 |
💝جواز على ورق💝
💝الفصل الثاني والثلاثون حتي الاخير 💝
بقلم منه وائل
جمال:مراد تعالي عاوزك في كلمه
مراد:خير يا اونكل
جمال:مراد انا ليا واحد زميلي كده دكتور يعني وعاوز يتكلم معاك
مراد:دكتور ويتكلم معايا، دكتور اي ده ويتكلم معايا في أي
جمال:دكتور نفسي
مراد:نعم انت اتجننت ياراجل انت دكتور نفسي ليا انا
سوزي:مراااد
مراد:مراد اي وزفت اي، انتوا خلاص افتكرتوني اتجننت انا لسه بعقلي ومراد زي ماانا
سوزي:يا حبيبي محدش قال غير كده بس انت لازم تقعد مع دكتور وتحكيله على اللي جواك عشان ترتاح
مراد:حد قالكم اني تعبان، بقولكم اي لو حد فتح معايا الموضوع ده مش هيحصل كويس سلام
سوزي:مراد يا مراد
جمال:انا اسف بجد
سوزي:لا ماتتاسفش يا جمال هو مراد فعلا لازم يروح لدكتور اخوه دخل عليه الصبح لاقاه بيكلم نفسه
احمد:ايوا بس مكنش وقته انه يتقاله كده
عدي:خلاص سبوه دلوقتي
الدكتور :انسه جميله فاقت
يامن:بجد طب انا عاوز اشوفها
الدكتور:ربع ساعه وتدخلها
يامن:ماشي
أحمد :ماما انا مسافر اسكندريه
سوزي:ليه أن شاء الله
احمد:في شويه ورق وحاجات هروح اخدهم من واحد صاحبي وهرجع بليل ماتقلقيش
سوزي:طب خالي بالك من نفسك
احمد:ماشي يا أمي سلام
دينا :احمد استنا
احمد:ايوا يا دينا
دينا:انت هتتاخر هناك
احمد:لا هاجي بليل على طول ماتقلقيش
دينا:طب ينفع ابقا اطمن عليك في التليفون
احمد:اه طبعا انا هبقا اكلمك مع السلامه
دينا :مع السلامه 😍
اي ده اي ده في أي حد لاحظ 😂😍
بقلمي منه وائل
♥️♥️♥️♥️♥️♥️♥️♥️
في غرفه مريم
مراد:هههههههه فاكرني مجنون يا مريم، مايعرفوش انك روحي نفسي اللي بتنفس بيه، طب انتي هتفضلي تعذبي فيا كده كتير انتي وحشتني اوي، مش عاوز اي حد في الدنيا دي غيرك، انتي سمعاني مش كده قوليلي طيب هتقومي امتا، طب تحبي اول ماتقومي اعملك فرحنا فين، طيب هنقضي شهر العسل فين، بصي انا هروح اصلي واروح مشوار وجايلك سلام يا قلبي
بقلمي منه وائل
♥️♥️♥️♥️♥️♥️♥️♥️
في غرفه جميله
يامن:حمدالله على السلامه
جميله:الله يسلمك، انا فين
عدي:انتي في المستشفى يا حبيبتي، كده تقلقينا عليكي
سوزي:الف سلامه عليكي يا جميله
جميله :الله يسلمك ياطنط
دينا:يلا بقا قومي وشدي حيلك كده عاوزين جميله تقف على رجلها
صافي :انتي مالك وشك اصفر كده ليه
جميله:يمكن من الخبطه بس
يامن:ها قوليلي مين اللي خطفوكي يا جميله
جميله:يوسف
عدي:مش قولتلك هو
يامن :بس سبهولي بقا كده هو دخل نفسه في دايره مش هيعرف يخرج منها
بقلمي منه وائل
♥️♥️♥️♥️♥️♥️♥️♥️
في منزل عمرو في الشرقيه
عمرو:وسلفت مرات عمي بقا راحت قايلالها انتي ملكيش حق انك تعملي كده ومش عارف اي وفرشتلها الملايه كده اهو
يوسف :استنا بس في كلام عجيب مش فهمت حاجه منه انا سلفت مرات عمك وملايه اي هما رايحين جنينه
عمرو:ههههههه يخرب عقلك يا جو فصلتني ضحك
يوسف:لا جو اي في المكان اللي احنا فيه ده قولي يا صميده
عمرو:هههههههههههه المهم راحت امي أدخلت في الموضوع وقالتلم حطي ياخرا انتي وهي لسانكم جوا حناكم ومش عاوزه رغي كتير
يوسف:اي اي بس معلش حناكم ده مين ده عمك
عمرو:هههههههه يااخي عمي اي بس الحنك يعني البوق ده
يوسف:اااه لسانكم جوا بوقكم
عمرو:ايوا بظبط كده
يوسف :انا حاسس اني قاعد مع خالتي
نعمه:يا عمرو يا عمرو
عمرو:عاوزه اي يا نعمه
نعمه :امي بتجولك يلا ال كل جاهز
عمرو:اه خلاص ماشي جايين اهو
نعمه :نورتنا يا فندي
عمرو:ماتغوري يلا
نعمه:حاضر
يوسف :بتزعقلها ليه
عمرو:عندنا ممنوع البت تكلم راجل غريب عنها
يوسف:اه تمم
عمرو :يلا زمان البط برد
😂😂😂انا ابتديت اشفق على يوسف ياعيني يا بني
بقلمي منه وائل
♥️♥️♥️♥️♥️♥️♥️♥️
في اسكندريه
دب دب دب دب
احمد:هو مفيش حد هنا والا اي، اي ده، ده الباب مفتوح
جيجي:احمد احمد اااااه
احمد:جيجي، اي اللي حصل في أي ردي عليا
جيجي:هقولك كل حاجه
بقلمي منه وائل
♥️♥️♥️♥️♥️♥️♥️♥️
في المساءفي منزل الجارحي
سوزي:ده انا كنت هموت من الرعب عليكي والله يا جميله
جميله :ربنا يخليكي ليا يا طنط ماتخافيش ربنا معانا ديما ماتخافيش من اي حاجه
سوزي :ونعم بالله
دينا:طنط هو أحمد اتأخر كد لسه حتى التليفون مش بيرد عليه
سوزي :مش عارفه مع انه قالي انه مش هيتاخر ربنا يستر
عدي:صافي عاوزك
صافي :حاضر
.............
صافي :خير
عدي:انا اسف على اللي حصل مني الصبح بجد والله
صافي :لا مفيش حاجة
عدي:طب انتي مش زعلانه مني
صافي :لا مش زعلانه
عدي:الحمدلله
صافي :عن اءذنك
عدي:صافي
صافي :نعم
عدي:طب بالنسبه اني بحبك
صافي :ها انا انا هدخل ماما بتناديني
عدي:استنى بقا ماما مش بتنادي ولا حاجه ردي عليا
صافي :يا عدي سيب ايدي ماما بتنادي
عدي:حاضر روحي
...............
يامن :ماتخافيش هنجيب هو هيروح فين يعني، بس هو عملك حاجه
جميله :لا الحمدلله
سوزي:طب الحمدلله
تن تن
ام احمد :ايوا حاضر، يالهوي اي ده
سوزي:مين يا ام احمد
ام احمد :ده الاستاذ احمد يا هانم
سوزي:اي يا احمد اتاخرت كده ليه بس.......... اي ده
♥️♥️♥️♥️♥️♥️♥️♥️
انتهى الفصل انتظروا أقوى الأحداث في الفصل الثالث والثلاثون من روايه جواز على ورق بقلمي منه وائل 🖤🔥👆👆👆👇👇👇👇
💝جواز على ورق💝
💝الفصل الثالث والثلاثون💝
يامن:ماتخافيش هنجيبوا هو هيروح فين يعني، بس هو عملك حاجه
جميله:لا الحمدلله
سوزي :طب الحمدلله
تن تن
ام احمد :ايوا حاضر، يالهوي اي ده
سوزي :مين يا ام احمد
ام احمد:ده الاستاذ احمد يا هانم
سوزي:اي يا احمد اتاخرت ليه كده بس........ اي ده، اي لبسك ده اي اللي حصل
احمد:مفيش يا ماما عملت حادثه وانا جايه في الطريق
ام احمد :يا ساتر يارب
سوزي :طب انت كويس فيك حاجه يا حبيبي مالك طيب
احمد :مفيش حاجة يا ماما انا كويس
سوزي:طيب اطلع خد دش على ما ام احمد تجهزلك العشا واجيب دكتور يطمن عليك
احمد:قولت مش عاوز حاجه انا هطلع انام
يامن :خلاص يا طنط سيبيه ينام السفر مع الحادثه اكيد تعبوا
سوزي:انا مش عارفه اصلا كان لازمتها اي السفريه دي
عدي:اكيد حاجه مهم يا طنط
صافي :طب لو كان عمل حادثه مش المفروض ان العربيه تكون متخرشمه
جميله:ايوا
صافي :العربيه فله يا ماما
سوزي :مش عارفه اكيد اتخانق مع حد من صحابه، ربنا يستر
يامن:لا ماتقلقيش أن شاء الله خير،. هستئذن انا بقا
سوزي:ليه يابني مانت لسه قاعد، وبعدين مش هتستنا مراد
يامن:لا يا طنط مراد لسه مش هيجي دلوقتي، وانا اتاخرت على امي ولازم اديها الدوا، يلا تصبحوا على خير
سوزي:وانت من اهله يا حبيبي ابقا سلملي على ماما على اما أجلها
يامن:من عينيا يوصل
............
