رواية حياه الزين الفصل الخامس والسادس بقلم ماهي احمد حصريه وجديده على مدونة النجم المتوهج للروايات والمعلومات
 |
اول ما بقيت في حضنه مابقيتش مصدقه انه رجع تاني مسكني ورجعني ورا ضهره وقال معلش بقى ياشباب البنت دي تخصني واحد منهم ضحك وقاله عادي ايه رايك تخصنا كلنا بصلهم وقالهم انا مش عايز مشاكل ياريت ترجعوا مطرح ما جيتوا التاني ضحك وقاله هتعمل اي يعني بعدها اداني المفتاح وقالي اركبي العربيه ياحياه قولتله بس يازين... شخط فيا وقالي قولتلك اركبي اتخضيت وقولتله حاضر واخدت المفاتيح ومشيت وبقيت ابص عليهم من بعيد ولاقيت زين اداهم حته علقه انا مكنتش اعرف انه جامد اوي كده وركب العربيه وغضبان اوي ومكشر ولاقيت حاجبه اليمين بينزل دم روحت جيبت منديل بسرعه ومسحته الدم قالي مش عايز حاجه نزلي ايدك نزلت ايدي واول ما مشي بالعربيه لاقيت الدم نزل من حاجبه تاني جيبت منديل بسرعه ومسحته الدم تاني قالي وهو سايق انا مش قولتلك نزلي ايدك قولتله مهو اسمع بقى انت طول عمرك غضبان وجواك بركان غضب ودي حاجه براحتك لكن مطلعش غضبك ده عليا انت فاهم لاقيته سكت وبعدها قالي يبقي تسمعي كلامي قولتله ما دمك ده غيظني وهو نازل كده اعمل اي يعني وبعدين انت السبب مكانش ينفع تسيبني في حته مقطوعه زي دي قالي قولي ان لسانك هو السبب
بعدها سكت شويه ورجعت اتكلم وقولتله طيب ممكن اقولك حاجه اخر حاجه قالي انتي ماتبطليش كلام ابدا قولتله اخر حاجه والله قالي قولي
قولتله شكرا قالي على ايه قولتله عشان رجعت تاني كنت فاكره ان معندكش دك ومش راجل عشان تسيب بنت في حته زي دي لوحدها بصلي كده وقالي لسانك ده هيوديكي في داهيه انا مش راجل ياحياه قولتله بصراحه لو كنت سيبتني فعلا في مكان زي ده عمرك ما تبقى راجل ابتسم وقالي انا مسبتكيش انا كنت عايز اخوفك بس عشان تبطلي كلام قولتله ايه ده يازين بيه الحق قالي في اي حصل ايه قولتله انت بتبتسم عادي كده زي الناس ابتسم تاني وسكت وبص قدامه ومتكلمش طول الطريق وروحنا البيت ونمت على الكنبه وهو على السرير مالقيتهوش في الاوضه وعرفت من دادا حكمت مديره البيت انه راح شغله كان لازم اطلع بره وطلعت لاقيت السواق مستنيني بره وبيقولي زين بيه أمره انه يوديني في مووول عشان اشتري شويه هدوم فرحت اوي وروحت معاه ولسه هنطلع من باب الجنينه بالعربيه
لاقينا الباب مقفول غريبه نزل عم حسين السواق عشان يفتحه ركب رامي مكانه بسرعه واخد العربيه وبقي سايق بسرعه كبيره قولتله انت بتعمل اي انت مجنون بالراحه شويه احنا كده هنعمل حادثه مكانش بيرد عليا نهائي قولتله انت بتعمل كده ليه بقي يبصلي ومايتكلمش لحد ما وصلنا قدام البحر الحته اللي هو بيحب يقعد فيها وقالي انزلي قولتله مش هينفع يارامي نزل من العربيه وفتح الباب بتاعي وشدني من ايدي وقالي بقولك انزلي.. نزلت وقولتله انت بتعمل كده ليه قالي انتي عارفه انا بعمل كده ليه كنت فاكرك بتحبيني زي ما بحبك ♥️
