سكربت احببت لدغه كامل وحصري على مدونة النجم المتوهج للروايات والمعلومات بقلم يارا عبد السلام
 |
سكربت احببت لدغه كامل وحصري على مدونة النجم المتوهج للروايات والمعلومات بقلم يارا عبد السلام
يا انسه يا انسه رايحه فين ممنوع الدخول
_وانت مالك يا اخويا يايحه (رايحه)فين ولا جايه منين وسع كدا من قدامي وانت عسل وحليوه كدا
بصلها وضحك على شكلها وكمان طريقه كلامها واللي زاد عليه اللدغه اللي عندها في حرف الراء..
عمر بضحك:قولتلك ممنوع الدخول علشان في حادثه جوا والدنيا مقلوبه
)رنا :انا دكتويه (دكتوره) هنا على فكيه (فكره)
عمر :اصلا هم كشفوا على لسانك قبل ما يدخلوكي طب
رنا:لا مكشفوش يا استاذ متنمى (متنمر)يبنا يسامحك
عمر بضحك:يا رب يختى..
بس تعرفي انتى زي القمر اوووي
رنا بكسوف:انت جاي هنا علشان الحادثه ولا جاي تعاكس
عمر:الصراحه مكنتش ناوي اعاكس بس انتى كلك على بعضك باكدج ميتفوتش
رنا بضحك:في عيوض الخميس والجمعة هاققققققاوووو
عمر:دانتى ظريفه كمان
رنا:بيقولو كدا عن اذنك بقى علشان الحق شغلى
عمر:استنى هنا فين الكارنيه
رنا ببراءه:نسيته والله يا حضية الظابط مكنتش اعيف اني هشوفك
عمر:صدقى صعبتي عليا
بصي هدخلك بس بشرط
_اي
_اسمك اي
_ينا
_اي!
_ينا ينا
_مش فاهم
طلعت قلم من شنطتها وكتبته على أيدها
وهوا فطسان ضحك..
رنا:اهو اي حاجه تانيه
_اه استنى.
لو قولتى الجمله دي هدخلك
_اي
_قولى ارنبنا في منور انور وارنب منور في منورنا
_مين انوى
مش هقول حاجه يا متنمى انت وسع كدا
عنيها دمعت باحراج وهوا وسعلها لما شاف دموعها وحس أنه زودها معاها..
وهى دخلت وهى مدمعه
رنا المشكله دي مقابلاها دائما في الشغل والبيت والشارع والمواصلات وكل حته بتروحها بتتعرض فيها للتنمر بسبب حرف الراء اللي عندها حاولت كتير تصلحه بس للاسف لسه موجود وكأنه عيب خلقي...
_بس بس بس
رنا بصتله وهى خارجه بعد مخلصت شغل
_نعم
عمر قرب منها:احم انتى لسه زعلانه انا كنت بهزر معاكى والله اول مره اقابل بنت زيك كدا
_تمام مفيش مشكله عن اذنك
_احم استنى بس انا كنت عاوز اقولك
انك قمى اووي يا ينا
وضحك وسابها ومشي..
_حقيييي(حقير)
روحت البيت
ولاول مره تبتسم بسبب حد اتنمر عليها هوا اتنمر بس كان دمه خفيف مش تريقه منه ..
عدي شهر على الموقف دا رنا كانت كل يوم بتروح الشغل وترجع بنفس الروتين وطبعا مكنتش بتسلم من التنمر عليها لكن طبعا زي ما هى متعوده مش بتسمع لحد وعلاقتها محدوده مع الناس منعا التريقه
ومتنكرش أن الموقف لسه معلق معاها وكل لما تفتكره تبتسم
*اي يا رنا انتى اعجبتي بالظابط ولا اي
_يا ماما بقى مش عوزا اتجوز قولتلك مليون ميه انا كل لما اقعد مع واحد يتييق عليا ويمشي ييضيكي (يرضيكي) كدا
_يبنتي اسمعى الكلام واخر مره والله مش هخليكي تقعدي مع حد تاني
_تمام يا ماما اخى ميه (اخر مره)
_ايوا يا حبيبتي
ادخلى البسي بقى علشان زمانه على وصول
رنا دخلت ولبست واتنفست الصعداء وخرجت
وقعدت جنب امها
امها:انا هقوم اجيب الشاي وجايه
عمر بص لرنا للي كانت لسه في الأرض ومكسوفه
_هتفضلي لسه في الأرض كدا كتيير
رنا بصدمه:انت اي اللي جابك هنا يا متنمى انت انا مش هتجوز انا
_لا هتتجوزيني انا يا ينا
_بيضو(برضو)
_ايوا علشان دي اكتر حاجه حبيتها فيكي
_اي هوا في حد بيحب اللدغه
_اها انا بحبها وبحبك
_ها
انت بتقول اي
_الحقيقه يا رنا انتى اثرتيني من اول نظره
حياتى بقت احسن بكتير انا حسيت فعلا بالتغيير
_يا شيخ دانا حتى معرفش اسمك
_منا خايف اقول اسمي ترفضينى
_ لي اسمك اي
_عمر
_اي عمى انت عاوز تعذبني طول حياتى صح ولو عاوزة ادلعك اقولك اي
_يا عموري أو مراميرو
_انت بتصعبها عليا
_يستي لا متقوليش عمر خالص انا هكتفي بكلمة حبيبي اي رايك
_نعم انت بتهزي وكمان انا لسه موافقتش
_ومين قالك انى باخد رايك المأذون جاي في الطريق اصلا
_هقوله مش موافقه
_مش موافقه اي هوا انتى لاقيه حد يعبرك يا بايره احمدي ربنا أنى عطفت عليكي وحبيتك كدا شفقه
_انا باييه دانا بيجيلي عرسان مقولكش اللي سباك واللي حلاق واللي سواق وانا اللي برفض تيجي انت يا حته ظابط بنجمتين واوافق عليك وكمان حلو وقمور لي بيميم(برمرم)
_فعلا عندك حق بس عاوز اقولك أن حته الظابط دا هيعلق نجمه الشهر الجاي يلا ملكيش في الطيب نصيب وافقي عالسباك بقى
_استنى بس يا عمى الكلام اخد وعطى
قولتلي هتعلق كام نجمه
_نجمه
_يا صلاة النبي المأذون يما..
_مش قبل ما تقولى بحبك يا مراميرو
_لا
_قولى
_احم بحبك
_يا اي
_يا ميامييوو
_وانا كمان
_انت كمان اي
_بحبك
يا ينا...
_قولى ارنبنا في منور انور وارنب منور في منورنا..
_مين انور
_ابننا..
_يووووه هوا ورايا ورايا
_والزمن طويل ...
_عاوز اقولك انى بعد السنين دي كلها انى احببت لدغه..
يا لدغه حياتى..
_تسلم يا ميامييوو
_بحبك يا قلب ميامييوو من جوا
_يما المأذون بقى..
_اه يا مجنونه
_علشان حبيتك❤️
تمت😂😂
حاجه صغيره كدا تكسر الملل والنكد🙂😂😂
