expr:class='data:blog.languageDirection' expr:data-id='data:blog.blogId'>

جارتي سؤت سمعتي بقلم هويدا زغلول حصريه وجديده وكامله جميع الفصول

 جارتي سؤت سمعتي  بقلم  هويدا زغلول حصريه وجديده وكامله جميع الفصول 

جارتي سؤت سمعتي  بقلم  هويدا زغلول حصريه وجديده وكامله جميع الفصول 

وقبل ما نبدا الحكايه اعرفكم بنفسي أنا ليلي

عندي 35 سنه متجوزه ولسه ناقله جديد في شقتي ودخلت الشقه وجوزي احمد قال 


احمد 

انا عارف انك مضايقه والله عليان الشقه صغيره 

بس والله اوعدك اجيب ليكي شقه كبيره 

اول لما الظروف تتحسن معايا 


ليلي 

والله يا حبيبي مش فارقه المهم أن اخدنا 

بعيد عن مران اخوك ياسمين لأنها كانت في تعمل مشاكل كبيره بيني وبين مامتك 


احمد 

والله مش عارف سيد اخويا ساكت ليها 

ليه علي اللي هي بتعمله بس الحمد لله 

انها جت علي قد كده 


ليلي 

طيب يلا بقي روح انت شغلك

علشان ورايا موال كبير لسه هفرش الشقه 

واخلص اللي ورايا


احمد 

ربنا يقويكي يا حبيبتي انا نازل بس اسمعي 

المنطقه هنا شعبيه مش عايز 

نزول لوحدك انتي سامعه ولا لا لو عوزتي 

اي حاجه اصبري لحد ما اجي مش هتعرفي 

تتعاملي هنا خالص 


ليلي 

متخافش عليا ي احمد يلا بقي انزل 

وبعدها نزل وانا بدأت اروق وبعدها لقيت 

الباب بيخبط فتحت  كانت جارتي ومعاها صنيه أكل 


سهير 

ازيك يا حبيبتي انا سهير جارتك اللي ساكنه 

في أول دور اول لما شوفتك طالعه 

بالعفش دخلت المطبخ قولت اعملك حاجه

تكليها


ليلي 

اه يا حبيبتي اهلا وسهلا اتفضلي معلش مش 

عارفه اقولك اتفضلي علشان انتي شايفه 

الدنيا عامله ازاي ولسه مش فرشت الشقه 


سهير 

ايدي ب ايدك يلا نخلص اللي وراكي 

انا اصلا شغاله في البيوت بروق 

شقق وبعمل اكل واي نفسي 

هيعجبك اوي وفي الوقت ده دخلت 

حماتي وياسمين وقالت 


الحما 

ارتحت يا ليلى لما خليتيه يسيب بيت  امه ومشي مبسوطه دلوقتي لما عشتي لوحدك


ليلي 

حماتي تعالي اتفضلي طيب مش وقت والكلام ده انتي شايفه ناس واقفه يعني


الحما 

والله مش هعديها ليكي  يا ليلى صحيح على راي ياسمين طلعتي بنت من السهله وانا اللي كنت بقول عليكي غلبانه وطيبه


سهير 

وحدي ليه يا حاجه بس اهدي كده وانت بتتكلمي معانا بالطريقه دي كده ليه خشي تعالي نقعد جوه ونتكلم يعني


ليلي 

معلش انا اسفه ليكي جدا بس ممكن بس تسيبيني لوحدنا انا وحماتي

وفي الوقت ده ياسمين قالت 


ياسمين

عايزه تضحكي على جيرانك هنا كمان وهو توضحي بيهم انك غلبانه وطيبه


ليلي 

لو سمحت يا ياسمين انت ما لكيش علاقه بالموضوع ده خالص ممكن تخليكي في حالك وتسكتي


الحما 

امال مين اللي هيكون ليه بقى ان شاء الله

اسمعي ي بت انا هرجع ابني البيت تاني 

مش ولاد مديحه يا حبيبتي اللي يقعدو 

في ايجار وانتي عارفه جوزك مش معاه يجيب 

ملك 


ليلي 

احنا خلاص اخذنا قرارنا يا حماتي ومش هنسيب الشقه هنا واللي انت عايزه تعمليه اعمليه بس خليك يمشي ورا كلام ياسمين وعايزه اقولك ان انتي اللي هتندمي في الحوار ده


الحما 

والله بكره تشوفي ما حدش هيندم غيرك انت يا ليلى ماشي يلا بينا يا ياسمين نمشي من هنا


سهير 

يا خراشي ده انا كل ده مولعه على الاكل تحت بعد اذنك بقى يا حبيبتي اما انزل لما اشوف الاكل هي دي حماتك مالها بومه ليه  كده الله يكون في عونك يا بنتي وبعدها نزلت وكانت

حماتي في مدخل البيت 


سهير 

ما تتفضلي يا حاجه انا ساكنه هنا في اول دور تعالي اقعدي شويه انتي ملحقتيش يا عيني تقعدي وهي ما هانش عليها تقولك ارتاحي من السلم 


ياسمين 

والله شكلي كده بتفهمي في الاصول وهتعجبينا جدا حماتي لازم تمشي دلوقتي علشان تاخد دوا الضغط بس انا هكلمك في التليفون مش معاكي موبايل برده عايزه رقمك


