عاصف ونسيم كاملة بقلم الكاتبة زهرة الربيع
عاصف ونسيم كاملة بقلم الكاتبة زهرة الربيع
أنا أتجوز خدامة وكمان رخيصة؟ وافقت تتجوز في السر وتبيع ابنها بالفلوس؟ مستحيل طبعًا يا ماما.
والدته قربت منه وقالت يا ابني دي الوحيدة اللي وافقت هتتجوزها تسع شهور بس، تخلف الطفل اللي محتاجينه، وتاخد قرشين وتمشي.
قال بغضب أنا قولت لا لا! أنا عاصف الصقر أتجوز بنت بالفلوس؟ إزاي أقبل كده يا ماما؟ ده أنا أمثالها أحطهم تحت رجلي.
ضحكت والدته وقربت منه وقالت أنا فاهمة إنت زعلان ليه كرامتك مش جايباك لأنها رفضتك من غير جواز بس ده حقها يا عاصف.
عاصف بص لها بدهشة وقال بغضب حقها؟ حقها ده إيه؟ هي الخدامة دي ليها حق؟
قالت والدته بضيق يوه يا عاصف خدامة خدامة! هي الخدامة دي مش بشر زينا يا ابني؟
عاصف قال بسرعة بشر بس مش زينا، ومستحيل تكون زينا.
ضحكت والدته وقالت إنت مالك بشكلها؟ إنت متجوز نفين من سنين طويلة، ومحصلش حمل ولا هيحصل في حالتها وجدك مصر إنك متورثش جنيه واحد قبل ما تفرحوا بحفيد. إيه العمل غير كده؟ دي هتخلف الولد وتسيبه، وإنت ونفين اللي هتربوه. مالك بقى بشكلها؟
عاصف اتنهد وقال تمام، كل كلامك صح إيه المانع بقى إنها تخلفه من غير جواز؟ أصلًا محدش هيعرف لحد ما تولد، ولا لازم تتلزق في اسمي؟
أمه نفخت بضيق وقالت أنا تعبت معاك البنت مش عايزة
تعمل حاجة حرام، هتعترض في دي كمان؟ وبعدين إزاي نقبل يبقى ابنك من غير زواج؟ شوف بقى لو مبطلتش قلة عقلك متجيش تشكيلي بعد كده. ولو فعلًا بتعتبرني أمك واللي يهمها مصلحتك، وافق علشاني وخلصنا من كل ده.
عاصف اتنهد بخنقة وقال ماشي يا ماما، علشانك بس هوافق بس هي ليلة واحدة، وبعد كده مش عايز أشوف وشها. تاخديها أوضة تانية وتحبسيها فيها لحد الولادة، تمام؟
والدته ضحكت وقالت تمام كل ده موافقة عليه، بس يارب إنت بعدين تفضل قد كلامك وتوافق عليه.
عاصف مفهمش ولسه هيرد، جات بنت تبان صغيرة، منتقبة وشايلة القهوة وهي بتترجف من الخوف.
عاصف بصلها بحدة، وهي خافت أكتر.
أمه اتنهدت بيأس منه وقالت تعالي يا نسيم يا بنتي، متخافيش على فكرة عاصف وافق على جوازكم، واللي إنتِ عايزاه هيتم.
عاصف قال بغضب أنا موافقتش على حاجة ومستحيل أوافق تكون واحدة زيك مراتي بس وضع مؤقت.
نسيم قالت بصوت هادي الحال من بعضه يا باشا كلنا مضطرين.
هنا عاصف وقف بغضب وقال نعم يا حلوة يمكن حضرتك كمان مش عاجبك؟
نسيم اتنهدت وتجاهلته تمامًا وقالت تأمريني بحاجة يا سلوى هانم؟
سلوى لسه هترد، عاصف قال بزعيق هو أنا مش بكلمك؟ إنتِ هتبتدي قلة أدب من أولها و
بس قاطعته سلوى وقالت بس بقى يا ولاد اهدوا شوية. نسيم يا بنتي، روحي اجهزي، البنات مستنيينك جوه علشان كلها ساعتين والمأذون يوصل.
نسيم هزت راسها بحزن ومشيت.
