رواية حافية القدمين الفصل الأول والثاني بقلم نوره عبدالرحمن حصريه وجديده على مدونة النجم المتوهج

 رواية حافية القدمين الفصل الأول والثاني بقلم نوره عبدالرحمن حصريه وجديده على مدونة النجم المتوهج 

رواية حافية القدمين الفصل الأول والثاني بقلم نوره عبدالرحمن حصريه وجديده 

كانت بتجري في ممر المستشفى حافيه .

رجليها كلها طين بتعيط وبتنادي بابها لافه حجابها بأهمال لابسه جاكيت صوف لونه اسود يوصل تحت ركبها و لابسه تحته بيجامة البيت خدودها محمره من البرد ومن خوفها وعياطها على باباها بتجري ورى ناقله المتحركه اللي باباها نايم فوقها ومش داري بحاجه ولا سامع صوتها ...

انما هو كان بيراقبها من اول ما وصلت المستشفى باباها السواق بتاعه اول ماعرف أنه تعب سبقهم على المستشفى اول مره يشوف بنته أو اول مره يعرف أن عنده بنت بالأساس فين كان مخبيها وليه .. ازاي البنت جميله بالشكل ده دي كأنها حوريه من الجنه فاق من شروده بيها على صراخها وهي عاوزه تدخل أوضت الطواريء  مع بابها وهما رافضين يدخلوها كانت بتعافر كأن روحها بتتسحب منها..

همس الراجل اللي جنبه بهدوء خليهم يدوها اي حاجه يهدوها بيها البنت شكلها منهاره وبحالة هستيريا ... 

الراجل بتاعه راح بسرعه  وكلم الممرضين وفعلا ادوها حقنه وراحت في النوم ...

مر وقت قصير بعد ما خرج الدكتور وطمنه على ابوها دخل الاوضه اللي هيا نايمه فيها.  

وقف ثواني عالباب بص ليها بتمعن واتفحصها من راسها لحد رجليها .. قرب منها ومسح كعب رجلها من الطين اللي عليه وهو بيبص ليها بتفكير واستغراب البنت كأنها قطعه تلج وقف عند رأسها ولسه هيشيل الحجاب بتاعها حس بيها هتفوق وخرج وسأبها بسرعه...

*************

بعد مرور أسبوع ...

مات ابوها وجم أهلها من الصعيد وكانت عائلتها كبيره وهي مش عارفه اي حد فيها واي حد بيتكلم بتهز رأسها بتوهان وضياع وكل حاجه بيقولوا عليها بتقول حاضر زي ماعودها باباها...

 كانوا عايزين ياخدوها معاهم وكان شكلهم يخوف كانت مرعوبه من نظراتهم وطريقه كلامهم عمها طلب منها تجهز عشان يروحوا البلد هناك عشان ماتفضلش لوحدها ومحدش يستغل صغر سنها ..

قرر عمها يجوزها ابنه الكبير اللي متجوز اتنين وحريمه الاتنين موجودين معاهم وكانو بيبصو لها بنظرات كلها توعد قلبها كان بيضرب جامد دموعها مش راضيه توقف هي لا متعلمه ولا تعرف حد ابدا طول حياتها وأبوها حابسها بالبيت مانعها تختلط مع أي حد ابدا .. خدت حاجتها باستسلام ونزلت عشان تروح معاهم وهي بتدعي ربنا أن تحصل اي معجزه تمنعهم أنهم ياخدوها 

ولسه هتطلع العربيه معاهم سمعت صوت 

***على فين

لفت وشها وشافت شاب في أواخر التلاتين ساند على عربيته ولابس نظاره شمسيه طويل وكأنه لاعب رياضي قلع النظاره لما اتكلم معاه عمه وقال: انت بتتكلم معانا 

جسور  بتريقه  : اومال بكلم نفسي شايف حد في الشارع في الوقت ده  غيرنا..

العم بانزعاج : عارف انك ود قليل الادب.

جسور ابتسم ببرود وقال  : لا دلوقتي عرفت شكرا ليك عشان عرفتني المهم قال كلمته دي وهو بيمشي ناحيتها مسك أيدها وهي اترعبت من جرأته حاولت تبعده وهي بتقول سيب أيدي انت عاوز ايه وكانت عينيها على عمها واهلها اللي اتصدموا من اللي بيحصل 

جسور وهو مانعها تتحرك :  اي ياحبيبتي هتروحي فين من غير إذن جوزك..

العم ...

البنت ..

حابين نسمي البطله ايه 😊🤍

كانت قاعده عالكنبه بتتفرج على قسيمة الجواز بذهول بعد ما حضرت معركه حقيقه بين جسور وعيله باباها لحد ما تدخل البوليس  ..

كانت سرحانه هو بجد بقى جوزها ..طب باباها متكلمش بالحكايه دي قبل كده ليه

دخل جسور البيت اللي جابها عليه بعد ما اتأكد أن عيلة بابها مشيوا و لقاها زي ماهي متحركتش من مكانها هاديه مش بتتكلم ابدا حتى مع الشغاليين اللي حاولوا يكلمهوها مبتردش عليهم ..