سهير 

اه يا حبيبتي معايا تليفون وتاتش كمان ثواني اكتب ليكي الرقم هاتي التلفون بتاعتك 

وبعدها كتبت الرقم 


وفي شقه سهير بليل كانت قاعده مع جوزها 

محمد 


سهير 

مش عايزه اقولك شقتها عامله ازاي ولا عفشها انا كنت نفسي اجر الشقه دي قوي بس منه لله صاحب البيت


محمد

يا وليه حرام عليك ده انا بدفع ايجار الشقه دي بالعافيه هقدر على ايجار الشقه اللي فوق انتي مش عارفه هو طالب فيها كام وبعدين كل واحد بياخد نصيبه


سهير 

وهو انا نصيبي على طول افضل شحاته ولا افضل شحاته انا زهقت بقي من اول 

دور ده 


محمد 

مش عاجبك وعايزه تروحي سرايه ابوكي عادي ممكن اوديكي انا مش عايز وجع دماغ مش كفايه ي وليه واخدك بعيالك الاتنين 


سهير 

هو في ايه يا محمد انت كل شويه هتقعد تقول لي واخدك بعيالك الاثنين ولا ايه والله يا حبيبي انا عرضت عليك من الاول وانت اللي وافقت لو ما كنتش عايز عيالي كنت تسيبني


محمد 

بقولك ايه يا سهير قومي حطي لي لقمه لما اكل علشان الحق انزل القهوه منا مش ملاحق علي مصاريفك ولا انتي ولا عيالك تك تك بالنهار وقهوه بليل 


سهير 

قال يعني انا اللي قاعده مدلعه ما انا كمان شغاله في البيوت وكل الفلوس رايحه في البيت 


محمد 

وهنفضل طول عمرنا في العيشه دي طالما انت طول عمرك عماله تعملي قروض قولتك اللي اخذت بيتنا القروض وفي الوقت ده سهير 

قامت وقفت وقالت 


سهير 

لما اقوم اعمل ليك سندوتش جبنه علشان

تلحق تنزل علي القهوه تشوف اكل عيشك 

اه مش عايزين تأخير لاحسن صاحب القهوه 

يخصم منك 


وبعدها راح الشغل وجوزي احمد كان راجع 

من برا وكانت سهير واقفه قدام الباب 


سهير 

اهلا بالجيران الجداد ازيك يا استاذ عامل اي 

مش مامتك جت انهارده هنا بس بصراحه 

مراتك مش صاحبه واجب خالص 


احمد 

ايه اللي حضرتك بتقوليه ده وبعدين هو انت عرفتي الموضوع ده منين


سهير 

اصل انا كنت عند مراتك فوق بس ما هانش عليها تقول لمامتك اتفضلي اشربي حاجه ولا كده بصراحه هي غلطانه برده تعرف 

انا والله نزلت ورا مامتك علشان اخليها تدخل 

شقتي تاخد وجبها بس هي مش وافقت شكلها 

كده عزيزه في قعدتها مش تحب ترخم علي 

حد 


احمد 

طب بعد اذنك بقى انا ممكن اطلع شقتي ولا ايه وبعدها طلع 


سهير 

معقول ده متجوز اللي فوق دي طيب علي 

اي دي بنت سمرا ومش بيضه زيه 

صحيح ناس ليها حظ وناس ليها محمد 


وبعدها طلع أحمد وانا كنت قاعده 


ليلي 

حمد لله على السلامه يا حبيبي ما اتصلتش بيا ليه علشان خاطر كنت حتى عملت الرز عقبال ما تيجي دقيقه واحده اعمل اكل على طول


احمد 

ماما قالتلي الكلمه تضايقك ولا عملت حاجه معلش حقك عليا بس هي لما طلبت العنوان انا قلت هتيجي وانا موجود ما اعرفش ان هي هتجيلك دلوقتي


ليلي 

ايه الكلام الغريب اللي انت بتقوله ده دي بيتها تيجي في اي وقت ما ينفعش انك تقول كده هي اتصلت بيك ولا ايه


احمد 

لا دي الجاره اللي تحت هي اللي قالتلي صحيح هي الجاره دي كانت بتعمل ايه هنا


ليلي 

والله يا حبيبي هي اللي طلعت وكانت كمان عايزه تساعدني في الشقه بس انا ما وافقتش طبعا


احمد 

اسمعي ي ليلي زي ما قولتك العيشه هنا 

مش زي العيشه في بيتنا القديم احنا 

كنا عايشين في بيت عيله في احسن 

منطقه انما  المنطقه هنا لا 


ليلي 

يا حبيبي انا مش عايزاك تخاف خالص وانا اوعدك مش هيكون ليا صله بيها من هنا ورايح لما ادخل بقى علشان خاطر اعمل الاكل انا طول النهار ما اكلتش مستنياك لما تيجي ناكل سوا


وبعدها دخلت المطبخ 


وفي شقه حماتي كانت قاعده هي وياسمين 


ياسمين 

وانتي ناويه تعملي ايه يا حماتي هتسيبيه ليها كده البنت دي مش سهله


الحما 

اعمل ايه بس يا ياسمين ما نشوفش اول لما اتكلمت معاه وقولتله يانا هي اختارها هي وخد لها شقه بره


ياسمين 

بصراحه كده بقي أنا عمري ما كنت اتوقع 

ان احمد يسيب البيت هنا احنا عارفين 

ظروفه عامله ازاي ومش هيقدر يفتح 

بيت برا الايجار اكيد عالي 


الحما 

خليه شهر ولا شهرين لما يتزنق في الفلوس ما يبقاش معايا يدفع الايجار هيرجع البيت هنا ويقول حق  برقبتي