دينا :احمد استنا
احمد:ايوا يا دينا عاوزه اي
دينا :اي اللي حصل 🥺
احمد:مش انا قولت تحت عملت حادثه
دينا:ايوا بس انا مش مصدقه، عربيتك مفيهاش حاجه
احمد:هتكدبني يعني
دينا :لا مقصدتش اكدبك بس انا حاسه في حاجه
احمد:خالي احساسك لنفسك انا مفيش حاجه
دينا:ليه بتكذب على نفسك انت جواك كميه كلام عاوز تقولها ومش قادر، اتكلم يا احمد مش احنا أصحاب وبنتكلم مع بعض قول انا سمعاك
احمد:انتي هتعملي فيها فيلسوفه، ماقولتلك مفيش حاجه، وروحي بقا من هنا انا مش عارف اي اللي جايبك ورايا اساسا، على فكره ده مش من مصلحتك تيجي َورايا و الدور ده اصلا مفيهوش حد غيري وانتي يبقا اي افهمي انتي بقا، ويلا من هنا يا شاطره عشان تخرجي سليمه
دينا :انت قليل الادب وانا غلطانه اصلا اني جيت اشوفك مالك، صحيح انا كنت فكراك اتغيرت بس بظبط زي ما قبلتك اول مره اوعي
احمد:اي الهبل اللي انت قولته ده يا متخلف وهي ذنبها اي بس 🤦🏼♀️، انا اسف اوي يا دينا، هصالحها بكره بس لما اخرج من الحاله اللي انا فيها دي
بقلمي منه وائل
♥️♥️♥️♥️♥️♥️♥️♥️
في عياده الدكتور النفسي
الدكتور:وانت كنت بتحس بايه وانت بتضربها
مراد:يا دكتور هو انا اول مره اجيلك، انا من ساعه ما مريم دخلت حياتي وانا هنا، وبعدين انا بحبها اوي بس مش عارف ليه لما بلاقيها بتعمل غلط بضربها جامد رغم ان عمري ما مديت ايدي على واحده ست
الدكتور :ايوا بس انت حتى كنت بتتعمد تهنها وهي مش مراتك بالألفاظ
مراد:مش يمكن عشان هي لما شتمتني حسيت اني قليل قدمها و انا محبتش كده، لان والدي علمني محدش ابدا يقلل مني ايا كان مين
الدكتور :تقوم تحكم عليها انك تتجوزها بالعافيه
مراد:لا انا لما حكمت عليها اني اتجوزها بالعافيه فبصراحه عشان أعجبت بيها اوي وشخصيتها واسلوبها، صحيح لسانها طويل بس مش زي كل البنات اللي شايفني الله قمر ومفيش مني، بالمعنى مش منبهره بيا مختلفه عن الكل فهمني
الدكتور :اه فهمك، طيب يا مراد انت خلاص خفيت
مراد:وانت عرفت ازاي
الدكتور:ندمك على اللي عملته معاها بعد اما دخلت المستشفى
مراد:🤦🏼♀️طب منا قولتلك اني كل مره بعمل كده وبرجع اندم وبقول ليامن كده، حتى يوم ما اغتصبتها كنت بموت من وجع ضميري وندمي واني وجعتها بالشكل ده، ده انا اتسببت في ابننا يا دكتور
الدكتور:انت مستعد تخسرها
مراد:لا لا والله
الدكتور:بس يبقا انت كده خفيت
مراد:وانت اش ضمنك منا ممكن بعد اما تقوم ان شاء الله اعمل كده تاني
الدكتور :معتقدش، اشاره مخك فهمت ان قلبك محتاجها وهي لو بعدت انت هتموت فهمت، َ اه حاجه كمان لازم تسيطر على غضبك يا مراد، انا مش بقولك ماتغيرش عليها لا غير بس بالهداوه، حبك وغيرتك على الشخص اللي قدامك مش بالعنف والقسوه، حبك وغيرتك انك تحسس اللي بتحبه انك مش عاوزه يكون مع حد غيرك مش تحسسه انك شاري وتملكه وتخنق عليه، فهمت يا مراد
مراد:انا مش عارف اقولك اي بصراحه بس حقيقي انا اتعلمت منك كتير بشكرك جدا
الدكتور:ماتقولش كده انا قبل ما اكون طبيبك فاانا اخوك وهقف جنبك احد اما تتعافي كاملا
مراد:طيب الجلسه اللي جايه امتا
الدكتور:خليها بعد اسبوعين، بس لو حسيت انك عاوز تتكلم، تعالي العياده مفتوحالك في أي وقت، ولو مش مرتاح هنا انت عارف البيت تعالي انا منتظرك
مراد:متشكر جدا والله، تصبح على خير
الدكتور:وانت من اهل الخير
بقلمي منه وائل
♥️♥️♥️♥️♥️♥️♥️♥️
في المستشفى
ممرضه١:مسكينه البنت دي، ياعيني داخله على اسبوعين اهو في غيبوبه وماقامتش منها
ممرضه ٢:ذه غير ابنها اللي مات ياقلبي
ممرضه ١:انا سمعت ان جوزها هو اللي عمل فيها كدهر
ممرضه:ايوا بيقولوا ضربها بالانبوبه على دماغها
ممرضه ١:يا ختااي واستحملتها ازاي دي دي المفروض تكون ماتت
ممرضه ٢:ربنا لو كتبلها عمر جديد وربنا يبقا بيحبها والله
ممرضه ١:بس جوزها يا بت زي القمر وشكله شيك وشبه جورج كلوني، انبوبه اي بس اللي يضربها بيها دي
ونبي قوليلها دي خرقت الخيال العلمي 😂😂😂😂😂😂
الممرضه ٢: يبقا اكيد ضربها بالشومه
ممرضه١:معرفش بقا ربنا يقومها بالسلامه
ما هو رغي النسوان ده والفتي ده اللي مودينا في داهيه😂
بقلمي منه وائل
♥️♥️♥️♥️♥️♥️♥️♥️
في منزل يامن
يامن:مساء الخير يا ماما
ميرفت :مساء النور
يامن:مالك يا ماما قاعده كده ليه
ميرفت:هدير
يامن:مالها الزفته دي
ميرفت:جات النهارده وفضلت تقول انها مش هتسيبك لو وصلت انها هتقتلك
يامن:ههههههه طب تورني هتعملها ازاي دي، انتي خايفه عليا يا كوكو
ميرفت :طبعا مش ابني لازم اخاف عليه، وبعدين البت كان في عينيها شر جامد
يامن:ملطردتهاش برا ليه او اتصلتي بالبوليس يجي ياخدها
ميرفت:مايصحش يابني دي مهما كان بنت بردو وليها سمعتها مينفعش
يامن:هتفضلي طول عمرك طيبه كده، العموم يا ستي ماتخافيش هدير ماتقدرش تعمل حاجه، المهم اتعشيتي
ميرفت:ايوا الحمدلله
يامن:طب يلا بقا عشان تاخدي الدوا
ميرفت:يلا
بقلمي منه وائل
♥️♥️♥️♥️♥️♥️♥️♥️
في غرفه احمد
احمد:ليه بس ليه كده يا هيثم انا عملتلك اي بس، ده انت كنت صاحبي الوحيد
فلاش باك
احمد:هو مفيش حد هنا والا اي، اي ده، ده الباب مفتوح
جيجي :احمد احمد ااااااه
احمد:جيجي، اي اللي حصل ردي عليا في أي
جيجي :هقولك كل حاجه
احمد:مين عمل فيكي كده
جيجي:هيثم، هيثم اللي عمل كده اااه
احمد :ليه اي اللي حصل
جيجي :انا اسفه يا احمد اسفه اوي انا اللي كنت بدي لهيثم المنوم عشان تنام وتصحى تفتكر ان حصل بينا حاجه
احمد :يعني هو محصلش
جيجي:لا محصلش حاجه يا احمد
احمد:طب والبيبي اللي في بطنك
جيجي:يبقا ابن هيثم، ايوا هو الوحيد اللي لمسني، ونكر الطفل،ااااه، وهو اللي اخترع فكره ان البيبي يكون ابنك
احمد :وبعدين كملي
جيجي:ااااه، بعدين النهارده لما عرفت انك جاي عشان عرفت اني حامل، قولتله اني غلطت في حقك واني عاوزه
اقولك على كل حاجه، بس هو اااااه
احمد:هو اي يا جيجي انطقي
جيجي:هو رفض عشان مش عاوز يعترف بابنه اللي في بطني، كنت هتصل بيك بس ضربني ولما حاولت اهرب ااااه جاب السكينه وهرب واخد كل الدهب اللي كنت لابساه والفلوس اللي كنت انت مدهالنا
احمد:طب تعالي هوديكي مستشفى بسرعه
جيجي:لا مش هنلحق وهتشيل انت الليله مش هيصدقوك ااااه سامحني يا احمد انا اسفه اوي، بص انا خلاص كده كده هموت انت تاخدني تدفني في أي حته ماشي وكأنك ماشوفتنيش
احمد:ازاي يا جيجي تعالي يلا عشان الحقك يلا
جيجي:.......
