رواية قدر صبا الفصل الثالث عشر والرابع عشر والخامس عشر بقلم الكاتبه سميه رشاد حصريه وجديده على مدونة النجم المتوهج
رواية قدر صبا البارت الثالث عشر والرابع عشر والخامس عشر
رواية قدر صبا الجزء الثالث عشر والرابع عشر والخامس عشر
رواية قدر صبا الحلقه الثالث عشر والرابع عشر والخامس عشر
رواية قدر صبا الفصل الثالث عشر والرابع عشر والخامس عشر بقلم الكاتبه سميه رشاد حصريه وجديده على مدونة النجم المتوهج
15/14/13
الفصل الثالث عشر
وصلنا المره اللى فاتت اما أحمد رن على فجر ومردتش عليه
فى الشركه
دخل مصعب إلى المكتب فوجد احمد جالسا بانتظاره
مصعب :ايه دا منور الشركه والله
أحمد بابتسامه يعلوها الحزن :دا نورك شوف لى بقا انا هشتغل ايه
مصعب :ماشى انت مكانك لسه موجود مكتب المدير التنفيذي انا كنت معين واحد مكانك هنقله ان شاء الله بس يا أحمد لازم تنتظم عشان الشغل ميضعش زي المره اللى فاتت
أحمد :متخافش يا عم
مصعب :مالك يا أحمد انت من الصبح شكلك متضايق
أحمد :مفيش حاجه انا هروح المكتب وابعت لى الشغل المفروض اعمله مع السكرتيره
مصعب:ماشى وانا هخلى المدير اللى مكانك يفهمك هو كان ماشى بالشغل ازاى
أحمد :ماشى
غادر أحمد من المكتب فنظر مصعب مكان أخيه بحزن فهو لأول مره يراه بهذه الحاله
وأثناء شروده دخل عليه يوسف كعادته
مصعب :ايه يا عم مش هتبطل عادتك دي
يوسف:يا عم سيبك عملت ايه فى الموضوع
مصعب :موضوع ايه
يوسف:نعم اوعى تقول انك معملتش حاجه انا طول الليل بفكر فى رأيها
مصعب :يا عم والله نسيت واصلا حصل شويه مشاكل فى البيت مجاش وقت مناسب
يوسف بضيق:ماشى يا عم قولها النهارده اقولك روح قولها دلوقتى
مصعب:ما تهدي يا ابنى فى ايه قلت لك اما اروح هقولها
يوسف بضيق :ماشى
مصعب :يلا بقا روح على شغلك
يوسف :يا عم رايح يعنى قعدتك حلوه اوي
مصعب بصدمه :والله طب ماااشى
يوسف :لا يا صاصا دا انت حبيبى
مصعب بعصبيه:قلت لك متقولش صاصا دي تانى انت فاهم
يوسف :انا خارج احسن دا انت تسد النفس وخرج وتركه
فنظر له مصعب بصدمه قائلا:انا أسد النفس طب والله لاوريك على طولة لسانك دي
فى الفيلا
كانت صبا جالسه مع ضحى ت تحدثان
صبا:ساره عامله ايه مكلمتهاش
ضحى :كنت بكلمها على الواتس دلوقتى هيا كويسه
انتى هتروحى عند عمتك امتى
صبا:مش عارفه عايزه اروح دلوقتى بصى خلى بالك من فجر على ما اجى
ضحى :صحيح هيا فجر مالها
صبا :مفيش مشكله بس بينها وبين أبيه أحمد وان شاء الله تتحل
فصبا لم ترد ان تخبر ضحى بسر قالته فجر لها حتى وإن كانت ستعلم فيما بعد ولكن تركت الامر لفجر ولكنها اخبرت مصعب لان فجر من طلبت منها ذلك وأيضا لأن مصعب هو من يستطيع حل المشكله
ضحى :ان شاء الله
صبا:هروح اشوف أمى عشان نروح بقا
ضحى :ماشى روحى
توجهت صبا إلى الداخل فوجدت والدتها جالسه مع خالها فقال:يا أمى
صفيه :نعم يا حبيبتى
صبا :ايه رأيك نروح عند عمتو دلوقتى
صفيه :ماشى هطلع ألبس واجى
صبا :وانا كمان
ارتدت صبا ملابسها المكونه من دريس اسود قضفاض وعليه خمار ونقاب تاندا اللون النبيتى الغامق وتوجهت الى الاسفل
كانت ضحى جالسه تتناول سندويتش فى يدها
صبا :انتى بتعملى ايه يا ضحى
