رواية سجين الغدر الحلقه السادسه والسابعه بقلم الكاتب محمد منصور حصريه وجديده
رواية سجين الغدر الحلقه السادسه والسابعه بقلم الكاتب محمد منصور حصريه وجديده
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
فيبص عزت لجابر وهو خائف ويتركو شناوي ليسقط علي الارض ويزق جابر عوض بعيد عنه ويركبا الاثنين العربية مسرعين وينطلق بها عزت وعوض يحاول الالحاق ويمسك بباب العربية ناحية جابر فيزقة جابر بعيد عنه ولكن عوض يجري مسرعا ويقف قدام العربية وبدأ اهل البلد يتجمعوا وهنا بص جابر لعزت اللي عيونه كان فيها شر وهو بيبص ناحية عوض وقال جابر
لا يا عزت بلاش اللي بتفكر في بلاش الدم يا عزت
ولكن عزت يدوس بنزين علي الاخر واتجة ناحية عوض بمنتهي السرعة وخبط عوض بمنتهي القوة. ووقع عوض علي الارض وهو بينزف بشدة، ،،،،،،،،
ومن داخل عربية جابر يبص جابر لعزت وهو ينطلق بالعربية باقصي سرعة فيقول جابر
لية عملت كدة
عزت بعصبية
مش عايز اسمع حسك. بدل ما تغيب عليك انت كمان وافتح باب العربية وارميك منها وهي ماشية
فيسكت جابر خائفا من الشيطان اللي ظهر في ملامح عزت،،،،،،
ومن قدام بيت مطاوع عم شناوي كان يوجد اثنين من اهل البلد يحملون عوض الذي ينزف ويتجهوا به ناحية احدي المستشفيات بمنتهي السرعة،،،،،،،،
من داخل بيت مطاوع يرقد شناوي علي الركنة وحوالين منه جيهان مراتة ومجموعة من اهل البلد اللي كانو بيطئمنو علية وتهز جيهان في شناوي وهي قلقانة علية وتقول
شناوي. شناوي
ولكن شناوي كان متبنج فتذهب جيهان مسرعا ناحية اوضة النوم و بلهفة شديدة تضع أيدها في شنطة يدها وتخرج ازازة برفان وجميلة تبص لها وهي بتعيط و تقول
ماما. بابا ماله
جيهان
بابا كويس يا حبيبتي بطلي عياط انتي
وتخرج جيهان من الاوضة مسرعا ومن خلفها جميلة وتجري مسرعا ناحية شناوي الراقد علي الركنة وترش في يدها برفان وتشمم شناوي ليستعيد شناوي وعية شيئا فشيئا ويبص لجيهان وللحاضرين من اهل البلد فيحمدو ربنا انه فاق ويقول رجل من الحاضرين
الحمد لله انك فوقت
شناوي
هو في اية
نفس الرجل قال
عالم ولاد حرام كانو عايزين يخطفوك لولا عوض اللي ربنا يسترها علية ومايكنش حصل له مكروة
شناوي وهو يعتدل
مكروة اية
الرجل
اصل ولاد الحرام خبطو بعربيتهم جامد وهربو
فيقف شناوي ويقول بلهفة
وعوض فين دلوقتي،،،،،،،
ومن داخل مستشفي عام داخل قسم الاستقبال يقف حسين ومعه ثلاث رجال اخرين من اهل البلد قدام اوضة يتم الكشف فيها علي عوض وكان باين عليهم القلق الشديد وينضم لهم شناوي وهو زي المجنون من شدة القلق علي عوض ويقول لحسين
في عوض يا خال
حسين
عوض جوة بيكشف علية الدكتور
ويبص حسين الي الاوضة فيقول شناوي
طيب هو كان كويس
حسين
الخبطة كانت جامدة اوي ادعي يا شناوي
ويقف شناوي وهو قلقان بشدة ولا يمر سوي لحظات الي ان يخرج الدكتور وهو حزين فيبص له كل الحاضرين ويقول شناوي مسرعا
خير يا دكتور
الدكتور
البقاء لله. بس وهو بيموت قال خليهم يخلو بالهم من امي
ويسيبهم ويمشي وشناوي يسند دماغة علي الحيطة من شدة الحزن ويتذكر كل المشاهد اللي جمعتة بعوض ورغم انه عرفة في فترة بسيطة لكنه حبه جدا واعتبرة زي اخو الصغير ونزلت الدموع جري من عيون شناوي وكانها بتشيع جنازة عوض الحرامي الامين اللي عرفو في ظروف غريبة،
،،،من داخل شقة جابر يجلس جابر مع عزت ويقول له
تفتكر الواد اللي انت خبطة دة مات
عزت بجحود
مايموت ولا ياكلة قطر
جابر
يموت اية بس دي كدة فيها اعدام يا صاحبي
عزت
اعدام لمين
جابر
ليك انت
عزت
وانا مالي العربية بتاعتك وانت اللي كنت سايق
جابر بعصبية
لا. دة انا اروح فيك في داهية
فيقوم عزت ويمسك رقبة جابر بايدة ويخنقة بمنتهي العنف ويقول
هي حصلت يا جابر تهدد عزت الحديدي
جابر وهو يختنق ويقول بصعوبة
هاموت يا عزت ابعد ايدك عن رقبتي
ولكن عزت يضغط علي رقبة جابر بمنتهي الغل الي ان احمرت عيون جابر وبدأ الهواء لا يصل للمخ وهنا ترك عزت رقبة جابر فيكح جابر بسبب الاختناق اللي اصابة. ويقول بصعوبة
