رواية شبيهتى الغنية البارت الرابع عشر والخامس عشر والسادس عشر والسابع عشر والثامن عشر والتاسع عشر بقلم إسراء عبدالله
 |
بارت 14
فى مكان شعبى وبه الكثير من المجرمين حيث يسكن ذالك المدعو
ايمن
على بينزل من عربيته وعينه على ساره وخايف يحصلها حاجه
على .. هاتى الورقة الى فيها العنوان
ساره.. حاضر وبتطلعا وتمد اديها وتعطيها لى على
على بيطلع فلوس من جيبه ويعطيها لأحد الماره حتى يدله على بيت
ايمن
ماتحاسبى ي ابله قالها شخص موجه كلامه لساره الذى اوقعت
ما بيده
ساره بخوف من هيئتة .. انا اسفه والله مش قصدى
الراجل بيقرب من سارة عشان يشدها تلم الحاجه الى وقعتها بس على
بيمسك ايده ويدفعه للخلف ويعطيه ثمن الاشياء التى وقعت على
الأرض
على بيمسك ايد ساره وياخدها ويمشى ساره شعرت بالخجل والتوتر
لكنها لم تعلق وبقت بجانبه ممسكة بيده حتى تشعر بالقليل من الأمان
على بعد ان وصل لبيت ايمن .. عاوز كام وتجيب الصور بكل نسخها
ساره بأعتراض ..لا مش هياخد ولا مليم وهيمسح الصور غصب عنه
على .. اسكتى انتى ي نور
ايمن .. صور اى بس ي بيه انا مش فاهم حاجه
على .. انت هتستعبط ي روح امك اخلص قول هتاخد كام قبل مااغير
رأيى ومش هديك ولا مليم زى مهى قالت
ايمن .. 20 الف جنيه عشان خاطرك بس ي بيه
على .. حلو اوى تدفع انت بقا فى دا كام
وبيطلع من جيبه التلفون وكان عامله على وضع التسجيل وسجل كلام
ايمن
ايمن بخوف فهو فهم ما يرمى اليه على .. مش فاهم حاجه
على ..التلفون دا سجل كلامك دلوقتى وانت بتطلب فلوس عشان
تمسح الصور واقدر اوديك فى ستين داهيه
ايمن .. انتوا عاوزين منى اى دلوقتى وانا هعمله
ساره بتدخل .. هتمسح كل الصور بتاعت سها بكل النسخ وهتمسح
رقمها ومش هتفكر تقربلها تانى والتسجيل دا هيفضل معايا لو حاولت
تقرب منها مجرد محاولة بس هوديك فى داهية تاخدك
ايمن ..حاضر حاضر هعمل كل الى انتوا عاوزينه والله
على بياخد سارة عشان يوصلها البيت
....
دى بقا ست الحسن الى خدت قلبك
فارس .. انتى هنا بتعملى اى وعازه اى
البنت .. استنى بس اشوف الحلوة الى معاك دى فيها اى يخليك تتوب
ومعدتش تيجى تسهر معانا
نور .. مين دى ي فارس وبتتكلم عن اى
فارس .. متشغليش بالك ي ساره ويلا عشان اروحك
بيبص للبنت بحدة .. لو ممشتيش دلوقتى من وشى هتندمى على
اليوم الى عرفتينى فيه
البنت بتخاف وتمشى
نور .. انا عاوزه اعرف دلوقتى حالا دى تبقا مين وكانت بتكلمك كدا ليه
فارس .. نور اهدى وانا هحكيلك كل حاجه
بيبدأ يحكى لنور عن علاقاته بالبنات وسهراته وكل الى كان بيعمله
وازاى هو اتغير من ساعت ماهى عملت الحادثة ويستغل الفرصه
ويحكى الحقيقة كامله وانهم مكانوش مخطوبين وانها كانت بتكرهه
قبل الحادثة وبيطلب منها انهم يبدأوا صفحة جديدة
نور ..انت كذاب وانا مش هصدق انك اتغيرت انا كنت بكرهك قبل
الحادثة صح وانا بقولك اهو انى لسه بكرهك
فارس .. سارة لو سمحتى انا اتغيرت والله العظيم عشانك
نور .. مش هصدقك الى يكذب مره يكذب ألف ومش عاوزه اعرفك
تانى
نور بتمشى وهى منهارة ولا تستطيع التوقف عن البكاء وفارس بيفضل
واقف مكانه مصدوم من الى حصل وبيندم انه حكى ليها الحقيقة
...
فى سيارة على التى تقف امام منزل نور
سارة وهى بتنزل .. شكرا
على .. اسف
سارة .. اسف على اى
على .. عشان ظنيت فيكى ظن سوء لما طلبتى اننا نتقابل اسف جدا
سارة .. فهمت من نبرت صوتك انك مش طايقنى فكرت انك مش عاوز
تساعدنى
على .. لا والله انا كان شرف ليا انى اساعدك اتمنى تسامحينى
سارة .. سماح المره دى بس عشان ساعدتنى
على .. طيب يستى انا لازم اعوضك عن تفكيرى فيكى وانى حكمت
عليكى من قبل ما أفهم انتى عاوزه تقابلينى ليه
سارة .. اممم انا نفسى اكل بيتزا اوى مكلتهاش من زمان
على .. خلاص هعزمك بكرا فى اكبر مطعم بيتزا
سارة.. اتفقنا يلا باى
...
