غرام_الاكابر بقلم
منال_عباس
سكريبت السادس عشر حتي الحادي والعشرون والاخير
كامله على مدونة النجم المتوهج للروايات
فى يوم ملئ بالفرحه والسعاده يوم زفاف رغد ويوسف وكذلك عاصم وغرام فالجميع فى غايه السعاده ...إلا أن هناك من يحقد على العروسان
رامز : ازيك يا طنط انا رامز ابن عم عاصم واعتبر اخوه
شاديه بفرحه اهلا يا ابنى ومدت يدها تسلم عليه ..
رامز بخبث : مش تعرفينى على القمرات وهو ينظر ل هند فهى فتاة جميله بالرغم من صغر سنها إلا أنها مكتمله الانوثه ولكنها فى النهايه طفله
شاديه بفرحه دى هند بنتى يا رامز بيه ..
رامز : ممكن يا طنط اتكلم معاكى شويه ..
شاديه طبعا يا ابنى ............ودار حديث طويل بينهما ..
على ستيدج يقف كل من يوسف ورغد يتراقصان وينظر إليها يوسف بإعجاب وكأنه يراها لأول مرة فهى فتاة غايه في الروعه والجمال
و كذلك عاصم وغرام يتراقصان
عاصم بحب :يهمس فى اذنها عايز اخدك فى حضنى واخبيكى عن العالم كله
غرام بابتسامه طب استعد للمفاجأة
عاصم : مفاجأة تانى
تذهب غرام لتأخذ المايك من الفرقه الموسيقيه
وتبدأ فى الغناء بصوت اذهل الجميع من روعته
غرام : مكتوبة ليك إني أنا اللي تعيش لها
مكتوبة على إسمك حياتي كلها
أول ما قلت بحب كانت ليّ أنا
مين تستاهلها غيري أو تتقال لها
مكتوبة ليك وأهي كل حاجة في وقتها
تكمل حياتك بيّ لما دخلتها
وقت أما شافك قلبي شافت عيني فيك
صورة حبيبي اللي في خيالي رسمتها
قول بقي يا حبيبي، حبيبي
لمين أنا لو مش ليك
قول بقى يا حبيبي، حبيبي
ححب في مين غير فيك
طب ده أنا أيامي أحلامي
وحياتي واقفة عليك
نور عيني حبيبي، حبيبي
لمين أنا لو مش ليك
قول بقى يا حبيبي، حبيبي
ححب في مين غير فيك
طب ده أنا أيامي أحلامي
وحياتي واقفة عليك
موعودة بيك تبقى إنت بختي وقسمتي
موعودة بيك من قبل ما اتقابل معاك
مشاعري حبي حياتي شوقي ولهفتي
متصدقين مني لأني مصدقاك
موعودة بيك تبقى إنت بختي وقسمتي
موعودة بيك من قبل ما اتقابل معاك
مشاعري حبي حياتي شوقي ولهفتي
متصدقين مني لأني مصدقاك
صفق الجميع لغنائها الرائع
أما عاصم فقد انبهر أكثر بحبيبته
غرام بغمزة ل عاصم : مش قولت ليك متعددة المواهب ...
عاصم : انا كدا مش هقدر استحمل اقعد اكتر من كدا ..عايزك يا غرامى
غرام : مجنون الناس موجوده
عاصم : ما يهمنيش الناس وأخذ عروسته واستأذن الجميع وغادرا ...
بعد مده انتهت حفله الزفاف وغادر الجميع ..
عند يوسف
وصل يوسف ورغد الى الفيلا
نظر يوسف بحب إلى رغد
يوسف : رغد انتى جميله اووووى اووووى
رغد بكسوف : تسلم
يوسف : انتى عارفه النهارده ايه
رغد : ايوا
يوسف : طب ايه
رغد : ايه
يوسف لا كدا هتعب
وقام بحملها وهى تضحك نزلنى نزلنى
ليصعد بها الى حجرته
رغد بكسوف : أخرج برا علشان اغير هدومى
يوسف : مش هينفع يا حبيبتي انا سمعت أن سوسته الفستان دى بتبقي مشكله وانا عايز اعيش اللحظه واقترب منها وقام باحتضانها من ظهرها ..
لتشعر رغد بقشعريره فى سائر جسدها..
يقترب يوسف من اذنها وانفاسه تلهب خدها
يوسف : بحبك يا اجمل ما في حياتى
ثم يفتح لها السوسته و............وانتم بقي عارفين ايه اللى بعد كدا ...😉😉😉😉
عند عاصم
يمسك عاصم بيد غرامه ويضعها على السرير
عاصم : انتى بجد مذهله صوتك.. شكلك.. ادبك ..تميزك فى تعليمك ..دا غير انك مثيرة اوووى يا غرام ..انا بقيت بحسد نفسي عليكى ..
غرام بحب : انا اللى بحمد ربنا عليك ..انت فعلا عوض ربنا ليا يا عاصم ...
واحتضنته بكل حب ليتبادلان الأعناق والقبلات
قرر لؤى أن يذهب إلى أحد الفنادق حتى يترك اخيه هو وعروسته على راحتهما ..
بعد أن حجز غرفه له نزل إلى اللوبى ليتناول قهوته ليتفاجئ بوجود سما
سما باستغراب : لؤى !!!
لؤى بغضب : انتى !!! وذهب بعيدا عنها
تذهب سما ورائه
سما : ارجوك يا لؤى اسمعنى
لؤى : انتى وا*حد*ة حق*ير*ة
سما ببكاء : ارجوك يا لؤى اسمعنى ودى اخر فرصه وبعد كدا هسيبك تحكم عليا بنفسك
كنت شغاله عند اسعد الشريف سكرتيرة والدتى كانت تعبانه ومحتاجه تعمل عمليه فى القلب ووالدى كان متوفى وملناش حد ..
فلاش باااك
اسعد الشريف : سما عايزك فى موضوع مهم
سما : اتفضل يا باشا
اسعد : عايزك فى مهمه لو نفذتيها زى ما انا عايز ..هتتنقلي نقله كبيره ..مش كنتى عايزة سلفه علشان عمليه والدتك ..هعملها ليها
سما بفرحه : انا تحت امرك بس اعمل ل ماما العمليه
طلب منى اتعرف على عاصم واخليه يحبنى بحيث يكون خاتم فى صباعى واعرف عنه كل حاجه ...
وانقلها لاسعد ..
كان علشان خاطر ماما كنت مستعده اعمل اى حاجه ..
وفعلا اتعرفت على عاصم وقربت منه لحد ما اتعلقت بيه ومقدرتش انفذ كلام اسعد
معامله عاصم ليا كانت بتخلينى أشعر بالذنب ..
