العشاء الاخير بقلم هويدا زغلول حصريه وجديده وكامله جميع الفصول

العشاء الاخير بقلم هويدا زغلول حصريه وجديده وكامله جميع الفصول

 

العشاء الاخير قبل الفرح 

مسا الهنا علي حبايب قلبي انا وقبل ما نبدا حكايتنا نصلي علي حبيبنا الرسول اللهم صلي وسلم عليه سيدنا

محمد  وتعالوا نشوف سؤال قصتنا انهارده بيقول اي 

ما هي أول صلاه فرضها الله علي المسلمين 

ويلا بينا بقي نشوف سؤال قصتنا بيحكي عن اي 

وليد كان واقف معاه خطيبته ياسمين وواقف معاها عمر ابن خالتها وقال ليها 

وليد 

عملتك اي علشان تعملي فيا كده ربنا يعلم انا كنت بحبك ازاي هونت عليكي علشان تعرفي واحد عليا 

ياسمين 

انا عمري ما حبيتك انت وبحبه هو وبصراحه كده كنت مستنياك تفرش الشقه وبعد كده هاخد كل حاجه منك واتجوزو 

وليد 

انتي انسانه واطيه وجبانه بجد انا لازم اخلص منك 

ياسمين 

تخلص مني ايه يا وليد انا اللي خلصت منك انت نص ساعه بالظبط وهتروح فيها العصير اللي انت شربته من شويه كان في سم 

وبعدها وليد بدا يحس ان عنده مغص ومسك بطنه وقال لها 

وليد 

حرام عليكي حسبي الله ونعم الوكيل فيكي ده انا كنت مستعده ابيع الدنيا كلها علشان خاطر اشتريكي انتي

وبعدها وقع في الارض وكان ماسك بطنه وعمرو وهي كانوا عمالين يضحكوا جامد 

وفي الوقت ده وقع وليد في الحقيقه وعرف أنه كان بيحلم وقال 

وليد 

اعوذ بالله من الشيطان الرجيم ايه الحلم الوحش ده 

انا مش فاهم بس ايه اللي بيحصل فيا ده 

وبعدها قام ولبس وكان نازل وبعدين 

فتحت اميره بنت خالته الشقه وقالت 

اميره 

ازيك يا وليد عامل ايه ده انا فضلت سهرانه في البلكونه طول الليل امبارح علشان خاطر اطمن عليك لما تيجي والاخر نمت على نفسي في البلكونه هو انت رجعت امتى 

وليد 

ارحميني بقى يا اميره من اللي انت بتعمليه ده انا مش فاهم انت بتستفادي ايه انا قولتلك عمري ما هحبك ولا هكون ليكي انا بحب خطيبتي 

اميره 

حرام عليك اعمل لك ايه تاني علشان خاطر تحس بيا  بتحس باللي في قلبي انا بجد تعبت منك اللي عايزه اقولوا ليك البنتي عمرها ما حبيتك ولا هتحبك قدي 

وليد 

حتى لو سبت ياسمين انا عمري ما افكر فيكي انا بعاملك زي ما تكوني اختي وبس ولا يمكن يكون في حاجه ما بيني ومابينك 

اميره 

طب ماشي يا وليد بس خد بالك الايام دواره والدنيا هتثبت لك مين اللي بيحبك ومين اللي بيكرهك والله اعلم ساعتها انا هتكون لسه في قلبى ولا لا 

وليد 

بعد اذنك يا اميره كفايه كلامك ده قلت لك انا بحب ياسمين وعمرنا ما هنتفرق ابدا يا ريت بقى تشيلي ياسمين من دماغك عشان ما بحبش غيره البنات دي 

اميره 

لا لا مستحيله هو انت بجد تفكرني ان انا بغير من ياسمين انت اكيد بتهزر 

وليد ما ردش عليها وبعدها سبها ونزل وهي دخلت عند امها جوه وقالت ليها 

الام 

نفسي ترحمي نفسك بقى من اللي انتي بتعمليه ده قالك كام مره ان هو مش بيحبك عايزه ايه ثاني خلي عندك كرامه ودم شويه 

اميره 

مش قادره والله يا ماما انسى ربنا يعلم انا بحبه ازاي وبجد نفسي يسيبه من اللي اسمها ياسمين دي البنت دي مش بتحبه دي معاه بس علشان خاطر فلوسه 

الام 

فلوس ايه يا ام فلوس اللي بتتكلمي عليها هما القرشين اللي في البنك دول يعتبروا حاجه علشان خاطر تكون بتحبه عشان فلوسه انت بس اللي موهومه بيه 

اميره 

انا عارفه ان الكلام معاكي ولا هيودي ولا هيجيب انا داخله انام 

وبعدها دخلت شقتها وفي شقه ياسمين كان باب الشقه مفتوح وهي واقفه معاه عمر ابن خالتها وقال ليها 

عمر

خلاص يا ستي بقى عرفت انت عايزه ايه مش هنفضل كل شويه نتكلم في الموضوع ده سيبي بس كل حاجه عليا ومش هتندمي من امتى وعمرو مش بيعمل لك اللي انتي عايزه 

وفي الوقت ده دخل وليد وقال 

وليد 

حلو قوي الكلام ده يا ست هانم وانتي كنتي طالبه منه ايه بقى ان شاء الله علشان خاطر يعملوا ليكي 

ياسمين 

ايه ده وليد تعالى ده انا كنت عايزه اغير نظام الشقه اصل انا حاسه ان انا مخنوقه منها جدا كده ومش عايزه اقعد فيها وهي بالمنظر ده 

وليد 

لا والله هو انتي ناويه تعملي فيها بقيت حياتك ولا ايه علشان خاطر تقولي كده هو مش المفروض ان احنا هنتجوز في اسرع وقت ولا ايه 

عمر 

وايه المشكله يعني يا وليد لما تبدا ان هي تغير في الشقه شويه انا مش شايف ان هي عملت حاجه غلط يعني 

وليد 

بقول لك ايه يا عمر انا بتكلم مع خطيبتي مش بتكلم معاك انت ملكش دعوه انت بالحوار ده انت سامع ولا لا 

وفي الوقت ده عمرو بص ليها وقال 

عمر 

انا نازل يا ياسمين تحت ولو عوزت اي حاجه بتصلي بيا وانا اجيلك على طول 

وبعدها نزل عمرو وفي الوقت ده ياسمين قربت من خطيبها وقالت 

ياسمين 

انا عايزه افهم بالظبط ايه اللي انت بتعمله ده ازاي تتكلم معاه بالطريقه اللي انت بتتكلم بيها دي هو كان عمل ايه غلط يعني 

وليد 

مش هو اللي عمل غلط انت اللي عملت غلط ما ينفعش انك تفضلي معاه في الشقه لوحدكم كده انت عارفه ان ابوك وامك ميتين وكلام الناس مش كويس 

ياسمين 

استنى عندك بس يا وليد هو انت بتغير ولا ايه ولا ممكن تكون شكك فيا فاكر ان انا ممكن اعمل حاجه غلط يعني 

وليد 

ايه الكلام العبيط اللي انتي بتقولي عليه ده لا طبعا انا عمري ما شكيت فيكي بس انا مش عايز الواد ده يكون قاعد معاكي لوحدكم ابدا هو انت هتسكتي لو لقيتي اميره موجوده عندي في الشقه ما انتي عارفه ان هي ساكنه معايا في نفس البيت تقدر تطلع عندي الشقه وانا لوحدي 

ياسمين 

هو في ايه بالظبط انا حاسه ان انت متعصب جدا انت عمرك ما كنت بالطريقه دي وعلى العموم يا سيدي انا مش عايزه اي مشاكل معاك يلا بقى علشان خاطر ننزل نختار الحاجات اللي ناقصانا في الشقه 

وبعدها فعلا نزلو وكان وليد وياسمين خارجين يتمشوا مع بعض وكان وليد ماسك في ايده شنط كتير وهو بيضحك وقال

وليد

خلاص بقى انا بصالحك اهوه يا بنتي كفايه بقى تشترى انتي شكلك ناويه تفرشي الشقه مرتين مش مره واحده وربنا انا حاسس اني شغال عندك شيال من الصبح

ياسمين

طب ما انت اللي كل شويه تقولي لو عجبك حاجه هاتها وبعدين انا بجيب حاجات بيتنا اللي هنعيش فيه العمر كله

وليد

والله لو طلبتي النجوم من السما هحاول اجيبها علشان اشوف الضحكه دي على وشك كل يوم ومتزعليش منى يا حبيبتي 