احمد:جيجي ردي عليا، يا جيجي 😭😭😭😭
باك
احمد:مسامحك يا جيجي على الأقل صعبت عليكي مش صاحب عمري اللي كان عاوز يورطني
بقلمي منه وائل
♥️♥️♥️♥️♥️♥️♥️♥️
في الشرقيه
عمرو:ياااااا والله بقالي كتير ماشربتش شابك يا اما، تعرف يا جوو
يوسف:......
عمرو:جو يا جو انت موت
يوسف:عايز اي بقا سبني انام مش كفايا الحاجات اللي بتقرص دي مش عارف اي ده
عمرو:هههههههههه هو العسل اصطادك
يوسف:ده مين ده أن شاء الله
عمرو:النموس
يوسف:اه هو ده انا تعبت ده بيقرص من اي حته مش بيميز
عمرو:ههههههه لا عادي عادي ده بيشغل الدوره الدمويه عندك
يوسف :طب انا عاوز اعرف انت ملبسني كده ليه
عمرو:اومال هتلبس اي يعني مااحنا جرينا وماعرفناش ناخد اي حاجه
يوسف:هي الجلبيع دي بتاعه مين
عمرو :بتاعه ابويا الله يرحمه
يوسف :نعم، طيب سؤال هي ليه ريحتها مش مغسول كده
عمرو :مش عارف يمكن امي نسيت تغسلها من آخر مره عمي لبسها
يوسف:خلاص خلاص اوعي
عمرو:انت هتعمل اي يا عبيط خلاص بهزر معاك، يابني امي غسلاها وكوياها اهدي بقا
يوسف:انا عاوز ارجع تركيا بقا
عمرو :انا عبيط انت نسيت البت اللي انت قتلتها دي والبوليس اللي زمانه بيدور علينا اهدي بقا وماتقرفنيش
يوسف:ربنا يستر
بقلمي منه وائل
♥️♥️♥️♥️♥️♥️♥️♥️
في المستشفى
مراد:انا مرضتش اروح الا لما اجي اطمن عليكي، على فكره انا خفيت الدكتور قالي كده، ماتخافيش مني تاني يا حبيبتي َمش هضربك تاني، المهم قومي بقا عشان هعوضك عن كل.ده وان شاء الله ربنا هيرزقنا باءبن جميل، انا هروح انام بقا. بكره هجيلك، سلام
تيت تيت تيت تييييييت
مراد: مريم 😳
♥️♥️♥️♥️♥️♥️♥️♥️
انتهي الفصل انتظروا أقوى الأحداث في الفصل الرابع والثلاثون من روايه جواز على ورق بقلمي منه وائل 🖤🔥👆👆👆👇👇👇
💝جواز على ورق💝
💝الفصل الرابع والثلاثون💝
مراد :انا مرضتش اروح الا لما اجي اطمن عليكي، على فكره انا خفيت الدكتور قالي كده، ماتخافيش مني تاني يا حبيبتي مش هضربك تاني، المهم قومي بقا عشان اعوضك عن كل ده وان شاء الله ربنا هيو قنا باءبن جميل، انا هروح انام بقا، بكره هجيلك، سلام
تيت تيت تيت تيييييت
مراد:مريم 😳 الحقوني، الحقني يا دكتور الجهاز عمل صوت
الدكتور:هاتي ضربات القلب بسرعه
مراد:يارب ونبي يارب احميهالي يارب انا بحبها اوي ومش هقدر استغني عنها والله ما هعملها حاجه تاني يارب
تيت تيت تيت
الدكتور :الحمدلله ماتقلقش لحقناها
مراد:الحمدلله يارب 😭، مريم ابوس ايدك ماتمشيش وتسبني
بقلمي منه وائل
♥️♥️♥️♥️♥️♥️♥️♥️
في الصباح في منزل الجارحي
سوزي:صباح الخير يا دينا َمالك يا حبيبتي في أي
دينا :مفيش بس الدكتور قالي ان فاضل اسبوعين ويحدد العمليه
سوزي :هو مش كان قال شهرين
دينا:لا منا روحت الصبح وكشف عليها وقالي انها مش هتحتاج الوقت ده كله
سوزي:طب على خير لما مراد يصحى ابقى قوليله
دينا :حاضر
احمد:صباح الخير يا ماما
سوزي صباح الخير يا حبيبي اي أخبارك دلوقتي
احمد:الحمدلله احسن شويه، صباح الخير يا دينا
دينا :انا هروح أذاكر في الجنينه يا ماما، قصدي يا طنط
سوزي:حلوه ماما منك قوليلي ماما انا حبيتها منك اوي
دينا :حاضر يا ماما،
احمد:على اساس اني شفاف يعني انا مش قولت صباح الخير
دينا :عن اءذنك يا ماما هروح الجنينه
سوزي:ههههههه ماشي يا حبيبتي
احمد :لا والله
سوزي :شكلك مضايقها
احمد:بصي هي جات تكلمني امبارح وانا راجع من برا وانتي عارفه اني كنت راجع مخنوق وتعبان وكانت مش مصدقني اني عملت حادثه وطبعا بما اننا صحاب فكانت عاوزه تعرف فيا اي بس بغبائي زعقتلها وخلتها مشيت زعلانه
سوزي :يا متخلف دينا دي انسانه رقيقه ازاي تضايقها كده، انت عارف لو مراد عرف هيعمل فيك اي
احمد:مااهو ماما الحلوه مش هتقولوا مش كده
سوزي :للأسف مش هقوله كفايا اللي هو فيه، يلا روح صالحها
احمد:حاضر
..............
دينا :بني آدم قليل الذوق
احمد:هو مين ده بقا
دينا :عاااااااا
احمد: اي بس بس هو انا هخطفك يعني
دينا :نعم حضرتك عاوز اي
احمد:حضرتي وعاوز إي، مالك يا بت فيكي اي
دينا:مااسميش بت وملكش دعوه فيا اي
احمد:بقولك اي وربنا هشيلك وهرميكي على الأرض
دينا :عاوز اي انت وربنا انا ما قولتش لحد على سفالتك بتاعه امبارح بس اقسم بالله لو طولت هفضحك
احمد:بس اي شكمان اشتغل، بصي انا مش عارف انا قولت كده ازاي بس والله انا مش وحش يا دينا انا بس حصل معايا حاجه خلتني مش طايق نفسي خالص
دينا :منا قولتلك احنا صحاب واحكي هسمعك، عملت فيها توم كروز وطلعت سفالتك
احمد :خلاص بقا يا دودو انا اسف
دينا:طب هتقولي في أي
احمد:حاضر بس ده سر بينا
دينا :حاضر
بقلمي منه وائل
♥️♥️♥️♥️♥️♥️♥️♥️
في غرفه مراد
مراد:صباح الخير ياقلب مراد، عارفه انا هجيلك بدري النهارده وهجبلك الورد اللي بتحبي انا سالت دينا قالتلي انك بتحبي الياسمين هجبهولك يا قلبي، بصي انا مش هلبس بدل النهارده هلبس كجوال اي رايك، حاسس انه هيعجبك، يلا بقا هروح اشوف الشركه والملجأ وهجيلك
بقلمي منه وائل
♥️♥️♥️♥️♥️♥️♥️♥️
في غرفه صافي
صافي :طيب ما هو قالك بيحبك اي هتفضلي كده كتير معصلجه، ماانتي كمان معجبه بيه وحبيتيه
، طيب اي
دب دب
صافي :ايوا حاضر، عدي
عدي:صباح الخير
صافي :صباح النور
عدي:انا كنت نازل أجرى شويه في مسابقه معموله عند الكوبري كده وشويه وهتبداء ها تيجي
صافي :امممم اوكي
عدي:ماشي هستناكي تحت
صافي :ماشي
بقلمي منه وائل
♥️♥️♥️♥️♥️♥️♥️♥️
في شركه الجارحي
يامن:جميله انتي اي اللي جابك انتي لسه تعبانه
جميله :بحبك
يامن:😳ها انتي دماغك لسه بتوجعك
جميله :بحبك
يامن :جميله هو عدي فين
جميله :مش هقولها تاني
يامن:اممم والله انا شايفك اختي 🤭
جميله :والله اوكي عن اءذنك
يامن :لا لا استنى والله بهزر، انا كمان بحبك اوي عارفه انتي مميزه خالص بحسك مش زي اي بنت
جميله :مش اوي كده
يامن:لا واكتر كمان مش مصدق نفسي اخيرا سمعتها منك
جميله :طب ما سألتش نفسك ليه جيت قولتها
يامن:منا عارف
جميله :عارف اي
يامن:اللي يشوف شكلك وانتي متعصبه عشان شوفتي هدير في حضني يقول انك ميته في دباديبي ههههههههه
جميله :لا والله طب خليها تنفعك بقا
يامن:يابنتي بهزر بلاش قفش بقا هي اللي جات مرميه عليا والله
دش دش
يامن:اي ده اي اللي بيحصل ده
♥️♥️♥️♥️♥️♥️♥️♥️
انتهى الفصل انتظروا أقوى الأحداث في الفصل الخامس والثلاثون من روايه جواز على ورق بقلمي منه وائل 🖤🔥👆👆👆👇👇👇👇
💝جواز على ورق💝
💝الفصل الخامس الثلاثون💝
يامن :اللي يشوف شكلك وانتي متعصبه عشان شوفتي هدير في حضني يقوك انك ميته في دباديبي هههههههههه
جميله :لا والله طب خليها تنفعك بقا