احمد من غير اى مقدمات .. تتجوزينى
هند .. انت فاكر انى بحكيلك كل دا عشان تشفق عليا وتقولى هتجوزك
احمد.. اى الى بتقولية دا ي هند انا طلبت اتجوزك عشان عاوز اتجوزك
اى الى هيخلينى اشفق عليكى اصلا
هند ودموعها بتنزل .. بطل كذب انا ماشية ومش عاوزه اشوف وشك
تانى ولا بالصدفة حتى ومتفكرش انى محتجاك او محتاجة اى حد
تانى
احمد.. طيب لو قولتلك ان انا الى محتاجك هترضى تسميعنى ي هند
هند.. ولا هسمعك ولا هصدقك بعد اذنك
احمد.. هند لو سمحتى اسمعينى انا بحبك ايوا بحبك حبيتك من اول
مره شوفتك فيها ممكن تدينى فرصة اثبتلك انى بحبك ومش هتخلى
عنك ابدا
هند.. اسفة ي دكتور احمد انا مش بحبك ربنا يرزقك ببنت الحلال
هند بتمشى وهى مش قارده تبطل عياط وبتكلم نفسها بصوت عالى
وتقول .. ليه عملتى كدا ي غبية انتى بتحبية وهو كان هيساعدك
ومش هيتخلى عنك زى مقال بترد على صوت افكارها بعند وتقول لا
انا عملت الصح دا احسن ليه طلاما بحبه يبقا لازم افكر فى مصلحته
ومبقاش انانية وافكر فى نفسى بس
هكملها هنا عشان محدش يضايق
رواية (شبيهتى الغنية )
بارت 15
مالك ي سارة بتعيطى ليه
نور.. انتوا مستحيل تكونوا اهلى
سهر.. فى اى ي ساره اى الكلام الغارغ دا
نور .. لا مش كلام فارغ انتوا لو اهلى بجد وبتحبونى وبتخافوا عليا
عمركم مكنتوا كذبتوا عليا وقولتولى على واحد بكرهه انى بحبه
عز .. سارة يحبيبتى اهدى احنا عملنا كدا عشان مصلحتك
نور .. لا والله مصلحتى مع واحد بكرهه واحد كل حياته بنات وبس
وسهر مع ناس شبهه
سهر .. بس هو بطل كل دا عشانك ي سارة فارس بيحبك بجد
مضيعهوش من ايدك
نور .. انا بكرهكم كلكم وبتطلع تجرى على اوضتها
...
فى صباح يوم جديد
احمد بيقرر يروح لهند ويعتزر ليها على الى حصل امبارح
هند وهى بتفتح الباب.. مين
احمد .. افتحى ي هند
هند .. اتفضل ي دكتور احمد خير فى حاجة
احمد .. انا اسف على الى حصل امبارح كنت فاكر انك بتبادلينى
نفس المشاعر
هند.. ولا يهمك حصل خير وانا اسفة لو جرحتك امبارح انت عارف ان
الحب مش بأدينا
احمد بكسرة وقلة حيلة .. طبعا عارف وانتى مغلطيش انتى قولتى
الحقيقة عن اذنك عشان رايح المستشفى
هند مجرد مهو بيمشى بتقفل الباب وتفضل تعيط وتكرر كلمة اسفة
...
فى منزل عيلة نور
سها.. نور احكيلى عملتى اى مع ايمن انا مردتش ازعجك بليل
سارة .. كل حاجه اتحلت خلاص والكلب الى اسمه ايمن دا مش
هيكلمك تانى ولو شوفتى خيالة بس بالصدفة قوليلى
سها.. شكرا ي نور انا مش عارفه انا منغيرك كنت هعمل اى
سارة.. شكرا اى يبنتى احنا اخوات
سها.. نور انا أسفة انا عمرى معتبرتك اختى وكنت ديما بغير من
حب ماما ليكى حتى لما اختفيتى انا كنت مبسوطه وكنت بتمنى
مترجعيش سامحينى ونبى ي نور
سارة .. متتأسفيش وانا مش زعلانة منك انتى مغلطيش الغلط من
اهلنا عشان ميزوا حد على حساب التانى وبيخلقوا كره وحقد كبير
بين الاخوات
سها بتحضن نور وتقولها بحبك اوى انتى احسن اخت فى الدنيا
هدى بتشوفهم وتقول اخيرا كنت مستنيه اليوم دا من زمان اوى
...