ياسمين 

بس احنا لازم نشوف حل اتكلمي معاه 

ي حماتي مينفعش يمشي 


الحما 

هو في ايه يا ياسمين انا شايفاك كده مصممه ان هم يجوا يعني مع اني كنت شايفاكي مش بتحبيها وقولت ما هتصدقي انها تمشي

وفي الوقت ده ياسمين ارتبكت وقالت 


ياسمين 

هيكون علشان اي ي حماتي انتي عارفه 

والله ان بحبكم اوي وبخاف عليكم 

وعارفه انك مرتبطه اوي ب احمد 

ومش بتحبي يكون بعيد عنك 


الحما 

لا خليه انا عايزاه يتقرص شويه في الفلوس

علشان خاطر يعرف أن أمه اهم من مراته 


ياسمين

كده تمام يا حماتي لما اطلع شقتي بقي 

اشوف اللي ورايا وفي الوقت ده طلعت وكلما 

اختها اماني 


اماني 

ها فرحي قلبي بقى وقوليلي ان خلاص احمد هيجي ويتقدم ليا


ياسمين

يا اختي اهمدي شويه يتقدملك ايه هنتصرف ازاي دلوقتي انا مش عايزه البنت دي تحمل ودلوقتي بعدت عن ايدي مين هيديها البرشام


اماني 

هو انت مش اتصلت بيا وقلتيلي انك معاكي رقم جارتها خلاص يا حبيبتي عليكي وعلى جارتها


ياسمين 

غبيه عشان اعمل كده دلوقتي وفلتي اخذت مني الكلام وطلعت قالته ليها هتصرف انا ازاي


اماني 

بقول لك ايه مش انت بتقولي اني باين عليها كده ظروفها صعبه محتاجه الفلوس

اديها يا حبيبتي اصل البنت دي لو حملت كلهم هيقلبوا عليكي انتي وهيروحوا ويحبوها واولهم حماتك


ياسمين

حرام عليك يا اماني بلاش تقولي الكلام ده انت بتوقعي قلبي والله


اماني 

ولا من مصلحتك ولا من مصلحتي ان البنت ليلى دي تكون حامل انا عايزه احمد وانتي عايزه تكملي حياتك مع جوزك بقولك اي مافيش 

حل غير جارتها ولازم تروحي ليها وتتكلمي معاها 


وبعدها فعلا راحت ياسمين ل سهير 


سهير 

معلش يا حبيبتي والله شقه على قدنا بس ان شاء الله انا ناويه اجيب عفش جديد يعني بس لما ربنا يكرمني بفلوس


ياسمين 

واللي يجيبلك كل حاجه ناقصاكي هنا في البيت تعملي ايه


سهير 

يا خبر ابيض ده انا عيش خدامه تحت رجله والله

بس هو فيه حد بيعمل حاجه لله 

دلوقتي يا حبيبتي كل واحد بيعمل حاجه 

بيكون عايز وراها مصلحه هاتي من الاخر 


ياسمين 

اكتر حاجه عجبتني فيكي اني حسيت انك بنت ذكيه جدا وانك بجد هتفهمي دماغي 

وبعدها قالت ليها علي كل حاجه 


سهير 

والله انا من اول ما شفتك وانا قلت كده برده انك عمرك ما حبتي اصل انا ليا نظره في الناس 

برضه 


ياسمين 

ارجوكي انا ما فيش حد يقدر يقف جنبي الا انت انا ما بخلفش وجوزي ما يعرفش بس قايل لي ان لو اخوه خلف هيطلقني ويتجوز


سهير 

راجل واطي بصحيح مش عايزكي تشيلي 

هم خالص هاتي انتي بس الحاجه وانا 

هعملها ليها 


وفي يوم كنت طالعه من الشغل ولقيت 

سهير بتقولي 


سهير 

ازيك يا حبيبتي عامله ايه هو انا ملاحظه ان جوزك بيروح الشغل كل يوم وبعدها انتي بتنزلي وقبل ما بيجي بنص ساعه بتيجي هو انتي بتروحي فين


ليلي 

نعم وانتي مالك بالحوار ده اصلا 


سهير 

والله يا حبيبتي ما اقصد ده انا حتى عامله محشي النهارده وقولت لازم تاكلي منه


ليلي 

لا شكرا انا جايبه اكل معايا وانا جايه


سهير 

هو انتي ليه مش عايزه نكون صاحب 

والله لتيجي نقعد شويه مع بعض 

ولا انتي بقي مش عايزه تدخلي 

عندي علشان شقتي مش قد المقام 


ليلي 

لا حول ولا قوه الا بالله والله ما كده بس انا عايزه اطلع علشان خاطر احمد زمانه جاي في الطريق 


سهير 

وانا مش هسيبك الا لما 

تدخلي تعالي وبعدها مسكتني من ايدي 

ودخلتني عندها وجبت لي طبق فيه محشي وقالت لي

والله تعدميني لو ما اكلتي حاجة


مديت ايدي في الطبق واخدت صوباع وقولت اهو اكلت عشان خاطر الحلفان بس ممكن تسبيني اطلع بقا جوزي زمانة راجع مش هينفع يطلع ومش يلاقيني في الشقة


