 |
~شاي بالنعناع 🍃~
من البارت الاول حتي الخامس والاخير
الساعه 10 باليل كنت خارجه من الشركه وانا خلصانه بسبب الشغل
طب المدير الجديد جاي انا مال امي يخلوني اشتغل من 8 الصبح لحد 10 بايل انا مالي حد يفهمني بس، ادي اخره الشهاده والامتياز اللي طلعت بيه من كليه اداره الاعمال
ركبت عربيتي رايحه لافضل جزء من يومي اطلب الشاي بالنعناع بتاع عمي سيد اللي في اخر الشارع
وصلت هناك وكان عباره عن محل بطابع لطيف جدا من ساعت مشتغلت هنا وانا كل يوم لازم اجي اشرب شاي من ايد عمو سيد
وصلت وفتحت الباب سلمت علي البنتين اللي شغالين هنا و رحت تجاه عمي سيد
_عمي سيد مساء الفل
~ايه يبنتي اتاخرتي اوي النهردا
_اسكت يعم سيد الشركه دي هتموتني ناقصه عمر بعيد عنك، ليا 14ساعه شغاله عشان ايه عشان مدير الشركه جاي من برا، ميجي ولا يتزفت انا مالي قلي بس، يشغلوني انا ليه هوا كان جتي عندي
~معلش ي دانا يحبيبتي
_معلش ايه بس يعم سيد انا مش طايقه المدير الزفت دا من قبل ميجي حساه كدا تقيل علي قلبي،
~يمكن تغيري وجهه نظرك بعدين
_لا اغير ايه هوا انا فيا حيل اغير وجهات نظر هيا علي كدا وجبرت المهم عاوزه شاي بالنعناع يروق عليا سيبك من سيره المدير الغبي اللي جاي ده
~احلي كبايه شاي بالنعناع لاحلي دانا
_طب والله مفيش حاجه مصبراني علي الشركه دي غيرك
رن تليفونها فا طلعت تتكلم برا
_الو يحبيبه
~دانا الحقيني يادانا
_ينهار اسود مالك قتلني حازم، يخرابي هنخبي فين الجثه ربنا ياخدك ، اقلك هنخبيها في حديقه جاسم الغضبان عشان يتحبس
~يخربيتك اللحقيني انا بولد،
_يالهوي يالهوي ليه هتولدي مش المفروض تولدي في شهر 9
~واحنا في شهر ايه
_9
~يقبي خلصتي يااااااااااااااه مش قادره
_خلاص والله جايه اهه، استني متولديش غير لما اوصل ماشي
~اااااااه خلصيييييي منك لله
جريت لجوا وهيا بتتكلم بسرعه
_عم سيد هات كبايه الشاي البت حبيبه بتولد خلاص انا ماشيه سلاااام
خبطت في واحد وهيا معديه تسكت لا تزعق وهيا الغلطانه
_متفتح يا اخينا انت ايه مش شايف قدامك
بص علي هدومه اللي باظت من الشاي اللي اتكب عليه وعليها
_هات الشاي بتاعك عشان كبيت بتاعي
خدت منو كبايه الشاي بتاعه وجريت لبرا
=بنت المجنونه
ضحك عم سيد وقلو
~عملت فيك ايه يابني
=عملت ايه!، لا معملتش حاجه كبت عليا الشاي بتاعها وخدت الشاي بتاعي وشتمتني
~دي دانا مش هتتغير
=اممم اسمها دانا
جريت دانا علي بيت حبيبه و حازم ودي صحبتها الغاليه ركبتها الغربيه و مشيو الاثنين علي المستشفي بينما جوزها اول ما عرف ركب اول طياره علي مصر وجه
عدت ساعتين من ساعه ما دخلت حبيبه ودانا هتموت من الخوف عليها برا
~مبروك يا انسه المدام ولدت وجابت بنوته قمر
_قول والله
~نعم!!
_قصدي شكرا يادكتور
راحتلها الاوضه بعد مفاقت وكانت مبسوطه اوي بالبيبي
_حبيبه بنتك قمر ماشاء الله
~طالعه لابوها
_ابوها مين طالعه ليا احنا هنزيط،قمر زيي
~قمر زيك يستي متزعليش
*فينها.... حبيبه حبيبتي انتي كويسه ياقلبي عامله ايه
~انا كويسه يا حازم ياحبيبي متقلقش
*ياعمري اوي ما رنيتي وقلتيلي سبت كل الدنيا وجيت، عامله ايه حاسه بألم
~لا يحياتي انا تمام مش تعبانه
*البنت قمر زيك ي روحي، نسخه صغيره منك
~وحته منك كمان
_مش عاوزه اقطع اللحظه الرومانسيه دي بس انا واقفه هنا يعني مش كيس جوافه، جبتولي جفاف ربنا يحرقكم
*دانا انتي هنا عامله ايه
_انا بخير يخويا، لسا فاكر دانا منتا عمال تحب ف البت قدامي ولا كاني شفافه
*اعذريني يادانا دا ابني الاول من حب حياتي وهيا وحشتني اوي ليا شهر مشفتهاش
_ربنا يسعدكم يارب، بما انك هنا انا همشي عشان عليا شغل من 7ونص الصبح يبني، سلام
~خدي بالك ي دانا وانتي سايقه الساعه 3الفجر دلوقتي
_متخافيش عليا انا اسد اوي
خرجت وسابتهم، ركبت عربيتها عشان تروح
لقيت علي زجاج عربيتها ورقه مكتوب فيها "قد وجدت ورقه خضرات في شجرتي اليابسه وقد كانت انت فهل ستظل او ستختفي ك البقيه"
_مين اللي عامل نفسو عنتر زمانه دا، شباب الايام دي ربنا يرحمنا منهم
حطت الورقه في جيبها ومشيت
في الصبح وصلت الشركه علي الساعه 9وربع
_ياخرابي هيطردني مراد هيجيبني من قفايا انا عارفه، طب والله حرام اعمل ايه انا حد قالها اولدي في اليوم اللي هيجي فيه رئيس الشركه الرخم دا ، يادي النيله
كانت بتتكلم بصوت عالي وهيا راكبه الاسنسير وطالعه لدور النائب مراد
طلعت جري من الاسنسير اللي كانت فيه مع واحد تاني
وصلت لمكتب مراد
_مراد حبيبي وصاحبي الحبيب
~هيتخصم منك ثلاث ايام يا دانا هانم
_اايه يمراد مبراحه، ايه يعني اتاخرت ساعه ونص
مراد~ الساعه 10 ونص ي دانا لحسن حظك المدير مجاش للان وإلا كان هزقك علي تاخيرك دا، دا مبيتهزرش معاه
_مش هتتكرر تاني والله اهدي بس
رن جرس تلفون مراد ثانيه ونزل التلفون وبص علي دانا
~المدير عاوزك، بملفات صفقه العريش
_حلو، خليه يطردني ونخلص من حوارات الشركه دي
وصلت ل باب مكتبه وفتحته الباب وهيا بتقول بعمليه
_يا استاذ مدير الملفات
=تمام
ايه دا دي تمام ولا سنفونيه
ينهار ابيض ايه المز اللي قاعد قدامي دا، يخربيت حلاوتك ياخي
=عاوز تقارير كل الصفقات في اخر 5شهور
_امرك عاوز قلبي بالمره
=نعم!!!
_قصدي خمسه ويكونو عند حضرتك
ايه الصروخ اللي جوا دا يابت يا هنا
~ددا مدير الفرع الجديد يختي قمر صح،من ساعه ما جه والبنات هتموت عليه
_لا عندهم حق دي كفايه عنيه يختي تخطف القلب خطف كدا
~دانا انتي لسا موصلتيش التقارير هيرفدك يازفته روحي
_مبراحه يمراد عليا
جريت علي المكتب بتاعه خبطت
_االصفقات اهه
=راجعيهم ليا
_نعم اراجع صفقات اخر 5 شهور دلوقتي قدامك
=مش دا اللي قلته
ربنا ياخدك ياخي.....عند قلبي ميخدكش بعيد
وقفت اراجع كل صفقه والمشكله انو مبصش عليا حتي وانا منبوحه هنا اربع ساعات براجع في الصفقات وبسمعله كل صفقه علي اساس انو ميعرفش يقرا المز الغبي دا
_بس دي كانت اخر صفقه
=اكتبيلي تقرير عنهم قبل متروحي
تقرييييير!!!!! تقرير ايه ياحزني
شهيق، زفير، شهيق، زفير
اشتغلت علي التقرير لحد 8باليل خلصته ورحت رميته قدامه علي المكتب ومشيت عشان اروح ابن الوزه دا خلاني مش قادره اقف علي رجليا ، كلو من اجل حلاوتك
_بت يرنا انا ماشيه
~بس المدير مقلش لحد يمشي
_ملكيش دعوه انتي بس، ألا قوليلي اسمو ايه
~زين
_مالك يختي بتقوليها بسهتنه كدا، اتعدلي يابت
حتي اسمو جامد زيو
مشيت وانا بموت من التعب وصلت عند عمي سيد واترميت علي الطربيزه قدامه
_اللحقني يعم سيد ب واحده شاي الله يسترك اصل الشركه دي هتجيب اجلي
~مالك يبنتي تاني
_المدير الجديد جه يعم سيد واحد متكبر ومغرور ومش طايق نفسو وشكلو هيقرف اللي خلفوني او احسن حاجه اسيب الشركه اللي رفعتلي الضغط دي وامشي
~ادا ادا شكلك مش طيقاه
_ياخي واحد رخم اوي طلع عيني من اول يوم اسمو مش عارف كان زيت زاد زين حاجه ف الرنج دا
~زيت ايه يبنتي زين قصدك
_عليك نور يعمو زين، هات شايي عشان اروح اشوف حبيبه
مسكت كبايه الشاي واول مجات تلف لقيت واحد واقف قدامها كبت عليه الشاي منغير قصد
_يابتاع انت فرحنلي بعضلاتك اوي واقف في نص الكافيه عملي فيها فتوه اديه الشاي اتكب حاسبلي علي واحد غيره
واقفه بتتكلم وهيا مش جايه لحد كتفو حتي وعامله فيها شبح، التاني غمض عينيه واتنهد بتعب ولف بصلها بهدوء شديد عشان ميجبهاش من قفاها
_ادا المدير بحد زاته لا يباشا ولا يهمك والله منتا دافع جنيه محصلش وان كان ع الشاي يروح في داهيه مش مشكله اهم حاجه انت، اه والله
بص وراها اتكلم بنبره هاديه
=ازيك يا عمي سيد
~بخير يبني الحمد لله انت عامل ايه
مسك قميصه اللي اتكب عليه الشاي ورفعه رفعه بسيطه وقال
=بخير ، تمام اوي، شكلي كدا هخفف عدد الموظفين في الشركه اليومين دول
~روح امسح هدومك طيب وتعالي
بصلها بصه خلتها قلبت بطه بلدي وقلها
=لو طلعت وملقتكيش هعلقك
_حاضر والله انا كنت هستناك اطمن عليك اصلا يباشا
كانت واقفه زي القصه المبلوله قدامه اول ممشي قعدت تلطم
_نهار مش فايت هيدبحني لا هيقتلني، لا لا استنا هيولع فيا، هيطردني صح، مكنش يومك يدانا يبنتي مكنش يومك
ضحك عم سيد وقلها
~اهدي يا بنتي مش كدا براحه
رجع تاني
=عاوز قهوه مره تقيله يعمي سيد
كان بيبصلها اوي وهيا بلعت ريقها
_يلا يعم سيد بدل ميعمل من دمي قهوه الله يخليك
شااي بالنعناع🍃🍃
بصلها بصه خلتها قلبت بطه بلدي وقلها بصوت بارد
=لو طلعت وملقتكيش هعلقك
_حاضر والله انا كنت هستناك اطمن عليك اصلا يباشا
كانت واقفه زي القطه المبلوله قدامه اول ممشي قعدت تلطم
_نهار مش فايت هيدبحني لا هيقتلني، لا لا استنا هيولع فيا، هيطردني صح، مكنش يومك يدانا يبنتي مكنش يومك دا هيعمل منك سجاده يمشي عليها
ضحك عم سيد وقلها
~اهدي يا بنتي مش كدا براحه
_اهدي ايه انت مشفتش نظراته عامله ازاي، دا كأنه بيقلي هطلع ادبحك
~بطلي لماضه انتي بس
_كان يتقطع لساني يعم سيد والله
رجع تاني وكان لابس قميص غير اللي اتكب عليه الشاي
وقف قدامها وقال لعم سيد منغير ميبص عليه
=عاوز قهوه مره و تقيله يعمي سيد
كان بيبصلها اوي وهيا بلعت ريقها
_يلا يعم سيد بدل ميعمل من دمي قهوه الله يخليك
ّ~ماشي يبني
_استني اعمل معاك القهوه يعم سيد انت تعبان النهردا شكلك
= عمي سيد هيعملها وحده خليكي هنا
ياخي خليني ايه انا علي سنه وهعيط ياربي ، هل ياتري سمع كل حاجه نهارك اسود ي دانا انتي كنتي اخداه غسيل ومكوي ينهار مش فايت دا هيعمل من دمي شربات
اتكلم اخيرا وياريته متكلم وانا قاعده قصاده علي الطربيزه
=عيل رخم ها!!