 كاسة الشاي اللي قدامها لسه مليانه .. عينيها على قسيمه الجواز بصمت

جسور حرك كفه قدام عينيها وهو بيقول : انتي كويسه

وقفت من مكانها بخوف وقالت: اااايوااا انننا كووويسه

جسور : اهدي واتفضل اقعدي... متخفيش مني

يسرى بتلعثم : مممششش خايفه

جسور بابتسامه: اه واضح جدا..

يسرى: هووو بجدد اااحنا متتجوزين

جسور : ممممم عاوز الحقيقه الحقيقه ..

يسرى : اااااييووا 

جسور بصراحه:  مفيش حاجه زي دي..

يسرى: ااااي يييعني انت كداب ..

جسور حرك أيده ورى رأسه وقال : هي متتقالش كده على فكره انا كنت بحاول احميكي مش اكتر

يسرى: وووو وانت مالك تحميني من اهلي بتاع اي

جسور قرب منها ومسك أيدها وهو بيقول : اهدي 

لكنها زقت أيده.بغضب وقالت : انا لازم امشي من هنا عممي هيتعصب جدا

جسور : انت مضروبه في نفوخك ده عاوز يجوزك ابنه العبيط وهو اصلا متجوز

يسرى  : وانت مالك

جسور : بصي عندك حق في كل اللي بتقوليه بس انتي وصيت ابوكي ليا وانا بحاول اردله جزء من جميله معايا طول السنين اللي فاتت

يسرى : ووصيت بآبا

جسور بجديه : ممكن تتفضلي تقعدي عشان نتكلم ولو كلامي مكنش على مزاجك انا ممكن اوديكي عند عمك 

يسرى : بتتكلم جد هتوديني هناك

جسور : اه والله بس استني عايزاك تسمعي التسجيل ده ..

قعدت يسرى وهي بتسمع صوت ابوها اتصدمت الاول لما سمعته وقالت ده بابا

جسور اسمعي للآخر..لو سمحتي..الرساله 

((يسرى يابنتي لما تسمعي التسجيل ده انا هاكون مقابل وجه الكريم بنتي حبيبتي سامحيني انا حرمتك من كل حاجه في الدنيا دي عشان كنت خايف عليكي الدنيا وحشه اوووي وانا كنت فاكر اني بحميكي باللي بعمله خرجتك من المدرسه وحبستك في البيت ومكنش ليكي صحاب حقك عليا .. انا هبعتلك التسجيل ده مع جسور بيه .. ده الراجل اللي كنت بشتغل عنده هياخد باله منك اسمعي كلامه يابنتي ومتثقيش باي حد تاني اي حد مهما كان خدي بالك من نفسك يابنتي وحاول تسامحيني ..))

قفل التسجيل وهي كانت بتعيط... بحرقه وهي بتقول: مسمحاك يابابا مسمحاك بس ليه سبتني لوحدي ليه. 

جسور: ممكن تهدي

يسرى بعياط : هو سابني وراح ليه 

جسور : يسرى اهدي انتي المفروض دلوقتي تفكري تعملي ايه انا بالوقت ده مش هعرف أخد باللي منك الا لما يبقى جوازنا بجد

يسرى بصدمه : يعني ايه

جسور : يعني أنا هكتب عليكي بجد

يسرى : بس هو

جسور : انتي وصيت  محمود وانا مش هعرف اسيبك لوحدك ولا هعرف احميكي. وانتي مش على اسمي انا لولا خطرت على بالي فكرة الجواز وعملت كم حيلة عشان عمك يصدق كنتي دلوقتي راجعه الصعيد وهناك بشكلك ده هياكلوكي..ومش هيسموا عليكي ..

يسرى: ..انت انت عاوز تقول ايه

جسور قرب منها وقال المؤذن هيوصل كمان شويه وهكتب عليكي وبعدها محدش يعرف يتكلم معاكي اي كلمه .

يسرى: مش عارفه 

جسور : مفيش وقت للتفكير انا عاوز اخد باللي منك براحتي ومش هعرف اعمل كده الا وانتي على اسمي

يسرى : ياجسور بيه.

بالوقت ده سمعو خبط عالباب وكان المؤذن ومعاه شهود استسلمت يسرى وتم كتب الكتاب.. كانت لسه لابسه الاسود على ابوها وهي بتعيط كان نفسها ابوها يسلمها لجوزها بيده بس ابوها خلاص معدش موجود

ودع جسور المؤذن والشهود ورجع دخل عليها وكانت بتعيط مسك أيدها ولسه هتشدها بتوتر منعها وقال : أنا بقيت جوزك خلاص وكمل وهو بيمسح دموعها ومش عايز اشوفك معيطه تاني .

يسرى بصت ليه بصدمه وهو قرب منها وهو بيحط يده على كتفها وبيقول انتي دلوقتي  لازم تقلعي  الاسود ده 

يسرى...

يتبع ...

لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم 

جميع الروايات كامله من هنا 👇 ❤️ 👇 

روايات كامله وحصريه

اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇 

روايات كامله وحديثه

❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