 |
رواية جديدة وعد الحب
الفصل الاول والثاني💦
وعد الحب
الفصل الاول
يا ماما فين العروثة بتاعتي بقي
: هتلاقيها هنا و لا هنا يا ليلو دوري كويس
البنوتة الصغننة وقفت و عقدت حاجبيها و قالت : يا ماما مفيث حاجة انا عايزة عروثتي مليث دعوة
فريدة والدة ليلي: يووه يا ليلي انا مشغولة اوي متصدعنيش
البنت راحت لأوضتها زعلانه جدا و استخبت لحد ما سمعت حركة جوا الاوضة
حسن : ليلوو معايا حاجة عشانك
ليلي : مث عايزة حاجة و اطلع برا يا حثن
حسن : خلاص هطلع و هاخد معايا الشوكولاتة الي بتحبيها
ليلي زعلت اكتر لانها بتحب الشوكولاته جدا بس هي زعلانه و مستخبيه بس في الاخر هي طفلة خرجت بخطوات بطيئة و قالت : انا قولتلك انت اطلع لكن مث الثوكولاته
حسن : تعالي طب ...مالك زعلانة ليه
ليلي : عثان مث لاقية العروثة بتاعتي يا حثن دورت في كل حته مفيش
و شاورت بأديها بحركة طفولية : ضاعت خلاث
حسن : طب ايه رأيك ندور سوا يمكن نلاقيها
ليلي : انت فاثل اوي مث انت وراك واجب تعمله بردو
حسن : انتي بتغيري مني عشان انا في 3 ابتدائي و انتي لسه يا دوب في كي چي وان
ليلي : اه بغير منك عثان انت كبير خالث و انا لثه صغننة و لما اكبر انت مش هتكون موجود
حسن : مين قالك كده مش احنا صحاب و انا وعدتك اننا هنفضل صحاب طوول العمر
ليلي : وعد يا حثن
حسن : وعد يا ليلو .. ايه ده بصي عروستك هناك اهي
ليلي بصت وراها و لقت عروستها واقعة جنب العابها و الالوان بتاعتها بس مستخبية شوية
ليلي : هييييييييه عروثتي حبيبتي كنتي فين كل ده و سيباني لوحدي لا مث لوحدي بصي مين معايا حثثثن
مامتها دخلت : حسن حبيبي عامل ايه
حسن : الحمدلله يا طنط
فريدة : يلا العبوا يا ولاد و انا برا مع ماما يا حسن لو في اي حاجه
حسن : خدي بقي الشوكولاته دي
ليلي : هييييه انا بحبك اوي يا حثن
بعد 5 سنين ...
حسن خبط علي الباب و فضل مستني لحد ما ليلي قالتله يدخل دخل
ليلي : بتخبط ليه يا حسن ما تدخل علي طول
حسن : مينفعش يا ليلو لازم اخبط قبل ما ادخل علي اي حد و انتي كمان لازم تعملي كده
ليلي : بس انت مش غريب
حسن : ملهاش دعوة بغريب ولا لا بس لازم نحترم خصوصية غيرنا صح غير كده خلصتي واجبك ولا لا
ليلي : يووه واجب واجب واجب تالته ابتدائي دي وحشه اوي يا بختك معندكش واجب كتير زي
حسن ضحك : انتي علي طول بتغيري مني معرفش ليه و انا في اولي اعدادي يعني عندي واجب بردو بس انا اشطر منك
ليلي : لا انا اشطر
جت تتكلم تاني بس سكتت للحظة و قالت : صح .. انكل رأفت لسه مرجعش من السفر
حسن بحزن : لسه بابا و ماما مسافرين و داده زينب كالعاده الي بتاخد بالها مني بس انا مش صغير انا بقيت كبير و اقدر اتحمل مسئولية نفسي