فى منزل عيلة سارة
فارس بيدخل البيت بعصبية ويقولهم سارة فين
سهر .. عاوز منها اى ي فارس كفاية الى هى فيه بسببك
فارس .. عاوز اشوف سارة والا متلوموش الا نفسكم
سهر.. انت اتجننت ولا اى
فارس .. ايوا اتجننت مش بعد متخلونى احبها واسيب كل حاجه
عشانها عاوزين تاخدوها منى
سهر .. محدش كان هياخدها منك انت الى غبى وروحت حكيت
ليها كل حاجه
فارس.. غبى عشان طلعت احسن منكم كلكم وحكيت ليها الحقيقة
كاملة
عاوز اى قالتها نور وهى تنزل من على الدرج بعد ان سمعت صوت
صراخ فارس وهى بداخل غرفتها
فارس بيجرى عليها ويمسك اديها.. عاوزك ي ساره انا اتغيرت
عشانك وحبيتك مش بعد دا كله عاوزه تسيبينى ادينى فرصة واحدة
نور ببرود.. وانا اى يضمنلى انك اتغيرت
فارس .. انا ضمانك لو مكنتش اتغيرت مكنتش حكيت ليكى كل حاجه
ولا عمرى كنت هقولك انك كنتى بتكرهينى قبل الحادثة
نور .. بص ي فارس حاليا منكرش انى حاسه بمشاعر حلوة تجاهك
بس انا معرفش دا حب ولا دا عشان انتوا كذبتوا عليا وقولتوا انى
كنت بحبك
فارس .. هنحاول سوا ي سارة وهتحبينى دا لو مكنتيش بتحبينى
اصلا
نور.. طيب اي يضمنلك ان او ذاكرتى رجعت مرجعش اكرهك تانى
فارس .. حتى لو كرهتينى تانى هحاول معاكى مره ومليون لحد
متحبينى تانى
نور بتقرر تديله فرصة ويعملوا الخطوبة فى نفس المعاد الى حددوه
...
سارة وهى بتركب العربية بتاعت على .. اتأخرت خمس دقايق ي
استاذ على
على .. اسف ي أنسة نور كان عندى شغل بس
سارة .. ولا يهمك المهم يلا بسرعه عشان انا جعانة
على .. اختارى المطعم الى هنروحوا
سارة .. انت الى عازمنى اختار انت بس بسرعه وحيات عيالك
عشان جعانه
على بياخدها مطعم مخصص للبيتزا هو عارفه وبيطلبوا طلبهم
ويستنوه
على وهو جالس امام سارة .. احكيلى عنك شوية
سارة بتختصر الموضوع عشان بتكون مكسلة تحكيلة حكايتها كاملة ..
انا فاقدة الذاكرة واهلى قالولى ان اسمى نور
على.. اممم بتروحى لدكتور وتتطمنى على حالتك وكدا
سارة .. لا مش بروح
على .. لية مش عاوزة ذاكرتك ترجعلك ولا اى
سارة.. ادينى مستنياها اهو انا هطير يعنى رجعت رجعت مرجعتش
هى حرة
على بيضحك على كلامها ويقولها انتى هبلة ي نور صح
سارة.. انا يبنى دا محدش عاقل قدى
على .. اه اه مهو واضح
سارة انتى بتعملى اى هنا قالها شخص ما يعرف سارة جيدا ولا
يعرف نور
رواية ( شبيهتى الغنية )
بارت 16
سارة انتى بتعملى اى هنا قالها شخص ما يعرف سارة جيدا ولا
يعرف نور
سارة .. نورا حبيبتى عاملة اى وقامت تسلم عليها
نورا.. الحمدلله وانتى اخبارك اى
سارة .. كويسه فينك مش بتبانى
نورا .. الجوزا بقا
نورا من يوم يومها شايفة انها عملت انجاز عشان سابت التعليم
واتحوزت وان سارة فيها عيب عشان كدا مش عاوزة تتجوز بس سارة
اهتمامها كلة كان رايح للتعليم ومستقبلها كان اول اهتمامها
سارة .. ربنا يكون فى عونك يحبيبتى
نورا .. صحيح مين دا وماله متنح كدا
على كان قاعد مستغرب هى ليه بتناديها سارة
سارة .. دا على خطيبى
نورا .. اممم مش شيفاكى يعنى لابسة دبلة ولا خاتم
سارة ..ام ماحنا هنعلن خطوبتنا قريب وهيجبلى الماس وطبعا انتى
هتبقى اول واحده معزومة
نورا بتتغاظ وتمشى
على بأستغراب .. ممكن افهم فى اى قولتلها ليه انى خطيبك وليه
هى نداتك سارة مش انتى اسمك نور
سارة بتوتر .. ايوا اسمى نور بس مكنتش بحب اسم نور وكنت بخلى
صحابى ينادونى سارة
علم بشك .. طيب لية قولتيلها انى خطيبك
سارة .. عشان لو مكنتش قولت كدا مكنتش هعرف اخلص من
اسئلتها
على .. المهم بقولك اى
سارة .. خير
على .. خطوبة فارس صاحبى بعد بكرة اى رأيك تيجى معايا اهو
تغيرى جو
سارة.. مبارك ليه
على .. هااا هتيجى
سارة .. مش عارفة لو عرفت اهرب من ماما هاجى
بيخلصوا اكل وبياخدها يروحها
...
