القائمة الرئيسية

الصفحات

الأخبار[LastPost]

رواية قصيرة القامة طويلة اللسان الفصل الرابع بقلمي شيماء صبحي حصريه وجديده على مدونة النجم المتوهج للروايات والمعلومات


رواية قصيرة القامة طويلة اللسان الفصل الرابع بقلمي شيماء صبحي حصريه وجديده على مدونة النجم المتوهج للروايات والمعلومات 

رواية قصيرة القامة طويلة اللسان الفصل الرابع بقلمي شيماء صبحي حصريه وجديده على مدونة النجم المتوهج للروايات والمعلومات 

الشباب وقفوا بصدمه وعبدالله وقف ورا قمر بخوف وهادي بصلهم بإستغراب وقال" في ايه مالكوا بتبصولي كدا ليه! مردوش عليه وبصوا وراه !!


وبعدها هو لف  علشان  يشوف في ايه ولاكنه بيتفاجئ بالمنظر المرعب الي واقف وراه وبتكون بسمه ووراها رجاله كتير ماسكين في ايديهم حجات اول مره يشوفها"


عبدالله همس لقمر وهوا بيقول" اتصرفي يا قمر دول شكلهم  ناوين يخلصوا عليه !

قمر بصت لهادي الي لف وشه تاني وبص عليها وهيا قربت ومسكته وقفته وراها" 


قمر "خير يامعلم فاروق الشاب دي شغال معايا  انت ليه جايب رجالتك وبتجرو وراه !


فاروق بصوته  الخشن المزعج" وانتي من امتي وانتي بتشغلي عندك الاشكال دي ياقمر!


هادي اتعصب ولاكن عبدالله بصله يسكت مينطقش ويسبها تتصرف!

قمر بضيق" انا أشغل الي علي مزاجي يا معلم فاروق وبعدين في ايه جاي وجايب رجالتك وماسكين السكا"كين خير عايزين تموتوه ولا ايه!


الشباب بصوا لهادي بصدمه وهوا بلع ريقه ورجعت قمر كملت" وانتي يا بسمه مين قالك ياختي انه عاكسك بص فوشك وقالهالك عيني عينك كدا!


بسمه رفعت حاجبها وقالت" لا مقلهاش في وشي بس أنا سمعتها ! 

قمر بصت عليه بضيق  ورجعت قالت" وقالك ايه انشاء الله يا بسمه!


بسمه حطت ايديها علي دماغها بتفكير وقالت" بيقول يخربيت جسمك السمبتيك  دا انا لو مسكتك مش هرحمك !!

قمر لفت لهادي وقالت" انت قولت كدا!

هز راسه بأيوا وهيا لفت وشها بغيظ وقالت" وانتي بق يا بسمه جسمك سمبتيك" 


الشباب ضحكت وهيا  بصتلهم بغضب   فسكتو بخوف وهيا قالت" الاستاذ ياختي كان بيتكلم في التلفون وبعيد عنك كان بيكلم بت مش كويسه انما انتي يابسمه ست الحسن والجمال واكيد ميقصدكيش بالكلام دا !


بسمه علت صوتها وقالت" بس دا  رجع غلط فيها وبيقولي اني مش شكل واحده اتعاكس بق انا متعاكسش يا قمر بق انا متعاكسش يابا! 


ابوها قرب من قمر وقال" أنا بنتي تتعاكس بنتي مش وحشه  يا قمر والولا دا لازم يتعلم عليه" 


عبدالله كان ماسك ايد هادي وضاغط عليها وقمر قالت" بص بق يا معلم فاروق انا بحترمك لانك قد ابويا المعلم عبدالتواب الله يرحمة انما بق فكرة انك تعلم علي حد شغال عندي دا معناه انك بتغلط فيا وانا بق الي يغلط فيا بزعل وزعلي وحش!!


فاروق رجع لورا بخوف منها وهيا قربت من بسمه وهمست في ودنها" لمي الدور والا ورحمة أبويا وأخويا لأقول لابوكي علي الي بتعمليه من وراه يا ست الحسن والجمال!