_ مش عليك يا باشا والله انت فاهم غلط دنا كنت بتكلم علي حد غيرك
= وغبي
_ يتقطع لساني والله مش انت طبعاً
=مغرور ومش طايق حد
_مش عليك دنا قصدي الواد مراد انت عارفه واحد رخم اطرده
=خنيق في شغلي
نهار اسيود كلو دا قلتو عليه ، لا حقه يولع فيها بصراحه
=عامل فيها فتوه وفرحان بعضلاتي
_افرح براحتك يباشا انا لوعندي ربع عضلاتك دي مكنتش كلمت حد اصلا
هوا مالو هياكلني كدا ليه طب علي فكره انا خفت باه براحه عليا يعم الحلو انت
رجع بضهره لورا ومسك كبايه القهوه اللي جبهاله عم سيد وقعد يشرب فيها بهدوء وانا هعملها علي نفسي قدامه تلفوني من ساعت مقعدت عمال يرن هموت وارد علي البت حبيبه الغلبانه بس خايفه منو بيبص عليه حساه عاوز يخبطه فب الحيطه مز بس مخيف
= بكرا الساعه 7ونص تكوني في المكتب
عشان يطردني اكيد ، احسن برضو انا زهقت من الشركه دي
_ عنيا يا باشا لو عاوزني ابيت هناك مش مشكله اصلا عن اذنك بس عشان ورايا كام مشوار قبل ما اليل يليل ومينفعش اروح
خدت تلفوني وهربت نهار مش فايت هوا مخيف كدا ليه ، ركبت عربيتي وجريت علي البيت اشوف حبيبه
اول ما مشيت ساب كبايه القهوه بقرف
_عم سيد هتلي كبايه شاي الله يخليك البتاعه دي وحشه اوي
ضحك عم سيد وقلو
~ كان ايه لزمه تقطع خلف البت كدا دي مش هتنام من الخوف
=مش هتنام ايه دي تلقاها في سبات ، بعدين سيبك انت منظرها وهيا قاعده زي طفل بيتعاقب عجبتني
~ براحه عليها يا زين مهما عملت فيها انها جامده وقويه في الاخر هيا طفله ممكن تعيط عشان حاجه تافهه خد بالك منها
همس لنفسه وهوا بيبص علي الباب = حد يتوصي علي قلبه برضو
- بس ياستي وراح باصصلي بنظره مرعبه وقلي 7ونص تكوني في المكتب ، كنت هبكي يا حبيبه بيبصلي كدا ليه ولا عشان مز وعندو عضلات يعني عااا
~ ياعيني عليكي يابنتي كلو دا حصلك معلهش هما المزز كدا وخدين مقلب في نفسهم
- دا كان بيشرب القهوه كانه بيشرب دمي انا قلت هيقطع رقبتي يعلقها في بيته مع باقي روؤس الموظفين اللي قبلي
حضنتها حبيبه وقالتلها " معلش هوا وحش ياحبيبتي زي بعضه "
- اه هوا وحش مدير رخم غبي ومز يابت مز اوي يخربيت حلاوته
~ انتي مبتتهديش يابت ، روحي نامي يادانا عشان تصحي بدري تستقيلي بوجه مشرق
- صح استقبل استقالتي ب كل شجاعه ،انا استروونج اندبندنت وومن اوي، تصبحي علي خير
*الصبح
7الصبح كنت قدام مبني الشركه اه العمر مش بعزقه عزيزي القارئ دا ممكن يرميني من شباك مكتبه لو اتاخرت
طلعت علي مكتبي عشان اجهز الورق وارتب المكتب عشان اسيبه للي بعدي مرتب ، اه انا واحده عندها ضمير اوي في الحته دي امااال ، رن جرس المكتب بتاعه ، خدت نفس عميق ومشيت نحيه خبط وسمعت صوته الرجولي الوحش الحلو اللي بيدوبني دخلت وانا في كامل اناقتي استقبل استقالتي
- امرك يا استاذ زين
مدلي ورقه..... حلو استقالتي ، جات منك مش مني احسن برضو
= هتبقي مساعدتي الاولي
- حلو انا كنت عاوزه استقيل من الاول اصلاً اصل شغل الشركه دامش جاي معايا سكه اروح اكل عند حبيبه باه ...لحظه انت قلت اقبي المساعده الاولي ليك
دا هيرقيني مش هيطردني وه ، ايه القيامه النهردا ولا ايه
بصيت علي الراتب لقيته ضعف راتبي اللي باخده
= كنتي بتقولي ماله شغل الشركه
- قمر شغل الشركه قمر اوي دنا بحب الشركه دي اكتر من حبيبه صحبتي مين حبيبه اصلا
لاول مره يضحك يخربيت غمازتك دي ياعمي هوا ناقصه حلاوه علي حلاوتك انا استرونج اندبندنت وومن اه بس بضعف مع الغمازات القمر دي
-قمر والله
= نعم!!
- احم قصدي عرض قمر وانا موافقه اصلا و سلام
طلعت من المكتب وانا حاسه نفسي بقيت طمطمايه من الاحراج ، يقول علينا ايه دلوقتي مدلوقين عليه لا سمح الله
هوا انا ممكن اغير رايي وارفض الترقيه ، دا طلع ميتيني في الشغل والله حرام عليه ليه يعني اخلص شغل علي 10باليل عشان بقيت مساعدته ، خلصت اخر ورقه ورميتها علي المكتب خدت شنطتي وجريت علي الاسنسير هموت وانام
والله انا عيله علي الشغل دا كان لازم اقلهم اني عاوزه استقل بنفسي واشوح ب ايدي كدا ، انا مني لله والله كان زماني قاعده مع الحجه امي والحج ابويا باكل وبشرب وانام
بكرا اجازه الحمد لله خدت نفسي وجريت علي بيتي اللي ساكنه فيه وحدي فتحت الباب ورميت شنطني علي الطربيزه وانا اترميت علي الكنبه زي الميته دا ان مكنتش ميته فعلياً يعني منغير مغير هدومي حتي
الساعه 3الصبح صحيت من ألم ظهري ،طبعاً منا نمت علي الكنبه زي المقتولين من التعب
تنهدت بتعب ورحت غيرت هدومي ل بيجابه شبه بتاعت الشحاتين دي عرفينها وربط شعري اللي عمل زي عش الفراخ من التعب ،ياعيني مبهدلاه معايا ربنا يحميه ليا
لحظه انا مأكلتش انا جعانه علي فكره ، رحت عملت اندومي وخدته علي البلكونه في الجو القمر دا العمارات قريبه من بعضها هنا يعني اقدر انط علي العماره اللي قبالي لو كان فيا حيل وكنت سوبر مان هه بهزر طبعا ً انا ساكنه في الدور العاشر والمسافه بعيده مستحيل افكر اعمل كدا
قعدت عل الكرسي في البلكونه واتربعت وانا باكل اندومي تحسيني شحاته اقسم بالله ربنا يحميني لنفسي مسكت العصيان بتاعت الصينيين اللي بياكلو بيها دي، اه دي اكلتهم ولازم العصيان بتاعتهم دي
ببص قدامي لقيت زين في الشقه اللي قصادي بيبص عليا
هوا انا بقيت بتخيله في كل مكان اكنش حبيته ابو غمازه قمر دا
فضلت متنحه ليه حوالي خمس دقايق كدا لحد مستوعبت انه هنا فعلا واقف قدامي في الشقه اللي قصاد شقتي ، بصيت علي نفسي وانا لابسه هدوم واسعه ورابطه شعري لفوق وباكل اندومي شحاته شحاته يعني مفيش كلام وايه الاندومي متعلق بيني وبين العلبه
خدت بعضي وجريت علي جوا وقفلت باب البلكونه في وشو ينهار فضايح بأه اروح الشركه قمر اربعتاشر ويشوفني بعديها بساعتين شبه بتاعت الجرجير اللي تحت دي، اتفضحتي يا سنيه وقدام مين قدام الواد المز اللي عينك منو
سامعه صوت ضحكته من هنا جاتك نيله في ضحكتك القمر ياعمي انت
طب هوريه وشي ازاي تاني ياربي اناو، انا هقدم علي هجره واهرب من هنا..... اه دا اسلم حل الهروب بكل ثبات ومش هوريه وشي تاني
شاي بالنعناع 🍃🍃
(3)♡♡
ببص قدامي لقيت زين في الشقه اللي قصادي بيبص عليا
هوا انا بقيت بتخيله في كل مكان اكنش حبيته ابو غمازه قمر دا
فضلت متنحه ليه حوالي خمس دقايق كدا لحد مستوعبت انه هنا فعلا واقف قدامي في الشقه اللي قصاد شقتي ، بصيت علي نفسي وانا لابسه هدوم واسعه ورابطه شعري لفوق وباكل اندومي شحاته شحاته يعني مفيش كلام وايه الاندومي متعلق بيني وبين العلبه
خدت بعضي وجريت علي جوا وقفلت باب البلكونه في وشو ينهار فضايح بأه اروح الشركه قمر اربعتاشر ويشوفني بعديها بساعتين شبه بتاعت الجرجير اللي تحت دي، اتفضحتي يا سنيه وقدام مين قدام الواد المز اللي عينك منو
سامعه صوت ضحكته من هنا جاتك نيله في ضحكتك القمر ياعمي انت
طب هوريه وشي ازاي تاني ياربي انا، انا هقدم علي هجره واهرب من هنا..... اه دا اسلم حل الهروب بكل ثبات ومش هوريه وشي تاني
خدت بعضي كملت الاندومي بتاعي و رحت نمت كفايه احراج لحد هنا اوي
الصبح صحيت وكالعاده يوم عطلتي باخده ترويق في الشقه اللي الاسبوع كلو شبه مقلب الزباله يلا الحمد لله انا عارفه نفسي مش لسا هعرفني
حطيت اغاني في السماعه الهيد بتاعتي ولبست البنطلوب البرموده بتاع التنظيف والفلينه اللي سرقاها من حازم جوز حبيبه واشتغلت باه انضف
انا مش عارفه بعمل ايه فيها عشان كل الزباله دي طلعت اربع كياس زباله خدتهم وفتحت الباب ركبت الاسنسير عشان انزل اوديهم قبل عمي كريم ميلم الزباله
قعدت اغني مع اغنيتي وانا نازله من العماره تحسيها ملك للحج ابويا
.