وفي الوقت ده كانت اميره معديه بالصدفه واول لما شافتهم وقفت مكانها وهي بتبصلهم بحزن وقالت 

اميره

ما شاء الله عليكم ربنا يتمملكوا على خير يا ياسمين انتو رايحين على فين كده

ياسمين

الله يخليكي يا اميره عقبالك يا رب وتفرحي بابن الحلال اللي يسعدك  نشتري شويه حاجات للجهاز

اميره

يارب

وبعدها بصت لوليد وكانت مستنيه حتى يبصلها لكنه كان كل اهتمامه بياسمين وهو بياخد منها الشنط وقال

وليد

يلا يا ياسمين علشان تلحقي تختاري باقي الحاجات قبل المحلات ما تقفل 

وبعدها سلم على اميره وقال

وليد 

عاوزاني اوصلك فى سكتنا يا اميره 

اميره بزعل 

لا يا وليد انا لسه هشترى شويه حاجات ربنا يخليك مع السلامه انتو 

وبعدها وليد مسك ايد ياسمين ومشي وهي كانت بتضحك معاه وفي الوقت ده فضلت اميره واقفه مكانها والدموع ماليه عينيها وقالت 

اميره

يارب هو انا هفضل طول عمري واقفه اتفرج عليه وهو بيحب غيري كده انا نفسي يبصلي مره واحده بنفس النظره اللي بيبص بيها لياسمين

ووليد روح ياسمين وفضل وليد طول الليل صاحي ومجاش في عينه النوم وكل شويه يفتكر الكابوس ولما اذن الفجر قام بسرعه واتوضى وراح على الجامع وبعد ما خلص الصلاه فضل قاعد لوحده لحد ما الشيخ شافه وقرب منه وقال

الشيخ

مالك يا ابني شكلك مهموم وحاسس ان في حاجه شاغله قلبك وانت قاعد سرحان بعد الصلاه تعالى احكيلي يمكن ربنا يجعل على ايدي سبب يريح قلبك

وليد

والله يا مولانا انا مش عارف مالي بقالى فتره كل يوم اشوف كوابيس وحشه اوي ولما اصحى احس ان قلبي مقبوض وحاسس ان في حاجه هتحصل ومش قادر اعيش طبيعي

الشيخ

بص يا ابني الشيطان بيلعب على الانسان بالخوف والشك علشان يفسد عليه حياته واوعى في يوم تخلي حلم يهدم ثقتك في حد ولا يخليك تظلم انسان من غير دليل

وليد

يعني حضرتك شايف ان اللي بشوفه ده مجرد وساوس واني ما اخدش بيها ولا افكر فيها تاني علشان والله تعبت ومبقتش عارف افرق بين الحقيقه والخيال

الشيخ

حافظ على صلاتك واقرا اذكار الصباح والمساء واقرا سوره البقره في بيتك واكتر من الاستغفار ولو حسيت بضيق قول اعوذ بالله من الشيطان الرجيم ومتستسلمش للشك ابدا

وليد

والله يا مولانا انا ارتحت لكلامك جدا وحاسس ان حمل كبير نزل من على قلبي وربنا يجازيك عني كل خير وادعيلي ربنا يصلح حالي ويتمم فرحتي على خير

الشيخ

ربنا يشرح صدرك ويحفظك من كل سوء ويبعد عنك كل شر ويرزقك الزوجه الصالحه اللي تكون عون ليك في دنياك واخرتك ويبعد عنكم كيد كل حاسد وظالم

اما في شقه ساره اخت احمد كانت قاعده وجوزها ممدوح قرب منها وقال 

ممدوح 

وبعدين معاكي صوره برده مصممه على اللي في دماغك قلت لك هاتي الذهب بتاعك هبيعه وبعد كده هجيبه لك هو انا هضحك عليك يعني 

ساره 

ما تزعلش مني يا ممدوح الذهب ده مش انت اللي جايبه ده بابا الله يرحمه هو اللي كان جايبه لي وما ينفعش ابيعه بالسهوله دي عشان حاجه تافهه 

ممدوح 

يعني ان انا اعمل مشروع بالنسبه لك دي حاجه تافهه متشكر جدا يا بنت الاصول وان اللي قلت هتوقفي جنبي لكن انت طلعتي مش جدعه 

ساره 

بقول لك ايه بعد اذنك بلاش كلامك اللي يزعل ده 

ممدوح 

بقول لك ايه انا نازل عند امي وكمان مش عايز وجع دماغ ولا تقولي لي رايح فين ولا جاي منين سلام 

وبعدها ممدوح نزل عند مامته عشان عايشين في بيت عيله اما ساره كلمت احمد اخوها في التليفون ونهارت من عياط وحكيت له على كل حاجه واحمد قال 

احمد

يعني ايه الكلام ده يا اما ممدوح ياخد الذهب بتاعك ويعمل مشروع يا اما يزعل منك ويروح عند مامته لا بقول لك ايه جمدي قلبك بقى وسيبيه براحته 

ساره 

انت عارف ان انا نفسي بيتي يفضل هادي ومن غير مشاكل بس اعمل ايه هو اللي اختار وانت عارف ان الذهب ده غالي قوي على قلبي

احمد 

ولا يهمك يا حبيبتي بكره الصبح تعالي عندي وهات الذهب بتاعك علشان اعينه عندي في البيت وما تقلقيش عليه ابدا ويوم ما تحتاجيه هتلاقيه 

ساره 

تصدق فكره انا فعلا بكره هجيبه لك علشان ما يحاولش يطلبه مني تاني يمكن لما يبعد عن عينيه ينساه 

وثاني يوم ساره هخلي الذهب بتاعها وراحت عند احمد اخوها الشقه واديته له وقالت 

ساره 

خدي يا حبيبي الذهب اهو خليه عندك كده كده ممدوح بايت عند مامته من امبارح وما هانش عليه يسال فيا ويقول لي انت فين 

احمد 

يا نهار ابيض كل ده عشان خاطر الفلوس هو ايه اللي حصل للناس هي الفلوس بتعمل ايه بس 

ساره 

الناس كلها مش بتفكر زيك يا حبيبي انت غير الناس كلها انا لازم امشي بقى دلوقتي سلام 

وبعديها ساره مشيت روحت على بيتها وعند اميره كانت قاعده جنب مامتها وقالت 

اميره 

بقول لك ايه يا ماما انا هنزل ادور على شغل بصراحه كده انا بقيت مخنوقه ولازم اشوف ناس جديده بدل ما انا خانقه نفسي بين اربع حيطان 

الام 

اخيرا هتخرجي من الاكتئاب اللي انت فيه ايوه كده انزل دوري على شغلي واشتغلي واللي يبيعك بيعيه واللي يحبك حبيه 

اميره 

ايوه صح يا ماما عندك حق في كل كلمه قلتيها في مصنع هنزل اشتغل واجيب لنفسي كل اللي انا عايزاه

#العشاء الاخير

#الحلقه الثانيه 

#بقلم هويدا زغلول 

وبعديها فعلا اميره نزلت المصنع علشان تقابل صاحب المصنع تشتغل وبعديها بيوم اشتغلت فعلا 

اما عند ياسمين كانت في الشارع بلا اشتري شويه حاجات عمر قرب منها وقال 

عمر 

عامله ايه يا ياسمين بصراحه كده ما حبتش اجي لك ثاني علشان خطيبك هو ماله عصر كده ليه هو بجد مش واثق فيك 

ياسمين 

انا مش عارف ايه اللي حصل لي يا عمر انا بجد نفسي افشكل الخطوبه حاسه ان هو بعد الجواز هيتغير وهيكون انسان غريب غير اللي انا عارفاه 

عمر 

لا يبقى لازم تكرري من دلوقتي هو مش لعب عيال ده جواز انت عايشه لوحدك من غير اب وام وكمان بعد الجواز ترجعي مطلقه ما ينفعش 

ياسمين 

ما انا عمال افكر ساعات وليد بيكون حنين وبيحبني وساعات بيكون شكله غريب وملامح وشه ترعب وهو بيشك فيا وفي كل اللي حواليه ودي حاجه مش مطمناني 

عمر 

على العموم انا معاكي لو عزتي اي حاجه وخلي بالك من نفسك 

في الوقت ده اميره كانت معديه من قدامهم قربت منهم وسلمت عليهم وقالت 

اميره 

ازيك يا ياسمين عامله ايه فرصه سعيده انا نزلت شغل في المصنع اللي جنبكم هنا ولما شفتك قلت اجي اسلم عليك 