انت خلاص بقيت مسعور وخطر علي نفسك وعلي اي حد يعرفك ما كنش لي لزوم نروح البلد الشؤم دي وتفكر في انك تخطف شناوي. لكن انت خلاص حبك لجيهان خلاك تبقي مجنون ومش عارف بتعمل اية
عزت
ما كل حاجة كانت ماشية مظبوط لغاية ما ظهر ابن الكلب دة
جابر
خلص الحوار يا عزت دة كان اخر مشوار يربط بيني وبينك
عزت
بقي كدة يعني بتنهيها يا جابر
جابر
كدة احسن بدل ما تخلص يا صاحبي بان حد مننا يقتل التاني علشان يعيش هو
فيقف جابر ويتجة ناحية باب الشقة ويفتح الباب ويبص لعزت فيبتسم عزت ابتسامة صفراء ويقف ويتجة ناحية الباب ويقف قدام جابر بالظبط ويبص في عيونه وهو يقول
الايام جاية مش رايحة ومسيرك تحتاجني لانك من غير عزت الحديدي تغرق
ويخرج عزت من شقة جابر وجابر يقفل الباب وراء منه، ،،،
وبعدها بكام ساعة كان اهل البلد يشيعون جنازة عوض وسط حزن شديد وشناوي يتقدم الجنازة وكانه من اهل عوض ،،،،،،،
من داخل بيت مطاوع تجلس جيهان وبجانبها تجلس ام عوض ومعظم حريم البلد وكانت ام عوض تبكي بحرقة علي فراق عوض فيدخل عليهم شناوي ويقول
السلام عليكم
فيبصو له كل الحاضرين ويردوا السلام ولكن ام عوض تنظر لة وتقول بحرقة
فين عوض يا شناوي
فيبص لها شناوي وهو مش عارف يرد يقول اية وهي تقول
كان قدمك شؤم علي البلد وعلي ابني عوض من ساعة ما حطيت رجلك في البلد والموت بقي بيحوم باهلها
جيهان
بتقولي اية يا ام، ،،،،
فيقاطعها شناوي قائلا
جيهان سيبي ام عوض تقول اللي عايزا
ويبص شناوي ل ام عوض ويقول
واية تاني يا أم عوض
فتسكت ام عوض ولا ترد فيكمل شناوي قائلا
انا كان عندي اهون اني اتخطف واموت انا ولا ان حد يموت بسببي. وخصوصا شاب زي عوض. انا صحيح عرفت ابنك في فترة قصيرة لكنه شاب يشرفني اني عرفته
وتنزل دموع شناوي وهو يكمل قائلا
ومش هارتاح الا لما اعرف مين اللي عمل كدة ولية
أم عوض
حقك علية يا شناوي بس عوض دة هو اللي طلعت بي من الدنيا ومش مصدقة لغاية دلوقتي اني اتحرمت منه ومات كدة فطيس وحقة راح
شناوي
يا ام عوض البوليس مش ساكت والناس وصفوا الاثنين اللي خبطوا عوض وان شاء الله حق عوض راجع،،،،،،
من داخل احدي اقسام القاهرة يقف امين شرطة يدعي عوف قدام احدي العساكر ويمسك عوف في يدة ثلاث صور لجابر وعزت وشناوي ويقول عوف للعسكري
عوف
هما دول صور الثلاثة المطلوبين
العسكري
ايوة. وحضرة الظابط متوصي اوي بالثلاثة دول
فيبص عوف للصور وهو يقول
لية يعني عمله أية
العسكري
انا سمعت حضرة الظابط بيقول انهم خطفوا واحد قريب عجمي باشا مفتش المباحث
وهنا تقع عين عوف علي صورة عزت فيصدم ويبص للصورة باهتمام شديد ويقول
معقولة يكون هو
العسكري
هو مين
عوف
احكي لي كدة حكاية الثلاثة دول تاني،،،،،،،
من داخل بيت مطاوع يجلس شناوي قدام جيهان وجيهان تبص له وتقول
لسة البوليس ما وصلش لحاجة
شناوي
لا. انا هاتجنن اموت واعرف مين ممكن يكون عايز يأذيني كدة
جيهان
اللي كان عايز يخطفك دة حد عارف بالفلوس
شناوي بعصبية
ملعون ابو الفلوس اللي راح بسببها شاب زي عوض.
جيهان
طيب اهدئة
شناوي
اهدئة ازاي بس انا قلبي وجعني اوي علي عوض ومش طايق أقعد في البلد دي بعد اللي حصل
جيهان
هاينفع يعني نمشي دلوقتي في عز ما. ام عوض محتاجنا دي هاتعمل العملية كمان يومين
شناوي
يبقي خلاص نطمئن عليها ونمشي،،،،،،
وبعدها بيوم. من داخل اوضة نوم جابر واثناء ماكان جابر نائما ينهض من نومه مفزوعا علي صوت خبط علي باب شقتة فيبص في المنبة الموجود بجانب سريرة ويلاقي الساعة قد تخطت 12 ص. فيقول لنفسه
ودة مين اللي جاي في الساعة المتاخرة دي
ويستمر الخبط علي باب الشقة فيقوم جابر وينزل من فوق السرير ويخرج من اوضة النوم و يتجة الي باب الشقة ويقف خلف الباب وهو يقول
مين اللي بيخبط
صوت من الخارج
افتح بوليس
فيصدم جابر وينظر للباب وهو مفزوعا ويقول لنفسها.