وروحت لاسعد وقررت اعرفه أنى مش هنفذ العمليه دى ..وقتها ضربنى وأمر بخطف والدتى واختى
وقال. لو ما نفذتيش يبقي انتى السبب فى موتهم
وهددنى لو حكيت ل عاصم هيقتلهم ..
اضطربت اكمل الاتفاق معاه وكنت عارفه أن اسعد هيموت عاصم ..صممت انى انا اللى اسبق اسعد وطلعت المسدس وضربت عاصم فى كتفه كنت قاصده أن عاصم يظهر أنه مات وكنت بدعى ربنا أن حد ينقذه بسرعه ..
عودة من الفلاش
لؤى : مش عارف اقولك ايه ..عاصم دلوقت ليه حياته واتزوج ياريت تسيبيه لحياته
سما : انا ما رجعتش غير لما ماما ماتت واختى تزوجت .. دلوقتى انا مابقتش خايفه على حد ..
كل اللى يهمنى أن عاصم يعرف الحقيقه ويسامحنى ..
لؤى : طب اسعد دا فين ..
سما : ما اعرفش ليه طريق من يوم ما سافرنا
كان بيبعت لينا كل فترة فلوس وبعد كام شهر انقطعت أخباره عننا واضطريت اشتغل علشان نعرف نعيش ..ساعدنى يا لؤى أن عاصم يسامحنى ..
وانا بتمنى ليه كل خير مع مراته
لؤى : وانتى ناويه تعملى ايه وهتعيشي ازاى ..
سما : انا لقيت شغل عند ..........يتبع
#غرام_الاكابر بقلم #منال_عباس
سكريبت 17
بعد أن التقى لؤى ب سما والحاح سما وتوسلاتها له أن يسمع لها
تفاجئ لؤى بقصتها
سما : ساعدنى يا لؤى أن عاصم يسامحنى ..وانا بتمنى ليه كل خير مع مراته.
لؤى : وانتى ناويه تعملى ايه وهتعيشي ازاى....
سما : انا لقيت شغل عند عم عاصم ..ربنا يبارك ليه رامز ..لما عرف انى سما وصى عليا وقبلت فى الشغل ..ووعدنى أنه هيتصرف ليا فى شقه صغيرة ..علشان اعيش فيها وهو اللى جابنى هنا فى الفندق دا
لؤى بغضب يصحبه بعض من الغيرة : وايه بقي المقابل
سما : للدرجه دى انا فى نظرك سيئه ..انا الحمد لله اعرف احافظ على نفسي وشرفى ...
وان كنت بتسال عن المقابل .انا ما وافقتش غير لما اتفقت مع رامز أنه يخصم من مرتبي كل شهر جزء
لؤى : طيب يا سما ربنا يقدم اللى فيه الخير
سما : شكرا ليك يا لؤى أنك سمعتنى وتركته وصعدت لغرفتها ..
جلس لؤى يتذكر اول مرة رأى فيها سما ..وكم كان معجب بها وقرر البوح لها ..
فلاش باااك
لؤى : فينك يا عاصم عندى خبر حلو ليك
عاصم : لا انا اللى عندى خبر حلو ومفاجأة
لؤى : طب قول انت الاول
عاصم بفرحه : اخيرا لقيت نصي الثاني
لؤى بسعاده : مين سعيده الحظ
عاصم : سما
لؤى وقد انقبض قلبه وحاول أن يخبأ حزنه ..مبروك يا صاحبي ...
عاصم : انا معجب بيها من فترة ..وماكتتش عايز اعترف بحبي ليها ..لكن هى النهارده سهلت ليا الأمور واعترفت بحبها ليا ...
لؤى : تستاهل كل خير والف مبروك
عاصم : وانت قول
لؤى : كنت بهزر معاك كعادتى....
عودة من الفلاش
لؤى : ليه رجعتى يا سما هتصحى مشاعرى ناحيتك من جديد ..
مر شهرين على ابطالنا ( تسريع بالاحداث )
ازداد اقتراب يوسف ل رغد ..أصبح يعشقها
كانت غرام ورغد ملتزمات بالحضور فى جميع المحاضرات ..كان هناك جو عائلى. يربط جميع الافراد
الجده محاسن : كانت تعطى غرام ورغد محاضرات فى الاتيكيت واختيار الملابس والذوق العام حتى أصبحت غرام ورغد سيدات مجتمع ...
أما لؤى كان يطمئن على سما كل يوم بالاتصال
حتى أصبحا يوم بعد يوم متعلق كل طرف بالآخر
إلى أن أتى اليوم الذى اعترف فيه لؤى بمشاعره تجاه سما ..
سما : وانا كمان معجبه بيك يا لؤى بس الافضل ننتظر لحد ما تتأكد من مشاعرنا ...
كان رامز على فترات يحاول الاقتراب من سما والتودد إليها ..ولكنها تعلمت الدرس جيدا ولم تعطه اى فرصه ...
حاول لؤى كثيرا مع عاصم حتى يسامح سما ولكن عاصم رافض اى حوار معها ..وفى الاخير استمع اليها وسامحها على فعلتها وذلك من خلال غرام فهى من طلبت من عاصم أن يستمع إلى سما
أما رامز اقترب اكثر من شاديه بالاتصالات لينال غرضه بالفوز ب غرام فأصبح القرب منها وامتلاكها الشغل الشاغل له ....
فى صباح يوم جديد على أبطالنا
تستيقظ غرام مبكراا لاول مرة قبل عاصم
وتأخذ شاور وتستبدل ملابسها وتصلى فرضها وتنزل للاسفل وتدخل المطبخ وتقوم بعمل بيتزا وتساعدها الخادمه ...
الخادمه : غرام هانم اتفضلى استريحى وانا هعمل كل حاجه ...
غرام : لا انا حابه اعمل البيتزا بنفسي
كانت غرام سعيده وهى تحضر البيتزا
يستيقظ عاصم ولم يجد بجانبه غرام ...استبدل ملابسه وصلى فرضه واتصل عليها وجد موبايل غرام بحجرته ...نزل للاسفل يبحث عنها
وجدها تحضر المائده مع الخادمه
عاصم باستغراب : بتعملى ايه يا غرام
غرام بابتسامتها الساحرة قررت افطركم النهارده من عمايل الشيف غرام ..
حضرت الجده محاسن ومعها حكيم لتناول الإفطار
انبهر الجميع فكان مذاق البيتزا أكثر من رائع
قبل عاصم يد زوجته ومدح هو الآخر فى البيتزا
بعد تناول الإفطار ..
محاسن : ايه رايكم النهارده نعزم العيله كلها ..
ونقضى يوم عائلى ..
حكيم : ياريت احنا من يوم فرح رغد ما اتجمعناش
عاصم : تمام اللى تشوفه
حكيم : اتصلى يا بنتى على عمك حسن وأسرته يحضروا معانا النهارده
شكرته غرام
وقامت بالاتصال بعمها ..لتخبره عن التجمع العائلى
وافق حسن فهو يحب غرام ويحب سعادتها
أما عاصم اتصل على يوسف ورغد وطلب منهم حضور الغداء اليوم ...