ضحى :باكل مش شايفه
صبا :انتى مش لسه فاطرانه معانا
ضحى :الله اكبر هتعدي عليا
صبا :لا يختى بالهنا والشفا
ضحى :تتحسدي انتى مش لابسه اسود
صبا :ما انا لقيت دا غامق قلت أغير وخلاص
ضحى :اها كدا جميل
ضحى :صحيح يا صبا انا كنت بقرأ فى كتاب ان مينفعش نصوم فى النصف الثانى من شعبان هو دا بجد
صبا :الصيام فى النصف الثانى من شعبان مكروه لو مكانش عاده ولا كان قضاء يعنى لو انتى عليكى ايام او ندر او عادة بتصومى الاتنين والخميس عادي تصومى الاتنين والخميس لو انتى فى العاده بتصوميهم اما غير كدا مكروه
ضحى :اه طب هو فى ايام حرام نصوم فيها غير يوم العيد
صبا :اه يوم الشك اللى هو التلاتين من شعبان لو لم يري الهلال وكمان ايام التشريق اللى هما تانى يوم وتالت يوم ورابع يوم عيد الأضحى وكمان الرسول صلى الله عليه وسلم نهى عن صوم يوم الجمعه الا لو صومتى يوم قبله او يوم بعده
ضحى :اها فهمت يلا عمتو نزلت اهى
صبا :ماشى يلا السلام عليكم وامسكت يد والدتها وتوجهت إلى الخارج واخبرت السائق بالتوجه إلى منزل عمتها
بعد حوالى خمس ساعات
عاد مصعب من الشركه والغريب انه عاد منفردا دون احمد الذي لم يأتى معه لتحججه بأنه لم ينتهى من عمله بعد وفى الحقيقه انه أراد أن يشغل نفسه بالعمل قدر الإمكان حتى ينسى همه
عثمان :حمدالله على السلامه يا حبيبى اومال فين أخوك
مصعب :الله يسلمك يا بابا أحمد لسه مخلصش شغل
عثمان :طب اطلع غير هدومك وصلى الظهر لو مكنتش صليت على ما اقول ليهم يحضروا لك الغدا
مصعب باستغراب :انت اللى هتقولهم اومال فين عمتى مش باينه
عثمان :راحت هيا وصبا يشوفوا عمتها والسواق بيقول أنهم مش هييجوا الا بعد المغرب
مصعب بغضب من عدم اخبار صبا له :ماشى يا بابا انا طالع
صعد مصعب إلى غرفته وكان فى قمة عصبيته منها فغير ثيابه وصلى فرضه وتوجه الى السرير أمسك هاتفه ودق على هاتفها فوجده مغلق
مصعب :ماشى يا صبا انا تيجى والله لاوريكى وخرج من غرفته متوجها إلى غرفة اخته
عند فجر كانت جالسه فى غرفة صبا فشعرت بالعطش فتوجهت إلى الأسفل وأثناء نزولها على الدرج وجدت أحمد داخلا من باب الفيلا فنظرت إليه بلوم وحزن وتوجهت إلى المطبخ فنظر إليها بحزن ولهفه ولحقها
أحمد :فجر يا فجر اسمعينى
ولكن فجر لم تلتفت اليه
أحمد ممسكا زراعها:اقفى بقا يا فجر
فجر وهى تلتفت إليه بغضب: عايز ايه منى دلوقتى فى ايه
أحمد :اسمعينى يا فجر مش تبصى لى بالطريقه دي لو سمحتى
فجر وهى تنظر إليه ودموعها فى عينيها:ابص زي ما انا عايزه ملكش دعوه بيا انت دلوقتى معادش ليك حكم عليا
أحمد :ماشى انا هسكت دلوقتى عشان عارف انك لسه متضايقه بس بعد كدا نتكلم
فجر :ولا النهارده ولا بعد كدا انت خلاص معادش فى حاجه تربطك بيا ثم اردفت لكى تشعل غيرته عليها:انا هفضل هنا لحد ما مدة العده تخلص وبعد كدا اشوف حياتى بعيد عنك وأكون مع الإنسان اللى يقدرني
أحمد وقد احمرت عينيه من كثرة غضبه:تكونى مع مين يختى انتى اتجننتى يا فجر ولا ايه فوقى كدا عشان مفوقكيش بالعافيه ال الانسان اللى يقدرنى ال واعملى حسابك مش هتخرجى من البيت دا الا على على جثتى انتى فاهمه انا هسيبك اليومين دول براحتى ثم أردف بسخرية :ال اللى يقدرنى قال وذهب وتركها