يا ليله سوداه انا لازم اهرب وبسرعه
ويجري جابر مسرعا ناحية شباك المنور الموجود في الصالة ويقطع السلك الموجود علي الشباك من الخارج ويغلق الشباك خلف منه. وجابر يصعد علي المواسير وهو يسمع صوت يقول
اكسر الباب،،،،،،
ومن علي سطوح بيت جابر يقفز جابر من علي سطوح بيتة الي سطوح بيت اخر ويبص من فوق السطوح علي البوكس الخاص بالشرطة فيفزع ويقول لنفسه خائفا
شكلهم عرفو ان عربيتي هي اللي خبطت الواد بتاع البلد. الله يخرب بيتك يا عزت كان لازم تخبطوا.
ويبص مرة تانية علي البوكس وهو يقول لنفسه
طيب والعمل يا جابر خلاص كدة باظت هاتدفع المشاريب لوحدك لازم اروح لعزت واخلي يشيل معايا
ويبص مرة اخري علي البوكس فيلاقي البوكس بيتحرك ويمشي فيقول لنفسه
احسن انهم مشيوا كدة استني شوية واتحرك ،،،،،،،
ومن داخل البوكس يجلس عوف أمين الشرطة ويمسك بالموبيل الخاص به ويتصل بعزت ،،،،،،
ونرجع بالاحداث لكام يوم. في شقة عزت. وعزت يجلس يشاهد التيلفزيون يسمع صوت خبط علي الباب فيقوم ويفتح باب الشقة ليجد امامه عوف امين الشرطة فيبص له عزت ويقول وهو يسلم علية
عوف ازيك. وازي خالتي
عوف وهو يدخل الي الشقة يقول
بخير يعني انت بتسال اوي
عزت وهو بيقفل باب الشقة ويمشي مع عوف متجهين ناحية الانترية يقول
انت عارف الشغل بقي
فيقعد عوف علي احدي كراسي الانترية وهو يقول
الله يعينك
عزت
ربنا يخليك انت عامل اية
عوف
بخير والله
فيقف عزت وهو يقول
عزت
تشرب قهوة معايا
عوف بجدية
لا. اقعد علشان عايزك
فيقعد عزت ويبص لعوف اللي خرج من جيبة صورة عزت وصورة جابر وصورة شناوي ويحطهم قدام عزت فيبص عزت للصور الثلاثة وهو يقول باستغراب
اية دة
عوف
دي صور جت لنا القسم النهاردة الصبح والثلاثة دول متهمين في قضية اختطاف واحد اسمة سالم قريب عجمي مفتش مباحث قسم الجيزة
فيتذكر عزت سالم المتسول اللي خطفو هو وجابر ولاحظ عوف سرحان عزت فقال عوف
صورتك يا ابن خالتي بتعمل اية هنا انت ليك علاقة بالجريمة دي
عزت
عوف تحب تكسب 20.000 ج
عوف
قبل ما اقول اة ولا. لا. انت ليك علاقة بالموضوع دة
عزت
ماتسالش وفكر في المبلغ اللي هايكون ملكك وبس وانا عارف انك كلب فلوس وعلشان كدة جيت لغاية عندي علشان تلعب معايا
عوف ضاحكا
صح. الوحيد اللي في العيلة اللي ما بعرفش اكون شريف قدامة
عزت
يبقي خلاص اعمل اللي هاقول لك علية،،،،،
ونرجع تاني لاحداثنا. ومن داخل البوكس وعوف يضع الموبيل علي ودانه وينتظر للحظات حتي يرد عزت قائلا
ايوة يا عوف
عوف
حصل يا ابن خالتي وجابر هرب من الشقة اول ماخبط علية وقولت افتح بوليس
عزت ضاحكا
طول عمره حمار
عوف
انما انت لية عملت كدة يا عزت
عزت
علشان يجي علي حجري وساعتها اعرف اهشكة براحتي
عوف
طيب وانت هاتعمل اية في عجمي اللي قالب عليك الدنيا انت والاثنين اصحابك
عزت
هاخلي يوصل للي خطف الشحات ويبقي بالهناء والشفاء ،،
شقة عزت. وعزت يتجة ناحية الباب لكي يفتحة لان الجرس كان بيرن ويجد جابر امامه فيبص له عزت ويقول
اية اللي جابك
فيدخل جابر الي الشقة مسرعا ويغلق الباب خلف منه ويرمي نفسه علي الانترية وهو يقول
الحكومة كانت عندي
عزت ببرود
اة وبعدين
جابر
وهربت منهم وجيت لك
عزت ببرود
وجيت لي لية
جابر
علشان نفكر نخلص ازاي من المصيبة اللي حلت علينا دة
عزت
حل مشاكلك بعيد عني
جابر بعصبية
لا. انت ما تموتش الواد والبسها انا
عزت
بس الحكومة ما بدورش عليك علشان الحوار دة
جابر باستغراب
اومال الحكومة جت عندي لية
عزت
علشان المتسول اللي خطفنا طلع قريب مفتش مباحث
جابر
المتسول المعفن ده وانت عرفت ازاي ان الحكومة بدور علية علشان كدة
عزت
من عوف امين الشرطة.