يامن :يابنتي بهزر بلاش قفش بقا هي اللي جات مرميه عليا والله
دش دش
يامن :اي ده اي اللي بيحصل ده
جميله :مش عارفه في حد كسر الشبابيك بحاجه
يامن :الو اي يابني في أي عندك
الأمن :يافندم الست اللي جات المره اللي فاتت واقفه معاها طوب كتير وعماله ترمي على الشبابيك والازاز
يامن:طيب طيب انا جاي حالا
جميله :في أي
يامن:هدير
الامن:ياست انتي مينفعش كده
هدير:محدش له دعوه واللي هيقرب هديلوا في وشه
يامن:انتي مجنونه
هدير:يامن حبيبي انت ليه سبتني انا بحبك انا ماليش دعوه بماما هي اللي كانت بتقولي اقول اي وما اقولش اي انا مش هسمع كلامها تاني بس ونبي ما تسبني انا بحبك اكتر منها هي لا مش بتحبك
يامن:اهدي يا هدير مينفعش اللي بتعملي ده
هدير:والله العظيم هموت نفسي لو مرجعتليش السكينه اهي
ام هدير:لاااااا لا يا هدير ونبي انا اسفه يا ضنايا انا اللي عملت فيكي كده بطمعي
هدير :اسكتوا محدش يتكلم يامن هيرجعلي صح ياقلبي صح
يامن:اهدي يا هدير لوسمحت كده مينفعش هتعوري نفسك
ابو هدير:ونبي يابني خد منها السكينه دي ممكن تعملها
يامن:هدير هاتي السكينه بقا يلا عشان خاطري
هدير :لااااا ابعد ابعد
ام هدير:لااااااا بنتي
بقلمي منه وائل
♥️♥️♥️♥️♥️♥️♥️♥️
في الشرقيه
يوسف:عمرو انا تعبت من العيشه دي مش قادر اتحمل
عمرو:وانا اعملك اي يعني ماانت شايف البوليس مبهدل الدنيا ده غير ان صورنا اتملت في الجرايد لولا اننا مش بنخرج من البيت والناس اللي هنا على قد حالها كان زمانا متشخرمين
يوسف:انا بفكر اسلم نفسي
عمرو:أحيه وتشيل الليله
يوسف:مااهي ما ماتتش
عمرو:عرفت منين
يوسف:امبارح في التلفزيون
عمرو :طب اهدي بقا كده واعقل وان شاء الله هينسوا الموضوع
بقلمي منه وائل
♥️♥️♥️♥️♥️♥️♥️♥️
في المسابقه
عدي :جاهزه
صافي :يس
عدي :اما نشوف
1 2 3
Go
صافي:هكسبك يا عدي
عدي:هههههههه اما نشوف يا روح عدي
صافي :اوف ماشي اما وريتك
المعلق:والان عدي في المقدمه يسبق صافي على بعد ١٠ ملي، والان صافي تسبقه،. وأصبح الاثنان في المقدمه بدون منافس اخر، وماذا لقد اتي الجوكر وأصبح يسبق عدي وصافي على بعد نصف متر ويلحقا بيه صافي وعدي والدوره الأولي تفوز بيها صافي، ويليها عدي والجوكر
احمد الجوكر، أكبر متسابق في الشرق الأوسط، والان في نهايه الدوره الثانيه يفوز عدي، ولكن ليست النهايه النهايه الحاسمه في الدوره الثالثه، والتي أصبحت أعلى منافسه بين المتسابقين الثلاث، عدي، صافي الجوكر، والذي يفوز بالدور الثالثه هو هي هي صافي الجارحي ولم تكن متوقعه
عدي:مبروك
صافي :ههههههههه اي رايك
عدي:جدعه
الجوكر :مبروك يا موزمازيل
صافي :شكرا
الجوكر:احمد الجوكر متسابق قديم أكبر متسابق في الشرق الأوسط، اسمك صافي مش كده
عدي:ايوا انسه صافي خطبتي وانا عدي الجارحي أبن عنها وخطبها اتشرفنا بحضرتك
ااجوكر:اممم خطبها، لايقين على بعض، وانا كمان اتشرفت بيكم مبروك تاني موزمازيل، عن اءذنكم
عدي:اءذنك معاك يا اخويا
صافي :انت ازاي تقوله اني انا خطبتك، انا مش خطبتك ولا زفت واوعى ايدك دي
عدي:بقولك اي انا لو مكنتش قولتله كده كان هيسوق فيها
صافي :وانت مالك اصلا انا حره
عدي:لا مش حره وامشي يلا قدامي عشان نروح، بلا كلام فارغ
صافي :قرف 😒
بقلمي منه وائل
♥️♥️♥️♥️♥️♥️♥️♥️
في المستشفى
ممرضه ١:ياكبدي شوفتي امبارح كان قاعد معاها لنص الليل وكان بكلمها ويعيط
ممرضه ٢:ياختي وهو جاي يعيط دلوقتي كان فين ضميره وهو بيمد ايده عليها وضيعها وضيع ابنهم
ممرضه١:طب بس بس ده جه، يا خواتي ده قمر قمر
مراد:بتقولي حاجه
ممرضه١: ها
مراد:في حاجه
ممرضه١:لا مفيش
مراد:طب واقفه كده ليه
ممرضه١:كنت كنت بغيرلها
مراد :طيب اتفضلي بقا
ممرضه ١:حاضر
مراد:وحشتني يا قمري تعرفي نفسي اخدك في حضني اوي، هو انا لو عملت كده هتزعلي، طب ارفعي صباعك لو موافقه ماانتي كده كده سمعاني
مريم :..........
مراد:هههههه عاوزاني احضنك يعني، ماشي تعالي ياقلبي ياااااااا حضنك جميل بس لو انتي صاحيه هيكون أجمل، ممكن بقا تفوقي عشان وحشتني خالص، بصي اللبس انا غيرت نظام بدل، واه الملجأ العمال شغالين فيه، انا واثق انك هتفوقي قريب
بقلمي منه وائل
♥️♥️♥️♥️♥️♥️♥️♥️
في جنينه منزل الجارحي
دينا :يانهار اسود يا احمد انت ازاي تعمل كده
احمد :اعمل اي يعني البسها انا
دينا :تقوم تروح تدفنها في مزافنكم من غير تصريح وأهلها مايعرفوش
احمد:أهلها دول ربنا ياخدهم لو كانوا جنبها مكنتش وصلت لكده وماتت الموته دي، وبعدين انتي بتلومني لي يعني كنت اروح البوليس والبسها انا
دينا :يااحمد انت فاكر ان الموضوع هيعدي كده ده أهلها هيبلغوا وهيتفحصوا والدنيا هتتقلب
احمد:سيبيها لله
بقلمي منه وائل
♥️♥️♥️♥️♥️♥️♥️♥️
في مكان بعيد عن الانظار
هيثم :هو انا هفضل محبوس كده، بس احسن من حبسه السجن، انت عملت كده ليه بس ليه جيجي ماتت خلاص طب ليه مااتجوزتهاش مش دي جيجي اللي كنت زعلان ان احمد واخدها منك ليه عملت فيها كده ليه لا وكمان لبستها لصاحبك بجد انت اوسخ من الشيطان
😭😭😭😭😭😭😭
بقلمي منه وائل
♥️♥️♥️♥️♥️♥️♥️♥️
في شركه الجارحي
يامن:هاتي دي بقا
هدير:سبني بقا سبني اموت نفسي 😭😭😭
ام هدير :تعالي يا قلب امك انا السبب
يامن:روحها وادوها حقنه مهدئه لازم تهدي أعصابها وماتسبوهاش لوحدها تاني ممكن تعمل في نفسها حاجه
ام هدير:حاضر يا بني
جميله :صعبت عليا اوي، شكلك بتحبك
يامن :هي فعلا بتحبني، بس خلاص يا جميله مبقاش ينفع، وقبل حتى ما احبك مبقاش ينفع كل اللي بينا اتكسر خلاص ربنا يهديها ويصلح حالها
ترن ترن
يامن :الو ايوا يا رؤف اي بتتكلم جد في الشرقيه طب حلو اوي تمم لما تجبوهم اتصل عليا تمن مع السلامه
جميله :في أي
يامن :عرفوا مكان يوسف. وصاحبه
جميله :يامن لوسمحت َمش عاوزه مشاكل خليه بس يرجع بلده ومش عاوزه حاجه تاني
يامن :ازاي بس يا جميله
جميله :عشان خاطري
يامن:حاضر
بقلمي منه وائل
♥️♥️♥️♥️♥️♥️♥️♥️
في منزل الجارحي
صافي :اوعي ايدك دي بقا
عدي :عشان تعرفي انك غلطانه
صافي :لا انا اللي غلطان انت ماتقولوش كده اصلا انت مالك بيا
عدي:انا اقول اللي يعجبني طلما عارف الصح
صافي :لا قول اللي يعجبك على نفسك مش عليا
سوزي:بس بقا يا ولاد في أي بتزعقوا كده ليه صوتكم جايب لبرا
احمد:ده احنا جينا على صوتهم والله
عدي:طنط انا طالب ايد صافي
صافي :😳😳
♥️♥️♥️♥️♥️♥️♥️♥️
انتهي الفصل انتظروا اقوط الأحداث في الفصل السادس والثلاثون من روايه جواز على ورق بقلمي منه وائل 🖤🔥👆👆👆👇👇👇
💝جواز على ورق💝
💝الفصل سادس والسابع والثلاثون الاخير💝
صافى :اوعي ايدك دي بقا
عدي:عشان تعرفي انك غلطانه