فى العمارة التى تسكن بها هند
احمد بيرجع من المستشفى وبيكون عاوز يطمن على هند قبل
مايدخل شقتة بيخبط كتير على باب هند ومفيش رد بيقلق عليها
وبيكسر الباب بيلاقيها مرمية على الارض بيشيلها وياخدها على
المستشفى
الدكتور وهو خارج من عند هند .. هى كويسة والحمدلله المرض لسه
فى اوله ونسبة شفائها منه كبيرة
احمد .. مرض اى انا مش فاهم حاجة
الدكتور.. المدام عندها كانسر فى الدماغ انت متعرفش ولا اى
احمد دموعة بتنزل ومش بيعرف يرد وبيسيب الدكتور واقف ويجرى
يروح عند هند
احمد بعتاب ودموعة لسه بتنزل .. ليه مقولتليش
هند بتشاركة البكاء .. كنت خايفة عليك
احمد.. انتى انانية وكنتى عاوزة تشيلى تعبك ووجعك لوحدك صحيح
منتى لو بتحبينى اكيد مكنتيش هتخبى عليا بس انا ولا حاجة
بالنسبة ليكى عشان كدا خبيتى عليا
هند ببكاء.. لا ي احمد انت فهمت غلط انا خبيت عليك عشان
بحبك وكنت عوزاك تكرهنى عشان متزعلش لما اموت
احمد مش عارف يفرح عشان هى بتحبه ولا يزعل عشان المرض
بتاعها.. الدكتور قال ان المرض لسه فى الأول ونسبة الشفاء منه
كبيرة وهتتعالجى وهنتجوز وهنعيش عمرنا كله سوا انا بحبك ومش
هستغنى عنك ابدا
هند .. وانا كمان بحبك اوى خليك جنبى انا كنت غبية لما فكرت
ابعد عنك
...
هتفضلى قالبة وشك كدا قالها فارس لنور الجالسة بجوارة فى
السيارة
نور .. لو مش عاجبك متبصليش
فارس .. انتى رخمة كدا لمين يبنتى
نور .. ليك هيكون لمين
فارس .. ماشى يستى بس اول مره اشوف قمر مكشر كدا
نور .. فارس انت بتحبنى بجد
فارس .. بحبك اوي ي سارة اكتر من نفسى واكتر من اى حد فى
الدنيا
نور وانا كمان بحبك علفكرة
فارس بثقة مخلوطة بغرور .. عارف كدا كدا
نور.. مغرور
فارس .. بس بحبك
نور بتتكسف وتسكت
....
فى منزل عيلة نور
هدى وهى تحدث سعيد فى الهاتف ... نور فيها حاجة غلط ي
سعيد دى مش بنتى انا متأكده
سعيد.. قصدك ان هى ممكن تكون البنت التانية
هدى .. معرفش الى متأكدة منه ان دى مش بنتى نور
سعيد .. طيب هنعمل اى دلوقتى ونور هتكون فين لو دى مش نور
احنا لو انكشفنا هنروح فى ستين داهية
هدى ..هتروح بكرة قصر عز الرفاعى وتتأكد بنتهم هناك معاهم ولا
لا
سعيد .. انتى اتجننتى عوزانى اروح برجلى ليهم عوزاهم يحبسونى
هدى .. انتى غبى ليه هما اصلا ميعرفوش حاجة عن الى حصل زمان
انت هتدخل على انك واحد من الخدامين وتجبلى نهاية الموضوع
سعيد.. اما نشوف اخرتها معاكى شكل اخرتى هتبقا على ايدك
هدى .. انا ميهمنيش اى حاجة غير بنتى نور وانا متأكدة ان الى هنا
دى مش نور
اى الى انتى بتقوليه دا ي ماما مش نور ازاى قالها شخص ما بعد
ان استمع لحديث هدى
رواية ( شبيهتى الغنية )
بارت 17
اى الى انتى بتقوليه دا ي ماما مش نور ازاى قالها شخص ما بعد
ان استمع لحديث هدى
هدى ..علا انتى بتعملى اى هنا
علا.. ردى عليا ي ماما مش نور ازاى
هدى ..انا حاسة ان البنت الى عايشة معانا دى مش نور اختك
علا .. مش نور ازاى ي ماما اى الى بتقولية دا هو احنا فى مسلسل
والبطلة هيطلع ليها شبيهه
هدى بتقعود على الارض وتعيط .. مش شبيها يبنتى مش شبيها
علا.. اومال اى ماما ولية بتعيطى دلوقتى
هدى .. انا مش هسمح ان حد ياخد بنتى منى دى بنتى انا
علا .. اهدى ي ماما وفهمينى فى اى
هدى .. انتى كبرتى ي علا والحمل دا بقا تقيل على قلبى اوى
ومحتاجة احكية لحد
علا .. ماما احكى فى اى قلقتينى
...