.
.
قعدت تغني لحد ما وصلت ل مكان علب الزباله وهيا بتغني وصوتها عالي وبتتنطط تحسيها واحده ف حضانه
_عامل ليه فزلوكة مابل راب بفلو الشكشوكة اجيب اوتو جن واسيب سكسوكة واعامل الدنيا كما تقول سوكا كيفي كدة كيفي هنا والي اقوله هنمشيه كيفي كدة كيفي هنا زميلي موقعي ده مفيش جمبيه
بصت قدامها لقيت زين واقف بيبص عليها وهوا مبتسم
وقفت مكانها وهيا ماسكه اخر كيس زباله مرمتوش ، باليل كنتي شبه الشحاتين النهردا شحاته حرفيا
لفت نفسها بالراحه وخدت بعضها وجريت علي باب العماره بتاعتها تستخبي
_هوا ليه هنا، ياحزنك يا دانا المره التانيه يشوفني وانا شبه الشحاتين يكسوفك يابت هتودي وشك فين منو
، بصت من جنب الباب لقيته لسا واقف ببدله رمادي وشعر مترتب
_يعني يكون هوا زي القمر وانا اكون زي نبيله شلبي كدا، هيبص عليا ايه الصاروخ دا
بصت تاني لقيته باصصلها اوي خلاها خدت السلم جري لحد الدور العاشر
فتحت باب الشقه وهيا خلاص هتعيط
_الو يا حبيبه الحقيني يا حبيبه الواد شافني وانا شبه بتاعت الخضار يا حبيبه منظري عار ياحبيبه هوريه وشي ازاي يا حبيبه
~متتهدي وتتكلمي عدل ايه اللي حصل واد مين وبتاع ايه
_زين، زين المدير اللي كنت بشتم عليه فكراه ايوه هوا دا المز المتكبر اللي شايف نفسه ساكن في العماره اللي قصادي شافني وانا شبه الحجه سعاد بتاعت الجرجير اللي في السوق والنهردا شافني وانا بكب الزباله
~سيبيني اكمل، وانتي لابسه التيشرت بتاع حازم اللي شبه بدله العيانين عليكي وبنطلون برموده وبتغني بصوت عالي زي العاده
قعدت علي الارض ورا الباب وهي بتقول بصوت عياط
_هوا دا اللي حصل يختي ، هقابله ازاي، انا هستقيل خلصانه
~لا يابت روحي شغلك عادي ولا كانك خدتي بالك اصلا، واعتبري نفسك مشفتيهوش
_اصدر الطرشه يعني
~يخربيت الفاظك يا عديمه الزوق
_مخلاص يا حبيبه ادي جزاتي عشان بحكيلك احزاني
~قومي يابت ا استحمي والبسي واشيكي وبطلي هدوم البقر اللي بتلبسيها عشان تجيني
_قايمه اهه
قامت غيرت هدومها استحمت ولبست بنطلون جينز و تيشرت ابيض ونزلت علي عربيتها ، بصت حوليها ملقيتش حد
_ايوه الناس كلها بتكون موجوده وانا اقرف الكلب لكن لما اكون بني ادمه ومزه مشفش حد
ركبت عربيها وراحت عن حبيبه عشان تساعدها وعلي الساعه 8باليل طلعت من بيت حبيبه وركبت عرببتها عشان تروح
**في الصبح
صحيت استحمت وغيرت هدومها ونزلت تروح الشغل
_ايوه كدا يا بت يادانا انتي اعملي نفسك مخدتيش بالك منو، مش يمكن مشفكيش، انا هتجاهله خالص، يالهوي هوا انا وصلت بسرعه كدا ليه ، يلا يابت يادانا اطلعي شغلك
فتحت الاسنسير ودخلت وقبل ما يقفل اتفتح تاني وظهرت واحده حلوه اوي لابسه هدوم ضيقه خالص ركبت معاها
بصتلها بقرف وعلي هدومها ومكياجها وشعرها وبصت علي فونها بتلعب المزرعه السعيده
وصلت للطابق بتاعها متاخره ساعه ونص وماشيه براحتها ولا كأنها متاخره وهتتعلق من قفاها
اول ما دخلت كل زمايلها قالولها ان زين مش طايق حد و هيولع فيها
_اايه الجديد اصلا من ساعه ما جيت وهوا عاوز يولع فيا اصلا
اول ما دخلت المكتب التلفزن رن
_ايوه يا زين بيه
=هاتي صفقه البهنسي
_حاضر
يلا يابت يا دانا اتشجعي كدا هوا اصلا مخدش باله، ظبطت قميصها وخدت الصفقه خبطت وسمعت رده
كان مكشر وهوا بيبص علي الورق قدامه
_الصفقه
بصلها ثواني وهوا ساكت بلعت ريقها ووشها بدا يحمر من الاحراج
=راجعيها
خدتها وكانت رايحه تمشي قلها
=اقعدي راجعيها هنا
شاور علي الكرسي الي النحيه الثانيه من المكتب، قعدت علي واحد منهم و حطت الصفقه قدامها علي الطربيزه وبدات تشتغل عليها
اما التاني كان سرحان في خصله من شعرها عمال تتحرك مع الهوا البسيط في المكتب
_استااذ زين
=احم ايوه
_بنده علي حضرتك كذا مره
=فيه حاجه
_ايوه راجعتها
=طيب قوليها باختصار
بدأت تتكلم وهيا بتتكلم اتفتح الباب ودخلت البت اللي كانت معاها في الاسنسير
~زينو عامل ايه
اتجهت نحيته وحضنته وهوا قاعد وباسته علي خده و دانا واقفه متنحه
=اهلا يا زينه
~وحشتني اوي فينك كدا مش بتسال يا وحش هانت عليك العشره
=مشاغل باه اعمل ايه
قعدت علي المكتب قدامه وهيا بتظبط في الكرفته و دانا واقفه هتتشل وهيا بتابع دا بصمت وصدمه
بينهما الاخر عامل نفسه مش منتبه ليها
_استاذ زين خلصت الصفقه
=مستني ايه خلاص لو احتجتك هنده عليكي
سابتهم وشيت وهيا هتتشل
_يابت دي بتقلو يا زينو بسهتنه وسهوكه ومحن ايه دا يختي، اللي تنشل حضنته وباسته باسته في خده شالله يبوسها تعبان وايه قاعده قدامه علي المكتب بتلعب في الكرفته بتاعته بنت الجزمه دي وهيا مصدره حجات انا معنديش
~دانا حبيبتي اهدي الفون هينفجر من الحراره
_زينو،زينو في عينها لا في عينها ايه شالله تنقلع عينها والواد كان مسالم وسايبها تلعب في بدلته و الكرفته براحتها
~ربنا ياخدها المسهتنه دي،هيا حلوه
دانا بصوت عياط وهيا رايحه جايه في المكتب من الصبح
_البت صروخ ارض جو،عليها امكانيات ورا وقدام يابت دوبت الواد الوسخ اللي مترباش
~دانا اقفلي هشوف لودي عشان صحيت يحبيبتي اول ما هفضي اكلمك
حتي انتي يا حبيبه الكلب ايوه منتي نسيتيني عشان بنتك يا كلبه،طيب اعمل ايه،اروح اجيبها مش شعرها الاشقر اللي انعم من حياتي دا ولا اسيبها، لا خليها تطري علي زينو بتاعها يشبعو ببعض انا همشي، هوا المفروض قاعد ساعتين عشان دوامي يخلص بس يولع مش هقدر استني تاني دي ليها اربع ساعات معاه ف المكتب وحدهم والشيطان تالتهم
خدت شنطتها ونزلت
~دانا يابت يادانا رايحه فين
_رايحه في مصيبه يا مراد تيجي معايا
~تسلمي حبيبتي انا في مصيبه اصلا مش محتاج
_خلاص ابعد عني دلوقتي
سابته ونزلت الجراش تجيب العربيه،جات تشغلها لقيتها مش راضيه تشتغل
_حلو حتي العربيه باظت،هوا يوم باين من اوله
نزلت خدت شنطتها ومشيت لحد كافيه عم سيد
دخلت بضيق
~ازيك يا دانا يابنتي
_انا بخير يا عم سيد
~مش باين عليكي كدا خالص،انتي شويه و هتولعي
بدات يعملها في كبايه الشاي بتاعتها المعتاده وهيا بتقول
_الشغل في الشركه دي جابلي الامراض وانا عيله، انا هسيبها وهمشي، وتولع باللي فيها وب زينو بتاعها
ضحك عم سيد وهوا شايفها متغاظه وبتتكلم بضيق وقال في نفسه "باين القطه لقيت وليفها "
مدلها كبايه الشاي خدتها وهيا بتقول
_دا حتي صحبتي يا عم سيد صديقتي الصدوقه حبيبه الكلب مبقيتش فاضيه ليا بتقلي وانا بحكيلها مأساتي اقفلي لودي بتعيط، شفت يرضيك كدا
~معلهش يابنتي الدنيا تلاهي
_تلاهي في عينها هيا وحازم اللي مفروض صديق الطفولة بتاعي واخويا ف الرضاعه مبقيش فاضي ليا، باين غلط لماجوزته البت حبيبه
اتكلمك وهيا بتقوم من مكانها رايحه جهه عم سيد والبنت اللي شغاله معاه
_علي جنب كدا ياعم سيد هشتغل معاك شويه
لبست مريله الشغل وبدات تاخد طلبات الزباين اللي كانو حبينها وعرفينا زي ما عرفين عم سيد
~الطلب هوا هوا يا دانا يا بنتي
_عنيا يا خاله وفاء بس كدا دنتي تطلبي عنيا
~تتسلمي يا حبيبتي
فكت خالص وقعدت تضحك مع الزباين وتاخد الطلبات وسابت شغلها في الشركه والتاني كان هيتشل عليها ميعرفش راحت فين قلب كاميرات الشركه كلها ملقيهاش في اي حته
دخل عليه مراد
~صفقه الشرقيه عاو...