سهير

ماشي ياحبيبتي بس تيجي تقعدي معايا مره تانيه دي مش تتحسب خالص عشان مزعلش منك


ليلي 

انشاء الله يا حبيبتي وفي الوقت ده سبتها 

 وطلعت شقتي احضر الاكل على احمد مايرجع من شغله وبعد شوية رجع احمد ودخل قالي


احمد 

ايه ياقلبي جيت انا اكل معاكي لحسن ده جاي واقع من الجوع


ليلى

جهزت كل حاجة ياحبيبي واقعدنا اكلنا


أحمد

ايه يا ليلي مالك شكلك كده مش مبسوطه في حاجة ولا ايه


ليلى

لا ياحبيبي ابدا بس اصل وانا طالعه هنا من شوية بعد مرجعت من الشغل جارتنا اللي تحت دي وقفتني وفضلت تسالني انتي بتروحي ومصممة اني ادخل عندها وحاسه انها غريبة كده


أحمد

مش انا قولت لك كذا مره ملكيش دعوة بيها هي اصلا من اول مره شوفتها وانا حسيت كده انها حشرية ومرتحتلهاش اصلا


ليلى

خلاص مش هقف معاها تاني ياحبيبي يلا كل انت وقوم ريح شوية


وعند سهير اتصلت بياسمين وقالت لها


سهير 

ايوه يامدام كله تمام وحصل شوفي بقا اكلتها بالعافيه بس اكلت يعنى


ياسمين 

برافو عليكي ياسهير جدعه هبقي اعدي عليكي عشان اديكي الفلوس اللي اتفقنا عليها ماشي


سهير 

والله ده انا اخدمك من غير اي حاجه خالص 

عنيا ليكي ي قلبي 


ياسمين 

انتي تستاهلي كل خير وكفايه وقفتك 

جنبي والله انتي جدعه اوي 🤍


وقفلت مع ياسمين وقالت لنفسها


سهير 

والنبي لاخد منكم اللي انا عايزاه بقا انتو يبقا معاكم كل ده وانا اعيش في الجحر المعفن ده ده انا مبقاش سهير لو ما اخد اللي انا عايزاه


وفضلت كل مارجع من الشغل الاقي سهير مستنياني بس مكنتش برضى ادخل عندها وفي يوم لقيتها طالعه بتقولي


سهير 

ازيك ياحبيبتي كنت عايزة منك طلب كده يعنى لو مش هيضايفك والله لوما الحوجة انا ماكنت جيت لك بس قولت جارتي بقا والجيران لبعضيها ومحدش هيقف جنبي غيرك


ليلى

في ايه ياسهير ماتقولي علطول عايزة ايه


سهير

انا بس ياختي عايزة 500 جنية سلف لحد اول الشهر لحسن بتاع الكهربا جه وحالف ليشيل العداد عليا فلوس متأخرة وفضلت اقوله استني بس لأول الشهر وانا هدفعهم مش راضي وعايز يشيل العداد يرضيكي يعنى نقعد في الضلمة


فضلت افكر شوية كده في كلامها وقولت


ليلي 

ااا لا طبعا ميرضنيش طيب بصي انا هديهوملك بس الله يخليكي تجيبهم اول الشهر علطول لحسن مش معايا غيرهم وهاعوز اكمل على فلوس الإيجار انتي عارفه العيشه غاليه ازاي 


سهير 

هو انا كنت عايزه اسالك سؤال مش عارفه 

ليه كل ما اتكلم معاكي في الحوار ده مش بترضي تردي هو انتي بتخلي جوزك 

ينزل وتروحي فين 


ليلي 

امسكي الفلوس اهي ي سهير 

وبالله عليكي انا مش هينفع اقول 

لجوزي عليها اول الشهر تجبيهم 

زي ما اتفقنا وفي الوقت ده هي اتحرجت وقالت 


سهير

من عنيا ياحبيبتي اول الشهر يكونو عندك علطول

و اديتها الفلوس ومشيت

وبعدها قالت 

اه لو اعرف بس بتروحي فين والفلوس 

دي معاكي ازاي ده جوزك يعني باين 

عليه علي قدو يعني مش معاه الفلوس دي بس مبقاش سهير الا لما عرفت كل حاجه 


وعند حماتي كانت قاعده مع ياسمين وقالت لها


الحما 

اااخ ياناري عدي شهرين والبيه ابني بيدفع الإيجار وقاعد مبسوط هناك مع الهانم مراته ده انا قولت هيدفع تاني شهر والتاني مش هيعرف يدفعه ويرجع لي تاني


ياسمين

ماهي مراتة سوسة ياحماتي انا شاكة انها تكون عملاله عمل ااه مش بعيد تكون عاملاله عمل


الحما

عمل ينهار ابوها اسود ده انا اروح فيها في داهيه بقا الموكوسه دي تعمل لابني عمل ليه عايزاه ليها لوحدها وبس طيب ياست ليلى لما اشوف اخرتها معاكي


وعدي شهرين وسهير مرجعتش الفلوس وفي الشهر التالت قولت لما اقولها عليهم ونزلت خبط عليها وفتحت وقالت


سهير 

اهلا يا ليلي اتفضلي ياختي ادخلي

اخير ياختي ناويه أنك تنوري بيتي 


ليلى

لا شكرا يا سهير بس انا كنت جايه عشان خاطر اقولك على الفلوس اللي انتي كنتي واخدها مني سلف معلش انا عارفه والله اني مينفعش اقولك عليهم بس اصل عدي تلات شهور وانا محتاجه جدا والله