وعاصف كان بيزعق ويقول ساعتين إيه اللي ينفعوا في الأشكال دي؟ دي محتاجة تتنقع يوم كامل على الأقل
نسيم كانت سمعاه وبتبكي جامد، بس مشيت وتجاهلت كلامه وهي بتموت من كل حرف بيقوله.
بعد ساعتين كان المأذون جه، ونسيم جهزت ولبست فستان بسيط مع نقاب أبيض، وطلعت وهي حزينة جدًا.
كتبوا الكتاب، وعاصف كان في قمة الاستفزاز وبيعاملها بمنتهى الجفاء.
خلص كتب الكتاب، وعاصف أخذها وطلع بيها للأوضة.
أول ما دخلوا، قفل الباب وقال اقلعي الزفت اللي لابساه ده خلينا نخلص.
نسيم بقت دموعها تنزل، وعاصف قال بغضب اخلصي.
نسيم اترعبت، ولسه هتتكلم، اتفتح الباب
ويتبع
دخلت واحدة وهتتجنن من الغضب وقالت إنت اتجوزت عليا يا عاصف؟ وكمان بتتجوز الخدامة؟ أنا كنت عارفة إنك هتعملها من أول ما اشتغلت يا كداب يا خاين!
عاصف اتنهد وقال بضيق اهدي يا نفين ده وضع مؤقت وإنتِ عارفة كده كويس.
نفين قالت بغضب طبعًا إنت لازم تقول كده إنما أنا مش هسكتلك زي كل مرة طلقها، طلقها حالًا.
عاصف قال بضيق يا نفين اهدي وخلينا نتكلم.
بس اتقدمت على نسيم ومسكَتها من ملابسها بعنف وهي بتقول بغضب بقولك طلقها!
نسيم اتألمت وبقت تقول سبيني يا مدام حرام عليكي.
عاصف كان واقف بيبصلهم بضيق، لحد ما دخلت سلوى وشهقت بذهول وجريت على نفين وبعدتها عن نسيم وقالت بس بقى! بتعملي إيه؟ إنتِ اتجننتي؟
نفين قالت بغضب اتجننت علشان مش قابلة تجيبولي ضرة؟ إنتوا إزاي تعملوا كده؟ ومن مين؟ من الخدامة!
واتقدمت عليها بغضب، لكن عاصف قال بزعيق بس! بس بقى!
وبص لأمه وقال ماما، خدي نفين وفهميها اللي هيتم.
وبص لنسيم بنظرة حادة وقال وياريت محدش يزعجنا خلينا نخلص.
نسيم كانت بتبكي وبترتعش من الخوف، أما نفين فكانت هتتجنن من بروده.
أمه أخدتها بالعافية وهي بتزعق طبعًا مش فاضي! عايز يخلالك الجو أنا هوريك يا عاصف، أنا هوريك!
أول ما خرجوا، عاصف قفل الباب وبص لنسيم.
قال إنتِ متعمليهاش مناحة هدخل أخد شور، ولما أخرج نكمل الكلام.
دخل الحمام بغضب، ونسيم كانت بتبكي بشدة.
تحت، سلوى حكت لنفين اتفاقها مع عاصف وفكرة إنه يجيب طفل من نسيم وبعد كده هي تاخده.
نفين ملامحها اتغيرت وقالت يعني كده؟ طب ما قلتوليش من الأول ليه؟ بس على فكرة يا طنط، الطفل ده هيبقى ابني أنا، وهي تنساه خالص.
سلوى اتنهدت وقالت متخافيش، إحنا اتفقنا والطفل ده اعتبريه ابنك.
عند عاصف، خرج من الحمام واتصدم لما شاف نسيم بعد ما كشفت عن وجهها.
كانت جميلة
بشكل لفت نظره بشدة.
بصلها بدهشة وقال إنتِ إنتِ مين؟ مستحيل.
نسيم كانت منزلة وشها للأرض وبتفرك في إيديها بخوف.
عاصف قرب منها وقال إنتِ إزاي عندك الجمال ده ومخبياه؟ ده أنا كنت فاكر إنك
سكت ومكملش، وبص بعيد وقال المهم خلينا نركز في اللي اتجوزنا علشانه. طبعًا علشان المدة اللي اتفقنا عليها.
