رواية أنياب شيطان الفصل الأول والثاني والثالث والرابع بقلم الكاتب عادل الصعيدي حصريه وجديده

 رواية أنياب شيطان الفصل الأول والثاني والثالث والرابع بقلم الكاتب عادل الصعيدي حصريه وجديده 

رواية أنياب شيطان الفصل الأول والثاني والثالث والرابع بقلم الكاتب عادل الصعيدي حصريه وجديده 

القصه واقعيه للكبار فقط 

***********

قمت من نومي 

مفزوعه علي صوت

 صراخ ماما 

وكانه حلم كنت بحلم بيه 

بس طلع حقيقه 

ووببص علي السرير ملقتش ماما جمبي 

والوقت كان بنص الليل 

والاوضه ضلمه وكمان مفيش نور عندنا بالشقة لان صاحب 

العماره قاطع علينا النور بسبب ديون الإيجار المتاخر علي بابا 

قمت بهدوء 

وجمعت مكان الشمعه بتاعتي 

ولسه هولعها 

سمعت ماما بتقول لحد معاها 

= حرام عليكم مالناش حد غيره في الدنيا دي 

_ طلعت اجري لبره 

لقيت ماما 

واقعه علي الارض ومنهار بالعياط 

قومتها بايدي وقعدتها علي الكرسي وانا بقولها. 

= في ايه يا ماما حصل ايه ؟ بابا فين قوليلي ؟ 

بسرعه شاورتلي علي الشباك كان مفتوح 

وبصيت من الشباك لقيت عساكر 

وبوليس بره وماسكين بابا واخدينه معاه 

رجعت لماما وقولتلها. 

= هو بابا عمل ايه قوليلي ؟ حصل ايه ؟

ردت عليا وهيا بتنوح وتضرب علي خدها ودموعها نازله منها 

_ ابوكي خلاص هيتحبس ومش هنشوفه تاني 

قولتلها . ليه طيب هو في ايه ؟

= قالتلي ، ابوكي عليه ديون كتير والناس دي اشتكت عليه محدش بيرحم حد 

واحنا مالناش حد هنا غيره 

هنعمل ايه بس ..

حاولت أهديها وقعدت جمبها ودموعي نزلت مني غصب عني 

ومش عارف ايه اللي بيحصل لينا دي 

ركنت دماغي علي الحيط 

وانا مخنوقه ومش قادره استوعب الا حصل دي خالص 

وفجأه.....

الجزء الثاني..

قاعده علي 

جمب وبفكر في حصل لبابا وهنعمل 

اي ونعيش ازاي بعد 

ما اتسجن 

وعيني علي

 ماما الا قاعده جمب مني 

وعماله تعيط 

عليه بحرقه والقهر بملامحها وهيا بتعيط 

وفجأه 

وقعت علي الارض 

قمت مفزوعه من مكاني وجريت عليها. 

وعمال اقلب فيها شمال ويمين وهيا قاطعه النفس خالص 

فتحت باب 

الشقه وفضلت اصرخ واصوت 

وطلعوا الجيران يجروا عليا 

وكان في دكتور 

ساكن في الدور الا تحت 

وصل بسرعه وبعد ما كشف عليها 

قال _ الباقيه في حياتك يا بنتي امك ماتت 

وقتها حسيت بدوخه والدنيا لفت بيا ومدرتش بنفسي 

الا وانا في

 المستشفي وهما بيطمنوا عليا 

والممرضه بتقولي .

= حمدلله علي سلامتك 

بصتلها بذهول ومش عارف ايه حصل . وافتكرت

 ماما وقولتلها بصوت عالي .

_ ماما فين 

وكانت واقفه جمب مني ساميه جارتنا وجوزها خالد 

بصلي جوزها وقال ، 

كلنا ليها يا بنتي . شدي حيلك احنا عملنا اللازم ودفنا مامتك .

واحنا كلنا هنا اهلك وناسك قبل ما نكون جيران ..

الصدمه كانت شديده عليا 

اوووي .

ماما راحت مني وبابا كمان راح والله اعلم ايه هيحصل فيا بعد كدا 

والدنيا مخبيه ايه ليا ..

عدي يومين وطلعت من المستشفي وروحت شقتي 

وغصب عني مقدرتش اتمالك اعصابي من الدموع وفضلت اعيط 

وحسيت ان خلاص هعيش وحيده في الدنيا دي من غير اهل ولا حتي صحاب .

