رواية نصف جناني الاخر البارت الخامس والسادس بقلم ايزيس

 

البارت الخامس والسادس

الخامس

نصف جناني الآخر 

ايزيس 

 في اوضة أسر وهنا 

أسر رماها علي السر*ير وربط ايديها ورجليها فصرخت مرة تانية وقالت ..انت مجنون بتعمل كده ليه انت اكيد مريض نفسي 

أسر بصلها بغضب ومسك شريط لاصق وحطه علي بقها وقال ...شوفي بقا هتروحي التواليت ازاي ..أنا خارج عشان انسي الأرف اللي انتي عملتيه في الفرح 

وخرج وقفل الباب بالمفتاح ونزل .شادي كان خارج من اوضته بالصدفة لمحه قام رايحله 

شادي...أسر رايح فين 

التفت له أسر ...خارج 

شادي ...اجي معاك

أسر وهو بيتحرك ناحية الباب قاله ...مش هتفرق وطلعوا برا الفيلا وركبوا عربية أسر وانطلقوا 

&&&&&&&&

هنا كانت بتعيط وهي مش فاهمة هو ليه اتحول فجأة كده كان طبيعي وكيوت طول الفترة اللي فاتت ..بس قالت ف نفسها 

....هو اكيد زعل لما رقصت كتير شكله واد حمش ومش بيحب مراته ترقص قدام الناس ..طب مقاليش ليه ابن العبيطة بدال الجنان اللي هو عمله دا ..يا ربيييي بيهددني بالتواليت ابن اللذينة دا ...ماشي يا أسر بس افك شوية واتعود عليك وشوية الكسوف دول يروحو اللي ما وريتك النجوم ف عز الضهر ...وبعد شوية كانت جعانة اوي وعايزة تروح التواليت حاولت تفك نفسها بس ماقدرتش عيطت شوية وبعدها نامت 

&&&&&&&&&&&

أسر وشادي كانوا ماشين بالعربية. واسر وقف عند سوبر ماركت اشتري كرتونة فيها حاجات 

وطلع ع في حتة هادية في مكان واسع وفاضي ومافهوش اي حد والإضاءة فيه تكاد تكون منعدمة 

شادي بخوف ...ايه المكان المخيف دا يابن عمي انت جيبنا هنا ليه يلا نمشي 

أسر بإحباط مد لشادي مفاتيح العربية وقاله ...امشي انت 

شادي حس أنه أسر محتاجه وأنه مضايق اوي قاله.. يلا نقعد وأمرنا لله 

قعدوا واسر طلع كانز كتير من الكرتونة وفضل يشرب فيهم 

شادي ...مالك يا أسر مضايق اوي كده ليه

اسر بيتكلم زي السكرانين....ابدا مافيش حاجة خالص بس شوية مشاكل بسيطة صفقة عمري اللي بحلم بيها وبخططلها من سنة وتقريبا كنت ضامنها ف جيبي ضاعت مني في لمح البصر ..والبنت اللي كانت السبب في ضياعها بدال ما أعقبها ادبست واتجوزتها ..وانا كان نفسي اعيش قصة حب يا شادي..كان نفسي احب مراتي قبل ما اتجوزها 

شادي ...يااااااه يا أسر للدرجة دي انت مضايق وحزين دي اول مرة اشوفك فيها سكران 

أسر بصله وضحك واتكلم طبيعي جدا وقاله ....مين قالك اني سكران 

شادي ...اومال ايه اللي انت بتشريه دا وليه بتتكلم زي السكرانين 

أسر ...دي (كان كولا زيرو شوجر )عادي جدا وانا لما ببقي مضايق بحب اجيبها واشربها واعمل أني سكران 

شادي بمفاجأة ...ياااااه ودا بيخفف احساس الضيق اللي عندك 

أسر ...جدااا ..عايز اقولك اني ببقي بعدها طبيعي اوي 

شادي ...طب ناولني أنا كمان اسكر من الكولا😂 

بعدشوية 

أسر وشادي بيطوحوا زي السكرانين وبيغنوا اغنية احمد مظهر 

(هات الأزازة واقعد لاعبني دي المزة طازا والحال عاجبني )وفضلوا يضحكوا ويعملوا حركات هبلة 