صافي :لا انت اللي غلطان انت ماتقولوش كده اصلا انت مالك بيا
عدي:انا اقول اللي يعجبني طلما عارف الصح
صافي :لا قول اللي يعجبك على نفسك مش عليا
سوزي:بس بقا يا ولاد في أي بتزعقوا كده ليه صوتكم جايب لبرا
احمد:ده احنا جينا على صوتهم والله
عدي:طنط انا طالب ايد صافي
صافي :😳اي اي انت انت اي اللي بتقوله ده
عدي:اللي سمعتي
سوزي:طب بس اهدوا وبراحه شويه عليا عشان مش فاهمه حاجه
عدي:هفهمك ببساطه انا بحب صافي وعاوز اتجوزها، شوفي بقا رائيها
صافي :انت اتجننت لا مش موافقه عن اذنكم
سوزي:عدي معلش يابني انت عارف صافي
عدي:لا عادي انا قبلت التحدي
دينا:تحدي اي
عدي :هتشوفوا
بقلمي منه وائل
♥️♥️♥️♥️♥️♥️♥️♥️
في الشرقيه
يوسف :هو اي البتاع ده
عمرو :دي دي مورته
يوسف :اي ده هى بنت
عمرو:هههههه اه اه، دي ياسيدي اللي بتطلع من السمنه البلدي بعد اما بنسيحها
يوسف:بتتاكل دي
عمرو :لا بتتلبس، ايوا ياعم بتتاكل اومال اي دي طعمها جامد دوق كده
يوسف:بص هي طعمها حلو بس تقيله اوي
عمرو:اومال ههههههه دي فيها ١٠٠٠ سعره حراريه الحته دي
يوسف:يانهارك اسود وبتاكلهالي ليه
عمرو:يااخي كول وربرب كده
يوسف:يااخي بقا
ام عمرو:يا ولدي فيه جماعه برا عاوزينك
عمرو:مين دول يا اما
ام عمرو:معرفاش هيجولوا عاوزينك انت وصاحبك
يوسف:هيكون مين دول
عمرو:مش عارف، بقولك يااما هما ظباط
ام عمرو:لاه ياولدي دول لبسهم عادي
عمرو:تعالي اما نشوف مين
يوسف:يلا
رؤف:اي كنتوا َفكرين هتفضلوا هربانين قدامي يلا
عمرو:منك لله انت السبب
يوسف:خلاص بقا اسكت
بقلمي منه وائل
♥️♥️♥️♥️♥️♥️♥️♥️
في منزل الجارحي
دينا :احمد انا خايفه أوى مش عارفه حاسه ام الموضوع مش هيعدي لازم تدور على صاحبك ده وتخليه يعترف
احمد:يا سلام هو بالساهل يا دينا هقوله تعالي عشان تتعدم
دينا :مش عارفه بقا لازم نتصرف
احمد:مش عارف بقا
تن تن
ام احمد:ايوا حاضر
مراد:اذيك يا ام احمد
ام احمد :اذيك يا مراد بيه عامل اي
مراد :الحمدلله ماما فين
ام احمد:في اوضتها
مراد:ماشي
عدي:مراد عاوزك في كلمتين
مراد:تعالي انا نشوف في أي
احمد:بقولك اي تحبي نروح الملاهي
دينا:لا مينفعش
احمد:ليه بس
دينا:وشي 😔💔
احمد :اه طب ماتزعليش ان شاء الله هتعملي العمليه وهنخرج
ونتفسح وكل حاجه
تن تن
ام احمد :ايوا حاضر
ظابط:احمد الجارحي هنا
ام احمد :ايوا يا بيه اؤمر
ظابط:مطلوب القبض عليه
احمد:نعم ايوا حضرتك انا احمد في أي
ظابط:اتفضل معايا حضرتك انت متهم بخطف جيجي حسن الحلواني
احمد:انا؟ مين مقدم فيا البلاغ ده
ظابط:والد جيجي، اتفضل معانا وهناك هتفهم كل حاجه
مراد:في أي حضرتك، انا مراد الجارحي اخو أحمد في أي
الظابط :اهلا بحضرتك يا فندم مطلوب القبض على أحمد الجارحي لانه متهم بخطف الانسه جيجي حسن الحلواني
مراد:معاك اءذن من النيابه
الظابط:ايوا اتفضل، يلا اتفضل معانا يا استاذ
سوزي:ابني واخدينوا على فين لا ابني ااااااه
صافي :مامااااااااا
بقلمي منه وائل
♥️♥️♥️♥️♥️♥️♥️♥️ بعدشهرفي مكان بعيدعن الانظار
هيثم:ياااارب بقا انا مش عارف اعيش جيجي في كل مكان ارحمني بقا
خيال جيجي:قول الحق انقذ احمد، قول الحق انقذ احمد
هيثم:يا جيجي انا مكنتش اقصد اقتله انا والله كنت بخوفك بس هي دخلت في بطنك والله😭😭😭😭😭😭
خيال جيجي :قول الحق انقذ احمد، قول الحق انقذ احمد
هيثم:خلاص كفايا ابوس ايدك تعبت حاضر هقول كل حاجه
بقلمي منه وائل
♥️♥️♥️♥️♥️♥️♥️♥️
في منزل الجارحي
سوزي :انت هتسيب اخوك يضيع كده الجلسه بكره وهيتحكم عليه😭
مراد:الحل الوحيد اننا نلاقي هيثم ده بس هنلاقي فين
دينا :لازم نلاقي باي طريقه احمد حكالي كل حاجه انا اعرف كل حاجه هيثم هو السبب احمد مالوش ذنب
مراد:اهدي يا حبيبتي ان شاء الله هنلاقي وبعدين انتي العمليه بتاعتك الصبح
دينا:مش هعمل عمليات الا لما احمد يخرج
مراد:لا مينفعش يا دينا ده الوقت المناسب للعمليه انتي عاوزه مريم تزعل منك، وبعدين احمد لما يخرج ان شاء الله يلاقيكي كده لا لازم يلاقيكي خفيتي، انتي حبتي؟
دينا :ها
مراد:هههههه طب خلاص اهدي مش هحرجك اكتر من كده
تن تن
سوزي:افتحي يا ام احمد
ام احمد :حاضر
هيثم:لوسمحت استاذ مراد هنا
ام احمد :ايوا
مراد:مين يا ام احمد
ام احمد :مش عارفه واحد كده عاوز حضرتك
هيثم:انا انا يا استاذ مراد انا هيثم صاحب أحمد انا اللي قتلت جيجي احمد مالوش ذنب ونبي قولهم انا تعبت مش عارف اعيش عاوز اموت جيجي بتطلعلي في كل حلم ونبي
مراد:اهدي طيب تعالي معايا
سوزي :هتروح فين يا مراد
مراد :هودي هناك عشان يقول الكلام ده
دينا :الحمدلله يارب الحمدلله
بقلمي منه وائل
♥️♥️♥️♥️♥️♥️♥️♥️
بعد الجلسه
مراد:حمدالله على سلامتك يا ابو حميد
احمد :الله يسلمك
عدي:كنت هتتشنق هههههه
احمد:يااخي فال الله والا فالك، اومال دينا فين وماما وصافي وجميله
يامن :دينا عمليتها النهارده وكلهم هناك معاها
احمد:اي ده بجد، طب انا عاوز اروحلها
مراد:اهدي يا رومي أفندي هنروحلها، اي من امتا الحب اللي مولع في الدره ده
احمد:ها حب اي انا بس عاوز اطمن عليها
يامن:اها انتي هتقوليلي يا عديله ده انتي عينك يا ختي هتلمع
مراد:لا والا اقولك اي يا عديله نستناهم في البيت احسن
عدي:هههههههه انا بقول كده بردو
احمد:خلاص انت وهو هتحفلوا عليا اه بحبها ارتحتوا، اه صحيح
هي مريم فاقت
مراد :😔
يامن:لا مافاقتش
عدي:يلا بقا عشان نطمن على دينا
مراد:يلا
بقلمي منه وائل
♥️♥️♥️♥️♥️♥️♥️♥️
في المستشفى
الممرضه:ونبي يابنتي مش حرام عمرك ده اللي بيروح بقالي اكتر من شهرين اهو زي ماانتي بتحركي صباعك بس والله حرام، ده جوزك يا عيني كل يوم يجي ويقعد جنبك ويعيط ربنا يصبره
مريم :👁️👁️
الممرضه :اي ده انتي فتحتي عينك
مريم :مراد
الممرضه :يا دكتور يا دكتور
♥️♥️♥️♥️♥️♥️♥️♥️
انتهى الفصل انتظروا أقوى الأحداث في الفصل السابع والثلاثون من روايه جوا. على ورق بقلمي منه وائل 🖤🔥 👆👆👆👇👇👇
زي موعدتكوا اني انزل ليكوا الفصلين الاخرنين من رواية جواز علي ورق يارب تكون عجبتكوا تفاعلوا يلا
👇👇👇👇
💝جواز على ورق💝
💝الفصل السابع والثلاثون💝
الممرضه :ونبي يا بنتي مش حرام عمرك ده اللي بيروح بقالك اكتر من شهرين اهو زي ماانتي بتحركي صباعك بس والله حرام، ده جوزك يا عيني كل يوم يجي ويقعد جنبك ويعيط ربنا يصبره
مريم:👁️👁️
الممرضه:اي ده انتي فتحتي عينك
مريم :مراد
الممرضه:يا دكتور يا دكتور المريضه فاقت يا دكتور المريضه فاقت
الدكتور:في أي يا حسنيه
الممرضه:المريضه فاقت
الدكتور:مدام مريم 😳
الممرضه :ايوا يا دكتور
الدكتور:الحمدلله يا رب، حمدالله على سلامتك اي الغيبه دي