=فين دانا
~طلعت مش الشركه من ساعه كدا، مكانتش طايقه حد
تنهد وقام من مكانه ولبس جاكيت البدله وقلو،
=اشتغل مكاني
~ااشتغل ايه ياعمي متاخد هنا انا عاوز اروح
=هعتبر اني مسمعتش حاجه، لما اشوف الهانم اللي طلعت قبل ميعادها دي
ساب مراد وراه ونزل ومراد عمال يسب ويلعن اليوم اللي اتعرف عليه فيه
ركب عربيه وراح علي كافيه المعتاد، دخل من الباب لقيها شغاله مع عم سيد وعمال تضحك مع الزباين وبتبيع بسعاده، راح وقف عندها وهيا ماسكه نوته صغيره باصه عليها
_طلبك يا قمر
=شاي
رفعت راسها لقيته باصصلها وهياكلها عنيه بطلع شرار
قفلت النوته وقالت"للاسف الشاي خلص تعالي في وقت تاني "
ضرب الطربيه وقرب شويه نحيتها وقال بصوت مرعب
=ببتقولي ايه
_بقول ان الشاي دقيقه وهيكون عندك بس
ابتسم وقعد علي الكرسي وقال"يقبي انا اللي سمعت غلط"
بصت النحيه التانيه وهيا عمال تشتم فيه في سرها
_اتفضل الشاي يا استاذ
حطته قدامه وقبل ما تتحرك قلها
=مشيتي قبل ميعادك منغير اذن ايه فكراني مراد هيسمحلك تمشي في اي وقت انتي عوزاه
بصت نحيته وقالت بغيظ
_ههتعمل ايه يعني هتطردني حلو اطرني خلينا نخلص يا زينو بيه
قالتها بصوت عالي عشان هوا علي صوته برضو
فجأه كل الافكار السودويه اللي جات في باله عشان يعلقها اختفت وظهرت ضحكه عمال تكبر لحد ما بقيت ضحكه عاليه ظهرت فيها غمازاته"دي غارت عليه"
_علي فكره مقلتش حاجه تضحك خالص ، انا هستقيل بس كده
قام من مكانه وقال بابتسامه واسعه
"يلا اروحك عشان الوقت متاخر"
_لا مش هتروحني انا مش عيله اعرف اروح لنفسي كويس ملكش دعوه بيا انا استقلت وهتلاقي الاسقاله علي مكتبي
وقف قدامها وهيا كل زره شجاعه هربت منها ووشها قلب الوان لما اختفت الضحكه
*نهار اسود كان لازم اعلي صوتي واعمل فيها استرونج اندبنتدنت وومن اديه هيعلقني*
كانت قصيرن عنو اوي، مسكها من قفاها وبلصها قوي وقال
=انا اللي اقول هتستقيلي ولا لاء مش بمزاجك يا سكر ويلا علشان تتزفتي تتتروحي معايا الوقت اتاخر
_ممين قال اني استقلت اصلا كنت بهزر معاك متاخدش في بالك خليك رويح ياعمي مش كدا ، دقيقه وهاجي ، اصلا عربيتي باظت
=اقلعي البتاع اللي لبساه دا
قلعت المريله بتاعت المطبخ وجات تتحرك من قدامه مسكها من قفاها تاني زي عيل صغير عامل عمله
=هاخد البت دي اوصلها ياعم سيد سلام
~ماشي يابني خد بالك منها
مشي وهيا قدامه ماسكها من قفاها تحسيها بنت اخوه ركبت جنبه في العربيه وهيا ساكته خالص تحسيها متعاقبه
كان بيبص عليها كل فتره ويضحك وهيا مربعه ايديها وساكته خالص
وقف قدام العماره بتاعتها وقال بصوت مضايق "يلا اطلعي علي البيت"
قبل ما يخلصها كانت طلعت من العربيه ووصلت باب العماره
**&&
شاي بالنعناع 🍃🍃
(4)♡♡
سترونج اندبندنت وومن ايه دا هيعلقني
=انا اللي اقول هتستقيلي ولا لاء مش بمزاجك يا سكر ويلا علشان تتزفتي تروحي معايا الوقت اتاخر
_ممين قال اني استقلت اصلا كنت بهزر معاك متاخدش في بالك خليك رويح ياعمي مش كدا ، دقيقه وهاجي ، اصلا عربيتي باظت
=اقلعي البتاع اللي لبساه دا
قلعت المريله بتاعت المطبخ وجات تتحرك من قدامه مسكها من قفاها تاني زي عيل صغير عامل عمله
=هاخد البت دي اوصلها ياعم سيد سلام
~ماشي يابني خد بالك منها
مشي وهيا قدامه ماسكها من قفاها تحسيها بنت اخوه ركبت جنبه في العربيه وهيا ساكته خالص تحسيها متعاقبه
كان بيبص عليها كل فتره ويضحك وهيا مربعه ايديها وساكته خالص
وقف قدام العماره بتاعتها وقال بصوت مضايق "يلا اطلعي علي البيت"
قبل ما يخلصها كانت طلعت من العربيه ووصلت باب العماره
**&&
تنهد بتعب وحط راسه لورا
=شكلك وقعت ومحدش سمي عليك
رجع شعره لورا وركن العربيه وطلع عمارته
اما هيا جريت علي شقتها دخلت وهيا بتتنطط زي الهبله قلعت هدومها ولبست بيجامه وعملت شعرها قطتين كان شكلها لطيف اوي ببيجامه كحلي قمر عليها
طلبت بيتزا و راحت تجهز الصاله للسهره، ايوه هيا بتحب تسهر وتسمع افلام كان الاول مع حازم وحبيبه بس بعد ما اتجوزو وهيا بتعمل كل حاجه وحدها
رن الجرس جريت عشان تاخد الببتزا من عامل التوصيل فتحت الباب ادته الفلوس وخدت البيتزا
شغلت اغاني بصوت عالي وكانت عمال تتنطنط وتغني بصوت عالي
_عارف انت الحظ بعينه ..
كان وشك حلو عليا كل اللي الناس شايفينه
ما يجيش واحد في الميه من اللي انا لسه ما قولتوش
انا لو تبقي معايا بيترج القلب ويتهز
انا لو تاخد عيني يا نور عيني عيني ماتنعز عارف انت الحظ هو انت الحظ يا حظ
انت الفرحه الي في بالي
وهيا بتتنطنط اتزحللقت ووقعت علي ظهرها
_ااااااااه ياراسي
غمضت عنيها بألم من الخبطه وحست براسها بتدور
مش قادره تقف
سمعت صوت حاجه بتخبط، وبعديها
=دانا انتي كويسه
فطت من الخضه لورا لما سمعت صوت زين في الاوضه، بصت لقيته قدامها
كان قلقان وبيبص علي رأسها ، مسك راسها بين ايديه وبص عليها من قريب
=تعالي اقعدي
كان بيتكلم بهدوء شديد وهيا دماغها وجعاها ومش عارفه تركز اصلها اتجرحت في جبينها
ساعدها تقعد علي الكنبه
=فين علبه الاسعافات الاوليه
_في درج الي جنب الباب
كان نظرها مشوش لسا حاجه بسيطه بس كانت حاسه بكل حاجه حوليا
قعد قدامها ومسح قطرات الدم اللي نزلت عقم الجرح وعطلها لزقه طبيه
زين بهدوء"احسن"
_اه
كان بيبص عليها بسرحان ولما لاحظ انها قدامه قال بصوت عالي شويه ونبره زعيق
=انتي متخلفه تتنططي كدا حد قلك انك ارنب عشان تتنططي كدا افرض وقعدي علي زجاج ولا حاجه انتي مفيكيش عقل بتفكري بيه افرض حصلك حاجه وحشه لا قدر الله
رجعت لوار بخضه بسيطه من اسلوبه اللي اتغير من اللطيف والمراعي لشخص هياكلها
_محنا كنا حلوين ايه قلبك ياكبير بس، ثم انا كويسه اهه مالي
=مالك، لا ابدا كنتي هتكسري راسك يا هانم، هففف
_طب منا كويسه اهه ثم انت موجود ، لحظه يالهوي انت موجود انت جيت كيف هنا
=من البلكونه
_يانهار انت نطيت من عماره لعماره في الدور العاشر
=اه
_هاااا طب محصلكش حاجه، انت كويس، اتعورت طيب
وقفت تبص عليه وعلي وشو احسن يكون متعور المسافه مش هينه برضو دا لو وقع من هنا هيقبي في خبر كان
بينما هوا كان مبتسم ليها وهيا بتتفحص وخايفه عليه رغم ان هيا اللي اتعورت
_الحمد لله انك بخير ، متعملهاش تاني افرد حصلك حاجه دلوقتي بسببي، خد بالك من نفسك
=تعالي اقعدي ب ودان القطه اللي انتي عملاهم دول
_هاااا مالهم ودان قطتي حلوين علي فكره وانا بحبهم
زين بابتسامه"هوا انا قلت انهم مش حلوين، دا حتي قمر "
_احم هوا الجو بقي حر كدا ليه، مش احنا في الشتا برضو
وقف قدامها وحط ايده علي رأسها وقلها بابتسامه لطيفه"خدي بالك من نفسك وبطلي هبل حافظي علي حياتك ياريت"
وقفت متنحه ليه هوا بيبص كدا ليه، هوا ينفع الواحد يحلو اكتر طب هوا ليه قمر كدا وهوا بيتكلم
شافته رايح تجاه البلكونه
_ااستنى استني انت هتنط لا لا انت تطلع من الباب افرض وقعت والله منتا ناطط
ضحك وقال"حاضر ياستي، تصبحي علي خير "
راح تجاه الباب وطلع وقفل وراه بعد ما بص عليها
وهيا كانت واقفه متنحه اوي
_هوا اللي حصل دا حصل ولا انا بتخيل ، هوا ضحك دا بيعيرف يضحك عادي زينا!!!!، بس ضحكه ايه قمر ياخربي عليه،...... هوا نط من العماره بجد، طب افرض حصله حاجه
قطع سرحانها صوت الفون وهوا بينبها انه ميعاد النوم
قفلت النور ف الصاله وخدت البيتزا وراحت علي اوضه النوم
* في الصبح
صحيت لبست وراحت الشعل بدري