ياسمين 

يا اهلا بيكي يا اميره انت عامله ايه يا حبيبتي طمنيني عليك ومامتك عامله ايه 

اميره 

كله تمام والحمد لله خلي بالك بقى من وليد ده بيحبك جدا يلا بقى بعد اذنكم لازم اروح

ياسمين 

ربنا يخليك يا اميره استني اخلي عمر يوصلك بدل ما تمشي لوحدك 

اميره 

لا لا متشكره سلام

وبعديها اميره روحت وياسمين طلعت شقتها وعمر وروح على بيته لكن اميره اول ما طلعت شقتها خبطت على شقه وليد وقالت 

اميره 

اعمل ايه يا وليد مش تقول لي مبروك انا نزلت شغل ولسه راجعه والحمد لله مبسوطه قوي 

وليد بفرحه 

برافو عليك يا اميره شاطره الف مبروك انت لسه راجعه من الشغل دلوقتي 

اميره 

اه يا وليد كمان لما رجعت قابلت ياسمين وهي واقفه مع واحد قريبها اسم عمر تقريبا 

وليد بعصبيه 

انت متاكده من اللي انت بتقوليه ده ماشي يا اميره متشكره جدا ومبروك على الشغل الجديد 

وبعديها اميره دخلت على الشقه اما وليد كلم ياسمين في التليفون وقال 

وليد 

كنت فين يا ياسمين لما كنت في الشارع وقفتي مع عمر ليه 

ياسمين بتوتر 

لا ابدا يا وليد ده كان واقف في الشارع وبيطمن عليا هو انت مالك بقيت عامل كده اليومين اللي قال لك اصلا 

وليد 

خدي بالك انا رايح لخالك اشتكي له واقول له على كل حاجه انت كده زودتيها قوي 

ياسمين بعصبيه 

وهتشتكي لخالي بقى وهتقول له ايه ياسمين بتكلم عمر اللي يعتبر زي اخوها وما لقيتش غير خالي اللي اكل ورث امي ولا بيحبني ولا بيطيق يسمع سيرتي 

وليد بعصبيه 

يبقى اسمعي مني بقى الكلمتين دول يا بنت الناس لو شفتك واقفه مع عمر تاني يبقى انت كده بتعملي مشاكل ما بيني وما بين وهمسكه واضرب 

ياسمين 

يا نهار اسود هي وصلت للدرجه دي انا عارفه ان انت بتحبني وبتغير عليا بس مش هتعرفي ان انت تضرب واحد قريبي عشان بيسالني بس انت عامله ايه هو ايه اللي حصل لك يا وليد 

وليد 

هو ده اللي عندي انا كده ومش هتغير سامعه ولا لا خلص الكلام ويلا اقفلي عليك الباب وما اشوفكيش واقفه مع اي حد ثاني وبالذات عمر 

وبعديها وليد قفل السكه في وشها وقال في نفسه 

وليد 

وبعدين بقى هو الحلم ممكن يتحقق ولا ايه انا متاكد وعارف ان ياسمين محترمه وانا بحبها بس مش عارف ايه اللي بيحصل لي

اما عند ساره روحت البيت ودخلت الشقه عند حماتها ولقت ممدوح نايم جوه في الاوضه بتاعته لسه هتخش الاوضه وحماتها مسكتها من ايديها وقالت 

الحما

مش انت مزعله وسبتيه امبارح ولا سالتي فيه جايه دلوقتي ليه بقى يلا اطلعي على شقتك وما لكيش دعوه بممدوح 

ساره 

يا حماتي دي مشكله ما بيني وما بينه صغيره بلاش تخليها تكبر ازاي يعني يبات عندك ويسيبني في شقتي لوحدي 

الحما

طب وايه المشكله يا حبيبتي لما يبات عندي هو نايم عند حد غريب ولا ايه وبعدين هو زعلان وحالته النفسيه وحشه قولي لي بقى انتم زعلانين ليه 

ساره 

كان عايز الذهب بتاعي عشان يعمل بيه مشروع وانا ما وافقتش ابيعه لان الذهب ده بابا هو اللي جايبه لي عشان كده زعل

الحما

يا حبيبي يا ابني يعني هو زعل عشان كده وبس لا طبعا لا عاش ولا كان اللي يزعله انا هبيع الغواشتين من بتوعي واديهم له ويعمل المشروع وماله 

ساره 

يا نهار ابيض انت ممكن تعملي كده يا حماتي انت لو عملت كده هو هيفتكر ان انا بجد قليله الاصل 

الحما

طب وايه الجديد يا حبيبتي ما انت فعلا قليله الاصل مالي ما بتقفش مع جوزها في وقت الشده تبقى ملهاش لازمه بقول لك ايه يلا اطلعي على شقتك وانا لما يصحى ابقى اتكلم معاه 

وبعدها ساره طلعت على شقتها وكلمت صاحبتها في التليفون  نرمين وحكيت لها على كل حاجه ونرمين قالت 

نرمين 

بصراحه غلطانه يا ساره كنت ممكن تدي له اي حاجه من الذهب مش الذهب كله اهو دلوقتي مامته هي اللي هتكون المنقذه وانت هتكوني قليله الاصل 

ساره 

خلاص بقى يا نرمين انا بكلمك علشان تهوني عليا مش علشان تزودي همي امين انا كده كده وديت الذهب عند احمد 

نرمين بعصبيه 

يا نهارك اسود ايه اللي انت عملتيه ده جوزك يقول ايه ان انت شايفه حرامي عشان كده مشيت الذهب من الشقه طبعا غلطانه يا ساره 

ساره بخوف 

يا لهوي ممكن يفكر في كده طب اعمل ايه انا دماغي ما بقتش فيا مش عارفه افكر ازاي 

نرمين 

تروحي وتجيبي الذهب من عند احمد اخوكي وتخليه في بيتك واتفقي مع جوزك ان لو عايز حاجه تدي له غويشه واحده بس وكمان ملزوم يرجعها لك وبس كده 

ساره 

ماشي يا نرمين ابقى اشوف هعمل ايه وابقى اكلمك تاني مع السلامه 

وتانى يوم وليد راح  على القهوه وقابل احمد صاحبه

احمد 

هو في ايه بالظبط من ساعه ما جيت وانت ساكت كده هو حصل مشاكل ما بينك وما بين خطيبتك ولا ايه 

وليد 

لا والله يا يا احمد مش مشاكل بس مش عارف مالي اليومين دول بحلم بكوابيس وحشه قوي ومش عارف سببها ايه اول مره اكون كده ومش مرتاح خالص في حياتي 

احمد 

طب قولي يا ابني بتحلم بايه وانا معاك اهو 

وبعدها قال ليه على الحلم واحنا بص دي بحزن وقال له 

احمد 

مش عارف اقولك ايه والله بس ساعات الاحلام دي بيكون وراها حاجه ربنا يستر عليك بصراحه انت انسان كويس جدا وقريب من ربنا وحاسس ان فيه حاجه غلط 

وليد 

ايه الكلام اللي انت بتقوله ده يا ابني ده اكيد مجرد حلم بالله عليك انا محتاج اللي يطمني ماشي يقلقني ويقول لي كده

احمد 

انا بحبك والله يا وليد وربنا يعلم ان انا بعاملك زي اخويا واكتر كمان بس ربنا يسترها عليك بس خد بالك يا ابني الفتره دي من نفسك لاني حاسس ان هيحصل حاجه

وليد 

انت كبرت الحوار قوي ده ندمان يا شيخ ان انا قلت لك حاجه انا قايم امشي ورايا شغل الصبح كثير ومحتاج ان انا ارتاح شويه 

وبعدها مشي وراح البيت وشاف القطه بتاعته ميته في الصاله ودخل جوا وشاف اكل علي التربيزه 

وليد 

انا مش فاهم حاجه مين اللي هيكون جاب الاكل ده وزي القطه دي ماتت  اكيد الاكل كان مسموم 

وبعدها الباب خبط وكانت اميره وليد فتح وقالت 

اميره 

حمد لله على السلامه انا جيت اقول لك اني ياسمين جت ولقيتها بتفتح الباب بكل سهوله هي معاها مفتاح الشقه ولا ايه 

وليد 

اه يا اميره انا مديها نسخه عشان لو في الشغل وعايز حاجه من البيت تجيبها لي على طول 

اميره 

طب ما انا جنبك اهو ايه المشكله لو كنت سبتني مرتاح واجيب لك اللي انت عايزه يعني معقوله هي اقرب مني لشقتك يا وليد 