سهير

ايه فلوس اخدتها منك انا اخدت منك حاجة انتي جايه ترمي بلاكي عليا ولا ايه


ليلى

ارمي بلايا عليكي يعنى ايه بقولك انتي واخداهم مني وقولتي اخر الشهر وعدي تلات شهور ومرجعتيش الفلوس وانا محتاجاهم


سهير

وانا ماخدتش منك حاجة وانا ياختي هاخد منك فلوس ليه انا عمري ماستلفت من حد ابدا على اخر الزمن هاخد منك انتي ليه يعنى


وطلع جوزها من جوه وقال في ايه ياسهير


سهير

مفيش يامحمد ادخل انت جوه وملكش دعوة بحاجة


محمد

ادخل جوه ازاى وفلوس ايه دي اللي الست دي بتقولك عليها


ليلى

اصل مراتك كانت سالفه مني فلوس من كام وكانت قالت هترجعهم في آخر الشهر اللي كانت سلفاهم مني فيه ودلوقتي بقولها عليهم بتنكر انها اخدت مني حاجة


سهير

ااه ياختي بنكر لاني ماخدتش منك حاجة فعلا وانا هاخد منك ليه انا الحمد لله بشتغل وبجيب مش ناقص الا انتي اللي اخد منك سلفه


محمد

يعني انتي مخاتيش فلوس من الست ياسهير


سهير

قولت لك مخاتش حاجة منها ياراجل الله هو انت مش مصدقني ولا ايه


ليلى

يعنى ايه يعنى كده فلوسي راحت عليا على العموم ماشي عايزة تقبليهم اقبليهم بس انا مش هاقول غير حسبي الله ونعم الوكيل

وسبتهم وطلعت شقتي


ومحمد قالها

يعنى الست دي هتيجي تتبلي عليكي انك خدتي منها فلوس يا سهير


سهير

ااه تتبلي عليا ماتتبلاش ليه يامحمد دي شكلها قادرة ومفترية وانا عشان كنت بقول جارتي وبعاملها حلو تقوم تعمل فيا كده طيب والله لاوريها


محمد

بقولك ايه يا سهير ابعدي عن الست وسبيها في حالها وبطلي اسلوبك ده هو يعنى مش عارفك كويس انتي اعوزو بالله منك ياشيخة انا اصلا زهقت منك ومن عمايلك انا سايب لك البيت وماشي


سهير اتعصبت وقالت

انت رايح فين ياراجل اقعد هنا


محمد

انا ماشي وسايب لك البيت ياسهير ولو متعدلتيش انا هرمي عليكي يمين الطلاق ولو واخده فلوس من الست جارتنا دي رجعي لها فلوس الست شكلها طيبة ومش حملك


سهير

يعني ايه مش حملي انت تقصد ايه يعني ياراجل انت وبعدين انت عايز تطلقني بسببها


محمد

ايوه ياسهير لو متعدلتيش وربي لكون مطلقك ووسعي بقا من خلقتي انا مش قاعد لك في البيت ده دقيقه واحده


ومشي محمد جوزها وسهير قالت لنفسها


سهير 

طيب وديني لوريكي يا زبالة انتي بقا عايزة تخربي بيتي انا بقا هخربها على دماغك ان شاء الله

وبعدها كلمت ياسمين 


ياسمين 

فيه اي قولتك بلاش تتصلي بيا لو فيه 

اي حاجه انا اللي هكلمك انا مش عايزه 

مشاكل مع جوزي 


سهير 

روحتي فين ي ابله محدش بقي يسمع 

ليكي صوت يعني بقولك اي أنا محتاجه فلوس .اه انا مش بعمل كل اللي بعمله ده 

ببلاش 


ياسمين 

قولتك مش هيديكي حاجه الا لما احمد 

يطلقها انتي سامعه ولا لا 


سهير 

لا يا حبيبتي انتي متعرفيش أنا مين 

ومش ده كان اتفقنا من الاول اه 


ياسمين 

انا قولت اللي عندي ومش عايزه اشوف 

رقمك تاني 


سهير 

طيب اهدي بس لما هتصرف علشان اشوف 

حل بس انا محتاجه اي فلوس لان بيتي 

خلاص هيتخرب


ياسمين 

تمام هبقي اشوف واعدي عليكي 

وتاني يوم كانت ياسمين 

قاعده عند حماتي وبعدها قالت 


ياسمين 

معلش بعد اذنك ي حماتي هدخل ارد علي 

اماني اختي جوا 


الحما 

ومن جوا ليه ي خالتي بتقولوا الاسرار 

ولا اي مش بقيت مرتاحه ليكي 

ي ياسمين 


ياسمين 

الله هو فيه اي ي حماتي مالك عادي 

عايزه اتفك مع اختي بكلمتين حرام ولا حرام 

وبعدها مشيت من قدامها 

 اتصلت با اختها اماني وقالت لها


ياسمين 

فيه ايه يا اماني عماله ترني ترني وانا كنت قاعدة مع حماتي ومش عارفة ارد عليكي هو ايه يابنتي


اماني

انا بتصل عشان أسألك مفيش جديد في موضوع أحمد هو مش ناوي يرجع برضو انا نفسي اشوفه اوي ياياسمين ده وحشني