بسمه كحت وضحكت" خلاص يابا حصل خير قمر قالت انه ميقصدش وانا الي تلقيني سمعت غلط!

فاروق" انتي متأكده يا بسمة" 

بسمه وهيا بتبص لقمر" أيوا يابا دي قمر برضوا ومينفعش انك تزعل حد من الي شغالين معاها" 


أبوها هز راسه وقال" خلاص يا ست قمر حصل خير بس خلي الي شغالين عندك يعرفوا انهم في منطقة محترمه ملهمش في السكه الشمال!

قمر بصت ل بسمه وقالت" طبعا وهوا هيجي الشمال منين بس يامعلم فاروق" 


بسمه شدت ايد ابوها وقالت" يلا بق يا ابا خلينا نمشي ونسيب الرجاله تكمل شغلها!

أبوها هز راسه واخد رجالته ومشي !

عبدالله ساب ايد هادي والشباب قربوا من هادي وقالو" عجبك كدا انت اي يابني مبتتهدش " 

هادي قال بغضب" أنا كلمتها هي كمان العجله دي وبعدين انا مببصش للنوع دا انا  مبصش لأقل من ملكة جمال!


قمر لفت وشها وقالت" أسمع يا إسمك ايه انت المره دي خلصت بالساهل انما انت لازم تعرف ان انت هنا ضيف وتحترم نفسك انت مش شايف صحابك محترمين ازاي انت بق نافش ريشك كدا  ليه!


هادي بصلها بغيظ وكان هيرد عليها بس سكت لما خالد شده وقال" هوا خلاص عرف غلطه يا  آنسة  قمر بس هو برضوا مغلطش فيها هيا شكلها هيا الي بتجر شكله !


هادي" ايوا صح شايفه واحد طويل وحلو وبعضلات نوع اول مره ينزل منطقتهم قالت اما اجر شكله فكراني يعني هبصلها!! 

قمر غمضت عينيها بتحاول تتحكم في أعصابها  

فسعيد قال" مش اوي كدا يابن الجارحي احنا عارفين الي فيها!


هادي بغيظ" متخليك في حالك يسطا سعيد الا قولي اخبار الشغل ايه!

قمر بصت لعبدالله وهزت راسها يجي وراها وقالت" انا ماسكه نفسي عليه المستفز دا انا عايزه اروح اضربه.

"عبدالله" اهدي بق يا قمر احنا اتفقنا ملوش علاقه بيكي بس مش عارف هوا مالو كدا شكله بتاع مشاكل!

قمر" انا هاين عليا اطردهم بس هما ملهمش ذنب هو مفيهمش غير التنك دا مش عارفه شايف نفسه علي ايه وقال ايه بيقولك واد حلو وبعضلات لوت شفتها وعملت صوت مممم الله يرحمك يا جمال يا اخويا كنت سيد الرجاله بجد!!


عند هادي وأصحابه محمد قال" 

انت صحيح ايه الي جابك بدري النهارده!

هادي" متقبلتش في الشركه بيقولواي اني لازم علي الأقل ابق معايا شهاده خبره من اي شركة" 

خالد" ازاي وانت  اول مره تشتغل.

هادي" انا متخرج من 6 سنين وموضوع اني مشتغلتش دا قالقهم عير انهم طلعوا عارفين بموضوع عيلتي فرفضوني !!

خالد" خلاص ياعم ولا تزعل بسيطه انت تنزل تشتغل معانا في الورشه وعلي فكره مش زي مانت فاكر خالص " 

هادي" ورشه ايه بس اشتغلوا انتو وانا هشوفلي اي شغل في اي مكان محترم" 

محمد" مش هتلاقي ياهادي انتو اصلا تريند الي حصل لعيلتك ترند وفكره ان حد يشغلك عنده هيستغلك واحنا عارفين ان دا مستحيل تقبلوا" 

هادي هز راسه باقتناع وقال" بس انا برضوا مش علي اخر الزمن هيبق اسمي اسطي  !