فى المستشفى عند هند
احمد .. هكرر طلبى تانى ي هند ولو رفضتى صدقينى المرة دى
مش هسامحك قوليلى ي هند موافقة تتجوزينى
هند.. احمد انت اى الى يجبرك تعيش مع واحدة مريضة زيي
احمد بيتجاهل الكلام ويقول .. تتجوزينى وافقى عشان خاطرى
هند.. موافقة بس عاوزة اشوف سارة
احمد.. هتصل عليها بكرة الصبح واخليها تجيلك بس فى حاجة عاوز
اقولك عليها
هند.. اى هى قول هموت صح
احمد .. هند انتى عبيطة يحبيبتى صح
هند .. انجز قول خوفتنى
احمد .. انجز اى يبنتى احترمينى انا هبقا زوجك
هند.. يبنى ليك الشرف انت هتبقا جوز هند
احمد بيضحك على كلامها
هند.. مش وقتة ضحك قول كنت هتقول اى
احمد .. بصى يستى انا من دلوقتى مش هينفع اسيبك لوحدك وطبعا
انتى مش هترضى تيجى تعيشى معايا كدا وخصوصا عشان انا
عايش لوحدى فأنا فكرت فى فكرتين
هند .. اممم ابهرنى
احمد .. الفكرة الاولى نكتب الكتاب دلوقتى وتيجى تعيشى معايا
ولما تبقى كويسة هنعمل الفرح الى انتى نفسك فيه
هند.. طيب والغكرة التانية
احمد .. تروحى تعيشى مع سارة فى بيت نور او مع نور فى بيت
سارة
هند.. اى اللخبطة دى
احمد.. فكرى بس وقررى عشان هتطلعى من المستشفى بكرة
...
انتى ازاى تعملى كدا ازاى تخطفى بنت من اهلها قالتها علا بعد
ان استمعت لحديث والدتها كامل
هدى .. لا احنا الى اهلها دى بنتى انا وانا اول واحده شالتها بين
اديها و اول اسم نطقته كان اسمى وانا الى ربيتها وحبيتها كل
السنين دى
علا.. انتى مصدقة نفسك ولا اى انتى انانية وكنتى بتستغلى نور
هدى بكاء .. بستغلها ازاى انا حبيتها اكتر منك انتى واختك دى
كانت اول فرحتى وبنتى الاولى
علا.. بطلى كذب بقا حبتيها ازاى وانتى حرمتيها الاول من اهلها
وبعدين حرمتيها من التعليم وخلتيها تشتغل عشان تصرف علكى
وعلى عيالك
هدى.. لا انا محرمتهاش من حاجة هى الى كانت عاوزة تعمل كدا
وتصرف على البيت وتساعدنى
علا.. نور عمرها ماكانت عاوزة تخرج من التعليم ولا كانت حابة
تشتغل وكل يوم تصحى تروح شغل وتيجى اخر اليوم مهدودة تاكل
وتنام
هدى .. بس اسكتى نور عارفة انى بحبها وانا عارفة انها بتحبنى انا
عملت كل حاجة عشان اسعدها
علا.. تسعديها ازاى وانتى حرمتيها من عيلتها وكل السنين دى
شايفة نور نفسها ترتاح وتبقا غنية ومفكرتيش تقوليلها الحقيقة
هدى .. عوزانى اقولها الحقيقة عشان تبعد عنى وتسيبنى
وتكرهنى كمان
علا.. لا تقوليلها الحقيقة احسن متعرفها لوحدها يمكن تقدر
تسامحك
هدى.. لا مش هقولها حاجة ولو هى نور فعلا انا مستحيل اقولها
حاجة ولو مش نور انا هعرف ارجع بنتى
علا.. انتى ازاى كدا انا بكرهك انا هحكى لنور كل حاجه فجأة بينزل
قلم قوى على وجهها
هدى بتحذير .. اخرسى مش عاوزة اسمع صوتك نور بنتى انا ولو
فكرتى بس مجرد تفكير انك تقوليلها حاجة هتكونى لا بنتى ولا
اعرفك وهتشوفى وش عمرك مشوفتية
علا .. ببكاء .. وانا اى يضمنلى انى بنتك اصلا مايمكن خطفانى من
اهلى برضو ربنا يسامحك ويهديكى ي امى
....
فى المسشفى عند هند
هند وهى تتحدث بالهاتف .. ايوا ي طنط سهر اخبارك اى
سهر .. كويسه يينتى انتى اخبارك اى وليه مجتيش تشوفى سارة
من يوم الحادثة
هند.. اسفة ي طنط والله تعبانه شوية
سهر .. ألف سلامة يحبيبتى
هند .. الله يسلمك ي طنط طمنينى نور اخبارها ثم تتراجع بسرعة
قصدى سارة معلش بس مش مركزة
سهر .. احسن من الاول بكتير وبدأت تاخد على الجو وكمان بدأت
تحب فارس او تقريبا بقت بتحبه خلاص وكمان الخطوبة بتاعتهم يوم
الجمعة متنسيش تيجى
هند بخوف من القادم .. اكيد انا اول واحدة هتيجى
سهر .. تمام يبنتى تنورى يلا تصبحى على خير اسيبك ترتاحى
...