وليد 

ما تكبريش المواضيع يا اميره اهم حاجه دلوقتي القطه بتاعتي مسمومه وانا مش عارف مين اللي عمل كده انا هتجنن 

اميره 

يا نهار ابيض اكيد من الاكل بتاع ياسمين اصل هي كانت طالعه باكل معقوله هي اللي تسمي القطه يا لهوي دي قلبها جامد قوي 

وليد بعصبيه 

ايه اللي انت بتقوليه ده لا طبعا ياسمين ما تعملش كده ابدا هتسم القطه ليه يعني 

اميره 

طب تحبي تفهمني ايه ده القطه اكلت من الاكل ده اللي ياسمين جابته وبعديها ماتت اوعى تاكل من الاكل ده ابدا يا وليد سامع ولا لا 

وليد كان سرحان وفي عالم تاني وكان خايف يصدق كلام اميره معقوله ياسمين تسمه وبعديها بص لها وقال

وليد 

طيب روحي انت دلوقتي يا اميره وانا هبقى اتكلم ياسمين واعرف ايه اللي حصل 

اميره بدموع 

طب وبالنسبه للقطه اللي اتسمت دي عادي كده بالنسبه لك الله يسامحك انا هاخدها علشان ادفنها الله يرحمها 

وليد ما ردش عليها واميره اخذت القطه وقبل ما تخرج بصيت له بدموعه قالت 

اميره 

يا ريت تفكر في جوازك انت وياسمين تاني يا وليد لان انت غالي على قلبي ومش هستحمل لو حصل لك حاجه 

واميره اخذت القطه ونزلت الشارع وحطيتها على جنب ودفنتها تحت التراب وبعديها طلعت عند مامتها وحكيت لها على كل حاجه والام قالت 

الام بعصبيه 

نفسي تركزي في حياتك وما لكيش دعوه باي حاجه يا اميره انت مالك كده كده وليد ما بيحبكيش وبيحبي ياسمين وقالها لك في وشك عايزه ايه ثاني 

اميره بدموع 

طب اعمل ايه بحبه يا ماما بحبه واكيد مش هشوفه يتاذي وهاف سالته انا هكون خايفه عليه من اللي اسمها ياسمين دي 

الام 

والله بقى هو اللي يستاهل كان شايفك بتحبيه مهتميه بيه سابك وراح لغيرك يبقى يستاهل كل اللي يجرا له 

اميره 

ربنا يحميك يا وليد ويبعد عنك ياسمين واي ناس وحشه وينور لك عينك وتعرف مين اللي بيحبك ومين اللي بيكرهك 

اما عند وليد بعد ما فضل يفكر كلم ياسمين وقال 

وليد 

هو انت جيتي عندي البيت يا ياسمين وليه ما عرفتنيش

ياسمين 

اه يا حبيبي جيت البيت عشان اصالحك عشان ما تفتكرش ان انا بحب حد غيرك انت بس الى في قلبي وعامله لك مفاجاه 

وليد بصدمه 

اى هى بقى المفاجاه اللي انت عاملاها يا ياسمين

ياسمين 

ايه رايك يا حبيبي في الغداء انا اللي عاملاه كله بايدي وقولت علشان خاطر اكيد هترجع متاخر هعملك الاكل كله جيت وانت في الشغل حطيت الاكل وبعدها مشيت على طول مالك يا وليد حسن صوتك مخنوق ليه كده

وليد 

وحطيتي في سم عملتك ايه علشان خاطر تعملي فيا كده انتي عايزه تخلصي مني ليه مش فاهم انا 

لو عايزه تفشكيلي الخطوبه ما عنديش مشكله انا بلاش تعملي فيا كده

ياسمين 

هو انت اكيد بتهزر الكلام ده لي انا هحطلك سم ليه لا لا بجد انا مش عارفه ارضيك ازاي يا وليد هو انت للدرجه دي بقيت شاكك فيا

وليد 

مش عارف والله يمكن القرشين اللي انا شايلهم في البنك ولا حاجه عايزه تاخديهم ليكي بس مستنيه لما اكتب الكتاب طب انتي عبيطه قوي كنت صبرتي لما كتبنا الكتاب وبعد كده عملت اللي انتي عايزاه 

ياسمين 

لا بجد انا مصدومه من الكلام اللي انا بسمعه فلوس ايه اللي بتتكلم عليها انا معايا فلوس كثير وابويا وماما سايبين لي كل خير انا بجد حزينه على الكلام اللي انا بسمعه منك 

وليد 

انا عايز افهم دلوقتي وعايز مبرر ازاي القطه بتاعتي تاكل من الغداء بتاعك وبعد شويه تموت مسمومه ممكن افهم كده معناها ايه يا ياسمين

ياسمين 

اقفل السكه انا مش فاهمه منك حاجه يا وليد خمس دقائق وتلاقيني عندك 

وبعدها فعلا قفلت سكه وشويه وهي جت وفتحت الباب وهي دخلت وقالت 

ياسمين 

ايه الكلام الغريب اللي انت قولت عليه ده وسم ايه اللي انا احطه ليك في الاكل انا مش فاهمه حاجه

وليد 

انا رجعت من بره لقيت الاكل على السفره ولقيت القطه شكلها واكله منه وماتت تقدري تقولي القطه ماتت ازاي وشكل الاكل كان ناقص يعني معني ذلك ان القطه اكلت منه 

ياسمين 

لا والله انا مكنتش في شقتك عشان اعرف القطه ماتت ازاي بس اقدر اقولك ان انا هاكل من نفس الاكل ده دلوقتي قدام عينك علشان تعرف ان انا ما معملتكش حاجه شكلك كده عايز تلبسني مصيبه وانا مش عارفه ليه

وبعدها خدت المعلقه وبدات تاكل من الاكل وقالت ليه 

ياسمين 

ايه رايك في الكلام ده بقى اكيد يعني مش هموت نفسي علشان  اثبت لك ان انا ما عملتش حاجه دبلتك اهي ومش عايزه اشوف وشك ثاني 

وبعدها سابت البيت ومشيت وفي الوقت ده قاعد وليد ومكنتش عارف اي اللي بيحصل بالظبط 

وبعدها فضل وليد يومين يتصل بيها وهي ما كانتش بترد عليه ابدا وهو ما كانش بينزل الشغل لان كان حاسس ان عنده اكتئاب وفي يوم الباب خبط وراح فتح وكانت اميره 

وليد

ارجوكي يا اميره انا مش ناقص وجع دماغ عايزه ايه بالظبط 

اميره 

هو انت ليه بتعاملني بالطريقه اللي انت بتعاملني بيها دي حرام عليك ربنا يعلم انا بحبك ازاي وانا جاي عشان اقولك ان انت سندي بعد ابويا وانا متقدم لي عريس وعايزاك تكون موجود لان مش هعرف اتقابل معاه انا وامي لوحدنا 

وفي الوقت وليد بص ليها وهو فرحان وبعدين قال ليها 

وليد 

الف الف مبروك يا اميره مش عايزك تكوني زعلانه مني في اي حاجه وبجد انا كنت شايفك ان انتي اختي وبس بس ربنا يوفقك ويرزقك بابن الحلال 

اميره 

انت عارف ان انا ولا ليا اخ وبابا توفى وعايزاك انت تكون سندي وتقعد مع العريس واتفق معاه على كل حاجه 

وليد 

اكيد عيني حاضر هعمل لك كل اللي انت عايزاه بس لو سمحتي بلاش تخليها اليومين دول انا مخنوق جدا ومش قادر اتكلم في اي حاجه لو على الجمعه الجايه انا ما عنديش مشكله 

اميره 

هو في ايه بالظبط انا كنت سامعه ياسمين هنا وانت وهي عمالين  تتخانقوا مع بعض ومن بعدها مشيت وما جتش هنا ثاني لو في اي حاجه انا ممكن اروح ليها واتكلم معاها احنا ستات زي بعض وبجد انا شيلتك من دماغي خالص 

وليد 

احنا كويسين يا اميره ما فيش حاجه معلش انا اسف بس انا مش بحب حد يدخل في مشاكلنا شوفي انت بس موضوع العريس وبعد كده كلميني 

وبعدها نزلت اميره وثاني يوم راح وليد عند ياسمين اللي كانت عماله تعيط 

وليد 

معقوله حالتك النفسيه كده من يوم ما مشيتي من عندي طب على الاقل كنت تردي علي يا ستي انا اسف وما تزعليش مني

ياسمين بصتله والدموع في عينيها وقالت

ياسمين

انا كنت مستنيه منك تيجي وتقول كده من اول يوم يا وليد انا بجد اتكسرت من كلامك انت ازاي شكيت فيا بالشكل ده بعد كل اللي بينا

وليد

حقك عليا والله بس كل اللي حصل خلاني مش عارف افكر لقيت القطه ميته والاكل موجود والحلم اللي شوفته فضل قدام عيني وحسيت ان كل حاجه بتأكدلي ان في حاجه غلط

ياسمين

حلم اي الي انت بتتكلم عنو انا مش فاهمه منك اي حاجه وغير كده وكده حتي لو حلمت زي ما انت بتقولو من امتي والاحلام بتتحقق دا كلو اهوام في دماغك انت لوحدك 

وليد

عارف والله وعشان كده جيت اعتذرلك ومستعد اعمل اي حاجه علشان تسامحيني .واوعدك الي حصل دا مش هيتكرر تاني  انا عارف انك بتحبني واكيد يعني هتسمحني علي اللي عملته ده 

واول لما وليد بيقول كده بتسكت ياسمين وبعدها بيكمل كلامو 

وليد 

خلاص بقااا مش معقول هتخلي الحزن يخسرنا بعضنا واوعدك انها مش هتتكرر تاني 

ولا هزعلك في يوم من الايام .