خالد ضحك" وانت السبب الي مخليك رافض انك مش عايز فعلا ولا كلو علشان مستواك الاجتماعي ميسمحش!


هادي" اكيد علشان مستوايا حتي لو معيش جنيه متنسوش ان ابق هادي الجارحي الي كل بنات الشرق والغرب بيتاخنقوا عليا!

 سعيد بسخريه " دا كان زمان ياصحبي انما انت دلوقت مش لاقي تاكل ولازم بق المره دي تسمع كلامنا!

هادي بص لقمر وقال" بق انا هادي الحارحي علي أخر الزمن أشتغل عند القزمة دي!

خالد بص علي قمر بإعجاب وقال" أهي القزمة دي هيا الي انقذتك من ايد وحوش النهارده دا بدل ما تشكرها بتتريق عليها!

هادي" أشكر مين انت كمان لا طبعا وبعدين هيا عملت الي عليها انا اصلا مغلطش في البت التانيه دي!!

عبدالله قرب من الشباب وقال" خلاص كدا لحد النهارده روحوا ارتاحو او لو عاوزين تخرجوا براحتكم المهم اننا هنبدأ شغل من بكرا الساعه سابعه الصبح!

هادي" انا اصحي الساعه سبعه لأ طبعا" 

عبدالله" علي العموم ياشباب دي اليوميه بتاعكوا وكل ما تتعلموا وتشتغلوا اكتر  اليوميه بتزيد!

الشباب ابتسمو وقالو" شكرا يا سطي عبده !

  خالد  ساب الشباب وقرب من قمر وقال" انا اسف علي الموقف الي هادي عمله والمشكله الي حصلت بس دا طايش ومتعود انه يغلط وغيره يصلح بس متقلقيش احنا مش هنسيبه غير لما يتعدل كدا ويبق راجل بجد" 


قمر ابتسمت وقالت" اتمني انه يتعدل بدل ماهوا نافش ريشة كدا " 

وكملت بسخري "وانتو بق بتعدلوه متنسوش تقصوله لسانه علشان طويل اوي"

خالد ضحك وهيا ضحكت علي ضحكته وكانوا الشباب ملاحظين الي بيحصل بينهم ولاكن هادي مشي ومهتمش ليهم وطلع علي الشقه الي قاعدين فيها علشان يعرف يكلم  اصحابه البنات  براحته!!


خالد" احنا هنطلع وبإذن الله احنا هنكبرلك الورشه دي ونعوضلك الخساره الي انتي خسرتيها السنين الي فاتت!


قمر استغربت كلامه وقالت" انت جبت الكلام دا منين!

خالد قال بأسف" انا مش قصدي ازعلك والله بس عبدالله حكالنا كل حاجه !

قمر " لا محصلش حاجه انا بس كل الي عايزاه ان ورشة ابويا ترجع تشتغل زي الأول وانا عند وعدي ليكوا اول ما ترجع تشتغل زي الاول  القيراط بتاعها  هيبق بالنص!

خالد ابتسم وبص لاصحابه  وشاورلهم علشان يطلعوا !

وأما قمر راحت لعبدالله وضربته في بطنه وقالت" انت بتحكيلهم عني ليه يا ابن فوزيه!

عبدالله بآلم" انا مقولتش حاجة" 

قمر بغيظ" وايه الي هيعرفهم اني عانيت كتير ونفسي اكبر الورشه" 

عبدالله " انا اسف ياقمر بس هما الي وقعوني بالكلام'

قمر" والله مانت نافع امسك دول وروح انت كمان!

عبدالله بشكر" شكرا ياست البنات !

قمر قفلت الورشه وفضلت قاعده علي الكرسي وهيا بتفكر في حالها وان من ساعة ما الشباب دي جت وهيا مطمنه رغم انها بتحميهم ولاكن مطمنه انهم موجودين ! 


في شقة الشباب كان هادي قاعد وحاطت رجل علي رجل وبيضحك بصوت عالي وهوا بيتكلم في التيليفون وبيقول " وحشتيني  اوي اوي يا رخي.صة" 

البنت بصدمة" ايه !