جابر
عوف ابن خالتك
عزت
اة
جابر
طيب ما انت كنت معايا لية الحكومة سيياك وبدور علية انا
عزت
الحرامي اللي انت اشتريت منه العربية شهد عليك انت والمهم دلوقتي انا مفتش المباحث قالب الدنيا عليك
جابر
يعني من حظنا الاسود ان المتسول اللي نخطفة يطلع ابن ناس مهمين
عزت
حظك بقي
جابر
عزت انت لازم تتصرف انا مش عايز اخش السجن
عزت
طيب سايبني افكر هانخرج ازاي من الورطه دي
ويصمت الاثنين تماما للحظات ثم ينظر عزت لجابر ويقول
لقيتها
جابر
أيه هنعمل أيه
عزت
هانزل دلوقتي واجيب لك عقد بيع وهانكتب في انك بعت العربيه بتاعتك و بتاريخ قديم يعني من اسبوع فات تقريبا و اللي اشتري العربيه ماخلصش اوراق نقل الملكيه لي ونقل الرخصه باسمه مع شهاده الشهود كله يبقي تمام واللي اشتري العربيه منك هو اللي يلبس جريمه خطف المتسول
جابر
ومين بقي اللي اشتراها مني
عزت بنظره كلها خبث ومكر وغدر قال
الاهطل
جابربصدمة
قصدك شناوي
عزت
وهو انت تعرف اهطل غيره،،،،،،،،،
مكتب دكتور نصر ونصر يقعد قدام عزت اللي كان بيبص له وبيقول
يعني هو لسة عايش
نصر
اة.
عزت
طيب انا عايز اللي اسمة سالم دة يموت النهاردة
نصر
اشمعني
عزت
علشان هارمي جثتة في الصحراء وابلغ البوليس
نصر باستغراب
انت بتقول اية
عزت
خد من سالم الاعضاء اللي انت عايزها وسلمهولي جثة
نصر
اشمعني دة اللي عايز الحكومة توصل لجثتة
عزت
دي حاجة تخصني انا بقي.
نصر
وانا مش هاعمل اي حاجة الا لما افهم الاول
عزت
هافهمك وامري لله،،،،،،،،
من داخل الاوضة السرية الخاصة بنصر ونصر يمسك المشرط ويقف قدام سالم ويبدأ يقطع في سالم بلا اي رحمة ،،،،
وبعد ما ينتهي نصر. يخرج عزت من مستوصف نصر وهو يحمل جثة سالم ويضعها في عربية قام بتاجريها ويركب العربية وينطلق بها الي طريق مصر اسكندراية الصحراوي ويقف عزت وهو يحمل جثة سالم ويرتدي جونتي وكان الدم مغرق هدوم سالم بسبب عملية سرقة اعضائه فيرمي عزت. جثة سالم علي الارض ويبص لها وهو يقول لها
تعرف ان انت هاتكون سبب سعدي بموتك دة. عارف لية لانك هاتكون السبب في ان رقبة شناوي تتلف حوالين حبل المشنقة. عايز تعرف ازاي هاعرفك ازاي
فيقعد عزت بجانب سالم ويمسك يد سالم ويقول ويكتب بها علي الرملة ما يقوله
جابر هايخلي الحكومة تصدق ان العربية بتاعت شناوي وشناوي الاهطل هايشهد ويقول ان العربية بتاعته وطبعا انت ميت مقتول واكيد اللي خطفك هو اللي قتلك وقتلك لية علشان يسرق اعضائك.
ويبص عزت لجثة سالم ويقرب ودانة من بوق سالم وكان سالم بيتكلم ويقول عزت
اية بتقول اية وهي الحكومة هاتصدق ازاي ان شناوي الاهطل لي في سرقة الاعضاء. هاقول لك شقة مفروشة متاجرة باسم شناوي وفيها كل ادوات التشريح وعليها بصمات شناوي ودمك كمان عليها. اظن بقي كدة يبقي تمام التمام وشناوي هايموت ويسيبني اتمتع بالمدام
ويضحك عزت ضحكة كلها شر ويخرج موبيلة ويتصل بعجمي اللي وصل لرقمة عن طريق عوف واستني للحظات لغاية ما رد عجمي فقال له عزت
لو لسة بدور علي قريبك المخطوف فهو هنا في الكيلو 21 طريق مصر اسكندرية الصحراوي الحقة قبل المجنون اللي خاطفة ما يعمل في حاجة
وانهي عزت المكالمة وأخرج الشريحة وكسرها ميت حتة ورماها وهو لسة بيضحك ضحكة تدل عن أنة شخص مريض ،،،،،،
ح(7)
سجين الغدر
من تاليفي، ،
محمد منصور. ** منص **
وقبل ما نبدأ نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
طريق مصر اسكندرية الصحراوي وجثة سالم علي الارض والكلاب بدات تنبش فيها وهنا تظهر عربية عجمي المنطلقة بسرعة وتبتعد الكلاب وهي تهوهو علي العربية وينزل عجمي من العربية مسرعا ويتجة ناحية جثة سالم الملقاة علي الارض وشاف عجمي سالم فانصدم من المنظر وانفعل بشدة ونزل علي ركبتي وبدا يتحسس نبض سالم ولكن سالم قد فارق الحياة فبص عجمي لمكان الدم النازل من جسم سالم وهو مكان الكلية وفص الكبد المسروقين من سالم فتقشعر جسمه من المنظر وقال غاضبا
يا ولاد الكلب بس لو عرف مين اللي عمل فيك كدة هاكلة بسناني
ويخرج الموبيل الخاص به ويتصل برقم وينتظر للحظات ثم يقول
عايز عربية اسعاف ودكتور من الطب الشرعي وقوة من القسم تيجي لي علي العنوان دة حالا،،،،،،،
اوضة نوم. ورشدي يجلس مع زينب وبنتها. وكانت زينب ترتدي جلباب اسود وباين عليها الحزن الشديد فيقول لها رشدي
واخرتها اية يعني هاتفضلي راقدة علي السرير كدة. ومنعه الاكل حرام عليكي نفسك بنتك عايزاكي
زينب
اكل ازاي بس وانا ماعرفش حاجة عن سالم. ومستني خبر وحش عنه
رشدي
يا زينب تفائلي خير
زينب
نفسي والله اللي جاي يبقي خير بس قلبي بيقولي لا.