اتصل حكيم على أخيه مراد ليعزمه هو وزوجته أشرقت وكذلك رامز وشمس
صعدا عاصم و غرام لحجرتهم للاستعداد للتجمع العائلى ...
عاصم : يا ترى غرامى هتفاجئنى النهارده بايه
غرام بضحكه : شكلك حبيت المفاجأت
عاصم : انا بحبك يا غرامى وبحب اى حاجه منك
واقترب منها يقبلها فهى حقا حبيبته التى يعشق وجودها ...
عند رغد
رغد : يوسف يلا علشان نجهز
يوسف بغمزة : يلا كدا حاف
رغد : مش فاهمه عايز ايه
يوسف وهو يقترب منها ..مفيش بوسه ولا حضن كدا على الماشي
رغد : قليل الادب
يوسف : وانا اموت فى قله الادب معاكى يا قلبي .....
اتصلت شاديه على رامز
شاديه : ايوا يا رامز بيه
رامز : ازيك يا طنط
شاديه : احنا كويسين ..كنت عايزة اعرفك أننا معزومين النهارده عند عاصم بيه وغرام
رامز : تمام عايزك بقي تلمحى أمام عاصم بعلاقه غرام بمدرس الثانوى بتاعها وتقولى أنه كان عايز يخطبها ..وأنه سأل عليها كتير
شاديه : اطمن دا انا مرتبه كل حاجه ...انت تؤمر يا رامز بيه ...
لم تشعر شاديه أن هناك من كانت تستمع إلى خطتها هى ورامز ...
بعد مده
حضر الجميع إلى فيلا السيوفى
استقبلتهم غرام بترحاب فقد أصبحت سيده المكان
مراد بود : ازيك يا غرام يا بنتى عامله ايه فى دراستك
غرام بحب فهى تعلم أنه طيب القلب : الحمد لله يا اونكل
أشرقت وقد لاحظت تغير غرام فهى ليست الفتاة الخجوله التى رأتها اول مرة ..بالعكس أصبحت اكثر ثقه بنفسها
أشرقت : انا بجد مبهورة بيكى يا غرام ..انتى شخصيه جميله وعرفتى فى فترة صغيره تندمجى مع المجتمع الجديد عليكى
شكرتها غرام ..
أما شمس شعرت ببعض الغيرة لمدح والديها ب غرام ..ولكنها فى الاخير تعلم أن عاصم لا سبيل للوصول إليه
رامز وهو يتفحص ملامح غرام فكم هى جميله ومثيرة سلم عليها وعلى الجميع
حضر عائله عم غرام
وايضا يوسف ورغد
جلس الجميع لتناول الغداء فى جو أسرى
إلا أن شاديه ورامز كانت بينهم بعض النظرات
وفجأة ..
شاديه : فاكرة يا غرام استاذ خالد بتاع الثانوى
انتبه الجميع لحديث شاديه
غرام : ايوا ماله ؟
شاديه بخبث : الراجل يا عينى من يوم ما اتجوزتى وهو بقي زى المجنون ...
عاصم بضيق : وايه المطلوب ..
شاديه : اصله خلاص نقل القاهرة واتقابلت صدفه معاه ..وكان بيحكى ثم صمتت وكأنها تدارى سر
حسن : ايه اللى بتقوليه دا انتى اتجننتى ولا ايه يا شاديه ..
قام عاصم وهو متضايق من على الطعام .وصعد لأعلى ..ذهبت ورائه غرام
غرام : عاصم ليه ما كملتش أكلك
عاصم بعصبيه : مين حازم دا وايه اللى كان بينك وبينه ..
غرام : انا يا عاصم والله ماكنش فى حاجه بينى وبينه دا مجرد مدرس ليا .
عاصم وقد اشتد غضبه .ولم يتمالك اعصابه
ليمسك بيدها بقوة : يا ترى المدرس دا ما استحملش غياب حبيبه القلب علشان كدا نقل حياته هنا ..
غرام :انت اتجننت يا عاصم
صفعها عاصم صفعه قويه ..لتقع غرام فاقدة للوعي ...
عاصم بخضه غرام
حاول افاقتها ولكنها لم تستجيب
اتصل على طبيب العائله للحضور
اما محاسن
محاسن بضيق : انتى يا ست شاديه ابقي اختارى كلامك بعد كدا
حسن : احنا آسفين يا ست هانم وأخذ زوجته وبناته وغادروا
رغد بحزن من أجل صديقتها فهى تعلم أن شاديه لا تحب غرام وتدبر لها دائما المكائد
حكيم : مفيش حاجه يا جماعه اكيد دا سوء تفاهم ..
ليصل الطبيب
يستغرب الجميع وجود الطبيب
ينزل عاصم ليأخذ الطبيب معه ويخبرهم أن غرام فاقده للوعى
يصعد الجميع فالجميع متفاجئ لما يحدث وينتظرون خروج الطبيب
بعد مده الطبيب : مدام غرام ...........يتبع
#غرام_الاكابر بقلم #منال_عباس
سكريبت 18
يجلس الجميع بعد مغادرة حسن وأسرته بعدما زرعت زوجته شاديه الشك فى قلب عاصم ...
وشعور رامز بالسعادة فهو يعلم جيدا أن عاصم يكره الخيانه والشك أصبح هو الطريقه الوحيده للنيل من غرام ...
تفاجئ الجميع بوجود طبيب العائله
نزل عاصم لأخذ الطبيب معه وأخبر الجميع أن غرام فاقده للوعى
صعد الجميع للأعلى فى انتظار خروج الطبيب
عاصم بقلق فهو يشعر بالذنب لعصبيته ولكنه تذكر تلك الرساله على موبايل غرام
والتى رآها فى الصباح عندما كانت غرام مشغوله بتحضير البيتزا ..
حيث كان نص الرساله
وحشتينى انا مقدرش اعيش من غيرك ولو لفيت الدنيا كلها مش هلاقى زيك
حبيبك خالد
تضايق عاصم من تلك الرساله ولكنه اعتبر الرساله بعثت من ذلك الرقم بالخطأ فهو يثق فى غرام ..
ولكن حديث شاديه اكد له ..أن الرساله كانت ل غرام ولهذا. لم يتمالك اعصابه ...
عاصم وهو يحاول أن يتماسك فكم هو قلق عليها ولكنه يريد معرفه كل شئ حتى لا يسئ الظن بها
خرج الطبيب
محاسن : خير يا دكتور
الطبيب : الف مبروك يا حكيم باشا
الف مبروك يا عاصم المدام حامل
محاسن بفرحه مبروك يا حبيبي
رغد والجميع فرحون من أجل عاصم وغرام
إلا أن رامز كان فى شده الغضب
ف حمل غرام جاء فى الوقت غير المناسب
استأذن عاصم الجميع للدخول لزوجته
عاصم : غرام
أعطته ظهرها فكم هى حزينه لما فعل بها
اقترب منها وهو يشعر بالذنب
وجدها تبكى ..