هادي بابتسامه خبيثه" قصدي رئيسه انتي برضوا تصدقي  ان انا أقول  عليكي كدا!

البنت ضحكت ضحكة مغريه وهوا قال بصوت هامس" مش بقولك رخي.صة!


الشياب كانو طالعين علي السلم وكل واحد ماسك خمسين جنيه بفرحه وبيقولوا" ياسلام انا بقالي كتير اوي ممسكتش فلوس!

محمد"من يوم ما  هادي ابن الحارحي فلس!

الكل ضحك ودخلوا علي هادي الشقه وهوا كان قفل مع البنت الي بيكلمها ووقف وقال" اسمعوا بق شغل مش هشتغل!

خالد طلع الخمسين جنيه من جيبه وقال" معاك زيها علشان تقول كدا !

هادي  بلهفة " اي دا انت جبت الفلوس دي منين " 

 محمد وسعيد طلعوا فلوسهم هما كمان وهوا بصلهم" وانتو كمان!

خالد" دي الفلوس الي اخدناها يوميه النهارده تعرف ان عبدالله قالنا اننا كل ما نشتغل أكتر هناخد اكتر"

هادي قال بفرحه" بقولكوا ايه هو انتوا ممكن تسلفوني الميه وخمسين دول !

الشباب برفض" لا مش هنسلفك دي حق تعبنا وشقانا طول اليوم انزل اشتغل معانا وانت تسكب زيهم!

هادي بموافقه" ماشي هنزل معاكم ومن بكره" 

الشباب بصدمة"بتتكلم بجد!

هادي" وجد الجد كمان!يلا بق هاتو الفلوس!

الشباب سابوه ودخلوا علشان يرتاحوا وهوا قال بغضب" اه يا ولاد ال….

مطمرش فيكوا اي حاجة" 

الشباب من جوا" احنا برضوا يا كداب!

ضحك عليهم وراح يفتح البلكونه علشان يشم هوا نضيف " فضل يبص علي شكل البلكونه  بتقزز وبعدها وقف وقال" هيا جت عليها يعني  ما الشقه كلها كدا !

وقف يبص علي النجوم شويه وبعدها بص علي شكل المنطقة لمح قمر وهيا قاعده علي الكرسي الي موجود جمب الورشه كانت قاعده  ورافعع دماغها وبتبص علي السما  وعماله تعد النجوم" 

 استغربها جدا وفضل يبص عليها شويه وهوا بيسأل نفسه " هي ايه حكايتها البنت دي ولي مختلفه عن اي بنت هوا شافها قبل كدا !!! 

قمر لاحظ ان هادي واقف  في البلكونه وبيبص عليها قامت وراحت للسوبر ماركت تجيب شوية طلبات ورجعت تاني لشقتها 

وبالليل صحيت قمر من النوم علي صوت بطنها قالت بجوع" انا مأكلتش حاجه من صباحية ربنا " 

قامت وقررت   تحضر لنفسها عشي خفيف  وفعلا بدأت تعمل مكرونه وبيض " ( هتسألوني وتقولولي دا شكل عشي خفيف هقولكم قمر بتقول كدا يبق نسمع كلامها ونمشيها عشي خفيف😂)

سمعت صوت خبط علي الباب بيخبط وقفت باستغراب وهيا بتقول " مين دا الي بيخبط في وقت زي دا !!

مسكت سك"ينه وقربت من الباب وهيا بتقول" مين !

مسمعتش رد فقالت تاني "مين الي بيخبط!

محدش رد عليها فرجعت تاني للمطبخ ولاكنها سمعت الباب بيخبط تاني قربت بخوف وهيا بتسأل مين!

سمعت صوت بيقول" انا !

أستغربت اوي وقالت" دا صوت مين دا ! قالت بتسأول" مين انت" 

متفتحي وخلاص بقولك انا !

اول ماسمعت الجمله دي عرفت انه هوا الواد الغلس قالت برفض" وانت عايز ايه في وقت زي دا" 

هادي بصوت ضعيف" أنا شامم ريحه أكل جاي من هنا وبصراحة أنا جعان!