نظرت له فجر بغيظ بعد رحيله ولكن فى الحقيقه كان قلبها فى شدة سعادته من تمسكه بها وغيرته الواضحة عليها
فى حجرة ضحى
كانت جالسه ممسكه روايه فى الحلال تقرأ بها فسمعت باب حجرتها فقالت:نعم
مصعب :انا يا ضحى
ضحى وهى تعتدل فى جلستها :اتفضل يا ابيه
مصعب :انتى بتذاكري ولا ايه
ضحى :لا مش بحب اذاكر الا مع زوجتك العزيزه
مصعب :هههه يا سلام عشان تتكلموا مش تذاكروا
ضحى :لا دا لو اتكلمت هتقتلنى دي شريره انت متعرفهاش
مصعب :طب اما تيجى هقول لها
ضحى :حبيبى يا صاصا
مصعب :سبحان الله نفس الكلمه بتاعته دا انتو هتبوظوا الدنيا
ضحى باستغراب :مين دا
مصعب :واحد صحبى المهم انا جاى اخد رأيك فى حاجه
ضحى باستغراب :خير ان شاء الله
مصعب :جاى لك عريس
ضحى :انا
مصعب :اومال انا فى واحد طلب ايدك منى
ضحى بخجل:بس انا مش عايزه اتجوز دلوقتى
مصعب :ومين قالك انك هتتجوزي دلوقتى ممكن بعد سنه تالته او فى نص رابعه او بعد رابعه خالص دي حاجه تظبطوها مع بعض بس هو كويس خالص وانا اضمن لك ميه فى الميه انه هيراعى ربنا فيكى
ضحى بخجل :هو مين حد انا عارفاه
مصعب :مش عارف بس انتى شوفتيه مره فاكره يوسف صاحبى اللى كان قاعد فى الجنينه معايا اما وقعتى العصير عليكى
ضحى بخجل:يا نهار ابيض مفيش الا دا
مصعب :ههههه هو كويس خالص ايه رأيك تقعدي معاه مره وتحددي رايك يعنى مترفضيش من غير ما تشوفيه
ضحى باقتناع:حاضر يا أبيه اللى انت شايفه
مصعب :كبرتى وبقيتى عروسه
ابتسمت ضحى بخجل
فقال مصعب انا هروح اقول لبابا الموضوع وانتى فكري وانا هحدد مع يوسف ميعاد وخرج وتركها
نزل مصعب إلى الاسفل وكان هذا الوقت فى قرأن العشاء
صفيه وصبا : السلام عليكم
مصعب وهو ينظر إلى صبا بغيظ :وعليكم السلام
صفيه :انا هطلع اغير الجو حر اوي والعبايه السمراء محررانى
صبا بهمس وهى تنظر إلى مصعب:استنى يا امى
ولكن صعدت أمها ولم تبالى بها
14 و15
الفصل الرابع عشر
اطلب منكوا طلب ممكن الروايه تتقرأ فى اوقات الفراغ بس مش نخليها تعطلنا عن العباده
صلى على النبى💟💟
---------------؛
وصلنا المره اللى فاتت اما صبا وصلت من عند عمتها وصفيه طلعت وسابتها مع مصعب
مصعب:حمدالله على السلامه
صبا بتوتر:الله يسلمك
مصعب :هو حضرتك استئذنتى من مين قبل ما تخرجى
صبا :ما ماما كانت معايا وقلنا لخالوا
مصعب:انا مش قايل لك متروحيش مكان إلا بإذنى وراجعه لى بالليل حضرتك
صبا :ما انا قلت ادامك انى هروح وانت قلت مش تباتى وانا جيت اهو
مصعب :قلتى لى انك هتروحى النهارده
صبا :انا بحسبك عارف
مصعب :عارف انك هتقعدي تقاوحى بردوا مفيش خروج من البيت لمدة يومين فاهمه
صبا :الجامعه مينفعش اغيب احنا فى آخر شهر عندي تقييم للعملى يوم السبت
مصعب بتجاهل كلامها: فاهمه ولا لا
صبا :طب هروح الجامعه بس
فأمسك زراعها وضغط عليه قائلا بحده:انا قلت لك مش هتروحى فاهمه ولا لا
صبا بدموع: فاهمه
فترك زراعها بقوه وصعد إلى غرفته بعصبيه وتركها فنظرت إلى أثره بدموع وصعدت هى الاخري إلى غرفتها