نسيم بصت له وقالت اتفضل أنا كمان عايزة أخلص.
، لكنها تراجعت بخوف ودموعها نزلت.
عاصف استغرب جدًا، وبعد عنها وقال بغضب بتعيطي ليه؟ أنا من غير حاجة مش طايق الوضع ده، وبعمله إجباري.
عاصف اتنهد وقال إنتِ فاكرة لما تعملي الحركات دي هصدق إنك بريئة وغلبانة؟ أنا متأكد إنك وافقتي علشان الفلوس.
نسيم كانت بتبص له بدموع ودهشة من كلامه المهين جدًا.
وبعد لحظات من التوتر، عاصف اتراجع وقال خلاص مش هضغط عليكي.
نسيم قالت بغضب آخرس قطع لسانك! ليه إنت
عاصف ملامحه اتغيرت للغضب، لكنه سيبها وقال لما تتكلمي معايا تحترمي وضعك.
نسيم ردت أنا عارفة كويس أنا مين يا باشا وعارفة كمان إنت مين وده أكتر حاجة بتكرهني في حياتي، إني بقيت مضطرة أتعامل مع واحد زيك.
عاصف قال بغضب أولًا، أنا والي زيي بنوفر الحياة لناس كتير. وثانيًا، إحنا بينا اتفاق وإنتِ هتاخدي فلوسك في النهاية. فهمتي؟
نسيم اتنهدت بيأس وقالت تمام أنا مستعدة، وزي ما اتفقت مع سلوى هانم هستنى هنا لحد الولادة، لكن هقبض الفلوس أول ما نخلص اتفاقنا.
وبصت له وقالت بخبث وأنا هعمل اللي عليا، بعد كده مش مشكلتي لو ماحصلش حمل.
عاصف اتسعت عينه وقال قصدك إيه؟
نسيم ابتسمت وقالت يعني مش مشكلتي لو المشكلة منك إنت.
عاصف رغم إن الكلام ضايقه جدًا، ظهرت ابتسامة على شفايفه من جرأتها وقال تمام هنشوف الأيام هتثبت إيه.
وبعدها قرروا يهدوا، وكل واحد يلتزم بالاتفاق من غير ما يتجاوز حدود التاني.
بعد فترة، كان عاصف في البلكونة، ونسيم خرجت من الحمام وهي تعبانة.
عاصف اتقدم منها وقال إنتِ كويسة؟ مالك؟
نسيم سحبت إيدها بسرعة وقالت أنا تمام دخت شوية لأني مأكلتش من الصبح.
وقفت تنشف شعرها، وعاصف مسك السيشوار وقال ده اسمه سيشوار نشفي بيه شعرك.
نسيم بصت له بخنقة وقالت شكرًا مش عايزة حاجة.
عاصف ابتسم بسخرية وقال براحتك أنا قولت أعرفك على الحاجات اللي أكيد معندكيش علم بيها.
نسيم قالت بصوت واطي اللهم طولك يا روح يارب صبرني.
عاصف ابتسم وقال بتقولي حاجة يا مدام نسيم؟
نسيم قالت بقول كتر خيرك.
عاصف قال أمم ماشي.
وبعدها خرج من الأوضة.
نادى واحدة من الخدم وقال حضريلنا عشا كويس يلا بسرعة.
أمه ابتسمت وقالت لحقت جوعت يا عريس؟
عاصف قال بإحراج مش علشاني البنت اللي فوق جاعت وكانت دايخة، أحسن تحصلها حاجة ونتبلي بيها.
سلوى رفعت حواجبها وقالت أمم قلتلي. طيب بالهنا على قلبها.
بعد شوية دخل عاصف وقال الأكل هييجي كمان شوية تاكلي كويس وبعد كده تخلي بالك من نفسك، مش ناقصين مشاكل في صحتك الفترة دي.
نسيم ضحكت وقالت ابنك هو فين ابنك ده؟ ده لو متجوزني حامل مش هنلحق نعرف.
عاصف ابتسم وقال لسه بدري المهم تاكلي كويس.
نسيم اتكسفت من كلامه وقالت ما تتكلم كويس.
عاصف ابتسم وقال ماشي.
وبعد شوية دخلت الخادمة بالأكل.