تعبت من العياط 

وروحت في نوم عميق من التعب  

وبعد وقت صحيت علي صوت 

جمب مني بيقولي .

اصحي يا دعاء انا جيت 

فتحت عيوني بصعوبه 

ومش شايفه حاجه من الضلمه 

وحاولت اركز في الا بيتكلم قدامي وبصيت ناحيته لقيته ....

الجزء الثالث 

_______

ظهر فجأه قدامي بابا وانا باص ناحيته بحاول استوعب ان دي حقيقي والا تهيئوات جالتي والا اي 

المشكله الدنيا ضلمه كمان 

صاحب الشقه الله ينتقم منه قاطع النور بسبب الإيجار المتاخر 

بس ازاي بابا خرج من السجن بسرعه كدا ؟

وفجأه كمان بدون مقدمات النور رجع والشقه كلها ولعت .

وبقيت شايفه فعلا بابا قدامي 

ومش مستوعبه الا بيحصل دي بابا وكمان النور يجي 

في حاجه غريبه لسه انا معرفتهاش 

بصيت ناحيته 

_ بابا ؟

= ايوه يا دعاء يا حبيبتي بابا . مالك مستغربه كدا 

_ مفيش بس اصل ......

= اصل ايه بس. يعني عشان طلعت بسرعه من السجن 

_ ايوه طبعا . هما مش قبضوا عليك وماما قبل ما تموت قالت عليك ديون كتير يعني مش هتخرج دلوقتي .

= لا يا حبيبتي . انا خرجت والفضل كمان يرجع ليكي .

بصتله وتنحت وقلت في بالي ازاي يرجع الفضل ليه . 

_ انت عرفت يا بابا ان ماما مات بسبب حزنها عليك 

_ ايوه عرفت يا حبيبتي الله يرحمها . عم خليل بواب العماره جالي بعد ما ماتت زياره السجن وقالي كل حاجه. 

= طيب ممكن تقولي ازاي خروجك من السجن . انا الفضل فيه 

بص ناحيتي وضحك بابتسامه ومدلي ايده 

_ طيب تعالي نقعد في الصاله ونتكلم 

قمت معاه وقعدنا في الصاله وبص ليا وقالي ،

_ اسمعي يا حبيبتي 

انا طلعت من السجن عشان في واحد دفعلي الفلوس الا عليا كلها وكمان دفع ايجار سنه كامله لشقه عشان كدا النور وصل وانا خرجت من السجن .

في الأول استغربت ويا تري مين دي كمان الا ممكن يدفع نص مليون لاي حد وكمان ميعرفهوش الموضوع فيه سر غريب 

عملت نفسي مش فاهمه حاجه وسالته ..

_معقوله يا بابا في ناس كويسه كدا . بتدفع بدون مقابل ..

 سكت بابا شويه وبصلي 

_ شوفي يا دعاء انا مش هخبي عليكي. الا دفعلي الفلوس دي نادر بيه جوزك ..

بصتله وقمت من مكاني وانا في حالة زهول وصدمه من الا سمعته ومش فاهم يقصد ايه من كلمة جوزك دي . هو انا اجوزت ازاي وامتي وجوزي فين دي . معقوله الا بيحصل دي 

ولسه هتكلم ولقيت ....

الجزء الرابع 

كاتب الكاتب عادل الصعيدي 

بابا لسه مكملش

 كلامه معايا 

وسمعت خبط الباب 

. قام بابا يفتح الباب 

وكان بره واحد واقف في عمر الخمسين . شخص عليه الهيبه وباين عليه من الاكابر 

ولما شافه بابا قله ..

_ نادر بيه . اتفضل 

= مفيش وقت

 يا حسن جاهز والا لسه 

بصلي بابا وقال 

تعالي يا هنا دعاء . مشيت من مكاني واقرب منهم 

وانا بقرب منهم وصل عم خليل بواب العماره 

وقال : الأسانسير جاهز يا سعت البيه 

سرحت شويه وانا بكلم نفسي . هيا العماره دي ليها اسانسير انا اول مره اعرف

 مع اننا ساكنين من سنين . بس ممكن ليه لا بس يبقي لناس الا زي دي تطلع فيه بس .