مصعب فى غرفته :كان واقفا امام كيس الملاكمه يضرب فيه بعنف قائلا :ايه اللى انا عملته دا انا مالى اصلا بتعصب عليها ليه ما انا عارف ان فتره وهطلقها ايه لازمته دا كله بس هيا راحت عند عمتها من غير ما تقول طب ما ايه يعنى لا بس ازاى بس ما جوز عمتها هناك ما ايه يعنى ما هيا قالت انه محرم عليها طب انا اتضايفت ليه كدا اما بكت ياااارب
صعدت صبا إلى غرفتها وهى تبكى فوجدت فجر جالسه
فجر :ايه يا صبا اهدي يا حبيبتى بتعيطى ليه ايه اللى حصل مالك
فارتمت صبا فى حضنها وهى تقول:هو ماله بيا اصلا ازاى يكلمنى بالطريقه دي
فجر :مين دا بس يا صبا فى ايه
صبا ظلت تبكى و هى لا تعلم لماذا حزنت كل هذا الحزن
بعد فتره من الوقت
فجر :قوليلى مالك بقا يا صبا فى ايه
صبا :مفيش حاجه شديت مع مصعب شويه بس
فجر بتفاهم:ماشى يا حبيبتى بس مش تزعلى نفسك أكيد مكانش قصده يزعلك ما انتى عارفه انه عصبى
صبا :الحمد لله قدر الله وما شاء فعل انا هقوم بقا اصلى العشا اذنت
فجر :ماشى يا حبيبتى وانا كمان مصلتش قامت فجر ولكن وهى تقوم اصابها الدوار وكادت ان تقع فهرولت إليها صبا وامسكتها
صبا بقلب:مالك يا فجر
فجر : دوخت مره واحده معرفش ليه
صبا :طب تعالى اقعدي انتى مكلتيش ولا ايه
فجر:أ أصل يعنى
صبا وهى تنظر اليها:مكلتيش عشان متشوفيش أبيه أحمد صح
نظرت فجر إلى الأرض ولم ترد
صبا :يعنى عاجبك كدا يعنى يا فجر كنتى هتقعى
ثم نزلت صبا إلى الاسفل وبعد فتره قصيرة صعدت اليها ببعض الطعام
فجر :ايه دا يا صبا مش عايزه اكل
صبا :لازم تاكلى عشان متتعبيش على ما أخلص صلاه تكونى خلصتى كله
فجر :طب اصلى الاول
فجر :قال رسول الله صلى الله عليه وسلم(اذا وضع العشاء وأقيمت الصلاه فابدأوا بالعشاء) يعنى لو العشاء موجود ووقت الصلاة جه يبقى نتعشى وبعد كدا نصلى
دا عبد الله ابن عمر رضى الله عنهما كان يوضع الطعام وتقام له الصلاه فلا يأتيها حتى يفرغ وأنه ليسمع قراءة الإمام
فجر :ماشى خلاص هتعشى وبعد كدا أصلى العشا
صبا بابتسامه :ماشى
فى صباح اليوم التالى
كان مصعب جالسا فى غرفته يفكر فى ما حدث أمس فرن هاتفه
مصعب :عايز ايه دلوقتى
يوسف:فى حد يرد على حد كدا مفيش حاجه اسمها السلام عليكم دا انت فظيع المهم
مصعب :خير
يوسف :عملت ايه فى الموضوع كلمتها
مصعب:هو انت متصل بيا عشان كدا ما تصبر اما نتقابل
يوسف:ما النهارده الجمعه مفيش شغل
مصعب:يعنى مش قادر تصبر
يوسف :ايه يا عم انت هتزلنى ما تخلص
مصعب:لسه مكلمتش بابا
يوسف:نعععم
مصعب:بس كلمت ضحى
يوسف ببلاهه :اه دي اهم حاجه سيبك من الحاج قول قالت لك ايه
مصعب:سيبنى من الحاج يا حيوان
يوسف :لا مش قصدي كدا يا عم ما تخلص يا مصعب
مصعب:هيا كانت مترددة شويه وبتقول مش عايزه تتجوز دلوقتى بس انا اقنعتها تقعد معاك الاول وبعدين تقول رأيها
يوسف بفرحه :خلاص انا جاى اهو
مصعب بغضب:تيجى فين يا غبى انت انت هتشلنى يا ابنى قول لأهلك بقا وانا هقول لبابا اما انزل
يوسف:ماشى اعمل حسابك هاجى على بكره بالليل سلام بقا عشان هروح اقولهم
مصعب :بكره فين استنى يلااا ولكن وجد الخط قد أغلق بالفعل فقال:ايه المجنون دا هو انا ازاى وافقت عليه
ثم نزل إلى الاسفل فوجد الجميع جالسا ما عدا فجر
مصعب :سلام عليكوا