ياسمين

لا مفيش اخبار وشكله كده عجبته القاعده مع اللي متتسماش اديني بحاول املي دماغ حماتي من ناحيتها عشان تروح تجيبه بس هي بتتصل بيه علطول وهو بقا متمسك بالهانم


اماني

نفسي اعرف عجبة فيها ايه يا ياسمين ده احلى منها بكتير اوي ياناااس


ياسمين

هي اكيد زي ما انا قولت لحماتي انها عامله عمل لأحمد عشان تربطة جنبها البت دي مش سهلة ابدا


اماني

طيب ما كده لازم نثبت لحماتي انها فعلا عملاله عمل بس هنثبتها ازاى دي بقا


ياسمين

مش عارفة وبعدين انا كنت بخمن يابنتي اصلا انما مش عارفه هي فعلا كده ولا لا على العموم كله هيبان


وعند سهير لقيتها مستنياني على باب شقتها وانا راجعة من شغلي وقالت لي


سهير 

انبسطي دلوقتي لما جوزي مشي وساب لي البيت بسببك يعني انتي خربتي بيتي بس والله انا مش هاسيبك وهتشوفي مني اسود ايام حياتك وهخرب بيتك اصبري


ليلي 

ربنا يهديكي والله بعد اللي عملتي 

معايا كمان انتي اللي بتقولي كده 


سهير 

والله واحده دايره علي حل شعرها منعرفش

عنها حاجه جايه تتكلم معايا 


ليلي 

والله قله الكلام معاكي احسن وبعدها

سبتها وطلعت شقتي ومحتطش كلامها في دماغي وقولت دي اكيد بتخرف ورجع أحمد واول

لما دخل الشقه قالي 


احمد 

ليلى حبيبتى انا خلاص حجزت موعد عند الدكتور عشان نروح له زي ماتفقت معاكي وفي الوقت ده 

كنت قاعده سرحانة في كلام سهير لقيته بيقولي

لي


احمد 

ليلى ليلي انتي سرحانة في ايه


ليلى

هااه انت بتكلمني يا أحمد بتقول حاجة ياحبيبي


أحمد

بقولك حجزت عند الدكتور 


ليلى

دكتور ايه ده يا أحمد


أحمد

لااا انتي مش معايا خالص يا ليلي هو احنا مش كنا متفقين اننا نروح للدكتور عشان نشوف موضوع الحمل اتأخر ليه لحد دلوقتي


ليلى

اااه صح معلش ياحبيبي اصل انشغلت في الشغل جامد ونسيت خالص طيب هو انت حجزت عند الدكتور على امتى كده


أحمد

اداني موعد عشان نروح له بكرة ان شاء الله لما نرجع من الشغل نبقا نروح بقا


ليلى

تمام ياحبيبي انا ااا هدخل احضر لك الغدا زمانك جعان


أحمد استغرب من شكلي وقال هي مالها دي


واتصل بامه عشان يقولها اننا هانروح للدكتور


الحما 

ايوه ياحبيبي يعني انت خلاص حجزت عند الدكتور وهتروحو بكره طيب اجي معاكم بقا عشان اشوف الدكتور هيقولكم ايه


أحمد

لا يا أمي متتعبيش نفسك خليكي انتي مش قادرة احنا هنروح نكشف وبعدين ابقى اكلمك اطمنك انتي بس ادعي لنا


الام

انا بدعي لك يا ابني علطول ولا اني مكنتش عايزاك تخلف من الزفته دي واجوزك واحده على مزاجي بس اقول ايه بقا ماسك فيها مش عارفة على ايه


أحمد

تاني يا أمي الكلام ده ما قولت لك قبل انا مش هقدر استغني عن ليلى دي حبي الوحيد على العموم انا هبقا اكلمك تاني ياحبيبتي يلا مع السلامه


وقفل مع مامته وقالي

مالك يا ليلي شكلك كده مش عجبني خالص هو في حاجة حصلت ولا ايه


ليلى بارتباك

هااه لا ياحبيبي مفيش حاجة حصلت ايه اللي هيحصل يعنى عشان تقول كده انا بس راجعة من الشغل مصدعه ومش شايفه انا هدخل انام شوية وهاصحي فايقه انت عايز مني حاجة اعملها لك


أحمد

لا يا حبيبتي روحي انتي نامي شوية بس مش هتاكلي الأول طيب


ليلى

لا ياحبيبي اصل نهى زميلتي في الشغل كانت جايبه سندويتشات وخلتني اكل معاها فانا شبعانة دلوقتي


ودخلت الاوضة وفضلت افكر في كلام سهير وقولت لنفسي 


ليلي 

يعنى ايه سهير هتخرب بيتي هي تقصد ايه بالكلام ده انا مش عارفة كلامها شغلني ليه ومش مطمنا لها ربنا يستر يارب


وعند حماتي قالت لياسمين علي موضوع الدكتور وقالت لها


ياسمين 

ايييه هايروحو لدكتور ليه بقا وبعدين يا حماتي هي اكيد العيب منها هي


الحما

مش عارفين يا ياسمين اهو هيبان لما يروحو يكشفو وياريت يطلع العيب منها عشان ساعتها اخلي أحمد ابني يطلقها واجوزه بقا اللي على مزاجي انا