قمر باستغراب من كلامه قالت" وهو في حد بيعمل اكل في وقت زي دا!

هادي " انا شامم ريحه مكرونه وانا جعان انا مكلتش حاجة من الصبح" 

قمر قالت بحزن" بيقول  مكلش حاجه من الصبح !

هادي" ايه مش هتاكليني!

قمر بغيظ " لأ واتفضل اطلع علي  شقتكم مفيش اكل! 

مسمعتش رده وبعدها  دخلت للمطبخ وقالت" هيا ناقصاك انت كمان  قال جعان ومأكلتش المفروض اننا اصدقك وادخلك هنا دنتا نتحر"ش "

حطت الأكل علي السفرة وبدأت تاكل ولاكنها سمعت صوت جاي من عند الباب زفرت بضيق وقامت فتحت الباب كان هادي قاعد علي الارض وماسك بطنه" 

قمر بغيظ منه" أنا مش قولتلك اطلع فوق !

هادي " انتي كدابه علي فكرة انتي عاملة أكل!

قمر" أيوا عامله  أكل واقولك علي الكبيرة عاملة مكرونه وبيض"

هادي بجوع" الله تعرفي اني بحبك الأكل دا أوي!

قمر رفعت حاجبها وقالت" بس انا عاملة أكل علي قدي وانت باين عليك كدا بتاكل كتير" 

هادي وقف ونفض هدومه" أبدا انا بس هاكل شويه صغيرين والله.

قمر قالت" طيب تعالي ادخل بس من غير اي صوت انت فاهم" 

هادي هز راسه ودخل وهيا سابت الباب مفتوح وبعدها دخلت للمطبخ علشان تجيبلة أكل وطلعت لاقته خلص كل اكلها قالت بغضب" اي دا أنت كلت أكلي!

هادي بصلها وقال" انا كنت جعان اوي وبصراحه انا اول مره اكل من ايد حد انا معرفوش واول مره  في حياتي اطلب طلب من حد !

قمر بضيق" وانا مالي بق بالكلام دا انا جعانه انا كمان ودلوقت مفيش غير شوية المكرونه الصغيرين دول ومش هيشبعوني!

هادي بصلها بصدمه وقال" انا اسف بس مقصدش اخلص الأكل!

قمر ادتلوا الطبق وقالت" خده واطلع كل فوق ومشوفش وشك تاني وعلي فكره عقابك انك هتنزل تشتغل في الورشه" 

هادي اخد الطبق وقال" موافق بس متزعليش بق لما ابوظلك الدنيا!

قمر بعيظ" امشي من هنا حالا" 

هادي مشي وهيا قفلت الباب وراه وقعدت بحزن وهيا بتقول" مفجوع ياربي خلص الاكل كلو . بس ثواني هوا قالي أنا اسف " يعني بيعتذر عادي اهو امال ليه شايف نفسه كدا وبيتنك علي صحابه " 

خلصت كلامها وقامت وهيا بترحع الاطباق مكانها وبعدها دخلت اوضتها علشان تنام  " 

_______

تاني يوم الصبح " 

صحيوا الشباب بنشاط وبدأو يجهزوا علشان ينزلوا الورشه وخرجوا من اوضتهم واتفاجؤ بهادي لابس وقاعد مستنيهم" 

خالد" اي دا انت نازل بجد ولا ايه" 

هادي" أيوا نازل اشمعنا يعني انتو تكسبوا فلوس وانا لأ!

سعيد لاحظ الطبق الي موجود علي السفره قال باستغراب وهوا بيمسكه" دا طبق اي دا!

محمد باستغراب" اي دا دا ريحته طبيخ!

هادي برفض" لأ  دي ريحتو مكرونه انتو مبتعرفوش تشموا!

خالد قرب من هادي وقال" وانت بق الي كنت بتاكل فيه" 

هادي هز راسه وقال" أيوا وكان طعمها جميل!

الشباب اتجمعوا عليه وقالو" وانت بق جبت المكرونه دي منين!