عثمان :وعليكم السلام تعالى يا حبيبى اقعد
فجلس مصعب بجوار عثمان ونظر لصبا بطرف عينيه وهو يجلس ولكنها كانت مخفضه رأسها للاسفل
مصعب :بابا عايز اخد رأيك فى موضوع
خجلت ضحى فهى شعرت انه سيقول ﻻبيها عما تحدث به معها
عثمان :خير يا ابنى
مصعب :خير يا بابا متقلقش كان فى عريس متقدم لضحى
فشهقت صبا من فرحتها ونظرت لضحى التى كانت تنظر الى الارض بخجل فنظر لها مصعب بتجاهل
عثمان :مين يا ابنى حد كويس
مصعب :يوسف صاحبى
صفيه بفرحه :دا يوسف دا انا شوفته مره بس دخل قلبى والله دمه خفيف
عثمان بفرحه:يوسف دا كويس خالص وابن حلال طب وانت قلت له ايه
مصعب :قلت له انى هسألكوا الاول
عثمان :طب وانتى ايه رأيك يا ضحى
قامت ضحى بخجل وهى تقول : ا انا قلت لأبيه مصعب وصعدت الى الاعلى
عثمان :قالت لك ايه يابنى
مصعب :قص له ما حدث
عثمان وهو ينظر إلى أحمد الذى كان جالسا بحزن:وانت ايه رأيك يا ابنى
أحمد :يوسف محترم جدا وبيتهيأ لى مناسب جدا لضحى
عثمان :طب على خيرة الله اتصل بيه يا ابنى حدد معاه معاد بقا
مصعب :ما كان بيقول هييجى بكره بالليل المجنون
عثمان :ماشى كويس
فقامت صبا لتصعد فى تلك اللحظه فقال مصعب :عرفى ضحى الميعاد عشان تكون مستعده
فأومأت له صبا دون ان تنظر إليه فزفر بضيق
صفيه لاحمد:اومال فين مراتك يا ابنى مش بتبان بقالها كام يوم
أحمد بتوتر :هي فوق
فأنقذه مصعب من هذا الموقف قائلا:هو احنا مش هنفطر ولا ايه
صفيه :اه يا حبيبى هروح اقول ليهم يحضروا الفطار
مصعب :ماشى
فى الاعلى صعدت صبا إلى غرفة ضحى فوجدتها جالسه فهرولت اليها:بقا كدا مبتقوليش ليا أه بعتينى عشان العريس مكانش العشم يا ست ضحى
ضحى بضحك:ايه يا بنتى افصلى دا هو لسه قايل لى امبارح بالليل
صبا :طب خلاص عفونا عنك احكيلى بقا انتى عايزه تعملى ايه بالتفصيل
ضحى :ماشى هههه
صبا :بس تعالى الاول نقعد مع فجر وتحكى لها عشان متضايقه
ضحى :ماشى يلا
توجهت الفتاتان إلى غرفة صبا فوجدوا فجر نائمة على الكرسى
صبا :ايه دا هيا نايمه كدا ليه فجر يا فجر
ولكن فجر لم تستجيب ظلت صبا تنادي عليها ولكن لم ترد
ضحى بدموع: شكلها مغم عليها انا هنزل اقول لحد يطلب لها دكتور
صبا :بسرعه يا ضحى بسرعه يا فجر ردي بالله عليكى
نزلت ضحى إلى الأسف وهى تجري
مصعب :ايه يا ضحى بتجري كدا ليه
ضحى بزعر:ف فجر اغم عليها مش بترد
بمجرد ما سمع ما حدث لزوجته هرول إلى الأعلى وأسرع الجميع خلفه
وصل أحمد إلى الغرفه فوجد فجر نائمه وصبا تحاول أن تفوقها ولكن لا تستجيب
أما مصعب ظل واقفا فى خارج الغرفه وطلب الطبيب
صفيه :شيلها يا أحمد حطها على السرير حد يتصل بدكتور
ضحى:أبيه مصعب بيتصل بيه برا
أحمد :هو ايه اللى حصل يا صبا فى ايه
صبا :أ أصل هيا امبارح كانت تعبانه كانت هتقع قمت مقعداها وسألتها وعرفت انها مكانتش بتأكل نزلت جبت لها أكل بس كانت كويسه بعدها
أحمد بعصبيه :وأما انتى عارفه انها تعبانه مبتقوليش لحد ليه انتى مستنيه يعنى اما تتعب كدا مفيش مخ خالص استغفر الله العظيم يارب
صفيه :براحه يا ابنى هيا مكانتش عارفه
ادمعت أعين صبا فخرجت من الغرفه حتى لا يراها أحد وهى تبكى فاصتدمت بمصعب فى الخارج فقالت وعينيها بها الدموع:أسفه وتركته وذهبت