بصو هوا انا استرونج اندبندنت وومن بس منظره وهوا بيقلي انا اللي اقرر فصلك ولا لاء خلتني فكرت اني محتاجه راسي ملزوقه في جسمي
ركبت اوبر ووصل للشركه قبل ميعادي هتسألوني ليه هقلكم انا امبارح منمتش اصلا، كنت بسمع مسلسل تركي جامد بصراحه
وصلت وكنت لابسه بنطلون اسود وتيشرت رومادي ورابطه شعري بونيتل من فوق دخلت حطيت الورق و رتبت مواعيد زين
صوت الكل اختفي فا عرفت انو وصل، اه اصلو شبه البعبع للكل هنا
رن فون المكتب
=هاتيلي صفقه الرياض
_حاضر
خدت الصفقه وراحت خبطت ودخلت
_الصفقه
=عامله ايه دلوقتي
_مين انا !؟؟!، انا كويسه بخير لسا عايشه واديني
حط راسه علي ايده وبصلها وهوا متنح
_ااااا استاذ زين انت كويس
=ايوه انا بخير
حطت ايدها علي راسه لقيته سخن
_حضرتك سخن، انت مش كويس، دقيقه هعملك حاجه تساعدك
راحت عملت ليه مشروب دافي و جابت علاج خبطت ودخلت لقيت البنت اللي كانت موجوده امبارح وموجوده. تاني قاعده علي المكتب قدامه تاني
~هكلم العميل وهرجع يا زين
ريكأشناتها متغيرتش لكن من جوا بتفكر تجيبها مش شعرها
_اتفضل يا استاذ زين العلاج دا والمشروب الدافي هيساعدك تقبي كويس
اتكلمت بعمليه غريبه عليها في العاده حتي وهيا بتتكلم برسميه بتكون طفوليه، بس اتكلمت بجمود خلاه بصلها بضيق
سابت الكبايه علي المكتب و لفت تمشي
=احم ساعديني في اخد العلاج
تكلمت بطلقائيه و اندفاع"خلي حبيبه القلب تساعدك انا مش فاضيه "
ابتسامه كبيره اترسمت علي وشه وقال بنبره لعوبه" حاسس بحد بيغير هنا"
_ياريت متحسش تاني
=ايه اتاكد
_لا
=طيب مش هتساعديني
_ااساعدك في ايه، اخدو بدل عنك يعني
=مالك بس هتولعي فيا كدا
_لا مش هولع في حد سلام
طلعت من المكتب وقفلت الباب جامد وهوا كان باصص عليها بسعاده، هوا فعلا اتعلق بيها، اتفتح الباب بعصبيه ودخلت قالبه وشها ادته البرشامه وقربت ليه الكبايه وهيا باصه بعيد و باين انها مضايقه اوي
=هوا القمر مضايق ليه بس
سابته وطلعت
=مهنتش عليها تسيني هيييح بنت المجنونه اللي هتجنني معاها
شغل الكاميرا وكانت علي مكتبها لقيها قاعده علي الطربيزه وماسكه ورقه في ايدها شويه ورمتها في سله الزباله ومسكت فونها
_ايوه يا حبيبه
~مالك بتقوليها من تحت الضرس كدا
_مفيش يختي عاوزه ايه
~كنت بطمن عليكي
_انا بخير تسلمي
قفلت معاها بعد اتلكمت شويه وفتحت باب المكتب عشان تديه صفقه محتاج يوقعها
تزامن مع دخولها دخول زينه البت اللي مش طيقاها
~اوعي ياحبيبتي لما ندخل احنا الاول انتي متعلمتيش كدا ولا ايه
بصتلها ببرود شديد ودخلت قبلها برضو
_الصفقه محتاجه توقيعك وقع
كانت زينه هتتشل
وقع عليها وهوا شايف كل حاجه
~انتي ازاي بتكلمي زين كدا ، دا مديرك
مردتش برضو خدت التوقيع ومشيت علي مكتب مراد
دخلت دخول مخبرين
_بنت كوم شكاير اليهود
~مالك بس يا دانا مولعه كدا فيه نار طالعه منك
قعدت تحكيله وهيا متغاظه
_لما اكون لازم اعدي الاول انتي متعلمتيش دا ولا ايه، انا يتقلي كدا يا مراد، شالله ربنا ياخدها
~اهدي يا دانا يا حبيبتي، هيا كدا محدش بيطيقها خالص ، ثم هيا متعوده علي اغواء الناس
_اغواء، وقعتها طين، بنت المقشفه دي، هجيبها مش شعرها
اما عند زين اللي كان مضايق من اللي حصل
=اعتقد يا زينه صفقتنا خلصت ياريت مشفكيش في مكتبي تاني
~بس
=من غير بس
~اسمعني يازين
=استاذ زين يا انسه زينه
وقفت بضيق ومشيت لبرا
و دانا كانت قربت تخلص اليوم ومن التعب نسيت تاكل، كانت مشغوله في تعديل بنود صفقه مهمه للشركه
بينما زين كان هيتشل في مكتبه
=ياخي مش لاقي سبب تشوفها بيه ، فكر فكر
زفر بضيق وكمل شغل ودانا برضو كانت مضايقه اه بس اكتر جاحه ضايقتها الصفقه اللي كانت مسكاها، واللي كانت فيها زينه طرف تاني، فيه شرط جزائي ب 2 مليون جنيه لو حصلت حاجه في الشحنه كانت موقعه بالنيابه عن زين ودا شلها
قامت بسرعه دخلت مكتبه منغير متخبط خدت تركيز اللي قدامها
ضربت الصفقه علي المكتب وقالت بعصبيه
_اتفضل يا استاذ الصفقه اللي هتخسر الشركه اثنين مليون دولار علي حاجه تافهه وقال ايه قال المشكله علي الشركه، بسبب الاستاذه زينه مضت بالنيابه عنك علي شرط حزائي هيعمل عجز في الشركه ياريت تختار شركاتك بعد كدا كويس وسيبك من سنيوره هانم
=يعني انتي مضايقه علي ان فيه شرط جزائي ولا مضايقه عشان اديتها تصريح ب بتوقيعي
دانا باندفاع" الإثنين "
_احم قصدي عشان الشرط الجزائي ، انا مالي بيكم انت حر
=حريتي معاكي
_نعم!!!!!
=بقلك اعمليلي شاي، ولا اقلك تعالي نشرب شاي برا
شدها من ايدها وخدها معاه وهيا مش فاهمه
_احنا لسا مخلصناش الدوام، ورانا شغل
=مين المدير
_انت
=يقبي انا براحتي
كان بيتكلم بابتسامه هاديه علي وشه وهيا مش فاهمه، هوا مالو قلب كدا
ركب العربيه وركبت جنبو وهيا بتبص بعنين مقفوله عليه
=مالك بتبصي كدا
_انت كويس، شكلك مبسوط النهردا ومش بتتخانق زي كل يوم
=مش عارف يمكن عشان فيه حاجه جديده اكتشفتها
_اهيا قلي
=انتي فضوليه اوي
_علي فكره انت صاحب مش جدع متقلي فيه ايه
بص عليها ثواني بابتسامه وقلها
=اعتقد اني وقعت جامد
شهقت واتعدت نحيته وقالت بصدمه
_يالهوي طيب انت كويس وقعت ازاي مش تاخد بالك،اتعورت طيب،فيه حاجه وجعاك،نروح للدكتور، ،معلهش متضايقش حصل خير
ضحك جامد وقال"متوقع ايه من طفله، اتعدلي يابنتي عشان متقعيش "
_بتضحك ليه، انا بحاول اساعدك
=هتساعديني اوي لو بطلتي تتصرفي تصرفات تخليني اعمل حجات عمري معملتها
_عملت ايه، علي فكره انا بحاول ابعد عن المشاكل واني اشتغل كويس في الشركه
=ومين قلك انك مش مشغاله كويس اصلا
_محدش بس حبيت ابين اني استرونج اندبندنت وومن وبقدر اعمل اي حاجه
=انتي استرونج اندبندنت وومن قمر وعيوطه وبتحت المصاص
بصت قدامها علي الطريق ومردتش وهوا ضحك علي خدودها اللي قلبت طماطم ومش عارفه تتكلم
وصلو ل مكان علي البحر
=انزلي
نزلت وهيا ساكته برضو، هيا مبتعرفش ترد علي الكلام دا، مهما كانت كبيره وحلوه مبتعرفش ترد علي الكلام دا وخاصتناً من زين
وقفو علي شط البحير قلعت الكتشي بتاعها وحطته علي جنب وقعدت تتنطط حوليه،رفعت البنطلون عشان ميتبلش وكانت عمال تلعب وتروح وتيجي في الميا برجليها
وهوا كان واقف بيتفرج عليها وقال في نفسه
=طفله علي هيئه ملاك، ملاكي الصغير اللطيف، انا شكلي وقعت ومحدش سمي عليا، لا بس لو كل الوقعات زي دي كدا انا مش هعترض دا نقع كل يوم مش حوار
جات نحيته بفرح وقالت
_زين تعالي حط رجلك في الميا شعور حلو اوي، تعالي
شدته من ايده بس هوا متحركش
_ايه
=مره تاني
_ططب والمره دي
=مش هعرف مره تاني وعد
_ماشي
جربت تاني وقعدت تكمل لحد وهوا قعد يبص عليها برضو
شاف ولد بيقرب عليها وحط ايده علي كتفها، وبعدين حضنها!!! !! نعمممممم ياروح امك وقعتك سودا
_واحشني اوي يا علي فينك كدا مش باين
~والله في الدنيا ياحبيبتي انتي عامله ايه
قبل مترد كان فيه حد ساحبها مش قفاها لورا لحد ما هبطت فيه
=نعم
~مين دا
=انت اللي مين
_زين دا علي علي دا زين، المدير بتاعي في الشغل، ودا اخويا في الرضاعه
حاولت تبين الموضوع عشان زين وجه قلب و اللي يشوفه يقول هياكل علي
=يالله عشان اتاخرنا
_حاضر، باي يا علي اشوفك قريب ان شاء الله
اما الثاني كان هيقتلها
مشي قدامها وركب العربيه وهيا ركبت جنبو
فجأه وقف العربيه علي جنب وبصلها بعصبيه
=تعرفي مشوفك بتحضني ولد تاني لاكون معلقك فاهمه ولا لاء
_فاهمه
ردت من الخضه منغير متفهم اصلا