ياسمين 

انت عارف كويس يا وليد انا بحبك اد اي وان انا بجد مش عاوزه اخسرك بس اعمل حسابك كويس لو الموضوع دا اتكرر تاني بجد هزعل منك ومستحيل هرجعلك تاني انا عمري ما في يوم من الايام هفكر اذيك 

وليد 

اوعدك  وبالذات انا متاكد منو ان مش عاوز اخسرك ولا خليكي بعيده عني كفايه اليومين اللي بعدت بعيد عنك فيهم كنت حاسس ان جسد من غير روح عرفت قيمتك والله في الفتره اللي بعد عنك فيها 

واول لما ياسمين بتسمع كده بتفرح  وفعلا بيصالحها وياخدها علشان يخرجوا 

اما عند ساره كانت قاعده تتفرج على التلفزيون وفي الوقت ده ممدوح دخل باب الشقه ومعاه غوشتين دهب بص لساره من فوق لتحت وقال 

ممدوح 

شايفه اتعلمي من امي ومن اختي الاحترام والادب وزي وجدعين في وقت الشده كل واحده فيهم ادتني غويشه علشان افتح المشروع بتاعي مش بس كده ده انا ناوي ان شاء الله اجيب لهم احسن منهم كمان 

ساره بتوتر 

ما تزعلش مني يا ممدوح صدقني غصب عني الذهب بتاعي هو غالي قوي على قلبي 

ممدوح 

ويا ترى بقى فين الدهب بتاعك انا مش شايفه في ايديكي بعتيه ولا وديتي فين هو انت فاكراني هسرقه منك ولا ايه كده برده يا ساره 

ساره بزعل 

بصراحه انا وديت الذهب عند احمد اخويا عشان ما يحصلش بينا مشاكل انت عارف ان انا بحبك يا ممدوح اوعي تفهمني غلط 

ممدوح 

لا لا عيب عليك افهمك غلط ده ايه انت اصلا ما بتحبنيش واهم حاجه عندك اخوك وبس طب معقوله اخوك هيعرف يعوض على الذهب اكتر مني على العموم متشكرين يا بنت الناس بس جوزك مش حرامي روحي هاتى الدهب من عند اخوك عيب كده 

اميره بزعل 

حاضر يا ممدوح وحقك عليا مش عايزاك تزعل مني انا اه اتسرعت لما وديت الذهب عند احمد بس صدقني انا علشان ما يحصلش بيننا مشاكل 

ممدوح 

هعمل ايه رحتي ولا جيتي انت مراتي ومسؤوله مني انا هعمل المشروع بتاعي بذهب اختي وامي وان شاء الله هيكسب وساعتها انت هتشوفي الخير كله ومش هكون بخيل عليك يا ساره 

ممدوح سبها ونزل علشان يشوف هيعمل ايه في المشروع بتاعه ويبيع الذهب وساره كانت حزينه وقالت في نفسها 

ساره 

انا غلطانه ان انا اتسرعت ووديت الذهب عند احمد كان ايه المشكله يعني لو كنت سمعت كلام نرمين الاول واديت له غويشه وكسبت جوزي بدل ما خسرته كده 

اما عند وليد بيرجع البيت واول لما بيوصل بيروح عند اميره وبيقول

وليد 

معلشي يا اميره انا عارف ان انتي زمانك زعلانه مني دلوقتي مفكره ان انا طنشتك بس والله العظيم انا كنت اليومين دول مخنوق والظروف مش احسن حاجه 

 

اميره بفضول 

هو في حاجه ولا اي لو في حاجه اتكلم انا سمعاك متقلقش وبجد خلاص عرفت ان انا اختك وعمر ما هيكون في حاجه بيني وبينك  والأخوات ليهم عن بعض أنهم يسمعوا بعض 

وليد 

لا مفيش حاجه الموضوع مش مستاهل انا جاي  علشان اقواك شوفي الميعاد المناسب ليكي ان انا اقابل العريس ولو كده عشان اعمل حسابي اليوم ده 

اميره

ما انت قولت الجمعه وانا كلمته واتفقت مع انه هيجي قبل يوم الجمعه بس غريبه يعني ما سالتش العريس مين مع انك تعرف العريس كويس قوي

وليد 

تصدقي والله العظيم في دماغي 100 حاجه مش عارفه الاقيها منين ولا منين اكيد يعني لما اقابله هنتعرف على بعض اعرفه منين يعني 

اميره 

غريبه يعني معقول صاحبك لحد دلوقتي مقالكش ان هو الي متقدم ليا  واول لما وليد بيسمع كده بيتصدم 

وليد 

لا احمد مش قالي  حاجه انا بجد هكلمو واعرفو اواي يخبي عليا حاجه زي دي معا ان كنت لسه موجود معاه قريب 

اميره 

اهدي بس يا وليد الموضوع مش مستاهل كل ده  وممكن يكون كان مكسوف وتهفهمو غلط 

او عاملها ليك مفاجاه مش اكتر 

وانت بتقول اهو هو شخص محترم وبصراحه انا عرفت الكلام ده وعلشان كده وافقت عليه وكنت عارفه ومتاكده ان انت مش هتقول عليه لا

وليد 

خلاص يا ستي مفيش مشكله انا عندي اهم حاجه تكوني سعيده والي مبسوط منو بجد ان انتي خطوه جديده في حياتك دا الي انا عاوزو ربنا يسعدك وبالذات احمد ابن حلال وكويس 

وبعدها بيسيبها وبيمشي وفعلا بيجي يوم الجمعه وفعلا احمد واميره  بتخطبوا لبعض  وبيقرو فاتحه ووليد كان مبسوط جدا من الي بيحصل 

وبعد اسبوعين ساره بتروح عند احمد البيت وبتكون زعلانه منه عشان عرفت ان هو خطب من على فيسبوك من غير ما يقول لها وقالت 

ساره 

انا زعلانه منك قوي يا احمد كده برده ما تعرفنيش ان انت اتخطبت طب على الاقل كنت هاجي واحضر الخطوبه بقى خطوبه اخويا الوحيد محضرهاش 

احمد 

لا يا حبيبه قلبي ما تحسبهاش كده كل الحكايه قلت انت اكيد في مشاكل بينك انت وجوزك واكيد عرف ان الذهب عندي ولو قلت له ان انت رايحه خطوبتي هيقول لك لا عشان كده ما حبتش اقول لك 

ساره 

طيب يا سيدي متشكرين بس برده زعلانه منك كنت عرفتني وسبت لي القرار اذا كنت اجي ولا لا يلا بقى هات الذهب بتاعي بصراحه انا كنت غلطانه لما شكيت في ممدوح انه ممكن ياخده مني غصب عني 

احمد بتوتر 

دهب يعني انت عايزاه دلوقتي تاكليه ما عرفتنيش طب ممكن تصبري عليا كم شهر كده 

ساره بصدمه 

ليه يا احمد هو انت اتصرفت فيه ولا ايه 

احمد بتوتر 

بصراحه كده يا ساره ما كنتش عارف اخطب منين وقلت اكيد انت هتسيبيه عندي سنه ولا اثنين بعتوا وجبت الشبكه لاميره خطيبتي وخطبت وقلت لما تيجي تطلبيه هيكون معايا هقدر اجيبه لك 