مصعب :صبا
صبا دون ان تلتفت اليه:نعم
مصعب بقلق :في ايه انتى بتعيطى هي فجر فيها حاجه
صبا :لا مفيش هيا لسه مفاقتش
مصعب :اومال بتعيطى ليه
صبا :زعلانه بس عشان فجر مفيش حاجه
مصعب بحنان وهو يمسك يدها:طب خلاص اهدي ان شاء الله هتكون بخير
فشهقت صبا مره اخري فاخذها مصعب إلى المطبخ ورفع النقاب عن وجهها وغسل وجهها بالماء ثم فتح المبرد وأخذ منه ماء وقال لها:خدي اشربى
فأخذت الماء منه وتناولته
مصعب :ايه هديتى دلوقتى
صبا بخجل:الحمد لله
رن الجرس فى هذا الوقت
مصعب:باين الدكتور وصل هروح اشوفه
تركها وتوجه الى الخارج فنظرت إلى أثره بخجل ثم ارتدت نقابها وتوجهت إلى الخارج
انتهى البارت
By:Somaya Rashad
الفصل الخامس عشر
وصلنا المره اللى فاتت اما الدكتور جه عشان يكشف على فجر
فتح مصعب الباب قائلا:اتفضل يا دكتور
الدكتور:المريضه فين
صبا :اتفضل حضرتك هيا فوق
فنظر لها مصعب بغضب فنظرت الى الاسفل ولم تتحدث
صعد الطبيب إلى الأعلى وارشده مصعب على الغرفة الموجوده بها فجر
احمد:اتفضل يا دكتور
الدكتور :هو ايه اللى حصل
أحمد وهو ينظر إلى صبا بغضب:المدام بقالها فتره مكانتش محافظه على الاكل بتاعها وداخت امبارح بس النهارده أغم عليها مش راضيه تفوق
الدكتور بتفهم :تمام وخرج الجميع ما عدا صفيه حتى يفحصها الطبيب وتبقى أحمد فى الخارج يتحرك بتوتر
مصعب لصبا:هو انا مش مالى عينك بتردي على الدكتور وانا واقف
صبا :معلش اندفعت بس
مصعب :ماشى هعديهالك المره دي متتكررش تانى عشان بعد كدا ردي مش هيعجبك
وبعد فتره خرج الطبيب
احمد:طمنا يا دكتور فجر مالها
الطبيب:متقلقش يا استاذ أحمد دا بس من قلة الاكل وكمان عشان النونو بياكل معاها دلوقتى
احند بصدمه: نعم نونو مين
الدكتور:الف مبروك المدام حامل
أحمد :بصدمه حامل طب ازاى
الدكتور باستغراب:ازاى ايه هيا مش متزوجه
أحمد :اه هيا مراتى بس كانت بتاخد حبوب منع الحمل ازاى حامل
الدكتور بابتسامه:مفيش حاجه بعيده على ربنا يا استاذ أحمد وبعدين ممكن تكون مكانتش منتظمة فى وقتها او خدت حاجه ابطلت مفعولها عادي فى اسباب كتير
أحمد بفرحه :طب الحمد لله الحمد لله انت عسل يا دكتور والله ثم قال بخوف:طب هيا مفاقتش ليه
الدكتور:عشان بس قلة الاكل مع الحمل انا اديتها حقنه وهيا شويه وهتفوق وياريت تاخدها عند دكتور نسا وتوليد عشان نتطمن عليها اكتر
أحمد :ماشى شكرا يا دكتور
ثم أخذ مصعب الطبيب وتوجه الى الخارج وعاد مره اخري
مصعب لصبا : ممكن افهم فى ايه
صفيه :معلش يا ابنى أخوك مكانش قصده يزعق لها والله هو عشان كان خايف على مراته بس اعتذرت
فنظرت صبا إلى أمها بصدمه
مصعب :هو مين اللى زعق لها ثم نظر لصبا قائلا:هو أحمد زعق لك
صفيه :هو انت مكنتش عارف دا انا بحسبك عارف يا ابنى والله خلاص مش مشكله دا مكانش قصده هدخل انا اشوف فجر(ولعتيها ودخلتى يا حاجه😂)
مصعب لصبا:أحمد زعق لك ليه ومقولتليش ليه بتكذبى عليا يا صبا وعامله لى فيها شيخه هو فى واحده شخيه بتكذب