رشدي
كل اللي يجيبة ربنا خير بس ان،،،،،
فيرن الموبيل بتاع رشدي فيخرجة رشدي من جيبة ويلاقي المتصل هو عجمي فيرد مسرعا
أيه يا عجمي لقيت سالم
صوت عجمي بحزن
لقيت سالم بس ،،،،
ويسكت عجمي فيقول رشدي
بس أيه قول يا عجمي
عجمي
اخوك لاقيت جثته ومسروق منها اعضاء
رشدي مصدوما
انت بتقول أيه
فتبص له زينب بقلق شديد
انا اسف يا رشدي بس انا وصلت لي متاخر
رشدي بعصبية
يعني اية متاخر.
عجمي
رشدي تمالك نفسك
رشدي بحدة
طيب وعرفته مين اللي عمل كده
عجمي
قربنا نوصل له
رشدي
عجمي انا عايز حق اخويا
فتلطم زينب علي وشها لانها فهمت فيبص لها رشدي ويحاول ان يهديها وعجمي بيقول
حق اخوك في رقبتي واللي عمل كده هيشوف ايام سوده
رشدي
عجمي انا عايز اشوف سالم
عجمي
سالم دلوقتي في المشرحة و،،،،،،
رشدي مقاطعه له
بالله عليك عايز اشوف سالم
عجمي
تعالي علي مكتبي وانا هاوديك لي
وينهي رشدي المكالمة ويرمي الموبيل ويبص لزينب اللي بصت له وقالت وهي بتصرخ
سالم مات. صح. مات
وتبكي بنت سالم علي صريخ امها وياخذ رشدي بنت سالم في حضنه وهو حزين جدا علي اللي حصل لاخوة،،،،،،،
من داخل المشرحة. ورشدي يقف قدام جثة اخوة سالم ويرفع عن وشه الملايا المغطي بيها ويبكي بشدة عندما يري اخوة ميت ويقول لعجمي بغل
هو الغدر يوصل بقلوب الناس للسواد دة. مش كفاية انهم قتلو كمان باعو من لحمة
عجمي
والله حق اخوك جاي ولو دي اخر حاجة هاعملها
رشدي
ازاي في ناس كدة يجي لها قلب تقطع في لحم انسان ميت ولية
عجمي
علشان الفلوس. الاعضاء اللي بتتسرق وتتباع بقي يدفع فيها مبالغ بالالفات
رشدي
كانو خدو اللي عايزنو مني وسابو يعيش
فيغطي عجمي وش سالم بالملاية وهو يقول
خلاص وقت الكلام فات ادعي له بالرحمة
رشدي
الرحمة فعلا محتاجها اللي عملو كدة في اخويا
عجمي
رشدي انت ناوي علي اية
رشدي
ناوي اجيب حق اخويا
عجمي
سيب القانون يجيب لك حقك
رشدي
حق اخويا هايكون دم اللي غدروا بي قصاد دمه
عجمي
رشدي بلاش تعمل حاجة ما قدرش بعديها اساعدك
رشدي
ملهوش لزمة الكلام. عايز ادفن اخويا
فيبص له عجمي ورشدي يبص له وهو ساكت ولكن الدموع كانت محبوسة في عيونة،،،،،،
بيت مطاوع. ومن داخل البيت يجلس شناوي وامامه يجلس جابر ويقول له بتوسل
شناوي اخويا انا واقع في ورطه ومحتاج فلوس ضروري
شناوي بطيبه قلبة
شوف انت محتاح كام وانا اجيب لك المبلغ اللي انت عايزه
جابر
لا. ياشناوي انا مش عايز فلوس سلف انا عايزك تشتري مني العربيه عشان افك بفلوسها زنقتي
شناوي
حرام تبيع عربيتك دي عربيه كويسه قولي انت محتاج كام وانا هاديك الفلوس اللي انت عاوزها ده احنا اخوات يا جابر
جابر
معلش يا شناوي انا ما بحبش استلف هاتشتري مني العربيه ولا أشوف حد تاني ابيع له
شناوي
لا خلاص هاشتريها طالما انت مصمم وربنا يفك زنقتك
فيخرج جابر من جيبة عقد بيع عليه تاريخ مضي عليه اسبوع وبطيبه قلب شناوي يمضي علي عقد البيع ويقف شناوي فيقول له جابر
رايح فين يا شناوي
شناوي
هاجيب لك المبلغ اللي مكتوب في العقد
جابر
ربنا يخليك. صحيح يا شناوي لو اي حد سألك العربيه انت اشترتها امتي قول لهم من اسبوع عشان رخصه العربيه والضرايب اللي عليها وبكره نسجل العربيه باسمك في الشهر العقاري
شناوي
ان شاء الله.