بعد اذان الفجر ركبوا العربية ورجعوا الفيلا 

دخلوا يتسحبوا عشان ما حدش يشوفهم لانه أسر مش عايز صافي تعرف حوار جوازته من هنا 

طلع أسر الاوضة 

لقي هنا نايمة وفيه دمعة علي خدها كانت جميلة جدا ولسة بفستانها وشبه الاطفال وهي نايمة بصلها بغيظ لأنها نايمة وهو مش جايله نوم قعد ع الأرض بالقرب منها وقال ....خلينا نشوف يا ست هنا وراكي ايه وايه المقابل اللي اخدتيه عشان تتأمري مع كمال السعدني ضدي 

فجأة هنا تفتح عينيها تلاقي أسر قريب منها اوي حاولت تصرخ بس ما قدرتش ..فضلت تهمهم وتشاور بعينيها ع الشريط اللاصق أسر فهم وشاله منها بسرعة 

هنا صرخت....فكنييييييي يا ابن المجانين عايز اروح التواليت الله يخرب بيتك لاعملها

علي سريرك وربنا 

أسر بصدمة هو في الأساس بيعشق النضافة ...اييييييه استني يا مجنونة هافكك 

أسر فكها وهي ماصدقت جريت ع التواليت 

وبعد شوية خرجت مكسوفة وقالت... ممكن تساعدني اقلع الفستان عشان اصلي الفجر  

أسر ...مسك سحاب الفستان فتحه لها وكان بيبص الناحية التانية 

وبعدها دخلت هنا اتوضت وغيرت وليست إسدال صلت ولسة هتقوله قوم صلي لقته ممدد ع السرير ونايم ببدلة الفرح 

بعدها قعدت ع السرير تفكر هو ليه عمل كده وبعدها قررت تنزل تحت عشان تاكل 

&&&&&&&&&&

نزلت هنا لأنها كانت جعانة جدا دخلت المطبخ وفتحت التلاجة وفضلت واقفة فيها وبتاكل وفجأة 

......مين القطة اللي فاتحة التلاجة وبتاكل 

دا كان صوت ياسمين

هنا بصت بخضة وكسوف وقالت ..احم أنا بصراحةةةة 

ياسمين ...لا لا متتكسفيش مانا جاية هنا لنفس السبب 

بصت هنا وابتسمت لانه اخيرا في حد شبهها في ام الفيلا دي 

ياسمين ...تعالي اقعدي ناكل سوا 

وجابوا اكل كتير م التلاجة وفضلوا ياكلوا 

ياسمين ...عايز اعرف كل حاجة 

هنا ...حاجة ايه 

ياسمين ...عايزة اعرف أسر حبك امتي وازاي هو طول عمره بيهتم بنفسه ونضافته وبس وشايف الناس كلها معفنة 

هنا ضحكت ...بجد 

ياسمين...بجد وربنا اخويا وعارفاه يلا بقي احكي 

هنا....عندي فكرة خلي أسر هو اللي يحكي عشان هو مش راضي بجد يقولي حبني امتي 

ياسمين بإحباط ...بجد 

&&&&&&&&&

هنا طلعت الأوضة لقيت أسر لسة نايم 

قعدت ف البلكونة تفكر 

..... ايه الملل دا انا كنت ف بيتنا بلاقي حاجات كتير اعملها الله يرحم ايام الطماطم والبيض اااااه واحشتني اوي يا سيكا أنا مش عارفة اعمل مقالب هنا 

بصت لقيت أسر صحي وبيبص لها كان شكله يجنن وشعره مش مرتب بس كان وسيم جدا 

هنا قربت عنده ربعت ايديها وقالت...ممكن اعرف ايه اللي انت عملته امبارح 

أسر طنشها ودخل اخد شاور ولبس هدوم خروج ونزل 

هنا كانت هتطق من تجاهله بس مش عارفة تعمل ايه ولا قادرة تفهم حاجة نزلت هي كمان لقيت أسر وخالد وشادي وصافي وياسمين بيفطروا 

هنا ....صباح الخير 

ردوا كلهم الا صافي ..صباح النور 

أسر بص لها بابتسامة وقال ....تعالي يا حبيبتي اقعدي جمبي 

هنا ....بصتله بدهشة وراحت قعدت جمبه

خالد فطر ولسة هيفوم يروح الشغل 

أسر...بابا أنا جي معاك 

خالد ...أسر انت عريس مافيش داعي تروح الشغل 

أسر ....لا هاروح عندي حاجات مهمة ماحدش هيعرف يخلصها غيري 

وبعدين بص لهنا وابتسم ومسك أيدها وباسها وقال ...حبيبتي هنا طبعا متفهمة ومش هتزعل صح هنايا 