صبا ببكاء:لو سمحت متتريقش عليا وانا مكذبتش انا كنت خايفه على فجر بردوا وبعدين مش قلت لك عشان متزعلش من أخوك مش أكتر يبقى أنا غلطانه فى كدا كل حاجه تتريق وتقول عامله شيخه انا مش بعمل حاجه انا مش بعمل اكتر من اللى ربنا عايزه منى لا انا بحلل حرام ولا بحرم حلال
مصعب :طب مش قلتى لى ليه
صبا :مكانش ليه داعى هو بس اتنرفز شويه بس مفيش حاجه تستاهل
مصعب :هو زعق لك ليه يعنى انتى مالك
صبا :قصت له ما حدث ثم قالت بس هو مكانش قصده يزعق هو بس عشان متعصب
مصعب بغصب:هو يزعق لك ليه اصلا هو دا كله بسببه ويزعق لك انتى كمان ماشى بس اما يخرج لى
صبا :لا لو سمحت مش تقوله حاجه ارجوك هو فيه اللى مكفيه عشان خاطري انا
مصعب :ماشى خلاص بس لو اتكررت تانى مش هسكت اصل مش انا اللى حد يعلى صوته على مراتى واسكت له حتى لو كان مين
صبا :ماشى هو مش هيكررها تانى بس مش تقوله حاجه
مصعب :ماشى اما نشوف اخرتها معاكى ايه
صبا بتردد:ممكن اطلب منك طلب
مصعب باستغراب :خير
صبا :عايزه اروح الجامعه بكره والله يوم مهم جدا ولازم اروح عشان هنتقيم
مصعب بتنهيده :ماشى بس انا اللى هوديكوا وهاجى اخدكوا
صبا بفرح :ماشى شكرا شكرا جدا يا أبيه
وتركت وذهبت
مصعب لنفسه :يا نهار أبيض دي بتقولى يا أبيه لسه
ذهبت صبا إلى غرفتها فوجدت والدتها وأحمد بالغرفة فهمت بالخروج مره اخري فأوقفها أحمد قائلا :صبا استنى أنا أسف والله كنت متنرفز بس عشان فجر انا عارف انك معملتيش حاجه غلط
صبا بابتسامه:ولا يهمك يا أبيه انا عارفه ان حضرتك كنت متضايق عشان فجر
فى هذا الوقت رمشت فجر بعينيها وقالت بدون وعى: احمد
أحمد بلهفه:فجر انتى فوقتى يا حبيبتى انتى عامله ايه دلوقتى
فجر:هو فى ايه ايه اللى حصل
أحمد :الف مبروك يا حبيبتى انتى هتبقى أحلى ماما
فجر بصدمه فرح :نعم بجد ثم تذكرت طلاقهم فنظرت اليه بحزن
صفية :ادام فوقتى بقا هروح اوضتى تعالى يا صبا اتصلى لى بعمتك اتطمن عليها
صبا :حاضر يا أمى
أحمد وهو ينظر لفجر :فجر
فجر دون ان تنظر إليه :نعم
أحمد :أنا رديتك لعصمتى
وتركها وخرج من الغرفه
نظرت فجر إلى أثره بصدمه ثم قالت بفرح :رجعنى تانى
بعد خمس دقائق عادت صبا إليها مره اخري فوجدتها تجلس بسعاده
فجر :رجعنى يا صبا رجعنى
صبا :هو دا اللى هتطلعى عينه
فجر :ما هو رجعنى ومشى وانا عملت نفسى زعلانه هطلع عينه على ما اسامحه دلوقتى خلاص بقى فى بيتا رابط اوي بس هو قالى انه رجعنى من غير شهود هو ينفع
صبا بابتسامه :اه هو طبعا الافضل يكون فى شهود بس من غير شهود الرجعه صحيحه بردو
فجر :طب الحمد لله
صبا :هقوم اروح عند ضحى اظبط الوسايل والفايل عشان عندي تقييم بكره
فجر :ماشى يا حبيبتى براحتك
فى الصباح
صبا :يلا يا ضحى بقا هنتأخر
ضحى :ماشى خلصت اهو
صبا :هو اخوكى منزلش لحد دلوقتى ليه
ضحى :ايه يا بنتى النهارده السبت مش بيروح الا الساعه عشره
صبا :اه صح طب تعالى روحى صحيه بقا عشان قال انه هو اللى هيودينا
ضحى بمكر وهى تتوجه إلى الأسفل:انتى عارفه اكتر حاجتين بكره اعملهم ايه
صبا :ايه
ضحى :انى أقطع بصل وانى اصحى أبيه مصعب مش هو زوجك روحى انتى صحيه
صبا :لا يا ضحى مش هينفع خالص روحى انتى وانا هقف
ضحى :مستنياكى تحت سلام
صبا بغضب :ماشى يا ضحى ايوه لقيتها هقول لأمى تصحيه