نسيم قعدت تاكل بسرعة، كانت جعانة جدًا لأنها مأكلتش من الصبح.
عاصف بقى يبصلها بابتسامة، وهي بتاكل كأنها طفلة.
بعد شوية قالت الحمد لله شكرًا، أنا شبعت أقدر أنزل دلوقتي؟
عاصف استغرب وقال تنزلي فين؟
نسيم قالت هنزل عند سلوى هانم، مش خلاص كده؟
عاصف قال لأ إنتِ مش هتنزلي من هنا لحد ما نتأكد إنك حامل.
نسيم وقفت وقالت نعم؟ أنا اتفقت معاكم على ليلة والباقي مش مشكلتي.
عاصف قال بغضب وطي صوتك أنا فاكر قولت إيه كويس.
نسيم قالت طيب ماشي، هفضل في أوضة تانية لحد ما تتأكدوا.
عاصف قال ده الأفضل.
نسيم اتنهدت وقالت تمام.
ومن هنا بدأت علاقتهم تتغير تدريجيًا، رغم الخلافات وسوء الفهم بينهم.
في صباح يوم جديد، قاموا على صوت خبط جامد على الباب.
نسيم قالت بخوف إيه ده؟
عاصف قال بسخرية أه عليا تار وبيستأذنوا علشان ياخدوه. هروح أفتح لهم.
وقف ولبس قميصه وفتح الباب.
اتنهد بضيق لما لقى نفين في وشه.
قال يا نفين، الساعة كام دلوقتي؟
نفين بصت لنسيم بغضب وقالت بسخرية ناموسيتك كحلي يا عريس الساعة حداشر.
وبصت لنسيم وقالت قومي فزي يا بت حضريلي الفطار.
نسيم قامت بسرعة ناحية الدولاب.
عاصف قال ما البيت مليان خدم يا نفين ممكن أي واحدة تحضرلك الفطار.
نفين قالت ودي تفرق إيه عن الخدامات اللي تحت؟ أنا عايزاها هي.
نسيم كانت بتربط النقاب ولسه هتمشي، عاصف مسك إيدها وقال البنت دي مش هتتحرك من هنا هتفضل هنا لحد ما نتأكد إنها حامل. إحنا دفعنالها علشان كده مش علشان تخدم.
نفين قالت بدهشة يا سلام وإيه المانع إنها تخدم لحد ما نتأكد؟ ولا إنت عجبتك ست الحسن؟
عاصف بص لنسيم وقال جدا وتعجب أي حد.
نسيم اتسعت عينيها من كلامه.
نفين اتصدمت وقالت بغضب بتعاكسها قدامي كمان يا عاصف؟
عاصف قال ببرود لو مش عاجبك، براحتك.
نفين اتغاظت جدًا ونزلت.
نسيم قالت إنت عملت إيه؟ روح صالحها، افرض مشيت.
عاصف قال ولو مشيت؟ هو اللي خلقها مخلقش غيرها.
نسيم قالت بدهشة إنت بتقول إيه؟ لو كل واحد قال على مراته كده محدش هيفضل متجوز. إنت مش بتحبها؟
عاصف ضحك بسخرية وقال أحبها؟ إنتِ غلبانة قوي. جوازي من نفين جواز اجتماعي مش أكتر.
وحكى
لها عن سبب زواجه منها ومصالحه القديمة.
نسيم كانت بتبص له بدهشة وقالت عاصف باشا هقولك كلمتين ورزقي على الله.
عاصف قال انجزي بس.
نسيم قالت بهدوء إنت واطي وانتهازي وحقير ووصولي.
عاصف رفع حواجبه بدهشة، لكنه ضحك وقال عارف بس عمر ما حد قدر يقولي كده.
وخرج من الأوضة.
بعد شوية كان عاصف بيفطر مع أمه، ونسيم بتفطر معاهم.
سلوى قالت مقولتليش يا عاصف مراتك زعلت ليه؟
عاصف قال أبدًا غيرة حريم وأنا معنديش خلق للكلام ده.
سلوى ابتسمت وقالت أنا كمان جهزت أوضة لنسيم علشان ميبقاش فيه مشاكل.