عاصم : انا اسف يا غرام عارف انك زعلانه منى بس غصب عنى مقدرتش أتمالك اعصابي ..
كلام شاديه مع الرساله خلانى اتجننت
غرام ببكاء : انت مش بتثق فيا .ولا اديتنى اى فرصه علشان اتكلم ..انت ما اتغيرتش انت نفس الشخص القاسي اللى اتجوزته ..
عاصم : انا بحبك يا غرام ومقدرتش استحمل أن فى حد فى حياتك
غرام : تفتكر واحده عاشت الحياة اللى عشتها هيكون فى حد فى حياتها ثم رساله ايه اللى بتتكلم عنها !!!
دا استاذ خالد دا كان بيعطف عليا علشان انا يتيمه
كل الحكايه أنه كان بيدينى الدرس من غير فلوس
ويقولى انا لو ربنا كرمنى وخلفت بنت اتمنى تكون زيك ..كان بيعتبرنى زى بنته ..لانه ما بيخلفش ..
وانت عارف أن مرات عمى . مستكترة عليا انى اكون سعيده ..
عاصم : طب ممكن ما تعيطيش انا مش قادر استحمل زعلك ...وشاديه دى انا ليا حساب معاها وبدأت يده اليسرى تؤلمه لدرجه انه صرخ من شده الالم ..لاحظت ذلك غرام ..فهى تعلم أن ذلك يحدث له عندما يتعرض لضغط نفسي ..
غرام : خلاص يا عاصم مسمحاك .
اخذها عاصم بحضنه وبداخله يتوعد ل شاديه
وقرر البحث عن صاحب ذلك الرقم ...
عاصم بحب : مبروك يا غرامى هتبقي احلى مامى فى الدنيا ..
غرام : وانت اجمل بابي فى الدنيا
عند حسن
وصل حسن هو وأسرته إلى منزله
حسن بغضب : ايه اللى قولتيه دا
وانتى خرجتى امتى وقابلتى استاذ خالد
شاديه وهى تتلعثم : اصل اصل ....
حسن : طول عمرك انسانه حقوده ..عملت ايه البنت المسكينه علشان تخربي عليها ....ديما كنتى بتعامليها زى الخدامه ..ونسيتى أن البيت اللى احنا عايشين فيه دا ملكها وورثها عن امها ..
شاديه : انا ما عملتش حاجه لكل دا
هند : لا يا ماما انتى كدا خليتى عمو عاصم يشك فيها وغرام طيبه
حسن وهو يحتضن ابنته : شايفه حتى البنت الصغيرة فهمت تصرفاتك الغلط روحى منك لله
وأخذ ابنتيه ودخل حجرتهم وتركها ..
شاديه : مش مهم زعلكم دلوقتى انا بدور على مصلحه بناتى ..
غادر مراد وزوجته وأولاده بعد أن بارك لهم
وصل رامز هو واخته شمس الى الفيلا
رامز : شمس كدا دا دورك يا شمس
شمس : دور ايه
رامز : تقربي من عاصم وانا هخليه يشك أن البيبي دا ليه
شمس : ليه يا رامز ..ليه كل الشر دا
انا اه كنت اتمنى أن عاصم يحبنى ..بس خلاص عاصم اختار طريقه ..وانا كمان هدور على طريقي ....
رامز : يعنى هتتنازلى عنه بالسهولة دى
شمس : انا عمرى ما هكون بالحقد دا ...وتركته وذهبت لحجرتها
رامز بغضب : طول عمرك غبيه وما تعرفيش تعملى حاجه ..
وفكر فى شاديه
اتصل على شاديه
شاديه بخوف أن يسمعها زوجها ..
شاديه : الو يا رامز باشا
رامز : عايز اتكلم معاكى
شاديه : مش هينفع يا بيه جوزى موجود ..
رامز : طب اكلمك امتى ...اقولك تحبي تجيلى شقتى بكرة الصبح ...
شاديه وقد سعدت بالفكرة فهى اكبر من رامز ب 6 سنوات فقط وظنت أنه معجب بها ..
شاديه : اللى تشوفه يا بيه
رامز بخبث : يبقى اشوفك بكرة الساعه 9 الصبح
على العنوان دا ............
شاديه : هكون عندك فى الميعاد وأغلقت الهاتف
عند يوسف
وصل يوسف ورغد الى الفيلا
رغد بحزن : انا زعلانه اوووى علشان غرام
يوسف : بالعكس المفروض تفرحى هى حامل وهتكونى عمتوووو الشريره
رغد : انا شريرة يا يوسف
يوسف : بهزر يا ابو صلاح ايه ما بتهزرش
رغد : اممممم بحسب
يوسف بغمزة : طب ما تيجى نحسب سوا ..
رغد : مجنون وجريت من أمامه ليجرى ورائها ..فكم الحب جميل .......
عند عاصم
قامت غرام من السرير
ليذهب إليها عاصم بسرعه
عاصم : رايحه فين
غرام : هنزل علشان الضيوف
عاصم : وانتى فاهمه انهم لسه موجودين ..كلهم غادروا ...
غرام : يا خسارة اليوم باظ
عاصم : مش عايزك تزعلى نفسك لأى سبب ..
وقبلها وهو ينظر لها بحب
غرام : طب هنام بقي علشان عندى محاضرات بكرة
عاصم : محاضرات ايه بس ..استريحى حبيبتى علشان البيبي ..ولم يكمل كلامه فقد ذهبت غرام فى نوم عميق وهذا هو حال كل الحوامل النوم كثيرا .....
ابتسم لها فهى كالطفله وحملها ووضعها بالسرير وقبلها ونام بجانبها ...
فى صباح يوم جديد على أبطالنا
يستيقظ عاصم مبكرا ويصلى فرضه فقد تعود على الصلاه والفضل يعود ل غرام ..اتصل على أحد أصدقائه واعطاه رقم الفون الذى بعث الرساله
وطلب منه أن يخبره من صاحب ذلك الرقم وعنوانه
صديقه : ادينى ساعه وهكلمك
نزل للاسفل وطلب من الخادمه تحضير الفطور بحيث يكون صحى ومفيد ل غرام
وصعد به للأعلى
استيقظت غرام وجدت عاصم يجلس بجانبها وينظر لها بحب
عاصم : صباح الجمال على احلى عيون
غرام بابتسامه : دا كدا مزاجك رايق
عاصم : يلا تعالى افطرك
وأخذها واجلسها على رجله وبدأ يطعمها بيديه
غرام : كفايه شعرت
عاصم : لا لسه النونو جعان
وجلسا يضحكان سويا..