ساره عصبيه 

يا نهار اسود ومنيل ايه اللي انت عملته ده يا احمد ده انت كده خليت وشي في الارض من ممدوح يعني اديك الامانه بدل ما تخلي بالك منها انت اللي تبيعه ما كنت اديته لجوزي احسن بقى 

احمد  بعصبيه

هو في ايه يا ساره انت مالك بتتكلمي كده ليه وبعدين الذهب ده دهب ابويا يعني انا اخده احسن من جوزك 

ساره بدموع 

لا يا احمد الذهاب ده بتاعي انا ولا بتاعك ولا بتاع محمود وانا غلطانه اني انا وثقت فيك انا مش عارفه هقول لجوزي ايه دلوقتي الله يسامحك 

ساره سابته ومشيت وراحت عند نرمين صاحبتها واحمد قعد يفتكر اللي حصل 

                           فلاش بااااك 

احمد كان قاعد سرحان وكان مش عارف يعمل ايه عايز يخطب ومعهوش فلوس في الوقت ده صاحبه مراد راح عنده عشان يشرب الشاي وقال 

مراد 

مالك يا عم شايل الهم كده ليه كل ده قبل الجواز امال بعد الجواز هتعمل ايه ده لسه في ليله بيضاء حضرتك ومصاريف فرح ومصاريف شقه ومصاريف نقاشه وبعد الجواز بقى في البيض واللبن والبامبرز ما ينفعش تنساهم 

احمد 

الله يخرب بيت اللي يقعد معاك بس يا عم ده انت قفلت الدنيا كلها في وشي والله مش عارف اعمل ايه انا معايا ذهب اختي ومش عارف ابيعه واخطب بيه وبعد كده ابقى اجيبه لها ولا اعمل ايه 

مراد 

يا نهار ابيض تصدق ان انت وش فقر يعني انت عندك الحل وفي الاخر مش عارف تخطب يا عم بيع الذهب ولما اختك تطلبه منك ابقى اعمل جمعيه واديه لها 

احمد 

طب زي ما انا ما حكيت لك كده افرد بها طلباته مني بدري انا هعمل ايه وقتها 

مراد 

استحاله يكون في مشاكل بينها هي وجوزها تطلبوا منك بدري كده اكيد بعد سنه ولا اثنين ساعتها يكون ربنا كرمك وتجيبه لها وزياده كمان 

احمد بتفكير 

صدق عندك حق انا فعلا هبيعه وهخطب بيه وبعديها هعمل جمعيه كبيره عشان لما تقول لي فين الذهب اجيبه لها 

وبعديها مراد ماشي واحمد فعلا ثاني يوم نزل وباع الذهب وبحق الفلوس راح جاب شبكه لاميره وخطبها 

                                 باااااااك 

احمد بزعل 

وبعدين بقى ما كنتش اعرف ان انت يا ساره هتيجي تطلبي فلوسك بسرعه قوي كده يا ريتني ما ابيعه الذهب اكيد دلوقتي هعمل مشاكل بينك انت جوزك 

اما عند ساره كانت قاعده عند نرمين في بيتها وكانت خايفه وعماله تعيط وبتقول 

ساره بدموع 

طب قولي لي اعمل ايه دلوقتي يا نرمين لو روحت لي ممدوح وقلت له ان الذهب مش مع احمد يا لهوي انا مش عارفه ممكن يعمل ايه 

نرمين بصدمه 

هو فعلا اللي اخوك عامله ده اكبر غلط ده خلاكي جوزك يعارك طول السنين الجايه الاخ المفروض يكون سند مش زي اخوك كده عيل نص كم 

ساره 

طب قولي لي اعمل ايه دلوقتي انا خايفه وخلاص مش عارفه افكر ومرعوبه من ممدوح يا ريتني مديت الذهب لاحمد يا ريتني 

نرمين 

بقول لك ايه الصح اللي لازم تعمليه تحكي لممدوح على كل حاجه وهو اللي يجيب لك الذهب من احمد احمد ده في الاخر طلع قليل الاصل يعني مش هيجيب لك ذهب ولا غيره 

ساره 

يا لهوي دي تبقى مصيبه لو فعلا ضحك عليا ده ممدوح هيمسكها عليا ذله طول حياتي الله يسامحك يا احمد تعالي يا امي انت وبابا شوفي احمد اخويا عمل فيا ايه 

وبعدها ساره مشيت وروحت البيت عند ممدوح واول ما شاف قال

ممدوح 

شايفك يعني جايه بقيتك فاضيه ايد ورا وايد قدام فين الدهب بتاعك يا استاذه ولا اخوك طمع فيه ولا ايه 

ساره بخوف

لا ابدا يا ممدوح الموضوع مش كده الموضوع ان احمد كان عايز يخطب وما كانش معاه فلوس فاتصرف الذهب بتاعي بس هو وعدني ان هو هيعمل جمعيه كبيره وهيرجعه لي 

ممدوح بضحك

هههههههه تصدقي ان انا فرحان ان حصل فيكي كده انا كنت متاكده ان احمد مش هيرجع لك الذهب ثاني تستاهلي انت استخسرتيه فيا اهو راح منك خالص 

ساره بدموع 

لا يا ممدوح ما تقولش كده احمد ان شاء الله هيجيبه لي ده اخويا حبيبي وعمره ما يضحك عليا ابدا 

ممدوح 

على العموم الايام بينا وابقي وريني هيجيبه لك ازاي وتستاهلي كل اللي يجرا لك

ساره 

لا لا يا ممدوح ما تقولش كده احمد عمره ما يضحك عليا ابدا 

ممدوح

بقولك ايه يا ساره انا مش زعلان على الذهب قد ما انا زعلان انك وثقتي في اخوكي اكتر من جوزك معقول كنت بالنسبالك غريب للدرجه دي

ساره

والله يا ممدوح ما قصدت اجرحك ولا اقلل منك بس انا وقتها كنت خايفه تحصل بينا مشاكل وقلت ابعد الذهب لحد ما تهدى

ممدوح

طب قوليلي لو اخوكي قالك الذهب ضاع ولا اتسرق هتعملي ايه ساعتها هتفضلي تقولي اصل اخويا ولا هتزعلي منه

ساره

ليه بتقول الكلام ده يا ممدوح انا واثقه في احمد وعارفه انه عمره ما يضيع امانه ولا ياكل حق حد

ممدوح

يارب يكون ظنك في محله يا ساره علشان اليوم اللي هتكتشفي فيه ان ثقتك كانت في المكان الغلط هتزعلـي زعل عمرك كله

وعند وليد بيكون نايم ووقتها بيفصل ينهج جاااامد لحد لما بيفوق مره واحده وبيفضل يمسح العرق وبيروح حاطط ايدو علي قلبو وهو بيقول 

وليد 

هو اي الي بيحصل دا معقول نفس الحلم الي انا بحلمو بيفضل يتكرر الشكل ده معقول في حاجه بتحذرني منك يا ياسمين ومعقول كنت مخدوع منك قوي كده اكيد في حاجه غلط 

لا لا مستحيل ياسمين تكون بتمثل عليا الحب وان هي بتحب عمر بنت خالها وبتعمل كل ده علشان خاطر الفلوس بتاعتي 

انا لازم افهم هو ايه اللي بيحصل بالضبط 

وبعدها يفضل صاحي لحد لما النهار بينور و بيروح نازل بسرعه وبيجي عندي و اول لما بشوفه بقول

ياسمين

ايه ده يا وليد غريبه يعني ايه اللي جابك بدري قوي كده ايه اللي حصل ومالك عامل فيه ده ليه هدومك متبهدله كده ليه انت كويس الي يشوفك كده يقول ان في حد بيجري وراك 

وساعتها بيكون وليد واقف وبيصطدم لما بيلاقي عمر خارج من الاوضه واول لما بيشوف وليد بيروح راجع بسرعه وداخل الاوضه 

وليد

انا كنت شاكك ان في حاجه ما بينكم بس مكنتش متاكد معقول كنت مخدوع فيكي قوي كده وكنت مفكرك مفيش منك اتنين بس كنت غبي

ياسمين بقلق 

في اي يا وليد انا مش فاهم منك اي حاجه انت كويس وايه الكلام الغريب  اللي انت بتقوله ده انا مش فاهمه منك 

وليد

هو انتي مفكره ان انت هتفضلي مغفلاني طول عمري انت لسه مش تعرفيني انت ما تعرفش انا عملت فيك ايه مش وليد اللي يحصل فيه كده 