هنا بتوهان ..ها اه صح يا هنايا 

ضحك هو ضحكة صفرة وساب أيدها وخرج

صافي بصت لهنا بقرف وقالت ...سوفاچ 

هنا بصتلها وغريزة الطماطم والبيض بدأت تتحرك عندها وعايزة تنتقم بس الاول تفهم تصرفات المجنون جوزها وبعدين تفكر ف باقي الناس

هنا كانت قاعدة وفجأة صحباتها ندي وشيري يجوا عندها عشان يباركوا لها

هنا استقبلتهم واتفرجوا ع الفيلا كانت قمة ف الروعة واخيرا اخدتهم اوضتها عشان يكونوا علي راحتهم 

ندي وشيري قالوا في صوت واحد ...احكي لنا كل اللي حصل بالتفصيل 

هنا ..........يتبع 

&&&&&&&&&&

البارت انتهي اتمني يعجبكم 

#الناس اللي بتشتكي أنه البارت مش بيوصلها اعملوا متابعة لصفحتي الشخصية عشان يوصلكوا اشعار بالجديد 😊

البارت السادس 

نصف جناني الآخر 😂

#ايزيس 

هنا كانت قاعدة وفجأة صحباتها ندي وشيري يجوا عندها عشان يباركوا لها

هنا استقبلتهم واتفرجوا ع الفيلا كانت قمة ف الروعة واخيرا اخدتهم اوضتها عشان يكونوا علي راحتهم 

ندي وشيري قالوا في صوت واحد ...احكي لنا كل اللي حصل بالتفصيل

هنا حكتلهم كل اللي حصل من ساعة ما سابوا الفرح لغاية اللحظة دي 

ندي وشيري انصدموا ومش فاهمين ليه أسر اتصرف كده 

ندي...مافيش غير تفسير واحد للي بيحصل دا يا هنا 

هنا...ايه هو قولي يا ابو العريف 

ندي....أسر عنده مرض نفسي اسمه (شيزوفرينيا ) يعني انفصام ف الشخصية 

هنا...يعني ايه دا كمان 

ندي ...يعني عايش بشخصيتين واحدة طيبة وواحدة شريرة 

هنا بتركيز ...بجد 

&&&&&&&&&

أسر وصل الشركة ولسة هينزل من عربيته 

لقي الصحافة مستنين تحت الشركة عشان يعرفوا تفاصيل اكتر عن سرعة جوازه 

ماقدرش ينزل لانهم هيشكوا ازاي عريس ينزل الشغل تاني يوم من جوازه لف ورجع تاني ع الفيلا 

وصل الفيلا وطلع أوضته علي طول فتح من غير ما يخبط 

البنات كانوا واخدين راحتهم و قالعين حجابهم اتخضوا لما أسر دخل فجأة وهو اتحرج وحط وشه ف الأرض 

هنا ...انت ايه اللي رجعك مش قلت رايح الشركة 

أسر بص لها بابتسامة جذابة خطفت قلبي أنا شخصيا 😂😂 وقال ...ما اقدرتش ابعد عنك يا مراتي يا حبيبتي

هنا بصت بدهشة لصحباتها وبعدين بصت لأسر 

وشيري همست لها ..نسيبك احنا بقي مع الشخصية الطيبة قبل ما يقلب 

وسابوها ومشيوا 

أسر قال ف نفسه ..مدام انا فاضي كده مافيش مانع نتسلي شوية وقال ل هنا .. ..قربي 

هنا ...بتوتر ...ن نعم وقربت 

اسر.... خدي امسحيلي الجزمة 

هنا بغضب ...نعممم يا عنيا ..جزمة ايه اللي امسحهالك ..دا مستحيل 

قرب عليها وقال ...ماتتحدنيش يا هنا واسمعي الكلام 

هنا...لا هاتحداك انت اكيد مجنون وهارب م المصحة العقلية ووقعت فيك ..يا بركة دعاكي يا زينب لا نشنتي صح طول عمرك تدعيلي بعريس مجنون اهو عز الطلب 