انا شوفتك في اوضه نوم اخويا ومصدقتش عنيا انا طول السنين اللي فاتت دي مكنتش بقرب منك عشان دايما كنت عايزك انتي عملتي كده ليه ياحياه للدرجه دي الفلوس عمت قلبك انا متأكد انك مابتحبيش اخويا عملتي كده ليه انطقي بصيتله وبقيت مبسوطه اني اخيرا سمعتها منه وفي نفس الوقت حزينه على اللي انا فيه قولتله رامي روحني حالا انا بقيت مرات اخوك دلوقتي مش هينفع صدقني قرب مني وبقيت ارجع لورا لحد ما سندت على العربيه وقالي قولي انك مابتحبنيش ياحياه قولي ان نظراتك وكلام اللي كان في عنيكي اول ما بتشوفيني ده كان كذب انتي طول عمرك مابتطقيش اخويا اي اللي حصل بصيتله وقولتله محصلش حاجه يارامي اخوك لما اتقدملي دي كانت فرصه قدامي وانا اخدتها قالي فرصه هو الجواز بالنسبالك فرصه قولتله ايوه فرصه ومكانش ينفع اضيعها من ايدي حاجه تنتشلني من الفقر اللي انا فيه قالي عمرك ما كنتي كده يا حياه اي اللي غيرك (سكت) قالي انا مش مصدقك وقرب مني وحط ولمس شفايفي بأيديه وكنت في لحظه هضعف قدام عنيه وبعدها فوقت و قولتله انا عايزه اروح ابعد عني ووقفت تاكسي ومشيت وروحت البيت فضلت اليوم ده طول اليوم حبسه نفسي في الاوضه وبعيط على حظي
الهباب.. وبالليل سمعت صوت بره في الفيلا زي ما يكونوا عاملين حفله بره وطلعت وكنت لابسه الفستان اللي زين جابهولي ومبهدله اوي في نفسي ومش مسرحه شعري مكنتش عارفه في ايه ولاقيت ناس موجوده ومعازيم ودنيا تانيه ومديحه هانم اول ما شافتني فتحت الباب لاقيتها بتقول للكل اهي دي بقي اللي عملت لابني العمل عشان يتجوزها ويسيب بنت خاله الكل بقي بيضحك على منظري وقد ايه انا اقل بكتير من ان زين بيه يبصلي كان شكلي وحش قدامهم كرامتي وقعت في الأرض وانا بشوف في عيونهم نظرات الاحتقار وقله القيمه وكل واحده بتهمس في ودن تانيه بكلام عليا معرفش ليه دموعي بقت تنزل مني من غير ما اعيط والله كان احساس وحش اوي ربنا ما يكتبه على حد
وفجأه لاقيت زين دخل ووقف جنبي وقدام الكل مسك ايدي وباسها وقال قدامهم كلهم ناس كتير لابسه ومتشيكه من أغلى البراندات بس معندهمش قلب زي قلبك ياحياه واخدني من وسطهم كلهم وطلعنا بره الفيلا بقى الكل يبص علينا ومستغربين من زين بيه اوي واللي عملوا معايا وقالي تعالي انا عايزك وروحنا على اكبر براندات في البلد واشترالي احسن دريسات على ذوقه.. ذوقه حلو اوي وخصوصا في الدريسات السودا بيعشقها بجد بقيت اغير كل شويه دريس لحد ما يعجبه واحد
واول ما يقولي ده لايق عليكي كنت أوافق عليه على طول وانا في البروفه جوه سمعت البنات بيقولوا ان في شاب زي القمر قاعد بره ويبخت البنت اللي هتبقى معاه معرفش ليه فرحت بالكلمه دي وانا طلعه عشان اوريله الفستان التاني عليا شفت البنات وهما بببصوا عليه من بعيد روحت عملت نفسي هتكعبل واقع راح قام بسرعه ومسكني من ايدي وقالي خللي بالك روحت بصيت للبنات كده نظره ابعده ده مش ليكم وهما اول ما شافوا كده بعدوا على طول..