فى صباح يوم جديد
هدى وهى تحدث سعيد فى الهاتف .. هااا عملت اى
سعيد.. بنتهم موجودة فى القصر وسمعت انها عملت حادثة فى
نفس اليوم الى انا جبتلك فيه نور البيت وبيقولوا انها راجعة فاقدة
للذاكرة و خطوبتها الجمعة الجاية على ابن عمها الى كانت بتكرهه
قبل الحادثة و دلوقتى بتحبه ووافقت تتخطبله
هدى .. انا كدا اتأكد ان البنت الى هنا دى مش نور بنتى
سعيد .. هتعملى اى
هدى .. سلام انا هتصرف
بتدخل عند سارة الأوضة وبتكون سارة لسه نايمه
هدى بتجيب كوباية ماية وترميها فى وش سارة
سارة بخضة وهى بتمسح وشها.. فى اى ي ماما حد يصحى حد كدة
هدى وهى بتسحبها من شعرها .. ماما اى يبت انتى انتى
صدقتى نفسك ولا اى
سارة بتخاف وتتوتر .. فى اى ي ماما انا عملت اى
هدى بتحذير .. هتنطقى وتقولى كل حاجة ولا اتصرف معاكى
بطريقتى
بارت 18
هدى بتحذير .. هتنطقى وتقولى كل حاجة ولا اتصرف معاكى
بطريقتى
سارة .. انا مش عارفة انتى بتتكلمى عن اى
هدى بتضربها بالقلم وتقولها.. وغلاوة بنتى نور عندى لو منطقتى
انتى مين وبتعملى هنا اى يبت انتى لأكون حارقة قلب امك
وابوكى عليكى
سارة ببكاء .. هحكيلك كل حاجة والله انا مقصدش كل الى حصل دا
هدى .. ايوا كدا قوليلى بقا كل الى حصل من الألف للياء
سارة بتحكيلها كل الى حصل
هدى يعنى بنتى دلوقتى عايشة فى بيتك وفاقدة الذاكرة بسببك
وبسبب غبائك وانك خبطيها بعربيتك
سارة .. انا اسفة والله العظيم مقصدش اى حاجة من الى حصلت
وانا هحل كل حاجة
هدى .. وهتحليها ازاى الى زيك مش بيعرف يصلح بيبوظ حياة
الناس بس
سارة .. عارفة ان حقك تقولى اكتر من كدا بس انا مش وحشة والله
ولا اقصد أأذى بنتك انا هروح بينى دلوقتى وهحكى الحقيقة لماما
وبابا وهجبلك بنتك لحد عندك
هدى .. لا انتى هتتحبسى هنا ومش هتتحركى ولا هسمع صوتك
وانا هتصرف
هدى بتخاف ان عيلة سارة تعرف ان بنتهم ليها واحده شبها عشان
وقتها هيعرفوا الحقيقة
...
نور وهى بتكلم فارس فى التلفون
ممكن تاخدنى معاك الشركة انهارده
فارس.. حاضر بس ليه
نور .. زهقت من البيت
فارس .. طيب اخرجك اى مكان على زوقى احسن
نور.. لا انا عاوزة اروح الشركة
فارس حاضر البسى وجهزى نفسك وانا هعدى عليكى كمان نص
ساعة
بتقوم تلبس وبعدها بنص ساعة بيكو فارس وصل وبياخدها ويمشى
فارس بياخد نور واول حاجة بيعملها بياخدها يعرفها على علي فى
المكتب بتاعه
فارس .. يسعدنى ان اقدم لك زوجتى المستقبلية وخطيبتى الأن
على اول مبيشوفها بيتصدم ويقول نور
فارس .. نور اى يبنى منا قولتلك مره ان اسمها سارة
نور .. اذيك ي استاذ على فارس مش بيبطل كلام عنك
على .. اذيك ي انسة سارة على بيقول لنفسة وكمان بتمثلى انك
متعرفنيش ودلوقتى عرفت ليه صاحبتك كانت بتناديكى سارة
فارس.. عن اذنك بقا عشان حبيبتى عاوزة تتفرج على الشركة كلها
على .. اتفضلوا خدوا راحتكم
على بيكون زعلان وغيران وعاوز يقطع ايد فارس عشان ماسك ايد نور
وبيمسك نفسة بالعافية ويقنع نفسة انه ملوش حق يعمل اى حاجة
....