ضحك علي كلامها وهي قامت وقالت ..أنا هادخل اخد شاور تسمح تطلع عشان ابقي علي راحتي 

أسر بابتسامة خبيثة...أسمح جدااا 

هنا في نفسها ..والله مجنون من شوية كان متعصب عليا ودلوقتي بيضحكلي ربنا يعيني ع المصيبة دي 

ودخلت تاخد شاور وهو عمل حاجة ونزل تحت ..بعد شوية وقت خرجت هنا بالبرنص ما لقيتش هدومها ابتسمت بمكر وقالت ..هو فاكرني هاتضايق لما يخبي هدومي عبيط ..مانا عندي غيرهم راحت تفتح الدولاب لقيته مقفول بالمفتاح والمفتاح مش موجود 

هنا...يا ابن الشياطين ماشي يا أسر.

بعد كام دقيقة فتح أسر الاوضة لقاها بالبرنص ضحك وقال ..يا قليلة الادب قاعدة بالبرنص ليه

بصتله بغل وجزت علي أسنانها وقالت... هات هدومي أو المفتاح  

أسر ...وايه المقابل 

هنا بتمسك ف البرنص كويس ...عايز ايه 

أسر قرب عليها جدا وقال ...تمسحي الجزمة 

هنا بعصبية ...لااااا قلت لااااا يعني لا 

أسر طويل رفع المفتاح وقالها...طب لو مسكتي المفتاح خديه 

هنا وقفت علي طراطيف صوابعها وفضلت تحاول تمسك المفتاح وركزت جدا عليه قام أسر فك حزام البرنص ووقع ف الأرض وضحك بانتصار وهي انكسفت وجريت لبست البرنص مرة تانية وقالت بغيظ

...انت قليل الادب علي فكرة 

وقعدت ع السرير عيطت 

أسر رمالها المفتاح و بيبتسم بطريقة تغيظها ...أنا نازل لغاية ما تخلصي فقرة البكا دي ..وقرب عليها ..بس طلعتي جامدة 

مسكت المخدة ضربته وقالت ...ساافل 

أسر وهو بيخرج ..ابقي جهزي نفسك بالليل هنسافر شهر قرف ...

هنا وهي بتعيط ..أرف علي دماغك يا بعيد 

&&&&&&&&&&&

في كوفي شوب 

قاعدة ولابسة نضارة سودة عشان خايفة حد يتعرف عليها 

مسكت أيده وقالت ...لأمتي هنفضل نتقابل كده زي الحرامية يا معتز أنا بجد زهقت 

معتز ...ياسمين حبيبتي مانتي عارفة باباكي قد ايه صعب وهيرفضني لو اتقدمت لك عشان كده مضطرين الفترة دي نخبي وحبنا 

ياسمين...طب كلم أسر 

معتز ...لا جبتي التايهة ..انتي عارفة أنه اخوكي شايف الناس كلها تحت جزمته ومش عاجبه حد 

ياسمين ...أنا آسفة يا معتز انت بتتحمل دا كله بسببي ..

معتز باس أيدها ..وقال ...أنا اتحمل اي حاجة عشانك يا روح قلبي 

واحد كان مراقب ياسمين و كلم شادي 

...ايوا قاعدة معاه 

شادي...خليك مراقبهم واوعي يغيبوا عن عينك لحظة انت فاهم ...

الشاب ...ما تقلقش أنا صاحي 

&&&&&&&&&&&

أسر وهنا جهزوا شنطهم عشان هيسافروا شهر عسل 

أسر ...هتروحي تودعي اهلك قبل ما تسافري يا عالم يمكن ماترجعيش تاني 

هنا بخوف ...ليه انت هتقتلني ولا ايه 

أسر....ممكن 

هنا...لا أنا مش رايحة خلاص 

أسر ضحك ...اجمد يا وحش 

هنا بصت له بخوف ودهشة وسكتت 

أسر خدي اشربي العصير دا 

هنا ...حطتلي سم 

أسر ...ممكن 

هنا ...يخرب بيت ممكن انت عايز تجنني ولا ايه يا راجل انت 

أسر...خدي اشربي ماتبقيش جبانة 

هنا شربت العصير وركبوا العربية وهما ف طريقهم لبيت والد هنا هنا نامت لان أسر حطلها منوم خفيف في العصير 