هادي" طبختها " الشباب بصوا عليه بشك وقالو" وانت بتعرف تطبخ من امتي !

محمد بشك" سيبك من انه بيعرف يطبخ ولا لأ   هو أصلا جاب المكرونه والطماطم دي منين" 

هادي وقف وبصلهم وضحك وقال" من باب الله يا خفيف!

الشباب بصوا عليه بشك اكتر وقالو" هنعرف بس في وقتها" 

هادي قال" مش هتنزلوا ولا ايه"

سعيد" لا طبعا نازلين  يلا يا رجاله" 

الشباب نزلوا وقفلوا باب الشقه كويس وبعدها خرجوا من البيت وراحوا عند. الورشه ولاقوا عبدالله جاي من وراهم وبيقول" صباح الفل يارجاله اي النشاط دا" 


الشباب بضحك" صباح الخير يا اسطي عبده عندنا ليك مفجأه"

عبدالله بص عليهم باستغراب" مفجأة ايه دي!


خالد شاور علي هادي الي واقف بعيد عنهم وقال" جبنالك الاسطي هادي هيشتغل معانا" 

عبدالله بصله بضحكه وهوا بصله بغيظ وقال" انا البشمهندس هادي الجارحي والي هيقول يسطا دي مش هيشوف خير" 

عبدالله بص علي الشباب الي هزو راسهم وقالو" طبعا يا هندسه دانت فخرنا برضوا" 

عبدالله فتح الباب بتاع الورشه ودخلوا كلهم وبدأو شغل وطبعا عرضوا الشغل علي هادي والي اقترح عليهم كام حاجه يعملوها وقتها عبدالله طلب منه يعملها بنفسه وهوا وافق ولاكن هدومه مكنتش مساعداه فخلع التيشرت وبق بالفنله بس وعضلات جسمه كانت برزة وبدأ يشتغل وكان الكل مبهور بشغله وقال عبدالله" انت اشتغلت حداد قبل مدا!

هادي بسخريه" لا أشتغلت  مهندس!

كانت عليا معديه من عليهم وشافت هادي والي كان بيشتغل وكل ما يبذل  مجهود اكتل عضلاته بتبان أكتر الشباب كلهم قلعوا التيشرتات وبقوا بالفنله وبدأ يشتغلوا  بحماس وكل ما واحده  من الي في المنطقة تعدي عليهم تقف تنبهر بجمالهم لحدما مابقوا كل ستات المنطقه واقفين عند الورشة!

خرجت قمر من البيت وهيا بتبص علي الورشه بنشاط ولاكنها اتصدمت من اللمة الي موجوده حواليها جريت بخوف ليكون حد جراله حاجه ولاكنها وقفت بصدمه  اول ما  شافت شكلهم .!!!!

يتبع 

متابعين الرواية القمر حابه  اعرف رأيكوا في البارت وتوقعاتكم في الي جاي ❤️❤️💖 

تشجيع كبير بق واعملو كومنات كتييير فرحوني 💖❤️

لان الي حاي دمار🫡


الفصل الخامس من هنا


بداية الرواية من هنا


 🌺🌹🌺🌹🌺🌹🌺🌹🌺🌹🌺🌹🌺🌹🌺🌹🌺🌹

ادخلوا بسرعه حملوه وخلوه علي موبيلاتكم من هنا 👇👇👇

من غير ماتدورو ولاتحتارو جبتلكم أحدث الروايات حملوا تطبيق النجم المتوهج للروايات الكامله والحصريه مجاناً من هنا


وكمان اروع الروايات هنا 👇

روايات كامله وحصريه من هنا


انضموا معنا على تليجرام ليصلكم اشعار بالروايات فور نزولها من هنااااااااا


🌹🌹🌹🌹🌹🌹🌹🌹🌹🌹🌹🌹🌹🌹🌹🌺🌺🌺🌺🌺🌺🌺🌺🌺🌺🌺🌺🌺🌺🌺


تعليقات

CLOSE ADS
CLOSE ADS
close