كريمة بغضب قائله......عايز اى يافاشل اخلص

رمقها بمرح قائلا.......فاشل !!! هعديهالك عشان امى بقالك كتير المهم بما انى فى ثانويه عاميه وبشقى يبقى المفروض الاكل يجيلى الاوضه سجلى بقى عندك كده بالصلاه على النبى مكرونه بشاميل وفراخ وكانز عشان ابلع وتبعتيهوملى الاوضه اميين👌😂

شذى من خلفه ضاحكه بمرح.......احمد واسمعاين هع هع

رمقها عمر بغيظ.......اركنى انتى يا اوزعه على جنب دلوقتى...ثم نظر لوالدته قائلا :

- ها يا ماما قدامك قد ايه كدا والاكل يبقى عندى خمس دقايق كفايه😄😉

وعند اكتمال جملته يفاجئ بالشبشب الذى التصق فى وجهه من حيث لا يعلم !!!😂👡

عمر وهو يتحسس وجه بالم قائلا.........انا طالب مكرونه بشاميل يجيلى شبشب ازاى دا ياجدع😏😱

قهقهت شذى بشده على منظره قائلا من بين ضحكاتها

- هههههههههههههههههههههههههههههههههههههه تستاهل تحب يجيلك كاتشب مع الخدمه يافندم

كريمة بغضب.......مكرونه بشاميل اى دى اللى على الفطار ياحيوان ؟!

نظر لها عمر قائلا بذهول مصطنع :

- مش عارفه البشاميل ياكركر لا انا كده هبدأ اقلق عليكي... احنا كدا لازم نكشف عشان نطمن😂😉

كريمه بغضب.......تكشف على مين يالا روح ذاكر يافاشل ابقى تعالى قابلنى لو جبت 50 فى الميه حتى

عمر وهو يقف بثقة شديده قائلا :

- ايييه خمسين فى الميه ليه يعنى طيب لعلمك بقى انا عامل حسابى على 55 ولن اتزحزح على هذا الرقم وبعون الله هبهرك😂👌

شذى ضاحكه......هههههههههههههه هو من جهة الانبهار فا انا منبهره وبشده ..... 55 دول اخرك تبقى الجناينى بتاعنا وكتير عليك كمان

رمقها عمر باستهزاء قائلا.......وماله ياختى الجناينى مش شغله شريفه دى ولا اى ولعلمك بقى اهم حاجه الشرف والامانه ودول موجودين عند العبد لله يبقى افوت فى الحديد ولا يهمنى

..........ترررررن ......تررررن...........

كريمه بقلق......مين اللى جاى دلوقتى روح افتح ياحيوان ؟!

عمر وهو يتوجه لفتح الباب قائلا...... كل حاجه حيوان حيوان دا انا قربت انسى اسمى والله انا خساره فى العيله دى

ثم فتح الباب ليجد خالته المبجله مشيره كما يسميها هو😄

تدخل مشيره قائله بصوت مرتفع نوعا ما........عامل اى ياعمر

عمر وهو يتوجه خلفها قائلا......زى الفل ياخالتو

توقفت مشيره ناظره له بغضب :

- اى خالتو دى انا مش قايلالك بطل اللغة السوقية دى

عمار باستهزاء....سوقية ليه هو انتى مش خالتى ولا اى

كريمه وهى تنظر لعمر نظره محذرة ثم نقلت انظارها لمشيرة قائله :

- تعالى ياحبيبتى اقعدى سيبك منه هو على طول كدا

جلست مشيره فى الصالون قائله بضيق......ربنا يصبرك عليه ثم نظرت لشذى بابتسامه قائله :

- ازيك ياحبيبتى

شذى برقه ........الحمد لله يا طنط

ابتسمت مشيرة وهى تنظر لعمر قائله وهي ترفع احدى حاجبيها :

- شايف الرقه وطنط مش خالتو

نظر لها عمر باستهزاء قائلا وهو يتوجه للداخل.......انا هدخل المطبخ انا مش ناقص شلل انا داخل على الامتحانات وعايز صحتى تبقى كويسه وياريت محدش يزعجنى عايز اكل فى هدوء😂😂😂

رمقته مشيره الى ان اختفى ثم نظرت الى اختها بفرحه قائله بصوت مرتفع

- كنت عايزاكى فى موضوع كدا ياكوكى

عمر من المطبخ قائلا بصوت مرتفع.........بقيتى كوكى يا امه ياخوفى لتشربى بانجو بعد الكلمه دى مهو ده اللى ناقص قال كوكى قال😂😏

ضحكت شذى بصوت مرتفع ثم توجهت نحوه قائله وهى تحاول التوقف عن الضحك

- انا هروح اشوف الحيوان دا لا يبهدل الدنيا

وتوجهت لترى عمر ولكنها اختبئت فى ركن ما لتسمع ما الذي تريده خالتها ففضولها قد انتصر عليها👂

كريمه وهى تنظر لأختها قائله :

- خير فى ايه ؟!