ياسمين 

شكلك اتجننت وما بقتش طبيعي انا مش فاهمه ايه اللي بيحصل لك بالظبط

#العشاء الاخير 

#الحلقه الاخيره 

#بقلم هويدا زغلول 

وليد 

اللي بيحصل لي ان انت واحده خاينه وجايبه بن خالك ومخلياه قاعد معاكي هنا ومفكره ان انتي هتفضلي مغفلاني بس اللي انت ما كنتوش تعملي حساب ولا انا هاجي لكم فجاه كده مش صح 

ياسمين 

انت بتتكلم عن مين بالظبط لو عن عمر عمر من اخر مره لما عملت معاه الموقف البايخ اخر مره ما بقاش بيجي هنا عشان مش عاوز يعمل معايا اي مشاكل ما بينا 

وليد

على اساس ان انا مغفل  اووي كده  عاشان اصدق الكلام ده وسعي كده انا لسه شايفو داخل جوه 

انا هتغدي بيكم قبل ما تتعشو بيا وبيروح زاققها وبيدخل علي جوه وبيبدا يعلي صوته 

وقتها ياسمين بتدخل وراه وبتقول بحده

ياسمين

انا خلاص جبت اخري منك ومن عمايلك اللي انت بتعملها دي انا بجد تعبت منك  انت ايه اللي حصل لك والله ما في حد في الشقه هو انت بيجي لي تهيؤات ولا ايه 

وليد 

ايوه ايوه فهمتك على حقيقتك طلعيني مجنون بقى في الاخر يا خاينه عشان يكون لك حجه تسيبيني ما انت بتحبي عمر اكتر مني 

ياسمين بصدمه 

لا بجد انا مظلومه فيك ايه ده يا وليد صدقني ما فيش حد هنا طب دور عليه في كل مكان انت شفته فين اصلا

وساعتها مبيردش عليها وبيفضل يدور علي عمر مش بيلاقيه 

وبيروح مقرب مني وبيقول بحده 

وليد 

وديتيه فين ردي عليا انا مش هسيبك النهارده اكيد هرب  اول لما جيت 

واول لما بيقول كده بتروح ياسمين ماسكاه ضرباه بالقلم وقالت

ياسمين

امشي اخرج بره مبقتش عاوزه اشوفك تاني انا بجد مصدومه فيك ومش مصدقه ان يطلع منك كل دا  انت مريض نفسي روح اتعالج

وليد

هو انتي مفكره ان انا هسكت علي حقي ولا علي خيانتك ليا انا اعرفك دلوقتي تعملي معايا انا كده ازاي 

وساعتها بيلاقي سكينه علي التربيزه وبعدها بيقرب من ياسمين وبيحصل الي بيحصل 

وبعدها وليد بيبص على ايده وبيبص على ياسمين اللي مرميه على الارض وميته وفي الوقت ده دخلت واحده جارتها عشان كانت سامعه صوت عالي ولما لقيت وليد كده صرخت وقالت 

فوزيه 

يا نهارك اسود ومنيل هو انت موتها حرام عليك يا بعيده هي عملت لك ايه يعني الصوت العالي ده كان من عندكم هنا 

وليد 

ايوه قتلتها عشان هي خاينه وخانتني مع عمر قريبها هي مش بتحبني هي بتحبه هو تحبي تقولي لي واحده محترمه قريبها عندها في الشقه لوحدهم ليه 

فوزيه 

عمر مين جابني ما فيش حد في الشقه اصلا دي الشقه فاضيه وقريبها ده بقى له كتير ما بيجيلهاش انت شكلك كده اتجننت انا هبلغ البوليس 

فوزي جريت بسرعه بلغت البوليس وبعد شويه بيحي البوليس واول لما بيوصلو بيتصدموا من المنظر لما بيلاقي وليد قاعد وياسمين واقعه جنبو 

واول لما بيلاقو كده بيقبضو عليه الي كان وقتها كان مستسلم 

وكل دا والكل كان مصدوم من الي عملو وليد

ومش مصدقين انو عمل كده 

وبتعدي الايام ووليد بيفضل مسجون وعند احمد من وقت الي حصل وهو قافل علي نفسو ومش مصدق الي حصل

اما عند ممدوح المشروع بتاعه كسب وبقى معاه فلوس كثير ورجع لمامته واخته الذهب بتاعها ودخل الشقه عند ساره وقال 

ممدوح 

انا جايه اعرفك ان انا رجعت لامي ولاختي الذهب بتاعهم يعني انا ما كنتش حرامي اميره انت ما كنتيش واثقه فيا 

ساره بدموع 

حقك عليا يا ممدوح انا عايزاك ترجع لي الذهب بتاعي من احمد انا بكلمه في التليفون كل يوم عشان خاطر اقول له فين الذهب بقى يتهرب مني لدرجه ان هو حط رقمي على البلوك 

ممدوح 

شفتي بقى ان هو اصلا ما كانش ناوي يرجع لك الذهب وضحك عليك عشان تعرفي ان انا مش وحش وان انت اخترتي غلط المكان اللي تعيني فيه الدهب بتاعك 

ساره بدموع 

حقك عليا انت جوزي وحبيبي وانا كنت المفروض اقف جنبك واساعدك حتى لو بيغويشه واحده لكن انا اللي كنت غبيه وطماعه سامحني يا ممدوح بس ممكن ترجع لي الذهب بتاعي 

في الوقت ده ممدوح طلع من جيبه وعلبه حمراء وفيها سلسله ذهب ولبسها لها وقال بابتسامه 

ممدوح 

السلسله الذهب دي جبتها لك لما كنت بجيب ذهب امي واختي ما هونتيش عليا ان انا ما جابلكيش حاجه حتى لو انت مزعلاني انت برده مراتي يا حبيبتي 

ساره بابتسامه 

يا حبيبي يا ممدوح ربنا يخليك لي يا رب 

ممدوح 

اما بقى الذهب بتاعك انا هروح اتكلم مع احمد وهتفق معاه ان هو يرجعه لنا ويديني وقت هيرجعه امتى 

ساره 

ربنا يخليك ليا يا حبيبي بس الله يخليك بلاش تشد معاه هو راح ولا جه برده اخويا وانت جوزي ومش عايزه بينكم اي مشاكل 

ممدوح 

ما تخافيش انا عاقل مش مجنون زيك يا مجنونه يلا انزلي عند امي راضيها وشوفيها عايزه تاكل ايه واعملي الغداء وانا هروح عند اخويا اتكلم معاه واشوف هيعمل ايه 

وبعديها ممدوح راح عند احمد وساره نزلت عند حماتها واول ما شافتها قالت 

الحما

تعالي يا ساره قولي لي بقى ممدوح جاب لك ايه هو رجع الذهب اهو ليا ولاخته شفت بقى انه كان عادي انك تقفي جنبه انا زعلانه منك 

ساره 

عندك حق يا حماتي كل حاجه قلتيها انا كنت المفروض اقف جنب جوزي بس بصراحه خفت ان هو ما يرجعش الذهب تاني 

الحما

لا لا ممدوح ابني غير اي حد ده انا مربياه على الصراحه ودغري كده وكلمته كلمه راجل ما بيرجعش فيها ابدا 

ساره 

بصراحه كل الكلام اللي انت قلتيه انت عندك حق فيه وحقكم عليا ما تزعلوش مني انا هدخل بقى اعمل لك الغداء وشوفي عايزه تاكلي ايه يا ست الكل 

الحما

مع اني زعلانه منك عشان بقالك كتير ما نزلتيش عندي بس يلا سماح المره دي ادخلي بقى اعملي لنا مكرونه بشاميل انا بحبها من ايديك يا حبيبتي وكمان بنتي هتيجي دلوقتي هي وعيالها 

ساره 

بس كده من عيوني الاتنين احلى صينيه مكرونه بشاميل في الدنيا 

بعديها ساره دخلت المطبخ علشان تعمل الغداء وهي واقفه قدام البوتاجاز قالت في نفسها 

ساره 

انا غلطانه ان انا ما حفظتش على بيتي وجريت عليك يا اخويا وفي الاخر كسفتني قدام حماتي وجوزي ربنا يهديك يا احمد وترجع الذهب وبعد كده انا ما ليش غير جوزي وبيتي وبس

وعند احمد الجرس كان بيرن ولما بيفتح بيلاقيها اميره الي اول لما بيشوفها بيقول بحده

احمد 

هو انت يعني توريني نفسك بعد اللي انت عملتيه مش هطلع بره انا مش عايزه اشوف وشك انا بجد غلطانه ان انا مشيت وراكي ولا سمعت  كلامك 

اميره 

هوانا كنت عارفه ان كل ده هيحصل انا عملت كل ده علشان خاطر  مصلحتنا انا وانت ولا انت كنت هتبقى مبسوط لما تلاقيها اتجوزت صاحبك وانت بتحبها 

واول لما اميره بتقول كده دموع احمد بتنزل وبتقول 

احمد 

يريت كان كل دا حصل واتجوزو ولا ان اعيش في الذنب الي حصل دا وكفايه ان انا مش عارف انام وكل شويه وليد بيجي وبيقول انو مش مساحني 

اميره 

بقولك اي يا احمد مينفعش الي انت بتعملو دا الي حصل حصل 

احنا كنا بندافع علشان حبنا ومكنش ذنبنا الي هيحصل وبالذات ان انا حاولت مع وليد اكتر من مره وهو رفض 

ولا انت ناسي ان انت الي جيت واتكلمت معايا 

وبعدها بتبدا اميره تحكي الي حصل لما بتلاقي رقم غريب بيكلمها واول لما بتفتح بتلاقيه احمد 

           #فلاش باك 

اميره 

غريبه يعني جبت رقمي ازاي وغير كده معقول مش خايف اكلم وليد واقولو صاحبو استغل الصحوبيه وخد رقمي من عندك 

احمد .