مريم:مراد فين
الدكتور :استاذ مراد مش هنا بس هنتصل بيه حالا بس قوليلي انتي حاسه بوجع او اي حاجه طيب فاكره اصحابك اهلك كده
مريم :ايوا انا فاكره كل حاجه ومفيش وجع
الدكتور:سبحان الله حمدالله على سلامتك يا مدام مريم، يلا نادي طقم الممرضين يا حسنيه عشان هننقلها أوضه عاديه
مريم :انا ابني مات صح
الدكتور :مع الأسف الضرب كان شديد عليه
مريم :ربنا يرحمه 😔
الدكتور:ربنا هيعوضكم ان شاء الله
بقلمي منه وائل
♥️♥️♥️♥️♥️♥️♥️♥️
عند دينا
احمد:هي لسه ماخرجتش من العمليات
سوزي:حبيبي حمدالله على سلامتك وحشتني اوي اوي
احمد:الله يسلمك يا ماما، هي دينا لسه في العمليات
صافي :ايوا لسه في العمليات بس الدكتور قال نص ساعه وهتخلص
مراد:على خير ان شاء الله
عدي:محدش راح لمريم النهارده
مراد:انا روحتلها الصبح، بس اما اطمن على دينا هروحلها تاني
سوزي :ماشي وهبقا اجي معاك
يامن:الدكتور اهو
احمد :ها يادكتور هي عامله اي
الدكتور:الحمدلله بخير والعمليه نجحت وشويه هتتنقل على أوضه عاديه
احمد:الحمدلله يارب
سوزي:شوفي الواد هيموت ازاي
احمد:الله بقا يا ست الكل في أي بلاش احراج
جميله:وقع هههههههههه
احمد:حتى انتي وربنا انا حاسس ان انتي واخوكي التؤم ده اللي معرفش تؤم في أي بس ماشي كأنكم جايين من الباطنيه مش من تركيا
الجميع :هههههههههههه
سوزي :لا ما خلاص هما هيستقروا هنا مش كده والا اي
يامن:اكيد عشان انا عاوز اقولكم اني طالب ايد جميله
مراد:ده على اساس اننا شفافين
يامن:لا يا صاحبي منا طلبتها من اخوها
مراد:ولو تطلبها مني، مش كده يا عدي
عدي:اكيد، بس جميله هي اللي هتقعد إنما أنا هرجع تركيا
صافي :ليه ليع يعني هترجع تعمل اي
عدي:عادي هرجع بقا اقعد مع امي وبعدين هنا كل واحد له حبيبته انا هقعد ليه محدش محتاجني
صافي :اناز محتجاك، قصدي احنا محتاجينك يعني
جمال:شكل كده في مشروع حب جديد
سوزي:استنا بس بنتي وعارفاها بتحب تكابر
عدي:لا بقا انا هروح ادور على حب حياتي في تركيا
يامن:اي ياعم اللي عدي بيقوله ده
مراد:يابني مش هيروح في حته ده هو طلب مني ايد صافي، طبعا صافي بتكابر فعشان كده عملنا التمسيليه دي
يامن:اه فهمتني
صافي :لا استنا بس هتروح فين، ماتقوله حاجه يا مراد
مراد:والله انا شايف ان الراجل مش غلطان هيروح يشوف حب حياته اتكل على الله يا عدي وشوف حالك
عدي:طيب هروح انا بقا اجهز حجاتي
صافي :بس..... بس
سوزي:بلاش عند قومي هاتي يلا أجرى
صافي :حاضر 🥺، عدي عدي
عدي:خير يا صافي، انت هتمشي خلاص
عدي:يعني هجهز حاجتي وهودعكم وامشي
صافي:طب ماتمشيش
عدي:ليهرماامشيش
صافي :عشان... عشان عاوزاك جنبي
عدي:اي
صافي :عاوزاك جنبي
عدي:هتعوزني في أي بس بكره هتجبي وتتحبي وجوزك حبيبك هيكون جنبك
صافي :طب... ماانت حبيبي
عدي :يعني اي 😳
صافي :ههههه يعني بحبك
عدي :وانا بموت فيكي 🤗🤗
ياااااااا اخيرا سمعتها منك طلعتي روحي يا شيخه
صافي :بص انا بحبك من ساعه ماشوفتك بس كنت بكابر بس مااستحملتش انك هتمشي وتسبني
عدي:وانتي مين قالك اني انا كنت همشي اصلا، هههههه دي لعبه كلنا عملنها عليكي عشان تنطقي
صافي :اه يا جزمه والله لهوريك
عدي:قلب الجزمه من جوا بحبك يا قلب عدي
صافي :وانا كمان بحبك اوي
.................في غرفه دينا
دينا:اي هيفوكوا البتاعه دي امتا
احمد :الدكتور قال ربع ساعه وجاي هيفكهالك
دينا :انا خايفه أوى
سوزي :لا ياروحي ماتخافيش ان شاء الله خير
مراد:ياقلبي الدكتور قال العمليه نجحت تخافي من اي بقا
دينا :خايفه ماارجعش زي ماكنت ويبقا شكلي بشع
احمد:حتى لو بشع انتي قمر في حاجه
مراد:احن نتلم ها
احمد:اي بقا الله
الدكتور :ها مستعده
دينا :ان شاء الله
الدكتور:بسم الله الرحمن الرحيم، اتفضلي شوفي شكلك
دينا :🥺🥺انا رجعت زي الاول واحلى شكلي بقا حلو التشوه راح 😭😭بجد شكرا اوي مش عارفه اقولكم اي شكرا اوي
مراد بتعيطي ليه بس وليه الشكر
دينا :بعيط من الفرحه كنت فاكره اني مش هشوف شكلي تاني ولا عبص في مرايه تاني
، بشكركم عشان انتوا اللي. قفتوا جنبي ودعمتوني بجد بحبكم اوي
احمد (بهمس) :ب ح ب ك
دينا:ها ها انا عاوزه اشوف مريم
احمد:هتشوفيها بس عاوز اقولك حاجه
دينا :اي هي
احمد:انا بحبك وعاوز اتجوزك
دينا:🥺😊
مراد:يااخي انت طور كسفتها الله يخربيتك
احمد:الله اومال اقول اي طيب منا بحبها
الجميع :هههههههههههه
احمد:اي ردك
دينا :انا انا َمش عارفه اقول اي
احمد:طب اي حاجه طيب بلاش يبقا شكلي وحش كده
دينا:هههههه، طيب ههز دماغي اه
احمد:يعني موافقه نتجوز
دينا :اه
احمد:لللللللوي ونبي ازغرطلكم هنا
جمال:اي يابني اهدي مش كده ههههههه
ترن ترن
مراد:الو، ايوا يادكتور ايييي انت بتقول اي حالا حالا هكون عندك
سوزي:في أي يابني
مراد:مريم فاقت
دينا :مريم اختي انا عاوزه اشوف اختي ونبي
مراد:اهدي حاضر هتشوفيها
دنيا :ونبي دلوقتي عشان خاطري
احمد:دكتور هي ينفع تيجي معانا
الدكتور:ايوا خلاص بس ياريت تلبسها نضاره عشان منطقه العين اللي كان فيها التشوه لسه حساسه من العمليه
احمد :حاضر يلا تعالي
دينا :حاضر
مراد:يااارب الف حمد وشكر ليك يارب الف حمد وشكر ليك يارب
سوزي:اهدي ياحبيبي انت بتعيط
مراد:ايوا ياماما ايوا مريم دي كل حياتي دي حته من قلبي لا قلبي كله، هي فعلا اللي حسيت وبحس وهحس معاها بكل السعاده والفرح يلا هموت واتكلم معاها
صافي :طب يلا بينا
بقلمي منه وائل
♥️♥️♥️♥️♥️♥️♥️♥️
في المستشفي
الممرضه :محتاجه اي حاجه تاني
مريم :انا عاوزه اشوف اختي ومراد هما فين
الممرضه:جاين في الطريق، عارفه جوز حضرتك كان كل يوم هنا يجي يقعد على الكرسي ده ويتكلم يتكلم ويعيط عارفه رغم ان هو اللي ضربك بس حقيقي هو بيحبك جدا انا اسفه لو بدخل بس مفيش حد مايعرفش حاجه عنكم هنا في المستشفي اصل مراد بيه معروفه جدا
مريم:لا ابدا ماتتاسفيش وبعدين ده ماضي وراح عدي عليه شهرين وانا َش فاكراه اصلا انا ببداء من جديد وعلى فكره انا كنت بسمعه كل يوم وعرفت مدى التغيير اللي وصل ليه وانا مسمحاه مسمحاه من كل قلبي عشان طول الفتره دي هو بس اللي كان في حلمي هو بس اللي كان كل يوم بيونسني وعشان حبيته وشكرا ليكي جدا على خدمتك ليا انتي تعبتي اوي معايا
الممرضه:لا ابدا ماتقوليش كده ده شغلي انا تحت امرك في اي وقت لو احتاجتي حاجه دوسي هنا هجيلك اوام
مريم:حاضر شكرا ليكي
الممرضه :العفو على أي بس
مريم:ياترى يا مراد انت فعلا اتغيرت والا بس عشان كنت صعبانه عليك ياترى هترجع القسوه دي تاني للضرب والاهانه تاني والا اتغيرت
دينا:مريم مريم 😭😭😭وحشتني اوي اوي ياقلبي كده كده تسبني لوحدي كل ده هما صحيح كلهم كانوا جنبي بس انتي وحشاني اوي