ياسمين بصت لحماتي وضحكت ضحكة صفرا وقالت لنفسها


ياسمين 

 اما لو انكشف موضوع حبوب منع الحمل دي تبقي مصيبة


الحما 

انتي بتقولي اي يا بت بتكلمي نفسك 

ما تعلي صوتك كده 


ياسمين 

ها ابدا ي حماتي بعد اذنك لما 

اطلع اشوف اللي ورايا وبعدها طلعت 


وعند سهير اتصلت براجل في التليفون وقالت له 


سهير 

ازيك يافتحي عامل ايه يا واد ليك وحشه والله 


فتحي

 مين معايا


سهير

سهير  مين معاك ايه يامنيل انت مش عارفني يخيبك انا سهير ياواد 


فتحي 

ايه ده معقوله سهير بنفسها يا اهلا الحبايب يا اهلا 


سهير 

قولي انت فين كده وخرجت من السجن امتى 


فتحي 

لسه من شهرين كده انتي اللي عامله ايه مع النطع جوزك ده 


سهير 

هعمل ايه يعني وعلى رايك هو نطع فعلا ساب لي البيت ومشي اهو شوية مشاكل كده متحطش في بالك المهم بقولك ايه انا عايزاك في مصلحة كده يافتحي 


فتحي 

اؤمريني ياقمر رقبتي سدادة ياست الكل 


سهير 

تعجبني يافتحي انا قولت مفيش غير فتحي هو اللي هيساعدني في الموضوع ده اسمعني بقا كويس واعرف هتعمل ايه بالظبط 


وجه اليوم اللي هنروح فيه عند الدكتور وبعد ماكشف عليا وعمل تحاليل ليا انا وأحمد قالنا 


الدكتور 

دلوقتي يا استاذ أحمد حضرتك مفيش عندك اي مانع انما المدام للأسف........ 


ليلى بخضه 

خير يادكتور انا ايه مش بخلف عايز تقول كده 


دكتور 

لا الموضوع مش كده الموضوع ان الحبوب اللي بتاخديها هي اللي عملت عندك مشكله في الحمل 


أحمد بصدمة 

حبوب ايه دي يادكتور 


الدكتور 

هو حضرتك متعرفش ان المدام بتاخد حبوب منع الحمل ولا ايه يا استاذ أحمد 


ليلى 

انا باخد حبوب منع الحمل لا طبعا يادكتور محصلش الكلام ده وبصيت لاحمد وقولت له لا يا أحمد انا مش باخد حاجة والله 


أحمد بصلي بصدمة وقال للدكتور 

طيب يادكتور احنا متشكرين جدا لحضرتك يلا بينا يا ليلي 


ومشينا وطول الطريق أحمد مش بيتكلم معايا ورجعنا البيت وقولت له 


ليلي 

انت ساكت ليه مش بتتكلم معايا انا والله يا أحمد مش باخد حاجة اوعي تصدق الدكتور واللي قاله 


أحمد 

للدرجه دي يا ليلي مش عايزة تخلفي مني طيب ليه ده انا بعت اهلي كلهم عشانك انتي تقومي تعملي معايا كده وتاخدي منع الحمل عشان متخلفيش مني 


ليلى 

والله العظيم ماحصل يا أحمد انا مش باخد حاجة خالص وربنا شاهد عليا انت عارف ان نفسي 

اخلف منك اكيد 

فيه حاجه غلط في الموضوع ده


احمد 

اي الغلط بقي لبسها لامي وياسمين زي كل مره 

احنا سبنا بيتهم من فتره واكيد مش هما 

يعني اللي عملوا كده 


ليلي 

والله ولا أنا ولا اعرف حاجه عن الحوار ده ربنا .

يعلم انا بحبك ازاي ونفسي اخلف منك 


أحمد

اه منا عارف مهو كل شي نكشف اهو  

اتاري لما كنت بقولك نروح للدكتور لقيتك ارتبكتي وقولتي عندي صداع وسبتيني ودخلتي الاوضة 


ليلى 

انت برضو مصدق يا أحمد حرام عليك بقا بلاش كلامك ده 


أحمد 

انا ماشي يا ليلي ماشي ولما افوق من الصدمة دي هرجع ونتكلم انا مش قادر اتكلم في اي حاجه دلوقتي 


ومشي أحمد وسهير  اول لما شافته نزل اتصلت بفتحي وقالت له 


سهير 

يلا تعالي ونفذ دلوقتي يافتحي المحروس نزل وهي لوحدها فوق 


وجه فتحي وطلع اتحسب وفتح باب المطبخ اللي على سلم البيت من ورا ماهو اصلا فتحي ده حرامي وبيعرف يفتح اي باب


انا كنت قاعده بعيط من قهرتي لقيت فتحي قدامي وبيقلع هدومه اتخضيت وقولت له 


ليلي 

انت مين انت ايه اللي جابك هنا انا هصوت والم عليك الناس ولسه هصوت كتم نفسي 


سهير طلعت فضلت ترزع على باب الشقه وتقول 

افتحي يا بتاعت الرجاله راح فتحي فتح الباب 

سهير دخلت وقالت 


سهير 

الله الله راجل معاكي في الشقه وكمان قالع هدومة تعالو ياناس الحقو الهانم اللي عامله فيها بريئة بتعمل ايه ااه كل شوية راجل طالع وراجل نازل يازباله 