وقتها رجعت اليوم ده وانا مبسوطه جدا.. وزين قالي ادخلي انتي وانا هخلص شويه حاجات وهحصلك قولتله رايح فين قالي تاني ياحياه قولتلك ماتسأليش قولتله خلاص خلاص ماتتعصبش.. ودخلت اوضتي وسيبته ومشيت ولسه بفتح باب اوضتي لاقيت رامي نايم علي السرير..
بكره ان شاء الله هينزل الجزء السادس من القصه الساعه ٨
#مآآهي _آآحمدحياه الزين 💕
(الجزء السادس)
قولتله اي ده انت بتعمل اي هنا.. قالي مستنيكي قولتله رامي اطلع بره ارجوك اخوك زمانه جاي ولو شافك هنا هاروح في داهيه الله يخليك قالي مش قبل ما تقوليلي عملتي كده ليه انتي مش بتاعت فلوس قوليلي اتجوزتي زين ليه ياحياه قولتله كفايه يارامي بقى كفايه حرام عليك انا مش ناقصه مشاكل انا فيا اللي مكفيني قالي لو ماقولتليش علي اللي بيحصل مش هخرج وقرب مني اوي ولمس خدي وبقت عنيا في عنيه قالي قوليلي ياحياه ايه اللي حصل لده كله ليه عملتي كده انا عارف انك بتحبيني عمرك في يوم ما بصيتي لزين قولتله طيب ممكن تخرج دلوقتي وبكره نبقى نتقابل في نفس المكان اللي كنا فيه الصبح بصلي كده وابتسم وقالي موافق ياحياه بس لو ماجيتيش هتلاقيني عندك هنا تاني وسابني وطلع.. وقتها فكرت طيب احكيله على اللي حصل عشان يسامحني ويعرف ان ماليش ذنب وان دي تمثيليه ولو قولتله لو زين عرف ممكن يوديني ورا الشمس ساعتها ده غضبه وحش طيب وبعدين اعمل ايه؟ زين جه عملت نفسي نايمه بسرعه على الكنبه قبل ما ييجي واول ما دخل قله الجاكيت بتاعه
وجاب الغطا وغطاني بيه وبعدها فضل باصصلي شويه وكان قريب مني اوي كنت حاسه بصوت نفسي من كتر ما هو قريب مني وابتدي يلمس شعري ويطبطب عليا بحنيه كنت فرحانه من جوايا مش فاهمه ليه؟ وبعدها سابني ونام على السرير وطلع النهار وبرضوا مش بلاقيه زي كل مره بس لاقيت المصيبه الكبيره هيام بنت خال زين جت الفيلا ومامت زين قالتلها انها تقعد عندهم عشان باباها مسافر ومش هينفع تسيب بنت اخوها تقعد لوحدها بصراحه هيام دي جميله اوي انا مش فاهمه ازاي زين سابها وعمل فيها كده ليه؟
طلعت عشان افطر معاهم وأقعد معاهم على نفس السفره مديحه هانم قالتلي بكل برود
حيآآآآه انتي نسيتي نفسك ولا ايه انتي مكانك مش هنا ياحبيبتي انتي مكانك المطبخ مع الخدامين قومي من هنا حالا
هنتني قدام رامي للمره التانيه بس الغريبه ان رامي سمع كلام امه ومتكلمش ومنطقش حرف واحد ولما بصيتله حط وشه في الأرض قَومت وانا بقولها فعلا انتي عندك حق انا مكاني وسطهم عشان هما طيبين
وسيبتهم ومشيت ودخلت عند دادا حكمت وقعدت تقولي ما تزعليش وفضلت اعيط في حضنها وانا بعيط جت هيام وقالتلي ماتزعليش من عمتو دي طيبه اوي بكره هتحبيها قولتلها ابدا مافيش حاجه قالتلي طيب يالا بقى روحي هاتيللي كوبايه مايه قولتلها نعم قالتلي سوري نسيت انك مابقيتش شغاله خدامه هنا دادا حكمت جابتلها المايه حسيت اني مخنوقه من كل حاجه حواليا ده مش بيتي ولا مكاني رجعت بيتي القديم حسيت بالراحه فيه اووووى ولاقيت صاحب البيت بيخبط عليا وعاوز الإيجار المتأخر