جابر
اوعي يا شناوي تقول حاجة غير كدة والا انا هاروح في داهية. لان الرخصة منتهية
شناوي
ماتقلقش يا جابر
ويبص جابر بشر علي شناوي اللي كان رايح ناحية الاوضة اللي فيها الخزنة،،،،،،
اوضة مطاوع. وشناوي يقف قدام الخزنة ويسحب منها فلوس فتقف بجانبة جيهان وتبص له وهي تقول بصوت خافت
انت بتعمل اية
شناوي
دة جابر صاحبي مزنوق في قرشين فاشتريت منه العربية بتاعته
جيهان
انا مش عارفة انت بتعمل لية كدة مع جابر وعزت
شناوي
مالهم بس جابر وعزت
جيهان
مش برتاح لهم. وبحس ديما بالقلق لما بيكونو معاك وقلبي بيتقبض
شناوي وهو بيحط الفلوس فوق بعضيها يبص لها ويقول
بكرة الايام تثبت لك انك ظلماهم
جيهان
يخوفي من بكرة
شناوي مبتسما
بكرة دة بتاع ربنا. واللي عند ربنا ما ينفعش نخاف منه،،،،،
بيت مطاوع. وشناوي يخرج من اوضة النوم ومعه الفلوس ويتجة بها ناحية جابر ويضعها امام جابر اللي يمسك الفلوس فرحا ويقول جابر وهو يقف ويضع مفتاح
العربية قدام شناوي وهو يقول
مفتاح العربية اهو والعربية برة قدام باب البيت تحب تقوم تتفرج عليها
شناوي
يا عم هو انا اول مرة اشوفها
جابر
حبيبي يا شناوي. عايز مني حاجة
شناوي
مش هاتتغدي معايا
جابر وهو يتجة ناحية باب البيت بمنتهي السرعة وبيضحك
لا. يادوبك الحق مشواري
ويخرج جابر من البيت وتخرج جيهان من الاوضة وتبص لشناوي وتقول
دة شكل واحد عنده ظروف. جابر دة كداب
شناوي
وهيكذب علية لية بس
جيهان
مش عارفة بس انا خايفة
شناوي
سيبيها علي الله
جيهان
طيب انت بصيت علي العربية
شناوي
هاقوم ابص عليها بعد ما نتغدي
جيهان
لا. نبص عليها دلوقتي ليكون فيها مصيبة
شناوي
مصيبة اية بس
جيهان
قوم يا شناوي وريحني
شناوي
حاضر يا سيتي
ويقف شناوي ويتجة هو وجيهان ناحية باب البيت،،،،،،
امام بيت مطاوع. وجيهان تخرج هي وشناوي من البيت ويتجهوا هم الاثنين الي عربية جابر وتبص جيهان علي العربية بتركيز شديد فيقول لها شناوي
جيهان هو في اية
جيهان
بشوف العربية اللي انت اشترتها ودفعت فيها فلوس لتكون بايظة ولا حاجة ماهو جابر دة مش هايبيع العربية الا لو فيها اينا
شناوي
اينا اية بس. هو محتاج فلوس وعلشان كدة بيبيع العربية
جيهان
طيب افتح العربية ابص عليها من جوة،،،،،،
من داخل عربية ماجرها عزت . وعزت يجلس علي كرسي السواق وجابر يجلس بجانبة ويقول له
ممكن اعرف بقي لية خلتني احط المشرط اللي قطع بي دكتور نصر جثة الشحات
عزت
علشان تتصل بالاهطل وتقول له انك نسيتة في العربية وتخلي يجيبوا ليك
جابر باستغراب
لية
عزت وهو يضرب كف بكف
هاتعيش غبي وتموت حمار
جابر
فهمني طيب ياللي انت مش حمار
عزت
علشان بصماتة تبقي علي المشرط ويلبس
جابر
دة كدة هاياخد فيها اعدام
عزت
زعلان علية تحب تفدي رقبتة برقبتك
جابر وهو يمسك رقبتة
لا. انا مش عايز اموت
عزت
يبقي تسكت. وساعة بالظبط. تتصل بي وتقول له انك نسيت المشرط بتاع قريبك وتخلي يقابلك بي عند اول البلد واوعي ايدك تلمس المشرط. بعد منه
ويمد عزت ايدة وياخذ الفلوس اللي في ايد جابر وهو يقول
هات دول
جابر
دي فلوسي
عزت
مافيش حاجة اسمها فلوسي. دي فلوس الناس اللي بتساعدنا واللي لازم نسكتهم بالفلوس والا هانتشيع،،،،،،،
من داخل عربية جابر وجيهان تحط ايدها علي التبلو وتفتحة ويظهر المشرط وهو ملطخ بالدم ولكن شناوي يقفل التابلو قبل ما تبص جيهان في ويقول بزهق
هاتفضلي تفتشي في كل حتة في العربية زي الحكومة. انا زهقت
جيهان
زعلان اني خايفة عليك
شناوي
خايفة بس من اية. يالا يا جيهان نخش بيتنا وكفاية وسوسة بقي
فتخرج جيهان جسمها من العربية وهي تقول
يالا يا شناوي بس ابقي افتكر صاحبك جابر والتاني اللي اسمه عزت ما بيجيش من ورائهم خير. وبيع العربية دة وراء اينا
فيغلق شناوي باب العربية. ويتجة هو وجيهان الي البيت وهو يقول
تاني. ربنا يهديكي. دة انا هاثبت لك النهاردة ان العربية مافيهاش حاجة وهانخرج نتفسح بيها النهاردة
جيهان
انت بتعرف تسوق
شناوي
لا. بس ممكن نزق فيها لغاية ما تخلص الفسحة
فتضحك جيهان وشناوي يقول لها وهما يدخلا البيت
تعرفي ان وحشتني ضحكتك
جيهان
طيب يا سيدي. انا هاكلك وهاروح لام عوض علشان نبقي متفقين
ويقفلا باب البيت وراء منهم،،،،،
احدي الشوارع. وجابر يقف امام عزت ويبص له ويمد يدة بالمشرط وهو جوة كيس بلاستيك صغير ويقول
المشرط
عزت
الله عليك
ويمسك عزت الكيس البلاستيك ويقول
كدة بقي نحط المشرط في شقة شناوي
جابر
وطيب عوف خلص اوراق العربية باسم شناوي
عزت
بكرة بالكتير هاتكون خلصانة. لا. كمان عوف عرف كل حاجة عن عجمي مفتش المباحث قريب المتسول اللي طلع اسمه سالم. وكمان رشدي اخو سالم
جابر
وهو بيعرف دة كله ازاي
عزت
من العسكري اللي واقف علي مكتب عجمي ما هم طلعو اصحاب
جابر
طيب كدة بقي فاضل اية
عزت
نعلق حتة جبنة في المصيدة واول ما الفار الاهطل يخش تنقفل المصيدة ويبقي الله يرحمة و مات الاهطل بايد الحكومة وبعيد عننا،،،،،،،
مكتب عجمي. وكان عجمي قاعد مع رشدي ويقول له
هديت ممكن بقي نتكلم مع بعض بعقل
رشدي
عقل اية بس انا واحد اخو مات مقتول وكمان قطعوا من لحمه وتقول لي عقل انا لو شوفت اللي عمل كدة في اخويا هاكله بسناني
عجمي
وتفرق اية عن اي مجرم بياخد حقة بذراعة وناسي ان في قانون بيحكم
رشدي
القانون علي راسي بس النار القايدة في قلبي مخلياني هاموت واخد حق اخويا.