انا مش بكلمك علشان حاجه انا بكلمك علشان اقولك ان مصلحتنا واحده وبالذات عارف انتي بتحبي وليك وعملتي المستحيل علشان يفكر فيكي ومفيش فايده 

وكل الي بيفكر فيه ياسمين مش كده 

اميره 

وهتساعدني ازاي ان شاء الله انا مش فاهمه منك اي حاجه 

احمد

 .قابلني وبعدها نتكلم الكلام مش هينفع في الموبايل 

وبعدها بيقفل معاها  وفعلا بعد شويه بيتاقبلو واول لما اميره بتشوفو بتقول 

اميره 

اديني جيت يا احمد في اي ومصلحتك اي لنا تساعدني في حاحه زي دي

احمد 

مصلحتي زي مصلحتك بالظبط وبالذات اول لما شوفت ياسمين استكترتها   علي وليد وليه متبقاش ليا  بس حاولت معاها اكتر  من مره  وكل مره بتصدوني واخر مره خددتني لو انا ما بعدتش هتقول لوليد 

اميره بغيظ 

انا بجد جبت اخري من البنت دي هي السبب في كل اللي بيحصل ده لولا ان هي ظهرت فجاه كان ممكن وليد شافني وحس بيا واللي في قلبي

احمد

علشان كده عرفت ان مصلحتنا واحده وكلامتك علشان تساعديني 

اميره

شوف انت عاوزني اعمل  ايه وانا هعملو  انا اهم حاجه وليد يكون ليا انا في الاخر  

احمد .

يبقي اتفقنا  انا اعرف واحده من اللهم ما  احفظنا ليها في الاعمال انا عاوزك تروحي ليها وتشوفي طلبتها وتعمليها بالحرف 

انا عاوز اقل من شهر الموضوع دا يخلص

اميره 

يريت يا احمد الموضوع دا يخلص بجد لو خلص هنشيل هم من عليا كبير وبالذات نفسي  وليد يحس بيا بقااا 

احمد 

لا متقلقيش وبالذات الست دي سرها باتع ولو ينفع اروح ليها كنت روحت بس المشكله انا مش هعرف انفذ الطلبات الي هتطلبها مني  زي ظا انتي فاهمه 

اميره 

متشلش بالك انا هعمل كل الي هيه عاوزاه

وفعلا بعدها اميره بتروح ليها والدجاله بتدي ليها حاحات ترشها وتحطها في اكل وليد وفعلا بتعمل كده الي من وقتها ووليد حالو اتغير وبقا يشوف كوابيس وخيلات ومكنش فاهم كل الي بيحصلو 

         #باك 

اميره 

وعلي ما اظن دي شورتك يريت ما سمعت كلامك مكنش كصل كل دا 

.

احمد 

بقولك اي يا اميره امشي من انا انا بجد مش طايق نفسي 

اميره

اللي حصل حصل ومش معقول هنضيع نفسنا كده وبالذات دلوقتي في حكم المحبين المفروض نكمل وعلى فكره ما حدش هينفعنا الا بعض وبعدين ده انا عملت حاجات كتير انت ما عملتهاش 

احمد 

يا سلام عملت ايه بقى ده كان يوم اسود ومهبب يوم ما عرفتك والله يا اميره الناس كلها شايفاكي ملاك بريء لكن انت شيطانه ماشيه على الارض 

اميره 

برده مش هزعل منك ده انا اكتر واحده كنت مخليه التمثيليه ماشيه مظبوط 

احمد 

يا سلام على الدقه اللي انت فيها ليه بقى عملت ايه تاني انا ما اعرفوش عرفيني اكيد عامله مصيبه 

                         فلاش بااااك 

اميره كانت بتفتح الباب ولقيت ياسمين معاها اكل وبتدخله عند شقه وليد وهو في الشغل وبعديها نزلت وقفلت الباب وخرجت 

اما اميره بعد ما ياسمين مشيت قدرت تفتح الباب بالنسخه المفتاح اللي معاها اللي عاملاها من ورا وليد واول ما دخلت لقيت الغداء محطوطه على السفره وقالت 

اميره 

يا سلام على الرومانسيه يا جوليت ده كان ناقص بقى تحطي له شمعتين كمان ده انا هوريكي يعني عامله له الغداء عشان لما يجي من الشغل يتغدى انا بقى هخليه يشك فيكي 

وبعديها اميره دخلت الشقه عندهم وجابت سم الفئران اللي عندها وحطت للقطه اكل وعليه شويه سم وبعديها للاسف القطه اكلته وماتت على طول اميره بشر قالت 

اميره 

معلش بقى يا قطه هنعمل ايه نصيبك كده ان تكون جارتك واحده شريره زيي بس كله يهون واشوف وليد سايب ياسمين وكمان شاكك فيها 

بعديها اميره دخلت الشقه واول ما جه وليد وشاف قطته مسمومه اتصدم وعلى طول شك في ياسمين 

   

                                باااااااك 

احمد بصدمه 

يا اعوذ بالله الله يخرب بيتك ايه اللي انت عملتيه ده طب والقطه دي ذنبها ايه ان هي تموت دي روح بريئه منك لله يا شيخه

اميره 

هو انت هتعيش عليا الدور ولا ايه يعني القطه صعبانه عليك وصاحب عمرك وليد مش صعبان عليك لا ده انت اتجننت رسمى

احمد 

هتصدقيني لو قلت لك انا كرهت اليوم اللي شفتك فيه او عرفتك فيه

ساعتها احمد بيلاحظ خيال حد وهو يقرا الباب الشقه وساعتها بيقرب بالراحه ولما بيفتحها بيتصدم لما بيلاقي ممدوح جوز اخته واول لما بيشوفه بيقول بتوتر 

احمد 

ممدوح انت هنا من امتى ولو انت موجود ايه موقفك على الباب كده ما اخبطش ليه 

اول لما احمد بيقول كده ممدوح بيبطل باصص ليه جامد وبيقول

ممدوح

هو انتم ازاي كده انا بجد مش مصدق ان لسه في ناس بالشر ده والمفروض انتم عارف هنا صاحبك مظلوم ومكمل عادي ولا كان في اي حاجه بجد انت شيطان انت وهي 

احمد

بالله عليك اهدي يا ممدوح انا اعرف كويس ان احنا غلطانين بس والله العظيم احنا عملنا كده علشان يحسو بينا وعلى فكره كان هيبقى مبسوطين لو يتجوزونا بس ما كناش نعرف ان المواضيع هتوصل لكده 

ممدوح

اخرس خالص انت اصلا ما بتحبوش انتوا ناس انانيه واللي بيعمل كده يستاهل السجن وعلى فكره انا مش هسكت على ان انا سمعته انا هطلع الاسم واقولهم على الي حصل لازم تاخدوا جازاتكم وكله يعرف انكم بالشر ده علشان ما فيش حد يامن لحد بعد كده 

وفعلا ممدوح بيعمل كده والي بيكون سجل كل الكلام الي اتقال وبيتقبض علي احمد واميره الي بكون صدمه للكل لما بيعترفو ان الي عملو وليد بسبب السحر والأعمال 

ووليد بيفضل في المستشفي الأمراض العقليه الي  بيحاولو يعالجو من الي حصلو واحمد واميره بيفضلو مسجونين 

وبكده نكون خلصنا قصتنا