عند شاديه وصلت الى عنوان الشقه التى أعطاها إياه رامز ..
وصلت للعنوان وصعدت إلى الشقه ورنت الجرس
ليفتح لها رامز
رامز بإعجاب فكانت ترتدى ملابس مثيرة وتضع الميكب اب
ليجذبها رامز للداخل ...........يتبع
#غرام_الاكابر بقلم #منال_عباس
سكريبت 19
ظلت شاديه تمشي وراء شيطانها فى إيذاء تلك المسكينه الطيبه المتسامحه غرام ..حتى وقعت في شر أعمالها .
ذهبت شاديه وهى ترتدى الملابس المثيرة .ووضعت الميك اب وصلت الى عنوان رامز
رنت جرس الباب ليفتح لها رامز
ويتفاجئ بمظهرها وجمالها وملابسها المثيره امسك يدها وادخلها بسرعه واغلق الباب
رامز بخبث : الجمال دا كله كان متدارى فين .ايه الحلاوة دى
شاديه بدلع : انت اللى حلو يا رامز بيه
رامز : احنا هنقف كدا تعالى نستريح شويه
شاديه : كنت عايز تكلمنى فى ايه
يأخذها رامز إلى حجرة نومه وهى تستجيب له دون أى اعتراض ..يغلق الباب ويلتهمها بالقبلات الحارة ..
شاديه بدلع : وبعدين معاك يا رامز بيه
رامز : بيه ايه بقي دا انتى اللى هانم وجردها من ملابسها حتى وقع المحظور ..فتلك السيئه التى باعت في شرفها انقادت وراء شيطانها حتى فعلت الكبائر ..
وما أن انتهى منها رامز ..
رامز بخبث : قومى البسي وبعد كدا هعرفك المواعيد اللى ينفع تجيلى فيها .. بقلم منال عباس
شاديه : بس يا رامز احنا كدا غلطنا ..
رامز : بس غلط حلو واكيد عجبك وبلاش تمثيل انتى جايه جاهزة ومستعده وضحك ضحكه عاليه وتركها وخرج يدخن السجائر..
شاديه لنفسها : لا يا حلو كله بتمنه ...
وخرجت بعد أن ارتدت ملابسها ..ليعطيها الكثير من الأموال ..
رامز : خدى دووول عايزك كل مرة تجيلى متظبطه ..
شاديه : ماشي يا رامز وأخذت المال وغادرت ..
رامز لنفسه : ماكنتيش فى خطتى يا شاديه ..بس يلا مفيش مشكله نتسلى شويه ....
عند عاصم
يقوم عاصم بإيصال غرام إلى الجامعه
ويذهب إلى عمله ...
تقابل غرام صديقتها واخت زوجها رغد
رغد : يخرب عقلك ايه اللى جابك يا بنتى ..المفروض تستريحى وانا كنت هجيلك واجبلك المحاضرات ..
غرام : ما انا كويسه اهو ايه الداعى من الغياب ..
رغد : طب يلا يا حبيبتي عندنا العو اول محاضرة
غرام : عو مين !!
رغد بضحك : زوجى وقرة عينى
غرام بضحك : انتى مجنونه ..
يذهبان إلى المدرج
كان يوسف يشرح مادته ويرمق رغد بنظرات كل فترة ..
انتهت المحاضرة
يوسف : نادى على رغد وغرام
ذهبوا إليه
يوسف : ايه رايكم نتغدى برا النهارده
رغد بفرحه : ياريت
غرام : ثوانى اتصل على عاصم
اتصلت غرام على عاصم وطلبت منه الحضور لتناول الغداء معهم ...
عاصم : تمام حبيبتى اسبقونى وانا هجيلكم على المطعم
ذهب يوسف ورغد ومعهم غرام إلى أحد المطاعم الشهيره
وبعد عده دقائق وصل لهم عاصم ...
طلبوا الغداء ... بقلم منال عباس
لاحظ عاصم كم تقدمت غرام وكذلك أخته فى اتيكيت تناول الطعام
بعد أن انتهيا من تناول الطعام .
جلس الاربعه يتحدثون عن مستقبل الفتيات ...
رغد : انا نفسي السنين تعدى بسرعه واشتغل دكتورة مع يوسف ...
أما غرام : انا نفسي اتفوق فى التخصص بتاعى واقدر أوفق بين عملى وأسرتى..
رغد : صحيح يا غرام نفسك فى ولد ولا بنت ..
غرام : اللى يجيبه ربنا كويس .بس نفسي فى ولد يكون شبه عاصم
عاصم وهو ينظر إليها بحب : ربنا ما يحرمني منك يا غرامى ..
ليقطع حديثهما صوت رساله على موبايل غرام ...
تفتح غرام الرساله
لتجدها من رقم غريب ..وكان نص الرساله
وحشتينى ووحشنى ايام زمان ..حبيبك خالد..
انتفضت غرام للرساله
لاحظ عاصم تغير وجهها ..
عاصم : فى ايه يا غرام
أعطته غرام الفون
ليقرأ عاصم الرساله ...
عاصم : الحيوان دا هعرفه يعنى هعرفه وحسابه معايا كبير ..
تسائل يوسف : ايه المشكله يا عاصم ..
قص عاصم : ما حدث من قبل والرساله السابقه ..
رغد : انا يا عاصم بشك فى شاديه ..
هى الوحيده اللى ما بتحبش غرام وديما تتسبب ليها فى المشاكل ....
يوسف : اعتقد فى حد بيساعدها ...ما ننساش أنها ست غير متعلمه وما تعرفش تكتب الرساله
غرام : مش عايزة اظلمها ..بس انا مش عارفه لو هى ليه بتعمل كدا وانا اصلا مفيش حاجه بتربطنى باستاذ خالد ..
عاصم : الرقم دا غير الرقم اللى بعت الرساله قبل كدا ..دا واحد فاهم هو بيعمل ايه وبيغير الرقم علشان ما نعرفش هو مين
انا سألت صديق ليا عن الرقم
قالى واضح أنه حد اشتراه وقفله قبل ما يسجله فى الشركه ..
رغد : كدا احنا وصلنا أننا بنتعامل مع حد ذكى ..بس موضوع شاديه وكلامها عن استاذ خالد فى نفس التوقيت بيأكد أنها ليها دخل ...
ظل الاربعه يتناقشون إلى أن وصلوا إلى خطه محكمه لمعرفه ...من ذلك الشخص ..
غادر الجميع
وصل غرام وعاصم الى الفيلا
استقبلتهم محاسن
محاسن : اليوم كان وحش من غيركم
ذهبت اليها غرام بحب : اسفه يا جدتى مش هتتكرر تانى ..