ابتسمت مشيره قائله بصوت خافت نوعا ما........بصى بقى ياستى من غير لف ودوران كدا عمار ابنى عايز يتجوز شذى بنتك ايه رايك بقى

ابتسمت كريمة باتساع قائله.......والله دا يوم المنى هبلغها واشوف رايها واقولك واللى فيه الخير يقدمه ربنا

عندما استمعت شذى هذا الخبر فرحت بشده وانطلقت سريعا لاختها لتبلغها هذا الخبر السعيد

تدخل شذى على اختها فى غرفه الرياضة والابتسامه تحتل ثغرها

شذى بسعاده وهى تنظر لرقيه قائله....روكا تعالى عايزه اقولك على حاجه هتفرحك اووى

رمقتها رقيه بلامبالاه وهي مستمرة في اللعب.....عايزه اى سيبينى دلوقتى بقالى كتير ملعبتش بوكس💪👊

شذى بغيظ......يابنتى ارحمى بقى .... بقى فى بنت تلعب بوكس وتشيل حديد اومال خليتى اى للرجاله

تنهدت رقيه وهى تتبادل الضربات قائله.....عادى رياضه زى اى رياضه فكك بقى قولى عايزه اى ؟!

شذى والابتسامه احتلتها مره اخرى قائله بغمزه.......عارفه مين عندنا ؟!

رمقتها رقيه باستهزاء قائله .......هيكون مين يعنى اللى عندنا

شذى.......طنط مشيرة

رفعت رقيه حاجبيها قائلة باستهزاء.......لا ياشيخه طيب وفيها ايه يعنى مهو دا العادى تلاقى نفسها فاضيه تجي تنم على الناس مع امك خالتك وعارفينها

رمقتها شذى بغيظ.........يخربيت الفاظك يا شيخه سوقية سوقية يعنى

رمقتها رقيه وهى مستمر فى تبادل الضربات بعنف ......اخلصى قولى فى اى واتلمى بدل ما اجي اضرّب عليكى 👊

نظرت لها وهى تقفز بفرحه قائله........اصل طنط جايه تخطب لعمار ترااااااراااااا👏💃

توقفت رقيه عن الحركة ثم نظرت لها وابتسامه بلهاء ارتسمت فوق شفتيها قائلة بعدم تصديق.......

- انتى قولتى ايه ؟!!

شذى.....بقولك جايه تخطب لعمار

توجهت نحوها رقيه بفرحه قائله.....قولى والله😄

ابتسمت شذى قائله.......اه والله

قفزت رقيه قائله بفرحه حقيقه........اخيرا انا مش مصدقه😅

نظرت لها شذى بفرحه قائله.......ايوا بقى انا برضو مصدقتش لما قالت عايزه اخطب شذى لعمار استغربت جدا والله بس فرحت اووى

رقيه بفرحه غير مستوعبه ماقالته......وانا كمان فرحانه جدا ثم توقفت ناظره لها بصدمه.....

- انتى قولتى ايه ؟!!😲

شذى بفرحه......بقولك انا هتخطب لعمار😄

نظرت لها بعدم فهم.....نعم تانى كدا قولتى ايه ؟!😏

شذى باستغراب.......مالك يا بت بقولك انا هتخطب لعمار

رقيه وهى تقترب منها قائله بعدم استيعاب.....عمار مين بقى ياحلوه ؟!!🤔🤨

رمقتها بذهول.......عمار بن خالتك مالك يا روكا🙄

رقيه وهى تقترب منها وعينيها مليئة بالغضب وهي تكز على اسنانها قائله :

- هيعمل اى بقى استاذ عمار😡😬

شذى بقلق من نظراتها تتراجع للخلف.......هيخطبنى

رقيه وهى تقترب منها اكثر........يخطبنى دى عايده على مين بالظبط🤨

شذى وهى تشاور على نفسها بتوتر.......عليا☝️

جزت رقيه على اسنانها بشدة لدرجة كادت ان تحطمها وكورت يدها بعنف لدرجة اخافت شذى بشده فخرجت من امامها بسرعه الصاروخ🏃‍♀️

رقيه وهى تكور يدها بعنف مستعده لتحطيم اى شئ حولها قائلة بتوعد :

- جاى تخطب اختى دا انا هطلعك من هنا على نقاله دا انا هولع فيك ثم انطلقت للخارج وهى تتوعد له !!!

............................................................

فى الشارع

عشق وهى تنظر امامها بفرحه شديده تاركه يد شروق قائله بصوت مرتفع وهى تجرى للامام

- ايااه شعي بنات (الله شعر بنات )😍🏃‍♀️

شروق وهى تنظر لها بصدمه شديده وتحاول الالحاق بها بسرعة قائلة بصوت مرتفع.....

- عشششق استنى العربيات هتخبطك😲

ولكن عشق لم تستمع لها وتأتى سيارة مسرعه نحو عشق التى تنظر امامها بفرحه غير باليه باي شئ حولها

نقلت شروق انظارها بين السيارة وعشق قائله وهى تجرى نحولها بلهفه وسرعه شديده.......عششششششق حاااااسبى !!!😱

................................................................................................................................................................................................................

يتبع !!!!

فصل طويل اهو وزى الفل اى خدمه 😉😄

يترا ميرفت هتمشى فعلا ولا حاجه هتحصل تمنعها😒😉

ويترى ادهم هيكتشف غياب عشق امتى ورد فعله هيكون اى🤔😠

واى اللى هيحصل مع رقيه وهتعمل اى مع عمار وشذى😂👊

واى اللى هيحصل لعشق🤔🤨

كل دا هتعرفو قريب😉😌


الفصل التامن من هنا


بداية الروايه من هنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺



تعليقات



CLOSE ADS
CLOSE ADS
close