رجع اتحرك بالعربيه للحد ما ولصو للعماره
=ليكي اجازه اسبوع روحي عند اهلك
_بس اننا ورايا شغل
=وانا صحب الشغل وبقلك تروحي بكرا
_حاضر ياعمي متزعقش يابوي
خدت بعضها وطلعت عليي عمارتها
وهوا لف بالعربيه وراح مكان تاني
____________________
االفصل خلص
🍃شاي بالنعناع🍃🍃
(5)الاخير
ليكي اجازه اسبوع روحي عند اهلك
_بس انا ورايا شغل
=وانا صحب الشغل وبقلك تروحي
_حاضر ياعمي متزعقش يابوي عليك
خدت بعضها وطلعت علي عمارتها
وهوا لف بالعربيه وراح مكان تاني
_________________
طلعت علي شقتها رمت الشنطه و اترمت علي الكنبه
_طيب مالو دا بيزعق ليه، اعملو ايه عمال يتشخط اكمنه مديري يعني لا انا استرونج اندبندنت وومن اوي ومش هسمح ليه يتكلم معايا كدا
قومي اقلعي الاول وكلي وبعيدن نتكلم واحنا بنلم الشنطه عشان الحج ابويا والحجه امي وحشوني بصراحه
قمت غيرت هدومي و عملت اندومي وقعدت قدام التلفزيون في الصاله
مسكت الفون بتاعي ارن علي امي
_: الو، ازيك يا حجه ماما عامله ايه
~بخير يا حبيبتي عامله ايه انتي
_والله يختي متشحططه بس انا كويسه
~مش ناويه تيجي
_كنت متصله بيكي عشان الموضوع دا، جايه ازوركم يحجه بكرا، عاوزاكي تجهزيلي اكل من جميع الاصناف والانوع اه عوضيني عن اللي بيحصل فيا هنا
~تعالي انتي بس ومتقلقيش
_فل طيارتي هتوصل علي الساعه 8باليل
~ماشي يحبيبتي
طبعا مش فاهمين حاجه، انا هشرحلكم بابا وماما في دبي وانا هنا هتسألوني ليه هقلكم اهلي وخدين الجنسيه المصريه والامراتيه عشان عاشو فتره كبيره فيها سافرو بعد ما اتولدت وانا جيت هنا عشان الجامعه بتاعتي وحبيت اكمل حياتي في مصر لاني في الاول والاخر اتولدت في مصر، بس خلصت كليتي وكملت شغل هنا وكنت برحلهم كل فتره او هما يجيو، كمان شغلنا وشركاتنا هناك فا بس
انا كنت هعترض علي قرار زين اه انا عندي إراده حره بس انا كنت عاوزه اسافر لاهلي اصلهم وحشوني
كلت الاندومي بتاعي فكروني اخد كميه كبيره معايا عشان في دبي معندهمش الاندومي المصري اللي بيجيب سرطان
سمعت فلم وقفلت الشاشه رحت عملت كافي مكس عشان جه ف دماغي و طلعت البلكونة اشم هوا انا بحب المرتفعات اوي علي فكره اه والله بحسها كدا حاجه مريحه للاعصاب، وبتقبي مريحه اكتر لما تبصي علي واحد مز بيشتغل علي اللاب بتاعه في البلكونه ومندمج و لابس قميص مفتوح اول زراين منو، لازم تجربو المرتفعات دي
دخلت لجوا عشان هيقبي منظري وحش اوي لو شافني وانا ببص عليه كدا
جهزت شنطتي واكدت حجز الطياره ورحت نمت
*الصبح
صحيت بدري عشان الحق اسلم علي حبيبه وحازم واكل اخر وجبه في مصر
علي اساس اني مش هرجع كمان اسبوعين، هوا قال اسبوع بس هقعد اسبوعين او شهر علي حسب مودي اه انا محدش يمشيني علي مزاجه
لبست كنزه بيضاء وبنطلون اسود وسبت شعري زي ما هوا ورحت اتمشي علي البحر دي اجمد حاجه في الكون في اسكندريه الصبح
نزلت من العماره و اتمشيت لحد الرصيف البحر مش بعيد عنا بكتير، رحت اشتري شاي من عند عمو بتاع الشاي علي البحر شربت الشاي واتمشيت شويه رحت عند حبيبه سلمت عليها وخدت شنطتي ورحت علي المطار
وصلت دبي علي الساعه 8 بايلي لقيت بابا وماما مستنييني
_دبي رحبي ب قمر مصر اللي جاتلك دانا السيوفي
~طول عمرك لمضه وبتاعت مشاكل
_وحشتني اوي يا بابا
~وانتي وحشتيني يا حبيبه بابا
~.. طيب وانا ايه مليش
_مكفايه غيره علي الحج يا حجه، دنا بنتو يعني تعالي هنا انتي وحشاني والله
بعد فقره وحشاني وواحشني ركبنا العربيه وروحنا علي البيت
لقيت باه الاكل و الدلع وصحابي والدنيا كانت رايقه،تاني يوم كنت مخططه انزل مع صحابي المول لبست ونزلت استمتعت باليوم معاهم وروحت
قعدت مع اهلي في الصاله باليل بعد ما لبست فلينه بابا اللي كل ما اجي هنا اسرقها وبنطلون من عندي المرادي
انا باكل شبسي وهما قعدين يبصولي فيه، قولو انكم عوزين وانا مش هديكم يشياب
~انتي مش هتبطلي تلبسي هدوم مش قدك وانتي شبه بياعين الطماطم
_قول انك بطلت تحبني ومش عاوزني البس هدومك ومبقتش تشوفني حلوه قولها بس يا بابا ايه معاك عيال غيري وعاوزهم هما يلبسو هدومك
~اسكتي يابت اسكتي ايه مبتعرفيش تتلكمي زي البنات
_لا لا سمح الله يا بابا التشبه بالنساء برضو، استغفر الله إلا كدا
~علي رايك دا حتي عيبه في حقه ياراﺟل
_اخويا وحبيبي اللي فاهمني
~مش ناويه تستقري معانا برضو
_والله ياحج علي عيني استقر بس شغلي وكريري وحياتي ومستقبلي اللي بنيته في مصر
وزين نسيت اقول وزين في مصر وانا مش سيباه، انا مش هقله حاجه بس مش هسيبه بسكده
~هوا فيه موضوع حصل كدا ومش عارف اجبهولك ازاي
_بابا هاته من الشباك
~.. بصي يا دانا بصراحه متقدملك عريس وجي يشوفك بكرا
_حلو الف مبروك يا ماما هجيلك في الفرح
~اتلمي يابت
_معلش يا حج اصلكهم بتقولو جواز مين اللي تتجوز زي دانا السيوفي ليه يعني خربت الدنيا
~بصي انا اديت الراجل ميعاد وهتقابليه بكرا متصغرينيش قدامه
_وهي دي تيجي ياحج هطفشه عنيا
~لو اتعاملتي زي خلق الله معاه هفسحك وحاليا اطلبيلنا بيتزا وانا اللي هحاسب
_انت بتغريني هل انت بتغريني كدا ، فل انا اتغريت خلاص
طلبنا بيتزا وقعدنا ناكل بس انا مضايقه انا عمري مفكرت في حوار الجواز دا و ايه حد من دبي ليه يعني خلصو رجاله مصر، بابا عارف كويس اني هطفشه بس مش مهم خلينا نشوفه مش حوار
دخلت اتصلت ب حبيبه فيديو وقعدت احكيلها اللي حصل من ساعت ما وصلت
_ بس يا ستي فا هشوف العريس بكرا نطفشه ونرجع مصر تاني
=يابنتي ليه التعاقيد دي مالهم رجاله دبي يعني دول من الخليج و حاجه قمر
_يا حبيبه انتي مش فاهمه انا بحب الراجل الحمش اللي يقلي زي ياسمين صبري ايه يا وحش الكون و ازيك يا بطل مش واحد خليجي يقلي كيفج يا بعد قلبي، ويقبرني جمالج، لا يا حبيبه انا عوزاه مصري يختي
~والله انتي بترفضي النعمه، دا هيكون ساري عربي يدلع ويهشتك فيكي ، ولا في دماغك حد يا دانا الكلب
_لا محصلش ابدا مستحيل انتي تعرفي عني كدا عيب عليكي
~يعني مش زين
_مين ايه الو حبيبه النت بيقطع عندكم في مصر حبيبه يابت
~اتوكسي يا دانا، انا هقفل عشان لودي بتعيط
_سلميلي علي حازم وبوسيلي لودي
~يوصل يا قلبي، يلا سلام
قفلت معاها وانا بفكر في حالي
مش عاوزه اقبي دراميه بس والله وحشتني الشركه والناس و زين
امممممم زين، طيب الواحد بيدخل يكلم واحد تقيل ورخم وغلس زيه ازاي
ياربي عليا بموت في جلد الذات وقله القيمه ربنا ياخدني
وانا بفكر رن تلفوني وياللمصادفه زين، تلقائيا لقيتنا نطيت علي السرير وقعدت اتنطنط بغباء
قعدت في هدوء وفتحت الخط
_الو
=ازيك يا دانا
يااه علي حلاوه اسمي
_بخير الحمد لله يا استاذ زين وانت
=اه انا كويس،احم كنت حابب اعرف اذا كنتي روحتي لاهله
_اه رحت بجد شكرا علي الاجازه كنت محتاجاها
=ولا شكر ولا حاجه ، اي حاجه محتاجاها قوليلي وانا مش هنفزها ليكي
_تسلم والله مش عارفه من غيرك كنت قتلت نفسي ازاي ربنا يخليك
=اي خدمه ياستي في اي وقت
_انت هتقلي، هااا صح افتكرت معرض الغردقه ورقه مخلصش
=اه خدت بالي النهردا، هخلصه
_ايوه كل اللي ناقص تصريح الممارسه وتوقيع ملكيه
=الافتتاح هيقبي يوم ايه
_لو التصاريح خلصت الاسبوعين الجيين علي اول الشهر هيكون الافتتاح، هيكون حاجه حلوه انا متحمسه اوي ليه
=تمام الورق هيخلص في اسبوع لو عوزين
_اخبار الشركه منغيري
=ولا اي حاجه
_فصلتني كنت متوقعه اي تطبيل منك، تمام يادنيا شكرا
=ماشي ياست دنيا سلام