فى المستشفى عند هند
هند.. هاا لسه مردتش
احمد.. تلفونها مغلق
هند .. طيب اتصل على طنط هدى
احمد .. اتصلت عليها كتير ومش بترد
هند .. وهنعمل اى لازم نطمن عليها ونعرفها الى هيحصل بكرة
احمد .. طيب اى رأيك هخدك دلوقتى واحنا مروحين نعدى عليها
بيت ماما هدى
هند.. حلو يلا نروح دلوقتى حالا
احمد.. براحة استنى هسندك
احمد بياخد هند ويروحوا عند سارة
بيخبط على الباب وهدى بتفتحلة
احمد.. ماما هدى عاملة اى برن عليكى من بدرى ليه مش بتردى
هدى اول مبتشوفه هو وهند بتتوتر .. كويسة يبنى بس معلش
تلفونى عملاه صامت مسمعتوش
احمد.. ولا يهمك ي امى اى مش هتقوليلى اتفضل
هدى بأبتسامة مزيفة .. اكيد اتفضلوا ي حبيبى
هند بعد مدخلت من الباب .. اومال بنت حضرتك فين ي طنط
هدى.. بنتى مش هنا مسافرة مع صحابها
هند بشك صحابها مين وازاى هى اكيد مش عرفاهم عشان فاقدة
الذاكرة
هدى بكذب .. اه مهو يبنتى هى ذاكرتها رجعتلها الحمدلله
هند .. انتى بتقولى اى
احمد بيمسك اديها ويمنعها من انها تتكلم
احمد .. طيب ي طنط هنستأذن احنا بقا
هند وهى خارجة بتتخبط فى علا
علا .. اسفة غصب عنى
هند ولا يهمك وبتخرج من البيت هى واحمد
اكيد الست دى بتكذب قالتها سارة بعد ان دخلت السيارة
احمد.. اكيد فى سبب يخليها تقول كدا
هند.. طيب هنتصرف ازاى دلوقتى
احمد.. مش عارف خلينا نروح البيت دلوقتى ونفكر هناك هلى رواق
هند .. بيت اى
احمد.. بيتى ي هند ولا انتى مفكرة انى هسيبكى ترجعى العمارة
دى تانى
هند.. منت فى الشقة الى قصادى ي حبيبى يعنى لو احتجت
حاجه انتى هتجيلى علطول
احمد.. انتى شايفة كدا يعنى ومش واثقة فيا
هند .. ملهاش علاقة بالثقة ي احمد انا لو مش بثق فيك مكنتش
هحبك ولا هوافق اتجوزك بس هى ليها علاقة بالمبدأ وان مش
هينفت
احمد .. تمام ي هند زى متحبى
وبيوصلها البيت
هند اوا مبتدخل الببت بتطلع تلفونها من الشنطة وهى بطلعه
بتلاقى ورقة وقعت على الارض وتفتكر علا وهى بتخبط فيها
بتفتحها وتقرأ الى فيها وتنصدم
بارت 19
هند اوا مبتدخل الببت بتطلع تلفونها من الشنطة وهى بطلعه
بتلاقى ورقة وقعت على الارض وتفتكر علا وهى بتخبط فيها
بتفتحها وتقرأ الى فيها وتنصدم بيكون مكتوب فى الورقة
البنت الى بتسألى عليها ماما عرفت انها مش بنتها
وحبساها فى الاوضة
هند .. انا لازم اساعد سارة انا السبب فى كل الى حصل دا
بتتصل على احمد وتحكيلة الى حصل
احمد.. اهدى ي هند هنعمل اى دلوقتى نامى وبكرة هنحل كل حاجة
بس اهدى الزعل والعياط دا هيقصر عليكى
هند.. اهدى ازاى وانا السبب فى كل دا انا غبية
احمد.. قولتلك مية مره مش انتى السبب والقدر عاوز كدا واكيد فى
سبب ورا كل دا وهنعرفه اكيد بس انتى اهدى وبطلى عياط
متخوفنيش عليكى
هند.. حاضر ي احمد ههدى
....
فى صباح يوم جديد يوم الجمعة
هند .. انا عرفت انا هعمل اى
احمد .. هتعملى اى
هند.. هروح لنور وهحكيلها كل حاجة وهى الى هتساعدنى انى
ارجع سارة القصر بتاعها
احمد.. خلينا نفكر فى حل تانى اكيد هنلاقى
هند .. لا انا خلاص قررت
احمد .. طيب يلا انا هوصلك وبعدين اروح المستشفى وتبقى
تكلمينى تطمنينى
بياخدها يوصلها القصر
سهر اول مبتشوفها بتروح تحضنها
هند .. سارة فين ي طنط
سهر .. فوق يحبييتى بتجهز اطلعى ساعديها
هند.. حاضر هطلعلها
هند بتدخل عند نور الاوضة
نور اول مبتشوفها بتستغرب
نور .. انتى مين
هند.. انا هند صاحبت سارة
نور .. يعنى صاحبتى
هند.. لا صاحبت سارة
نور.. ايوا منا سارة
هند لا انتى غلطانه انتى نور مش سارة
نور .. نور اى انا مش فاهمه حاجة
هند بتحكى الى حصل كله لنور بس نور مش بتصدق وبتقولها
امشى اطلعى بره
هند.. لو سمحتى ي نور سارة فى خطر مامتك حبساها ولازم
تساعدينى
نور.. اخرسى وامشى اطلعى برة
وفجأة دماغها بتوجعها اوى وبيغمى عليها
هند بتجرى عليها وتساعدها وتنقلها على السرير وتتصل على
احمد وتطلب منه يجى عشان يشوف حالة نور
...