محاسن : لا يا حبيبتي انا بهزر معاكم ..أخرجوا واتفسحوا انتم شباب..
لاحظت محاسن شرود عاصم ..
محاسن : مالك يا عاصم شكلك فى حاجه شغلاك
عاصم : لا ابدا يا جدتى ..بس مرهق شويه
محاسن : طيب يا حبيبي خد مراتك واطلعوا استريحوا ..
عند رامز
تناول رامز الكثير من الكحول .فهو يشعر بالضيق ..فلازالت غرام ..بعد كل محاولاته ليست ملكه ...اتصل على شاديه ..
شاديه بدلع : ايوا يا رامز
رامز : عايزك حالا
شاديه : ازاى بس احنا بالليل وزوجى قرب يرجع من الشغل ..
رامز : يبقي انتى مش بتحبينى ..
شاديه : ما تقولش كدا انا بحبك ...
رامز يبقي تجيلى حالا.
شاديه : طيب هجيلك بس مش هقعد كتير
رامز : المهم تيجى ..
كانت هند تقف من بعيد وتراقب والدتها واستمعت لمحادثه شاديه مع رامز ..
تصنعت شاديه المرض أمام بناتها
شاديه : هنزل اروح اكشف ..
هند وهى تحاول أن تدارى غضبها منها .. خلاص هاجى معاكى يا ماما
شاديه : لا ما ينفعش نترك اختك لوحدها
انا بس هكشف وهاجى على طول
ارتدت عباءة فوق قميص نوم مغرى وذهبت لشقه رامز ...
فتح لها رامز وأخذها بحضنه فهو كالحيوان يريد أن يلبي غريزته ولا يفرق معه حلال من حرام ...
بعد أن انتهوا من قذارتهم ..
قامت شاديه وارتدت ملابسها ..
رامز : خليكى معايا شويه كمان
شاديه : مش هينفع جوزى قرب يرجع وهما فاهمين انى بكشف ..
أخرج رامز الكثير من الأموال ومد يده بهم إلى شاديه لتمسكهم شاديه بسرعه
رامز بخبث : بس انا ليا عندك طلب
شاديه وهى تأخذ النقود وتضعها فى حقيبتها : انت تؤمر طبعا ..
رامز : عايزك ................يتبع
#غرام_الاكابر بقلم #منال_عباس
بعتذر عن التاخير بس فى كذا شخص بياخد الروايه ويحذف اسمى وينشرها باسمه اتأخرت علشان اشوفهم هيعملوا ايه .
سكريبت 20 قبل الاخير
بعد تجاوز كل التوقعات وانغماس شاديه ورامز فى بئر الخيانه ..
أخرج رامز الكثير من الأموال ومد يده بهم إلى شاديه لتمسكهم شاديه بسرعه
رامز بخبث : بس انا ليا عندك طلب
شاديه وهى تأخذ النقود وتضعهم فى حقيبتها : انت تؤمر طبعا ..
رامز : عايزك ............ ...........
شاديه : يالهووى ودا هعمله ازاى .....
رامز : اتصرفي ..وليكى عندى مكافأة كبيرة ..
شاديه : إذا كان كدا ماشي وسيبنى افكر انفذ ازاى ..
وتركته وغادرت ..
عند لؤى
لؤى : الو سما ممكن نتقابل بكرة
سما بخجل : اوك
لؤى : خلاص نتقابل بكرة الساعه 4 هجيلك اخدك
سما : تمام هنتظرك أمام الشركه ان شاء الله
لؤى : أن شاء الله ..تصبحى على خير
سما : وانت من اهل الخير
عند شاديه
تصل شاديه لمنزلها تجد زوجها ينتظرها فى قلق
حسن : مالك يا شاديه فيكى ايه واتاخرتى ليه كدا
شاديه بتمثيل : جالى مغص شديد .. تعب المرارة .انت عارف
حسن : الف سلامه عليكى تعالى استريحى
هند وهى تنظر لوالدها المسكين : مش هتتعشى يا بابا
حسن : ومين يجيله نفس ووالدتك تعبانه وأخذ شاديه لحجرتهم كى تستريح ..
عند عاصم
احضر عاصم كوب من اللبن الساخن وذهب إلى غرام
عاصم : اتفضلى حبيبتى اشربي اللبن
غرام : ياه يا عاصم جايبه بنفسك
عاصم : عارفه يا غرام بحسك بنتى قبل ما تكونى مراتى ربنا يديمك عليا نعمه ..
غرام : ربنا ما يحرمنى منك يا قلبي وأخذت كوب اللبن وشربته
اخذها عاصم فى حضنه ونام الاثنين ...
فى صباح يوم جديد
ياخذ عاصم غرام لايصالها إلى الجامعه بعد أن تناولوا الإفطار ..
وصلوا إلى الجامعه
عاصم : خلى بالك من نفسك يا غرامى
غرام : وانت كمان يا حبيبي
تدخل غرام الجامعه وتجد رغد فى انتظارها ..
يدخلون المدرج وتدون غرام كل شئ
رغد : لما تخلصي كتابه ابقي اصور منك
غرام بضحك : ماشي يا كسوله ...ويضحكان سويا ..
عند شاديه
تتصل شاديه ب رامز .
شاديه : اانت فين
رامز : ايه وحشتك ؟
شاديه بمياعه انت ديما واحشنى ..بس انا عرفت هعمل ايه فى الموضوع اللى اتفقنا عليه
رامز : قولى
شاديه : ............. ..............
رامز : حلو اووووى
شاديه : هنفذ النهارده واقفل علشان الحق انزل
رامز : سلام يا حب
كانت سما تقف عند رامز بصفتها السكرتيره ولم ينتبه رامز لوجودها ..وهو يتحدث مع شاديه .استمعت سما المكالمه ولكنها لا تدرى عن من يتحدثون
تغلق شاديه الفون
لتجد هند ابنتها تقف ورائها
شاديه : مالك واقفه كدا ليه ..
هند : هتخرجى تانى النهارده
شاديه بتلعثم وخوف بأن تكون ابنتها سمعت المكالمه : اصل انا تعبانه ومحتااجه اجيب العلاج
هند : طب خليكى وانا اجيبه ليكى
شاديه بخبث : اه طبعا خودى هاتى العلاج دا
أخذت هند الروشته وفرحت أن والدتها تراجعت عن النزول .فقد سمعت حديثها مع رامز
هند : ربنا يهديكى يا امى
وما أن خرجت هند حتى نزلت شاديه بسرعه واستقلت تاكسي ..
عند عاصم
اتصلت غرام على عاصم وأخبرته أنها انتهت من أن
محاضراتها ..