طيب وبعدين انا معييش فلوس عشان ادفعله اترجيته يستنى عليا شويه ادالي مهله اسبوع واحد بس يا اما هيرملنا العفش بره.. وافتكرت بعدها معادي مع رامي روحت المكان وشوفته واقف من بعيد وجنبه الموتوسيكل بتاعه وفكرت في كل مره يحصل فيها موقف من أمه ليا عمره ما وقف معايا في اي حاجه هو اه بيقول انه بيحبني بس مش حسه انه جنبي.. معرفش ليه في نفس اللحظه روحت بعدت عنه على طول ورجعت على الفيلا ودخلت اوضتي لاقيت حته فستان تحفه لونه بيبي بلو محطوط على السرير ومكتوب ورقه بتقول اجهزي عندي عشا عمل ولازم تكوني موجوده معايا
لبست وجهزت حطيت ميكب وكنت زي القمر واتصل بيا ولاقيت مامته وهيام كمان جايين معانا اخدني من ايدي وركبنا العربيه وهما جم في عربيه تانيه قولتله هي مامتك وهيام جايين معانا قالي اه ده عشا عمل وفي نفس الوقت صاحب الشركه اللي هنتعاقد معاه يبقى صاحب والدي الله يرحمه وطلب انه يشوفنا كلنا قولتله طيب ورامي ماجاش ليه؟
قالي رامي تلاقيه مع الشله االبايظه بتاعته ولأول مره رامي راح فتح باب العربيه وقاله لا يازين انا جاي معاكم المره دي زين قاله غريبه قاله ماتستغربش
من هنا ورايح كل حاجه هتتغير ومشينا كلنا وروحنا على مطعم شيك جدا وفخم اوي بقوا يتكلموا ويضحكوا على كلام مالوش لازمه كلهم وكل شويه ابص على الشوك والمعالق اللي قدامي وانا مش فاهمه اي المعالق دي كلها بقي زين كل ما ينزل طبق يشاورلي بعنيه استخدم انهه معلقه كنت متوتره جدا وانا معاهم مكنتش واخده راحتي ابدا.. لحد ما جت الشوربه والجرسون بيقدمها اتلغبطت جدا واخدتها من ايده ووقعت عليا وبهدلت فستاني طبعا هيام ومامتها فضلوا يضحكوا ورامي بصلي وقام بسرعه عشان يلحقني زين قاله خليك انت واخدني ووداني الحمام عشان انضف الفستان وفضل يقولي انتي هتفضلي لحد امتى فضحاني كده اي دي مجرد شربه قولتله اسفه مكنتش اقصد قالي ادخلي بسرعه نضفي الفستان الزفت ده كلامه معايا كان قاسي اوي ودخلت فضلت اعيط كنت بتمنى ال ٦ شهور يخلصوا بأي طريقه ورجعنا الطرابيزه تاني وهيام طلبت من زين قدام كل اللي موجودين انها ترقص معاه وافق وقاموا يرقصوا بقت عيني على زين في كل لحظه وهو ماسكها وبيرقص معاها وهي تميل عليه اكتر وتحضنه اكتر
وبعدها رامي طلب مني اني ارقص معاه وقومت معاه فعلا بقى زين يبصلي وانا برقص مع اخوه وعنيه كلها غيظ وانا برقص مع رامي كان بيتكلم معايا بس مكنتش سمعاه من كتر ما انا مركزه مع زين ومره واحده وانا برقص الكعب بتاعي اتكسر ورجلي اتعوجت بقيت مش قادره أقف عليها رامي اخدني وقعدني على كرسي وبيمسك رجلي عشان يشوف الوجع فين زين مسك ايده وقاله ماتلمسهاش
وشالني قدام كل الموجودين ♥️
فضلا وليس امرا المتابعه لصفحتي الشخصيه وشكرا لحضراتكم لنزول الاجزاء بسرعه
تعليقات
إرسال تعليق