فتوجهت إلى الأسفل وجدت والدتها تجلس وضحى تنظر اليها وتحاول أن تكبت ضحكتها
صبا :يا أمى
صفيه :نعم يا حبيبتى
صبا بخجل:ممكن تطلعى تصحى مصعب من فوق عشان ضحى مش راضيه
صفيه :اطلعى انتى يا صبا دا انا رجلى بتوجعنى يا بنتى
صبا : طب اطلعى انتى يا ضحى بقا
ضحى:والله ابدا ويلا بقا عشان هنتأخر
صبا بغيظ : ماشى هخبط عليه
ضحى:ابقى قابلينى لو فتح دا مش بيصحى إلا اما يطلع عينى
صبا :ان شاء الله هيصحى
وصعدت إلى الاعلى فضحكت صفيه وضحى بصوت عالى
صفيه :حرام عليكى يا بت يا ضحى والله كنتى خلينى اطلع وخلاص صعبانه عليا والله
ضحى:هههه سيبيها يا عمتو خليهم يقربوا من بعض يمكن ربنا يوفقهم
صفيه :يارب
فى الأعلى
وقفت صبا امام حجرة مصعب تطرق الباب بتوتر وظلت فتره كبيره ولكن لا مجيب
صبا :مش بيرد ليه انا هفتح وخلاص
وفتحت الباب وتوجهت باتجاهه
فقالت:طب اصحيه ازاى بس ثم نظرت اليه وظلت تنظر إليه لمدة دقيقتين بشرود
ثم قالت :طب اعمل ايه دلوقتى ربنا يسامحك يا ضحى
ثم وجدت كوب من الماء موضوع بجانبه توجهت إليه ووضعت بعض الماء على يدها وقذفته على وجهه
هنهض مفزوعا :ايه فى ايه
صبا بتوتر:انا اسفه والله بس كنت عايزه اصحيك
مصعب بغضب:يعنى ترشينى بالمايه ما تناديني ولا تهزينى ولا اى حاجه
صبا بخوف:انا اسفه والله مكانش قصدي اضايقك
مصعب بهدوء حينما وجد خوفها:خلاص مش مشكله بس بعد كدا براحه غرقتينى انتى بتصحينى ليه
صبا :مش انت قلتلى انك هتودينى الجامعه انا وضحى
مصعب بتذكر:اه صح معلش نسيت ربع ساعه بس وهكون جاهز
صبا :ماشى بس بسرعه لو سمحت عشان منتأخرش
مصعب :ماشى خدي المفاتيح خلى ضحى تطلع العربيه على ما انزل
صبا:ماشى
وخرجت من الغرفة وتوجهت إلى الأسفل
ضحى :ايه يا اختشى صحيتى جوزك
صبا :اه يختى ولا الحوجه لحد
ضحى:اه هنتغر بقى
صبا:ماشى بس مردوده ليك يا عروسه
ضحى بخجل:بس يا بت
صبا :بيقولك خدي جهزي العربيه
ضحى :ماشى يختى انتى صحتيه ازاى بقا
صبا بخجل:اخلصى يا ضحى انتى فاضيه
ضحى:ماشى يا سوسه بتخبى
وتوجهوا إلى الخارج
بعد فتره ذهب مصعب اليهم
ضحى :يلا اركبى ادام يا حلوه
صبا وهى تصعد فى الامام:على فكره بحوش لك انتى حره
ضحى ؛ههههه مبخافش يا اوختشى
مصعب وهو ينظر إلى ضحى باستغراب:اوختشى ازاى ايه اللهجه دي
ضحى :ما تركزش يا أبيه متركزش
مصعب:ماشى يختى مش هركز وانتى بقا عملتى تجهيزات ايه النهارده يا عروسه
فخجلت ضحى ولم تجيب فنظرت إليها صبا وضحكت بصوت عالى
مصعب :ايه يا حاجه انتى بتتحولى ولا ايه
صبا :بص عامله ازاى ضحى بتتكسف😂😂
ضحى :ايه يختى حد قالك معنديش دم
مصعب :اهى رجعت لطبيعتها اهى اتكسفى اتكسفى
ضحى بخجل:مش هكلمكوا تانى انتو الاتنين
صبا :خلاص ابقى اقعدي لوحدك فى الرؤيه مع نفسك مش هقعد معاكى وانتى بتلبسى
ضحى :يعنى انا مقعدتش معاكى
شردت صبا فهى المره الأولى التى جلست فيها مع مصعب كانت بعد عقد القران
نظر مصعب إلى صبا يري رد فعلها ثم نظر أمامه مره اخري
ضحى :يلا وصلنا
مصعب :اجى اخدكوا امتى
صبا :على الساعه واحده ان شاء الله مش هنتأخر
مصعب :ماشى وخلوا بالكوا من نفسكوا
انتهى البارت
By:Somaya Rashad
أتمنى لكم قراءه ممتعه ومفيده💞
إرسال تعليق