عاصم : طيب حبيبتي تحبي ابعتلك السائق علشان عندى اجتماع النهارده
غرام : تمام حبيبي
رغد : تقف رغد مع غرام لتنتظر السائق
تخبر رغد زوجها يوسف أنها امام الجامعه ليخرج لها ..بقلم منال عباس
بعد دقائق
تنزل فتاة من التاكسي ومعها صورة لغرام
الفتاة : انتى غرام
غرام : أيوة مين حضرتك
الفتاة : عمك حصل ليه حادثه وبيحتضر وبعتنى ليكى اخدك عايز يشوفك
غرام : عمى حبيبي
رغد : انتظرى يا غرام اتصل على يوسف
تتركها غرام وتذهب مع الفتاة ليركبوا التاكسي
وما أن ركبت غرام حتى وضعت الفتاة منديل على وجه غرام لتفقد وعيها ...
اتصلت رغد بيوسف
خرج يوسف لها وجدها بمفردها
يوسف : فى ايه يا رغد
رغد : مش عارفه فى واحده جات وكلمت غرام أن عمها عمل حادثه ..ويا دوب اتصلت عليك لقيتها اختفت ..
يوسف بقلق : احنا لازم نتصل على عاصم نعرفه ..
اتصل يوسف برقم عاصم ولكن الفون مغلق ..
أعاد الاتصال عده مرات ولكنه أيضا مغلق
اتصل يوسف على لؤى
لؤى : ايوا يا يوسف هكلمك كمان شويه احنا فى اجتماع واغلق الهاتف ..
يوسف : طب ايه العمل ..
رغد : انا بدأت اخاف على غرام ..
يوسف : تعالى نروح الشركه ل عاصم
انا معرفش رقم عمها علشان نتأكد ولا حتى عنوانه ...
يقود يوسف سيارته للذهاب إلى شركه عاصم
عند شاديه
تتصل شاديه ب رامز
رامز كان بالاجتماع بشركته
ترد سما
سما : الو مع حضرتك سما سكرتيرة رامز بيه
شاديه بغيرة : خليه يكلمنى
سما : اسفه حضرتك رامز بيه فى الاجتماع
اقوله مين حضرتك
شاديه : مش مهم هو هيعرف .بس قوليله يتصل عليا ضرورى وعرفيه أن العمليه تمت
سما : عمليه ايه حضرتك ؟
شاديه : هو هيعرف يلا بقي سلام
سما باستغراب من لهجه حديث تلك المتصله
كيف لأسلوب واحده بتتكلم كدا تكون فى صفقه وعمليه بينهم ..
عند غرام تبدأ تستفيق ..لتجد نفسها فى حجرة مظلمه ويديها وقدميها مربوطتان
وعلى فمها شريط لاصق ...
تحاول أن تنادى ولكنها لا تستطيع.......بقلم منال عباس وعيب على الناس اللى بتسرق الروايه وتنشرها باسمها ..
يصل يوسف ورغد لشركه عاصم
ينتظران خروج يوسف ولؤى من الاجتماع ...
وبعد مرور نصف ساعة من الانتظار
خرج عاصم ليجدهم فى انتظاره ومعهم السائق
عاصم باستغراب : مالكم شكلكم ما يطمنش
السائق : انا روحت الجامعه ومالقيتش غرام هانم ..
عاصم بقلق : يعنى ايه
رغد ببكاء : اللى حصل أننا كنا واقفين منتظرين السائق ..وقصت عليه ما حدث ..
يوسف : احنا جايين ليك علشان تتصل على عمها وتشوف هنوصل ليهم إزاى
يخرج لؤى ليجدهم هو الآخر
لؤى : آسف يا يوسف كنت هكلمك حالا
يوسف : خلاص جينا يا لؤى
لؤى : فى ايه .قص عليه يوسف ما حدث
لؤى : أن شاء الله خير
يتصل عاصم على رقم غرام ولكن فونها مغلق ..
يتصل على عمها
يرد حسن
حسن : ايوا ازيك يا عاصم يا ابنى وازاى غرام
عاصم : انت كويس يا اونكل
حسن : ايوا يا ابنى انا بخير
عاصم : هى غرام ما جيتش ليك
حسن : لا يا ابني انا فى المحل .هى قالت ليك أنها جايه عندى
عاصم : فى واحده جات واخدتها ليك ..
حسن باستغراب وقلق : واحده مين
عاصم : كدا غرام انخطفت
حسن : استر يارب
انا هروح البيت اشوفها يمكن راحت ليا البيت
ويغلق الهاتف ..
عاصم بجنون
انا هروح عند عمها اكيد شاديه دى وراها حاجه
رغد : ايوا يا عاصم يلا بينا
تتصل سما على لؤى فقد تأخر عليها
لؤى : سما فى مشكله هنا غرام انخطفت ومش عارفين هى فين ..
سما : انا جايه ليك حالا لازم نقف مع عاصم
لؤى : طب قابلينا على العنوان دا ..........
ترجع شاديه شقتها لتجد هند واختها فى انتظارها ..
هند : برضو خرجتى ..انتى ايه يا ماما حرام عليكى
شاديه : بقي يا مقصوفه الرقبه ازاى تكلمينى كدا
هند : انتى فاهمه انى مش عارفه كل عمايلك
لتأخذ شاديه ابنتها الصغرى وتدخلها بحجرتها
وتذهب إلى هند ومعها سكينه لتهددها بالسكوت على دخول .........يتبع
#غرام_الاكابر بقلم #منال_عباس
سكريبت21 الاخير
بعد إجماع رأى الجميع أن شاديه ورائها اسرار
اتفقوا الذهاب إليها ..
وبعث لؤى عنوان شاديه لسما كى تذهب لهم هى الأخرى ..لأول مرة تواجه هند والدتها بأنها تعرف كل شئ ..
لتمسك شاديه سك*ينه كيف تهدد ابنتها بالسكوت على دخول حسن
حسن : انتى اتجننتى يا وليه رافعه ال*سك*ينه على بنتك ...
تجرى هند لتختبئ بوالدها وهى تبكى
شاديه : البت قليله الادب بتعلى صوتها عليا وهى تنظر إلى هند بالوعيد ..
حسن : تقومى ترفعى عليها ال*سك*ينه ..
شاديه : انت ايه اللى جابك بدرى كدا ؟؟
ليتذكر حسن غرام ..
حسن : اه صحيح غرام بنت اخويا ما جيتش هنا ؟؟
شاديه بقلق أن ينفضح أمرها : وايه اللي هيجيبها هنا ؟؟!!
يطرق الباب عاصم
يفتح الباب حسن ليتفاجئ بهم
حسن : اهلا يا ابنى اتفضلوا
عاصم : فين غرام يا شاديه
شاديه : وانا اعرف منين ...شوف مراتك راحت لمين ؟
عاصم وهو يقوم بخ*نق*ها : انتى وديتى غرام فين ؟؟
يمسك يوسف ولؤى يده كى يخلص شاديه من بين يديه ...