مريم:ياحبيبتي يا حبيبتي وانتي كمان وحشتني اوي والله، انتي عملتي العمليه يا حبيبتي الف حمد وشكر ليك يارب 😭
دينا:اه عملتها النهارده ومقدرتش مااعرفش انك صحيتي ومااجيش
مريم :طب كنتي ارتحتي يا حبيبتي عشان العمليه
دينا :لا انتي اهم من اي عمليه
مريم :يا حبيبتي 🤗
سوزي:حمدالله على سلامتك يا حبيبتي والله كلنا كنا زعلانين عشانك اوي
مريم :شكرا اوي ياطنط
سوزي:لا قوليلي ماما زي ما دينا بتقولي
مريم :حاضر يا ماما
الجميع :حمدالله علي سلامتك يا مريم
مريم:الله يسلمكم ياجماعه مش عارفه اقولكم اي بس
مراد:اتاخرتي عليا اوي اتاخرتي لدرجه اني كنت هموت واسمع صوتك اتاخرتي لدرجه اني كنت اتمنى اكون مكانك ولا اني اشوفك كده، اتاخرتي لدرجه اني مش عارف ان اللي عدي دول شهرين حسيتهم سنين اتاخرتي اوي يا جنه قلبي
مريم :مراد، وحشتني اوي على فكره
مراد:انا، انا وحشتك انتي من حقك تثوري وتغضبي عليا من حقك تضربني إنما مش من حقي اسمع منك اي حاجه حلوه كده ذيك
مريم :انا مسمحاك يا مراد مسمحاك من كل قلبي، عشان عرفت انك اتغيرت وكنت مل يوم بسمعك وانت بتتكلم وحسيت فعلا انك اتغيرت
مراد:انا اتغيرت عشانك يا جنه مراد اتغيرت عشان بس عرفت قيمتك، اتغيرت عشان عرفت ان الدنيا ملهاش طعم من غيرك متسواش حاجه من دونك ياجنه مراد،
جمال :سوزي هاتي الولاد ويلا نخرج برا نسبهم شويه مع بعض
سوزي:معاك حق ثواني، (بهمس) يا ولاد تعالوا يلا نسبهم شويه
احمد (بهمس) :حاضر يلا ياشباب
مراد:عارفه انا فعلا اتمنيت انك تصحى تلاقي كل حاجه انتي عاوزاها جاهزه، دينا عملت العمليه والحمدلله بقت كويسه، وانا خلصت الملجأ وبقا شغال مستني انك بس تيجي تشوفي وتشوفي الأطفال اللي فيه، وانا انا اتغيرت وكل حاجه اتغيرت وبيتنا بيتنا بقا جاهز ومرضتش اعيش فيه الا لما تيجي انتي وتفتحي باءيدك، وبالنسبه لابننا ربنا يرحمه ويسامحني على اللي عملته وان شاء الله ربنا هيعوضنا
مريم :ياااا يا مراد عمري ماكنت اتخيل انك هتتغير بالشكل دهر، انا تعبت فعلا في حياتي اوي يامراد ونفسي ارتاح، ارتاح في حضن البنى آدم اللي بحبه ويحبني وربنا عوضني بيك يا مراد وبتمنى من ربنا انك تفضل كده طول عمرك
مراد:يا جنه مراد عمري ما هرجع زي ماكنت تاني، انا هفضل كده لان فعلا عرفت معنى الراحه وانا كده ومعاكي يا قلبي
مريم :ربنا يخليك ليا يارب
مراد:يلا بقا فوقيلي كده عشان ورانا حاجات كتير هنعملها
مريم :زي اي
مراد:زي فرح جميل لحبيبت قلبي وجنتي، زي اننا نروح شهر عسل جاامد في اوربا لقمري، زي اننا نفتح بيتنا الجديد، زي اننا نشوف الملجأ
مريم: كل ده ليا انا
مراد:وانتر كمان يا جنتي
ااااااااه قلبي الصغير أنفلق نصين مفيش مراد كده ونبي المال والجمال والعسل، الجفاف ولع نااار يا سناجل الجفاف العاطفي
عااااااا 😂😂😂😂😂😂
بقلمي منه وائل
♥️♥️♥️♥️♥️♥️♥️♥️
بعد اسبوع في المستشفى
مريم:طب بس اهدي في أي واخدني على فين وفين مراد
صافي :مراد مش فاضي النهارده عنده شغل كتير
مريم :بس هو قالي انه هيجي ياخدني بنفسه من المستشفى عشان نفتح بيتنا الجديد
دينا:ده حقيقي بس هو مش فاضي طلعله شغل فجاء
مريم :اه طلعله شغل فجاءه طيب احنا هنروح فين
جميله، :على البيت هيكون فين يعني
مريم :بيتي انا ومراد
جميله :لا البيت الكبير
مريم :اه ماشي
صافي :كده كل حاجه جاهزه يلا بينا
مريم :يلا 🙂
بقلمي منه وائل
♥️♥️♥️♥️♥️♥️♥️♥️
في منزل الجارحي
سوزي :يابني ماهي كده هتزعل
احمد :اي بس اللي هيزعلها هي ماما احنا هنتعامل عادي جدا جدا كأن مراد هو رجع تاني كدا بس البنات هيظبطوها وخلصت
سوزي:والله اخوك ده عليه حاجات
تن تن
ام احمد:ايوا حاضر، استاذ جمال اتفضل
جمال :يزيد فضلك ياام أحمد
احمد:ها يااونكل جبت كل حاجه
جمال:اه والناس برا اهي بس راكبين العربيه عشان هي لما تيجي ماتاخدش بالها
سوزي :اي ده انت كمان مشترك معاهم وانا معرفش
جمال :معلش بقا يا سوسو عاوزين نفرح الولاد
سوزي :ايوا بس مش بالطريقه دي حرام كده قلبها هيقف
احمد:لا ماتقلقيش عاملين حسابنا
تن تن
جمال:بس بس شكلها جات
مريم:سلام عليكم
سوزي :عليكم السلام، حمدالله على السلامه معلش بقا مقدرتش اجي استقبلك وانتي خارجه من المستشفى اصلي تعبانه، ومراد وراه شغل مش فاضي للكلام ده ويامن وعدي مع مراد، واديكي شايفه احمد معايا بيساعدني
مريم :لا ولا حاجه يا ماما المهم انكم بخير
سوزي:احنا بخير يا حبيبتي،. المهم احمد انت جهزت لحفله النهارده
احمد :ايوا يا ماما كل حاجه جاهزه
مريم :حفله اي دي يا ماما
سوزي :دي حفله كده لرجال الأعمال اللي مراد مشهور ذيهم كده
مريم :وانا هكون معاه مش كده
سوزي:لا طبعا تكوني معاه ليه هي ناقصه لاخمه خليه بطوله احسن
مريم :وهو مراد رأيه كده
سوزي:هو اصلا اللي قالي هقولك كده
مريم :والله طيب انا هطلع انام شويه
سوزي:ماشي، الله يخربيتكم البنت هرتيط منكم لله انا عمري مااتكلم كده ابدا هاين عليا اخدها في حضني
احمد :ياماما ده تمثيل بس انتي اي بقا يا ماما الله عليكي حماه حربايه من الدرجه الاولى انتي كنتي حماه قبل كده ياماما
سوزي:بس يا حيوان انا حربايه
صافي :لا بجد يا مامي ده انا صدقت
سوزي :خلاص بقا اسكتوا، المهم الخطوه اللي جايه اي
دينا :للأسف عليا انا، هطلع اقولها ان مراد وافق اني انا اللي احضر الحفله عشان شكلي صغنون كده ولايق اني اكون سيده أعمال
سوزي :يالهوي عليكم كده هتخلوها تكره مراد
صافي :مراد اللي طلب كدع يامامي هنعمل اي بيحضرلها مفاجاءه
سوزي :طيب طب يلا يا جمال دخل العمال وانتي اطلعي قوللعا اللي هتقولي ويلا كل واحد يلبس
دينا :حاضر
بقلمي منه وائل
♥️♥️♥️♥️♥️♥️♥️♥️
في غرفه مريم
مريم:هما ليه كلهم بيعملوني َكده هو انا عملت حاجه ضايقتهم ده حتى مراد مجاش اخدني وماما بتكلمني وحش اوي كده ليه
دب دب
مريم:ادخل
دينا:مريم مريم انا مبسوطه اوي اوي
مريم :خير يا حبيبتي
دينا :مراد اتصل بيا وقالي اطلع البس عشان انا اللي هكون معاه في الحفله أصله قالي اني لايقه اكون سيده أعمال وكده
مريم: ايييييي مراد قالك كده؟
♥️♥️♥️♥️♥️♥️♥️♥️
أنتهي الفصل انتظروا أقوى الأحداث في الفصل الثامن والعشرين والأخير من روايه جواز على ورق بقلمي منه وائل 🖤🔥
👇👇👇👇👇
💝جواز على ورق💝
💝الفصل الثامن والثلاثون والأخير 💝
مريم :ايييييي مراد قالك كده؟
دينا :اه هو قالي كده قوليلي بقا البس اي عشان محتاره
مريم:البسي اي حاجه يا دينا انا تعبانه وعاوزه انام
دينا :طب اختاريلي
مريم :بقولك تعبانه وعاوزه انام اي مابتفهميش
.................