اتصدمت من كلامها وقولت لها 

انتي ايه اللي انتي بتقوليه ده حرام عليكي


سهير 

طول عمري شكه فيكي من ساعت ما بتخلي 

جوزك ينزل وبعدين بتنزلي ورا شوفوا 

السكان الجداد عاملين اي 


وفي الوقت ده احمد كان دخل وقال 


احمد 

اي ده ليه اي وانت ميه وازاي تكون 

واقف في شقتي كده 


سهير 

تعالي شوف الهانم المحترمه اللي عامله 

من وراك وانا برضه اقول كل شويه 

تديني فلوس ليه علشان لما اشوف 

راجل طالع ولا نازل مش اتكلم 


احمد 

اي الكلام الغريب ده ومين ده ردي 

ي ليلي 


ليلي 

والله دي كدابه 


سهير 

انا كدابه علشان كشفتك من فتره 

جت وطلبت مني الفلوس قدام 

جوزي لما لقيتني مش عايزه 

اعرفها تاني وكان واقف سمير 

صاحي العماره 


انت عارف ي عم سمير أن جوزي مش بيكدب صح 


سمير 

تلحق يتقال فعلا وبعدها اتصلت بيه 


محمد 

عايزه اي يا سهير انا مش راجع 

البيت الا  لما تدفعي ليلي فلوسها 


سهير 

بس الفلوس دي كانت قالت ليا أنها مش 

عايزها 


محمد 

برضه فلوسها لازم ترجع ومن بعدها ملكيش 

دعوه ب الجيران وقفلت 


احمد 

ممكن افهم بقي فلوس اي وازاي متقوليش 

ليا علي الحوار ده 


سمير 

بقولك اي الكلام ده مش نفعني 

عايز تعيش في الشقه هنا ترمي 

عليها يمين الطلاق عايزها تكون علي زمتك 

تاخدها وتمشي


احمد 

وانا لا يمكن اعيش مع واحده زيك انت طالق يا ليلى وبعدها مشيت وروحت بيت حماتي 

وقلت ليها علي كل حاجه 


الحما 

انت يا بنت عملت فيا ايه يخرب بيتك ده انت اول مره تصعبي عليا مش عارفه ليه حاسه ان انت مظلومه حق ربنا يتقال انا عمري ما شوفت منك حاجه وحشه ابدا


ليلي 

والله العظيم دي الحقيقه وما اعرفش هي ليه عملت كده واللي دخل شقتي ده دخلها ازاي اصلا وفي الوقت ده حماتي شافت ياسمين وهي بتتسحب وقامت وراها وسمعتها وهي بتتكلم وبتقول 


ياسمين 

والله العظيم انا لازم احلي ليكي بقك على اللي انتي عملتيه ده كويس هي كانت تستهال 

الفضيحه وأحمد عامل اي 


سهير 

فوق في شقته بس صعبان عليا بس في داهيه 

علشان تقف قدامي تاني 


ياسمين 

انا جايه ليكي انا واختي وبعدها حماتي دخلت 


الحما 

كله يطلع منك انتي ي سوسه معقول 

كنتي عامله تكرهني فيها وتعملي كده ي ميه 

من تحت تبن 


ياسمين

الكلام الغريب اللي انتي بتقوليه ده يا حماتي

انا مالي اصلا بالحوار ده


الحما 

والله العظيم زي ما كنت عايزه تخربي بيتها انا اللي هخرب بيتك بس امشي قدامي 

وبعدها روحنا العماره وحماتي ندهت 

لاحمد في مدخل البيت 


احمد

خير يا امي في ايه هو انتي جايبه الزفه دي معاكي ليه بعد اللي هي عملته ده


الحما 

مش هي اللي عملته دي السوسه دي متفقه مع سهير انتي ي سهير فيه صاحب العماره دي 

ونزل سمير 


سمير 

خير يا حاجه في ايه عماله تزعقي ليه كده


الحما 

انا جايه اقول قدامكم كلكم مرات ابني ما فيش اشرف منها ومعملتش اي حاجه وكله 

كان بتفاق من سهير وخرجت سهير 


سهير 

وانت جايه تلبسيني مصيبه ولا ايه يا ست انت انا معملتش اي حاجه انا مالي اصلا 


الحما 

هنطلع القسم دلوقتي وهنعرف كل حاجه

اصل انا قبل ما اجي هنا فرغت الكاميرات اللي قدام المحل وشوفت الراجل اللي كان في شقته وهو واقف معاكي


سهير 

وانا مالي انا مليش دعوه بالحوار ده خالص ياسمين هي اللي قايله ليا اعمل كده

وكمان قالت احط مانع حمل علشان ا مش بتخلف


الحما 

اه يا عصابه هنطلع على القسم دلوقتي وهعمل محضر بكل الكلام اللي انتم بتقولوه ده

وفعلا عملنا كده وياسمين أطلقت ورجعت بيت 

حماتي 


احمد 

حقك عليا ليلى في اللي انا عملته بس انتي اللي غلطانه عشان خبيتي عليا حاجه صغيره عملت المشكله دي كلها


ليلي 

وانا اسفه والله بس قولت افك زنقتها 


الحما 

المهم نكون اتعملنا من الدرس ومش 

كل واحد عامل حبينا يكون بيحبنا 

بجد والجيران بالذات المعامله تكون 

بالحدود طلما مش نعرفها 


وفعلا بعدها رجعت شقتي وحماتي بقت 

تحبني اوي وبتعاملني زي بنتها وانا عملت 

محضر باللي حصل واتقبض عليهم 


وانا خلفت وجبت بنت وحماتي بقت تحبها اوي 


وبكده تكون خلصت قصتنا


🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺

تعليقات



CLOSE ADS
CLOSE ADS
close