حسن : ليه كدا يا ابنى حرام عليك
شاديه وهى تتنفس بصعوبه : شوف مراتك وحبيبها خالد ..
على دخول سما ..
سما : فى ايه يا لؤى
عاصم : انتى ايه اللى جابك هنا ..
لؤى : انا اللى قولت ليها تيجى يا عاصم
المهم نعرف دلوقتى مكان غرام ..
عاصم : اخر مرة هسالك يا شاديه عن مكان غرام
بعد كدا هتصل على الشرطه ...
يرن هاتف شاديه برقم رامز . ياخذ عاصم الفون ويفتح المكالمه .
ليتفاجئ بصوت رامز
رامز : تسلم ايدك يا شاديه ..عرفت من السكرتيره انك نفذتى العمليه ..
لم يتلقي رامز رد فخاف واغلق الهاتف
سما : هو انتى اللى اتصلتي على رامز بيه
شاديه : انا لا وهتصل عليه ليه
لتقص سما مكالمه شاديه وأنها نفذت العمليه ..
شاديه : كلكم كدابين
لترد هند : لا مش كدابين . انا سمعتك وانتى بتتفقى مع رامز انك هتخطفى غرام ..طول عمرك بتكرهيها ..
شاديه : بس يا قليله الادب ..بنتك بتكذب يا حسن
حسن : منك لله يا شيخه .. انطقى غرام فين احسن موتك هيبقي على ايديا ..
شاديه : انا ماليش ذنب رامز هو اللى خطط لكل شئ ..وهى فى العنوان دا ..............
حسن : اه يا بنت ال * ك * ل * ب
لتجرى منهم وتخرج من الشقه ..
ينزل الجميع ورائها ولكنها تجرى بسرعه لتصتدم بالسيارة .لتقع ق*تي"له فى الحال
يستقل عاصم سيارته وكذلك رغد ويوسف
ولؤى وسما ويذهبون على العنوان ......
يتصل يوسف بالشرطه ويخبرهم بعمليه الخطف
عند غرام
يدخل رامز إليها ويضئ النور وينزع عن فمها الشريط اللاصق
غرام : انت يا رامز
رامز : أهدى يا غرام انا مش عايز أاذيكى انا بحبك يا غرام
غرام : انت مجنون ؛ انا زوجه ابن عمك
رامز : ابن عمى دا ما يستاهلكيش ..انا بس اللي استاهلك ..من اول لحظه شوفتك فيها وانا مش قادر انساكى ...ويقترب منها
لتصرخ غرام ..ابعد عنى يا حيوان
رامز : انتى خلاص بقيتى ملكى ومش هسيبك غير لما تكونى ليا ..ويمزق ثيابها بكل قسوة ..وهى تصرخ وتحاول أن تقاوم ...
ولكنه ينزع عنها ثيابها وبدأ يتتحسس جسدها الناعم وهى تصرخ ..على دخول عاصم الذى قام بكسر الباب
وجد زوجته عاريه .جريت رغد عليها لتغطى جسدها
أما عاصم فكان يسدد لكمات متتاليه ل رامز
حتى وقع فى الارض ..أخرج عاصم المسدس كى يقتله ولكن لؤى ويوسف امسكا يديه وقيداه حتى حضرت الشرطه وقامت بالقبض على رامز بتهمه الاختطاف والشروع فى الاغتصاب ..
فقدت غرام وعيها ..
قام دكتور يوسف بمساعده رغد باسعافها ..
سما ببكاء : ماكنتش اعرف ان مكالمه الست دى عنك يا غرام ...
حمل عاصم زوجته وعاد إلى الفيلا ...
اما لؤى أخذ سما وطلب يدها للزواج
وافقت سما فهى تشعر بالأمان فى وجوده ...
اما رغد وما أن وصلت إلى منزلها هى ويوسف حتى وقعت مغشيا عليها ..
ليكشف عليها يوسف ..وبعد أن أفاقت
يوسف بحب : مبروك حبيبتي
رغد : مبروك على ايه
يوسف : انتى حامل يا قلبي
رغد : وانت عرفت منين
يوسف بضحكه عاليه: اصل تقريبا كدا خير اللهم اجعله خير انا دكتور
لتضحك رغد هى الأخرى وتكتمل فرحتهم بهذا الخبر
عند عاصم
تستفيق غرام .لتجد نفسها فى حضن عاصم وهو ممسك بها بيديه
غرام : حبيبي يا عاصم كنت متاكده انك هتجيلى
عاصم : انا اموت من غيرك يا غرامى
و تمر الايام على ابطالنا
تأخذ شاديه عقابها من الله بالموت بتلك الحادثه
تحتفظ هند ابنتها ببقيه اسرار والدتها مع رامز من أجل سمعه والدها المسكين واختها الصغرى..
يتم الحكم على رامز بالحبس لمده 15 عام مع الشغل والنفاذ ....
تضع غرام طفل جميل يشبه والده لتحتفل عائله السيوفى باول حفيد لها وسماه ادهم
يعتذر مراد وهو وزوجته وابنته وهو منكس الرأس من أفعال رامز...
يتزوج كل من لؤى وسما بعد سامح عاصم سما عن أفعالها بالماضى فى حفله كبيرة
تضع رغد فتاتان توأم كانتا كالبدر والقمر
نورى و نورين
مرت السنين وجاء يوم التخرج لغرام ورغد
نجحت الفتيات بتفوق ودرجه امتياز ..
أصبحت غرام دكتورة فى جراحه المخ والاعصاب
وكانت من اشهر الطبيبات رغم صغر سنها ..
اما رغد فقد استلمت العمل بالمستشفى الخاص بزوجها .....
جاء اليوم الموعود الذى تحدت غرام فيه العالم أجمع ..وعملت ابحاث متعدده على حاله زوجها والألم الذى يصاحب يده اليسرى عند العصبيه والتوتر ..
لتجرى له عمليه جراحيه تحت مسئوليتها الخاصه
وبعد مده يستعيد عاصم صحته وترجع يده اليسرى سليمه كالسابق..
تشتهر غرام وتصبح حديث العالم فى جراحه المخ والاعصاب
لتتحول حياة غرام إلى حياة سعيده أنجبت طفل آخر ليصبح لديها ولدين ادهم و اسد
وهكذا عوض الله ل غرام الأكابر
فهى الفتاة التى طالما وثقت فى قدره الله وعوضه على أن يبدل حالها ...مع زوج يحبها ويعشقها ويفتخر بها فى كل مكان...
😍😍😍😍 تمت 😍😍😍😍
رايكم يهمنى فى الروايه ارجو كتابه رايكم فى التعليقات ..واكتر حد هيعلق اسمه هيكون بطل الروايه الجديده
تحياتى ليكم جميعا.وانتظرونى مع روايه جديده
تعليقات
إرسال تعليق