فى منزل على
علي بيكون قاعد فى بيتة مضايق وكاره اليوم الى شاف فيه نور
وفجأة بتجيله رسالة من رقم غريب وبيكون صوت سارة بتقوله فيها..
على ساعدنى انا محبوسة فى البيت الى انت كنت بتوصلنى
عنده تعالا بسرعة ي علي معرفش الست دى ناوية على اى
على اول مبيسمع رسالتها بيتخض وبياخد مفاتيح عربيته ويجرى
عشان يلحقها
بيوصل قدام البيت وبيكون واخد معاه جادرات ومنغير اى مقدمات
بيكسر الباب ويدخل
على بنبرة لا تقبل النقاش .. نور فين
هدى.. انت مين وعاوز اى وازاى تدخل البيت كدا
على .. الظاهر مسمعتيش انا قولت اى .. نور فين انطقى
علا بمقاطعة .. نور فى الأوضة دى وبتشاور على مكان نور
علي بيلاقى الأوضة مقفولة بقفل بيقرب ويكسرة ويدخل يلاقى
سارة قاعدة علي الأرض وبتعيط
على .. نور
سارة اول مبتشوفة بترتاح وبتقوم تجرى على حضنة
علي.. اهدى يحبيبتى متخافيش انا جنبك محدش هيقدر يأذيكى
سارة بتخرج من حضن على وتبص لى علا وتقولها .. شكر انك
قولتيلى الحقيقة وعرفتينى ان نور اختى
سارة.. على خدنى من هنا انا كرهت المكان دا
على بياخدها ويمشى
هدى اول مبيمشوا بتنهار وتقع على الأرض
علا بصريخ .. ماما
سها وهى بتدخل من الباب .. ماما مالها ي علا اى الى حصل
علا.. اسنديها معايا الأول واطلبى الدكتور
...
دكتور احمد خير فى حاجة قالتها سهر استغرابا من حضور أحمد
المفاجئ
هند بتدخل .. انا الى طلبت منه يجى ي طنط عشان سارة مغمى
عليها فوق
سهر .. اى سارة اغمى عليها ازاى وليه مقولتليش
هند.. متخافيش ي طنط هتكون كويسة ودكتور احمد هيطمنا عليها
سهر .. طب يلا بسرعة يبنى
بيطلعوا كلهم عند نور
بعد مرور ساعة كان الجميع بجوار نور حتى فارس حضر بعد ان اتصل
به والد سارة واخبرة بما يحدث
نور بتفوق وتبص لكل الموجودين بأستغراب وبعدين تتكلم
نور .. انتوا مين وانا هنا بعمل اى
فارس .. سارة حبيبتى انتى كويسة
نور بتبعد عنه وتقولة.. سارة مين انا اسمى نور
عز .. اى الى بتقولية دا ي سارة انتى هتستهبلى ولا اى
نورة .. سارة سارة سارة مسميش سارة بقولكم اسمى نور ومعرفش
انتوا مين وعاوزين منى اى
سهر .. يعنى اى مش سارة انتى اتجننتى يبنتى
نور .. لا إله إلا الله انتوا مين ي جماعة وعازين منى اى
هند بتدخل انا هحكيلكم كل حاجة
...
فى بيت عند عيلة نور
سهاا .. هااا ي دكتور طمنى على ماما
الدكتور .. البقاء لله
سها .. اى الى انت بتقولة دا انت اتجننت اكيد انت نصاب ومش
دكتور اصلا امشى اطلع بره ماما كويسة انا عارفة
الدكتور .. ربنا يصبرك يبنتى
الدكتور بيمشى وعلا بتكون سمعت هو قال اى
علا ببكاء .. انا السبب انا السبب انا اقتلت امى
سها بتروح عند اختها .. ماما عايشة ي علا انا عارفة بس هى عاوزة
تعرف احنا بنحبها قد اى ولما تشوف زعلنا عليها وتعرف اننا
بنحبها هتصحى اكيد
علا.. انا السبب فى كل دا يريتنى مقولت الحقيقة
سها.. خلاص بقا ي علا متعيطيش عشان ماما تعرف تنام
علا بتقوم وتدخل عند مامتها وتفضل تعيط جنبها وسها فى صدمة
وعمالة تكلم نفسها
إللي عاوز يوصله اشعار بتكملة الروايه يعمل إنضمام من هنا
تعليقات
إرسال تعليق