قربت من بابا حسن ومسك إيدي 

_ يلا يا دعاء روحي مع نادر بيه وانا هكلمك 

بصتله وانا الدموع جوه عيني وكانه مش بابا دي ولا اعرفه 

جوايا خوف ورعب من الا بيحصل دي 

مشي قدامي نادر بيه ومعاه خليل البواب 

وبابا لحقني وقال ..

اوعي يا دعاء تزعلي البيه ليرجعوني السجن تاني . 

وحياتي عندك يا دعاء اتعاملي معاه كويس ..

حسيت باتكسار بابا هو وبيترجاني وزعلت من جوايا اووي 

وهزيت راسي . وجمدت قلبي ومشيت معاهم علي الاسانسير 

ونزلنا تحت 

وصلنا لعربية كانت واقفة بكراج العماره وفتحلي السواق الباب وركبت ومشيت العربيه 

مفيش وقت كتير 

ووقفنا قدام عماره كبيره 

وقالي انزلي يا دعاء .

نزلت وقالي تعالي ورايا . مشيت وراه 

ودخلنا العماره وطلعنا الدور الأول 

ودخلنا محل ملابس كبير وحاجات فخمه اووي اول مره أشوفها 

استقبلت نادر بيه واحده ست في الأربعين من عمرها 

وباين عليها الشياكه اووي 

بصلها نادر بيه وقلها بصوت هادي وكل هيبه ..

_ معاكي عشر دقايق تكوني جاهزه 

بصتله وقالت . تحت امرك يا فندم 

وبصت عليه وخدتني معاها جوه 

ومن غير ماحد يتكلم معايا كانوا في تلات بنات تاني 

دخلوني اوضه كأنها صالون نسائي 

ومحستش بنفسي وانا بين ايديهم غير لما لبست فستان 

سورايه من الفخم اووي 

وبصيت في المرايا لقيت نفسي واحده تانيه غير دعاء الا كنت اعرفها ..

وجات الست الا روحت معاها اول مره ومسكتني من ايدي 

ووصلت عند نادر الا كان مستني علي نار وباين من تصرفاته 

وصلنا عنده 

وقالت الست : تمام يا نادر جاهزه 

شاورلها براسه تنزل معايا تحت 

وفعلا نزلت معايا ودخلت العربيه 

وركبنا ومشيت بينا العربيه ..

بصراحه انا لحد دلوقتي مش فاهمه اي حاجه ولا مستوعبه الا انا فيه 

وكاني عايشه حلم او دخلت عالم تاني غير العالم الا كنت عايشه فيه 

المهم ..

وصلنا فيلا كبير حواليها أشجار وزينه 

وكاني دخلت في حديقه مليانه ورود وحاجات حلوه اووي 

المهم 

وصلنا بالعربيه وفتحلي السواق 

الباب ومشيت ورا نادر بيه ودخلنا الفيلا 

ومكنش فيه حد جوه 

وقف نادر ونادي بصوت جهوري 

_ فاطمه يا فاطمه 

طلعت واحده من جوه تجري ووقفت قدام نادر بيه وقالت بصوت خافت هادي 

_ تحت امرك يا بيه 

_ عملتي الا قولتلك عليه 

_ ايوه يا فندم الاوضه جاهزه وكل الا أمرت بيه جاهز 

بصلها وقال . خدي الهانم لفوق لاوضتها 

وعرفيها تتواصل معاكي ازاي 

قربت مني فاطمه وشاورتلي علي السلم ومشيت معاه 

وانا طالعه لفوق بصيت ورايا لنادر 

لقيته بيبص ناحيتي انا وطالعه السلم 

وبصلي بابتسامه وهز راسه لما شافني بببص ناحيته. 

المهم .

عرفتني فاطمه علي اوضتي وازاي لو احتاجت حاجه اتواصل معاها 

وعدي الوقت ودخل الليل وكنت منتظره نادر يجيلي الأول بحكم انه جوزي عشان ينام معايا 

فضلت منتظره كتير لكن مفيش حس ولا خبر 

راحت عيني في النوم وانا مستنيه 

رحت في نوم عميق وبعد وقت حسيت بشخص بيهز جسمي وانا نايم 

بس مش عارفه اقوم والنوم كابس عليا 

بس سمعت صوته في ودني هو وبيقول ..

انتي شرفتي ، انتي جيتي لقدرك برجليكي..

قمت مفوزعه من النوم 

ولقيت ...

تتبع...

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺💙🌹❤️🌺