ليلي بحزن : انا كمان بابا مش بشوفه خالص بيرجع من الشغل و انا نايمه و بينزل بدري خالص و ماما علي طول في الجمعية مع صحباتها .. انا لوحدي علي طول
حسن : انا جمبك يا ليلو مش انا وعدتك اننا هنفضل صحاب العمر كله و عمري ابدا ما هسيبك انتي مش لوحدك انا معاكي و سندك في اي وقت
ليلي ضحكت بطفولة : انا بحبك اوي يا حسن
بعد 5 سنين
حسن : يا ليلي اسمعي كلامي بقي البسي و انزلي أنا تحت
ليلي : يا حسن مش عايزه انزل انا حبه افضل قاعده في البيت
حسن : و انا مش باخد رأيك علي فكره هتنزلي بالأدب ولا اطلع اجيبك
ليلي : خلاص خلاص نازلة بس انت عايزني ليه
حسن : انزلي و هتعرفي
ليلي لبست بسرعة و خرجت لقت مامتها قاعدة مع صحباتها قالت لها : مامي انا خارجة
فريدة : اوكي يا روحي متتأخريش
ليلي خرجت زعلانه اوي حتي مسألتهاش رايحه فين للدرجه دي مش بتفكر فيها ولا بتخاف عليها دي حتي مفتكرتش ان النهارده عيد ميلادها شكرت ربنا ان حسن في حياتها ، نزلت لقته مستني تحت فعلا و مديها ضهره
ليلي : اديني نزلت يا سيدي في ايه بقي
حسن لف و كان في ايديه شوكولاته كتيير و ورد تيوليب و عروسة صغيرة شبه الي كانت عندها و هي صغيرة
ليلي فتحت عينيها علي اخرها و شهقت من المفجأه و قالت بفرحة كبيرة : الورد اللي بحبه .. معقول كل ده عشاني
حسن : لا عشاني
ليلي : بطل رخامة بقي بس ايه المناسبة
حسن : انتي فاكرة كويس النهارده ايه بس بتستعبطي صح
ليلي : طب فكرني ممكن
حسن بابتسامه واسعه : النهارده عيد ميلاد احلي و ارق مخلوقة في الكون
ليلي ضحكت : بس انا مش عيلة صغيرة عشان تجبلي عروسة
حسن : لا عيلة و هتفضلي عيلة في نظري و بمناسبة ان النهارده عيد ميلادك مفيش دروس يا ستي انا هبقي اذاكرلك
ليلي : فاكر لما كنت بقولك يا بختك في اولي اعدادي كنت فاكره انك معندكش واجبات اكتشفت دلوقتي انها مصدر كل الواجب الي في الكون كله
حسن : هههه احسديني بقي علي تانية ثانوي لحد ما توصلي ليها
ليلي : لا خلاص
و جت تلف و طالعه البيت تاني فقال
حسن : انتي رايحة فين
ليلي : طالعة البيت
حسن : طالعة ايه انتي فاكرة دي المفاجأه بس
ليلي : اومال ايه ؟
حسن ضحك : لسه في حاجات كتير في اليوم ده و هنخرج و نلعب و تعملي كل حاجة نفسك فيها
ليلي ابتسمت بحزن : عارف انك الوحيد الي افتكرت اليوم ده
حسن : و عمري ما هنساه مش انا وعدتك اني عمري ما هسيبك و هنفضل صحاب طول العمر
ليلي : انا بحبك اوي يا حسن
و عدي اليوم و كان جميل جدا و ليلي فرحت و ضحكت من قلبها عملت كل حاجة كانت بتتمناها جرت لعبت ضحكت اتجنت كل حاجة لكنها مكنتش تعرف ايه مستنيها لما تروح و حسن كمان مكنش يعرف ان دي شبه اخر مره يشوفها فيها مكنش يعرف ان الدنيا ليها خطط تانيه لصداقتهم دي !