عاصف شرق بالمية وقال بسرعة نسيم مش هتروح مكان لحد ما نتأكد من حملها هتفضل معايا، والنقاش ممنوع.
سلوى ضحكت وقالت ليه؟ مش إنت اللي قولت مش عايزها معاك؟
عاصف قال ماما خليها معايا علشان متشتغلش ولا تتعب في حاجة، مش أكتر.
طلع بسرعة.
سلوى بصت لنوجه وقالت تفتكري فيه أمل؟
نوجه ضحكت وقالت أنا عمري قولتلك حاجة خيبت يا ستي؟ الست نسيم دي أدب وجمال، وده أكيد هيغيره.
سلوى قالت نوجه ده ابني.
نوجه ضحكت بهزر معاكي يا ستي.
عند عاصف، كان قاعد بيشتغل على اللاب، ودخلت نسيم.
قال ماما كانت بتقولك إيه؟
نسيم قالت هتقول لي إيه يعني؟
عاصف قرب منها وقال أنا محدش يقدر عليا بس إنتِ بتعرفي توقفي قدامي.
نسيم بصت له وسكتت.
وبعد لحظة قالت لو سمحت، ملوش لزوم الكلام ده.
عاصف قال ليه؟ خايفة؟
نسيم قالت وهخاف من إيه؟
عاصف قال خايفة مني؟
نسيم سكتت.
عاصف اتنهد وقال يمكن إحنا الاتنين محتاجين نهدى ونبعد شوية.
نسيم هزت راسها بالموافقة.
عاصف قال طيب كل واحد في أوضة أحسن.
نسيم ابتسمت ابتسامة بسيطة ومشيت ناحية الباب.
قبل ما تطلع، عاصف قال استني.
بصت له.
قال تصبحي على خير.
نسيم قالت وإنت من أهل الخير.
وقفل الباب بعد ما خرجت.
في صباح اليوم التالي، قامت نسيم وابتسمت لما لقت عاصف نايم في نفس الغرفة.
قالت إنت قوم.
عاصف قام وقال فيه إيه؟
نسيم قالت إنت عملت كده ليه؟ مش اتفقنا إننا نبعد شوية؟
عاصف قال أنا مقدرتش.
وبعد لحظة قال على فكرة الجواز ده كان المفروض يكون مؤقت، بس فيه احتمال كبير جدًا ميبقاش كده.
نسيم بصت له بزهول وابتسمت من غير ما تحس.
بعد شوية كانوا بيجهزوا ينزلوا.
عاصف قال عايز أسألك سؤال، بس متزعليش.
نسيم قالت مش هزعل.
قال كنتي عايزة الفلوس ليه؟ تقدري تثقي فيا وتحكيلي.
نسيم اتنهدت وقالت الصراحة فيه موضوع ميستحملش التأجيل أنا كنت عايزة الفلوس علشان حفلة لماجد المهندس في الكويت.
عاصف بصلها بزهول وقال نعم يا أختي؟!
نسيم لسه هترد، سمعوا نوجه بتصرخ سيد عاصف بيه! الحقني!
عاصف جري عليها وقال فيه إيه؟
نوجه قالت بدموع ستي سلوى هانم كانت قاعدة في الجنينة، وفيه واحدة شاورت لها من بعيد. طلعت لبعد السور شوية، وجات عربية وخدوها خطفوها يا بيه.
عاصف اتصدم.
وبعد لحظات جاله اتصال.
رد ألو.
جاله صوت يعرفه كويس مامتك معايا يا عاصف متقلقش. طلق البنت اللي معاك تاخد مامتك.
عاصف اتسعت عينه وقال نفين؟
نفين قالت أيوه أنا يا عاصف.
وأخبرته أنها لن تؤذي والدته، وأنها تريد منه أن يطلق نسيم.
قفلت المكالمة.
عاصف قال بغضب ده إيه الجنان ده؟ دي اتجننت خالص!
نسيم كانت سامعة الكلام وواقفة بارتباك.
عاصف بص لها وقال فيه إيه؟ إنتِ مخبية عني حاجة؟
نسيم بصت لنوجه بخوف.
نوجه قالت بسرعة الأكل على النار عن إذنكم.
ونزلت جري.
تعليقات
إرسال تعليق