جوازة بالغلط فرح (الحلقه الثانيه 2) 💍😂 بقلم فاطمه شعبان حصريه وجديده

 جوازة بالغلط فرح (الحلقه الثانيه 2) 💍😂 بقلم فاطمه شعبان حصريه وجديده 

نقف عند اللقطة اللي فاتت 

أنا واقفة بطرحة بيضا وفستان قصير وفي إيدي فايل الـ CV الشفاف، وقدامي شاب لابس بدلة سودا وبيبرقلي ويقولي من بين سنانه:

"انتي ميييين؟"

أنا بلعت ريقي وقلتله بسرعة: "أنا فرح.. بس والله ما فرح بتاعتكوا! أنا جاية انترفيو سكرتيرة!"

هو سكت ثانيتين، بص على الطرحة، وبص على الفايل اللي فيه الـ CV، وبعدين ضحك ضحكة مجنونة وقال:

"الحمد لله! أخيراً حد فاهم!"

قلتله: نعم؟

قال: "أنا مش يوسف."

أنا: نعم؟؟

قال: "أنا ياسر، صاحب يوسف، يوسف هرب من ساعة!"

أنا اتصدمت: هرب؟!

قالي: "آه، يوسف عريس الغفلة ده لما عرف إنهم هيجوزوه بنت خالته اللي اسمها فرح اللي عمره ما شافها، خد بعضه ونط من شباك الحمام من ساعتين، وأمه قالتلي ألبس بدلته وأقف مكانه لحد ما يرجع عشان شكلنا قدام المأذون!"

بقينا إحنا الاتنين واقفين في الصالة باصين لبعض.. عروسة مزيفة وعريس مزيف.

في اللحظة دي، الست اللي كانت بتزغرط دخلت علينا وزغردت زغرودة هزت العمارة: "اللولووووليي العرسان اتكسفوا!"

أنا صرخت: "يا طنط والله ما احنا!"

ياسر صرخ معايا: "يا طنط والله ما أنا يوسف!"

طنط بصتلنا وقالت: "يا سلام؟ بتمثلوا علينا؟ طب تعالوا يا حبايبي المأذون مستعجل"

وشدتنا إحنا الاتنين ودخلتنا الصالة، المأذون قاعد وجنبه راجل شبه أبويا بالظبط بس بشنب!

الراجل بصلي وقال: "فرح؟"

قلتله وأنا هعيط: "أيوه؟"

قال: "أنا خالك محمود، انتي نسيتيني ولا إيه؟"

أنا عمري ما كان عندي خال اسمه محمود!

ببص لياسر لقيته بيوشوشني: "بصي.. مفيش حل غير إننا نكمل كتب الكتاب ده ونخلع بعدها، ونبقى قسمنا المرتب.. قصدي المهر سوا"

قلتله: مهر إيه يا مجنون؟

قال: "يا بنتي دول فاكرينك بنت خالته اللي جاية من دبي ومعاها 10 آلاف دولار نقطة! لو كتبنا الكتاب هناخد الظرف ونهرب!"

عينيا لمعت.. 10 آلاف دولار؟ ده مرتب 5 سنين شغل!

المأذون قال: "العريس وكيلك مين يا بنتي؟"

خالي المزيف قال: "أنا وكيلها!"

المأذون: "والعروسة موافقة؟"

أنا قبل ما أنطق، لقيت باب الشقة بيتفتح جامد ودخل منه شاب تاني لابس بدلة بس مقطوعة من ورا وبيصرخ:

"استنوااااا.. أنا يوسف الحقيقي رجعت! والبت دي مش فرح بنت خالتي! فرح الحقيقية لسه في المطار!"

الصالة كلها سكتت.. 10 ستات بصوا عليا مرة واحدة.

وأنا بفستان قصير وطرحة وفايل الـ CV.. عملت الحاجة الوحيدة اللي أي واحدة محترمة بتدور على شغل هتعملها..

فتحت الفايل وقلت للمأذون: "طب بما إننا متجمعين كده.. حضرتك محتاج سكرتيرة؟"

يتبع..

يا ترى فرح الحقيقية هتوصل وهتعمل إيه لما تلاقي عروستين مكانها؟ وفلوس النقطة راحت فين؟ 😂

الفصل الثالث من هنا

الفصل الاول من هنا