وعد بالحب
الفصل الثاني
ليلي و حسن تحت البيت
ليلي : انا فرحت اوي النهارده يا حسن
حسن : اوعدك انه مش هيكون اخر يوم تفرحي فيه كده يا ليلو
ليلي ضحكت بطفولة : انا بحبك اوي يا حسن
حسن بصلها بحب لفترة و مشي بعدها ، ليلي طلعت بيتها وهي فرحانة و بتغني دخلت اتصدمت لما لقت مامتها و باباها قاعدين مستنينها .. غريبة
ليلي : باباا اخيرا رجعت من السفر اكيد عارف النهارده ايه
رفعت ابوها : كنتي فين يا ليلي
ليلي : كنت خارجة مع حسن عشان النهارده عيد ميلادي و محدش افتكر فيكم اصلا
رفعت : و انا بشتغل و بجيب فلوس عشان مين مش عشانك عشان اوفرلك بيئة كويسة تعيشي فيها
ليلي : انا مش عايزه حاجة يا بابا غير انكم تبقوا جمبي بس
رفعت غير الموضوع و بنظرة ثابتة : انتي مسافرة بكرة
ليلي : مسافرة ! رايحة فين
رفعت : هتسافري امريكا جهزي نفسك
ليلي : و هرجع امتي
رفعت كمل بنفس النظرة : مش راجعة تاني
ليلي : مش راجعة تاني !! يعني ايية
رفعت : اعتقد كلامي واضح .. مش راجعة تاني
ليلي : و لو قولتلك مش موافقة
رفعت : هقولك اني مش باخد رأيك
ليلي بدموع : عايز تمشيني ليييه حتي حسن عايز تبعدني عنه الوحيد الي بيهتم بيا غيركم كل واحد في دنيا لييه بتعملوا كده فيا
رفعت بعصبية : كل شوية حسن حسن مش ملاحظة ان فترته دي طولت معاكي اوي
ليلي : حسن عمره ما كان فترة و احنا وعدنا بعض نفضل صحاب طول العمر
رفعت ضربها بالقلم : و انا بقولك انه انتهي و انا مش هسمحله ياخدك مني اكتر من كده و العلاقة الي بينا و بين عيلته من النهارده انتهت .. اطلعي علي اوضتك
ليلي جرت علي مامتها و بعياط : ماما ارجوكي اقنعي بابا انا مش عايزه امشي
فريدة : باباكي بيعمل الصح يا ليلي تقبلي الموضوع احسن لك
ليلي راحت اوضتها و قفلت علي نفسها و عيطت كتير مكنتش تعرف ان يوم عيد ميلادها هيبقي اسود يوم في عمرها طلعت صورتها هي و حسن و فضلت بصالها كتير و بتعيط و قالت : حتي لو مشيت عمري ما هنساك و مش هيكون عندي صحاب بعدك و هرجع تاني يا حسن
و اخدت الصورة في حضنها و نامت
حسن وصل بيته لقي مامته و باباه و لأول مره يشوفهم متجمعين
رأفت : ما لسه بدري يا استاذ
حسن : خير يا بابا في ايه
رأفت : كنت فين كل ده
حسن بثبات : كنت خارج شوية
رأفت : فين يعني ؟
حسن : مش شايف ان ده سؤال غريب شوية يعني اقصد انت اول مره تسألني كنت فين و جي منين ده لما افتكرت اني ابنك اصلا !
هدي : ولد كلم باباك كويس !
حسن سكت احترام لابوه مش اكتر
رأفت : كنت مع بنت رفعت
حسن : اسمها ليلي و في ايه مش رفعت ده صاحبك العزيز
رأفت : مبقاش ! كان و دلوقتي مبقاش
حسن باستفهام : تقصد ايه ؟
رأفت : اقصد انك مش هتشوف ليلي تاني و تنسي انك دخلت عيلتهم
حسن : انساها !! انساها ازاي يعني
رأفت : ايوة تنساها .. كده كده هي مسافرة بكره و مش هترجع تاني
حسن بفزع : مش هسمح ان ده يحصل مش هسمح بكده
رأفت : انت يا عيل انت بتقول مش هتسمح بكده
حسن بزعيق : ايوة مش هسمح انا وعدت ليلي من و احنا صغيرين اننا نفضل صحاب و مع بعض طول العمر و انا مش هسمح انكم تبعدونا عن بعض و لو ده حصل .. صدقوني هتندموا اوي
و سابهم و خرج من البيت و راح بسرعة لبيت ليلي علي امل انه يوقف الي هيحصل ده و يشوفها علي الاقل لكنه لما وصل اتصدم ...يتبع
الفصل الثالث والرابع هنا 👇👇👇
تعليقات
إرسال تعليق