_سلام
قفل وانا ببص علي الفون ب ضيق، هوا انا فرحت ب اتصاله وكل حاجه بس ايه حوار البرود دا ياعمي مبراحه علينا هتحرقنا بغرورك كمان شويه
رميت الفون جنبي واتغطيت ونمت، عشان عريس الغفله اللي جاي بكرا
في الصبح صحيت علي 12 الظهر علي صوت بابا
~دانا يابت قومي العصر قرب يأذن
_قايمه اهه قايمه
~العريس زمانه هيوصل قومي
_اففف يا حجه قايمه للاستاذ زفت اللي جاي
مكنتش طايقه نفسي ولا طايقه الزفت اللي جاي دا و مخلتش شتيمه مشتمتهاش
قمت بالبجامه بتاعتي والقطتين اللي عملاهم دول وقررت هعمل ايه، ههرب، بس انا ههرب خلصانه
لبست الشبب الارنوب بتاعي وقررت انط من البلكونه خلصانه
طلعت وانا بجهز انط رن تلفوني رن
لقيته رقم مش متسجل، ارد علي الرقم الغريب وبعدين اهرب
_الو خلص ياحج عاوزه انط
=ادخلي ياهبله
بعدت الفون عني ورجعته تاني
_لا مين ي باشا
=بس ب قطتينك دول
_قطتيني!!، هوا انت زين ولا تشابه اصوات
=ادخلي ياهبله هتقعي وانا عاوزك حته واحده
_بس ياعم الحلو ياللي بتستظرف انا مش فاضيه رايحه انط واهرب من العريس
=طب متعرفي مين العريس الاول
_هل هيختلف الامر، لا فا ايه فايده المحاوله
=طب جربي يمكن يعجبك
_بص انا مش عارفه انت مين رغم اني بشبه علي صوتك بس اقنعتني سلام يا كبير
نزلت من علي صور البلكونه وخدت بعضي و طلعت، ايوه اهم حاجه الثبات علي الرأي
~دانا انتي مغيرتيش، الناس وصلو
بصيت علي هدومي لقتني نسيت اغير
_ايوه تصدقي صوت الواد خلبطني، يلا هطلع اغير اهه، بس هسلم علي التلاجه وجايه
سبتها ورحت نحيه المطبخ، اتربعت علي الطربيزه وقعدت اكل، امال اروح اقابل العريس ب معده فاضيه
دا كان صوت زين بجد ولا انا اللي بتخيل ، الواد خد عقلي ربنا ياخدني
نزلت من علي الطربيزه وانا رايحه نحيه اوضتي سمعت صوت بابا
~دانا
_نعم يا بابا
~تعالي سلمي علي الضيوف
اسلم عليهم بمنظري دا
_مبلاش
~يابت خلصي
خليك فاكر اني قلتلك بلاش
لفيت النحيه التانيه وياريتني ملفيت لا بجد ياريتني ملفيت
~دانا دا زين ابن صاحب عمري، زين دي بنتي دانا
_ايوه بيعمل ايه هنا
~ دا العريس الللي متقدملك
_حلو انا مش موافقه سلام
جيت اجري علي اوضتي لقيت حد مسكني من قفايا
~رايحه فين بمنظر بياعه الجرجير دا اتكلمي معاه الاول
_ايه ياحج قله القيمه دي قدام الواد طيب مش عيب برستيجي طيب
~اخلصي، روحي غيري هدوم الشحاتيت دي وتعالي
_حاضر والله براحه يابوي عليكم
بصيت لزين لقيته بيضحك، لا منا مستوعبتش لسا اللي بيحصل
دخلت اوضتي اغير هدومي رغم اني مش لاقيه فايده اصلا مهو كل مره بيشوفني بكون شبه بياعين الشوراع ايه الجديد في الحوار
لبست بيجامه بيتي، ايون دا التغيير اللي ممكن اعمله انا مفييش حيل البس واتشيك وكدا لا
طلعت لقيت بابا و اللي المفروض زين قعدين في الصاله
~فرقت كدا
_والله دا اخر لو مش عاجبك طلقني
~ والله يابني مش عارف متقدملها علي ايه دي هبله وهتطلع عينك بس انت حر
_ياخي انت ابوي ولا ابوه المفروض متقلش كدا علي بنتك، شكر فيا حتي
~انا بقول موافق علي الجوازه زي خليني اخلص منك
_شكرا يا حج
قعدت جنب بابا وزين من ساعت ما دخلت وهوا ساكت وبيبص عليا وانا بدات اتوتر واخاف ومش عاوزه اقعد معاه
~اسيبكم باه
_ياحج تسيب مين خد بس ربنا يكرمك
بابا طلع وسابني هعيط في مكاني اه والله هبكي خلاص ايه السبب، لا بدون سبب
_احم اهلا
انا متوتر اوي بجد مش عارفه السبب بس وجوده هنا موترني
ابتسم اكتر وقلي
=طيب انتي قربتي تعيطي ليه
_متسألش اساله معرفش اجاوب عليها ، معرفش
=يابنتي انتي هتعيطي بجد، لا انا متعودتش عليكي كدا، فين دانا اللي اعرفها
_دانا مين هيا بقي فيها دانا ولا زفت
=المهم يا ستي ايه رايك
_رايي في ايه
=في العريس اللي كنتي هتنطي من البلكونه عشان متشوفيهوش
_كنت انت بجد
=اه كنت انا
_انت ايه جابك دبي اصلاً
=جيت عشان اتقدم لواحده تعبتني وتعبت قلبي وشغلت تفكيري وحياتي منغيرها مش عارفه تمشي
_اعرفها
=اه تعرفيها اوي هيا هبله زيك وبتحب تعمل قطه في شعرها زيك كدا بس ايه بتقبي قمر فيها خلتني مش عارف انام ولا عارف اشتغل عدل كانت قرفاني في احلامي ودلوقتي قرفاني في الواقع عندها ضحكه بتخلي اي حد يحبها،عندها غمازه في الشمال لما بتضحك بتخطف قلبي كل مره،طفله بتحب اللعب وبتخاف من اتفه الحجات رغم كلو دا معتمده علي نفسها وقويه وقادره تقوم بنفسها وبشغلها
_بس انت متعرفهاش غير من شهر
=انا اعرفها من وهيا طفله بتلعب في التراب كنت مع والدي عند واحد صاحبه وشفتها كانت حته قمر ماشي معانا علي الارض،و تلف الايام واللي كانت طفله بتجيني في احلامي لقيتها بقيت بنوته كبيره خطفت قلبي للمره التانيه بس المرادي مبقتش عاوز قلبي خليه معاها
_طيب افرض هيا مطلعتش زي منتا متخيل كل الناس بتتغير
=ياستي انتي مالك تتغير تتنطط تعمل اللي هيا عوزاه،فُيَآ مًنِ مًلَکْ آلَقُلَبً آرحًمًيَ صّآحًبًهّ فُهّوٌ فُيَ آلَعٌشُقُ آصّبًحً مًبًتٌلَآ
_و زينه
=دي واحده من ايام الجامعه وكانت طلبت مساعدتي في شغلها و عقد صفقه مع بعضيها وانا وافقت
_وهل عقد صفقه بيلتزم تلعب في كرفته زميلها من ايام الجامعه وتقعد علي المكتب قدامه وتقلو يا زينو نينيننيني
ضحك اوي وقلها"كنت عاوز اعرف هل اللي خدت عقلي وقلبي بتغير عليا ولا لاء حقي اعرف دي سرقت كل حاجه مني،غم اني خدت ذنوب كتير بس ربنا يساحمني باه "
_وعرفت
=يعني مش متاكد اوي
_طيب ليه التعامل البارد والرخم من الاول
=انا لو سبت نفسي ممكن احضنها في وسط الشركه كلها وتولع الناس بس ليه ناخد ذنوب واخسرها، ثم هيا كانت بتستفزني، من اول يوم قابلتها فيه تاني
_قابلتها فين
=كانت قاعده في كافيه اتعودت اجي فيه لما اروح مصر و كانت بتشتم عليا رغم اني كان نفسي اخدها في حضني بعد ما شفتها تاني وهيا كانت قمر اوي اليوم دا، قبل ما احط ايدي علي كتفها افتكرت انو مهما كانت وحشاني مينفعش اعمل كدا، فا سبتها وجيت اطلع من المكان كلو لقيتها في حضني هيا و كبايه الشاي، محستش ب ألم الشاي من سعادتي بيها وهيا بتتخانق معايا دي بقيت احلي اكتر مما تخيلت ، ساعتها عرفت انتي ساكنه فين واشتريت شقه في المكان دا
_دنتا شفتها ب اشكال تعر
=اللي زود حبي ليها تلقائيتها في الكلام والتعامل حتي وهيا مش منظمه كانت بتخليني احبها اكتر،وهيا هبله وبتغني وبتتنطط وهيا بتلعب وهيا بتاكل،انا حبيتها بكل ما فيها
_هتلبس هدومك وهتقرفك
=هيا جات علي هدومي دي خدت قلبي كله
_هتعيط كتير
=هكون ملجأها اللي تعيط فيه
_مش هتسيبها في يوم وتدير ظهرك ليها
=أيَقُوٌلَوٌنِ آلَآيَآمً تٌخِفُيَ آلَجّفُآء وٌکْلَ يَوٌمً آزٍيَدٍ حًبًآ بًهّآ هّلَ بًيَ آلَخِلَلَ آمً حًبًهّآ بًئر لَآ يَنِتٌهّيَ
_مهتجيش في يوم تزعلها، دي هتعتبرك اخوها وحبيبها و بيتها وحياتها وابوها وكل عالمها
=وٌهّلَ لَلَغُريَقُ غُيَر طِوٌقُ نِجّآتٌهّ کْمًآ لَيَ هّيَ، فُهّيَ آبًنِتٌيَ آلَتٌيَ تٌشُکْوٌ مًنِيَ إلَيَ وٌ حًبًيَبًتٌيَ آلَتٌيَ تٌهّوٌنِ عٌنِيَ سِقُمً آلَيَوٌمً وٌغُدٍآ سِآکْوٌنِ لَهّآ دٍبً طِفُوٌلَتٌهّآ آلَمًحًشُوٌ آلَذِيَ تٌحًنِوٌ آلَيَهّ وٌفُآرسِ آحًلَآمً مًرآهّقُتٌهّآ آلَذِيَ تٌحًلَمً بًهّ وٌ زٍوٌجّ صّآلَحً فُيَ حًيَآتٌيَ آلَتٌيَ سِتٌکْوٌنِ شُريَکْتٌيَ بًهّآ
_علي فكره انت وحشتها اوي هيا قالتلي انها حلمت بيك
= وهيا وحشتيني اوي،بس تقول انها موافقه وملهاش دعوه بالباقي