عجمي
حق اخوك جاي باذن الله.
رشدي
لولا ابن الكلب اللي شاف الاثنين اللي خطفوا سالم هرب مني كان ممكن نلحق اخويا سالم. او حتي كان هو عمل اي حاجة علشان يلحق اخويا من ايديهم ما هو شايفهم وهما بيحطو في العربية
عجمي
استغفر ربنا لان كل اللي حصل دة مقدر ومكتوب واخوك مات في الميعاد المقدر لي
وفي هذة اللحظة. ومن قدام مكتب عجمي يقف العسكري علي الباب ويسمع كل ما يقال ،،،،،،،،
شقة عزت. وعوف يجلس قدام عزت ويمد يدة له باوراق ورخصة سواقة عليها صورة شناوي وقال
كل اوراق العربية باسم شناوي. والرخصة كمان في ايدك اهه وكلها بتاريخ قديم. من اسبوع تقريبا زي ما انت قولت
عزت وهو بيقلب في الاوراق يقول
الله ينور عليك. الاوراق دي تتحط في شقة شناوي علشان لما يقع يبقي وقع من كله اوراق مزورة ورخصة مزورة وكمان قتل وبيع اعضاء
عوف
انت باين عليك بتكرة صاحبك دة اوي
عزت بشر
اوي اوي. المهم سيبك. مانفسكش في مكافاة من الحكومة
عوف
نفسي طبعا
عزت
اتصل بعجمي وعرفو انك عرفت مكان العربية
عوف
وبعدين
عزت
وبعدين هايبقي باي باي شناوي
في هذة اللحظة يرن موبيل عوف فيخرج عوف الموبيل من جيبة ويرد قائلا
الو.
ويسكت للحظات ثم يقول
طيب ماشي سلام
وينهي عوف المكالمة ويبص لعزت فيقول عزت بقلق
في اية
عوف
في حد شاف الاثنين اللي خطفو سالم من تحت الكوبري
فيصدم عزت فيقول له عوف
هاتعمل اية دلوقتي. هابلغ عجمي برضو بمكان العربية
عزت وهو يفكر
هاتبلغ عجمي بس مش النهاردة ،،،،،،،،
مستشفي عام. وشناوي ومعه جيهان يقفوا قدام اوضة عمليات ويخرج دكتور من العمليات ويبص له شناوي ويقول له
خير ان شاء الله
الدكتور
خير والحمد لله العملية تمت ونجحت
جيهان فرحا
الحمد لله.
وتخرج ممرضة تزق ام عوض علي ترولي وهي لاتزال في غيبوبة وشناوي يبص لها وهو يقول
ش
كدة انا عملت اللي علية يا عوض بالنسبة لمرض امك فاضل بقي اجيب لك حقك من اللي حرمك من الدنيا
جيهان
ودة بس هاتعرفه ازاي
شناوي
انا واثق في عدل ربنا ومهما عدي الوقت حق عوض جاي وهاوصل لهم ،،،،،،،
شقة عزت. وعزت يجلس مع جابر وجابر يقول
يا دي النيلة السوداء. ودة مين بقي اللي شافنا واحنا بنخطف اللي اسمه سالم دة
عزت
اكيد حد بينام تحت الكوبري معه
جابر
يبقي كل اللي بنعملة دلوقتي ملهوش لزمة قصاد شهادة اللي شافنا دة
عزت
بالعكس العسكري قال لعوف ان الواد دة هرب من رشدي اخو سالم
جابر بفرحة
طيب كويس انه هرب يبقي كدة مافيش مشكلة
عزت
مش كويس طبعا احنا من مصلحتنا اننا نعرف مين هو اللي شافنا ونضمه لينا ونخلي يشهد علي شناوي ويقول ان دة واحد من الاثنين اللي خطفو سالم وبكدة يبقي ضربنا عصفورين بحجر واحد.