أسر بص لها بخبث ومسك قلم اسود وعمل حاجة في وش هنا وبعد فترة وصلوا بيت اهلها وهنا بدأت تفوق .أسر بص لها وضحك 

هنا بتفتح عينيها قالت...بتضحك علي ايه يا مجنون أنت حجابي.. حجابي مش مظبوط ولا ايه وبدأت تعدل في حجابها 

أسر بيحاول يخفي ضحكته ..لا حجابك مظبوط اوي اطلعي يلا 

دخلوا العمارة وولد صغير شاف هنا وسخسخ ضحك علي شكلها هنا بدأت تتسغرب وقالت ..ماله دا كمان 

الولد ...هنا العبيطة ههههههه

أسر ضحك اكتر ...دا اكيد مجنون ..

هنا بشك ...يمكن 

ركبوا الاسانسير وخبطوا علي باب الشقة 

فتح احمد ومات ضحك علي هنا وقال 

....هو الجواز بيعلي هرمون الذكورة ولا ايه ههههههههه

هنا ...احمد انت اتجننت ولا ايه ف الفترة اللي سبتك فيها 

زينب ..يا اهلا يا اهلا يا وقعة سودة 😲

ايه اللي انتي مهبباه دا 

هنا بصت لأسر وجريت ع المراية لقيت نفسها بشنب ودقن 

أسر بضحك...غُلُبت يا تنت افهمها واقولها يا هنا يا حبيبتي كده مايصحش اهلك يقولوا ايه قالتلي مالكش دعوة أنا عايزة افجئهم 

محمد ضحك بصوت عالي وقال ...طول عمرها بتحب المقالب بس ماكنتش فاكر أنها هتعمل مقلب في نفسها كمان 

هنا واقفة هتتجنن وهي مش قادرة تدافع عن نفسها 

زينب ..يادي الكسوف احنا مش عارفين نقولك ايه يا ابني والله اكيد بتقول عليها مجنونة وهبلة دلوقتي 

أسر حاوط هنا بدراعه وقال...بس بحبها كده 

هنا ابتسمت ابتسامة صفرة وقالت ...ربنا يخليك يا حبيبي 

زينب شدتها من ايديها ع التواليت عشان تغسلها وشها 

زينب ...امسحي يا أخرة صبري امسحي الهبل اللي انتي عملاه في نفسك دا 

هنا بعصبية ....عندك حق أنا استاهل كل اللي يجرالي بس خليكي فاكرة الدعا اللي كنتي بتدعيه عليا منك لله يا زوزة 

زينب ضربتها في كتفها ...كمان بتدعي عليا يا هبلة يا بنت الهبلة ..كتر خيره جوزك واحد غيره كان طلقك ورماكي علي جنانك دا 

وبعد ما زينب مسكت اللخبطة اللي ف وش هنا قعدوا شوية وسلموا عليهم ومشيوا تاني عشان يلحقوا معاد الطيارة 

في العربية 

هنا هتطق م الغيظ 

أسر بيضحك ...مالك يا قطة 

هنا ...انت تخرس خالص ..اصلك مش عارف احساس انك تكون المعلم في حاجة وحد يجي يعلم عليك ..أنا هنا مقالب يتعمل فيا كده 

أسر ...مش فاهم 

هنا ..ولا عمرك هتفهم 

أسر ...بس مجرب اوي احساس انك تكون متفوق ف حاجة وواحد يجي يبوظلك كل اللي بنيته 

هنا ...مش فاهمة 

أسر بص قدامه وركز ف الطريق ...ولا عمرك هتفهمي 

وصلوا المطار وانطلقوا إلي شرم الشيخ 

وبعدها وصلوا الفندق وحطوا الشنط وناموا م التعب وتاني يوم هنا صحيت بدري ونزلت عند البحر قبل اسر 

أسر صحي بعدها وبيبص م الڤراندا وانصدم من المشهد الي شافه 

أسر 😳😳😳😠😠😠😠....يتبع 

&&&&&&&&&&

البارت انتهي اتمني يعجبكم ❤️

#مش هقولكوا اد ايه زعلانة من قلة التفاعل بس هاكملها عشان الناس القمر اللي بتتفاعل ...بس بجد لو قل اكتر من كده هاوقفها عشان (لا اصاب بالإحباط 😂)

التعليقات بالاسفل في خانة التعليقات

يااااااااااااااااااريت