سوزي :يانهار اسود صوتها طلع
احمد :يالهوي لتكون قتلت دينا
صافي:لا لا دينا بتتكلم اهي
جميله :طب ياجماعه دي ممكن تتعب
احمد:اصبري بس اما نشوف دينا بتقول اي
دينا : مالك بس يا مريم انتي زعلانه عشان ماما مرضيتش تخليكي تحضري الحفله
مريم:لا يا حبيبتي انا اسفه اني عليت صوتي عليكي، وهو ألموضوع مش ماما خالص، الموضوع في جوزي اللي رجع زي ما كان ويمكن بطريقه تانيه، مش مهم روحي يا دينا َسبني انام روحي
دينا :حاضر
................
سوزي :انا والله هعيط اقسم بالله مافي ازبل منكم انا قلبي َجعني عليها
احمد :خلاص ياماما بقا اهدي مراد جاي وجايب الحاجه وهيصالحها
دينا :انا كنت هعيط وانا بكلمها اول مره هي تزعقلي او اشوفها كده
جمال:لا حقيقي مراد زودها ازاي يطلب منكم كده
جميله :معرفش هو اتصل بينا الصبح وطلب كده
تن تن
ام احمد :ياختاي الباب ده من ساعه ما جيت اشتغل هنا وهو قارفني
الجميع :ههههههههههههه
مراد:مساؤ عسل ياام أحمد يا عسل
ام احمد :مساء الفل ياروح قلب أم أحمد
مراد:اي يا جماعه ظبطوا كل حاجه
سوزي :انت ده انت منك لله
مراد:ليه بس كده يا ست الكل
سوزي:انت لو تشوف منظر مريم بعد اللي عملناه معاها بسببك هتعيط طول حياتك
مراد :معلش يا ماما بقا دي خطه عملتها عشان مفاجاءه عاملها ليها
، خدوا يا بنات لبسوها الفستان ده باي طريقه المهم تلبسوا وميكاب خفيف كده وتنزلولي يلا
يامن:طب لما تلبسوا هتسال ليه ومش عارف اي
مراد:قوللها اي حاجه اتصرفوا
صافي :علم وينفذ يا باشا
مراد:طب يلا يا لمضه
بقلمي منه وائل
♥️♥️♥️♥️♥️♥️♥️♥️
في غرفه مريم
مريم :هئ هئ هئ هئ ليه كده يا مراد بس ليه ده انا كنت بتمنى اخرجومن المستشفى دي عشان احلم معاك بكل حاجه انا وانت عاوزنها ليه كله بيعاملني كده واتغير عليا يارتني كنت م ت في المستشفي
دب دب
مريم :مش عاوزه اشوف حد انا عاوزه انام
تك
دينا :لا مش هتنامي المفروض انك تقومي دلوقتي وبسرعه
مريم:اقوم ليه اقوم اعمل اي
صافي :تقومي عشان تلبسي ده
مريم:فستان فرح ليه
دينا:بصي هي خدمه بسيطه لطفل يتيم طول عمره نفسه يشوفها
مريم :بجد طفل يتيم في الملجأ اللي مراد عامله َمش كده
صافي :ايوا بظبط كده
جميله :الطفل ده امنيه حياته يشوف بنوته لابسه فستان فرح يعني يعتبرها مامته
دينا :وطبعا مالاقتش غيرك لأنك بتحبي الأطفال وخصوصا الأيتام
مريم :ايوا انا بحب الأطفال اه بس ده اي علاقته باني البس ده، ليه محدش منكم لبسوا هو
دينا :عشان كل الأطفال اللي هناك عارفين انك انتي صاحبت الملجأ مراد وراهم شكلك كلهم نفسهم يشوفوكي وبالاخص الطفل ده نفسه يشوفك بالفستان والميكاب ممكن 🥺
مريم:ه. انا مش رايقه وتعبانه بس طلما فيها أطفال وايتام لا طبعا يغور تعبي
جميله :يلا تعالي نمكيجك
مريم :حاضر
بقلمي منه وائل
♥️♥️♥️♥️♥️♥️♥️♥️
في الأسفل
مراد:تفتكروا قالولها اي انا مش سامع صوتهم
عدي :هي البنات بتغلب اكيد اخترعوا اي حاجه
احمد :بس اتاخراوا اوي فوق
مراد:مش عارف في أي
............
دينا :بس كده كده خلصنا
مريم:انا مش عارفه اي لزوم الميكاب ده كله ده طفل يعني
مش راجل كبير
جميله:معلش معلش بقا بس اي ده بجد انتي قمر خالص
مريم :ميرسي بجد
دينا:يلا عشان مانتاخرش على الولد
مريم: يلا بس احنا هنعدي ازاي كده وسط الناس والحفله اللي تحت ومراد هيزعق
صافي:لا لا متخافيش هو عارف يلا بقا
مريم :حاضر
بقلمي منه وائل
♥️♥️♥️♥️♥️♥️♥️♥️
في الاسفل
يامن:تفتكر هي وافقت اصلا
مراد:مش عارف ماهو ده اللي انت خايفه منه
مريم :براحه هقع على وشي يالهوي المكان مليان ناس هنزل ازاي انا
الجميع:👏🏻👏🏻👏🏻👏🏻👏🏻
ويصفق الجميع عندما تقوم مريم يالهبوط
مريم:اي ده في أي
مراد:كنت خايف ماتنزليش
مريم:انا رايحه للولد اليتيم
مراد :منا عارف، ما هو انا الولد اليتيم انا اليتيم اللي دايب في حبك، انا اليتيم وانتي امي اللي استنتها طول عمري اللي قلبت كياني وحياتي انتي اللي قلبي دقلها من اول ماشوفتها انا اليتيم اللي كان نفسه يشوفك بالفستان اليتيم اللي بيعشقك يا معشوقتي يا جنن مراد
مريم:يعني يعني اي انت مش كنت مش عاوزني مااحضرش وليه فستان فرح وليه انا..... انا َش فاهمه حاجه
مراد:انا هفهمك بكل اختصار اي حاجه َوحشه شوفتها النهارده كنت انا السبب فيها كانت خطه عشان اعملك كل ده وافجئك
مريم :🥺لا لا بجد مراد انا مكنتش مصدقه انا انا عيطت والله
مراد:لا ياقلبي ماتعيطش انا جنبك يا قلبي وحياتي
مريم:ربنا يخليك ليا يارب
بقلمي منه وائل
♥️♥️♥️♥️♥️♥️♥️♥️
بعدخمس سنين في الحديقه العامه
مريم:واد يا اياد تعالي هنا بقا
مراد:انتي بتزعلي ليه سيبي بيلعب مع جنى
مريم:قولتلك ميت مره ملكش دعوه ابني وبربي اومال لو اختك جات هدلعها وهتخليها مايصه
مراد:حبيبت بابا تدلع وتتمايص براحتها
مريم:لا منا مش هسمحلك تبوظ ولادي انت فاهم
مراد:ما هما ولادي قبل ما يكونوا ولادك
مريم:والله لو أدخلت لهسبلك البيت يا مراد
مراد:اااه جنان الحمل اشتغل
يامن:خلاص بقا فرجتوا علينا الجنينه بقا
مراد:ماانت شايف الهبل
مريم:اهو انت اللي هبل طب اهو
مراد:ااااه اااه يا عضاضه
صافي :ههههههه تعالي ياجني تعالي هنا طنط بتعض واتصعرت
مريم:وربنا لو مااتلميتي لهقوملك
دينا:بس يا جماعه مريم بقت مصارع وهتموتنا كلنا هههههه
تعالي يا زياد انت واخوك خالتوا بقت عبيطه خالص
عدي:خلاص يا جماعه كلكم عليها، بس بامانه الحمل ده شئ صعب خالص
مريم :قولهم ونبي يا عدي
احمد:ياجماعه إياد هيعدي الشارع
مراد:يانهار اسود سايبه ابنك وقاعده
مريم:لا بقولك اي ماتخلنيش اصوت والم عليكم الناس، واوعى سيب الواد
مراد:لا مش هسيبه
مريم:بقولك سيبه بقا
مراد:طب هاتي بوسه
مريم:بس يا سافل
مراد:اوبا بقت سافل ههههه
جميله:ههههههه جودي ملكش دعوه باللي انتي شيفاه ماشي
يامن:ربنا يشفيهم ههههه
وبكده خلصت رواياتنا، رواياتنا اللي بنتعلم منها ازاي نقدر نتغير عشان اللي بنحبه ازاي نقدر نعمل اي حاجه عشان اللي بنحبه بس قبل أي حاجه المهم اللي بنحبه ده يستاهل فعلا كل ده ماتقسوش على احبابكم وخالي بالك من اللي بتحبه وحافظ عليه لأنه في أي وقت ممكن ربنا ياخده منك، والموضوع مش موضوع احباب بس اي حد غالي عندك حافظ عليه عشان ممكن يروح منك
بقلمي منه وائل 🖤
بداية الروايه من هنا 👇👇👇