جابر
ازاي بقي
عزت
اول عصفور ان اللي شافنا بقي معانا يعني بقينا في الامان. وتاني عصفور شاهدة الراجل دة هاتثبت الجريمة علي شناوي بنسبة 100%100
جابر
ودة بس هانعرفو ازاي
عزت
نروح تحت الكوبري ونرمي قرشين وصاحبنا دة هايبان،،،،،
تحت الكوبري. وعزت وجابر يقفا مع نعمة بائعة الورد ويقول عزت وهو يمد ايدة بورقة ب 100. ج وهو يقول
اية رايك بقي في الورقة دي
نعمة وهي بتبص ل 100 ج
ماتجيب يا باشا كمان 100 وانا اقل لك علي مكانه
فيخرج عزت كمان 100 ج. ويمد ايدة بيها لنعمة وهو يقول
ادي كمان 100 ج. اسمة اية وهو فين
فتخطف نعمة الفلوس من ايد عزت وتحطها في صدرها وهي تقول
اسمة ياسر وهتلاقي يا باشا نايم دلوقتي في الدور الارضي في عمارة الحاج احمد اللي في شارع الزهور اللي هي علي الطوب الاحمر . بس انا ماعرفتكش حاجة ولا شوفتكم
جابر
ولا احنا شوفناكي يا قمر
فتضحك نعمة لجابر ضحكة اغراء وتقول
طيب والنعمة انت اللي قمر
عزت بحدة لجابر
طيب يالا يا قمر. ، ،،،
شقة علي الطوب الاحمر. ووسط هذة الشقة يجلس ياسر وهو ياكل فول وطعمية فيدخلا علية الشقة جابر وعزت فيقف ياسر مفزوعا ويبص لهم وهو يقول
انتم مين
عزت
انت ياسر
ياسر
انا يا،،،،
وهنا يتذكر ياسر وش عزت وجابر وهما بيخطفو جابر وبيحطوا جوة العربية فقال
هو انتم
ويجري ياسر ناحية الشباك ويفتحة لكي يقفز منه ولكن عزت يهجم علية وهو يقول لجابر
امسكه معايا يا جابر
ويتمكن عزت من رجل ياسر بعد ما نص جسمة كان في الشارع وجابر يساعدة في امساك ياسر وياسر يحاول الخلاص منهم وهم يدخلو باقي جسمة الي الشقة وياسر يقول خائفا
انا ماقولتش للبوليس حاجة واللي هيسالني انا ماعرفش حاجة وعمري ما هاشهد عليكم بس سيبوني اعيش
فيلف عزت جسم ياسر ليجعل ياسر قدام منه ويبص في عيونة وهو يقول
لكن احنا عايزينك تشهد
فيبص له ياسر باستغراب شديد فيخرج عزت من جيبة 1000 ج. وهو يقول
وكمان الباكوة دة بتاعك
فيبص ياسر للفلوس ويقول
هو في اية بالظبط،،،،،،،،
بيت مطاوع. وامام باب البيت يقف بوكس وعربية ملاكي يركبها عجمي ومعه الامين عوف وينزل عجمي من العربية ومن خلفة العساكر ويبص عجمي للعربية بتاعت جابر اللي كانت واقفة قدام البيت وعوف بيقول
هي يا عجمي باشا العربية المبلغ عنها
عجمي
دة ليلة اهلة سوداء
ويتجة عجمي الي باب البيت ويخبط علي الباب بمنتهي العنف ،،،،،،
القصة موجودة كاملة علي مدونة حكايات منص ومي. ابحث عن عن طريق جوجل. مدونة مليانه قصص باذن الله تعجبكم
بيت مطاوع. وشناوي يخرج من الاوضة وهو مفزوع ويجري علي صوت الخبط اللي علي الباب ويفتح الباب ليجد عجمي والقوة اللي معه واقفين قدامة ويبص له عجمي بغضب شديد وهو يقول
انت صاحب العربية اللي واقفة برة
شناوي بتهتهة بسبب التوتر
ان. انا. خ خير
فيمسكة عجمي من لاياقة الجلباب وهو يقول بحدة
انت لسة هاتهتهة. يالا يا روح امك قدامي
شناوي خائفا
ان انا. ع عملت أي اية
فتخرج جيهان من اوضتها ومعها بنتها وجيهان مفزوعة وتقول
في اية جوزي عمل اية
عجمي
يعني ما تعرفيش يا روح امك
ويزق عجمي شناوي قدام منه بمنتهي العنف وهو يقول
يالا يا روح اهلك
فيقاوم شناوي وهو عايز يفهم ولكن عجمي يضربة بالقلم علي قفاة وهو يقول للعساكر
خدوا الحيوان دة علي البوكس
فتعيط جيهان وجميلة لا تختلف عنها وهما بيبصوا علي شناوي وهو بيتجرجر علي البوكس ويتجمع اهالي البلد والكل بيكلم عجمي ولكن عجمي كان في قمة غضبة ويركب شناوي البوكس وهو بيبص علي جيهان وجميلة وبيعيط والبوكس ينطلق به وعوف بيبص لشناوي بتاثر شديد ،،،،،،،
احدي الشوراع . وفي هذا الشارع كان يوجد البيت الساكن في عوف واول ما ظهر عوف في الشارع بصيت له بنته اللي كانت بتلعب علي كرسي في البالكونة وقالت
بنت عوف
بابا. جه بابا. جه
فبص لها عوف وقال لها
بطلي تنطيط في البالكونة
وهنا تخيل عوف بنتة وهي بقيت بنت شناوي وبتبص لابوها وبتعيط. وبتنادي علي شناوي. ولكنة ابعد نظرة عن بنتة ودخل عوف الي البيت وحط رجلة علي اول سلمة وسمع صوت هبد وجسم بيخبط بالارض فانصدم وبص وراء منه مسرعا ،،،،،،،
نهاية الحلقة السابعة
لاتلهكم القراءه عن الصلاه وذكر الله والصلاة والسلام على رسول الله صلى الله عليه وسلم
جميع الروايات كامله من هنا 👇 ❤️ 👇
اعلموا متابعه لصفحتي عليها الروايات الجديده كامله بدون روابط ولينكات من هنا 👇 ❤️ 👇
❤️🌺💙🌹❤️🌺💙🌹❤️🌺💙🌹❤️🌺🌹❤️🌺🌹🌹❤️🌺💙
0 تعليقات