_دي تقبي غبيه لو موافقتش
=مدا اللي خايف منو اصلي مقلتلكيش هيا غبيه
_زززززين
=ياااه هوا اسمي حلو اوي كدا ولا انتي اللي سكر
_علي فكره انت كدا بتثبتني وانا اتثبت خلاص ،من زمان اصلاً ، يا حج بابا تعالي لحظه لمؤخذه انا موافقه يلا عشان نحضر للفرح ايوه مفيش وقت العمر لحظه ياخويا
~راحت فين الاسترونج اندبندنت وومن ومش هتجوز وكريري و حياتي
_حياه مين ياحج وكرير مين الواحده ملهاش غير بيت جوزها اصلا
=طيب يا عمي ان شاء الله الخطوبه هتقبي اخر الاسبوع
~..... الاسبوا دا يبني مش هنلحق
=لا يا امي متعوليش هم حاجه انا ههتم بكل حاجه عن ازنكم بس اخد البت اللي هناك دي عشان نجهز للخطوبه
_بيتكلم عليا انا
~لا دي خدها مش مشكله
_ياااه شكرا يا والدي شكرا ليك بيحبوني اوي
=اه انا واخد بالي، روحي باه اجهزي وانا هستناكي
~فل خمسه وجايه
راحت جهزت نفسها وطلعت معاه يحجزو القاعه والفستان بتاع الخطوبه والبدله
_جرب دي برضو
=دانا،يابنتي دي خامس بدله البسها
_والله مش مشكلتي انك حلو في كل حاجه
=اادا دنا بتعاكس
_انت لسا واخد بالك دنا مفيش حد ميعرفش اني كنت بعاكسك دا عمي سعيد بواب العماره كان عارف
ضحك وقال "طيب منخليه كتب كتاب بالمره"
_احم حلوه الخطوبه
=انتي اللي خسرانه دنا ه
_زيين انت بتقول ايه اسكت
=انتي احمريتي ليه كدا،كنت هقول هفسحك في جزر الملديف
_ياعمي انا مش عاوزه،حلوه البدله دي يلا نمشي
=يابنتي خدي هنا هتتبخري من الكسوف كدا
_ملكش دعوه انا حره اتبخر متبخرش براحتي
ضحك وخدها علي قسم الفساتين، لبست فستان بلون نبيتي مقفول للرقبه وهادي جدا منفوش نفشه بسيطه لتحت شكله معمول ليها حرفيا، وقف متنح شويه لما طلعت من البروفه
كانت وعلي عكس عادتها التلقائي متوتر ومش عارفه تتكلم
_ززين انت واقف كدا ليه، لو مش حلو اغيره
=لا لا دا حلو اوي، لو سمحتي هناخد دا
_بجد حلو
= قمر فيه ورده ب لون النبيذ ا....،احم يابت يلا قدامي متخليش الواحد ياخد ذنوب كفايه اللي خدها من الصبح
_حاضر متزقش
وصلها البيت علي الساعه 12 بعد ما ظبطو كل حاجه للخطوبه، رغم ان زين كان عايش برا وبطبيعه العيشه اللي هوا كان فيها عادي جدا يتكلم او يقول اي حاجه ليها بس كان بيحاول بقدر الامكان ميتخطاش حدوده حتي ولو ب سلام بالايدي، طول اليوم كان بيحاول يبعد عنها و ميقلهاش حاجه ياخد عليها زنب وهيا تاخد عليها ذنب وهيا لاحظت دا كذا مره ودا اللي خلاها حبته اكتر، هيا عاوزه ايه غير واحد بيراعي ربنا فيها
طول الاسبوع متكلموش وجه يوم الخطوبه لبست الدبله واتفقو علي ميعاد الفرح اخر الشهر وهيتعمل في مصر وطول الفتره دي هيا مع اهلها في دبي وهوا سافر مصر عشان شغله بس برضو مكانوش بيتلكمو غير بس يطمن عليها وبس لحد يوم كتبت الكتاب والفرح اتحدد بكرا هيا كانت رجعت مصر مع اهلها من اسبوع والغريب انهم متقابلوش خالص طول الفتره دي لحد ما رن فونها باليل كانت وسط البنات صحابها وبنات عيلتها اللي قلبين البيت دسكو خدت فونها ودخلت الاوضه عشان تكلمه
_الو
= ازيك يا قطتي
_بخير الحمد لله عامل ايه انت
=عملين عليا حفله بس بخير
_نفس الحفله والله
=بكرا كتبت الكتاب والفرح
_متفكرنيش انا متوتره وخايفه جدا
=فيه حاجه عاوز اقلهالك بكرا
_متقولها طيب دلوقتي
=لا بكرا لما تكوني مراتي قدام الله ورسوله، انتي بنتي وانا ميهنش عليا بنتي تاخد ذنوب بسببي
_اللهم انني رضيتك زوجاً لي ف ارض عنا يا ارحم الراحمين
=كلها 14ساعه و9دقايق وهتكوني دانا زين الشرقاوي
_انتهز ال14ساعه وال8دقايق دول كويس عشان دول اخر ايام الدلع مع صحابك، حبيت افكرك بس
=حاضر يا قطتي، خدي بالك من نفسك و متنسيش تصلي قبل ما تنامي و كلي كويس ومتسهريش كتير تصبحي علي خير
_وانت الخير ومن اهلي غداً
=طب اقفلي يا استاذه واستغفري ربنا
قفلت الفون و هيا مبسوطه جانب من الطف الجوانب في زين انه محافظ علي علاقته بربنا اوي ودا لاحظته في الفتره دي وعشان كدا قررت قرار مهم جدا وهتنفذه بكرا اكيد
الصبح كلو صحي استعد كل حاجه مشيت زي ما هوا مخطط ليها بس مقابلهاش بعد كتب الكتاب لانها قالتله هيشوفها في الفرح، هوا اه اعترض وكان هيقتلها بس في النهايه وافق دي حبيبه القلب في النهايه
. .
.
في الفرح في اكبر قاعه في ارقي حي في اسكندريه كان هوا مستني علي الكوشه مستني قطته زي مابيقلها
دخلت مع والدها من باب القاعه كانت لابسه فستان ابيض بينور عليها منفوش بفخامه كانه معمول عشانها بس وكانت لابسه طرحه!!!!!!!
اول ما شافها مغطيه شعرها ورقبتها مكنش مصدق نفسه هوا كان عاوزها تعمل كدا طبعا بس مقلهاش لانها حريه شخصيه في النهايه كان مبسوط بيها بقيت ملكه بالمعني الحرفي بنته بقيت محجبه
دا اللي كان بيفكر فيه وهيا جايه نحيته، بصت عليه وشافت نظره الفخر في عنيه
مسك ايدها من والدها و قعدو علي الكوشه
=كنتي قمر بقيتي قمرين انا مبسوط بيكي اوي، بنتي كبرت و اتحجبت، انا فعلا فخور بيكي يا احلي من دخل حياتي
_انا اللي فرحانه وفخوره بيك فقد رزقني الله بمن يرضي دينه و اخلاقه واعانني علي ديني وتقربي من الله
=علي فكره انتي بقيتي مراتي يعني اقدر اخيرا اقلك اللي عاوز اقوله
_قول يا باشا
=آنِتِ فُضآئيَ عٌنِدٍمًآ آکْوٌنِ فُيَ ضيَقُتٌيَ وٌ مًنِزٍلَيَ عٌنِدٍمًآ آکْوٌنِ فُيَ وٌحًدٍتٌيَ، آنِتِ سِعٌآدٍتٌيَ عٌنِدٍمًآ آکْوٌنِ حًزٍيَنِ مًوٌطِنِيَ عٌنِدٍمًآ آکْوٌنِ بًعٌيَدٍ لَقُدٍ عٌشُقُتٌکْ حًتٌيَ آلَنِخِآعٌ يَآ مًلَيَکْهّ قُلَبًيَ وٌقُآلَبًيَ فُهّلَ لَلَقُلَبً آنِ يَنِهّآلَ مًنِ بًحًوٌر عٌشُقُکْ آلَتٌيَ آظُمًئتٌنِيَ حًتٌيَ آصّلَ إلَيَهّآ آحًبًبًتٌکْ وٌآنِ کْآنِ لَلَحًبً مًعٌنِيَ آمًر فُقُدٍ ثًمًلَتٌ فُيَ عٌيَنِيَکِْ، آرتٌضيَتٌکْ زٍوٌجّهّ لَيَ وٌ طِريَقُيَ آلَيَ آلَجّنِهّ بًآذِنِ آلَلَهّ
_محنا بنعرف نقول كلام حلو اهه امال ايه كنت مطلع عيني في الاول ليه
=لسانك الطويل دا
_ماله
=مملوش ياستي حلو زيك
_آتٌيَتٌ لَيَ بًيَنِمًآ آنِآ لَآ آبًآلَيَ آخِذِتٌ قُلَبًيَ وٌحًيَآتٌيَ فُ آنِآ لَآ آمًآنِعٌ، بًسِبًبًکْ آصّبًحًتٌ مًآ آنِآ عٌلَيَهّ، آحًبًبًتٌکْ وٌآنِ کْآنِ لَلَحًبً مًعٌنِيَ آخِر فُهّوٌ آنِتٌ فُهّلَ لَلَحًمًلَ آنِ يَزٍآحً وٌآنِ تٌکْوٌنِ بًيَتٌيَ آلَذِيَ ألَوٌذِ فُيَهّ مًنِ مًخِآوٌفُيَ
=لا كدا كتير عليا، بقلك منسيبهم هما يفرحو ونمشي
_لا انا محدش يتوقعني دنتا متعرفنيش لسا
=معايا العمر كلو عشان اعرفك فيه يا قطتي
_ايه حوار قطتي دا
=اول مره شفتك فيها وانتي صغيره كنتي عامله شعرك ودان قصه فا شدتيني والثانيه كنتي بتشربي شاي بالنعناع وخدتي قلبي وروحي عشان كدا اسم روايتي شاي بالنعنان لانه سبب لقاي بك دا غير اني مبقتش بشرب غيره بقي مشروبي المفضل والواحيد زيك بالضبط، بحبك يا قطتي ف انتي الشاي بالنعناع خاصتي ..............
🎼🎼🎼🎼🎼🎼🎼🎼🎼🎼🎼🎼🎼🎼🎼🎼
للقدر مخططات لا نعلمها فكما يقولون صدفه خير من الف ميعاد هنا اخط نهايه قصتي التي حقا تعز علي فراقها لكن لكل الجميل نهايه
استمتعت وانا بكتب فيها و انبسط من تفاعل الناس عليها
حبيتكم ويارب تكونو حبتوني وكنت انا وقصتي خفاف علي قلبكم
حابه اعرف رايكم عنها
ودعو زين و دانا ابطال قصتي اللي بجد زعلانه انهت خلصت
بس هيكون فيه كتير شبه زين و دانا
الفصل طويل جدا ليا 5 ساعات بكتب فيه
بحبكم في رعايه الله و الي اللقاء في عمل اخر 💙
🍃انتي الشاي بالنعناع خاصتي 🍃
N. R
